لاستقبلك البورداب على كل ضامر... ولقطعو الفيافى لكنه حظنا يا صديقى الا تجد منهم الا اقل من اصابع يد واحده قطع منها اصبعان فى ماكينة المحلج مررت بالتجربه فكفرت بهذا المنبر وبالبورداب لكنك لم تستمع لى جاءك من هم باقون على العشره ولم يتبدلو مع الايام حتى شرف استقبالك ومابذل فيه من جهد اختطفوهو ونسب الى غير اهله مبروك على الاستقبال الجميل وظهورك المفرح والمشرف اليوم على مسرح قاعة الصداقه قد رأيت فتية وفتيان يصرخون عند ظهورك على خسبة المسرح مع البلابل وكيف كان كل المسرح يغنى معك فعجبت من وعى بعض هذا الجيل وتفتحه بلدنا نعلى شانها ياناس سودانا نادانا احسست بسخونة الدموع على حافة اجفانى ثم وبتواضعك المعهود تصافح وتحادث من التفو حولك لو كنت هنايه ديك ولا ديك كان اييييييييييك اعلان هام من كان عنده اعتراض على كلامى هذا من بورداب السودان فليأت هنا ولى عوده يوميه لهذا البوست كما ان الكلام موجه ايضا لصاحب الموقع السيد بكرى ابوبكر
04-10-2010, 07:53 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
سلام للرائع د. ياسرمبيوع , ولمرور البوست ... تابعنا تحركاتكم في لجنة إستقبال العائد لارض النيل "الموصلي" و أُسرته الكريم فالك الشكر علي الاهتمام . ونتمني أن نستمع الي جديدك والتعاون الفني, في ظل وجود هؤلاء العمالقة الان بأرض الوطن.
رايت في ما يري النعيم عمايم .. شايلة زي الغيم تزاحم .. في مزار مهرك زي ماتكون .. رقاب شهداء قوارير العطر .. فاحت و الشوف فيما أشوف من فوووق نزل بدرك موشح بي قزح طاؤوس ..... يالها من كلمات.
04-10-2010, 11:21 PM
مبيوع
مبيوع
تاريخ التسجيل: 02-26-2003
مجموع المشاركات: 1722
Quote: سلام للرائع د. ياسرمبيوع , ولمرور البوست ... تابعنا تحركاتكم في لجنة إستقبال العائد لارض النيل "الموصلي" و أُسرته الكريم فالك الشكر علي الاهتمام . ونتمني أن نستمع الي جديدك والتعاون الفني, في ظل وجود هؤلاء العمالقة الان بأرض الوطن.
اخى احمد اتمنى ان تكون بخير والله ان الموصلى فى حدقات العيون اقولها لا اداهن فالذى بيننا اكبر من ذلك حزنت كثيرا لما يحدث هنا بقصد او بدون قصد وندمت كثيرا على اضاعة الوقت فى ما لايستحق ويكفى ما بنا من احباطات
شكرا لايرادك هذا اللقاء لك شكرى واعتزازى
04-11-2010, 00:19 AM
صلاح شعيب
صلاح شعيب
تاريخ التسجيل: 04-24-2005
مجموع المشاركات: 2954
شكرا للزميل الدكتور ياسر مبيوع وهذه اول مرة إستمع له. ما لاحظته أن الفنان مبيوع يمتلك صوت باريتون جميل ويؤدى بكل راحة واريحية في منطقة القرار وهناك بحة في صوته جميلة أيضا..اللحن جميل للغاية وليس فيه صنعة او تكلف وينساب مع الكلمات ويجعل ذاته المقابل الموضوعي المعقول للكلمات. حاولت بعدها أبحث عن اعمال أخرى له في يوتيوب لأرى لحنا آخر له يكون فيه مجال لمعرفة أبعاد صوته في علوه. عموما جدية مبيوع وإعتماده على التجديد ستضعه يوما في مكان متقدم ما دام أنه يصر على وضع بصمته الخاصة، بكلمات مختلفة، وألحان شجية. آمل أن تسخرج ألحان مبيوع القادمة إمكانيه صوته القصوى في منطقة الجواب واعتقد