|
|
|
 Re: التعدد سمة البلد .... تعدد الزوجات (Re: قاسم المهداوى)
|
قاسم المهداوي
تابعته الحلقة دي قبل مدة , وتابعته السيد بهاء البتأكيد ما حيكون نموذج كويس لدعاه التعدد لانو اداني انطباع سلبي عن المسالة البتكلم عنها الزول البكون منطقوا أنو هدفوا يتزوج ويتزوج لحدي 10 وأكتر , مفروض يتعالج ... ده غير أنو منطقوا الأتكلم بي غريب شوية أنو الزوجة بتمشي فترة الولادة لاهله وووو ................ المؤسف بيجي بربط الحالة الهو فيها دي بالدين أنو ده الدين وده موضوعوا المفضل في الدين البتكلم في في المحاضرات والمساجد !!!!!!!!!
***
ياخي ربنا يتم لى ويتزوج ويطلق ويتزوج ويطلق لحدي ما يتمهم 1000 , وبعد ده ماظن يكتفي ولا يعرف معني الزواج ولا يصل للبفتش لى , يا قاسم حالة الزول ده , خاصة بي هو وشخصيتوا وما بتصلح تكون معيار الناس تأسس بي للتعدد , لو لاحظته لقعدتوا وطريقة كلاموا وصّرة وشوا ... كلها بتوضح انو الزول ده عندوا نوع من الاضطراب النفسي بصورة ما ...
عندو نوع من عدم الاستقرار البتاكيد حيخليهوا تكون فكرتوا الاساسية من التعدد بدون أى نوع من المنطق وما يلقي غير يقول ده اصل الدين , لكين من الساهل تعرف أنو الزيو ده يستحيل يقدر يعمل أسرة مستقرة مع زوجة وأحدة ويكون عندهم اطفال يحسوا انو رسالتهم في الحياة يقوموا يقدموهم للمجتمع ناس صالحين بشخصيات وتعليم وثقافة مميزة
في مشكلة حاصلة وإنفلات في تفكير البعض عن الزواج كمؤسسة إجتماعية , وأصرار البعض يتصورة كانو القصد منها إشباع حوجة الرجل الجنسية وبس , السيد بهاء الشفتو في الحلقة ده خلاني اتحسر على العيال البجيبهم للدنيا دي لانو عمروا ما يكون أب قادر تفكيروا يتجاوز نفسوا وشهوتوا وبس ,
وبعد يقول ليك الدين !!!
موضوع الحلقة وعن الاشياء البتحصل بعد الزواج وتؤدي لعدم أستمرار الحياة الزوجية
كان نقاشوا موفق , وفي الاخر المسالة محتاجة حكمة وصبر في الفترة الأولى لحدي الزواج ما يبتدي يستقر
--------------------
تحياتي ياقاسم
| |
 
|
|
|
|
|
|
|
 Re: التعدد سمة البلد .... تعدد الزوجات (Re: عبد الناصر الخطيب)
|
سلام عبد الناصر الخطيب
وشكرا عميقا مداخلتك وايضا حضورك الانيق
ولكن
(بهاء )
او نموزج (بهاء ) والحديث فى الدين ,,, وتديين اى شىء ... حتى كرة القدم عند امثال بهاء , تمزج وتحشر حشرا فى الدين
كمثال ( نهزم الناس ديل لانهم كفار )
وانموزج بهاء او امثولة بهاء او تمثال بهاء كثر وفى شتى المجالات الحيواتية اليومية ... الموضوع مقسم بشكل مرتب
بهاء يفتى فى الزواج من منظزر دينى ... ويخوف الناس ( المحاورين ) بانه دى سنن وشرائع وبس , وما عليك سواء التطبيق
وهكذا ... نمازج خلقت من اجل الهتافيه بغرض اسكات الخصوم ... هذا ما يجب علينا ان نتصدى له ,, وما حالات التعدد الزواجى
التلززى الا انعكاس لاشياء اخرى ايضا باسم الدين ( كولايه الفية ) الان ... ايات الله بوف بوف ....
