|
|
 عاجل .. الحبـــر
|
يعني اليومين دي .. اي واحد فاتح ليهو بوست كاتب ليك فوقو عــاجل ..
الواحد يقوليك أنا مقاطع الانتخابات .. يكتب ليك عــاجل .. الصناديق الجابوها طلعت صناديق شختك بختك .. الصناديق ودوها .. الصناديق ما صرفوها ..
تفكهم من الصناديق ,, يمسكو ليك في الزمن بتاع بداية الانتخابات .. الواحد يكون قاعد في سقط لقط .. يقوليك الساعة الآن خمسة ونص صباحا ... ومصدري بيقول لحدت الآن مراغبين الانتخابات ما جو الدايرة خمسة وعشرين في بدوس الجنوبية ..
تفكو من ناس الانتخابات ديل .. يمسك ليك في البواليص الكتار الفي الخرطوم ..
تفكو من البواليص يقعد يعد ليك في الدكاكين والبقالات المقفوله .. الواحد لو لقى ليهو دكان يماني مقفل من زمن ببيعو الطحنية بالمتر .. يعدو ليك معاهم ..
أخيرا ظهرت موضة الحبـــر .. 
|
|
  
|
|
|
|
|
|
|
 Re: عاجل .. الحبـــر (Re: عثمان دغيس)
|
انت يا تمبس موقفك شنو وسط اللخمة دي؟
محمد عادل حايم من مركز لي مركز ختى لو كان مبيت نية انو يلاقي مخالفات عشان يحرج بيها الحكومة أهو بيعمل في شي ايجابي، الكيزان المناحيس يصوروا ويجيبو يلتخو في الصور شوفو خيمنا الجبناها من ماليزيا مليانا ووزعنا للناس ايسكريم وزلابيا وام علي وناس الحزب الفلاني خيمتهم معفنة وفيها نفرين واحد فيهم لابس جلابية انصارية مع انو الخيمة بتاعة اتحاديين، انت مالك ياخ قارش ملحة الاخوة المناضلين الكيبورديين وناس محمد عادل ليه ما بتشوت ناس علاء الدين يوسف على محمد (ياخ دا اسمو زي الجماهيرية الليبية العربية الاشتراكية العظمى يعمل فلايت في الاصابعين) امبارح غاشي نص المناضلين الاسفيريين وطالع بيهم في الهوا، انا ما قادر افهم موقفك، زمان كنت شخصيا بنظر ليك بي احترام كزول حقاني بغض النظر عن الاتجاه الانت شايت فيهو (ممكن مسألة الاحترام دي ماتلزمك بي نكلة) لكن ياخ كزول متسق مع نفسك كدا ما تشرح لينا الحاصل ياااخ؟
| |
|
|
|
|
|
|
|
|
 Re: عاجل .. الحبـــر (Re: Mohammed Elhaj)
|
| Quote: انت يا تمبس موقفك شنو وسط اللخمة دي؟ |
| Quote: انت مالك ياخ قارش ملحة الاخوة المناضلين الكيبورديين |
| Quote: انا ما قادر افهم موقفك، |
| Quote: زمان كنت شخصيا بنظر ليك بي احترام كزول حقاني بغض النظر عن الاتجاه الانت شايت فيهو |
| Quote: كزول متسق مع نفسك كدا ما تشرح لينا الحاصل ياااخ؟ |
وإنت تحديدا .. موقفك شنو في البورد دا ..؟ معين تبع ياتو ناس ..؟ ووظيفتك شنو هنا دا البتجي تسالني من موقفي شنو .. واقرش ملحة فلان واحب فرتكان ..؟
ياخ انا يوم سالتك من انتماءك شنو..؟ من وووين إنت ..؟ فهمك شنو في الدنيا دي ..؟
ما ياهو الواحد كان بيقرا ليك وبرضو خاتيك في مكان كان بقدر يتعامل بيهو معاك بشكل جيد .. لكن من فترة عملت شخيط ووقفته طرف .. وبقيت اعاين ليك وامشي واجيك راجع .. واظنك عارف السبب .. كويس ..
اما
مسالة انك تعاين لي بي احترام أو غير ذلك .. فما بيلزمني .. والسبب الخلاك تفتكر اني ما حقاني دا .. حقو تضغط عليهو شديد علشان يخليك ما تضغط على اي ايقونة بتلقى فيها اسمي يا اي مداخلة لي .. علشان ما تتعب نفسك وتقرا ليك كلام ما بيلزمك في شئ .. أو تجي تكتب ليك كلام مفترض تحتفظ بيهو لي نفسك ..
اتفقنــا .. يا سيد ؟
| |
|
|
|
|
|
|
|
|
|
Re: عاجل .. الحبـــر (Re: tmbis)
|
بالمناسبة يا محمد الحاج
الكلام الكتبتو ليك دا .. تقديرا للفترة الماضية في البورد دا .,, واعتقد إنو دي تاني مرة اكتب ليك المسالة دي .. قبل كدا كتبتها ليك ..
فما تفتش في انك تدخل معاي في حتات .. ما دخلت فيها معاك .. وما تتتبنى ليك موقف ما حقك ..
| |
|
|
|
|
|
|
|
|
 Re: عاجل .. الحبـــر (Re: tmbis)
|
الشئ الذي استغرب له أكثر مما استغرب أنه لماذا لم يضفك صبري الشريف في قائمة الرصد ؟!
دا نفسه تزوير في الرصد والمتابعة ...
ـــــــــــــ
غايتو طحنية بالمتر دي اتجدعت فيها.. صحي الموردة فيها العجائب طحنية بالمتر وبيسمو لؤي 
| |
|
|
|
|
|
|
|
|
|
Re: عاجل .. الحبـــر (Re: HAIDER ALZAIN)
|
Quote: الشئ الذي استغرب له أكثر مما استغرب أنه لماذا لم يضفك صبري الشريف في قائمة الرصد ؟!
دا نفسه تزوير في الرصد والمتابعة ... |
.. صبري لا يستطيع يا الطريفي .. بي بساطة جدا لانو زول تجديدي أو حداثي .. والحداثيين نظرتم عميقة شوية في التصنيفات ..
بعدين هو فاضي لي من حملة المرشح ياسر عرمان .. الزول دا لحدت الآن شغال في الحملة ومالي جيوبو ورق .. لكن كلما يلقى ليهو فرصة بيجي يدينا محاضرة ويمشي ..
| Quote: صحي الموردة فيها العجائب طحنية بالمتر وبيسمو لؤي |
لؤي دي لسة يا الطريفي ما اعتمدناها .. دي كانت مجرد فكرة ..
| |
|
|
|
|
|
|
|
|
|
Re: عاجل .. الحبـــر (Re: tmbis)
|
نوعية الحبر دي معمولة اساسا عشان تتفاعل مع فصايل دم معينة .. كلما فصيلة الدم كانت متوافقة مع نوعية الحبر دي كلما كانت امكانية استمراره في الجسم لمدة أطول.
نوعية الحبر .. بها مادة بيمتصاها الجلد وبتدخل تحت الطبقة بتاعت الادمة .. .. ودا بتوقف على كمية العرق ومدى نشاط الغدة الدرقية في جسم كل ناخب .. وكيفية الامتصاص وسرعته.. في ناس جلدم تخين ما بمتصو بسرعة.