انها ستكون مشبعة كما هو أداؤه في منطقة القرار. كما آمل أن يجد تعاونا مع الملحنين الرموز امثال عمر الشاعر وحسن بابكر والفاتح كسلاوي، وأرجو ألا يفهم هذا أنه تقليل من شأن ألحانه الجميلة، ولكن يمكن لهما بما لديهم من خبرة في معرفة الابعاد الصوتية لمبيوع أن يقدموا له أعمالا جيدة أخرى تكون اضافة لأعماله. بالنسبة لصديقنا الموصلي نتمنى أن تكون عودته فرصة للمتح من بئر الوطن ويأتي لنا باعمال جديدة وإقامة طبية
04-11-2010, 00:57 AM
مبيوع
مبيوع
تاريخ التسجيل: 02-26-2003
مجموع المشاركات: 1722
Quote: شكرا للزميل الدكتور ياسر مبيوع وهذه اول مرة إستمع له. ما لاحظته أن الفنان مبيوع يمتلك صوت باريتون جميل ويؤدى بكل راحة واريحية في منطقة القرار وهناك بحة في صوته جميلة أيضا..اللحن جميل للغاية وليس فيه صنعة او تكلف وينساب مع الكلمات ويجعل ذاته المقابل الموضوعي المعقول للكلمات. حاولت بعدها أبحث عن اعمال أخرى له في يوتيوب لأرى لحنا آخر له يكون فيه مجال لمعرفة أبعاد صوته في علوه. عموما جدية مبيوع وإعتماده على التجديد ستضعه يوما في مكان متقدم ما دام أنه يصر على وضع بصمته الخاصة، بكلمات مختلفة، وألحان شجية. آمل أن تسخرج ألحان مبيوع القادمة إمكانيه صوته القصوى في منطقة الجواب واعتقد انها ستكون مشبعة كما هو أداؤه في منطقة القرار. كما آمل أن يجد تعاونا مع الملحنين الرموز امثال عمر الشاعر وحسن بابكر والفاتح كسلاوي، وأرجو ألا يفهم هذا أنه تقليل من شأن ألحانه الجميلة، ولكن يمكن لهما بما لديهم من خبرة في معرفة الابعاد الصوتية لمبيوع أن يقدموا له أعمالا جيدة أخرى تكون اضافة لأعماله. بالنسبة لصديقنا الموصلي نتمنى أن تكون عودته فرصة للمتح من بئر الوطن ويأتي لنا باعمال جديدة وإقامة طبية
شكرا لك استاذ صلاح شعيب كلماتك وسام اعلقه على صدرى ومدخل اخر لايراد الكثير عن مجتمع الفن هنا وسيأتى الحديث عنها بالتفصيل فى بوست جديد ملاحظاتك مهمه جدا ولها اعتبار خاص عندى وايضا فوجئت باسم الاستاذ عمر الشاعر وهو من اجمل شخوص الوسط الفنى اتفقنا قبل ايام على عمل من الحانه ويشرفنى ذلك اما استاذى الموصلى فعنده من الاعمال الجديده مايربو على العشرين ربما كان من حظى احدها تحياتى لك وستسمع الجديد قريبا
04-11-2010, 01:13 AM
كمال سالم
كمال سالم
تاريخ التسجيل: 02-13-2008
مجموع المشاركات: 4786
ياود يافاتح ضلفتين من غنا ,, مشتاقين والله ,, أخبارك شنو ؟ قرايه ولا شغل ؟ حمدلله على سلامة الموصلى وإنشاء الله البلد مرحبه به فى ظل الهوس الإنتخابى المزور . عايزين نسمع صوتك يأخ ,, تحياتى ,,
04-11-2010, 01:29 AM
مبيوع
مبيوع
تاريخ التسجيل: 02-26-2003
مجموع المشاركات: 1722
Quote: ياود يافاتح ضلفتين من غنا ,, مشتاقين والله ,, أخبارك شنو ؟ قرايه ولا شغل ؟ حمدلله على سلامة الموصلى وإنشاء الله البلد مرحبه به فى ظل الهوس الإنتخابى المزور . عايزين نسمع صوتك يأخ ,, تحياتى ,,
