|
|
|
 Re: المرحوم خالد سيكا.... يغادر الملعب احتجاجاً (Re: على ميرغني)
|
في احدى مباريات دوري الثانية كانت في مباراة مهمة للزهرة والفريق الثاني ماعندو فيها كبير غرض ويبدو ان إدارة الفريق المنافس باعوا القضية ولمن اللاعب الخلوق سيكا شعر بالبيع خلع فنيلتو وغادر الملعب محتجاً على المهزلة رغم انو فريقوا كان غالب ساعتها ثلاثة صفر ...
طلع سيكا من الميدان واخد على كدا كرت أحمر من الحكم لانو غادر الملعب بدون اذنو
لكن ...........
كل جمهور الثانية احترم تصرفو واخلاقو العالية
| |
 
|
|
|
|
|
|
|
|
Re: المرحوم خالد سيكا.... يغادر الملعب احتجاجاً (Re: على ميرغني)
|
شخصيا لا انتمي للمؤتمر الوطني
لكني كنت سامنح صوتي بلا شك
للبشير
ليس لأنه كويس
لكنه افضل السئيين
وكنت سامنح صوتي لدكتور الخضر والياً للخرطوم
ود. الجاز عن دائرتي
ليس إنتماءاً للوطني لكن إنتماءً
للسودان وحتمية منح الصوت للافضل رغم السؤ العام
لكن بعد التزوير الظاهر وحكاية البيع والشراء الظاهرة دي
| |
|
|
|
|
|
|
|
|
|
Re: المرحوم خالد سيكا.... يغادر الملعب احتجاجاً (Re: على ميرغني)
|
على انصار المؤتمر الوطني اللسع عندهم ضمير ان يقاطعوا الانتخابات ولا يشاركوا فيها
وعلى انصار حزب الامة القومي ان يشوفوا ليهم حزب جديد او على الاقل يغيروا قيادات الحزب لانهم قبضوا مليارين باعترافهم من الوطني وقالوا دي تعويضات ... لاحظ قبضوا من المؤتمر الوطني وليس حكومة السودان ... الوطني بيشتري مواقف احزاب مش بدفع تعويضات
اما انصار حزب مولانا التاني فعليهم يسالوا قياداتهم كم قبضت ومقابل شنو
التسريبات تقول انهم قبضوا 3 مليار مقابل ان لا ينسحب حاتم السر من الانتخابات ....وبرضو في النهاية قبض وبيع
الحركة الشعبية ورافعي ش ( عار ) الامل في التغيير حقوا يعرفوا انو الحركة قبضت بس باحترام لانهم اصلاً ماعندهم كبير غرض في الشمال وكل الموضوع انهم عايزين يصلوا للاستفتاء وبعداك إنشاء الله البشير يعمل في الشمال العايزو ... على طريقة اللهم اشغل اعدائي بانفسهم
ودعوة صادقة لكل السودانيين بكل الوانهم السياسية
اهو دا شكل الانتخابات واحزابنا السياسية ... حقو يكون شعارنا قرفنا منكم كلكم
تعالوا لا نشارك في الانتخابات
| |
|
|
|
|
|
|
|
|
|
Re: المرحوم خالد سيكا.... يغادر الملعب احتجاجاً (Re: على ميرغني)
|
خلونا كلنا نطلع من الانتماء الحزبي الضيق الى الانتماء للسودان العريض
نقبل مصلحة البلد ولو جات من الحزب المنافس ونترك ضرر البلد ولو جا من حزبنا
شخصياً لن اضيع ربع ساعة من زمني لاشارك في تصويت نتيجتو محسومة بالتزوير والبيع والشراء
شخصياً مقتنع بانتهازية كل الاحزاب المعارضة
ومقتننع اكثر بفساد حزبي الحكومة
| |
|
|
|
|
|
|
|
|
|
Re: المرحوم خالد سيكا.... يغادر الملعب احتجاجاً (Re: على ميرغني)
|
ورسالة للاتية اوصافهم
انصار المؤتمر الوطني
ضعوا تصرفات وتصريحات قادتكم في ميزان الاخلاق الاسلامية وضوابطها وبعداك احكموا على تصرفات قادة حزبكم ... لا تنسوا ان اسلوب الغاية تبرر الوسيلة هي مبادي مييكافيلي وليس الرسول عليه الصلاة والسلام
انصار الامة بكل مسمياته
انظروا في مؤسسات الحزب وفتشوا عن ذرة ذرة ديمقراطية .... ولو مالقيتوها ــ واكيد ماحتلقوها ــ يبقى عليكم اما تصلحوا مؤسسات الحزب او تتركوه لحزب جديد ــ وما تنسوا المهدي عليه الرحمة لمن مات ما جعل خلافتو في الاسرة .
انصار حزب الاتحادي الديمقراطي .. ينطبق عليكم نفس الكلام وحقوا تسألوا الاستاذ علي محمود حسنين عن رايو بكل صراحة في الذي جرى داخل الحزب ومشاركته في الانتخابات
الشماليين الدافنين رؤسهم داخل رمال الحركة الشعبية .... الله شافوا بالعقل ما بالعين ..... حقو السكرة تفك اليوم قبل بكرة
ولي بقية الشعب السودان المنتمي بس للسودان الزمن البتشارك بيهو في الانتخابات دي احسن تقضيهو في اي ششئ أنشاء الله تعد غنم ابليس
يمكن تجيك نعسة تحلم فيها بحل للمواقع المرير دا
| |
|
|
|
|
|
|
|
|
|
Re: المرحوم خالد سيكا.... يغادر الملعب احتجاجاً (Re: صلاح عباس فقير)
|
شكرا استاذ فقير للمداخلة
لكن انا اصلاً بتكلم عن تصرف الاحزاب معارضة وحكومة التى باعت واشترت في الانتخابات
يعني مشكلتي مش في التزوير اصلا الترابي عراب الانقاذ قال انو "تزوير الانتخابات سنة مؤكدة في سودان الانقاذ".
لكن المشكلة لمن زعيم حزب يبيع الموضوع ويقبض مقابل الانسحاب وزعيم تاني يقبض مقابل الاستمرار
تبقى مشكلة البلد انو في زعماء لانهم احفاد زعماء وزعماء لانهم امتطوا دبابة
وبقية الشعب مفروض عليه يشارك في مهزلة عبثية مدفوع تكاليفها من ثروة البلاد
يعني عليك الله احترم الحكومة ليه
واحترم المعارضة ليه
ما دام كلهم بيبيعوا ويشتروا في الوطن
| |
|
|
|
|
|
|
|
|
|
Re: المرحوم خالد سيكا.... يغادر الملعب احتجاجاً (Re: على ميرغني)
|
وكمان السلطة الرابعة لحقت بالمولد
صحفيين مرشحين مستقلين انسحبوا امس زي الساعة دي ورجعوا اسع في الساعة دي
وهكذا يتواصل مسلسل سقوط البلد
واهو ديل كتاب الاعمدة المفترض فيهم انهم بوجهو الراي العام .. عليك الله هو زول بغير رايو خلال اقل من اربعة وعشرين ساعة دا يوجه راي عام شنو
اجمل نكتة سمعتها في الحتة دي واحد قال امكن الجماعة الانسحبوا ثم رجعوا قبضوا بين الانسحاب والرجعة
رد عليه واحد (ناقش) وقال ليهم (ديل حتى ما وصلوا مرحلة شروه بثمن بخساً ) لان الانقاذ زاهدة في البضاعة دي
وما داير اقول ملعون ابوك بلد لا بواكي لك
| |
|
|
|
|
|
|
| |
منتصرمحمد زكى
فيس بوك
تويتر
انستقرام
يوتيوب
بنتيريست