|
|
 تحت شعــــار : ارفع بنطـــلونك ..
|
نواصل الحديث عن ( المجموعات السودانية علي موقع الفيس بوك ) .. و الظواهر الشبابية في الموقع ..
تناولت موضوعين من قبل عن نشاط الشباب السوداني في الموقع ..
* شباب ســودانيين يحترفون مهنة ( عارض ازياء ) .. قراءة في ظواهر الفيس بوك ..
* الـ GAYs السـودانيين علي الفيــــس بوك .. ( ظاهرة جديدة ) ..
..
..
بأســلوب ساخر و مضحك .. و لا يخلو من شوية قلة ادب .. انشئت مجموعة علي الفيس بوك تحت عنوان ( ارفع بنطلونك يا ...... ) ..
و هي قروبات مناهضة لظاهرة Low West المنتشرة بكثرة في الجامعات السودانية حاليا .. تحت مسمي ( سستم ) ..
و طبعا الزول البعملها بيكون ( داقي سستم ) ..
و تعتبر الظاهرة عالمية .. و لديها مسميات محلية في كل بلد .. و يصاحبها تقليعة الشعر الكتير ( الخنفس ) ..
في السعودية تسمى ( طيحني ) .. و الشعر المصاحب لها يسمى ( الكدش ) ..
و هناك تعاون وثيق بين مجموعات ( السستم و الخنفس ) .. و مجموعات ( طيحني الكدش ) .. و الرابط دائما ( شفع المغتربين ) .. القال عليهم المسطول ( يشيلوكم حطب و يجيبوكم شفع ) ..
|
|
  
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
عارف يا حميدة
المسألة بتاعة البنطلون دي مربوطة بثقافة الحقوق المدنية للسود في أمريكا، ومعمولة كإحتجاج على البوليس والسجن للسود.
النظرية بتاعت الموضوع دا بسيطة جداً وهي كالآتي (لمن البوليس يقبض علي اي زول في امريكا ويدخلو الحراسة اول حاجة بيشيلوها منو هو الحزام بتاعو وبعد داك بيمشي يكمل باقي الاجراءات، ويمشي يستلم اللبس بتاع السجن، وعشان هو يمشي للزانزانة البنطلون بيكون "ناصل" وهو ماسكو بايدو.
وهذه هي الفلسفة وراء البنطلون الناصل في أمريكا.
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: مرتضى احمد عبد القادر)
|
| Quote: لمن البوليس يقبض علي اي زول في امريكا ويدخلو الحراسة اول حاجة بيشيلوها منو هو الحزام بتاعو وبعد داك بيمشي يكمل باقي الاجراءات، ويمشي يستلم اللبس بتاع السجن، وعشان هو يمشي للزانزانة البنطلون بيكون "ناصل" وهو ماسكو بايدو. |
الصادق ..
و الله معلومة جميلة .. اول مرة اسمع بيها ..
بعد اتفاقية السلام ( نيفاشا ) .. انتشرت في الخرطوم تقليعات كتيرة بسبب بعض الحريات الاتاحها وجود شريك تاني في السلطة ..
و في المحلات بتاعت الجنوبيين شمال فندق آراك اغلب المعروض علي موضة الزنوج الامريكان ..
من بناطلين جينز و تي شيرتات و سلاسل و طواقي .. الخ ..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
ظاهرة الـ Low West .. او الناس ( الداقة سستم ) .. ظاهرة مختصة بالاولاد فقط علي الاقل في السودان ..
تقابلها عند البنات .. و حسب مفهوم الشماسة .. ظاهرة ( اديني حقنة ) .. و ظاهرة ( كان راجل تمو ) ..
بحسب البنطلون في الـ Low West .. بيكون جاري مع الارض .. و لامي كمية من الوسخ و الطين ..
في الحالة دي بيقولوا عليه .. ( الهمر .. ملك الطريق ) .. 
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
ايضا من تقليعات البنات هذه الايام و خصوصا بنات الجامعات ..
تقليعة إظهار الرقم .. ( يصعب شرحها ) .. و تقليعة فصل الدين عن الدولة ( بلوزة قصيرة جدا .. و اسكيرت طويل جدا ) ..
و تقليعة خارج عن الخدمة .. و هي في الترتيب تأتي بعد تقليعة ( مس كول ) ..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: tmbis)
|
حافظ
Quote:
Quote: Low West
دي افتكر بكون معناها الغرب الأدنى على وزن الشرق الادنى
البنطلون الإنت قاصدو إسمو
Low Waist
|
المواطنين الاجانب بطلو حركاتكم دي دا شغل بتاع حسد منك لنجاحات البروف وإصياد في الغرب الأدنى
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: عبدالوهاب علي الحاج)
|
الاعزاء علاء تمبس , مرتا , ود الصايم , و نادر ابوكدوك
بطلو حركات المديدة حرقتني دي..
