سكان الحاج يوسف لايأبهون بالإنتخابات السودانية ويقاطعونها على طريقتهم

Quote: سكان الحاج يوسف لايأبهون بالإنتخابات السودانية ويقاطعونها على طريقتهم الجمعة, 16 أبريل 2010 18:09 أسماء الحسينى-الخرطوم "نريد لقمة العيش , نريد التعليم، نريد الرعاية الصحية ....وليحكم البلاد من يشاء فالامر لايعنينا" هو ذاك لسان حال عشرات السودانيين الذين التقتهم "الأهرام" في حي الحاج يوسف شرقي العاصمة الخرطوم. الحي الذي يمتاز بكثافة سكانية عالية من مواطنيين سودانيين نزح اغلبهم هربا من ويلات الحروب الاهلية في الجنوب ودارفور ليقطنوا بيوت الطين والصفيح واتفقوا جميعا على مايبدو دون تنظيم على عدم اكتراثهم بالعملية الانتخابية التى بدأت في بلادهم منذ يوم أمس الاول. وعلى الرغم من تمتعهم بعضهم بوعي سياسي عال و امام صعوبة وتعقيد الانتخابات و دعوات المقاطعة التي قلما تصلهم اصداؤها ،يعبر بعضهم عن رفضه للمشاركة ،إنشغالا منهم بالجرى وراء لقمة العيش ورفضا للواقع الذي يعيشونه ، دون ان يسمحوا لاي جهة سياسية بتجيير موقفهم لصالحها. ينحدر مستوى المعيشة في الحي الصاخب بالحركة والسكان والذي يعتبر نموذجا للعيش المشترك بين السودانيين على اختلاف اعراقهم واديانهم ويبعد الحي كيلومترات قليلة من وسط العاصمة السودانية ويقع فوق ارض صحراوية مغبرة وسط الركام وبقايا حركات النزوح الكثيفة خلال الحروب الاهلية بين الشمال والجنوب وفي دارفور . قرار المقاطعة الذي اتخذ بشكل فردي من ابناء الحي لا يرتبط بقرارت الاحزاب السياسية وانما هو احجام ذاتي عن المشاركة في الانتخابات التعددية الاولى منذ نحو ربع قرن في السودان. ورغم عدم فهمهم لحيثيات الاقتراع، يوجه سكان هذا الحي الفقير رسالة واضحة بانهم سيكونون مع من يؤمن لهم العمل والتعليم والرعاية الصحية غير آبهين بالخصومات السياسية. الجنوبي جوزيف الذي قاتل في صفوف الجيش السوداني سابقا وبقي في الخرطوم بعد تسريحه يقول "لا اعرف شيئا عن السياسة وابحث عن لقمة العيش ولا يعنيني من سينجح في الجنوب او الشمال". اما يونس حسبو العامل في ورشة فيقول انه لن يذهب للتصويت لان الوقت الذي سيقضيه هناك عبثي مضيفا "أكل العيش أهم من الانتخابات" معتبرا أن الانتخابات "لا تمثل سوا مظهرا للتحول من العسكرية الى الديموقراطية". ويخالف حسين هجو مواطنّيه السابقين في الراي حيث يقول ان استمرار النهج الذي عمل عليه الرئيس عمر البشير امر مهم وفيه مصلحة للجميع فقد انهى الرئيس حسب رايه كافة الحروب الاهلية وعمل على تطوير البلاد مؤكدا انه سيشارك وكافة افراد اسرته بالانتخابات. آدم بابيكا النازح من دارفور يقول "الحالة صعبة ولدينا أطفال نبحث عن لقمة عيشهم لذلك فانني غير مهتم بالانتخابات ولم اقم بالتسجيل فيها اصلا". اما كريس القادم من بحر الغزال جنوب السودان فقد كان أكثر حدة في رفض المشاركة وهو يعلن عدم اهتمامه بما ستؤول اليه نتائج الانتخابات لانها لن تغير في واقع السودان شيئ بحسب قوله. ويوافقه الرأي صديقه الدارفوري الرشيد الذي قال ان اعداد كبيرة لم تقم بالتسجيل للانتخابات لان الناس تعلم انها لن تقدم او تؤخر في اوضاعهم وانه لا يوجد فرصة للتغيير. ويختلف مع هذا الراي عبدالله ابراهيم الذي يقول ان المشاركة في الانتخابات فرصة للتغيير والتجديد وعلى معارضي الرئيس السعي لتغييره من خلال صناديق الاقتراع لا بالمقاطعة او بالبنادق. ويرى علي ابراهيم النازح من دارفور انه مهمش بفعل فقره وانه لا يوجد فرصة لنجاح أحد قادر على تغيير الواقع وتحسين أوضاع الناس الاقتصادية لذلك فانه قرر عدم قضاء وقت عبثي امام صناديق الاقتراع كما يقول .

Quote: الحي الذي يمتاز بكثافة سكانية عالية من مواطنيين سودانيين نزح اغلبهم هربا من ويلات الحروب الاهلية في الجنوب ودارفور ليقطنوا بيوت الطين والصفيح واتفقوا جميعا على مايبدو دون تنظيم على عدم اكتراثهم بالعملية الانتخابية التى بدأت في بلادهم منذ يوم أمس الاول. وعلى الرغم من تمتعهم بعضهم بوعي سياسي عال و امام صعوبة وتعقيد الانتخابات و دعوات المقاطعة التي قلما تصلهم اصداؤها ،يعبر بعضهم عن رفضه للمشاركة ،إنشغالا منهم بالجرى وراء لقمة العيش ورفضا للواقع الذي يعيشونه ، دون ان يسمحوا لاي جهة سياسية بتجيير موقفهم لصالحها. ينحدر مستوى المعيشة في الحي الصاخب بالحركة والسكان والذي يعتبر نموذجا للعيش المشترك بين السودانيين على اختلاف اعراقهم واديانهم ويبعد الحي كيلومترات قليلة من وسط العاصمة السودانية ويقع فوق ارض صحراوية مغبرة وسط الركام وبقايا حركات النزوح الكثيفة خلال الحروب الاهلية بين الشمال والجنوب وفي دارفور .

