|
|
 (إنسحاب حزب الامة) مجبر هو لابطل.........
|
والصادق المهدي لعبها صاح
وراي انه يحفظ ماء وجهه وينحسب قبل ما الحسم ياتيه من صندوق الاقتراع
وحزب الامة منذ بداية اعلانه خوض الانتخابات لم نر لهم اي لافته اعلانية تشير لي جدية الترشح
وكمان لم تاتية تطمينات من قواعدهم الشعبية خاصة من الجزيرة ابا.... اكبر معقل لحزب الامة حتى بالامس القريب
وهي الدائرة التي اعطته اعلى عدد اصوات بلغت 134 الف صوت في انتخابات 1986 ادارته له ظهرها لما زارها قبل اسبوع او يزيد
|
|
  
|
|
|
|
|
|
|
 Re: (إنسحاب حزب الامة) مجبر هو لابطل......... (Re: mayada kamal)
|
Quote: والصادق المهدي لعبها صاح
وراي انه يحفظ ماء وجهه وينحسب قبل ما الحسم ياتيه من صندوق الاقتراع |
مبروك عليكم الانتخابات
انشاء الله البشير ونافع مبسوطين
المهم السيد الصادق انحاذ للشعب السوداني
ولن يشارك في انفصال الجنوب
وانتفاضة قادمة لامحال
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: عاطف مكاوى)
|
الحزب الشيوعي قلتو حفظ ماء وجهه
الحركة حفظت ماء وجهها
الامة حفظ ماء وجهه
انتو مويتكم كملت ما تحفظوا ولو بالدين .
ياميادة دا كلام تطلقه قيادة المؤتمر الوطني
للمغفلين النافعين والابواق ليردده كدي تلفتي حواليك
كدا وشوفي وقولي لي الفرق شنو بين الانتخابات دي وانتخابات كيجاب .
................................................................حجر.
| |
|
|
|
|
|
|
|
|
 Re: (إنسحاب حزب الامة) مجبر هو لابطل......... (Re: عاطف مكاوى)
|
| Quote: وحزب الامة منذ بداية اعلانه خوض الانتخابات لم نر لهم اي لافته اعلانية تشير لي جدية الترشح |
بي مُناسبة عدم تواجد لافتات تُثبِت جِدّية هؤلاء
قالوا سألوا مسطول قالوا ليهو
أها يا أخونا حتدِّي ياتو مُرشّح رئاسي من الصورُم مُعلّقة في الشوارِع ديل؟
قال ليهم:
واللهِ يا سوداني ون يا عُمر البشير يا شامبيون
كااااااااااااااااااااااااااااااااااااااااااااااااك
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: علاء الدين يوسف علي محمد)
|
Quote: بي مُناسبة عدم تواجد لافتات تُثبِت جِدّية هؤلاء
قالوا سألوا مسطول قالوا ليهو
أها يا أخونا حتدِّي ياتو مُرشّح رئاسي من الصورُم مُعلّقة في الشوارِع ديل؟
قال ليهم:
واللهِ يا سوداني ون يا عُمر البشير يا شامبيون |
طيب انساك من المساطيل المخهم ملحوس اسمع دي عن حكمة الشيوخ :
جاء عمك شيخ كبير و عميان عشان يصوت في الإنتخابات، وسأل ياخوانا الزول المسئول وينووووو؟؟
قام واحد من المسئولين رده عليو :نعم ياحاج انا المسئول ..!
قال ليهو ياولدي اديني الورقه وخت لي اصبعي في رمز الشجرة!!!
ففرح المسئول ايما فرح لرغبة الرجل العميان في ان يساعدهوو كي يخت اصبعه علي الشجرة ..
وقت المسئول مسك اصبع العميان وختاهو ليهو في الشجرة الراجل العميان قال ليهو :
بعد ما ضمنته الشجرة باصبعي بالله صوّت في أي رمز تاني مافي عوجة
ازيك يا ميادة ...