Quote: موضوع الحلقة وعن الاشياء البتحصل بعد الزواج وتؤدي لعدم أستمرار الحياة الزوجية
كان نقاشوا موفق , وفي الاخر المسالة محتاجة حكمة وصبر في الفترة الأولى لحدي الزواج ما يبتدي يستقر
|
نعم هذا الجانب من الموضوع فى غاية الاهمية
لاجقا ساعود
ممنون بوجودك حنى الثمالة
قاسم المهداوى
| |
|
|
|
|
|
|
|
|
Re: التعدد سمة البلد .... تعدد الزوجات (Re: عبد الناصر الخطيب)
|
سلامات
البوست جميل
ومتاكدة ود قاسم ح اغمض عيونه لما اشوفنى رديت
ياصديقى لك العتبة حتى ترضى
ماشى يا قاسم
------
شاهدت جزء من الحلقة
ودهشت تماما لنموذج الرجل المقدم (بكرى)
ولا اعتقدانه يمثل المجتمع الذكورى
هو جزء من رجال متمردين على الالتزام
الاسرى ومحورهم الاساسى ذاتهم واهوائهم
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: قاسم المهداوى)
|
فى مركز الاهرام للدراسات الاستراتيجية والسياسية وفى احدى الفعاليات الثقافية السودانية
شعر (عبد القادر الكتيابى )
جاء الينا احد الكيزان بغرض التلصص وكسودانيين تعارفنا
وانتو شغالين ولا طلاب ولا معارضة ؟؟؟
انا قلت نحنا بتاعيين تراكيب ... قال يعنى شنو ؟؟؟ قلت بنركبك الموجة وحتوصلك مكان انتا عايز
المهم ذكر بانو فى اذاعة الكوثر او قناة الكوثر ما عارف
فقلت ليهو ياخى ليه يعنى الكوثر ما كان ممكن يكون اى اسم تانى وتؤدى ذات الغرض ( المضمون ليس فى الاسم )
هاج وازبد ... بانو دى آية قرآآآنيه وانتا بتستهتر بالاسلام وموضوع .... عييييييييييك !!!!!
بعد نقاش طويل قلت الاية ( انا اعطيناك الكوثر ) وليس الكوثر حاف واردفت مذكرا باننا لسنا فى بلاد الخلافة الاسلاموية
الانقاذية ... ده ايضا نموزج هتافى ساكت بدون اى فهم او معنى لما يقول ... برضو حالة صاح ولا ما صاح
قاسم المهداوى
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: عبد الناصر الخطيب)
|
يا قاسم يا اخوي النيل الازرق دي
انا لو لقيت فيها غناء بسمعه
ولو ما فيها بمشي طواااااالي
لكن كم مرة كده فتحته بلقي
صاحبنا السر السيد عروقو مشحطه
ويكورك اصلي ما قلته اقيف اشوفو
مالو !! هو انا ناقص نضم ؟!
بس سؤالي هو الفي السودان ده
اسمو تعدد؟!
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: سفيان بشير نابرى)
|
شكرا ياقاسم المهداوي
كلام الزول ده في الحلقة دي عن التعدد أداني مؤشر أنو بعضنا ببتدي بفكرة وحتستمر معه عمرو كلو
أى راجل مرة بفترة أتخيل فيها بنات حواء ديل فواكه مختلفة الالوان والنكهات , وعمرو ما حيحّصر نفسوا
في فاكهة وأحدة , بمشي بالتفكير ده لحدي ما ربنا يقدر لى في الاخر يستقر
بعد كدة مفروض يتأقلم على نوع جديد
من التفكير مدام ألتزم مع إنسانة وأتزوجه , مسؤلية انو بقي متزوج
حتفرض عليهوا تفكيروا يتطور في اتجاه أنو بقي في شراكه أوجب وجباته أنو زي ما حيفترض ولاء زوجتو المطلق
لزواجهم بنفس القدر لازم يكون عندو الدرجة دي من الولاء البتاكيد حيخلى عارف أنو في علاقة حصرية
بينوا وبين زوجتو ما حينفع تشاركهم فيها أى إنسانة تانية
وأنو الاتجاه الوحيد المفروض تطور في العلاقة دي داخله
وداخله ده حيكون في تنميته وخلق الاستقرار المطلوب منها
وبالتأكيد ده الحيدي الزوج بعد كدة قدرتوا أنو يجتهد ويتقدم في حياتو العملية والاجتماعية
بالمختصر المفيد أى راجل متزوج وبعد كدة تحس انو ما مستقر في تصرفاتو وكل ما يشوف لى واحدة تلقي يتّهابل
ده راجل عندو مشكلة يا في نفسوا يا في زواجوا المهم في خّلل( ما )حاصل , ولو ما عالجوا مهما اتزوج وعّدد برضوا
حيظل يعاني من نفس المشكلة لاخر حياتو , كل ما حيصادف نوع جديد من الفاكهة طوالى حيخش في نفسوا .....