Quote: قلعة ود دهاشة ومعقل البطاحين بقلم: أمير الشعرانى ونحن نهم بالتوثيق للشيخ الحاج يوسف ونبحث عن حكاية رجل ومدينة، امتطينا إحدى مركبات الحاج يوسف المتهورة ونزلنا في الحاج يوسف القبة، والوصول إلى القبة التي حتماً يرقد تحتها شيخ جليل، يتطلب المرور بين قبور متناثرة، إلا أن ثمة طريق عبدته أقدام طالبي البركة وزوار الشيخ يقودك إلى هناك.. هناك قبتين متجاورتين في ودٍ وحبور، الأبواب موصدة بإقفال علاها الصداء، القباب ليس فيهما شاهد أو علامة، إذن تشابهت علينا القباب .. فشيخ مثل الحاج يوسف من المستحيل أن تكون قبته مجهولة الهوية والعنوان. (1) خرجنا من المقابر كما دخلنا، وقبل أن نغادر خاليي الوفاض رأيت رجلاً عجوزاً اتخذ من سور المقابر القصير مرقداً يقيه من هجير الشمس، وليته يفعل.. سألت الرجل عن قبة الشيخ الحاج يوسف، وحين نطقت اسم الشيخ الحاج يوسف، عدل الرجل من رقدته احتراماً وتأدباً، ثم أطلق ابتسامة فاترة من بين شفتيه الراجفتين: ـ يا ولدى في زول ما بعرف الحاج يوسف..! قالها بتعجب ودهشة واستغراب، وبدأ يرسم لنا خارطة المسيد: تنزل فى حلة كوكو ـ وكوكو رجل آخر في حكاية قادمة ـ تركب مواصلات المايقوما (الماسورة) تنزل فى محطة (13)، هناك يا ولدى مافى زول بغبى عليهو المسيد .. (2) المسيد تتوسطه تقابة القران ومسجد عتيق أعاد الخليفة احمد تأهيله بما يتطلب مقتنيات العبادة والتلاوة والمديح، وحين ولجنا داخل المسيد كان سدنة المسجد يستعدون لأداء صلاة العصر، يرتفع صوت الخليفة ويهبط صوت الحيران تأدباً واحتراما: ـ يا فقير جيب الأباريق وأنت هات البروش.. هكذا دأب المشايخ مع الحيران، أمر بحميمية وطاعة في أدب، امتدت البروش فى سرعة ودقة ونظام، انتظمنا في صلاة كان إمامها الخليفة أحمد خليفة الحاج يوسف، وما أن فرغنا من الصلاة بدا سيل الحكايات ينهمر علينا .. (3) ولد الحاج يوسف في عهد الملك بادي أبو شلوخ في عصر السلطنة الزرقاء، وهو يوسف بن محمد بن علي بن دهاشة، وعن حياته يقول خليفته احمد) : درس القرآن في ود الفادني على يد الشيخ علي الفادني. ودرس التجويد على يد الشريف محمد الامين الهندي والد الشريف يوسف في قرية (نوارة) بالرهد. ثم انتقل الى الشيخ ودعيسى في كترانج بالشرق، وبعدها هاجر الى مصر ودرس العلوم الدينية ومنها ذهب إلى الأراضي المقدسة وأدى فريضة الحج. ومكث هناك اثني عشر عاماً كان يدّرس فيها القرآن الكريم في المدينة المنورة بعدها عاد إلى السودان وأسس مسجده ومسيده وأوقد نار القرآن في هذه المنطقة لينهض العمران وتنشأ هذه المنطقة التي سميت باسمه الحاج يوسف. (4) خليفة الحاج يوسف احمد علي، أكد أن المنطقة كانت محاطة بأراضي زراعية وكانت تزرع بالري المطري قبل ان يزحف عليها المعمار . وكانت الحاج يوسف تعتبر معقلاً للبطاحين في تلك الفترة وهي تمتد شرقاً حتى عد بابكر وغرباً حتى حلة كوكو، وجنوباً حتى منطقة الجريف وشمالاً حتى منطقة الحلفايا. وقد كانت تشمل نظارة الشيخ طلحة وعمدتها احمد علي ابوحريرة، عمدة البطاحين وكانت له ثلاث محاكم في الحاح يوسف وحطاب والخرطوم بحري. (5) بطش الاتراك وسطوتهم لم تنحصر في العاصمة المثلثة بل امتدت شرقاً حتى ديار ود دهاشة التي كانت مقبرة احد المتغطرسين.. حكى عن خيرالله احمد الهادي، تلميذ الحاج يوسف انهم كانوا يجلسون بعد صلاة الصبح حول تقابة القرآن، فحضر اليهم احد الاتراك يمتطي فرساً ووقف به امام الشيخ الحاج يوسف يسأل عن جمل لهم وهو ينفث من دخان كدوسه فيهم بعنجيهية، فقال الشيخ الحاج يوسف مردداً ثلاث مرات وهو يشير عليه باصبعه: ياقهار، ياقهار، ياقهار.. فالتهمته نار القرآن وغاص في الارض ولم يظهر له اثر بعد ذلك، أو كما قال.. الحاج يوسف توفى قبل المهدية بـ (12) عاماً إلا ان ابنه وخليفته (علي الحاج يوسف) كان احد قادة المهدي وقد ارتحل الى دنقلا العرضي في حملة الأمير عبد الرحمن النجومي وعندما انهزمت قوات النجومي في توشكي تم أسر (الخليفة على الحاج يوسف) وأخذوه الى مصر وقد عمل مجبراً بـ (بابور الباشا المنشاوي) حتى مرّ عليهم الزبير باشا فقام بتحويله إلى جامع الأزهر ليدرس العلوم الدينية حتى عاد الى السودان ليؤسس مسيده في الحاج يوسف. (6) بعد وفاة الشيخ الحاج يوسف، أقام له ابناءه ومريدوه قبة من القش ثم بنيت بعد ذلك بالطين حتى أعاد بناؤها (الخليفة السني) بصورتها الحالية في العام 1971م ومن غرائب هذه القبة انها كانت نقطة استهداف لمجموعة متطرفة قامت بوضع انبوبتي غاز بالقبة في محاولة لنسفها في العام 2003م إلا ان النار كانت برداً وسلاماً على الحاج يوسف، وقال لي امام مسجد الحاج يوسف ان ضابط الشرطة الذي جاء ليتحقق من الامر قال لهم ان كمية الجازولين والغاز هذه تكفي لنسف مدينة كاملة. (7) خرجنا من ضريح (أبونا الشيخ السني) متجهين صوب الحاج يوسف الأصل، ومن خلفنا حَوار يرفع رايته الخضراء، وعينه على القبة التي تشمخ وسط القبور الصغيرة في إخلاص وأدب, ولم لا؟ فنحن في مسجد الحاج يوسف ود دهاشة نعم، في ود دهاشة كي نزيل عنكم دهشة ان الحاج يوسف الذي تعرفونه ضاحية ممتدة في شرق النيل، من صنع رجل.. تزحفُ نحو قبره القُبور بلا خُطة او نظام فقيرُ بلا شاهدٌ او عَلامة كقبرٌ عليهِ رُخامٌ وسُور بعد ان زرنا الحاج يوسف، الحي والقبة والأحفاد، كانت الشمس تلملم أشعتها استعداداً للرحيل، فطلبنا من الحيران أن ينشدوا شيئاً قبل أن نودعهم فأنشدوا مدحة الحاج يوسف ودهاشة: "ناديت لى ود دهاشه رجال الليل تتغاشا سر الله حاشا حاشا ابدا بيهو ما اتفاشا"