كمال يااجمل الحلوين والله اخجل من سؤالكم عنى ولكنك ادرى بظروف هذه البلاد طوقتمونى بجميل لاينكر ومحبة حفرت عميقا فى داخلى وابكى ياصديقى عندما اقارن هناك بهنا احساسى بالغربة يتزايد بفدر عجلة الجاذبية قراية الكبر شغاله وطاحونة الامتحانات على الابواب وقلع الضروس على الابواب "شفت جنس الشقاوه دى؟" ستسمع صوتى قريبا وبمعية ال حمد و د عمر فقد خففو على كثيرا واعادونى لذكرى ايام عزيزه سلم على عادل واسرته الكريمه واهلى ورفاقى فى الدوحه
04-11-2010, 05:01 AM
Elmosley
Elmosley
تاريخ التسجيل: 03-14-2002
مجموع المشاركات: 34683
عزيز الفنان الجميل د ياسر لا تنزعج ياصديقي فانا لم تتوقف محاولاتي باقناع شقيقي الاصغر بكري ابوبكر بانني فنان ويبدو ان الوقت لم يحن بعد ولم يشفع له عطائي غير المسبوق هنا ولقد ظهر لي ذلك جليا في حفل لاس فيجاس وفي استقبال الخرطوم وكلاهما غير مسبوق وبلا غرور عموما القدم ليها رافع ياصديقي
04-11-2010, 06:39 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
استاذى العزيز احيانا نفترض فى صاحب الموقع الالكترونى او حتى الاعلامى انو بيفهم فى الفن او فى الادب ولكن ذلك مناف للحقيقه ياصديقى فقد يرى بكرى فى فلان انه اديب ولكنه قد لايمت لاى ادب بصله حتى الادب نفسه وقد يرى فى فلان او فلانه انه فنان رغم انه او انها لاتمت او يمت للفن بصله هذا الاسفير جعل كل من النكرات معارف ومن الجهلاء مراجع ومن شذاذ الافاق ناصحين اذا كانت بلد المليون ميل لاتعرف ولاتقدر قيمة العلم فماذا تتوقع والله قد مر على من المواقف فى الايام القليله الماضيه ما يفقع المراره حتى واننى استغرب فى اننى ما ازلت اتنفس قدرك معلوم ياصديقى فلا تلتفت لما لايستحق الالتفات وبرضو بفتش فى واحد من ناس السودان يجى بى جاى يدينا تبرير واحد لما يحدث بالمناسبه الاخ معتز تروتسكى كان فى انتظارك فى المطار ولكن فى الجهه الاخرى وتانى برجع ليك بعد نومة الصباحيه اللذيذه
04-11-2010, 07:39 AM
اساسي
اساسي
تاريخ التسجيل: 07-20-2002
مجموع المشاركات: 16468
Quote: دكتور ياسر سلامة العودة وخلي بالك من الامتحانات انتظرنا كتير يوم الاربعاء وماجيت؟؟؟؟؟
كيفك يا دفعه غبت عن المحاضره وكنت مجهز العود لكن حضور الوالد وهو مريض شغلنى طوال اليوم فكان الختام نومه بكامل الملابس والحذاء ههههههه الاربعاء دى القعده جوه القاعه وقول لى القروب بتاع الشرح يشوفو ليهم مصطبه والا شجره
04-12-2010, 00:14 AM
مبيوع
مبيوع
تاريخ التسجيل: 02-26-2003
مجموع المشاركات: 1722
Quote: يا استاذ ياسر كلامك دا قاسي جدا رغم عموميته و عدم تخصيص إسم
Quote: ووروده في سياق اللوم يفقده معناه الجميل من باب الما دارك ما لامك
اخى محمد البشرى سلام كلامى ما قاسى كلامى عين الحقيقه وامامك سوق ام دفسو وادباء الغفله وصحفيو الزمن الرديئ نذرت نفسى كفنان ارسخ لمفاهيم الجمال واحارب مفاهيم القبح وكلامى ليس من باب الما دارك ما لامك الحمد لله الذى اغنانى عنهم مادايرهم وما داير منهم اى حاجه وكررت الكلام دا فى اكتر من مداخله بورداب السودان وبورداب الامارات الا عددا يقل عن اصابع اليد(وهم عارفين) وتااانى بقول للموصلى ولمن يهمه الامر لو كنت هنايه ديك كانو رجوك فى المطار من الدغش!!!!!!