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: علاء الدين يوسف علي محمد)
|
Quote: والصادق المهدي لعبها صاح
وراي انه يحفظ ماء وجهه وينحسب قبل ما الحسم ياتيه من صندوق الاقتراع
وحزب الامة منذ بداية اعلانه خوض الانتخابات لم نر لهم اي لافته اعلانية تشير لي جدية الترشح
وكمان لم تاتية تطمينات من قواعدهم الشعبية خاصة من الجزيرة ابا.... اكبر معقل لحزب الامة حتى بالامس القريب
وهي الدائرة التي اعطته اعلى عدد اصوات بلغت 134 الف صوت في انتخابات 1986 ادارته له ظهرها لما زارها قبل اسبوع او يزيد |
شكرا الاخ عاطف مكاوي على التنويه
لكن ما زال الرجل يكذب وتحرى الكذب حتى يكتب عند الله كذابا كما قال رسول الله صلى الله عليه وسلم
الصادق المهدى حصل على 30 الف وزيادة قليلة في عام 1986
ولكن هذا الكذوب اعطاه 133 الف من عنده
كم كان كل سكان ابا عام 1986 وكم سكانها الان؟
علما بان كل اصوات حزب الامة عام 1986 اقل من 2 مليون ولقد حصل على مائة دائرة وهذا موثق فى هذا المنبر وموجود بالتفصيل لدى الحبيب د. على حمد
ان كنت كذوبا فكن ذكورا
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: Abdelrahman Elegeil)
|
Quote: شكرا الاخ عاطف مكاوي على التنويه
لكن ما زال الرجل يكذب وتحرى الكذب حتى يكتب عند الله كذابا كما قال رسول الله صلى الله عليه وسلم
الصادق المهدى حصل على 30 الف وزيادة قليلة في عام 1986
ولكن هذا الكذوب اعطاه 133 الف من عنده
كم كان كل سكان ابا عام 1986 وكم سكانها الان؟
علما بان كل اصوات حزب الامة عام 1986 اقل من 2 مليون ولقد حصل على مائة دائرة وهذا موثق فى هذا المنبر وموجود بالتفصيل لدى الحبيب د. على حمد
ان كنت كذوبا فكن ذكورا |
الحبيب العجيل
قطع شك 130 ألف دا الرقم السجلوة ناس الانقاذ في جزيرة ابا ليضمنوا بيهو التزوير
| |
|
|
|
|
|
|
|
|
 Re: (إنسحاب حزب الامة) مجبر هو لابطل......... (Re: اكرام الصادق الحسن)
|
Quote: مبروك عليكم الانتخابات
انشاء الله البشير ونافع مبسوطين
المهم السيد الصادق انحاذ للشعب السوداني
ولن يشارك في انفصال الجنوب
وانتفاضة قادمة لامحال |
الاخت اكرام الصادق
انحاز للشعب مرة واحدة كدا
الصادق المهدي يحب السلطة زي عيونه
ولو كان لاقيها كان كنكش فيها طول عمره
الا الان عشان مقتنع انو ما حيحرز نتائج مرضية
آثر انه ينسحب من اسع
حفاظا على ماء وجهه
وبعدين شنو يعني البشير ونافع بس المبسوطين
يا حبيبة كلنا مبسوطين
حتى ضيوفنا مبسوطين ما سمعتي المبعوث الامريكي لمن خرج من المفوضية قال شنو!!!!
قال بعضمة لسانه انه واثق من نزاهة الانتخابات
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: mayada kamal)
|
Quote:
الصادق المهدى حصل على 30 الف وزيادة قليلة في عام 1986 |
100%
وهذا الرقم لا يمكن أن ننساه لأنه كان أكبر رقم يتحصل عليه مرشح في تلك الانتخابات
ولكن نقول ايه مع (الاستعجال) ولحقان السوق عندما وجدوا أن الصفحة الأولي كلها
عبارة عن (تهاني) لحزب الأمة في قراره التأريخي.
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: عاطف مكاوى)
|
يا جماعة الخير الذين سألوا عن عدم وجود دعاية إنتخابية للسيد الصادق فى الشوارع ... هل وجدتوا دعاية فى الشارع لسيارة مارسيدس ... كل الدعايات الموجودة فى الشوارع للسيارات الهونداى .... فالصادق المهدى ما محتاج لدعاية فى الشارع فهو موجود فى قلوب السودانيين.