Quote: الذي يمتاز بكثافة سكانية عالية من مواطنيين سودانيين نزح اغلبهم هربا من ويلات الحروب الاهلية في الجنوب ودارفور ليقطنوا بيوت الطين والصفيح واتفقوا جميعا على مايبدو دون تنظيم على عدم اكتراثهم بالعملية الانتخابية التى بدأت في بلادهم منذ يوم أمس الاول. وعلى الرغم من تمتعهم بعضهم بوعي سياسي

Quote: الحاج يوسف الجغرافيا والتاريخ والسكان ومعلومات اخرى ... فوزى عبداللطيف By Mar 5, 2008, 20:03 الحاج يوسف الجغرافيا والتاريخ والسكان ومعلومات اخرى ... الجغرافيا : تتبع الحاج يوسف لمحافظة شرق النيل والتى تتبع لمجلس مدينة بحرى والى الشرق من مدينة حلة كوكو والتى تعتبر عاصمة لمحافظة شرق النيل والتى تتبع لها امدوم والجريفات وصولا للعسيلات والعيلفون فانك اذا تخطيت حلة كوكو بامتداد شارع الاسفلت شرقا اول ما يقابلك تقاطع الجريف الى يمينك ثم تتخطاه فتجد مبنى المحافظة الى يمينك ثم قسم مرور المحافظة ثم محطة الصقعى ومن هنا تكون فى بداية ذلك العالم الجميل . التاريخ : اغلب الظن ان مدينة الحاج يوسف تكونت نواتها فى بداية الستينات , والنواة هى حلة الحاج يوسف القديمة ( المنطقة حول قبة الشيخ يوسف القديمة ) التى تقع بالضبط شمال شرق حلة كوكو والى الغرب من المحطة ماقبل الاخيرة لشارع واحد ( سياتى ذكره ) . الاحياء الرئيسية : والترتيب على حسب القرب من حلة كوكو : 1 : المايقوما ( الترعة ) هذا الحى يقع الى الشرق مباشرة من حلة كوكو فالوصول اليه يتطلب عدم المرور بتقاطع الجريفات وانما الى الشرق مباشرة تاركا كلية الانتاج الحيوانى التابعة لجامعة السودان على يسارك . 2 : دار السلام المغاربة من بداية محطة الصقعي وحتى محطة اليافطة ( الحى الواقع الى اليمين اذا كنت قادما من بحرى مع التذكير اننا سنتبع هذا الترتيب ) . 3 : المايقوما وهو الحى الذى الى اليسار من بداية محطة الصقعى وحتى بداية شارع واحد وبامتداده شمالا . 4 :الفيحاء وهو حى درجة اولى يقع فى المنطقة الواقعة بين دار السلام المغاربة وحتى قشلاق الشرطة الى اليمين من شارع الاسفلت الرئيسى . 5: الامتداد جنوب الحى الذى يبدأ من بداية شارع واحد وحتى الصهريج القديم بامتداد شارع الاسفلت الرئيسى شرقا وحتى شارع التقاطع الواصل بين شارع واحد والردمية وشارع الصهريج القديم شمالا . ويحتوى على المربعات من 1 الى 10 . 6 : الامتداد شمال وهو الحى الواقع من بداية شارع التقاطع حتى بداية الشقلة فى اقصى الشمال ويحتوى على المربعات من 11 وحتى 20 . 7 : الحاج يوسف القديمة ( منها انطلق الاسم ) والذى يبدأ من بداية شارع التقاطع فى منتصف شارع واحد والى الغرب من شارع واحد فى منتصفه ويتفرع منه حلة المحس . 8 : الشقلة ( شمال وجنوب ) من نهاية الامتداد شمال وشمالا حتى محاذاة ترعة مشروع السليت الزراعى . 9 : قشلاق الشرطة والذى يبدا من نهاية حى الفيحاء شرقا وحتى الصهريج القديم . 10 : امتداد الوحدة الوطنية يقع شرق الصهريج القديم وشرق حى الامتداد جنوب ويحتوى على 6 مربعات . 11: كرتون كسلا ( حاليا حى البركة ) ويقع جنوب شرق امتداد الوحدة الوطنية واقصى شرق الصهريج القديم وبالمناسبة الصهريج القديم يقع داخل سور ومكاتب الهيئة القومية للمياه وفى الركن الجنوبى الشرقى لحى الامتداد جنوب . 12: دار السلام ( التكامل سابقا ) يعتبر اخر الاحياء شرقا من ناحية امتداد الوحدة وشرق مجمع منظمة الدعوة الاسلامية . 13 : المربعات الجديدة تقع فى المنطقة الواقعة جنوب الفيحاء وبامتدلدها شرقا وحتى محاذاة نهاية قشلاق الشرطة وتحتوى على المربعات من 21 وحتى 30 . ملاحظات مهمة : 1 : شارع الاسفلت الرئيسى هو الشارع الممتد من حلة كوكو وحتى بداية شارع امتداد الوحدة الوطنية وهو الشارع المسمى رسمبا بشارع كسلا والذى يتفرع منه شارع المايقوما الترعة عند بوابة كلية الانتاج الحيوانى بجامعة السودان . 2: الاحياء التى تحتوى على مربعات هى الاحياء المخططة والموزعة حسب الخطة الاسكانية وان كان تم تخطيط وتنظيم الاحياء الاخرى فيما بعد . 3 : الامتداد جنوب وشمال تم توزيعها فى خطة اسكانية واحدة مع احياء الثورات واركويت وامتداد الدرجة الثالثة والكلاكلات لذا فهى نسخة مكررة للاحياء المذكورة تخطيطا . 