وما ظن الدين قال لينا عيشوا حياتكم ( قرود )
----------------------------------------------------------------
وبالتأكيد راجع وحاناقش معاك المواضيع الاتعرضت ليها الحلقة وليك التحية
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: سفيان بشير نابرى)
|
انا هيد
تحايا تانى وسلام كتير
معزرة انا عدلت المداخلة ...
عموما نموزج بهاء جىء به لاسباب عدة
بهاء زول تعدادى ( عداد كهرباء بس )
ومن ثم زول مروجاتى كبير
وايضا لدية حرية ومساحة اكبر من الحجم الحقيقى له فى الاتى
ندوات جماهيرية , اذاعة , تلفزيون , فضائيات , و ارضيات . وكتاميات كمان من كتامى
شىء اخر
معد الحلقة هو الصديق الزميل بمنبر سودانيز اون لاين ( محمد عكاشة ) المنتج بقناة النيل الازرق
وعكاشة يعى ما يفعل بصدق واحترافية
يا عكش كن هنا ....
سلااام يا صديقة وكونى بخير
قاسم المهداوى
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: قاسم المهداوى)
|
الصديق قاسم
شاكر لك افتراع هذا البوست اذ القضاياالاجنماعية اولى بالنقاش رغماعن انها نتيجة للسياسى
وقبل الحوار معك والاعضاء دعنى اعيدنشر هذا البوست هنا قبل سنوات وانا اعود الى امدرمان وهو قديكون ذى صلة بموضوعنا بوجوه عديدة
كل الود
وساعود
للجندريات فقط....راجل المره حلو حلاه !!!!!
هاقد عدت الى بلدى...بلد المصيبات العجيبة..
جدى حدثنى انه وقبل أربعين عاما من الان قد هب مع بعض اقاربه فى طلب احدى حسناوات حى ابوروف...
والد الفتاة رجل صالح ومن افاضل المدينة..جدى قدم العريس بانه ولد مستقيم لم ترتاد قدمه منتديات الخمر ولايعرف طريقا للنساء ولا يلعب الميسر وهو فى طريقين لا ثالث لهما...
من بيته الى العمل ومنه الى المسجد..والد الفتاة نظر اليه طويلا واطرق الى الارض ثم قال...
( والله ياجماعة كتر خيركم وبارك الله فيكم...وانا داحين ماعندى راى فيكم..ناس افاضل ومعروفين..لكن ياحاج ولدكم ده لاجرب الخمر ولاساسق فى درب النسوان جايبنو لى لى بتى اسوى بى شنو..انا عايز لى زولا مقرم وشفت يحميها...)
والايام ماضية...
والغناء حامل ثقافة المجتمع والناس... يسمو بسموهم ويهبط بهم عندما يهبطون..
بعد سنوات من طلب قريبنا المودب...كانت الفتيات يتطلعن باعجاب الى(الماشى لى باريس ..جيب لى معاك عريس...شرطا يكون لبيس من هيئة التدريس) حتى اصبح يوم على المدرسين (معلمين)فيه الله من كل شىء بعد زحف المغتربين المقدس وقضائهم على الاخضر واليابس وليتهم ينتقرون خطيباتهم فى لقاء مباشر فى اجازتهم,,, بل يختارونهن عبر اشرطة الفيديو فى الاعراس وهم قابعون فى اغترابهم يسمرون..
وفى عهد تالى كان عز الطلب (وليد دارفور بمشى معاك الليلة..محل ماتدور بمشى معاك الليلة) ولا انسى بينهما من(بتغنيلو بت عباس..ألفى القهوة مو جلاس) ...زمن..