هناك مقولة بتقول إنو معادلة خلط الحبر الاتوزع في السودان ما كانت سليمة .. وهناك مقولة أخرى بتقول إنو نوعية الحبر دي كان في خطأ فني في ترحيلها للسودان .. حيث تم ترحيل نفس مادة الحبر التي استخدمت في الانتخابات الأمريكية الأخيرة عوضا عن الأحبار التي خصصت للانتخابات السودانية .. (مع الملاحظ أن نفس المادة كان يجب اتلافها فور انتهاء الانتخابات الأمريكية) والملاحظ إنو لونه اخــدر .. في حين إنو نوعية الحبر المفترض استجلابها للسودان حمرا .. والملاحظ إنو جودة الحبر أو مدة بقا مفعول المادة في (جلد) الناخب معالجة ( جينيا) وفق المدة المحددة للاقتراع .. فتزداد (قوة وتماسك ومقاومة) لأي مادة إزالة وذلك من فترة بداية العملية الانتخابية .. حتى ظهور النتائج .. وتفقد المادة خواصها تدريجيا بمجرد فتح العلبة وحتى إنتهاء فترة التصويت وحتى إعلان النتيجة .. يعني عاملة كدا زي (الفسيخ)..
بعدين منو القاليكم .. النوعية دي مستخدمة للاصابع ..؟ النوعية الجات السودان بالغلط دي .. بتتاخد (حقنة) في (العضل).
...
مساكين الشيوعيين .. قاطعو الانتخابات وعينم في حبــر قريشن ..
| |
|
|
|
|
|
|
|
|
|
Re: عاجل .. الحبـــر (Re: tmbis)
|
تمبس
ياما تشوف حكاوي
تذكر زمان لمن الفريق السوداني ينغلب في اثيوبيا
نحن صغار يقولو ليناالاوكسجين مافي
مرات يقولا البعثة وصلت مرهقة
مرات يقولو الشوربة كانت مسيخة
وهاك نماذج من الشوربة المسيخة
الحملة الاعلامية لماذا 56 يوما لماذا لاتكون ستين او خمسن وهذا دليل على التزوير اين ذهبت هذي الاربعة ايام
لماذا كارتر وليس جورج بوش هذا قمة التزوير فكارتر طاعن في السن ولايركز والمؤتمر الوطني قصد ذلك
لماذا المراقبين الاجانب ؟هل عجز ابناء السودان عن الرقابة هذا برهان التزوير الساطع لان الكيزان يختارون من يراقب وقد اكدت جريدة الميدان ذلك
لماذا اعطوا المرشحين عشرين دقيقة في كل حزمة اعلامية لماذا لم تكون خمسة وعشرين فاهل السودان يعرفون الخمسة والعشرين منذ مئات السنين ولهم علاقة حميمة بالطرادة استخدموها في رزائلهم وفضائلهم لكنها مؤامرت الانقاذ وعصبتها تريد ان تغير قيم السودان هل هنالك برهان على التزوير اكثر منذ لك
لماذا عمر البشير في اول القائمة وليس اخرها هذا هو الانحياز بعينه والتواطؤ من المفوضية؟ لقد قبضت المفوضية ثمن ترتيب الصور
لماذا 42 دبلوماسيا امريكيا ضمن مجموعات المراقبة مفروض ان يكونوا اربعين لكن المؤتمر الوطني اضاف اثنين من عنده للتزوير
لماذا قناة الشروق لم تتوقف اليست هي قناة المؤتمر الوطني وخاصة برناجم البيت السعيد الذي يعتبر دعاية مباشرة للكيزان
لماذا لم تعلن الحكومة الاجازة لانه اعلنت سرا ان من يصوت لها سيستحق الاجازة
لماذا تبدا الانتخابات يوم الاحداليس ذلك اساءة للمسيحيين وضربة للقوى الوطنية واستفزاز لياسر علرمان
ثم واي الحبر
الحبر الذي يدخل فيه الكوز اصبعه يتحول بقدرة قادر الى موية والمطلوب ان يقرأ الكوز يانار كوني بردا وسلاما على ابراهيم قبل ان يغنس اصبعه
الحبر الذي يدخل فيه المناضلون اصابعهم لايزول ،، الحبر له حاسة شم يعرف ويميز المؤتمر الوطني من الشعبي
وياماتشوف حكاوي
| |
|
|
|
|
|
|
|
|
 Re: عاجل .. الحبـــر (Re: تيسير عووضة)
|
قومي فترقي إنت دي ..
..
الاتنين العاجلات ديل يا تيسير .. قاعد استعمل فيهم العاجل التحتانية .. لانها خاتف لونين .. الفوق دي مستفزة وما فيها اي نكهة ..
قالو بعدما مشيتي صوطي لي الشجرة .. اديتي الزول بتاع الحبر (فتيل) قلتي ليهو كب لي حبري هنا دا .. ما مدى صحة ذلك ..؟
أنا شخصيا ما بستبعد إنك تعمليها .. 
| |
|
|
|
|
|
|
|
|
|
Re: عاجل .. الحبـــر (Re: tmbis)
|
شجرة مين يا تامبا
يازول لو جابوا لي غابة السنط ذات نفسها دا طرفي منها
أنا الأيام دي هوايتي المفضلة بقت قطع الأشجار 
رغم حكاية الإحتباس الحراري وتجميل وجه العاصمة
إلا أنو شجر الزمن دا خطرو على البيئة بقا أكتر من نفعو ..
أقول ليك سر يتم الإعلان عنو لأول مرة:
المواطن تيسير عووضة ما عندو رقم إنتخابي من أساسو
(جيت أسجل لقيتهم فاتوني، فيما بعد عرفت إنو الموضوع كان بعد نظر مني ما أكتر )
لكن مع التزوير الحايم دا ليك حق تقول لي صوتّي للشجرة
( )
| |
|
|
|
|
|
|
|
|
|
Re: عاجل .. الحبـــر (Re: تيسير عووضة)
|
Quote: شجرة مين يا تامبا
يازول لو جابوا لي غابة السنط ذات نفسها دا طرفي منها
أنا الأيام دي هوايتي المفضلة بقت قطع الأشجار |
.. مش قالوليك الشجر الكبااار فوقو الصمغ ..؟ اقعدي قطعي كدا دا .. تقع فيك شجرة (لبخ) تريحك وتريحنـا ..
..
Quote: المواطن تيسير عووضة ما عندو رقم إنتخابي من أساسو
(جيت أسجل لقيتهم فاتوني، فيما بعد عرفت إنو الموضوع كان بعد نظر مني ما أكتر ) |
بليدة بس ..
بعدين اقوليك حاجة:
اسمك دا زاتووو تزووير .. أنا لو كنت مراقب وجيتي (تصوطي) .. بي (اسمك دا / اسمك دي) بفتح فيك بلاغ .. وأعمل ليك أورنيك تمنية
غايتو عندك فرصة لحدت بعد الأربعة سنة .. لو ما غيرتي اسمك العجيب دا .. والله إلا (تسجلي) في برشلونه (وتصوطي) في ريال مدريد
| |
|
|
|
|
|
|
|
|
|
Re: عاجل .. الحبـــر (Re: esam gabralla)
|
Quote: كدى أدى كلامك ده قراية تانية ... ما شايف فيهو حاجة ما ظابطة بتخصنى انا تحديدآ؟
جادى خالص بالمناسبة |
. ااي يا عصام ... بي صراحة مفترض كان اودي ليك اللنك دا بي هناك .. لانو انا كتبتو بعدما قريت البوست بتاعك .. وكان مفترض ارد ليك هناك .. لكن قلت اوسع دائرة المشاركات .. وبالنسبة لي قومية المسالة ..