4: هناك تسمية متعارف عليها بين اهل الامتداد وان كان عفا عليها الزمن وهى ان الامتداد جنوب كان يسمى بالاسر الكبيرة وذلك لانه حين التوزيع منحت الاسر التى عدد افرادها اكثر من 5 افراد فى المربعات من 1 الى 10 والاسر التى اقل فى المربعات من 11 الى 20 لذا اطلق على الحى الاسر الصغيرة . 5 : المربعات 4 و7 14 و17 الواقعة فى حى الامتداد شماله وجنوبه مربعات فارغة من المبانى السكنبة اذ تركت لتكون متنفس للحى ومبادبن لكرة القدم الا انه الان زحفت عليها المبانى بشكل كبير بعد ان باعتها الوزارة للاغراض التجارية ( والبركة ايضا للانقاذيين ) . الشوارع الرئيسية : 1: شارع كسلا ( الشارع الرئيسى ) من نهاية حلة كوكو شرقا حتى بداية شارع امتداد الوحدة ويخدم كامل المنطقة . 2 : شارع واحد ( اصل التسمية من خط المواصلات القديم اذ كان بدايته اول محطة فى الحاج يوسف حتى اخر السبعينات ) وهو الشارع الذى يفصل بين احياء الامتداد شمال وجنوب والمايقوما والحاج يوسف القديمة . 3 : شارع المايقوما الترعة من كلية الانتاج الحيوانى المتقدم ذكرها وشرقا ( بتعرجات نظرا لتخطيط المنطقة حديثا) ويخدم حى المايقوما الترعة . 4: شارع الردمية ويقسم الامتداد شمال وجنوب الى نصفين ( الى اليمين المربعات 2 ومن 6 الى 10 و12 ومن 16 الى 20 والى اليسار المربعات 1 ومن 5 الى 9 و 11 ومن 15 الى 19 ) ويمتد شمالا حتى تهاية الامتداد شمال وبداية الشقلة ) ويخدم الامتداد شمال وجنوب والشقلة . 5 : شارع امتداد الوحدة الوطنية ويخدم الوحدة وكرتون كسلا ودار السلام . الشوارع الفرعية : 1 : شارع 2 يعتبر بداية خط المواصلات القديم ويتفرع من شارع كسلا بعد شارع واحد ويقسم مربع 9 الى نصفين . 2 : شارع 13 ويعتبر نهاية خط المواصلات القديم اذ كانت 13 اخر محطة وبنفس الطريفة يتفرع من شارع كسلا ويقسم مربع 10 الى نصفين ونهايته مستشفى البان جديد . 3: شارع الكلس : يتفرع من شارع كسلا من عند محطة الجامع داخل حى المايقوما وهو من الشوارع القديمة المشهورة وسر التسمية لاحد ساكنيه . المحطات الرئيسية : نكتفى بذكر التى على الشارع الرئيسى ( شارع كسلا ) من بعد حلة كوكو والتى تعتبر محطة رئيسية بالطبع : 1: محطة الصقعى اول محطة من بعد قسم مرور منطقة شرق النيل . 2 : محطة القبة المحاذية لمقابر القبة التى تعتبر اول مقابر في المنطقة وقد امتلات حاليا وتم منع الدفن فيها واستعيض عنها بالمقابر التى حول قبة الشيخ يوسف القديمة بحى الحاج يوسف القديمة والتى امتلات هى الاخرى فتحول الناس الى مقابر الشقلة فى اقصى الشمال ( والبركة فى الانقاذيين ) . 3 : اليافطة والتى تعتبر نهاية حى دار السلام المغاربة . 4: الجامع : المحطة التى تقابل شارع الكلس بحى المايقوما . 5 : شارع واحد ( تقدم ذكره) 6 : شارع 2 ( تقدم ذكره ) 7 : شارع الردمية والتسمية بالتاكيد لانه ظلت به ردميات ترابية فترة طويلة قبل ان يتم رصفه . 8: شارع 13 ( تقدم ذكره ) 9: الصهريج ( القديم ) وهى محطة رئيسية تربط بين احياء الامتداد جنوب وقشلاق الشرطة والوحدة وكانت نهاية شارع كسلا قبل ان يتم امداده الى بداية شارع امتداد الوحدة . 10 : شارع الوحدة وبدايته اخر محطات شارع كسلا وبداية محطات شارع الوحدة . السكان : ذكرنا ان اقدم احياء الحاج يوسف هو حى الحاج يوسف القديمة والذى كان اغلب سكانه من العرب البطاحين واتباع الشيخ يوسف ( من شيوخ الطريقة السمانية والتى كان مركزها قرية ام مرحى والقرى المجاورة لها فى وسط الجزيرة وهاجر بعضهم فى الخمسينات كما هى عادتهم فى نشر الاسلام حتى هاجر اخرهم وهو الخليفة يوسف ود عثمان الى حلة ام ضوابان حيث اسس فيها الخلاوى المعروفة ) الا ان كل اولئك باعو اراضيهم وهاجروا فتغيرت تركيبة السكان لتشمل مختلف القبائل الا ان الاغلبية بقيت للشماليين حتى تاسست احياء الوحدة وكرتون كسلا وكرتون ام بارونة الذى اندمج فيه فى منتصف السبعينات ودار السلاام الذى تاسس حديثا لتبقى الاغلبية هناك لابناء غرب السودان وجنوبه والتى مازالت الى اليوم . ويبقى حى الشقلة بتركيبة متقاربة من مختلف انحاء السودان وفى الغالب تجد السكان من الذين كانوا يسكنون مدينة بحرى القديمة بمختلف احيائها ومن العاملين فى مصالح النقل المبكانبكى والوابورات اؤ اسلحة المهمات