|
خالص التهاني لمعز هاشم و غادة عبد العزيز على قدوم مولودهما عمار
|
رزق الأخ عضو البورد معز هاشم و زوجته (برضو عضوة البورد) الأخت غادة عبد العزيز خالد بمولود أسمياه عمارا لينضم إلى أخويه هاشم و شهاب. خالص التهاني لمعز و غادة و نسأل الله أن يجعله من الصالحين و أن يكون قرة عين لوالديه و أن ينشأ و إخوانه في ظل رعايتهما و حنانهما. بورك في الموهوب و شكرتم الواهب و بلغ أشده و رزقتم بره.
|
|
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: Elawad)
|
طبعا و أنا بفتح في البوست اتذكرت النكتة حيث يحكى أن جعليا ضخم الجثة راكب في بص أم درمان و جنبه شايقي قليل الحجم و يبدو أن صاحبنا الجعلي كان بفتش ليه على شكلة فشابك الشايقي والله نحن الجعليين ولاد المك نمر النار دي ناكلها مولعة و يلكزه و طبعا اليتيم لا يوصى على البكا فصاحبنا الشايقي يبلعها و يسكت لغاية ما الكمساري كورك الدايات في زول نازل؟ قام الجعلي قال ليهو أيوة قرصة هنا... فسكت الشايقي إلى أن نزل الجعلي و لما اتحرك البص عاين ليه بالشباك و قال ليه بالله دي محطة ينزل فيها راجل؟ قبل شهر فتحت هذا البوست: التهاني لعضو البورد الأخ مرتضى على قدوم مولودته الأولى... و اليوم أفتح البوست دا... فبالله مافي زول يجي يقول لي دي بوستات يفتحها راجل؟ بس أحببت أن أشرك الأعزاء و الأصدقاء فرحة صديقين عزيزين.... و الحمد لله أن جعلنا أعضاء في هذا البورد الذي يتواصل أهله من البسطاء و محدودي الثقافة ويشاركون بعضهم البعض مناسباتهم.
| |
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: Salwa Seyam)
|
الأخ الزول بارك الله فيك ياخي و زادك من نعمه. والله يا الزول كان تخليها مستورة... لكن الواحد برضو مسرور بمشاركة أخوانه و أخواته أفراحهم. الأخ نصار آمين إن شاء الله و ربنا إن شاء الله يقر عينك بذريتك و يفرحك بيهم دائما و يحضرك أفراحهم و أفراح أبنائهم و بناتهم. و شكرا ليك على الكلمات الطيبة ياخي. الأخ أنور بارك الله فيك ونبارك ليك كل طيب إن شاء الله.
| |
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: Saifeldin Gibreel)
|
الأخ عاطف الله يسلمك و أقر عينك و عين زوجك بأبنائكما و عقبال ما نبارك ليكم أفراحهم إن شاء الله. الأخ معروف بارك الله فيك و عقبالكم إن شاء الله. فعلا الأيام بتجري و يومين تلاتة نجي إن شاء الله نبارك زواج أولادك و بناتك و نقول بالله معروف دا هسع مش قبل كم سنة باركنا ليهو زواجه؟ شفت الطمع دا كيف دايرين نحضر زواجهم و كمان نكون بنكتب في البورد لي الزمن داك. الأخ طارق بارك الله فيك. و نبارك ليك كل جميل إن شاء الله.
| |
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: هاشم نوريت)
|
Quote: مرعوف سند ضحكتني في داعي تثبت انك كومر كبير قدر دهما تلبد زي ما قالكم الزةل (خلوها مستوره انت و العوض اخوك)(ههههه) |
يا تراجي ازيك
ياخي الزمن داك انا كان عمري كان سبعتاشر كان ستاشر ما عارف lool ,اما العوض دا ما تسمعي الاسم حق العجايز دا, دا اسم بخوف بيهو الناس هنا ساي, اسمو الحقيقي بتاع شباب مودرن على شاكلة حازم وانتي طالعة
| |
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: ناصر جبريل)
|
الأخ خالد بارك الله فيك و عقبال نفرح معاكم بوارف و إياس. الأخ د. ياسر بارك الله فيك و أدام عليك نعمه. الأخت صفاء بارك الله فيك و عقبال ما نحتفل معك بكل ما يسرك إن شاء الله. الأخ حيدر آمين إن شاء الله و الجاية بإذن الله تكون بت. زي ما قلت انتخابات أخير منها الولادة لكن دعاؤنا لأبنائنا و بناتنا إنه ربنا يخليهم يشوفوا بلد جميل و طيب يختلف آباؤهم على أحسن الطرق لتوفير الحياة الكريمة الآمنة لهم لا على أصل وجود بلدهم من عدمه. الأخت سلوى بارك الله فيك و ربنا يجيب يوم قريب نهنيك بما يفرحك إن شاء الله.
