واقصد بهذا السؤال كافة اعضاء هذه التنظيمات المذكوره في العنوان والسؤال منقسم لقسمين هم :- 1/ اذا فاز حزب المؤتمر الوطني (حزب عدم الشرعية من اساسه) هل يعني هذا الفوز أنه سيحكم لاربعة سنوات اخري ؟ (بغض النظر عن رآي الشعب وتنظيماته). ب/ إلي الان تحظي الانتخابات (رغم معرفتنا بتذويرهافي الاساس) برقابة دولية (هي وحسب وجهة نظرنا تريد اطفاء شرعية علي نظام مجرم ) هل يعني هذا الاعتراف الدولي بنظام البشير عقب الانتخابات ؟! 2/ الاربعة سنوات القادمة اذا كان فوز البشير هو الحتمي الان وانسحاب ومقاطعة القوى السياسية من العملية الانتخابية الان يفتح ذهننا انه بعد انقضاء الاربعة سنوات سوف تاتي دورة انتخابية جديدة فماذا اعدت التظيمات والقوى السياسية لها منذ الان ؟؟!!
حقيقة السؤال الاخير يشغلني جداً خصوصاً بعد انتظار دام عشرين عام لارض معركة انتخابية وفي نهاية المطاف اتت مزورة فماذا نحن فاعلون بعد مضي الاربعة اعوام القادمة ؟
04-09-2010, 02:38 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: واقصد بهذا السؤال كافة اعضاء هذه التنظيمات المذكوره في العنوان والسؤال منقسم لقسمين هم :- 1/ اذا فاز حزب المؤتمر الوطني (حزب عدم الشرعية من اساسه) هل يعني هذا الفوز أنه سيحكم لاربعة سنوات اخري ؟ (بغض النظر عن رآي الشعب وتنظيماته). ب/ إلي الان تحظي الانتخابات (رغم معرفتنا بتذويرهافي الاساس) برقابة دولية (هي وحسب وجهة نظرنا تريد اطفاء شرعية علي نظام مجرم ) هل يعني هذا الاعتراف الدولي بنظام البشير عقب الانتخابات ؟! 2/ الاربعة سنوات القادمة اذا كان فوز البشير هو الحتمي الان وانسحاب ومقاطعة القوى السياسية من العملية الانتخابية الان يفتح ذهننا انه بعد انقضاء الاربعة سنوات سوف تاتي دورة انتخابية جديدة فماذا اعدت التظيمات والقوى السياسية لها منذ الان ؟؟!!
حقيقة السؤال الاخير يشغلني جداً خصوصاً بعد انتظار دام عشرين عام لارض معركة انتخابية وفي نهاية المطاف اتت مزورة فماذا نحن فاعلون بعد مضي الاربعة اعوام القادمة ؟
سلام يا نابري ما عاوز اتكلم عما هو في رحم الغيب . . بعد الارعة سنة ما معروف يا اخوي ح يكون/ما يكون في شنو ؟ و اعتقد دا كلو بتوقف على الح يحصل في المستقبل القريب جداً متفهم سؤالك . . و اسمعت إذ ناديت حياً
انا كمقاطع ما حاسي انو علي اي مسئولية اخلاقية في قبول نتائج انتخابات ما شاركت فيها و متحفظ على نزاهتها و حريتها و شفافيتها . .
و متمنى اسمع من الضفة الاخرى هل ح يباركو للبشير و لا لا ؟ و اذا كان لا . . ليه ؟
---------
يا سفيان ياخ عارفنك غير ناطقين بها . . ياخ ( اضفاء ) ما اطفاء ياخ !! لكن في الحقيقة عمك " قريشن " و من لف لفه شغالين ( طفي ) ساي !! . . باسم المصالح الامريكية طفوا آمال شعب كامل في الحلم بوطن خير ديمقراطي حديث !! الله يلعن المصالح البعلوها فوق إرادة الشعوب
04-10-2010, 01:42 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: ما عاوز اتكلم عما هو في رحم الغيب . . بعد الارعة سنة ما معروف يا اخوي ح يكون/ما يكون في شنو ؟ و اعتقد دا كلو بتوقف على الح يحصل في المستقبل القريب جداً
يا قيقراوي كيفك يا حبيبنا
المصيبة انو الموضوع وبحسابات بسيطة واضح ولا في رحم الغيب ولا حاجة وهو واحد من التحت ديل :- 1/ يكون في فعلاً دورة انتخابية جديدة بعد اربعة سنوات . 2/ نظام البشير الذي سيفوز حالياً يسيطر علي كل مفاصل الدولة ويحل البرلمان الذي سينعقد في هذه الانتخابات ويفرض نظامه الشمولي باكثر من ما هو الان . 3/ أن تكون كل هذه الدوشة وهذه الانتخابات الحالية هي تلك البنود التي ظلت مختبية تحت طاولة نيفاشا وتمضي ليكون للجنوب حكمه الذاتي في ظل كونفدرالية وان يتحكم البشير لفترة محدودة في الشمال ثم يتم تغييره من داخل كيانه نفسه بالأليات مختلفة .