| |
|
|
|
|
|
|
|
|
|
Re: عاجل .. الحبـــر (Re: esam gabralla)
|
يانمبس واحد من جماعة الحبر الحبر بتاع الانتخابات مش الحبر يوسف المرشح قال لن نعطي النظام الشرعية
بالمشاركة في الانتخابات !!! شفت العوارة لان الذي كان يحاوره قال له
النظام الحاكم ليس في حاجة لشرعية من صناديق الانتخاب فلقد حكم عشرين عامااخنق فطس وله اكثر من تسعين سفارة حول العالم وله ممثل في الامم المتحدة فماهي الشرعية التي ستوفرها لها الانتخابات زيو زي كل الانظمة في عالمنا الثالث
وجماعتك الاربعة المعلق صورهم ديل - كان يشير لمرشح الامة القومي ومرشح الاصلاح والتجديد ومرشح الاتحادي ومرشح الشيوعي -هم اكثر الناس تمسحا بشرعية النظام بحثا عن التعويضات والخيرات اخرها تعويضات الامام الغمتي التي اعترف الامام انها لم تتجاوز ال16% يعني تقريبا 18 مليار اخذها وحرن ،،واستجاب لنصائح ابنه الامير الذي يعمل في امن النظام و جهاز قمعه ويسجل اسمه يوميا في كشف الحضور ويكتب تقاريره لسعادة اللواء ياسين وسعادتو مبسوط جدا من الولد
والثاني تعلق بهم ورفعوه حتى رأوا عورته ثم اطاحوا به والتالت مسكين كفقراء اليهود لم يكسب الدنيا ولا الاخرة والرابع ينيب عن رجل طيب وعلى نياته وارسل احد ابنائه الصلاح ليدعم حملة البشير بنفحات السيدة الميرغنية وهو لم يقاطع ولن يقاطع وموعود بمشاركة ضاربة في الحكومة القادمة
من الارقام القياسية لهذه الانتخابات
ان رئيس الحزب الشيوعي تنبا فيها بفوز منافسه(اسع بقول ليك حيفوز حيفوز ،،،،قناة النيل الازرق)
اول انتخابات يحتج فيها الناس فبل انعقادهابحجة التزوير دائما اللجلجة بعد النتائج لم يحدث ذلك من قبل
اول انتخابات ينكب عليها الشرق والغرب بوسائطهم الاعلاميةوجواسيسهم ومنظماتهم
اول انتخابات يتجاوز عدد المرشحين 14150 مرشح والناخبين 16 مليون ناخب
اول انتخابات يهتم بها المقاطع اكثر من المشارك
اول انتخابات ترسل امريكا دبلوماسيها افواجاللمراقبة لم تفعل ذلك في تونس ولاسوريا ولامصر
اول ،، اول ،،،، اول الخ
وبرضو تقول لي الحبر
...........اقول لك لواعادوها مائة مرة واعادوا السجل مليون مرة
فالمنهزم منهزم من الداخل وليس في طريقة الانتخاب وليس للحبر والبلاستيك والوزان الستائر علاقة بذلك
نفس هزيمة جامعة الخرطوم
ونفس هزيمة نقابة المحامين رغم انها كانت على الناشف وبدون حبر
| |
|
|
|
|
|
|
|
|
|
Re: عاجل .. الحبـــر (Re: عبد الملك يوسف الملك)
|
تعرف ياتمبس في أختراع أسمو القلم الياباني ده تمررو علي أي لو بيكتب ليك باللون (تقول لي حبر) ولو أستجلبوه مع الصناديق الدنماركية أي مصوت يدهو قلم يصوت وبذا تعرف اللون الحزبي لكل مصوت عجبي علي التكنو لوجيا.
،،،،أبوقصي،،،،
| |
|
|
|
|
|
|
|
|
|
Re: عاجل .. الحبـــر (Re: مجدي عبدالرحيم فضل)
|
Quote: انت يا تمبس موقفك شنو وسط اللخمة دي؟
محمد عادل حايم من مركز لي مركز ختى لو كان مبيت نية انو يلاقي مخالفات عشان يحرج بيها الحكومة أهو بيعمل في شي ايجابي، الكيزان المناحيس يصوروا ويجيبو يلتخو في الصور شوفو خيمنا الجبناها من ماليزيا مليانا ووزعنا للناس ايسكريم وزلابيا وام علي وناس الحزب الفلاني خيمتهم معفنة وفيها نفرين واحد فيهم لابس جلابية انصارية مع انو الخيمة بتاعة اتحاديين، انت مالك ياخ قارش ملحة الاخوة المناضلين الكيبورديين وناس محمد عادل ليه ما بتشوت ناس علاء الدين يوسف على محمد (ياخ دا اسمو زي الجماهيرية الليبية العربية الاشتراكية العظمى يعمل فلايت في الاصابعين) امبارح غاشي نص المناضلين الاسفيريين وطالع بيهم في الهوا، انا ما قادر افهم موقفك، زمان كنت شخصيا بنظر ليك بي احترام كزول حقاني بغض النظر عن الاتجاه الانت شايت فيهو (ممكن مسألة الاحترام دي ماتلزمك بي نكلة) لكن ياخ كزول متسق مع نفسك كدا ما تشرح لينا الحاصل ياااخ؟ |
وكفى !!!
شكراً يا محمد .
...........................................................حجر.
| |
|
|
|
|
|
|
|
|
|
Re: عاجل .. الحبـــر (Re: الرفاعي عبدالعاطي حجر)
|
Quote: وكفى !!!
شكراً يا محمد .
...........حجر. |
.. يا حجــر .. إنتو قاعدين تعرفو حاجات كتيرة .. استغرب كيف راحت عليك معرفة موقفي
بدل تكتب كفى دي وتتبنى ليك موقف زول تاني .. ما تجي بالدرب العديل وتسال .. مش احسن ليك ..؟
| |
|
|
|
|
|
|
|
|
|
Re: عاجل .. الحبـــر (Re: مجدي عبدالرحيم فضل)
|
| Quote: عجبي علي التكنو لوجيا. |
.. والله تكنلوجيا لكن يا ابوقصي ..
بعدين الشي المحيرني في المسالة دي ..
ليه الناس بتاعين الحبر ديل بيعملو في نفسهم كدا ..
يعني ليه الناس دي بتفتش لي انها تلف وتدور ..
ياخ المسالة واضحة إنت اديت صوتك بي كامل قناعاتك وعملو ليك المادة دي .. البخليك تمشي تحكها بي حجر واللا تسلق ليها بطاطس شنو..؟
ما خلاص هي معمولة لي غرض محدد .. ومدة زمنية محددة يعني لازم .. لازم الواحد يخلق من نفسو عبقرية ..؟
الما عايز الحبر دا ما يمشي مكانو ..
والعايز يلعب ويلف ويدور لي اي سبب كان مفترض يخت في بالو الأمانة .. والوعي .. والمسؤولية
والعايز يفتش ليهو سبب عشان يرمي فيهو احباطو .. أو شماعة لي فشلو .. دا معذور... وارجو إنو بعد الحبر دا يمشي يفتش لي اي حاجة تانية .. وأهو نحن قاعدين..
| |
|
|
|
|
|
|
|
|
 Re: عاجل .. الحبـــر (Re: عبد الملك يوسف الملك)
|
سلامات يا عبد الملك ..