والنقل والمظلات والاشارة والتى تحتل مناطق متميزة فى مدينة بحرى ولا ننسى المنطقة الصناعية فى كوبر فهى كذلك تحظى بنصيب وافر من ابناء الحاج يوسف . والملاحظ ان اهل شرق السودان قليلون الى حد كبير مقارنة باقاليم السودان الاخرى ولن يجانبنا الصواب اذا قلنا ان الحاج يوسف تعتبر سودان مصغر فلا يخطر ببالك اى قبيلة الا وتجد جزء من ابنائها فيها . الاسواق الرئيسية : اذا تناسينا اسواق الخضار فهى كثيرة اضافة لانتشار كثير من المحلات المنفردة يتبقى لنا سوقان : سوق الثلاثاء : يقع غرب مبنى المحافظة عند تقاطع الجريف وتستطيع ان تجد فيه الى جانب الخضار والفواكه الملابس والكماليات والمستلزمات المنزلية وهو سوق ليوم واحد فى الاسسبوع . سوق الوحدة : سيد الاسواق يقع علي مساحة كبيرة فى المبدان الفاصل بين مربعى 6 و 3 بامتداد الوحدة وفى الاصل كان يسمى سوق 6 وكان فى الميدان الفاصل بين مربعى 6 و 5 بامتداد الوحدة حتى نقل الى المكان المذكور بمساحة ارحب وبتنظيم احسن اذ تم بناء دكاكين فاصبح شبيها بسوق سعد قشرة فى بحرى غير ان مساحة سوق ارحب اضافة الى تواجد كل ما يخطر على البال فى سوق الوحدة . يؤم السوق كل ابناء الحاج يوسف بمختلف احيائها وتتنوع وسائل المواصلات من الحافلات الى الركشات الى عربات الكارو اذ هناك خط اصبح معروفا بين الشقلة والسوق تعمل فيه الحافلات القديمة والوصول للسوق لا يحتاج الى كبير عناء حتى اذا كنت فى حلة كوكو . حدود السوق من الشرق شارع الوحدة الرئيسى ( شارع المواصلات الذى ذكر سابقا ) ومن الغرب محاذاة اخر مربع 6 الوحدة ( اول مربع الى اليمين من امتداد شارع الصهريج القديم شمالا ) ومن الجنوب مربعات 6 و5 الوحدة ومن الشمال نهايته عند مربع 3 الوحدة واقرب الاحياء الى السوق الامتداد جنوب وشمال وحي البركة والسوق مقسم باختلاف المهن كالتالى : 1: الجزء الشرقى : شرق شارع الاسفلت اكشاك الثلج والى الخلف منها وجوارها اكشاك لبيع البطيخ والشمام تحديدا وبعض المطاعم المنفردة بادارة نساء . وغرب شارع الاسغلت ( الوحدة ) اول ما يقابلك طبليات بيع السجاير والتى يسيطر عليها الاخوة الجنوبيون ثم طبليات الساعاتية ثم زنك اللحوم والخضار واول زنك يقابلك الخاص ببيع ( العفشة ) يقابله تجار الخضار وبعدهما اللحوم ثم في نهاية سوق الخضار باعة فراخ الحمام والدجاج ومنتجات الدواجن ثم يقابلك سور الجامع الكبير والذى يحتل دكاكينه تجار الجملة والذين يحتلون كامل الجزء الجنوبى الشرقى المحاذى للجامع . 2: قلب السوق مشغول بالبوتيكات ومحال الملابس الجاهزة والعطور ومستحضرات التجميل وكذلك محلات الكلف ومحلات بيع الادوات الكهربائية . 3 : الجزء الشمالى تشغله محال اصلاح الدراجات الهوائية والطواحين ومحلات بيع الحبوب ومحلات مواد البناء تقابلها محلات بيع البصل ومحلات اصلاح الاوانى المنزلية و المعاول و( تسنين ) السكاكين ومعدات الجزارة وهذه كلها على رواكيب ثم تجد خلفها المخابز وبعض الطواحين . 4 : الجزء الغربى يحتله ورش الحدادة وبعض محلات بيع الاثاث المنزلى والنجارين ثم تجد خلفها محلات التنجبد وبعدهم الترزية بمختلف انواعهم وفى ميدان صغير بجوارهم سوق صغير للخضار والفواكه ومحلات بيع السمك بانواعه وكذلك مستلزمات الاطعمة الخاصة باهل غرب السودان ( مثل الكول ) ومحلات بيع الملابس المستعملة والى اقصى الغرب ميكانيكية السيارات وباعة اسبيرات السبارات المستعملة والحديد الخردة . 5 : الجزء الجنوبى اغلبه ورش للحدادة والنجارة وهذا الجزء اقل الاجزاء حركة لبعده نسبيا عن حركة المواصلات والجدير بالذكر ان الجزء الغربى من السوق وكامل الميدان الذى يواجهه حتى مشارف مربع 8 بالامتداد يشغل يوم الجمعة بمختلف انواع البضائع سواء المصنعة فى السوق او خارجه من اسيبرات السيارات المستعملة الى الملابس المستعملة الى الاثاث المنزلى والادوات الكهربائية . وهذا قليل من كثير عن الحاج يوسف بخصوص المعالم الرئيسية والنشاط البشرى والاقتصادى ويتبقى لنا معلومات عن النشاط الرياضى والثقافى والاجتماعى والتعليمى والصحى وان امكن خريطة للجاج يوسف وحدودها وسيكون ذلك موضوعنا القادم ان ثبت اننا افدنا فى ماكتبناه . فوزى عبداللطيف المدينة المنورة للتواصل : [email protected]