| |
|
|
|
|
|
|
|
|
 Re: (إنسحاب حزب الامة) مجبر هو لابطل......... (Re: mayada kamal)
|
Quote: الاخت اكرام الصادق
انحاز للشعب مرة واحدة كدا
الصادق المهدي يحب السلطة زي عيونه
ولو كان لاقيها كان كنكش فيها طول عمره
الا الان عشان مقتنع انو ما حيحرز نتائج مرضية
آثر انه ينسحب من اسع
حفاظا على ماء وجهه
|
بالله عليك الله البحب السلطة منو المطلوب للعدالة وحرامي السلطة
ولا المنتخب من الشعب السوداني السيد الصادق الصديق المهدي
ولعلمك لو كان بحب السلطة كان جاء للشعب باليل ذيكم كده والعيازه بالله
| Quote: حتى ضيوفنا مبسوطين ما سمعتي المبعوث الامريكي لمن خرج من المفوضية قال شنو!!!! |
غرايشن انشاء الله يشفع ليكم عند او كامبو
(وماتستعجلي علي القرار الامريكي) ياحبيبتي
لن نزل ولن نهان ولن نطيع الامريكان ده كلام ناس حزب الامة موش
واليوم يعجبنا كلامك ياغرايشن ونحنا احبابك يالمبعوث الامريكي
امركم عجيب يااولاد نافع
نسال لكم الشفاء
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: singawi)
|
ماذا يحدث في احزاب المعارضة السودانية بالرياض - خطييييي...ييييييييييييييييييير
Quote: حين تستغل الراكوبة في الخريف !
المعارضة السودانية بالرياض عارية في العراء ( 1 ـ 7 )
وزير العريس ما يبقى عريس
( س ) سؤال ( ج ) ------------- لتجمع أحزاب جوبا بالرياض ( رسالة رقم (1) للجميع ) .
• من يدفع لمن يا -------- في هذا الزمن الصعب ؟
• هل الدكتور -------- مستشار -------- أم صاحب شركات نصدق منو يا --------- ؟
• أين معلومات اللاب توب ؟
• لماذا ذكرالبروف في لقاء الجنوب يا دكتور ------ بأنه رئيس الملتقي -------- ؟
• هل هناك خطة لعملية الحشد أم الموضوع ------- ياجماعة ----------؟
• لماذا الـ ------------ من ألمانيا وليس من الخرطوم ؟ وأين دور المستشار يا ناس ---------؟
• إلي الأخت العزيزة لا داعي لهذه العجلة سوف تصلكم كافة المعينات شيلو الصبر ؟
• لماذا تم قطع رحلة الشرقية يا -------------------- ؟
مازال الليل --------- يا --------------------------؟
• أين نقاط التنوير الأول -------- يوم مباراة -------- و---------- ولماذا لم تسمعوا نصائح القادم بعد غياب ----- يا ناس --------؟
شكراً للحضور بالرغم من المباراة ---------- والليل تأخر وناس --------- بكره --------- ؟
• المبلغ وصل عند -------- ؟ أين ومتى وكيف الجميع في الانتظار؟ يا كمندان --------- ؟.
• للحضور الشكر بالرغم من التراب ------ ونأسف لعدم استخدام اللاب توب (العصفورة شالت ) -------- ؟
• لماذا غياب القيادات فلان ------- وفلان ---- وفلان ------ وخاصة جماعة فلان ، هل عندهم رأى فينا أم في ------- ؟
• أين الموبايل ------- يا ناس بيت العزابة -----------؟
• الـ ( 20 ) ريال ----- ال ( 50 ) ريال ------ ال ( 100 ) ريال من المستفيد يا ناس --------؟
• المواعيد ----- الالتزام ----- ما تشوفوا ناس------ ؟ كيف---- ؟
• أين المؤتمر الذي تم الإعداد له ؟ أم أن الإستراتيجية البوربوينت ذهبت مع ------- للسودان؟
• من زمان لم تصل رسالة أو إتصالات من مدينة الضباط -----؟ إن شاء الله الداعي خير؟
• أخبار ناس الشمال شنو ؟ هل تم دفع الفاتورة ------ أم لا ؟ الانتخابات على الأبواب ------ يا ناس ------- ؟ .