بطريقتكم دي البروف دا حبقوم يرشنا ساي كدا بلا ذنب جنيناهو
الصديق حميدة (البروف)
لا تلتفت للمغرضين و المرجفين .. نحن البينا عامرة
low waist ولا low west كلو كلام خواجات محصل بعضو
و قول العايزو إن شاء الله تقلبها low waste ذاتو مافي مشكلة
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: مرتضى احمد عبد القادر)
|
حكاية اللو ويست هذه قال فيها الفنان
"الخصر المضمر كما تاهت مراكبي وبحري الصافي حمر" ولأن الحكاية عاوزه أو محتاج لمؤهلات كان من الصعب مثلاً لأصحاب الكروش وما أكثرهم أو أصحاب الكلاوي العامله بلكونه وبرضو هم كٌثر أن يتبعدوا عن معاقرة هذه السراويل لأنها لم تصنع لهم أصلاً بالرغم من قصتها التي أوردها زميلنا في شرحه أعلاه. فهي كما شاهدناها هنا وهناك يكون فيها الـ underwear أو الأندرقراوند وغالباً ما يكون زحمة ألوان وبالتالي تزيد الظهور ظهوراً خاصة وأن البنطلون بيكون في الثلث الأخير من الجسم أو حتى نكون أكثر دقة الخمسين الأخيرين يعني قسم طول الجسم إلى خمسة ولو بديت من الكرعين بيكون أول خمس وتاني خمس وتزرر على كده.
حميده هل يمكن أن يكون السروال الطويل داقي سيستم بالرغم من تغطية العراقي للجزء الذي يحدد الوضع وهل في لبس سواقين القندران من الأحباش وبخاصة التقراي سبق لهذا النوع من السيستمز والذي أصبح الآن إنترناشيونال.
أجمل حاجه أن 99ر99 من الناس الداقه سيستم لا تعرف من أمر السيستم هذا سوي أنه صرعه أو قلfashion [/B في كمان بنطلون جديد أطلق عليه إسم سامحني يا بابا وغرابة هذا السروال أن السوسته بتكون من الخلف وليس من الأمام وبرضو لقي رواج في أوساط الشباب ]
| |
|
|
|
|
|
|
|
|
 Re: تحت شعــــار : ارفع بنطـــلونك .. (Re: almulaomar)
|
الملا عمر,,
سلام يا حبيب,,
إنت البحومك مع المواطنين الأجانب ديل شنو يا زول!!
الناس ديل كلهم حملة جوازات أجنبية وكدا,, المهم
وأيضا ما تنسى (فكنى أبوى جا) و(دردقنى فى النجيلة) و(فكّ اللزق)
و( تانى بتجى) إلخ إلخ اللخ زاتو)
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: أيمن الطيب)
|
يا جماعة .. هسع ياسر طيفور ممكن اعتبره كندي .. و ما في داعي للعنف مع مواطني الدول الشقيقة ..
مرتضي او ( الطيرة المبارية السيرة ) دا .. نعمل ليهو شنو ..
في اول البوست جا قرأ و ردا رد كويس .. مجرد ما ( قدوته ) اصبحت لديه ميول عدائية .. طوالي قلب جلب ..
انا بقترح علي المواطن الكندي ياسر طيفور انه يعمل نادي معجبين من ابناء الدول النامية و يمسك الباب للاخ مرتضى ..
العلاقة الاتخلقت من خلال البوست بتاع الخواجة بين ياسر الكندي و الشاب مرتضى من السودان علاقة ارجو لها ان تثمر ..
و انه ينتقلوا من مرحلة الي الاعجاب الي مرحلة تبادل الماسنجرات و الكلام في الـ Skype .. و اتمنى ان الكلام يتطرق الي كيفية الهجرة الي كندا ..
و بعد ما يبقوا اصحاب شديد شديد .. ممكن المواطن الكندي ياسر .. يرسل ليهو فورمات بتاعت الهجرة ..
و كدا نكون اسهمنا في جمع رأسين في الحلال ..
..
..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: Yassir Tayfour)
|
| Quote: شفت بالله يا ود الرشيد صاحبك الحقار ده، خلى الجماعة الفوق ديل كلهم ومسك فينا أنا ومورتا.. |
يا ياسر ..
تابعت البوست الاول والذي انتهي به المطاف وين الله اعلم ..