Quote: سكان الحاج يوسف لايأبهون بالإنتخابات السودانية ويقاطعونها على طريقتهم

Quote: النجيضة: لو عـاوز تناقش جيب وتعال! عاوز ترمشي وتمش .. يفتح الله!

والله يا عمك دا عمل ليكم فرش متاع عجيب خلاص ..
الناس دي تمشي تجيب في الكلام وتلصقو .. يقولو ليك نحن معارضة ..
حسع انا كنت عايز ابيع البيت بتاعي الفي العمارات شارع (41) واجي اسكن في الحاجوسف .. لكن طلعت الحاجوسف كلها ركام وغبار وصفايح وكتاحه ..
عليك الله استفدت شنو حسع يا محمد الصايم أنا من صحبتك .. ؟

ملحوظة:
قالو حافر ليك (خنـــدق) وعامل فوقو دكـان اسكراتشات وقدر ظروفك .. والعايز ينزل ليك تحت إلا يجيب ليهو حبل ويحفر خندق موازي لي خندقك دا ..

Quote: نريد لقمة العيش , نريد التعليم، نريد الرعاية الصحية ....وليحكم البلاد من يشاء فالامر لايعنينا" هو ذاك لسان حال عشرات السودانيين الذين التقتهم "الأهرام" في حي الحاج يوسف شرقي العاصمة الخرطوم. الحي الذي يمتاز بكثافة سكانية عالية من مواطنيين سودانيين نزح اغلبهم هربا من ويلات الحروب الاهلية في الجنوب ودارفور ليقطنوا بيوت الطين والصفيح واتفقوا جميعا على مايبدو دون تنظيم على عدم اكتراثهم بالعملية الانتخابية التى بدأت في بلادهم منذ يوم أمس الاول. وعلى الرغم من تمتعهم بعضهم بوعي سياسي عال و امام صعوبة وتعقيد الانتخابات و دعوات المقاطعة التي قلما تصلهم اصداؤها ،يعبر بعضهم عن رفضه للمشاركة ،إنشغالا منهم بالجرى وراء لقمة العيش ورفضا للواقع الذي يعيشونه ، دون ان يسمحوا لاي جهة سياسية بتجيير موقفهم لصالحها.

Quote: لست في معرض الدفاع عن المقال لكن الواضح أن التقرير يعكس حقيقة الحال في الحاج يوسف كنموذج للسودان كله.