Quote: و اعتقد دا كلو بتوقف على الح يحصل في المستقبل القريب جداً انا كمقاطع ما حاسي انو علي اي مسئولية اخلاقية في قبول نتائج انتخابات ما شاركت فيها و متحفظ على نزاهتها و حريتها و شفافيتها . .
يا قيقا انا ربطته في الاقتباس الفوق ده كلامك الفوق مع سطرك التحت عشان اقول ليك أنو المستقبل القريب جداً رهين بانك انت وانا وغيرنا معنيين تمام بان اي موقف نقفه لابد ان ينصب بشكل واضح في روية هدفنا وروية هدفنا هو تغيير النظام دون ادنى شك حيث اننا اذا قاطعنا فلابد اننا نملك تحديد خطى لآلية تغيير النظام دون أن ننتظر مجرى الصدف والاحداث فما هي الياتنا تلك؟!
Quote: و متمنى اسمع من الضفة الاخرى هل ح يباركو للبشير و لا لا ؟ و اذا كان لا . . ليه ؟
يا قيقراوي ياخ مالك ياخ ؟؟! الضفتين بوضوح انا شايفهم باركو صدقني جد بالمناسبة في بوست مهم جداً كاتبو اخونا القانوني عمرو كمال المحامي في حقايق مهمة جداً أتمني انك تراجعو كويس شديد عشان تشوف المباركة كيف بقت من الجميع الفي والمافي .
Quote: يا سفيان ياخ عارفنك غير ناطقين بها . . ياخ ( اضفاء ) ما اطفاء ياخ !! لكن في الحقيقة عمك " قريشن " و من لف لفه شغالين ( طفي ) ساي !! . . باسم المصالح الامريكية طفوا آمال شعب كامل في الحلم بوطن خير ديمقراطي حديث !!
هاهاها هاهاهاها والله وديته جاي ما لفقت وديتا هناك مالفقت ختيته كده ده ههههههههههههههههه وقائل نفسي ح احير سبويه . لكن هو ما طفي جد .
محبة شديدة .
بس عايز جد جد اجابة لاسئلتي لو تكرمتم .
04-11-2010, 10:02 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
المصيبة انو الموضوع وبحسابات بسيطة واضح ولا في رحم الغيب ولا حاجة وهو واحد من التحت ديل :- 1/ يكون في فعلاً دورة انتخابية جديدة بعد اربعة سنوات . 2/ نظام البشير الذي سيفوز حالياً يسيطر علي كل مفاصل الدولة ويحل البرلمان الذي سينعقد في هذه الانتخابات ويفرض نظامه الشمولي باكثر من ما هو الان . 3/ أن تكون كل هذه الدوشة وهذه الانتخابات الحالية هي تلك البنود التي ظلت مختبية تحت طاولة نيفاشا وتمضي ليكون للجنوب حكمه الذاتي في ظل كونفدرالية وان يتحكم البشير لفترة محدودة في الشمال ثم يتم تغييره من داخل كيانه نفسه بالأليات مختلفة .
و تيب !! سلام حبيب الكل مستقبل البلد دي مفتوح على كل الاحتمالات ، بما فيها مهددات وجوده ، و انو يتنسف للاسف دا البخلينا نضع ايادينا على قلوبنا من سوء ما يتبدى من قبح سيناريوهات محتملة و شديدة الاحتمال . لكن ما ملاحظ انو كورس خياياتك الفوق دا خاتينا في موضع المفعول به ، و انو المؤتمر الوطني الفاعل الوحيد ؟ لو قريتك صاح افتكر انو تمهيد جيد لي دا :
Quote: يا قيقا انا ربطته في الاقتباس الفوق ده كلامك الفوق مع سطرك التحت عشان اقول ليك أنو المستقبل القريب جداً رهين بانك انت وانا وغيرنا معنيين تمام بان اي موقف نقفه لابد ان ينصب بشكل واضح في روية هدفنا وروية هدفنا هو تغيير النظام دون ادنى شك حيث اننا اذا قاطعنا فلابد اننا نملك تحديد خطى لآلية تغيير النظام دون أن ننتظر مجرى الصدف والاحداث فما هي الياتنا تلك؟!