04-12-2010, 06:33 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: كفنان نذر نفسه لمحاربة مفاهيم القبح ألا ترى ان الكلام دا يحمل من المفاهيم اقبحها
اولا صباح الخير يامحمد ياراجل الا ترى مايحدث فى هذا المكان الا ترى نوعية الالفاظ المتداوله فيه الا ترى تعدى الناس على الاعراض وتبرير الظلم الواقع على الناس من قتل وتشريد واغتصاب وترى ان كلامى يحمل من المفاهيم اقبحها!!!!!! اما عبارتى التى قلتها فقد ظلت مثار حديث طويل بينى وبين الموصلى منذ العام 2004 وماحدث يؤكده....الا ترى المانشيتات العريضه التى تحتفى بمن هم اقل من الموصلى علميا وفنيا الا ترى كيف يهرول الكثيرين من الاعضاء الى البوستات ذات الصور وكمية المداخللات التى تعكس مدى سطحية وضحالة الفكير فى من نفترض انهم مثقفون
Quote: ثم مادام الحمدلله الذي اغناك عن البورداب وما داير منهم حاجة ما تشتغل بيهم ولا تفقدهم كونهم استقبلوك او لا
انا لم اتحدث عن استقبالى ولم اقل لاحد يوما ان يستقبلنى فانا لا ارى فى نفسى من يستحق ذلك انما اتحدث عن التواصل الانسانى الذى كنت اتوقع ولم يكن وحتى هذا فلا احتاجه الان ولا احتاج ان اكون فى هذا المنبر وسأغادره نهائيا بعد ان يستنفذ هذا البوست اغراضه شكرا لك على مشاركتك ومقدر لك ذلك
04-12-2010, 00:00 AM
مبيوع
مبيوع
تاريخ التسجيل: 02-26-2003
مجموع المشاركات: 1722
اخونا الذي وعدنا وخلانا كيفك يا ياسر تعرف انا زعلان جداً من ناس الخرطوم ...يعني معقوله بس كاميرا ناذر مشكوراً هي بس اللي تنقل لينا اخبار الاستقبال؟؟؟ والله من الذي رأيت من حجم الاستقبال ليس بنفس المقام الذي يستحقه استاذنا الموصلي بمقدار ما قدم للفن السوداني يعني معقول بس بعد كل هذه السنين في الغربه يكون ده شكل الاعلام في استقباله؟وحتي دلوقت اخباره انقطعت بسبب الانتخابات اتمني بعد الانتخابات ان يجد الاعلام الطريقه المثلي لتكريمه وتسليط كل الاضواء علي نشاطاته اثناء تواجده في السودان تحياتي له ولك والحضور الكريم
04-12-2010, 02:20 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
أخونا ياسر سلام أنا ما من بورداب الخرطوم و بالتالي كلامي ده قد لا يعبر عنهم ، انما هي وجهة نظر شخصيه لا أكثر و لا اقل : الاستاذ الموصلي علم من أعلام الفن السوداني و ما افتكر إنو المنبر ده زاد ليهو حاجه اللهم إلا تواصل الناس معاهو و رؤيتنا ليهو كزول سمح في عضمتو : متواضع في بلد معظم مشهوريها رافعين القزاز إلا ما رحم ربي . يبقي لومك لبورداب الخرطوم نابع من إنهم لم يكونو في إستقبال زميلهم في المنبر ما في محلو لانو بورداب الخرطوم - أو أي بورداب في أي مكان - ما مسؤلين عن إستقبال أي من زملائهم أو زميلاتهم البوردبيات انما هي حاجه شخصيه جدا تحكمها علاقة البورداب الشخصيه مع بعضهم البعض . و لك أن تتخيل منبر أعضاؤه بالالاف غالبيتهم الغالبه بره السودان ، كيف بورداب الخرطوم يكونو في المطار لإستقبال أي بوردابي في زياره للسودان ؟ اتفهم حبك للاستاذ الموصلي و الذي يشهد الله كلنا نحبه معك لكن متحير في لومك الزائد لعدم استقبالو في المطار و كانو فرض عين علي بورداب الخرطوم ، لا راعيت إنو الناس دي ممكن تكون شغاله أو مشغوله أو عندها ما منعها من الحضور أو أصلا ما شايفين استاذ الموصلي بعيونك ، ده من ناحيه ، من ناحيه تانيه كلامك عن إنو ده لو ( سميره احمد.... او حتى هنايه ديك) كان الناس جات المطار والله فيهو اساءه للناس بصوره غريبه و قبل كده فيهو اساءه لنفسك باساءتك لكميه من الناس بدون أي مبرر منطقي . فيا عزيزي الناس كلها ما شايفه أستاذ الموصلي زي ما إنت شايفو و كونو بورداب الخرطوم ما كانو في إستقبالو في المطار ما بقلل من شأنو و لا من شأنهم . و لك التحيه و مثلها لاستاذ الموصلي و لبورداب الخرطوم .