Quote: الحملة الاعلامية لماذا 56 يوما لماذا لاتكون ستين او خمسن وهذا دليل على التزوير اين ذهبت هذي الاربعة ايام
لماذا كارتر وليس جورج بوش هذا قمة التزوير فكارتر طاعن في السن ولايركز والمؤتمر الوطني قصد ذلك
لماذا المراقبين الاجانب ؟هل عجز ابناء السودان عن الرقابة هذا برهان التزوير الساطع لان الكيزان يختارون من يراقب وقد اكدت جريدة الميدان ذلك
لماذا اعطوا المرشحين عشرين دقيقة في كل حزمة اعلامية لماذا لم تكون خمسة وعشرين فاهل السودان يعرفون الخمسة والعشرين منذ مئات السنين ولهم علاقة حميمة بالطرادة استخدموها في رزائلهم وفضائلهم لكنها مؤامرت الانقاذ وعصبتها تريد ان تغير قيم السودان هل هنالك برهان على التزوير اكثر منذ لك
لماذا عمر البشير في اول القائمة وليس اخرها هذا هو الانحياز بعينه والتواطؤ من المفوضية؟ لقد قبضت المفوضية ثمن ترتيب الصور
لماذا 42 دبلوماسيا امريكيا ضمن مجموعات المراقبة مفروض ان يكونوا اربعين لكن المؤتمر الوطني اضاف اثنين من عنده للتزوير
لماذا قناة الشروق لم تتوقف اليست هي قناة المؤتمر الوطني وخاصة برناجم البيت السعيد الذي يعتبر دعاية مباشرة للكيزان
لماذا لم تعلن الحكومة الاجازة لانه اعلنت سرا ان من يصوت لها سيستحق الاجازة
لماذا تبدا الانتخابات يوم الاحداليس ذلك اساءة للمسيحيين وضربة للقوى الوطنية واستفزاز لياسر علرمان |
.. سكان البورد ديل فيهم علماء كتار جدا .. الواحد لما يلبس نضارتو .. ويمشي يحلق صلعة ويجي داخل .. يفتي .. وينظر .. ويحلل .. ويفك ويربط .. للاسف الشديد جدا تشوف الواقع تضرب كف بكف .. والمضحك إنو لو ما صدقته الكلام البكتبو واحد هنا دا وتدخل تقول ليهو ياخ كلامك دا ما مظبوط .. يقوليك يا ود امشي اللعب بعيد إنت بتعرف شنو..؟
بقيت اي حاجة تتكتب هنا دا قاعد اقلبه او اجيب لي مراية علشان اقراها معكوسة ..
بعدما تقراهو وتكتب للواحد كلام يقع ليهو في عبو .. ممكن عادي جدا يعمل ليك تمثال ويمجدك مسافة ارشيفين لي قدام في البورد بتاع بكري .. ما مجدتو .. يا ويلك .
مساكين .. لو بكري قفل البورد بتاعو دا .. يومين بس .. موضوعم بيبوظ ..
| |
|
|
|
|
|
|
|
|
|
Re: عاجل .. الحبـــر (Re: tmbis)
|
Quote: وكفى !!!
شكراً يا محمد .
...........حجر. |
بعدين يا حجر .. محمد دا بي سببو واسبابو المنطقية جدا جاي يستجوب ويعلن عن فك التزامو الكاثوليكي لي احترامي كزول حقاني كنت وحسع دي بقيت ما حقاني ..
إنت المزعلك شنو ..؟
البواليص الكتار الفي الخرطوم .. واللا جاي تخفف دمــك ..؟
كان جاي تخفف دمـــك .. ماف مشكلة .. واكان جاي ساكي محمد دا وما عارف سببو دي اكبر مشكلة .. شفت كيف ..؟
| |
|
|
|
|
|
|
|
|
|
Re: عاجل .. الحبـــر (Re: tmbis)
|
كان في غنوة زماااااان كده حايمة في البلد .. لبانة بس .
هسه إنت يا هالوك ما اهو قادينا بالرصد و المتابعة .. !!!
يعني حق الناس راصدون و حقك ده ناقشون ؟؟
اقول ما قال به أخانا تايسا : قوم فرتق .
.........
الغنوة القدادة :
- شفنا الشريط
- و الله شفنا شوف
- الشريط
- و الله شفنا شوف
- لا شفنا زيو و لا بنشوف
- الليله يا اللابس الشريط
- للقلوب لقط لقيط .
أها ..
عندك شريط ؟؟
| |
|
|
|
|
|
|
|
|
|
Re: عاجل .. الحبـــر (Re: Emad Abdulla)
|
Quote: الغنوة القدادة :
- شفنا الشريط
- و الله شفنا شوف
- الشريط
- و الله شفنا شوف
- لا شفنا زيو و لا بنشوف
- الليله يا اللابس الشريط
- للقلوب لقط لقيط .
أهــا ..
عندك شريط ؟؟
|
..
بي صراحة كدا.. من ما قلت لي المرة الفاتت قاعة غردون .. وقريبكم القال إلا تموت داك حتين يجيكم .. أنا قطعت شدرتك  ..
يازول الاغنية دي بغنوها في سلم شنـو..؟
غايتو كنت عايز اقوليك ظوووط بتاعت خدر .. لكن اديها صنة الاسبوع الجاي .. والله إلا تقول ما داير ..
بي صراحة يا غــان .. عندي مجموعة اصدقاء خاتيهم في فولدر بعد الانتخابات دي تنتهي (والنجيضة) تطلع .. حالف بي فولدرم دا اوديهم أعمل ليهم كشف طبي .. زي أخوك تايسا ، وخدر ، وعصام جبر الله ، ومحمد عادل
إنت أعمل حساب إنو ح أعمل ليك كشف طبي (مرتين) .. واحد مختلف (توتلي) ..
شريط يا بتاع الشنطة؟؟
| |
|
|
|
|
|
|
|
|
|
Re: عاجل .. الحبـــر (Re: tmbis)
|
أنت موش عارف انا من الاقربين ولا شنو؟؟
أضبط : مخالفة أولى!!!
وكمان كان قاصد (فاتكان) كمان كلمنا نعمل ليك إستتابة!!
وين المايك يامان؟؟
| |
|
|
|
|
|
|
|
|
|
Re: عاجل .. الحبـــر (Re: عبد اللطيف بكري أحمد)
|
تعرف يا تمبس
أحزابنا دي كووووولللللههههها بما فيها المؤتمر بنوعيه الوطني والشعبي والحركه الشعبيه والشيوعي والأمه وغيرهم
قدر ما تقول وصلوا القاع إنحدارا
تلقى إنهم بي طريقه يُحسدوا عليها قدروا يوجدوا ليهم قاع أعمق وينحدروا ليهو
ياخي والله البلد ده مايستاهل إنو قياداتو السياسيه وأحزابو تكون بالشكل ده
سلامات وموشتاغوون
معليش جيت داخل تووش من الغبن
| |
|
|
|
|
|
|
|
|
|
Re: عاجل .. الحبـــر (Re: كمال حسن)
|
كيفنك يا كمال حسن ..
Quote: أحزابنا دي كووووولللللههههها بما فيها المؤتمر بنوعيه الوطني والشعبي والحركه الشعبيه والشيوعي والأمه وغيرهم
قدر ما تقول وصلوا القاع إنحدارا
تلقى إنهم بي طريقه يُحسدوا عليها قدروا يوجدوا ليهم قاع أعمق وينحدروا ليهو
ياخي والله البلد ده مايستاهل إنو قياداتو السياسيه وأحزابو تكون بالشكل ده |
.. تعرف امس لاقاني سوداني في البقالة .. لاحظت لي صباعو فوقو حبر .. قعدت اضحك .. قلت ليهو اديت منو ..؟
اخد ليهو ضحكة .. قالي ح ادي منو عليك الله ..؟
قلت ليهو إنت وضميرك طبعا والصندوق القدامك ..
قالي اديت الشجرة وقلبي مرتااح وضميري مريحني .. بعد شوية فتح ليك فيني بقيت في البخارجني منو
غايتو النجيضة الطلعت بيها منو بعدما ادا ليك اي حزب في راسو وزعيم اي حزب في راسو ..
إنو والله اصلو م علي اي استعداد يجي واحد تاااني ما عارفين ليهو راس من قعر .. يا واحد قبل كدا شبع فينا كلام ونقه .. ويعملونا فيران تجارب .. اخير لينا في جننا دا .. على الاقل عملو لينا كباري .. وسفلتو لينا الشارع الباقي كلو هين ..
تامل يا كمـال .. كم واحد زي دا بيكونو حاملين نفس الفكرة ..؟
| |
|
|
|
|
|
|
|
|
|
Re: عاجل .. الحبـــر (Re: عبد اللطيف بكري أحمد)
|
..
وووينك يا عادل .. ووين الحي بيك .. البركة في عيد الشجرة القومي الجابك دا ..
...
