|
خبر الغد : مقاطعة الإنتخابات
|
بات في حكم المؤكد أن أحزاب قوى جوبا وعددها (22) حزب قد قررت مقاطعة الإنتخابات وقد يعلن ذلك مساء اليوم من خلال مؤتمر صحفي
|
|
|
|
|
|
|
|
Re: خبر الغد : مقاطعة الإنتخابات (Re: أبو ساندرا)
|
ابو ساندرا كيف حالك
Quote: أن أحزاب قوى جوبا وعددها (22) حزب قد قررت مقاطعة الإنتخابات
|
يا خي ما شايف ان ده كلام عجيب 22 حزب تنسحب من الانتخابات علشان حزب واحد
ومن بينها كم حزب كده قالو عليه حزب تاريخي
طيب إذا الحكاية بقت كل حزب براه بمرقو يخلوا البلد للكيزان
النجيضة على قول ود الصايم
إذا ده كان خيارهم زي ما بتقول حبوبتي الله يرحمها الترابة في خشمهم
وخشم البلد كان راجية فيهم امل..... هو العيب ده كيفن عاد
| |
|
|
|
|
|
|
Re: خبر الغد : مقاطعة الإنتخابات (Re: الشيخ إبراهيم الشيخ)
|
Quote: يا خي ما شايف ان ده كلام عجيب 22 حزب تنسحب من الانتخابات علشان حزب واحد
|
الشيخ أخوي .... الحزب الواحد ده ما بيخليهم ينسحبوا عشان هو الحزب القوي .. أو صاحب الحق. لكن عشان عندو كل المفاتيح (الدبابة والقصر) يعني السلطة.
الإنسحاب هو الموقف الصاح .. مش زي ما قال بعض الأخوان، مفروض نحن (الناخبين) نقاطع، لكن لو كل المرشحين إنسحبوا، حتبقى السلطة الحالية زي ما هي سلطة إنقلاب 1989، أي بدون شرعية.
| |
|
|
|
|
|
|
Re: خبر الغد : مقاطعة الإنتخابات (Re: محمد أبوالعزائم أبوالريش)
|
كتب اسحق احمد فضل الله اليوم:
Quote: * حتى الآن الحركة تجعل الأحزاب تمتنع - أو تهدد بالانسحاب – من المشاركة في الانتخابات. * وما يجري التخطيط له الآن هو: أن الحركة الشعبية تجعل الأحزاب تقاطع الانتخابات بكاملها والحركة الشعبية تقاطع انتخابات الشمال أيضاً (لأن الحركة لا تطمع في أدنى فوز لمرشحيها في الشمال). * ثم الحركة تقيم انتخابات كلية في جنوب السودان تفوز بها.. * عندها يكون الوطني قد أٌقام حكومة شرعية قوية في الشمال.. * والحركة تكون قد أقامت حكومة إقليمية في الجنوب.. * ثم تحالف بين طرفي نيفاشا وحكومة جديدة. * والحكومة الجديدة تصبح خطوة متقدمة لنيفاشا جديدة والأحزاب يومئذٍ في قفص لا يجد حتى ظهر الحركة الشعبية ليحمله. هذا ما يحدث في الأسبوع القادم |
______
تحياتي يا ابوساندرا.
| |
|
|
|
|
|
|
Re: خبر الغد : مقاطعة الإنتخابات (Re: محمد أبوالعزائم أبوالريش)
|
Quote: الشيخ أخوي .... الحزب الواحد ده ما بيخليهم ينسحبوا عشان هو الحزب القوي .. أو صاحب الحق. لكن عشان عندو كل المفاتيح (الدبابة والقصر) يعني السلطة.
الإنسحاب هو الموقف الصاح .. مش زي ما قال بعض الأخوان، مفروض نحن (الناخبين) نقاطع، لكن لو كل المرشحين إنسحبوا، حتبقى السلطة الحالية زي ما هي سلطة إنقلاب 1989، أي بدون شرعية. |
ود ابو العزائم المحترم
يا خي الحكاية ده هم عرفوها الليلة بس وباقي للانتخابات اسبوع ..
بعدين حكاية الحزب القوي ده انا بقول ليك حاجة زي ما قالوا اخوانا
في شمال الوادي سالوا فرعون مين فرعنك قال ما لقيت واحد يلمني
وده بالضبط الحاصل من احزاب القش العندنا ماليه البلد بدون فايدة
بعدين يا سيدي العزيز اظن الاحزاب ده رضت انها تدخل مع الثعلب ده الجحر
وتتسمى بالحكومة مش ده اسمها حكومة الوحدة الوطنية ولا شنو كده ما عارف
وبعدين هي ما حكومة انقلاب من الاول ولحدي الآن يبقى الطرطشة لزومها شنو يعني
والله يا ابو الريش بصراحة كده انا ما قادر افهم النظرية الحاصلة ده لحدي الان
لكن ارجع واقول انا زول مسكين ساكت وما عارف اي حاجة في السياسة.. لكن كمان
والله تعبت نفسياً من المفاراقات الحاصلة ده ولا الظاهر كبرت عديل كده وبقيت بشبه
يااخي تحياتي واسف على الاطالة والهترشة الكثيرة ده لكن بالجد القرف حاصل..
| |
|
|
|
|
|
|
Re: خبر الغد : مقاطعة الإنتخابات (Re: الشيخ إبراهيم الشيخ)
|
سلامات ابو ساندرا
لا بأس في هذا الموقف حاولت هذه القوى جهدها لفرض الحد الادنى من النزاهة الا ان المؤتمر الوطني فرع المفوضية يأبي ان ينحاز الى الحق
لقد اثبتت هذه القوى لشعبناوللتاريخ عشرات الوقائع من التجاوزات والتزوير في كافة المراحل حتى الان وذلك يكفي ،،
هذه الانتخابات ليست نهاية المطاق ستواصل هذه القوى النضال حتى الدورة الانتخابية القادمة وستعمل على وحدة السودان التي باتت على كف عفريت
| |
|
|
|
|
|
|
Re: خبر الغد : مقاطعة الإنتخابات (Re: محمد صلاح)
|
Quote: * حتى الآن الحركة تجعل الأحزاب تمتنع - أو تهدد بالانسحاب – من المشاركة في الانتخابات. * وما يجري التخطيط له الآن هو: أن الحركة الشعبية تجعل الأحزاب تقاطع الانتخابات بكاملها والحركة الشعبية تقاطع انتخابات الشمال أيضاً (لأن الحركة لا تطمع في أدنى فوز لمرشحيها في الشمال). * ثم الحركة تقيم انتخابات كلية في جنوب السودان تفوز بها.. * عندها يكون الوطني قد أٌقام حكومة شرعية قوية في الشمال.. * والحركة تكون قد أقامت حكومة إقليمية في الجنوب.. * ثم تحالف بين طرفي نيفاشا وحكومة جديدة. * والحكومة الجديدة تصبح خطوة متقدمة لنيفاشا جديدة والأحزاب يومئذٍ في قفص لا يجد حتى ظهر الحركة الشعبية ليحمله. هذا ما يحدث في الأسبوع القادم |
اسحق فضل الله ده لذيذ خلاس مفروض يكتب دراما إذاعية موش مقالات سياسية
| |
|
|
|
|
|
|
Re: خبر الغد : مقاطعة الإنتخابات (Re: خدر)
|
قال الشيخ
Quote: طيب إذا الحكاية بقت كل حزب براه بمرقو يخلوا البلد للكيزان |
الصحيح أنهم ما مرقوا خلوا البلد لناس المؤتمر الصحيح أنهم سيتبرأون من إنتخابات مزورة لصالح الحزب مغتصب السلطة وسيتنافسون في إي إنتخابات حرة نزيهة (رغم إنعدام العدالة والمساواة بين حزب في يده كل السلطة والثروة وأحزاب أفقرت من كل شئ إلا جماهيرها)
وفي حكاية فرعون ومن فرعنه كأنك لم تسمع بنضالات الشعب السوداني وأحزابه منذ مجئ الإنقاذ وحتي الآن كأنك لم تسمع ببيوت الأشباح والتعذيب اللا إنساني المتوحش في حق المعارضين كأنك لم تسمع بفصل الآلاف لأسباب سياسية وإفقار الآلآف وتجويع الملايين
لا يمكن أن تلوم الضحية
| |
|
|
|
|
|
|
Re: خبر الغد : مقاطعة الإنتخابات (Re: عمار محمد ادم)
|
Quote: يا خي الحكاية ده هم عرفوها الليلة بس وباقي للانتخابات اسبوع ..
|
ابدا ما الليلة بس ، الاحزاب عارفة في انتخابات من 2005 والحكومة تأخرت في اعداد الاحصاء السكاني
وتأخرت في تكوين المفوضية ، وقانون الانتخابات ولم توافق علي تغيير قانون الامن الذي لايمكن قيام
انتخابات نزيهة في وجوده وجاءت المفوضية غير محايدة ومنحازة تماما منذ البداية للمؤتمر الوطني
واعترضت عليها الاحزاب منذ البداية ولكنها بسبب الاغلبية الميكانيكية مررت الموضوع عسي ان تكون
هناك شفافية ونزاهة ، لكن المفوضية كل يوم تثبت انها منحازة للمؤتمر الوطني ، فلم تتحدث عن
السقف المرتفع في صرف المؤتمر الوطني علي الانتخابات ولم يفتح الله عليها بكلمة في استغلاله لامكانات
الدولة ولم تتحدث عن طباعة بطاقات الاقتراع في الخرطوم وتسجيل القوات النظامية في اماكن عملها
وعدم الالتزام بتحديد تمويل للاحزاب لادارة العملية الانتخابية وخليك من التزوير والمفارقات في قوائم
المسجلين الذي وصل خمسة مليون اسم مزور ......
وبعد دا كلوا المقاطعة خيار ديمقراطي متعارف عليه في النظم الديمقراطية
ووسيلة ضغط ديمقراطية علي النظام ليصحح المسار ...
| |
|
|
|
|
|
|
Re: خبر الغد : مقاطعة الإنتخابات (Re: عبداللطيف حسن علي)
|
Quote: لو حاول المؤتمر الوطنى اقامة الانتخابات بلا احزاب يكون ارتكب خطا تاريخى عظيم.؟ |
هذه ملاحظة سليمة وممارسة ممكن تتم فى وجود تنظيم يقوده شخص واحد ويصبغ قراراته بطريقة تفكيره ومزاجه الخاص ونفسياته وعقده وتعقيدات مصيره الشخصى ومالات ذلك المصير الذى يتقاطع مع التحوّل الديمقراطى وقضايا المصالحة والعدالة سلام ابو ساندرا
| |
|
|
|
|
|
|
Re: خبر الغد : مقاطعة الإنتخابات (Re: طلعت الطيب)
|
الاحتمالات مفتوحه لمختلف السيناريوهات يا عبدالرحمن .. اهم ما فى الموضوع عدم رهن الوضع الوطنى لحكمة المؤتمر الوطنى المافيشه .. بمعنى انهم وبرعونتهم الفائقه قد يمضوا الى الانتخابات رغم مقاطعة الاحزاب مما يدخلنا فى نفق اشد إظلاما وذو اتجاه واحد .. وقطعا بذا السيناريو نكون قد تجاوزنا آخر أوهام الوحده .. ونحو تيه جديد وفى البال الانفصال المؤلم لا الجاذب .. اعلاه يجب ان يكون مفهوما للجميع .. مآلات المقاطعه يجب أن تؤخذ بالجديه المطلوبه والاستعداد التام ..
| |
|
|
|
|
|
|
Re: خبر الغد : مقاطعة الإنتخابات (Re: عبدالله شمس الدين مصطفى)
|
Quote: [كتب اسحق احمد فضل الله اليوم:
Quote: * حتى الآن الحركة تجعل الأحزاب تمتنع - أو تهدد بالانسحاب – من المشاركة في الانتخابات. * وما يجري التخطيط له الآن هو: أن الحركة الشعبية تجعل الأحزاب تقاطع الانتخابات بكاملها والحركة الشعبية تقاطع انتخابات الشمال أيضاً (لأن الحركة لا تطمع في أدنى فوز لمرشحيها في الشمال). * ثم الحركة تقيم انتخابات كلية في جنوب السودان تفوز بها.. * عندها يكون الوطني قد أٌقام حكومة شرعية قوية في الشمال.. * والحركة تكون قد أقامت حكومة إقليمية في الجنوب.. * ثم تحالف بين طرفي نيفاشا وحكومة جديدة. * والحكومة الجديدة تصبح خطوة متقدمة لنيفاشا جديدة والأحزاب يومئذٍ في قفص لا يجد حتى ظهر الحركة الشعبية ليحمله. هذا ما يحدث في الأسبوع القادم
______
|
إنه همس المدينة يتحقق
بينما أخي بركات تكتبون مستفتين دواخلكم .....ومن بعيد
ولكنها قذارة السياسة
وضعف السياسيين امام السلطة
| |
|
|
|
|
|
|
Re: خبر الغد : مقاطعة الإنتخابات (Re: عبداللطيف حسن علي)
|
الاخ عبداللطيف حسن علي
اولاً يا خي السلام عليكم
اسع انت ما لقيت في كلامي ده غير السطر الاقتبستو ده
والغريبة انك رديت عليه براك رد شافي جداً وده الانا بقصدوا ان فلم ديجانقو ده مدور زي ما انت قلت من 2005 وين الناس ديل من الزمن داك .. لكن هو مدور من 1989 ... ما علينا من 2005 والاحزاب ما لقت ايه طريقة عشان تغير اي حاجة من الانت ذكرتها فوق ده يبقى فايدتها شنو عليك الله ونرجى منها شنو. بعدين الآن الاحزاب نفترض انها قررت تقاطع واجتمعت على قلب رجل واحد وده ما حيحصل (وده طبعاً في ظني المتواضع جداً) الكلام ده ما كان ممكن من بدري يحصل والناس تنسحب من الجمعية الصورية ده الهم بالتاكيد عارفين وفايت فهمهم بهناك انهم قاعدين تمومة جرتك ساكت بل اضفوا شرعية على الانقلاب وقالو رضينا.. وانهم بالوضع ده ما ممكن يحققوا لينا اي حاجة بس يا خوي قروش الجمعية حلوة ما بتنفات .
البفهموا ان الاحزاب مفروض يكون عندها وسائل مواجهة وتكتيك لكل مرحلة واقراءة للحاضر والمستقبل لكن والله بالشايفو ده الشغلة بالبركة ساكت كده وحلم بكرة احلى.
انا بكل صراحة ما معترض على الانسحاب من الانتخابات .. بل اتحدث عن تاخير هذه الخطوة وان الناس اساساً اتساقت من رقبتها زي الانعام لحدي ما وصلت هنا ليه بدون وعي وبدون تفكير في البحصل حولها... ده القاهرني والله ... بعدين الخيارات الديمقراطية ده في الاستخدام مسالةاختيار الزمن بتكون فيها حته فاصلة جداً.. انت عارف الكلام الداير الان شنو ان الاحزاب تنسحب من انتخابات الرئاسة بس وتشارك في الباقي وكأن الناخبين في الباقي ما فيهم تزوير ..
يا سيدي ربنا يسهل امور البلاد والعباد... وتاكد مافي زول ضايق الويل والعذاب قلبه ما على السودان وعلى اخوانه واخواته الطافحين المر وعايشين الويل.
تحياتي واحترامي واسف لو اطلت عليك في الرد
| |
|
|
|
|
|
|
Re: خبر الغد : مقاطعة الإنتخابات (Re: Nasr)
|
Quote: قال الشيخ
Quote: طيب إذا الحكاية بقت كل حزب براه بمرقو يخلوا البلد للكيزان
الصحيح أنهم ما مرقوا خلوا البلد لناس المؤتمر الصحيح أنهم سيتبرأون من إنتخابات مزورة لصالح الحزب مغتصب السلطة وسيتنافسون في إي إنتخابات حرة نزيهة (رغم إنعدام العدالة والمساواة بين حزب في يده كل السلطة والثروة وأحزاب أفقرت من كل شئ إلا جماهيرها)
وفي حكاية فرعون ومن فرعنه كأنك لم تسمع بنضالات الشعب السوداني وأحزابه منذ مجئ الإنقاذ وحتي الآن كأنك لم تسمع ببيوت الأشباح والتعذيب اللا إنساني المتوحش في حق المعارضين كأنك لم تسمع بفصل الآلاف لأسباب سياسية وإفقار الآلآف وتجويع الملايين
لا يمكن أن تلوم الضحية |
Nasr يا خي ده ما الكلام القلناهو من الاول خالص السؤال ليه الاحزاب انتظرت لحدي الان وكان عندها وقت
قبل كده عشان تضغط وتاخد حقها من السلطة والثروة .
بعدين انت قايل انا عايش وين لمن ما اسمع بنضالات الشعب السوداني وبيوت الاشباح والفصل للصالح الخاص مش العام وانا جزء منه... مش نضالات الاحزاب زي ما انت قلت الجات جارية تتقاسم الكيكة مع من يحتل السودان وهي ماسكة في طرف الحركة الشعبية الكل مرة بترميهم زي الخرق البالية لكن تقول شنو .... بريد خانقوا يلفو ويرجعوا تاني لنفس المربع التعيس ونحن نزداد تعاسة وفقر وحروب وموت وجوع وووو وهم ما بتجيهم اية عوجة ضاق السودان برطبو بره ونحن نحرق نغرق ما مهم يا خي كفاية كده على الجميع انا واحد من الناس كفرت بكل القائم الان .
بعدين المهم في الكلام ده القال منو ان الضحية الاحزاب يا خي ديل هم الضحو بينا يا خي
الضحية السواد الاعظم من السودانيين الماتو في الجنوب وفي الشرق والغرب والشمال البيوت الاتقفلت والاطفال الاتيتمت وكمية الارامل البقن يدقشن السوق من الصباح عشان اكل العيال وبس لا في تفكير في صحة لا تعليم سواد قاتم مصير مجهول ياخي الكلام كثير وبالتاكيد انت عارف كل الحاصل.
تحياتي
| |
|
|
|
|
|
|
Re: خبر الغد : مقاطعة الإنتخابات (Re: أبو ساندرا)
|
Quote: فهل تشكلت ملامح تحالف إسلاموي في البلاد ؟ |
سلام يا ابو ساندرا لا اعتقد ان ذلك ممكن فى الظرف الراهن ربما تحدث تطورات تعيد الاتحادى الى المعارضة فى اخر لحظات ارجو ان ننتظر لنرى ما سيحدث على اية خال انا مقتنع تماما انه ليس من مصلحة مولانا او حزبه عقد تحالف ما مع المؤتمر اللاوطنى اعتقد انهم بدأو يشعرون بان هذه الحكومة تعيش ازمات عميقة !!!!
| |
|
|
|
|
|
|
|