04-12-2010, 08:40 AM
مبيوع
مبيوع
تاريخ التسجيل: 02-26-2003
مجموع المشاركات: 1722
Quote: أخونا ياسر سلام أنا ما من بورداب الخرطوم و بالتالي كلامي ده قد لا يعبر عنهم ، انما هي وجهة نظر شخصيه لا أكثر و لا اقل : الاستاذ الموصلي علم من أعلام الفن السوداني و ما افتكر إنو المنبر ده زاد ليهو حاجه اللهم إلا تواصل الناس معاهو و رؤيتنا ليهو كزول سمح في عضمتو : متواضع في بلد معظم مشهوريها رافعين القزاز إلا ما رحم ربي . يبقي لومك لبورداب الخرطوم نابع من إنهم لم يكونو في إستقبال زميلهم في المنبر ما في محلو لانو بورداب الخرطوم - أو أي بورداب في أي مكان - ما مسؤلين عن إستقبال أي من زملائهم أو زميلاتهم البوردبيات انما هي حاجه شخصيه جدا تحكمها علاقة البورداب الشخصيه مع بعضهم البعض . و لك أن تتخيل منبر أعضاؤه بالالاف غالبيتهم الغالبه بره السودان ، كيف بورداب الخرطوم يكونو في المطار لإستقبال أي بوردابي في زياره للسودان ؟ اتفهم حبك للاستاذ الموصلي و الذي يشهد الله كلنا نحبه معك لكن متحير في لومك الزائد لعدم استقبالو في المطار و كانو فرض عين علي بورداب الخرطوم ، لا راعيت إنو الناس دي ممكن تكون شغاله أو مشغوله أو عندها ما منعها من الحضور أو أصلا ما شايفين استاذ الموصلي بعيونك ، ده من ناحيه ، من ناحيه تانيه كلامك عن إنو ده لو ( سميره احمد.... او حتى هنايه ديك) كان الناس جات المطار والله فيهو اساءه للناس بصوره غريبه و قبل كده فيهو اساءه لنفسك باساءتك لكميه من الناس بدون أي مبرر منطقي . فيا عزيزي الناس كلها ما شايفه أستاذ الموصلي زي ما إنت شايفو و كونو بورداب الخرطوم ما كانو في إستقبالو في المطار ما بقلل من شأنو و لا من شأنهم . و لك التحيه و مثلها لاستاذ الموصلي و لبورداب الخرطوم .