Quote: أنت موش عارف انا من الاقربين ولا شنو؟؟
أضبط : مخالفة أولى!!! |
.. يا عبد اللطيف .. إنت شغال في مركز كارتر اصلك ..؟
انا انسحبت من دائرة جغرافية كاااملة .. وحبري مسحتو في الحيطة ..
..
الاستتابة ما بناباها يا عبد اللطيف .. لكن بتقدرو تستحملو (الخرخرة) ..؟
المايك قالو جا من (تونس) وعندكم ليهو فترة طويلة .. شايفكم ما عايزين تفكوهو بالساهل ..
فكوهو ياخ الله يرضى عليكم ..
| |
|
|
|
|
|
|
|
|
|
Re: عاجل .. الحبـــر (Re: tmbis)
|
الأخ تمبــس
السلام عليكم ورحمة الله ،
وكيف حالك
هنالك بعض الناس هوايتها أن تعارض وينظرون فقط للجزء الفارغ من الكوب كما قال الشاعر : ( عين السخط تبديء المساويا ) ، مثلا :
- منهم من اتخذ موقفا معارضاً لإتفاقية السلام الشامل .
- ومنهم من عارض عملية الاستفتاء .
- والأن منهم من عارض الانتخابات وحكموا عليها بالتزوير مقدماً قبل حدوثه .
أمثال هؤلاء حتى لو أثبتت لهم مفوضية الانتخابات بأنها مزورة سوف يعارضوا ويقواو ا لا الانتخابات ليست مزورة بل نزيهة ،
حتى التحول الديمقراضي لم يعجبهم ،
سمعت أحدهم حين قال بأنه لن يشارك في الاقتراع معترضاً على لون الحبر الأخضر وتمنى أنه لو كان أحمراً.
هذه إعتراضات لا مبرر لها ،
ولكن الشعب السوداني قد قال كلمته وأختار من يمثله وغداً سوف تظهر النتائج ،
ودمتم طيبين جميعاً
صلاح حمد
| |
|
|
|
|
|
|
|
|
|
Re: عاجل .. الحبـــر (Re: صلاح حمد)
|
Quote: نوعية الحبر دي معمولة اساسا عشان تتفاعل مع فصايل دم معينة .. كلما فصيلة الدم كانت متوافقة مع نوعية الحبر دي كلما كانت امكانية استمراره في الجسم لمدة أطول.
نوعية الحبر .. بها مادة بيمتصاها الجلد وبتدخل تحت الطبقة بتاعت الادمة .. .. ودا بتوقف على كمية العرق ومدى نشاط الغدة الدرقية في جسم كل ناخب .. وكيفية الامتصاص وسرعته.. في ناس جلدم تخين ما بمتصو بسرعة.
|
عليكـ دينكـ ، دي ادوكـ فيها كم
| |
|
|
|
|
|
|
|
|
|
Re: عاجل .. الحبـــر (Re: شمائل النور)
|
| Quote: عليكـ دينكـ ، دي ادوكـ فيها كم |
...
..
يا مقــص ..
إنت اقعدي تابعيني كدا .. والله البيتزا تجهجهك ..
حسع عليك الله كان بناخد بالسطـر .. كان دا حالنــا ..؟
حسابنـا (بالكلك) .. يا فردة .. إنت اطلعي منها بس لانو شكلك داخله علي طمع
| |
|
|
|
|
|
|
|
|
|
Re: عاجل .. الحبـــر (Re: tmbis)
|
Quote: الاستتابة ما بناباها يا عبد اللطيف .. لكن بتقدرو تستحملو (الخرخرة) ..؟
المايك قالو جا من (تونس) وعندكم ليهو فترة طويلة .. شايفكم ما عايزين تفكوهو بالساهل ..
فكوهو ياخ الله يرضى عليكم |
أم التشفير زاتووووو ، (على وزن أم الحالة)،،
=
ياخ انحنا اخبار تونس دي من ترباس مشى يشرب موية ويرجع بقينا مابنجيب خبرها،،
كان علمتنا الله يهداك !!!
| |
|
|
|
|
|
|
|
|
|
Re: عاجل .. الحبـــر (Re: عبد اللطيف بكري أحمد)
|
Quote: أم التشفير زاتووووو ، (على وزن أم الحالة)،،
=ياخ انحنا اخبار تونس دي من ترباس مشى يشرب موية ويرجع بقينا مابنجيب خبرها،،
كان علمتنا الله يهداك !!! |
.. تشفير ووين يا عبد اللطيف ..؟
أنا كاتب ليك بالحبر السري ياخ .. دا تشفيرو بتسمح بي سرعة أو كما قالو ..
خليك من تونس يا عبد اللطيف .. ليبيا زاتو قربت تفتح .. اديها صنة والأخبار بتجيك ..
بس قول يا مسهل ..
| |
|
|
|
|
|
|
|
|
|
Re: عاجل .. الحبـــر (Re: tmbis)
|
تمبــس ...
كــدى بالله عليــك شـتوف الحنــة دى حقــت كــم يوم ؟
وعشـــان تطلــع عايزهـ ليها كـم يوم ؟
خوتونـــا ( الحبــر الحبــر الحبــر )اهــا جبتك ليكم الصباع زاتــو ..
| |
|
|
|
|
|
|
|
|
 Re: عاجل .. الحبـــر (Re: صلاح حمد)
|
سلامات يا صلاح حمد ..
Quote: - منهم من اتخذ موقفا معارضاً لإتفاقية السلام الشامل .
- ومنهم من عارض عملية الاستفتاء .
- والأن منهم من عارض الانتخابات وحكموا عليها بالتزوير مقدماً قبل حدوثه . |
.. طبعا كل زول يا صلاح ما بتقدر تتحكم في كيفية اعتقادو .. وكل شخص ليهو مطلق الحرية في اختيار قناعاتو .. وكلها مقبولة ومشروعة ولكل وجهة نظرو ..
لكن
الممل .. والمخجل .. والمحبط في الأمر .. من يفترضون في انفسهم كامل الفهم .. ولهم مطلق الحق في انهم يجعلوا كل الناس تمشي على حسب فهمهم واعتقادم .. وكل من حاد عن طريقهم أو خالفهم الراي خاين .. وغير وطني وغير شريف .. إلخ
أحترم واقدر كل من توجه إلى صناديق الاقتراع .. ليعبر عن فهمه وحقه الشخصي .. واختياره لمن يعتقد أنه اصلح له ليحكمه .. ويعبر عنه ..
أما دون ذلك فلا أحمل اي نعوتات ولا صفات تجعلني اتساوى مع المعسكر الآخر .. ولا انصب نفسي في درجة عالية من الفهم والوعي أو كما ينظرون .. | Quote: ولكن الشعب السوداني قد قال كلمته وأختار من يمثله وغداً سوف تظهر النتائج ، |
طوبى للشعب الغير منقاد ومرحب بالحريات الشخصية التي تحكمها الوطنية الخالصة ..
| |
|
|
|
|
|
|
|
|
|
Re: عاجل .. الحبـــر (Re: tmbis)
|
تمبس ..
تحيـــاتى ..
| Quote: أخيرا ظهرت موضة الحبـــر .. |
هى بقت على الحبر بس !!
