هاشم نوريت

Quote: السلام عليكم يا دكتور كيف حالك وتحياتنا للأخ هاشم نوريت

Quote: حسب التزامك العقائدى هل تر ان الانتخابات هى الطريقة الصحيحة لإختيار اولياء الأمر؟؟

(عدل بواسطة لطفي علي لطفي on 04-20-2010, 11:38 PM)

Quote: ود محجوب ياخ خلى روحك رياضية وانسى حكاية الانتخابات دى اوع تبقى ليك حكاية الجعلى قالوا فى جعلى فى عرس قال الا يجلد وقالوا اول صوط نزل فيه بدون مايشعر ظرط والناس كلها سمعت وقام حرد شندى وسافر الخرطوم وغاب عن البلد عشرين سنة جاء راجع قايل الناس نسوا الموضوع واول ما نزل من القطر لاقاه واحد اطرش وقال ليه طبعا بلغة الاشارة "انت من ظرتتك ديك تانى ماشوفناك" الجعلى قال انت يالاطرش كمان سمعت بيها وقام الجعلى حرد وخلى البلد عشان كدا انا دايرك تنسى حكاية الانتخابات دى لانى زاتى ماداير اذكرها لانو انتو كنتو املنا وقلنا ياريت الجماعة ديل يفوزو لكنم خذلتونا وبسبب خسارتكم انا مدبرس وبحاول انسى الانتخابات وعمايلها بالمناسة داير استشيرك فى حاجة عندى صحبى جزائرى عندو ابوه شيخ ورجل سليل نسب صالح وجاه تلفون انو والدو خلاص فى الايام الاخيرة وانا اقترحت ليهو ليه مانعمل ليه قبة ناصية وشباك صغير لتقبل الصدقات وكدا ونعمل بيه بزنس لانو كمان البزنس زى دا مافيهو ضرائب وكدا ولكن المشكلة ياخسارة الاتنين ماعندنا خبره وقلنا نستفيد من الناس السبقتنا فى البزنس دا وتصور لحدى حسى ماعارفين نسال مين ولا نمش لمين حاجة غريبة الواحد لما يلقى البزنس مايلقى الارشادات فمثلا هو يقول لى هو لما يبقى شيخ وكدا لازم اى واحد يدخل ليه يجى وهو يحبو وبعدين يقبل يدو احا المشكلة حسى ماقادرين نحدد من ياتو مسافة المريد يبرك ويحبو وانا طبعا مرة شوفت مريدين للمراغنة قدس سرهم كانو بيحبو لكن الغلبنى معرفتو مسافة الحبو دى ماقدرت اعرفها وانت زول خليفة ياريت تساعدنا عشان نقدر نبداء البزنس بتاعنا دا والمساعدة المطلوبة منك تورينا اى هى المسافة الشرعية للحبو وكذلك تقبيل اليد الشرعى وفقا للشريعة عشان مانقعد نبداء بزنسنا غلط بالله تانى حكاية الانتخابات دى خلينا منها وخلينى فى البزنس المضمون دا وخاصة انو مافيه ضرائب دى مية المية احا نسيت اكلمك شوفت المتحدث باسم الخارجية المصرية قال شنو قال انهم حا يقبلوا خيار الشعب السودان وان الانتخابات حسب ماجائتم من تقارير تعبر عن ارادة الشعب السودانى وهم حا يتقبلوا نتائجها وحا يتعاملوا مع الفائز ومش كدا برضو قالوا حا يعملوا لالحاق الرافضين ليها وبل حا يساعدوا فى تشكيل الحكومة الجديدة عليك الله ديل ناس ديل الواحد يحرد ويمشى ليهم انا كنت حردان وقلت امش مصر غايتو بعد السمعتو ما بمشى ليهم (عدل بواسطة هاشم نوريت on 21-04-

Quote: والله ما فهمت حاجة