Quote: والله يا عمكـ .. نحن ذاتنا ما في معرض الدفاع عن المقال لكن في معرض (معرض دا مش الدكان) البحث عن الكلام الكاتباهو عن الحاج يوسف والركام والحاجات دي .. أديتو الواحد إحساس إنو عايش في تورا بورا عديل!

Quote: ربنا يصلح الحال يا ود الصايم ناس الانقاذ أفقروا أهلنا وسلبوهم حقوقهم ، والمشكلة في حقارة انو زول مزور يعيش ويتنفس كذب، حرامي سارق البلد عينك يا تاجر وبعد دة داير يتكلم باسم المواطن اللي هو دمره وافقره.

Quote: هل التعليم والرعاية الصحية اصبحت مجانا في الحاج يوسف؟

Quote: لا .. وبرضو في العمارات والمنشية! يعني الحاج يوسف دي في هونق كونق ولا شنو؟

Quote: لو قريت كلامي فوق قلت ليك الحاج يوسف كنموذج للسودان.

Quote: تمام .. يعني السودان دا كلو ركام وبقايا حروب أهلية؟

Quote: هل التركيبة السكانية في الحي تختلف عن ما وصفته الاستاذة الحسيني أعلاه؟

Quote: ارجو ايجاز رأيك في مقال الاستاذة الحسيني لنتحاور حولها والاستاذة نفسها حسب علمي عضو بالمنبر فربما تستطيع المشاركة ايضا من واقع مشاهداتها.

Quote: ينحدر مستوى المعيشة في الحي الصاخب بالحركة والسكان والذي يعتبر نموذجا للعيش المشترك بين السودانيين على اختلاف اعراقهم واديانهم ويبعد الحي كيلومترات قليلة من وسط العاصمة السودانية ويقع فوق ارض صحراوية مغبرة وسط الركام وبقايا حركات النزوح الكثيفة خلال الحروب الاهلية بين الشمال والجنوب وفي دارفور .

Quote: الزولة دي أكيد خشّت الحاج يوسف من كرتون بارونا!

Quote: بالمناسبة .. إنت ماخد الموضوع سياسي وأنا ماخد الموضوع كمواطن من الحاج يوسف!

..
كدي يا جماعة شوفو لينا موضوع (الخندق) دا الزول دا مرطب وعندو بهايم في ضهر بيتم ..

معناته يا عمك (النفق) بتاع عفـراء دا عادي جدا كان (زحفته) بيوصلني دكانك دا .. وأنا جاي من أركويت
اها كان صبت مطرةةة كييييف ..؟

Quote: كدي يا جماعة شوفو لينا موضوع (الخندق) دا الزول دا مرطب وعندو بهايم في ضهر بيتم ..

خندق شنو يا عمكـ في الركام دا ياخ!

Quote: أكيد مواطنين سودانيين .. لكن دا كمان ما بديها الحق تعمم الصــورة على كامل الحاج يوســـف! بعدين الحاج يوسف دي أسسها منو؟ ___ بالمناسبة .. إنت ماخد الموضوع سياسي وأنا ماخد الموضوع كمواطن من الحاج يوسف!

Quote: بالعكس موقفك انت الفيه ريحة سياسة قوية!.

أبدا والله يا عمكـ
وبعدين لو عندي موقف سياسي ح أدسو منكـ ولا من أي زول ليه يعني؟
أي زول عندو الحق يشوف الموقف السياسي الماشي معاهو .. ولا كيف؟



يا عمكـ .. أنا ما سخرت من أي حي من أحياء الحاج يوسف .. كلها
على قلبنا زي الزبيب عديل .. عارف يا عمكـ! لكن سخرت من تصوير
الحي بأكمله بصورة الحي البائس والنفايات والكلام الفوق دا!




يا جماعة .. فاهميني؟

Quote: أبدا والله يا عمكـ وبعدين لو عندي موقف سياسي ح أدسو منكـ ولا من أي زول ليه يعني؟ أي زول عندو الحق يشوف الموقف السياسي الماشي معاهو .. ولا كيف؟ يا عمكـ .. أنا ما سخرت من أي حي من أحياء الحاج يوسف .. كلها على قلبنا زي الزبيب عديل .. عارف يا عمكـ! لكن سخرت من تصوير الحي بأكمله بصورة الحي البائس والنفايات والكلام الفوق دا! يا جماعة .. فاهميني؟

Quote: يا ود الصائم وكت نقول الاسسها منو (زي كلامك فوق الاسس الحاج يوسف منو) معني كدة ان السم الانقاذي دخل عروقنا، الفتنة مشت بينا. وطنا بدا يتمزق.

:
لو اشتريت ليكـ عربية فيها لستكـ
مبنشر .. حتقول العربية دي كلها سكراب وما نافعة؟

Quote: الحمد لله .. أسماء الحسيني ظهّرتكـ لينا!

يارجل ما تجيب لينا الهوء : اخوك متخصص فى الشان المصرى

--------------

يا رجل نكتب نقول شنوا بس
عاجل : القبض على سيدة تلبس توب رمز الشجرة : القبص على رجل شايل صندوق القبض على ست شاى :: يازول الاسلامين ديل مزورين من يوم الله ما خلق الدنياء

لكن يا ود الصائم الحاج يوسف ما وقعت الواطه رسمى الله يخرب بيك يا عباس

Quote: اخوك متخصص فى الشان المصرى

Quote: أسماء الحسيني مشت حتة وأخدت عنها فكرة غلط .. نصحح الكلام ولا نقعد نقول فتنة ونسيّس الموضوع؟

Quote: تقول زرت الحاج يوسف وقابلت بعض الناس.