بعدين ما تقولو كلو من الحبر داك ؟
وكااااااكـــ
| |
|
|
|
|
|
|
|
|
|
Re: عاجل .. الحبـــر (Re: tahani abusin)
|
(بوستيك دا ترم لينا الباسوورد، رديت عليك بي جاي اتخمشت الباسوورد بي جاي ) فحوالينا لا علينا للضمان كدا
والله يا تمبس اتخيلتك تفهم كلامي في سياقو، أصلاً أنا لو ما "شايفك خسارة على الضفة الأُخرى ما كان بدخل وبتكلم معاك"و أصلا ضمن مداخلتي الأولى قلت ليك الاحترام المزعوم بتاعي دا أنا عارفو ممكن ما يكون بيلزمك ولا يعني ليك حاجة من أساسو، لكن مواقفك وكتابتك في فترة من الفترات خلتني أفكر انو ممكن أكتب ليك زي كلامي الكتبتو ليك فوق دا، الناس البيمر الواحد بي بوستاتهم بالشرق ديل في ومالين البورد ودخولي في بوستاتك وكمان ردي عليك بيعنو اني شايف انو في شي مفروض يتكتب من وجهة نظري، الناس عموماً طالما بذلت كلاما ووجهة نظرا في مكان عام بيبقى أي كان من حقو يتعامل مع الكلام دا ومع الشخصية دي ومع اطروحاتا بالنقد والاختلاف والاتفاق. سألتني عن موقفي شنو في البورد دا سؤال مشروع يا تمبس وطالما أنا بذلت كلامي وفهمي وأفكاري ان وجدت على الملأ بيكون من حق الشعب على اني ارد وأقول مع انو الكلام البكتبو بتخيل انو ممكن يرد على مسألة موقفي شنو دي، إذا بنتكلم عن موقفي السياسي! فببساطة شوف وين الكيزان اللصوص واقفين حتلاقيني واقف عكسهم، تبع منو فأعتقد الاجابة متضمنة في السؤال زاتو ما تبع اي زول وان شاء الله ما أكون تبع أي زول ، أما وظيفتي البتخليني أسألك فأرجع للكلام الفوق دا، طالما الناس طرحت نفسها في مكان عام معناها تتقبل الأنوف الحتجي داخلا في السياق، | Quote: ما ياهو الواحد كان بيقرا ليك وبرضو خاتيك في مكان كان بقدر يتعامل بيهو معاك بشكل جيد .. لكن من فترة عملت شخيط ووقفته طرف .. وبقيت اعاين ليك وامشي واجيك راجع .. واظنك عارف السبب .. كويس .. |
ما عارف السبب والله يا تمبس، دا بدون الرد على النبرة الحادة والتهديدية الفي كلامك ...
| Quote: اتفقنــا .. يا سيد ؟ |
No Comment
| |
|
|
|
|
|
|
|
|
|
Re: عاجل .. الحبـــر (Re: Marouf Sanad)
|
| Quote: تامل يا كمـال .. كم واحد زي دا بيكونو حاملين نفس الفكرة ..؟ |
قسما ما خفي اعظم العشرات والمئات يرددون نفس الكلام
كم امراة مسنة يصل اليها مندوب احد المرشحين فيدور الحوار الاتي :
مندب المرشح : ياحاجة انا فلان ومرشح في الدايرة وعايز اخدم مصالحكم لان ناس الحكومة ديل ياخذون منكم الرسوم والاموال بدون خدمات
الحاجة : ياولدي انت رمزك شنو
المندوب : نحن رمزنا (الكورة / الكبس / الجبة/ العلم.....ألخ )
الحاجة : لا لالا _بانزعاج - انا بدي الشجرة بس
المندوب : ياحاجة انتو جربتو الحكومة والمؤتمر وديل سرقوا الشعب ورفعوا الاسعار وفرضوا عليكم الضرائب ,,,و
الحاجة : تقاطعه قائلة شوف ياولدي لو عندك شغلة امش سويها انا غير الشجرة دي مابعرف زول
في اخر الحديث بعد ان فقد الامل يقول لها ممكن تصوتي للشجرة لعمر البشير لكن باقي الرموز صوتي للرمز ،،،،
الحاجة : وهي تصرخ بغضب شوف انا بعرف ...واللا ....انا محل ماالقى الشجرة بصوت
يتركها وهو يهمس لنفسه هذاغسيل دماغ خطير
هذا الحوار حقيقي وقد تكرر حسب الروايات في مراكز كثيرة في الحضر والريف ،،،احزاب نائمة في العسل الى ان جاءت الصاخة
| |
|
|
|
|
|
|
|
|
|
Re: عاجل .. الحبـــر (Re: Marouf Sanad)
|
| Quote: تامل يا كمـال .. كم واحد زي دا بيكونو حاملين نفس الفكرة ..؟ |
قسما ما خفي اعظم العشرات والمئات يرددون نفس الكلام
كم امراة مسنة يصل اليها مندوب احد المرشحين فيدور الحوار الاتي :
مندب المرشح : ياحاجة انا فلان ومرشح في الدايرة وعايز اخدم مصالحكم لان ناس الحكومة ديل ياخذون منكم الرسوم والاموال بدون خدمات
الحاجة : ياولدي انت رمزك شنو
المندوب : نحن رمزنا (الكورة / الكبس / الجبة/ العلم.....ألخ )
الحاجة : لا لالا _بانزعاج - انا بدي الشجرة بس
المندوب : ياحاجة انتو جربتو الحكومة والمؤتمر وديل سرقوا الشعب ورفعوا الاسعار وفرضوا عليكم الضرائب ,,,و
الحاجة : تقاطعه قائلة شوف ياولدي لو عندك شغلة امش سويها انا غير الشجرة دي مابعرف زول
في اخر الحديث بعد ان فقد الامل يقول لها ممكن تصوتي للشجرة لعمر البشير لكن باقي الرموز صوتي للرمز ،،،،
الحاجة : وهي تصرخ بغضب شوف انا بعرف ...واللا ....انا محل ماالقى الشجرة بصوت
يتركها وهو يهمس لنفسه هذاغسيل دماغ خطير
هذا الحوار حقيقي وقد تكرر حسب الروايات في مراكز كثيرة في الحضر والريف ،،،احزاب نائمة في العسل الى ان جاءت الصاخة
| |
|
|
|
|
|
|
|
|
|
Re: عاجل .. الحبـــر (Re: عبد الملك يوسف الملك)
|
يا علاء ازيك
المضحك مسكو في الحبر دا شديد لما حننوني. خاصة الحبر البتغسل البميز الكوز من غيرو
الموضوع كلو زرع معلومات اولا الحبر مغشوش تاني الحبر بطلع بالغسيل
امبارح جانا زول بتاع كيمياء سالنها هل ممكن الحبر يطلع
بمادة كيماوية قبل الاسبوع. اها قال الحبر دا مكون من شنو كدا نترات الفضة
بتخس في الجلد بتطلع بمرور الزمن وكمان قال الحاجة دي بعالجو بيها البهق
وقال لا يمكن غسله بالماء والصابون
لقينا لينا محاضرة سمحة جدا جدا في الكيمياء
انا بفتكر الناس تتحول لحاجة تاني غير الحبر.
بالجد اسع حيمسكو ليك الصندوق من البلاستيك ممكن يشقا عادي وبتلصق
المفروض يكون من الفولاذ
الناس دي ما راضية الا الانتخابات تكون مزورة
وهم شغالين في مزورة دي من يوم وقعت نيفاشا
بدل يشتغلوا في كيف ينظموها شغالين بالياس هو اسهل الطرق
مع التحية
| |
|
|
|
|
|
|
|
|
 Re: عاجل .. الحبـــر (Re: د.نجاة محمود)
|
كيفك يا دكتورة ..؟؟
| Quote: المضحك مسكو في الحبر دا شديد لما حننوني. خاصة الحبر البتغسل البميز الكوز من غيرو |
.. سيد الرايحـة .. بضبح البقره عديل وبعداك بيفتش خشمه .. Quote: بعالجو بيها البهق
وقال لا يمكن غسله بالماء والصابون |
.. غايتووو أنا قررربته أبقى عالم كيمياء .. مداخلتين كدا في البوست دا ببقى عالم كيمياء .. حسع تنظير الغدة الدرقية ويتخلل الجلد والمسامات دا بينظرو زول عاادي ..؟ تنظر وتنجر تطلع بتاع كيمياء .. اتاريهم ماسكين في الحتة دي ويمطو فيها والواحد واهم نفسو إنو عالم .. | Quote: بدل يشتغلوا في كيف ينظموها شغالين بالياس هو اسهل الطرق |
.. دي انجض نجيضة اتقالت وقلناها .. لكن بعد شنو يا دكتورة ..؟
كدي النشوف النظرية البعد نظرية الصندوق في شنو تاني .. مع العلم إنو الفورة ألف وفترة الاقتراع ادوها دفره كمان يومين ..