| |
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: osman righeem)
|
الأخ سيف الدين بارك الله فيك و جعل أيامك كلها أفراحا. الأخ عثمان آمين إن شاء الله و ربنا يسعدك و إن شاء الله معز و غادة يحفظوا ليك حقك في الفول و التمر و خروف السماية كمان. الأخت تراجي بارك الله فيك و عقبال نفرح معاك بحازم و سند و ناس غادة إن شاء الله ربنا يديهم البت لكن قالوا راجينك تجيبي أخت للشباب المعاك ديل. و زي ما قال ليك معروف وقت زواج ناس غادة نحن كنا كان خستاشر كان أربعتاشر سنة ما متذكر (سبعتاشر شنو يا معروف ياخي داير تكبرنا ساكت). الأخ هاشم آمين إن شاء الله و عقبال فرحنا بأولادك و بناتك. الأخت شبكة الله يسلمك و يديم عليك الأفراح و النعم. د. سعاد بارك الله فيك و في أسرتك و جعل أيامكم كلها فرحا. الأخ ود الصايم الله يسلمك و عقبال ما نفرح معك بكل جميل. كويس هنا الضحكة في محلها. الأخ تمبس بارك الله فيك و قريبا إن شاء الله نهنيك و د. داليا بالذرية الطيبة الصالحة المباركة إن شاء الله. الأخ أساسي بارك الله فيك و نبارك ليك الأفراح إن شاء الله. الأخ محمد إبراهيم بارك الله فيك و عقبالك إن شاء الله. الأخ أبو عبيدة بارك الله فيك و أدام عليك نعمه. الأخ سيد بارك الله فيك و عقبالك إن شاء الله. الأخت عفاف الله يسلمك و يديم عليك نعمه و أفراحه و شكرا ليك على الدعوة الطيبة. الأخ محمد إبراهيم عثمان بارك الله فيك و نهنئك بكل جميل بإذن الله. الأخ أمير الجمري بارك الله فيك و نبارك لك الأفراح لك و لأسرتك بإذن الله و جزاك الله خيرا على كلماتك الطيبة. الأخ حسين بارك الله فيك و جعل أيامك كلها أفراحا. الأخ أبو الحسين بارك الله فيك و أدام عليك نعمه. الأخت تيسير بارك الله فيك و نبارك لك قريبا إن شاء الله كل ما يسعدك. الأخ الفاضل آمين إن شاء الله و أسعد الله أيامك و لك من المودة مثلها و أكثر. الأخ بابكر بارك الله فيك و أنعم عليك و أسرتك بكل خير. الأخ ناصر بارك الله فيك و أدام عليك نعمه.
| |
|
|
|
|
|
|
Re: خالص التهاني لمعز هاشم و غادة عبد العزيز على قدوم مولودهما عمار (Re: إسماعيل وراق)
|
الأخت مريم سلمك الله و نادر و محمود و من تحبين و أدام عليكم نعمه. و عقبال ما نفرح معك و نهنئك بكل سعيد الأخ محمد عثمان بارك الله فيك و عقبال أن نحتفل معك بكل ما يسرك. الأخ بكري أبو بكر بارك الله فيك و عقبال ما نفرح معك و نهنئك بكل سعيد. الأخت هند بارك الله فيك و أدام عليك نعمه. الأخ شمس الدين بارك الله فيك و أدام عليك الأفراح. ياخي دي ألفاظ دي يا شمس الدين... داية؟ طيب كان تقول دكتور إن شاء الله دكتور أطفال زي ما قال الراجل في النكتة. و تقبل سلام الصحابية و أهل البيت (مش شيعة بس) وبلغ سلامنا للأسرة. الأخت هدير بارك الله فيك و عقبال أن نهنئك بكل ما يسعدك إن شاء الله. الأخ ود الباوقة بارك الله فيك و أدام عليك نعمه. الأخ محمد ياسين بارك الله فيك و عقبال أن نشاركك الأفراح. و البينات الجعلية و الشوايقة أكتر من عامرة ربطتهم قرابة الدم و جوار السكن و شربوا سويا من شريان هذه الأرض الحبيبة. الأخ إسماعيل بارك الله فيك و أدام عليك نعمه. لجميع الإخوة و الأخوات أرجو أن نتذكر جميعا أختنا غادة في دعائنا فقد ألمت بها وعكة عارضة و هي بخير الآن و الحمد لله... اللهم رب الناس أذهب البأس أشف و أنت الشافي لا شفاء إلا شفاؤك شفاءا لا يغادر سقما.
| |
|
|
|
|
|
|
|