|
كتب الكاتب الفاتح جبرا المتوفرة بمعرض الدوحة
|
|
 Re: يخلق من الشبه حمور$$ (صورة)$$ (Re: Faisal Elrasheed)
|
اووووووووووووووووو
ود الرشيد, والله ليك وحشة, طولنا من كماينك الكمية ديك
انت الطبنجة دى عاجباك؟ عشان لو كدا نشوف ليك واحدة
**********************************************************
بالمناسبة: دا ما سويتر, (انت احوليت يارجالة ولا شنو؟)
| |
 
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
Quote: بالله ده ما سويتر طيب ده شنو بالطو يعني ..
انا مش قلته ليك بطل قراية ادهم صبري دي وركز في شغلك |
اكان بطلت القراية ولا ركزت فى الشغل مابتريح انت
اخير النهرشك بالطبنجة دى سااااى ااازول
حمد الله على سلامة العيون ااخوى
| |
|
|
|
|
|
|
|
|
 Re: يخلق من الشبه حمور$$ (صورة)$$ (Re: Mohammed Awad)
|
Quote: فيصل الرشيد
انا افتش فيك وانت مضهب بجاي
عاين انا ماشي عليك دستة البيض عندكم بكم ؟
وجوز الحمام برمي قدام ولا لسه تلاتة ؟
تحياتي للود حميدة وياسر طيفور |
يا وهبه يا حبيب ..
اخوك كان في البلد عندنا مشاكل بتاعت ورثه ..
عندي اعمامي اكلوني في الورثه شالو مني حمير ونعاج وخلو لي السخلان اضطريت سافرته اتفاهمته معاهم لغاية ما وصلنا لي تسوية واتقاسمنا الثروة والسلطهوالحاجات ..
بالنسبه للبيض هنا والله راقد واطه ..
تشتري تلاته حبات... يدوك معاهم حمامه رقاصه ..
تشتري دسته ..يدوك الحمامه بي صفيحته ..
تتفرج ساكت يدوك قتريته نص ملوه..
تتلبت بي بعيد يدوك طلقه من التسعه ملم الفوق داك ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
الله يسألك ويقطعك ويفرطقك هسه بعد طبنجتك الكبيره الشايله دي وتجي تقول لي وهبه يا عمو؟
يا اخوانا الحنكشه في البنات بنعفاها لكن كمان ما تحنكونا بالطريقه دي..
قال عمو وهبه قال ..
خليت شنو لي داليا كباشي بعد كده ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
والله انا قلتها لاحترام فارق السن وعلى حسب الرتبة, ماصاح كمان نقول سعادتو وهبة فى الموقع على حسب الاندساس الامنى كما يقال من بعض الظلاميين... خلينا شنو لى جنابو عمر عثمان؟
انت يا الحريف دايرنى اقول ليك شين دخل القاضى لكن تلقاها عند الغافل
وهبة دا بشوت ضفارى
قالوك ماشوفت بوستات هبانى ولا شنو؟
قوم لف
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
Quote: اخوك كان في البلد عندنا مشاكل بتاعت ورثه ..
|
شنو يافيصل ياخ .!
كل ما تكون مربوط وتتفك تجى تفك فينا حنكك العاضى دا
مافوقة حاجة لمن تقول كنت مربوط .. الربط للرجالة زى مابيقولوا 
__
محمد عوض شكلك كدا بتحب أفـلام ألـ action
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: مزمل خيرى)
|
Quote: شنو يافيصل ياخ .!
كل ما تكون مربوط وتتفك تجى تفك فينا حنكك العاضى دا
مافوقة حاجة لمن تقول كنت مربوط .. الربط للرجالة زى مابيقولوا
|
ياخ معقول هو ما عنده شغله غيري انا ..
ابدا والله ما ربط ولا حاجه ..بارك لي ياخ ..اخوك ورث ليه 4 حمير كبار و18 خروف و7 نعاج انشاء الله بعد الخريف الواحد يبيعهم ويشتري البورد ده ويطردكم كلكم (: ..
ــــــــــــــــــــــــــــــ
بالمناسبة البتاعه اللونه اخدر التحت كراع صاحبك في الصوره دي شنو ؟؟
ما تكون نقاله بس؟؟
معقول مستشفي الخرطوم بقو يحرسوها بالطبنجات ..!!
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: مزمل خيرى)
|
| Quote: محمد دا شكلوا هدٌاف فى المستشفى ومتجدع باللاسلكى |
مبرووووووووووووووك, ربحت معانا(اشارة) من جهاز لاسلكى بمناسبة مشاركتك فى البوست, كما ربح معانا ود الرشيد (طلقة) من المسدس نسبة لى مشاركتكم الضعيفة بالبوست, لو كان شديتوا الهمة كويس كان طلعت ليكم لاسلكى وطبنجة بالتمام والكمال وتبقوا من هدافيى سودانيزاونلاين.