| |
|
|
|
|
|
|
|
|
|
Re: عاجل .. الحبـــر (Re: عبد الملك يوسف الملك)
|
سلامات جميعاً
صاحب الموضوع و المتداخلين معاهو
موضوع الحبر دا بالجد فيهو تنظيرة غريبة من المنظراتي الفكر فيها اساساً فاذا كانت الفكرة انو ما في زول يصوت مرتين ولا اكتر فالقصة هنا بتخش في حتة ضيقة جداً بتاعة كيماء انو مافي مادة ما عندها مذيب . يعني مافي حاجة اسمها حبر ما بيطلع الا بعد 3 يوم فاذا كانت لحماية الانتخابات من التزوير ، و مزور الانتخابات دا اساسا يفترض فيهو سوء النية يعني حيسعى لانو يزيل الحبر دا بأي طريقة و مادام نظرياً و عملياً الحكاية ممكنة و توفر المذيب المعين لتكوين المحلول فيبقى ازالة الحبر دا ممكنة عمليا و ممكن تكون ساهلة كمان للزول الداير يمشي يصوت تاني
السؤال هو الزول الداير يمشي يصوت تاني دا حيصوت كيف
اسمو حيكون موجود في السجل مرتين مثلاً
ولا حيكون عندو رقم انتخابي غبر الصوت بيهو في الاول
غايتو مفوضية الانتخابات دي اثبتت انها لا بتعرف لا سياسة لا ادارة لا كيمياء كمان
فطبيعي انها ما تكون بتعرف انتخابات برضو
يعني هي جات على الانتخابات يعني
| |
|
|
|
|
|
|
|
|
|
Re: عاجل .. الحبـــر (Re: Amjed)
|
ياتمبس
سلام
دى فاتت على المعارضة..
وامريكا ختمت على نزاهة الإنتخابات..
قاليك ناس المؤتمر قالوا عشان الشفافية وكدا الإنتحابات الجاية بعد أربعة سنة البصوت حايشلخوه..
أها ياحبيبى الإختلاف جا فى نوعية الشلوخ..
قالوا شلوخ الشوايقة وحرف التى بتاع الجعليين مرفوضين عشان فيهم شبهة تجاهل للمهمشين..
قالوا شلوخ الشلك لكن النوير رفضوا وكذلك الدينكا..
قالوا ليهم تحدد الشلوخ حسب المنطقة التى يصوت فيها الناخب..
يعنى تصوت فى مروى يشلخوك شايقى , فى شندى يشلخوك تى وهكذا دواليك وهلم جرا..
قام واحد ديمقراطى علمانى قال أحا دى قديمة..
ممكن تصوت فى مروى وتسافر تصوت فى ملكال باعتبار أنك شايقى شلختك أمك لكن ماصوت فى منطقتك..
وكمان العاصمة القومية سببت معضلة فى ذلك..
المهم الأمر الآن عند قريشن واحتمال كبير يشلخوا الناس يانكى كشلخ محايد وموحد..
هذا إن لم يصبح السودان الولاية الواحد وخمسين فى الأربعة سنوات الجاية..
سمعنا قالوا حاينعقد مؤتمر بعد الإنتخابات برعاية قريشن لمناقشة الأمر.
| |
|
|
|
|
|
|
|
|
|
Re: عاجل .. الحبـــر (Re: Balla Musa)
|
Quote: دى فاتت على المعارضة..
وامريكا ختمت على نزاهة الإنتخابات.. |
.. يا دكتور بله ..
طبعا حرقت لي الفترة المفتوحة حقتي .. تتخيل كنت جاي اكتب عن الحتة بتاعت الشلوخ دي ..
لكن خلاص .. طالما شلختهم .. حقو نشوف لينا طريقة .. بتاعت (شلليق)
يعني الما عاجبو الشليخ .. (يتشللق) ..
اخشى ما اخشى .. إنو يجيني شيوعي يا شيوعية . يقولو لي الشلليق دا شنو..؟
| |
|
|
|
|
|
|
|
|
 Re: عاجل .. الحبـــر (Re: Amjed)
|
Quote: سلامات جميعاً
صاحب الموضوع و المتداخلين معاهو .. غايتو مفوضية الانتخابات دي اثبتت انها لا بتعرف لا سياسة لا ادارة لا كيمياء كمان
فطبيعي انها ما تكون بتعرف انتخابات برضو
يعني هي جات على الانتخابات يعني |
شكرا أيها المتداخل ..
أشكر لك حسن التنظير
| |
|
|
|
|
|
|
|
|
|
Re: عاجل .. الحبـــر (Re: Mohammed Elhaj)
|
| Quote: (بوستيك دا ترم لينا الباسوورد، رديت عليك بي جاي اتخمشت الباسوورد بي جاي ) |
| Quote: ما عارف السبب والله يا تمبس ، دا بدون الرد على النبرة الحادة والتهديدية الفي كلامك ... |
..
دا التعبير المفيد منك وكفاني حاجات كتيرة ..
الله يسهل عليك شديد
| |
|
|
|
|
|
|
|
|
|
Re: عاجل .. الحبـــر (Re: صلاح أبودية)
|
Quote: السؤال هو الزول الداير يمشي يصوت تاني دا حيصوت كيف
اسمو حيكون موجود في السجل مرتين مثلاً
ولا حيكون عندو رقم انتخابي غبر الصوت بيهو في الاول
|
الحبر معمول به عالميا خاصة في البلاد التي تنعدم فيها ثقافة الهوية والاثبات الشخصي
وفي السودان دخلت في انتخابات 1953 وتم الاستغناء عنها في1958 لانها ابطأت الاجراءات في اليوم الاول وعادت مرة ثانية 1965
هي ليست ضرورية لان الاعتماد اصلا على السجل ولكن بافتراض ان شخص اراد ان ينيب عن شخص يعرفه وهومتاكد من غيابه
ويصلح الحبر دائما في المناطق النائية والمتخلفة حيث ينيب الناس عن بعضهم البعض بالتراضي وربما يكون الحبر مجرد اداة ضبط للظاهرة
طبعا لايمكن لانسان ان يصوت مرتين ولن يتجرا على ذلك لان المخاطرة في انتحال الشخصية منصوص عليها في القانون وعقوبتها صعبة
وللعلم لايوجد سجل انتخابي مستدام في السودان وهذه هي المرة الاولى التي يبدا فيها تاسيس سجل انتخابي موحد وثابت
وقد يتم مستقبلا ربطه برقم السجل المدني الذي بدا تطبيقه في السودان حيث يكون لكل مواطن رقم هوية مميز على المستوى القومي كما
هذه التجربة غنية بالكثير من الايجابيات لكن الذين ينظرون لربع الكوب الفارغ كثر الان ولهم اتباع ومصدقون وليس هنالك من مستفيد من انهيار هذه التجربة العالمية في السودان الا الحمقى العالم كله يتكلم عن الانضباط والسلوك الديمقراطي للسودانيين وكان ولازال المفروض ان نقرط على ذلك حتى نتباهى بذلك على غيرنا لكن العداوة السياسية والبغض والكراهيةستفسد على الوطن مشهد اممي يتألق فيه السودان حيث تذهب نصف الامة ولاول مرة في التاريخ للتصويت في ظاهرة غير مسبوقة على مستوى محيطنا الاقليمي
| |
|
|
|
|
|
|
|
|
|
Re: عاجل .. الحبـــر (Re: عبد الملك يوسف الملك)
|
دكتوره بيان لك التحايا ولصاحب البوست تمبس
| Quote: المضحك مسكو في الحبر دا شديد لما حننوني. خاصة الحبر البتغسل البميز الكوز من غيرو |
ولا في المجتهدين وكاسرين رقبتهم انه في كل مركز اقتراع الناس المشوا للتصويت 3 انفار
وكل الاعلام البنشوفوا بقول انه في ازدحام والدليل مددوا ايامها بزيادة يومين !!!!؟؟؟؟
| |
|
|
|
|
|
|
|
|
|
Re: عاجل .. الحبـــر (Re: حمزه بابكر الكوبي)
|
Quote: دا اوديهم أعمل ليهم كشف طبي .. زي أخوك تايسا ، وخدر ، وعصام جبر الله ، ومحمد عادل
إنت أعمل حساب إنو ح أعمل ليك كشف طبي (مرتين) .. واحد مختلف (توتلي) ..