• معادلة مالية
قروش التنازلات + قروش السيارات + القروش الجات
( المشاركين في الورشات ) + الحايمين بين الإمارات
الإجابة تتكون من رقم ( خمسة ------ ؟
• التوجيهات
1/ ممنوع التحدث مع --------- ؟
2/ شحن الموبايلات ------------؟
3/ انتظار الجايات -------------؟
• همس الحبيب في إذن الرفيق --------؟
• استراتيجية نصك عاقل ونصك مجنون
• إيد في الجنة وإيد في النار
• ـ في كل بلد سوالوا ولاد
رأيك شنو بصراحة فما ورد اعلاة؟
السؤال أنتم كيف ؟ نحن كده
والله يكذب الشينة ياجماعة
إرشادات قبل الدخول في حل ورقة الامتحان العامة
• يفضل في المرحلة الأولي أن تكون على مستوى القيادات في كل حزب في التجمع بدون استبعاد ناس فلان ------- ياجماعة ؟
• المرحلة الثانية على مستوى الرفاق والذين هم على شاكلتهم فقط ويفضل أن تكون الجلسة في الموقع داك ----- ( فقط ) والحضور -------- لا داعي للتفاصيل ---------- ؟
• المحظور أن يتم تداول الإمتحان في أوساط القواعد لأن هذا بيعنى تسونامي جديدة في ---------- ؟
اللهم حولينا ولا علينا ------ اللهم حولينا ولا علينا ------ اللهم حولينا ولا علينا ----
وإلي اللقاء في -------------- القادم ------- وشكراً.
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: Amira Elsheikh)
|
Quote:
الصادق المهدي يحب السلطة زي عيونه
ولو كان لاقيها كان كنكش فيها طول عمره
الا الان عشان مقتنع انو ما حيحرز نتائج مرضية
آثر انه ينسحب من اسع
حفاظا على ماء وجهه
|
العزيزه مياده كمال.......الهواء البارد وقت الشمس تولع
جيت ابارك ليكي فوزكم مقدما.......واقول ليكي مبروك عليكم بالميته......خدوا اربعه سنين كمان...ايه يعني اربعه سنين.....ما صبرنا عشرين
البركه فيكم فعلاً لو كان لاقيها......انتو اديتو فرصه؟ ماقلعتوها منة بدبابه.....كمان دايرينو يتغشي تاني وتقلعوها بالبارده.......لا والله تاخدوها بس مييييييييييته
=====
تحياتي
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: Abdelrahman Elegeil)
|
خطاب إشادة للمكتب السياسي لحزب الأمة القومي
بسم الله الرحمن الرحيم
الله أكبر ولله الحمد
الله أكبر ولله الحمد
الله أكبر ولله الحمد
السبت, 10 أبريل 2010 06:51
ظللنا نتابع ونتطلع لصدور قراركم التاريخي منذ عدة أشهر، ولم يغمض لنا جفن طيلة يومي المداولات الحاسمة، وذلك لأهمية هذا القرار ومفصليته للأمة السودانية، وبقدر علمنا بصعوبة المعادلة وتعقيد الخيارات المطروحة أمامكم، كنا ثقة في أن مكتبكم الموقر على قدر المسئولية ولن يخذل الشعب السوداني وجماهير حزبنا العملاق وقد كان، فقد جاء قراركم كبيرا بحجم الوطن وأقوى من توقعاتنا ، الأمر الذي أثلج صدورنا وجعلنا نمتد قامة وسط الساحة السياسية إعزازاً وافتخاراً بهذا الموقف الوطني المشرف.
لم لا وقد صنتم بهذا القرار الشجاع صحيفة الحزب من دنس المشاركة في تمزيق وحدة البلاد، ومنح شرعية غالية لمن لا يستحقها وأكدتم انحيازكم التام لمشاعر الضحايا والمشردين من أهلنا الطيبين الأبرياء بدارفور الجريحة ، ومن خلال المداولة وعبر حيثيات اتخاذ القرار قدمتم درسا بليغا للساحة السياسية في الممارسة الديمقراطية سيظل ملهما للأجيال.
وإن كان لابد لنا من كلمة : ففي ظل هذه الأجواء المفعمة بالروح الوطنية العالية ، نأمل تسريع الخطى لإكمال إجراءات أعادة توحيد الحزب وتجاوز تداعيات المؤتمر السابع ليضطلع الحزب بدوره الطليعي في قيادة القوى السياسية إلى بر الأمان.
ولكم جميعا التحية والتجلة والإكبار .
والله أكبر ولله الحمد.