ثم كان لبنات الخرطوم فى عهد زاهر مونق فى السبعينات معاير راقية فى الاختيار خصوصا بنات نمرة اتنين..كن يتطلعن فى شموخ الى (الزول القيافة ..الفايت الناس مسافة) وده مستوفى بالضرورة شرط التعليم والتنشئة المميزة والحضور الجميل..من اعلن النعى على زاك الزمان..
حتى وجدنا انفسنا مطلع التسعينات فى( جلجلة وشيتن يحير) والفتيات يتقافزن فى طلب عريس(جبهة) حيث يمضى بالدثور والاجور ليبقى الشباب الكادح فى ليل من الاسى ومر الزكريات...
عدت سادتى والدكتور حسن الترابى يفك فى فتاواه اسر المرأة وزعيم حركة حق الاستاذة هالة عبد الحليم تتصدى له وتحمله مسوليات جسيمة..ومسؤلياته فى تراجع دور المرأة وتقهقر مكانتهاوضمور فعاليتها فى المجالات كافة ...
ثم,,,
والغناء حامل ثقافاتنا..
لاحضر مناسبة لاحد الاصدقاء والفنانة تقدم اجمل الاغنيات وتختتم بى (راجل المره حلو حلاه) والصالة تموج وتطرب برقصات محمومة...بنات فى عمر الزهور..سمحآآآت بالحيل,,,
مارأيكم... والجندريات؟؟؟!!!
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: محمد عكاشة)
|
عكش
مساء الصباح
واشواق يا صديق
مع اهمية الموضوع المطروح فى النيل الازرق
وايضا مساهمات الضيوف
ارجو ان تستكتب ضيوف الحلقة عبر الاميل
للمساهمة واثراء الحوار , وتوصيل الفكرة كاملة
اذ ان ( الفحل ) بهاء لم يترك لضيوف الحلقة فرصة
للمساهمة ,
هكذا تخيلت
شاكر جدا حضورك الانيق جدا
قاسم المهداوى
هامش
ايضا مساهمة الصديق عادل كبيدة
عبر الاميل ... يا ريت
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: محمد عكاشة)
|
سلامات يا مهداوي
واهو جينا بي مهلة للقصة دي
في البداية التحية لاخونا وحبيبنا المنتج محمد عكاشة وعلي افكاره في طرح القضايا
واستضافة نماذج مختلفة بس (يا عكش) ياخ ما عصرته علي اخونا السر السيد ده شويتين
ياخ وجننتو جن بي بهاء بكري ده وحاة الله انا لما شفقته عليهو واما السيدتين والمذيعة
كان الله في عونهم رسمي وشعبي منططات عيونهم وبعاينو للسيد بهاء ده .
بخصوص موضوع التعدد بعتبر اخونا عبد الناصر الخطيب (حبيب الحبشة له مني السلام ) كلامو
ده :-
Quote: كلام الزول ده في الحلقة دي عن التعدد أداني مؤشر أنو بعضنا ببتدي بفكرة وحتستمر معه عمرو كلو
أى راجل مرة بفترة أتخيل فيها بنات حواء ديل فواكه مختلفة الالوان والنكهات , وعمرو ما حيحّصر نفسوا
في فاكهة وأحدة , بمشي بالتفكير ده لحدي ما ربنا يقدر لى في الاخر يستقر
بعد كدة مفروض يتأقلم على نوع جديد
من التفكير مدام ألتزم مع إنسانة وأتزوجه , مسؤلية انو بقي متزوج
حتفرض عليهوا تفكيروا يتطور في اتجاه أنو بقي في شراكه أوجب وجباته أنو زي ما حيفترض ولاء زوجتو المطلق
لزواجهم بنفس القدر لازم يكون عندو الدرجة دي من الولاء البتاكيد حيخلى عارف أنو في علاقة حصرية
بينوا وبين زوجتو ما حينفع تشاركهم فيها أى إنسانة تانية
وأنو الاتجاه الوحيد المفروض تطور في العلاقة دي داخله
وداخله ده حيكون في تنميته وخلق الاستقرار المطلوب منها
وبالتأكيد ده الحيدي الزوج بعد كدة قدرتوا أنو يجتهد ويتقدم في حياتو العملية والاجتماعية
بالمختصر المفيد أى راجل متزوج وبعد كدة تحس انو ما مستقر في تصرفاتو وكل ما يشوف لى واحدة تلقي يتّهابل
ده راجل عندو مشكلة يا في نفسوا يا في زواجوا المهم في خّلل( ما )حاصل , ولو ما عالجوا مهما اتزوج وعّدد برضوا
حيظل يعاني من نفس المشكلة لاخر حياتو , كل ما حيصادف نوع جديد من الفاكهة طوالى حيخش في نفسوا .....