اوافقك في مجمل الفكرة و اخالفك في جزئية سغيرة الهي " اذا قاطعنا فلابد اننا نملك تحديد خطى لآلية تغيير النظام " ، ما اعتقد انو بمنعني من اتخاذ الموقف السليم - حسب رؤيتي - اني ما ( بملك ) تحديد ، وإن كان مستحسن لكن ما شرط وجوب ، لو قعدنا نحسبا كدا يانا البقينا مفعول به منصوب عليه على طول الخط ، لما نبقى في خبر كان !! اعتقد انو المقاطعة ( الايجابية ) في حد ذاتا آلية و أداة رفض ، عدم امتلاكي لبديل ما معناتا اشارك في غلط بائن لي . اعلاه ليس مبرر لكسل ذهني ، اومسوغ لـ " اللبدان " في البيوت ، زي ما قال د. الشفيع خضر . في اعتقادي الشخصي انها الخطوة المبدئية الضرورية لنفض الغبار عن كل القديم . . افكار . . ادوات . . آليات . . مفاهيم . . و حتى صيغ التحالفات . . طلوع كامل عن التفكير داخل المربع ، و البحث عن مثلثات حلول براهو . . " كويست نت " بتاعة التسويق الشبكي ، في واحدة من محاضراتها - لتغيير طريقة تفكيرك - بعرضوا عليك نظرية مدهشة ، تخليك تضحك على حالك و كلاحة تفكيرك ، و هي بسيطة جداً " مجرد 9 نقاط في تلات صفوف متوازية ، مطلوب منك توصلها بـ 4 خطوط مستقيمة متصلة ، لو لفيت داخل المربع البتشكلو محيط النقاط التسعة لي يوم الدين ما بتصل لحل الا بالتعاطي مع التلفيق . لما تصل الحل الصحيح بتلقى نفسك بديت من ( برة ) البوكس , انتهيت براهو ! حاولا ؟ دا هوم ويرك تجربة ( علمية ) تانية ، شفتها في التلفزيون في واحدة من المجلات المصورة ، ابطالها ( فأر ) و كم حيوان تاني ، و هي برضو بسيطة جداً ، المرة دي ما مربع ، بل مكعب ( شفاف ) ما زي انتخابات البشير القميص عامر دي ، اها المكعب دا مفتوح في احد واجهاتو ، و جواهو قطعة جبنة ، و ابطال الرواية محبوسين في مكان تاني ، بتبدأ التجربة بإنو يخلو الواجهة ( المافي ) في مواجهة قفص الابطال ، طبعاً في المرحلة الاولى ، الكل بفوز ، شوية بغيرو الواجهة المافي لاتجاهات تانية ، و تعال شوف الفرق بين ( الغباء ) و الذكاء ، الجماعة كلهم كسروا ريسينم ، صديقنا الفار هو الوحيد الخبط مرة واحدة بس ، و صنقع دنقر ، كحل كويس و تييف اخد اللفة و لهط الجبنة . . الكلام دا شفتوا بعيني الشقية دي - ياخ ليه حاسي انكم ما ح تصدقوني ما عارف ؟! - غايتو للضمان كدا دي ما اول مرة احتفي بذكاء فار Re: كلمة ( نقاش ) يعني شنو هنا عندكم في سودانيز اون لاي... توجد ( صور ) مقلوبة
ياخ داير اقول شنو انا ؟ الشغلة محتاجة انقلاب مفاهيمي ، و تغيير شامل ياخ اخدنا الوكت دا كلو عشان بس نفهم اننا جيل انتقالي ساي ؟! لو قدر لي رجعة لي هنا يا قلب ياني القالبا . . يا غرق يا جيت حازما
Quote: يا قيقراوي ياخ مالك ياخ ؟؟! الضفتين بوضوح انا شايفهم باركو صدقني جد بالمناسبة في بوست مهم جداً كاتبو اخونا القانوني عمرو كمال المحامي في حقايق مهمة جداً أتمني انك تراجعو كويس شديد عشان تشوف المباركة كيف بقت من الجميع الفي والمافي .
لأننا ناس ساي . . فقدان بوصلة و توهان شديد !! لكن ما آن اوان انو نوقف الضهب دا ؟ . . ياخ ما نقيف شوية ، و نسأل ياخ بدل نشافة الراس دي ؟!
تاج السر جعفر قال :
إن القضية أن توازي ما علمت بما تمارس من سلوك و أن تمشي إلى الأشياء و أنت تدرك أنها الأشياء و أن تبقى مع صوت الحقيقة- أينما اتجهت - لكي تبقى دليلا للحياة المشنقة - 1994 م
الليل ذاكرة الشعوب الخائبة الليل حقل للتجارب و العساكر و الشراب الليل و الوجع المرير تلازما فينا فصرنا هكذا هكذا كنا نصفق للعساكر و العمامات الأنيقة هكذا كنا نموت على صدر التواريخ البذيئة هكذا كنا نموت... الموت أللا يدرك المقتول معنى أن يموت أو أن تموت على يديه قضية كبرى الطين في إحتماله الاخير
-----------
Quote: لكن هو ما طفي جد .
محبة شديدة .
بس عايز جد جد اجابة لاسئلتي لو تكرمتم .
العجب انا . . حتني و الله ان شاء الله اكون جاوبت * السطر السابع في البوست الرئيسي . . عدلا يا سيبويه ياخ !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سفيان بشير نابرى
قيقراوي
فيس بوك
تويتر
انستقرام
يوتيوب
بنتيريست