فرعية حزب الأمة القومي بالمملكة بالمتحدة وايرلندا
ابريل 2010
ارفع راسك ارفع ضوتك فانت حزب امة
خطبة الجمعة بود نوباوى والحبيب المجاهد الامير عبدالمحمود ابو
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: محمد المختار الزيادى)
|
قصيدة للحبيب زروق العوض امين الاعلام والثقافة بهيئة شؤون الانصار
لما ترجع
تنتشي الدنيا وتفتح في الغصون أجمل أزاهر
لما ترجع كل شموس العزة تشرق من بهاك تضوي الدياجر
لما ترجع يرحل الحزن الطوانا ويرجع الفرح المهاجر
ويسكن الالم المعذب للمساكين في العنابر
لما ترجع ليك من أعماقنا نهتف تلتهب منا الحناجر
ويرتفع صوت الحقيقة وتكتسي بالصدق المنابر
لما ترجع شرفة الامال بتفتح
لما ترجع عندنا الاطفال بتفرح
لما ترجع النفوس بتطيب وتنصح
والمخاصم ينسى لاضغانه يصفح
لما ترجع لديارك بالامل والفال موشح
الحياة فوق الجداول دافقةبي خيراته تنضح
والغصون تخضر تاني والورود ازهارها تفتح
والعتامير والفيافي الزيفة يلفح
يوم رجوعك تبقى جنة والبلابل فيها تصدح
والقمح حاضن السنابل والقطن نواره فتح
والنخيل فوق السواقي من اريج عطرك يلقح
لما ترجع لينا سالم ليك بالاحضان نسالم
جــــوه من أعماقنا نفرح
والدموع تملأ المآقي
وتاني لريدتنا تفضح
انت ساكن في قلوبنا
وفي دماناالجارية في الشريان بترشح
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: mayada kamal)
|
| Quote: وحزب الامة منذ بداية اعلانه خوض الانتخابات لم نر لهم اي لافته اعلانية تشير لي جدية الترشح |
يا ميادة سلامات ونعلك طيبة
ياتو مرشح لقي فرصة يعمل إعلان مع البشير ...كدي وريني؟
وياتو حزب عندو إمكاناتكم من لافتات مضيئة وعربات بشاشات؟
كلو كوم والتلفزيون والجرائد كوم
عارفة واحدة من الاسباب الخلت المهدي ينسحب هي عدم العدالة في التغطية الاعلامية
أنا ما حزب أمة عشان ما تصنفيني طوالي سمح؟
| |
|
|
|
|
|
|
|
|
|
Re: (إنسحاب حزب الامة) مجبر هو لابطل......... (Re: ممدوح أبارو)
|
Quote: يا ميادة سلامات ونعلك طيبة
ياتو مرشح لقي فرصة يعمل إعلان مع البشير ...كدي وريني؟
وياتو حزب عندو إمكاناتكم من لافتات مضيئة وعربات بشاشات؟
كلو كوم والتلفزيون والجرائد كوم
عارفة واحدة من الاسباب الخلت المهدي ينسحب هي عدم العدالة في التغطية الاعلامية
|
الاخ ممدوح
سلامات وان شاء الله طيب
المؤتمر الوطني مثله مثل باقي الاحزاب
فاتح ارقام حسابات في البنوك للدعم والمساعدة
واليك الصحف اليومية يووماااااااتي يشحتوا في الناس عبر ارقام الحسابات
أما بالنسبة للتلفزيون
فقناتي الشروق والنيل الازرق
قنوات خاصة
وبالتالي اي تغطية انتخابية هي مدفوعة الاجر
ولم تتم اي تغطية عبر التلفزيون القومي عشان ما يجوا يشبكونا هنا مؤسسات قومية وشنو شنو الحنك العااااضي داك
نفس الشئ بالنسبة للصحف اي اعلان هو مدفوع الاجر
وفي النهاية هو سباق
والجمّال يشيل
واي زول يغرف على حسب استطاعته
| Quote: أنا ما حزب أمة عشان ما تصنفيني طوالي سمح؟ |
!!!!!!!!!!!!!!!!1
مافي داعي للاسلوب التهكمي دا
لمن اصنفك يبقى تجي تقول كلامك دا
وبعدين ما نحن البنصنف الناس طواااااالي
الدور والباقي على المناتلين اللي بيصنوفوا من قولة تيييييييييييييت
| |
|
|
|
|
|
|
| |
mayada kamal
اكرام الصادق الحسن
عاطف مكاوى
الرفاعي عبدالعاطي حجر
علاء الدين يوسف علي محمد
HAIDER ALZAIN
أيمن الطيب
Abdelrahman Elegeil
الصادق خليفة
داليا حافظ
seham_musa
lana mahdi
محمد زكريا
محمد المختار الزيادى
محمد أبوالعزائم أبوالريش
ممدوح أبارو
فيس بوك
تويتر
انستقرام
يوتيوب
بنتيريست