وما ظن الدين قال لينا عيشوا حياتكم ( قرود )
|
ممتاز وبتفق معاهو مية المية وبالفعل التعدد الذي يوجد في السودان اكثر من 85 % منه لا يمت لما جاء
في الدين الاسلامي بصلة بل هو مرض وحوجة جنسية طاغية تتلبس اللبؤس الدينية وما قاله معد ومنتج البرنامج
اخونا محمد عكاشة عن بهاء بكري دليل قاطع :-
| Quote: بهاء بكرى يمثل شريحة فى المجتمع وهو اكثر وضوحا من الكثيرين اذيرتبط التعددعنده بالمتعة الجنسية ويجد فى مشروعيته الدينية حجة يبرر بها ذلك.. |
وفي الغالب الاعم ليس في الموضوع عدل ولا يحزنون واذا تتبع السيد بهاء بكري الباحث ومؤئد التعدد ما ينجم عن التعدد بهذه الصورة التي يدعوا لها سيجد كثير من الاشكالات الاجتماعية والاسرية التي تنجم من ما يسميه تعدد .
التحية للجميع .
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: jini)
|
Quote: سؤال برئ لماذا لا يعدد هؤلاء الاشاوس وهم فى شرخ الشباب ويعددون وقد ناهزوا الخمسين او تجاوزوها!
هل اعطيوا الكفيت ام هى المراهقة المتاخرة!
التعدد تعذيب نفسى لاقرب الذين إلـــــــــــــــــــــــــــــــــــــــــــــينا!
ليصبح بيت الزوجية بيت أشباح! |
كلام سليم
شكرا ياجنى
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: jini)
|
جنى
تحايا
و ...
Quote: سؤال شرعى
لماذا يسمح البشير لنفسه بالتعدد ولا يسمح لنا بالتعددية!
جنى |
والله سؤال برضو
ولكن مش هنالك فرق بين التعدد الاجتماعى التاهيلى و التعددية السياسية
ولا كــــيف
قاسم المهداوى
| |
|
|
|
|
|
|
|
|
 Re: التعدد سمة البلد .... تعدد الزوجات (Re: قاسم المهداوى)
|
قاسم المهداوي
صباحك زين
--------------------------------
Quote: بس بهاء ده مالامى فوقو
|
بكون في شهر عسل مع زوجة جديدة
-------------------
Quote: كثيراً ما كان أنطوني كوين يردد في أحاديثه وجلساته القول: إنه زوربا «أنا زوربا» في دلالة معبّرة عن طبيعة تفكيره، وإشارة إلى حياته الفنية على صعيد التجارب المختلفة، فقد كان عاشقاً كبيراً للحياة، متطلباً نهماً للأشياء والنساء، حتى بدا كما لو أن ثمة تطابقاً مثيراً بينه وبين تلك الشخصية التي كتبها اليوناني نيكوس كازانتزاكي في عمله الروائي الجميل «زوربا».
|
أنطونيو كوين أحد اشهر الرجال المزواجين ومعتددي العلاقات في العالم
كان لديه امنيه ان يتزوج كل نساء الارض ...
---
تحياتي
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: قاسم المهداوى)
|
Quote: أنطونيو كوين أحد اشهر الرجال المزواجين ومعتددي العلاقات في العالم
كان لديه امنيه ان يتزوج كل نساء الارض ...
|
إستدراك : مع كدي ماحصل الزول ده في حياتو وفي اى مرحلة من مراحل عمروا الصاخب ده
قال أرؤه ورغباتو دي أمر رباني أو ليها خلفيات دينية .