اولا احمد الله انك ما من بورداب الخرطوم على الاقل حتى الان تانبا الموصلى من اوائل اعضاء المنبر دا واندرش فيهو لحدى ما مرض ضيع من زمنو وعلى حساب بيتو واولادو تجى تقول لى مامفروض وبكونو مشغولين(استغفر الله) الظاهر انى بتكلم عن زمن تانى واخلاق تانيه وشعب تانى وبلد تانيه غير البلد المزفته دى مافى اساءه للناس ياحبيب فسميره احمد هى سميره دنيا راجع الارشيف وماعاوز اتكلم اكتر من كده عشان ما اتلوم وما تزعل منى وتهيج ساكت وتتهمنى وانا زول متربى كويس ومتعلم كويس وفاهم الدنيا ماشه كيف اتمنى انك ماتكون من بورداب الامارات فرصه سعيده واعتقد انها ما حاتتكرر تانى لانى مغادر بعد ان استنفذ هذا البوست اغراضه وداعا سودانيزاون لاين وليعذرنى من احببت فى هذا المكان ومن التقيت فكانو اكثر من اخوه
تم بحمد الله من اراد التواصل معى فارجو ان يكون ذلك على الايميل [email protected]
04-12-2010, 08:17 AM
مبيوع
مبيوع
تاريخ التسجيل: 02-26-2003
مجموع المشاركات: 1722
Quote: اخونا الذي وعدنا وخلانا كيفك يا ياسر تعرف انا زعلان جداً من ناس الخرطوم ...يعني معقوله بس كاميرا ناذر مشكوراً هي بس اللي تنقل لينا اخبار الاستقبال؟؟؟ والله من الذي رأيت من حجم الاستقبال ليس بنفس المقام الذي يستحقه استاذنا الموصلي بمقدار ما قدم للفن السوداني يعني معقول بس بعد كل هذه السنين في الغربه يكون ده شكل الاعلام في استقباله؟وحتي دلوقت اخباره انقطعت بسبب الانتخابات اتمني بعد الانتخابات ان يجد الاعلام الطريقه المثلي لتكريمه وتسليط كل الاضواء علي نشاطاته اثناء تواجده في السودان تحياتي له ولك والحضور الكريم
محمد زكريا ازيك يازول وكيفك مع صقيع المنفى استقبال الموصلى كان مهيبا وحضره من العمالقه موسيقيون وفنانون يسدو عين الشمس وكان الاعلام بمستوى عالى تلفزيون واذاعات وصحف حتى ان الاستاذ النخلى كان على الهواء مع اذاعة البيت السودانى طوال لحظات الاستقبال اما بورداب الخرطوم فما تزعل منهم انت ماشايفنى مبسوط منهم كيف؟ ستجد تسجيلات وفيديوهات على النت فى اكثر من موقع صورو الحدث كاملا والحلقه الجايه من برنامج كل الجمال فيها تغطيه كمان سلامى لك ولكل رفاق الغربه
Quote: يبقي لومك لبورداب الخرطوم نابع من إنهم لم يكونو في إستقبال زميلهم في المنبر ما في محلو لانو بورداب الخرطوم - أو أي بورداب في أي مكان - ما مسؤلين عن إستقبال أي من زملائهم أو زميلاتهم البوردبيات انما هي حاجه شخصيه جدا تحكمها علاقة البورداب الشخصيه مع بعضهم البعض . و لك أن تتخيل منبر أعضاؤه بالالاف غالبيتهم الغالبه بره السودان ، كيف بورداب الخرطوم يكونو في المطار لإستقبال أي بوردابي في زياره للسودان ؟
الأخ الحبيب أمين سليمان
في رأيي المتواضع أنه قد جانبك التوفيق في هذا الجزء من مداخلتك ...! أولاً كأنماجاء ردك كرد فعل زايد شوية لكلام د ياسر في لومه لبورداب الخرطوم ... لمانجي نتكلم عن العملاق يوسف الموصلي ينبغي أن ننزل الناس منازلهم ... ما ممكن تقول لي إنوالبورداب ما مسؤولين عن إستقبال زميلهم أو زميلتهم ....! وما ممكن تحصر لي الموضوع في أنه علاقة شخصية وبس ...! يبقى لو ده فهم البورداب معناه فعلاً الناس دي قاعده في السهلة سااااااااااااااكت ...!
