|
باقــــان طقاها شتَّتا ... ولفَّتْ صينية
|
آخر كرت كان قافل عليهو البشير
الحركة الشعبية اللاعب الراجنو يفك كرت الخمسين
طلع كرتو برا الجك والشغلانة دورت تاني
والصندوق فيهو جرة لكل واحد
......................
كاك
|
|
|
|
|
|
|
|
Re: باقــــان طقاها شتَّتا ... ولفَّتْ صينية (Re: جلال جبريل)
|
كاك رقم إتينين
الأمريكان زاتن لفو صينية
وقنبو يبرطعو
..... أعمدة أساسية لنيفاشا لم تنجز وكانت مستورة
طفأت للسطح وفاحت نتانة
1/ ترسيم الحدود ...... حتى الآن بابح
2/ مفوضية للإستفتاء....... مافي ليحة ريحة لاهسع
الورطة الكبيرة:
مادايرين أنتخابات نحنا مادايرين إستفتاء
يعني يا إنتو فيها يانفسيها .....
| |
|
|
|
|
|
|
Re: باقــــان طقاها شتَّتا ... ولفَّتْ صينية (Re: جلال جبريل)
|
كاك الرابعة واقعة على
خلف العذبنا في قناة النيل الأزرق
الراجل ليهو كمين يوم إقوم إقعد ومعاهو جماعتو
ماخلولن ركشة ماغسلوها
مافاتولن ست شاين ماقعدو شنبها وشرحولا قصة الإنتخابات
ما نطولن عنقريبا ماقعدو فوقو
... إستحملوك ياخلف الله جماعتك والمشاهدين
مغستك تشق عديل ياخلف
| |
|
|
|
|
|
|
Re: باقــــان طقاها شتَّتا ... ولفَّتْ صينية (Re: Tragie Mustafa)
|
Quote: جلال جبريل سلام
عليك الله افضح وبطل التشفير ده الحاصل شنو؟؟؟
|
تراجي شيلي صبر جاييك
خلينا أول حاجة نكمل الكاكات ديل
كاك الجاية دي نمرة كم؟
كاك نمرة هناي:
في قناة الجزيرة قاعدين وقايمين
مجموعة بي بنيتن السمحة دي الحر كتلة
في النهاية حاسين إنو الشغلانة دي أكبر كادوك
ركبولو طيارة .....
أخير الإنتخابات العراقية بعد ما إنتهت
عراقيين الخليج قالوا راجعين
فجأة جاهن خبر قال كاتم صوت دور
في شارع واااحد كمل الناس كميلة عوزن طافي النار
رجعوا شنطن وقعدو
......
أي واحد فارق أهلو طق ِ الريف شان المراكز يرفع
في راسو ويخت فيهو ياربي الشي دي أجلوها دكوها؟
شرطوا الورق الجايبنو لينا ؟
خلف الله ست الشاي دينتو ولا لسع؟
| |
|
|
|
|
|
|
|