قاسم صباحك زين ...
Quote: بهاء هذا نموزج للشخص السوداناوى الغير مبالى
وقد تكاثروا فى العشرين عاما المنصرمة .. بحجة الدين يفترض ذلك
متناسيا عن عمد ان الدين فرض شرط العدل .. ثم العدل .. والا فواحدة
ولكن ايضا
ولان السودان لم يكن فى يوم من الايام امارة اسلامية ... جاء متأسلمى السودان الجد
بفتاوى ... لم ينزل الله بها من سلطان من قبل
وكمثال توضيحى
الحور العين
عرس الشهيد وخزعبلات اخرى ... |
كلها كانت في سياق إعادة بناء الإنسان السوداني عبر مشروعهم الحضاري
فنتهي بعضنا لانو أصبحوا من إنسان العصر الحجري
لم ياتيهم من الحضارة طرف أو يعرفون شي في شبه منها قريب
Quote: بهاء هذا نموزج للشخص السوداناوى الغير مبالى
وقد تكاثروا فى العشرين عاما المنصرمة .. بحجة الدين يفترض ذلك |
وممكن يا قاسم ما من عدم مبالاه
لكين هموم واولويات مختلفة من الناس العادية
ممكن تخلينا نستغربه منهم شوية , لكين في الاخر دي حياة ناس
بكامل إرادتهم الحرة وقناعاتهم
------------------------
وبالتاكيد راجع ليك في جوانب تانية من القصة
| |
|
|
|
|
|
|
|
|
|
Re: التعدد سمة البلد .... تعدد الزوجات (Re: قاسم المهداوى)
|
Quote: عبد الناصر الخطيب
سلااام ومعزرة للغياب
راجع ليك فقط شوية زمن |
ليك التحية والود يا قاسم المهداوي
قبل يومين رفعته بوست من موضوع كان موجود في عناوين المنبر
عن تكلفة الزواج المبالغة فيها بالسودان ........ هسه مريت على بوستك بتاع التعدد
شفته للمسالة من حته إنها مصعبة على الشباب ( البهمهم الأمر )
ومن ناحية في ناس ما مشكلته تتزوج لكين المأرقهم يتزوجوا كم !!!
قبل أيام كنت بتكلم مع زول معرفتي عن الارتفاع المخيف في أرقام حالات الطلاق
مع انو ما ليهوا علاقة بموضوع بوستك أو حيدخل في الحاجات الاتكلمت عنها حلقة أخونا محمد عكاشة
في كروت ما بعد الزوج والحاجات البتخلى الزوجين تحصل في حياهم مشاكل ... على أي حال معني قريب لكده
الكلام القالو د. فيلد بأننا بنتزوج شخص لكن بنطلق شخص مختلف عن الأول تماما .....
مع أنو نفس الإنسان/نه البكون في لحظة مثل لينا حاجات حلوه كتير , نرجع لصاحبي وونستي معه لخص لى مشكلتوا في حاجة واحدة أنو كان قدرتهم يتحملوا بعض ضعيفة , او ممكن كان حاجات كتيرة يكون فيها التفاهم أفضل ... بس عزاء صاحبي ده أنو عادي الطلاق بقي ................... موضة ؟؟؟؟ ..........
سؤ كان الزواج وصل للمحطة دي من عدم المبالاة والاهتمام أو ظل على تقديسوا القديم
بيظل من أهم العلاقات الاجتماعية البقيمه الانسان في حياتو والعلاقة البتترتب عليها كتير من الاشياء في حياتو ...... وماظن يبقي موضوع لصرعات او موضات على كل ...........
ممكن حته بهاء زولنا بتاع الحلقة دي يتزوج ويتزوج ويتزوج .......... الى ما لا نهاية برضه تبقي بوقت ما موضه
وإحتمال بقت
-----------------------------------------------------------------------------
لو رجعته أكيد حارجع ليك الكلام في المشاكل الاجتماعية ما بخلص
| |
|
|
|
|
|
|
| |
قاسم المهداوى
اناهيد كمال
سفيان بشير نابرى
محمد عكاشة
jini
فيس بوك
تويتر
انستقرام
يوتيوب
بنتيريست