يا أمين يا أخوي الموصلي مش أي بوردابي والسلام ... ويكفينا شرفاً أننا ننتمي للبورد البيجمعنا بيه ... هو رمز من رموز بلادي ... وحري بنا ونحن نرتبط - دون غيرنا كبورداب - معه بعلاقة صداقة إسفيرية ... أن نحتفي به دون غيرنا- وإن شئت - دون غيره ...! وبالتأكيد ده شرف كبير لينا ، ومشكلة كبيرة وكت نكون ما حاسين بي كده ...! ويقيني إنك عارف الحقيقة دي ... كمان كلنا عارفين الحقيقة التانية وهي حكاية سميرة أحمد أو هناية ديك ...! د ياسر - في رأيي - محق تماماً فيما أورده في البوست ده ... وما تأخذ المسألة بحساسية أكبر مما تقتضيه .. ولك إحتراماتي وودي ..
04-12-2010, 08:59 AM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: وسأغادره نهائيا بعد ان يستنفذ هذا البوست اغراضه
لا يا ياسر لا يا خوي ... نحنا ما عندنا ذنب ... وحتى لو عندنا ذنب ما مُمكِن تعاملنا بِالشكل ده ... ياخ قبيلتكُم دي مسموح ليها تعاقبنا بِأي حاجة بتشوفا مُناسبة إلا الفُراق إلا دي يا يا ياسِر يا خوي ... الموصلي بنريدو والله ومِن قديم وما محتاج لحاجة إلا إنو نعبِر ليهو عن حُبنا وتقديرنا لِتاريخو وتشكيل وجدانا ...
بورداب الخرطوم ما تلومم عليك الله ديل قاعدين في بلد صعب خلاس ممكن " أتفه الأسباب " عند بقِية البشر العايشين في العوالم التانية ، تكون بِالنسبة ليهم " مُصيبة كبيرة " شوف مثلاً ، مِن طيارة الموصلي تنزِل في مطار الخرطوم لغاية ما يركب ليهو عربية يتخارج بيها مِن المطار ... دي كم ساعة تقريبًا ؟ النقول (3) ساعات ... النقول (5) ساعات ... بوردابي بِحب زي وزيك الموصلي وفي نيتو يمشي يستقبلو في المطار ... ساكِن الحارة العاشرة ولا الدروشاب ولا الكلاكلة ... زي ده ممكن براحه ما يتَوفق يِصل في الـ5 ساعات الإتواجد فوقا الموصلي في المطار ... واحِد تاني بحب الموصلي وما سِمع بِجيتو زاتا ... وتالت في المستشفى ورابع ناس الشغل ما أدوهو إذن إنصِراف وخامس وسادس ... إلخ السودان ده بلد بتتحكم في الناس الظروف ... بس الظروف ... ما حاجه تانية ...
بإسم حُبنا ليك يا ياسر مبيوع -لو شايِف إنو بنستاهل نحِبك- ما تغادِر الفِجه دي ... ياخ مُجرد إنك تفكِر كِده ده بيع لمشاعِرنا بِالرخيص بِإسم حبنا ليك يا الموصلي ما تزعل وإنت الفرح ... كُل الفرح ... عاد تاني كيفِن نبتهِج
04-12-2010, 09:15 AM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
بعد تفكير أنا شايِف إنو تفِش غبينتك دي في واحِد بس مِن بورداب الخرطوم ... يعني واحد كِده يِكون لِبقِية بورداب الخرطوم " فرض كِفاية " أنا بقترِح عبدالوهاب الشهير بوهبه ... ليه عبدالوهاب بِالذات؟ أقول ليك يا صاحبي ... في التبادي ساكِن بحري ... وشغال مع ناس البوليس في بري القريبيييية من المطار ديك (فرده كعب) ... وعِندو عربية ... وأي بوردابي مشى السودان إسْتقبلو ... أها يا خوي رشو على بركة الله وبِكده تكون فشيت غبينتك وحافظنا عليك إسْفيرِيًا ... ده رأي ... بحاوِل أرضى الأطراف (بنعالِج بعدين مع عِيال المسلمي الآثار الإتْرتبت على وهبه جراء الرش)
رُش وعَين الله ترعاك
أنا قلت ليك بريدك مُش ده ... ما عارِف ... إحتياطي كِده يا زول بريدك
04-12-2010, 10:13 AM
معتصم محمد صالح
معتصم محمد صالح
تاريخ التسجيل: 07-14-2007
مجموع المشاركات: 7293
سعدت بمرافقة الاستاذ الموصلي على طائرة الامارات في ذلك اليوم الجميل .. ونحن على ارتفاع 38000 قدم اتصلت ببورداب الخرطوم واخبرتهم ووعدوني بالحضور لاستقبال الاستاذ .. وعندما لم اجدهم تواريت خجلا ..