|
انا زاتى ياتامبا عندى فولدر سرى وانت انكلودد فيهو
النبى تعتمدو لى,,
| |
|
|
|
|
|
|
|
|
|
Re: عاجل .. الحبـــر (Re: Amira Elsheikh)
|
Quote: نوعية الحبر دي معمولة اساسا عشان تتفاعل مع فصايل دم معينة .. كلما فصيلة الدم كانت متوافقة مع نوعية الحبر دي كلما كانت امكانية استمراره في الجسم لمدة أطول.
نوعية الحبر .. بها مادة بيمتصاها الجلد وبتدخل تحت الطبقة بتاعت الادمة .. .. ودا بتوقف على كمية العرق ومدى نشاط الغدة الدرقية في جسم كل ناخب .. وكيفية الامتصاص وسرعته.. في ناس جلدم تخين ما بمتصو بسرعة.
هناك مقولة بتقول إنو معادلة خلط الحبر الاتوزع في السودان ما كانت سليمة .. وهناك مقولة أخرى بتقول إنو نوعية الحبر دي كان في خطأ فني في ترحيلها للسودان .. حيث تم ترحيل نفس مادة الحبر التي استخدمت في الانتخابات الأمريكية الأخيرة عوضا عن الأحبار التي خصصت للانتخابات السودانية .. (مع الملاحظ أن نفس المادة كان يجب اتلافها فور انتهاء الانتخابات الأمريكية) والملاحظ إنو لونه اخــدر .. في حين إنو نوعية الحبر المفترض استجلابها للسودان حمرا .. والملاحظ إنو جودة الحبر أو مدة بقا مفعول المادة في (جلد) الناخب معالجة ( جينيا) وفق المدة المحددة للاقتراع .. فتزداد (قوة وتماسك ومقاومة) لأي مادة إزالة وذلك من فترة بداية العملية الانتخابية .. حتى ظهور النتائج .. وتفقد المادة خواصها تدريجيا بمجرد فتح العلبة وحتى إنتهاء فترة التصويت وحتى إعلان النتيجة .. يعني عاملة كدا زي (الفسيخ)..
بعدين منو القاليكم .. النوعية دي مستخدمة للاصابع ..؟ النوعية الجات السودان بالغلط دي .. بتتاخد (حقنة) في (العضل).
...
يا ود ده معلوماتك الطبيه فى تطور رهيب هاهاهاهاهاههه (ده شغل خفيف من حق الخور )
تحياتى تعجبنى العولمه يا حبيب ...
تحياتى لك والاسره الكبيره والصغيره .....
مساكين الشيوعيين .. قاطعو الانتخابات وعينم في حبــر قريشن ..
مظاهرة فنية كبرى بمنطقة
|
| |
|
|
|
|
|
|
|
|
|
Re: عاجل .. الحبـــر (Re: Amira Elsheikh)
|
والله ياعلاء الحبر عامل لي مشكلة مع مطاوعتنا في الشغل ؛
وش هذا وليش تخضبون اياديكم بالحناء؟
قدر ما قلت اشرح ليهم انو عندنا إنتخابات وتحول ديمقراطي
وكلامي ده زاتو عايز شرح .
الذ حاجة في واحد مُغرم بي خلف الله لدرجة انو مسجلها في جوالو.
غايتو...
الحبر ده استخدمت جميع المزيلات ماطلع
استخدمت نصيحة في احد البوستات ؛بإنو الكلوركس بيزيل
الحبر مانفع غير عمل لي اكلان في اصبعي.
________
تحياتي؛؛؛
| |
|
|
|
|
|
|
|
|
|
Re: عاجل .. الحبـــر (Re: tmbis)
|
Quote: السلام عليكم
معليش يا ود الصايم اقتحمت عليك ايميلك بس لو سمحت عايزك تمرر رسالتي دي للبيتكلموا عن الحبر الانتخابي
انا صوّت في اول ايام التصويت اي يوم الاحد والصورة في المرفق صورة لأصبعي اليوم الثلاثاء - والله على ما اقول شهيد - وزي ما باين في الصورة الحبر الانتخابي لم يزل
مرة اخرى تقبل اعتذاري واسفي على الازعاج |
ماف إزعاج يا عمكـ
وعليكم السلام ورحمة الله وبركاته
| |
|
|
|
|
|
|
|
|
|
Re: عاجل .. الحبـــر (Re: محمد عبد الماجد الصايم)
|
| Quote: وزي ما باين في الصورة الحبر الانتخابي لم يزل |
.. الاصبع دا ما ظاهر يا عمك .. مديني علامة (×)
اتصرف عشان أنا معاي زول هنا في الشركة دا مصوت من أول يوم .. لحدت الآن اصبعو (مخـدر)..
| |
|
|
|
|
|
|
|
|
|
Re: عاجل .. الحبـــر (Re: محمد عبد الماجد الصايم)
|
بمناسبة الحبر دي ..
عندنا مدير عامل ظريف معاي كدا ( ما عارف ليه بديني احساس انه داير يرفدني ) .. من اول يوم شابكني صوتا لمنو ..
قلت أكيد دا شرك .. لو قلت ليهو صوتا للبشير يقول لي فرتك ما عندك شغل معانا .. لو قلت ليهو ياسر عرمان يقول لي انت شيوعي و يجيب لي ناس الهيئة ..
اها امبارح بنتغدا .. نط لي تاني و قال لي ( اديت مين يا حميده ) .. سؤال مباشر عديل ..
قلت اديت ( الكُد ) ..
إيه إيه .. مين ( الكُدي ) دا ..
الكُد ياخي .. الكُد وجع القلوط .. ما سمعت بيهو ..
وتبع اي حزب دا ..
دا مستقل يا باشمهندس ..
و حطولك حبر في صباعك ..
ايوه ..
فين هووو ..
غسلته ..
غسلته اذاي ..
كدا ..
هو الحبر دا جابوه من فين ..
جابوه من ام صفقا عراض محلية الدندر .. بزرعو هناك شجر بتاع حبر .. بس الظاهر عليهو نئ لسع ما نجض .. مفروض يطلع في الخريف ..
انت بتهرج معاي .. لا لا و الله سيادتك بس انت الحشرك شنو في الموضوع دا ..
| |
|
|
|
|
|
|
| |
tmbis
Mohammed Elhaj
HAIDER ALZAIN
تيسير عووضة
مجدي عبدالرحيم فضل
الرفاعي عبدالعاطي حجر
Emad Abdulla
ADIL FAIT
كمال حسن
صلاح حمد
شمائل النور
بدر الدين اسحاق احمد
محمد كابيلا
Marouf Sanad
Amjed
صلاح أبودية
حمزه بابكر الكوبي
عمر سعد
بشير أحمد
محمد عبد الماجد الصايم
humida
فيس بوك
تويتر
انستقرام
يوتيوب
بنتيريست