لا اظن ان حميده كان يقصدك بذلك الكلام ..اكيد انه كان يرغب في الحديث عن ظاهرة اللجؤ السياسي وكان يقصد بها اعضاء محددين هنا ..
يحتمل انه قد خانه التعبير الا انه لم يقصدك انت تحديدا .. اتمني ان يبقي الود قائما بينكما ..
وانتهز هذه الفرصه واهنئك بعودة الاسد الهصور صديق اقطبوط والذي اوحشنا غيابه (يعلم الله ) (:
ــــــــــــــــــــــــــــــــــــــــ
ود الصايم يا نافخ الكير ..(:(:(:
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: Faisal Elrasheed)
|
| Quote: غايتو يا حميدة عمليتكـ دي إلا نسميها البروف دقس |
دقس وين .. ما تقول لي في عملية ( حرقهم الانتحارية ) ..
يا مان عشان تتعلم من البروف ليك و للزمان .. لمن تعمل ليك حاجة نجضا ..
..
..
علي العموم انا ما قاعد أرد عليك .. بس الاجواء الاحتفالية دي .. بقت الناس كلهم سمحين ..
فرق يا ود الصايم بين الطعمية بين الشباب و بين الكضب و الكلام الفاضي ..
نطط ذي ما عاوز .. اتأكد من صحة المعلومة البتقولها و جيبا بأي طريقة ما فرقت ..
..
..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
| Quote: مرتضي او ( الطيرة المبارية السيرة ) دا .. نعمل ليهو شنو .. |
عشيهو يا بروف وخلي روحك رياضيه أو لغة الشفاته أمثالك
لا تشاركوهم جريمة "فصل الجنوب" والعار الأبدي الذي سيلاحقهم !
| Quote: في اول البوست جا قرأ و ردا رد كويس .. مجرد ما ( قدوته ) اصبحت لديه ميول عدائية .. طوالي قلب جلب .. |
أنا ما زول بسيط ساي و أبوي ما سفير وقاري في السودان وكدا ما زيك طال عمرك
Quote: انا قريت الابتدائي في الهند ( كان والدي سفير هناك ) .. و اكملت بعدها في ( ليبيا ) سنة ..
المتوسط في باكستان ..
الثانوي و الجامعة في كندا ..
و الله ألا تمشي تشتكيني في اليونسكو ..
|
Quote: انا بقترح علي المواطن الكندي ياسر طيفور انه يعمل نادي معجبين من ابناء الدول النامية و يمسك الباب للاخ مرتضى ..
العلاقة الاتخلقت من خلال البوست بتاع الخواجة بين ياسر الكندي و الشاب مرتضى من السودان علاقة ارجو لها ان تثمر ..
و انه ينتقلوا من مرحلة الي الاعجاب الي مرحلة تبادل الماسنجرات و الكلام في الـ Skype .. و اتمنى ان الكلام يتطرق الي كيفية الهجرة الي كندا ..
و بعد ما يبقوا اصحاب شديد شديد .. ممكن المواطن الكندي ياسر .. يرسل ليهو فورمات بتاعت الهجرة ..
و كدا نكون اسهمنا في جمع رأسين في الحلال ..
|
يا طويل العمر يعني أنا كنت متابع البوست بتاعك !!؟ وتخلينا جعانين وما عندنا حق العشا أسي دي حركات زول مرطب وشفت وعندو عقد عمل في السعودية
يا طيفور ممكن تديني مسنجرك عشان نتكلم عن موضوع الهجره شويه
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
العزيز حميد
سلامات
ياحميد الحركة دى سنة 1995 كانت جديدة فى السجون الأمريكية .
وخرجت من حوش البريزون للشارع . وتعنى دراما الحبس .. وتعنى الحرية المجنونة
برضو . على كل حال يا حميد الشغل انتشر فى ها الدنيا كلها .
اسمع دى .
انا وكت جيت 96 لقيت نص البلد كدى سألت نفسى . الناس ديل كلهم ماشين
الحمام ؟رباطابى من جماعتك قال لى ديل مارقين بالابريق ؟
يا حميد فى اليوم التانى لفوز الرئيس أوباما الدنيا كانت كلها احتفالات . وكان فى
مذيعة بتعمل مقابلات مع الشباب فى بروكلن بعد الفوز التاريخى .
المذيعة سألت شاب : شعورك كيف بعد فوز أول رئيس اسود ؟
الشاب قال للمذيعة انا فرحان والليلة أول شىء حاقوم ارفع منطلونى ده فوق .
..
تحياتى . اسمع الشغل ده وصل بلدنا هناك ؟ اوعك تقول حتى فى السعودية كمان ؟
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
مورتا حبيب قلبي .. 
يا زول انا قاصد ماسنجر بكري دا .. لو مشيت ليهو في الماسنجر داك .. بقول ليك شغل لي الكاميرا ..
و كان شغلت ليهو الكاميرا .. ووووب علينا الما قرينا ..
..
..
شوف يا حبة .. و الله انت بتنفع و كويس و ما عندك عوجة ..
بس بالجد حاول تتخلص من صفة ( الطيرة المبارية السيرة ) .. ذي الاقتباس الجايبو فوق دا .. بدل علي انك فارة اكتر من الفارة الكاتبين ليهو الكلام ..
كدي اتعلم من صديقك الكندي دا كيفية الشمشمرة .. ( الشمشمرة علي الطريقة الكندية ) .. و تعال مارس ما تعتبره هواية جديدة ..
و موضوع الهجرة ياسر الكندي دا ما بقصر معاك .. بس خليك عارف انه في علي الاقل 10% خسائر ..
وداعا مورتا ..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
| Quote: أخبارك شنو لينا مده ما اتقابلنا ياخ |
اها شفت يا مورتا حبيب قلبي .. جابت ليها ضبان ..
الكندي مشكلته اصحابه بتاعين العالم الثالث ديل .. الكندي يسافر من هنا يعملوا فيها اصحابك .. ووين و ليك مدة ما بنت و انا في اشتياق لشوفتك ..
و يجوك دايرين يلعبوا معاك اتاري .. و يحضروا عيد الميلاد ..
عشان كدا حددا مع الكندي دا من قولة تيت ..
..
..
قول ليهو انا عاوز شخصك فقط ..
..
..
خدوري .. مالك و مال ود الناس .. عندك ليهو جنسية .. خلي الزول يشوف مستقبله .. بلاش الحقد الطبقي بتاعكم دا .. 
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
أيوا كدا يا بروف خليك عميق ودخل في الشغله قلوب و ورود
Quote: يا زول انا قاصد ماسنجر بكري دا .. لو مشيت ليهو في الماسنجر داك .. بقول ليك شغل لي الكاميرا ..
و كان شغلت ليهو الكاميرا .. ووووب علينا الما قرينا .. |
لا خلاس يا ياسر نا ترسل المسنجر خلينا في مسنجر بكري دي انا حأسمع نصايح البروف
Quote: شوف يا حبة .. و الله انت بتنفع و كويس و ما عندك عوجة ..
بس بالجد حاول تتخلص من صفة ( الطيرة المبارية السيرة ) .. ذي الاقتباس الجايبو فوق دا .. بدل علي انك فارة اكتر من الفارة الكاتبين ليهو الكلام .. |
موضوع إني فاره دا محسوم طال عمرك خلينا أسي في العشا خضر دا جا وحالتو زي ما عارف
Quote: كدي اتعلم من صديقك الكندي دا كيفية الشمشمرة .. ( الشمشمرة علي الطريقة الكندية ) .. و تعال مارس ما تعتبره هواية جديدة ..
و موضوع الهجرة ياسر الكندي دا ما بقصر معاك .. بس خليك عارف انه في علي الاقل 10% خسائر .. |
لالا خساير ما معانا كدي شوف لي عقد عمل في السعودية
يعني أنصرف يا بروف بعيد عنك فهمي تقيل
مورتا
كما يدلعني طيفور
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
| Quote: إنت أخبارك شنو؟ نصيح يازول |
لا تنقصنا سوى رؤياكم الغالية ..
مستمjع جدا لفرحكم انت و ياسر الكندي .. و نطيطكم من بوست لبوست ..
بس ياخي مش زمان قلنا ممنوع اصطحاب الاطفال ..
ليه ياخي تدردقوا الود دا بالطريقة دي ..
ذنبه شنو يدخل في الطعمية الازلية دي ..
الكندي دا يا عمك هسع بمشي يخش في الغيبوبة و بتغابا فيهو العرفة ..
دايرين ود الناس يموت بالسقط ..
..
..
مورتا تعال اردفك .. 
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
يا حميد اليومين ديل
فى أغنية ليها شنة ورنة . اسمها PANTS ON THE GROUND
الأغنية ياحميد أول شىء طلعت فى برنامج AMERICAN IDOL والزول الفنان ده فنان
عمرو فوق ال 60 سنة فنان محافظ جدا وبتكلم عن المنطلون الناصل والجهل والتعرى
. والأغنية فيها حكمة يا حميد . بس بعد التعب ده كلو الأغنية ما دخلت زون
الغناء المطلوب . والفنان زعلان وناس كتيره زعلانين . والبزعل اكتر يا حميد
شركات كتيره بتعمل الاستايل الناصل ومطلوب كتير فى دول الشرق الاوسط وثاوث أمريكا
.. عندنا زبون واحد من كولمبيا طالب 9 ألف منطلون فى سعر 25 دولار تخيل .
..
يا حميد حاول وضع الأغنية دى فى البوست
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
| Quote: بس يا خسارة أبوي ما سفير |
ياخي ما قلنا ليك ما تكون فارة ذيادة عن اللزوم و تلوك ليك في لبانة مطرشقة ..
..
..
الحنك الانت داخل بيهو دا عليك الله فتش غيره .. داير تعمل في قليل الادب و قطيم ما عندك مشكلة .. بس اركز ..
..
..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: مرتضى احمد عبد القادر)
|
Quote: !!!
This is NOT true, I will be back to explain more
It is all about gay people in the US prisons
|
على حسب المتداول الموضوع له علاقة بقلع الحزام في السجن فادارة السجن تمنع الحزام تحاشيا لحوادث الانتحار شنقا بالحزام..
تدرجت بمرور الزمن من مضمونها الثوري الي الشوارعي يعني نحن بتاعين سجون كدة
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: البدري عبد الله)
|
البدري تموتو في الغرز والفضايح أنت الجابك محل البناطلين الناصله شنو ؟؟
| Quote: كامل تضامني مع المهمش القاعد في السودان اخونا مرتضى والشهير بمورتا ..مع امنياتنا له بالحصول على لوتري في امريكا او سكولارشيب في كندا |
أو عقد عمل في السعودية من البروف طال عمرو كلو من أب تفه مدرب الأشبال وخدوري دردقوني للبروف الشفت المقدده ودور ليك فيني
.
.
.
مورتا كما يدلعني طيفور
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: مرتضى احمد عبد القادر)
|
Quote: البدري تموتو في الغرز والفضايح أنت الجابك محل البناطلين الناصله شنو ؟؟
|
ابدا والله ايها المهمش مورتا..تصدق اخوك قاعد في امان الله ومشغول بي مشاكل الحياة اليومية البيعانو منها الناس الغبش والبسطاء الزي حالتي ..اسمع ليك التلفون يكورك كواريك الجن ..المهم رديت لقيت ليك صاحبك امين الياسمين وشبكني ليك يالبدري ياخ لازم تلحق اخونا مورتا لانو مزنوق في الكورنر وفي ناس قاعدة تضقل بيهو ...و و و و و كلام كتير كدة ..طبعا انت عارفو زول ثرثار وعامل السن اثر عليهو وبقى يتكلم كلام خارم بارم ومافي ليهو اي لازمة ..
.
.
.المهم
ده كل الحصل 
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: البدري عبد الله)
|
والله يالبدري ضحكتني لمن دمعته
انا اسي مستني عودة البروف لأتعهد له أني سبذل قصارى جهدي لأبشر عن شفتنته واتحدث عن كل ما يملك مميزات في كل أنحاء المنبر عسى ولعل أن لا يتعرض لي ثانية
مورتا قائد حملة بروف حميده للفوز بلقب أشفت عضو بالبورد
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: مرتضى احمد عبد القادر)
|
| Quote: انا اسي مستني عودة البروف لأتعهد له أني سبذل قصارى جهدي لأبشر عن شفتنته واتحدث عن كل ما يملك مميزات في كل أنحاء المنبر عسى ولعل أن لا يتعرض لي ثانية |
غايتو لغاية الوكت داك اخوك عاوز يطمئن على الاحوال وانك سوف تكون بخير وصحة جيدة لانو بالجد امين الياسمين كان شفقان جدا ووصاني وصية شديدة وقال انو المصران قايم عليهو والقرحة هايجة وهو ما فاضي للمشاكل اليومين..عشان كدة حا امشي هسي احضر كورة مانشستر مع البايرن وبعدين برجع كان الله هون عشان اطمئن الخال على احوالك ..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: البدري عبد الله)
|
البدري انا والله جادي مع البروف دا وما بتعاور لكن فهمو كعب فنتلاقى بعد الكورة في حته أحسن من هنا
حميده مقدراتك أقل من أنك تستوعب الرسالة الحبيت اوصله ليك في بوستك المبلوع بتاع المواطنين الأجانب وبوستك دا فحأشرح ليك لانو كونك تقل لي
| Quote: الحنك الانت داخل بيهو دا عليك الله فتش غيره .. داير تعمل في قليل الادب و قطيم ما عندك مشكلة |
معناها أنت فهمته إني طارح نفسي شفت زيك ودا ما صاح
فيا سيد حميده كل مشكلتي معاك إنك بتعامل الناس بطريقة سخيفة جدا ولمن تختلف مع زول في الراي بتبادر بالسخف والإستخفاف من قدر الزول وبتحاول تبرز عضلاتك كشاب شفت وعارف أي حاجه ومقطعه وبتقل أدبك و الصعلقة وقلة الأدب والتجريح ما ضرب من ضروب الشفته يا بروف ، وممكن تكون زول شفت بدون ما تقل ادبك على الناس وتنبز وتقول اي حاجه وتتعالى عليهم يا بروف حميده طال عمرك براحه كدا في حاجه إسمها الذوق بتعرفه ؟ ما لاقتك كلو كلو ؟؟ انا الماعندي عقد عمل في السعودية بعرفه ياخ الحاجه الإسمها الزوق دي مهمه خلاس أشتري ليك منها كيلو مشي بيهو حالك
ولو انت حاسي إنك زول مميز وعندك حاجات كتيره سمحة ربنا يزيدك ويبارك ليك فيها بس لمن تخش البورد وتجي تتكلم مع الناس انسى كل حاجاتك السمحه دي وتعال شايل معاك الأحترام للناس الإحترام للناس يا حميده ما كعب ولا بيقلل من شفتنك بالعكس ممكن تجي شايلو وتكون زول شفت برضو وما تنسى تجي شايل حبة من الذوق الوصيتك تشتريهو داك.
انا قادر أواصل معاك الأسلوب بتاع بيضني وأبيضك وبصراحه ساهل جدا الأسلوب دا معاك لانو كل البعملو بدوس الريموت بتاعك زر الشفتنه فينطبق عليك المثل (عايره وادوها سوط) وانت براك بتبيض بروحك قدام الناس وتتعاور وتقل في أدبك لكن لمتين الموضوع دا ؟؟ عشان كدا يا بروف حأنصرف
وعشان أديك بعض الراحه النفسية انت زول معللللللللللللم انت شفــــــت أنت ما فارق معاك زووووووووول
مورتا الما شفت والحمد لله
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: Yassir Tayfour)
|
والله يا ياسر طيفور
الفنان ده زول مسكين وخايف على مستقبل العيال .
والأغنية دى فيها كلمات بتحكى عن الحاصل بالجد .
اسمع صاحبك ايهاب قال لى نحنا كيف نقابل الكلونيا دى كل يوم
وحدها متين ؟
القصة يا ياسر عندها تفاسير ما بتتكتب حتى فى الخور زاتو .
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: Osman Musa)
|
| Quote: فنتلاقى بعد الكورة في حته أحسن من هنا |
ماشي يا مورتا..تم ابلاغ الخال امين ان الاوضاع هادئة الى حين ..وهو بالمناسبة اليومين ديل محتاج للرعاية نسبة لما ذكرته سابقا من معاناته من اعراض امراض الشيخوخة ..فبالله يا مورتا ما تزيد اوجاع الراجل بما لا يستحق العناء ...
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: البدري عبد الله)
|
Quote: وعشان أديك بعض الراحه النفسية انت زول معللللللللللللم انت شفــــــت أنت ما فارق معاك زووووووووول
مورتا الما شفت والحمد لله |
الاخوان
مرتضى + حميده
ياخي الله يهديكم البوست كان ماشي كويس والناس بتوضح سر هذه الموضة
ومن اين منبعها اصلا ودي ناس عرفت كيف تعبر عن رفضها للوضع بس بطريقة جميلة
وبالمناسبة ديل ناس مكملين الشفتنة وقلة الادب
واكتشفوا ان نهاية الشفتنة او نهاية راس الهرم بها هي (الادب والاحترام ) واحترام بعض
وكل النظريات اثبتت ان نهاية الشفتنة وقلة الادب هي ان تظهر ادبك وفكرك
انا عايز اقول
ياخي انتو الاتنين والله مافي داعي
ياريت الناس تتعامل كأخوان
والله دخلنا المنبر دا ولسه شايفين نفسنا برالمة وقلينا ادبنا وعملنا مشاكل
في النهاية مسحنا اي كلمة مازوق وفيها تجريح للاخرين وهذا ليس خوف
ولكن احترام لنفسنا و للناس المتابعة وعدم احراف البوست الى طريق اخر
مع كامل احترامي لكم
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: سرى بخارى)
|
العزيز بوب ...Quote: السنوسى معلومتك دى ما صحيحه...الموضع ده ما عندو اى علاقه بالGay people what so ever
ـــــــــ
الاسم المعروف ليها اصلا Saggy pants وكما معلوم انها ثقافه ابتكره ال Black Americans
فى السجون والان اصبحت من ضمن ثقافة الHip Hop وانتشرت من الBlack American
لتشمل كميات كبيره من الشباب وليس Black American Anymore واقليات اخرى |
البناطلين الناصله صحيح ابتدعوها في السجون الامريكيهblack people ... لكن الذين ابتدعوها هم (الشواذ) ... عشان يكونوا متميزين عن الاخرين ...
يعني الفكره كلها انو الزول ابو لباسا ناصل saggy pants ده (جاهز) ليفعل به وقتما يشاء.. يعني ما عندها اي علاقه بالثوريه او المطالبه بالحقوق او الحنق ...
وبعدين سروال السجن وسطه معمول او مصنوع من اللستك او البلاستيك المطاط ليناسب كل الاحجام مما يجعل الحزام الجلدي لا معني له كما تفضلت منعا للانتحار او استعماله في الشجار
طبعا كتير من الناس ادخلت حكاية السروال الناصل ده في فهم الثوريه لكن حقيقتها تبقي انها مبتكره من الشواذ جنسيا ...
عليك الله يا بوب زول سروالو ناصل حقوق شنو وثورية شنو البعرفها كدي خليهو يجمع سروالو لفوق وينكرب زي ما بيقولوا الانجليز lift the pants up and be ready...
* يا حمـــــــيده
Stop Rolling Your Pants and lift it up اقصد بوستك ده
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
Quote: وبعدين سروال السجن وسطه معمول او مصنوع من اللستك او البلاستيك المطاط ليناسب كل الاحجام مما يجعل الحزام الجلدي لا معني له كما تفضلت منعا للانتحار او استعماله في الشجار
|
السنوسي
أول ما المسجون يدخل السجن بيستلموا منو كل المتعلقات وخصوصاً الحزام وبعد داك بيمشي عشان يستلم باقي حاجاتو ومنها لبس السجن، المسافة البيقطعها قبل ما يستلم لبس السجن "لأنو آخر حاجة بيعملها هي تغيير ملابسو" بيكون البنطلون "ناصل" وزي ما ذكرت إنت بنطلون السجن فيهو لستك عشان كدا ما بيكون ناصل إذا كان اللابسو دا "balck or gay ، وعلى العموم هذا الكلام سمعتوا في محاضرة رسمية في جامعة كلومبيا عن ثقافة الهب هوب، وأيضاً سألت عنها الكثير من الأمريكان السود والبيض ولم أجد أحداً يربطها بالـ gays ،
لكن كل هذا لا يمنع أن تكون تلك المعلومات خاطئة ومعلومتك أن الصحيحة، فقط أردتُ أن أوضح مصادري التى إعتمدت عليها وفوق كل ذي علمٍ عليم.
لك كل الود.
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: الصادق اسماعيل)
|
العزيز الصادق اسماعيل ...
| Quote: أول ما المسجون يدخل السجن بيستلموا منو كل المتعلقات وخصوصاً الحزام وبعد داك بيمشي عشان يستلم باقي حاجاتو ومنها لبس السجن، المسافة البيقطعها قبل ما يستلم لبس السجن "لأنو آخر حاجة بيعملها هي تغيير ملابسو" بيكون البنطلون "ناصل" |
المسافه بين خلع الملابس واستلام ملابس السجن يكون المسجون عريان تماماabsolutely naked كجزء من سياسة السجن في القمع والتاديب ...هذا قبل انتشار ما يسمي بحقوق الانسان ... هذه ظلت معمول بها عقب اتفاقية Geneva Conventions في عام 1949 وحتي عقب اندلاع موجة الحقوق المدنيه باميركا في منتصف الستينيات من القرن الماضي ...
وبعدين شايف ناس كتيرين (درعو) ليك البنطلون الناصل ده في فهم الثوريه والمناداه بالحقوق ... جماعة الحقوق الثوريه في اميركا كانو قمة التادب والصلابه حتي داخل وخارج السجون الامريكيه ... شوف كل اصحاب مارتن لوثر او مالكوم X في السجون هل يبدو فيهم واحد سروالو (ناصل) الاجابه قطعا لا ...
طبعا عشان يدوها معني لازم يدرعوها في الثوريه ... ياخي ما يرجعوها لاصلهاانها حركه بتاعةgay وحتبقي في الاطار ده
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: Elsanosi Badr)
|
الاخ/السنوسى
| Quote: لكن الذين ابتدعوها هم (الشواذ) ... عشان يكونوا متميزين عن الاخرين .. |
لم اسمع بقصة ابتدعوها الشواذ دى الى منك, والحاجه التانيه...انو الشواذ
دايما يتشبهون بالنساء من حيث اللبس او الكلام وما الى....
الشواذ دايما بلبسوا ملابس نشبههم بالنساء...لو الشواذ بقوا
البسوا Saggy Pants ممكن بعده الناس تعمل شخيط وتقيف بعيد!!
Quote: Not everyone agrees on where the baggy pants' fashion in men's and boy's wear first originated. One popular opinion is that when men are arrested and put into prison, their personal belongings are confiscated from them, this confiscation included their belts. Once their belts had been taken, their pants ultimately began to sag and bag. To cover their embarrassment, the men began to strut and swagger-proving that they were too tough to care that they were loosing their pants and leading young people to believe that baggy pants made them look manly and cool. They also say the larger, baggier pants are more comfortable to wear than pants that fit more snuggly. Another opinion is that the baggy pants look had its origin in the world of skate boarding or the snow boarding industry. Some believe the style has its origin in Hip-Hop or African culture.
|
| Quote: يعني الفكره كلها انو الزول ابو لباسا ناصل saggy pants ده (جاهز) ليفعل به وقتما يشاء.. يعني ما عندها اي علاقه بالثوريه او المطالبه بالحقوق او الحنق ... |
كلامك هنا يدل على وجهة نظر شخصية فى الموضوع ..
| Quote: وبعدين سروال السجن وسطه معمول او مصنوع من اللستك او البلاستيك المطاط ليناسب كل الاحجام مما يجعل الحزام الجلدي لا معني له كما تفضلت منعا للانتحار او استعماله في الشجار |
| Quote: Once their belts had been taken, their pants ultimately began to sag and bag. To cover their embarrassment, the men began to strut and swagger-proving that they were too tough to care that they were loosing their pants and leading young people to believe that baggy pants made them look manly and cool |
Quote: طبعا كتير من الناس ادخلت حكاية السروال الناصل ده في فهم الثوريه لكن حقيقتها تبقي انها مبتكره من الشواذ جنسيا ...
|
ياسلام يا بدر ياخى ماقلنا ما الشواذ جنسيا ...ما تحكها كدا .
قصة ان مبتكره من قبل الشواذ جنسيا اثاره البيض لحنقهم وكرههم للاستايل ..ومحاولة منهم لتشبيههم
ومحاولة اقناع الناس بانها شذوذ..
| Quote: Sagging began in prison, where oversized uniforms were issued without belts to prevent suicide and their use as weapons. The style spread through rappers and music videos, from the ghetto to the suburbs and around the world. |
oversized
| Quote: عليك الله يا بوب زول سروالو ناصل حقوق شنو وثورية شنو البعرفها كدي خليهو يجمع سروالو لفوق وينكرب زي ما بيقولوا الانجليز lift the pants up and be ready |
متفق معاك فى الحته وحقيقه
ــــــــــــــــ
source 1
source2
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: bob)
|
اها ناس امريكا معذورين ما بين ثورية و لا سجون و لا ساي كدا ..
لكن نحن بنتكلم عن الظاهرة في السودان ..
في الغرب الظاهرة دي ممكن تلقى ليها مليون تفسير و ناس بتدافع عنها ..
عندها اساسا رفاهية تنويع الهدوم دي بدت قريب دا .. زمان بنطلونك دا ياهو بنطلونك .. سواء ناصل او ما ناصل .. ( عبد الواحد ) ..
| |
|
|
|
|
|
|
|
|
|
Re: تحت شعــــار : ارفع بنطـــلونك .. (Re: humida)
|
يا مرتضي
معليش يا أخي .. ما تفعله فات حد السخف
لكل شئ وقته ومكانه .. ترحيل الغبائن
من بوست لي بوست حركة بايخة ..
عشمي كبير أن تستجيب
لك مودتي
خضر
أقرأ لك هنا وفي سودانيات وغيرها
لم أعهدك هكذا ..
كن كما عهدناك
مودتي
شكراً .. يا حميدة
بوست خفيف .. دسم .. مفيد
وكما يقول الشوام ( مهضوم )
بس خفف معدل الحموضة شوية
هنا وفي بقية البوستات
| |
|
|
|
|
|
|
| |
humida
الصادق اسماعيل
عبدالله شمس الدين مصطفى
مرتضى احمد عبد القادر
Hafiz Bashir
محمد عبد الماجد الصايم
tmbis
Nader Abu Kadouk
عبدالوهاب علي الحاج
Yassir Tayfour
almulaomar
أيمن الطيب
Faisal Elrasheed
Osman Musa
خضر حسين خليل
Elsanosi Badr
bob
البدري عبد الله
وليد عبد اللطيف
سرى بخارى
السيد أحمد إبراهيم
فيس بوك
تويتر
انستقرام
يوتيوب
بنتيريست