عفوا بورداب الخرطوم ..
ناذر الخليفة في هذه الحالة لا يحسب من بورداب الخرطوم ..
عزيزي مبيوع ..
نيابة عن بورداب الخرطوم ( ان قبلت ) نعترف ونقر بتقصيرنا..
04-12-2010, 10:36 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
قادر الله.. أول مرة أعرف سميرة أحمد هي سميرة دنيا.. صدفة غريبة.. أخوك طاشي شبكة الوقت دا كلو.. ياخي الزولة الجميلة دي عندي ليها شريط محتفظ بيه من عام 2000 أدوني ليهو هدية واليومين ديل هي معانا هنا في هيوستن.. ويوم السبت الماضي غنت لينا في مناسبة صراحة غناء جميل أطربت به الكبير والصغير.. ورجعنا كلنا مبسوطين 24 قيراط. ليس دفاعا عن سميرة أحمد.. لكن أتساءل لماذا حشر إسمها في هذا الموضوع دون االأشارة الى الأخرين من أمثال أخونا ودالصائم الذي إستقبل إستقبال خرافي في الخرطوم العام الماضي من قبل بورداب الخرطوم. (والله حظك يا ود الصائم).
يا ياسر ودعتنا بزيارة لمدينة هيوستن ولم تفى بوعدك لنا حيث لازلنا في إنتظارك.
أستاذنا يوسف الموصلي: يازول عادي جدا.. أهم شيء تمشي تبل شوقك وتسلم على أهلك وتقالدهم وتعود لينا بالسلامة لأنه أنحنا ناسك وبنعرف حق قدرك وكيف بنعزك وبنحترمك لأنك فنان أصيل شايل هم شعبك ووطنك.
04-12-2010, 06:29 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
ولكن لانى بعيد عن السودان تمنيت ان يقوم البورداب بتصوير الحدث الهام والاخ ناذر قام بالواجب واكثر. عاطر التحايا واخص الاخ مدنى وبعدين ماتنسونا من رحلات العشاء بدودى بالرياض ومدنى عندوا واحد بتاع عصائد خطر بالسوق العربى كل الحب إبراهيم
04-12-2010, 07:32 PM
عادل التجانى
عادل التجانى
تاريخ التسجيل: 04-08-2007
مجموع المشاركات: 2154
تنفس ... أخد نفس طويل زفير .... زفير تاني يا صديقي أخرج مع هذا الزفير كل الزعل ثم شهيق ملي بالأمل
والله يا ياسر الناس في الخرطوم جاريه جري عجيب وقد كنت في إجازتي في السودان وشفت الحال بي نفسي فيا أخي أنت مطرب جميل ولك مساحتك الرائعه والدافئة فلا تلخبطها بالغل والموصلي فنان ملء السمع والبصر وله بصمة لا يمسحها الزمن سواء في الألحان أم التوزيع
وبعدين يا صديقي للغربة ضريبتها فهنالك جيل أو جيلان لا يعرفوننا تماماً وهذا لا يزعل بحال لأن الغربة ضيعت الكثير من معالم الفن الأصيل الذي سافر مع أصحابه ومهمتك أنت إيصال ما انقطع من فن جميل راق أعرف أنك تملكه تماماً أما الموصلي فلن يحتاج إلى زمن طويل لتذكير الناس به فهو بصمة رائدة بس أسمعني جيداً
زفير ... زفير ... وبعدين (شهيق أمل يبقى طويلاً)
وعايزين نشوفك كده في الأجهزة الإعلامية تملأها بتغريدك ومشتاقين لجديد الموصلي المتأصل في وجدان هذا الوطن
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة