|
|
 انا صَبري قّل و يِشهَد بي ازاي حسين
|
 ماكنت رايق وساكن في صفا وتامين
فـي الخوجلاب ياقلبي مني شالك مين
ديل البروق الشالن ام درر ياسمين
مابين ظـل الايك ونفحه الياسمين
أم ديل شلوخه تلاته ومن تحت وسمين
ياقلبي بينه وبيني اليقسمك قسمين
جاءت روايح الورود مع الزلال والتين
فوق الجمال الفردي اليلة ملتفتين
بس ايه لزوم انوارنا من شموع ورتين
مادمت انت وبدر التم زي اختين
بقي ديسك اطول منك ولله متقايسين
شـفنا الضفاير جرن للقديم كايسين
أنا شوقي دايماً زايد وماشي في تحسين
انا صـبري قل ويشهد بي ازاي حسين
برزن نهوده وعامن في الهواء مجاهدين
وعـلي هـلاك العاشق ديمه مجتهدين
صاح وهبه فاقد عقله كم جريح وطعين
الناس جروحن تسعة انا جروح تسعين
عد الشوادي الغنن يالغرام نايحين
عد القماري القوقن في الفروع مايحين
عد النسايم المرن بالمسك فايحين
تغشاك ياعثمان نعمة وسرور كل حين
____
الخوجلاب
اشعار صالح عبدالسيد ابوصلاح
آداء طارق ابوعبيدة
|
|
  
|
|
|
|
|
|
|
|
Re: انا صَبري قّل و يِشهَد بي ازاي حسين (Re: قيقراوي)
|
.. في صفا و (تأمين) !!
تعضيد متجانس و مركب، و بالحق جميل يا خدر
لا ادري يا طارق من اين اتى ابوصلاح بهذه المفردة في تلك الثلاثينات ؟ !
عبيد حاج الأمين وحده من ادخل(التأمين) كجند في نشاط و إجتماعات جمعية اللواء الأبيض، بعد ان رفضت جماعة الإتحاد السير في نهج
العمل السري و التحريض الجماهيري، و إحتمال الإنتفاضة العسكرية المسلحة
يقال ان عثمان المحجوب كان عمدة الخط فيما قبل سرور رملي
شكرا يا سليم الذوق، غنوة الخوجلاب نستقوى بيها و نحن نستعد لمعارك ما بعد المقاطعة
عملت لينا شنو في اغنية العبادي : يا موفورة النفل .. يا الهيبة الكست الحِفل
هل نتوقعا في السي - دي القادم ؟ قل آمين
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: أحمد طراوه)
|
اموت ركن فى الخوجلاب .
ياخدر .
قال : ام ديل شلوخه .. تلاته من تحت وسمين
يا قلبى بينه .. وبينى اليقسمك قسمين
ده شنو ده ؟
شوف الاتيكيت عند المتيمين حقننا كيف .
..
يا خدر .
جدنا الكبير قيس بن الملوح . قال :
لو سيل أهل الهوى من بعد موتهم ... هل فرجت عنكم مذ متم الكرب
لقال صادقهم أن قد بلى جسدى ... لكن نار الهوى فى القلب تلتهب
جفت مدامع عين الجسم حين بكى ... وان بالدمع عين الروح تنسكب .
عليك الله شوف بعد ده كلو جا شيخنا ابوصلاح مسحو مسح .
..
سلام كتير يا فنان
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: عمر صديق)
|
العزيز صديق الزمن الجميل طارق
لك الود وأنت تنشر الجمال منذ بواكير الصباح
أمبارح فقط بحثت عن أذكرينى يا حمامةبصوتك سماأرض ما لقيتها
***
الأخ عمر صديق| Quote: ارجو مراجعة الاخطاء في القصيدة في كل من النسخة المكتوبة والمغناه |
ده تطور جميل فى ذهنية أهل المؤتمر الوطنى لأن الأخطاء اللغوية ليست ذات بأس مقارنة مع الأخطاء الإنسانية مثلما كنا نسمع(قديما):
إشدد الإصبعَ من حول الزناد لا تُبالى.....!
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: mekki)
|
أخي العزيز / خدر
تحياتي ،
يسعد صباحك يا رائع
ويديك العافية وأنت تصحي
فينا كل كل الأحاسيس النايمة
بهذه الترانيم الساحرة .
و.. هذا التطريب جعلني أتلمس محاولة إجراء
مقاربة (نهدية) في البوح ما بين أبو صلاح ونزار قباني :
Quote: برزن نهوده وعامن في الهواء مجاهدين
وعـلي هـلاك العاشق ديمه مجتهدين
صاح وهبه فاقد عقله كم جريح وطعين
الناس جروحن تسعة انا جروح تسعين |
ونهدكِ..تحت ارتفاف القميصِ
شهيٌ..شهيٌ..كطعنة خنجر
ورحتُ أعبُّ دخاني بعمقٍ
وأرشف حبرَ دَواتي وأسكر
فلا تنعتيني بموت الشعور
ولا تحسبي أنّ قلبي تحجَّر
فبالوهم أخلقُ منكِ إلها
وأجعلُ نهدكِ..قطعةَ جوهر
و .. يسلم صوت نغمك ويطول عمرك .
مودتي ،
( ليمو )
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: أحمد طراوه)
|
بت الشيخ
قّل ساكت و بس .. تعبنا عديل
اقعدي عافية و الله يصّبرك و يصّبرنامعاك
الوليد الفنان
ابوصلاح وّصاف طبعا كمعظم اساطين الحقيبة .. برضو قال في جدي العُزاز
الخصرو هضيم لا جوع لا ضيم
ده الخاتي عِضَيم الما نِضّيم
شفت كيف ؟ 
عبدالقادر
انت تآمر يا سيدي
عُلم و يُنفذ
شكرا يا كبير
100% انت والله .. المنبر فاقدك ياخي
ما تغيب كتير
خواض ,
ما تضّحكني و انا جادي ياخ
شكرا علي لنك الحفظ
يا قيقا
غايتو حسب قانون المصنفات نحن في السليم
قلبك ما ينقطع ساي
و ما تغيب ياخي , و اتوصي بي اخوك خضر ده .. الراجل عريس لسه فوقو الملائكة
طراوة يا فنان
اظنو شيخنا ابوصلاح كان بقصد تامين من (التمام) , طريقة غناء المقطع (الاصلية) او برواية ميرغني و حسن جمعة عليهم رحمة الله تشير لذلك
دليلي ان النص إرتجال في حفل زاوج التاجر عثمان .. لكن يا صاحب في العموم ما بستبعد روايتك عن التأمين برضو لانو شيوخ الحقيبة ادخلوا
اسماء اماكن جغرافية في العالم في قصائدهم و اسماء ملكات و اسماء بعض ما ورد في الاساطير من اسماء لالهة حسن و جمال
بعد كل هذا لن استنكر إلمامهم ببنود التأمين و السابق و اخري إن إقتضي الحال
شكرا يا عزيزي و المعارك قادمة سنديرها قطعا بالعمل الخلاق و الاناشيد
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: خدر)
|
تسلم يا ود الصايم
تخيل يادوب عرفت (عذبتنا يا خلف الله ) الويك اند الفات في لندن
ما عندي تلفزيون السودان يا عمك .. هولندي سااااااكت
ابو مهند السي دي التاني جاييك
لكن برضو Goede morgen
حفيد الحاج عثمان
الحقنا بي معلومات عن القصيدة من الاهل
ينوبك ثواب لانو انا ذاتي صبري قّل و يشهد
بي ازاي نزار حسين
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: امبدويات)
|
رائع...
يا خدر...محتاجين ليك...ولصوتك الجميل...ايها الكروان المغني...
----------------------------------------------------------
غنيني يا كروان و أصدح بلحني
الملهم الفنان ألهمت فني
غني جمال صداح لحن الأغاني
و أسبح مع الأرواح فيما تعاني
من لحنك الصداح هات الاغاني
اعجابي بيك شديد
يا آية التجديد
بي صوتك الغريد
غنيني
غنيني
انها تناسبك...هل غنيتها...يا صاح...؟؟؟
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: salah ismail)
|
انس عمر .. سلامات يا فنان
انت يا دوب أكدت لي المعلومة
انا لقيت الصورة في قوقل و كتبت (نقلا عن قوقل)
غالبا تكون ماما عشة
تحيات للصغار و حبيبتك
امبدويات
شكرا يا زميل و التحية للخوجلاب و ليك
صلاح اسمعيل
يا سلام .. ده إختيار جميل جدا
غالي و الطلب غالي برضو .. نغنيها و تسمعها قريب
وينك إختفيت !؟ سآلين عنك
| |
|
|
|
|
|
|
|
|
|
Re: انا صَبري قّل و يِشهَد بي ازاي حسين (Re: خدر)
|
Quote: الله ينصرك يا نزار حسين
ياخي والله زياراتك لي غناي بتفرحني كيف !!
ما تنقطع يا فنان و شكرا كتير |
زيارات:؟؟
يا خدر انا ساكن هنا سكون...وفارش روحي
ومتوسدا...ياخ دا تطريب...يخش في عصب
الروح ويفيض ويدفق...
وهسي كتابة تعليقي دي زاتا...خصمتها ليك
من زمن الفيضان...(عليك الله ما ترد لي تاني)
| |
|
|
|
|
|
|
| |
خدر
خضر حسين خليل
GamarBoBa
قيقراوي
أحمد طراوه
Osman Musa
عمر صديق
mekki
خالد العبيد
عمران حسن صالح
abdulhalim altilib
محمد عبد الماجد الصايم
سيف الدولة كامل
محمد ابوبكر عثمان
امبدويات
salah ismail
Amjed
مرتضى احمد عبد القادر
ياسر بيناوي
سلمى الشيخ سلامة
باسط المكي
فيس بوك
تويتر
انستقرام
يوتيوب
بنتيريست