Quote: الغلط شنو وكت الاستاذة الحسيني تقول زرت الحاج يوسف وقابلت بعض الناس.

Quote: مافى اى غلط فى الاساس الموضع غلط ان تدخل اسماء الحسينى اصلا الحاج يوسف يا سيد دة كلام صحفى مافى اعتراض ابدا موضوع مكتوب عن السودان مافى مشكلة الحكومة تابع لى المصرين مافى مشكلة , المشكلة انوا اسماء الحسين بتجى السودان بتوجيه محدد لعمل شغل محدد يعنى الامكانيات المتوفر الى اسماء الحسين امكانية وفرة من قبل الى اميرة الطحاوى وغيرهم من المصرين الموجودين حالين فى درافور لكن الهدف فى اعتقادى كشخص حافظ المصرين صم لم تاتى اسماء الحسين للسودان لحبها فى السودان , اسماء وغيرها مثل احمد محسن او النقيب احمد محسن الضابط فى الامن المصرى و الكان شغال فى مفوضية شئون اللاجئين فى مصر والمتهم رقم 1 فى مجزرة مصطفى محمود الذى قتل فية عمد عدد من ابناء درافور نفسها موجود حاليا فى درافور ويعمل فى منظمة من اجل انسان درافور رجل قذر لعب دور غذر للغاية فى مفوضية شئون اللاجئين فى مصر من ابتزاز الى تزوير الى ترحيل الى قتل ؟؟ هل تعتقد ان احمد محسن دة ماشى درافور من اجل شعب درافور ؟؟ وموجود حاليا فى درافور بعمل شنوا -- فى مصر الف صحفى غير اسماء الحسينى موظف غير احمد محسن يمكن ان يقدموا للشعب السودانى الكثير صحفين شجعان وبقلوا الحق فى وش اى زول المهم

Quote: لكن التقرير الذي كتبته الاستاذة اسماء الحسيني مكتوب عن مناسبة معينة ولا ضير ان نقرأه بعقل مفتوح ونتناقش حوله فهو يتحدث عن انشغال المواطن بهمومه التي تطغي على التفكير في الانتخابات وغيرها وهذه حقيقة في تقديري ولا تستوجب بالضرورة ان نبحث في من كتبها او مع اية جهة يقف.

Quote: بس .. أمسكـ يا عمكـ! ليه أسماء ما تقول زرت بعض أحياء الحاج يوسف وقابلت الناس فيها!

Quote: أسماء الحسيني قالت الحي بقايا حركات الحرب!

Quote: لو اشتريت ليكـ عربية فيها لستكـ مبنشر .. حتقول العربية دي كلها سكراب وما نافعة؟

النفق بتاع عفراء مول ..
حسع لو يعني صبت مطـرة بي جاي في شارع عبيد ختم .. الكلام دا يوم الجمعة الصباح زي الساعة حداشر كدا ..
يعني عادي جدا الواحد المطرة دي بتلحقو الفطور في الحاجوسف .. حسب حركة الريح وخاصية الضغط الاسموزي وانعدام التضاريس وخطوط الكنتور ؟؟..

طبعا كان دخلت ليك الفاصل المداري بتتورط ياعمك .. لانو احتمال كبير بالطريقة دي افطـر في شندي يعني امسك ليك ووين .. في حلة كوكو؟ مساكات ما عندكم قاعدين ساااي في الصقيعة

(عدل بواسطة tmbis on 04-18-2010, 12:54 PM)

Quote: طبعا كان دخلت ليك الفاصل المداري بتتورط ياعمك .. لانو احتمال كبير بالطريقة دي افطـر في شندي يعني امسك ليك ووين .. في حلة كوكو؟ مساكات ما عندكم قاعدين ساااي في الصقيعة

Quote: قصة أصل الحاج يوسف دي ما مقصود بيها التفرقة يا حبيب القصة تأصيل وتثبيت لنشأة الحي ما أكثر ولا أقل! أسماء الحسيني قالت الحي بقايا حركات الحرب! الكلام دا صاح؟ جاوب ولا قولّي رافض!

Quote: عد الحي كيلومترات قليلة من وسط العاصمة السودانية ويقع فوق ارض صحراوية مغبرة وسط الركام وبقايا حركات النزوح الكثيفة خلال الحروب الاهلية بين الشمال والجنوب وفي دارفور .

Quote: الحي الذي يمتاز بكثافة سكانية عالية من مواطنيين سودانيين نزح اغلبهم هربا من ويلات الحروب الاهلية في الجنوب ودارفور ليقطنوا بيوت الطين والصفيح واتفقوا جميعا على مايبدو دون تنظيم على عدم اكتراثهم بالعملية الانتخابية التى بدأت في بلادهم منذ يوم أمس الاول Quote: Quote: مستوى المعيشة في الحي الصاخب بالحركة والسكان والذي يعتبر نموذجا للعيش المشترك بين السودانيين على اختلاف اعراقهم واديانهم ويبعد الحي كيلومترات قليلة من وسط العاصمة السودانية ويقع فوق ارض صحراوية مغبرة وسط الركام وبقايا حركات النزوح الكثيفة خلال الحروب الاهلية بين الشمال والجنوب وفي دارفور . كل موضوعك يا ود الصايم أنك تريد الفرز بين حاج يوسف اصلية وحاج يوسف عشوائية. وهذا ما سبق لنا القول أنه من افرازات السم الذي مضت الانقاذ تفرزه في عروقنا. ولك أطنان المودة.