اها النوريك طالما دا فهمك اصلو مرات الزول الا تمشى معاهو بى فهمو, خصوصآ الاطفال اللى فى سن حضرتك
النقالة دى شلت بيها فيصل الرشيد بعد ما محور لى بوست قريب لى دا فانا شايفك ماشى فى نفس الخطا بتاعتو فداير منك حاجة
احفظ شكل النقالة دى عشان مايتلخبط عليك بعدين لانو مرات بتودى حتات مامنها رجعة.
ناس الهدف ديل اكان بيلبسوا سويتر (على حسب عوينات الاخ فيصل) وطبنجة زى ابو 9 داك كان انعدمت السرقة يابوى
بعدين تعال هنا... لاقاك قبل كدا بتاع هدف وجيه غير الفى يافطة النفق داك؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
طيب ياحمودى ، بالذمة دى صورة تختها لبروفائل؟
وبعدين شنو الكلام الخارم بارم دا .؟
| Quote: ربحت معانا(اشارة) من جهاز لاسلكى |
Quote: كما ربح معانا ود الرشيد (طلقة) من المسدس نسبة لى مشاركتكم الضعيفة بالبوست, لو كان شديتوا الهمة كويس كان طلعت ليكم لاسلكى وطبنجة بالتمام والكمال وتبقوا من هدافيى سودانيزاونلاين.
|
والله طلعت كيسك فاضى ياحمودى وفقدت المنطق شكلك كدا .!
ياخ والله حنيت على حالك..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: مزمل خيرى)
|
| Quote: والله طلعت كيسك فاضى ياحمودى وفقدت المنطق شكلك كدا |
سلام يالطريفى والله ليك وحشة, كدى عاين جاى
والله انا نسيت شكلك كلو كلو
ياخ انا الحنيت عليك, ماكان فى داعى تعذب حالك ياخ, تفتش للكلام دا كلو من امبارح؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: ما تكون نقاله بس؟؟ |
فيصل الرشيد يالوحاظ ياعجيب
والله لكن عويناتك مفروض يغنن ليهن, لسة محولات ياصاحبى, مانقالة وما بوريك كيتن ليك
مستشفى الخرطوم اكان بيحرسوها بالطبنجات خليل ما كان دخل امدرمان
الله لا يعجل ليك فى الورثة بى نواياك السيئة دى ياخ,
تكون انت المهكر المنبر دا بى ال 4 حمير الفى الاول ديل اذا كان بى جملة الباقى حتطردنا كلو كلو
بالله شوف ورثتك دى بى وين ماتمحور لينا البوست دا يمحور ورثتك بحق جاه النبى
| |
|
|
|
|
|
|
|
|
 Re: يخلق من الشبه حمور$$ (صورة)$$ (Re: Mohammed Awad)
|
| Quote: العوض اااخوى ... انت احوليت مع الجماعة ولا البوست دا اصابتو عدوى فيصل الرشيد؟؟!!! |
واصل أخي محمد عوض وما تشتغل بي الامنجية الفوق ديل
ياخ اقول ليك انا زاتي ما تشتغل بي
واصل واتحفنا
كامل التضامن مع صورة حمور والاسم العوض
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: ممدوح أبارو)
|
Quote: زارتنا الملائكة, ياخ والله بارك الله فى فيصل الرشيد جابك لينا
طيب على الاقل حق الله فى البوست والباقى اعرف بيهو سعر البيض
خطوة عزيزة على العموم |
ياولدنا متأسف والله
كنت مستعجل وخايف المجرم فيصل دا يبتعد عن مسرح الجريمة
بس للسبب دا وعمك عمل الريستارت بتاعو
وصحا اكثر حيوية ونشاطا ويغسل اكثر بياضا
تحياتي ليك وانا عارف بجيك راجع مرات ومرات
لاني بصراحة كدا بحب البوستات الدمها خفيف والفيها مقارنات ذكية وتشبيهات
بالرغم من انو حمور صحبي وفيصل جاري لكن اول مرة الاحظ للشبه بيناتم
كدي حاول اعمل لينا تشبيه بين محمد السني دفع الله وكلتشي غير الاسم 
| |
|
|
|
|
|
|
|
|
Re: يخلق من الشبه حمور$$ (صورة)$$ (Re: عبدالوهاب علي الحاج)
|
| Quote: كنت مستعجل وخايف المجرم فيصل دا يبتعد عن مسرح الجريمة |
(عمو وهبة) بين قوسين فيصل الرشيد مايسمعنا, والله صحبك دا معجب بى عوجيب شديد خلاص بالله مأرشف صورى كمان
انت عارف انو كويس معاى, حاكتب محل عنوان مكتبتى فى سودانيزاونلاين: فيصل الرشيد ويكون ريحنى من الارشفة وارسل للريس ولينكات ما يعلم بيها الا ربنا.
| Quote: تحياتي ليك وانا عارف بجيك راجع مرات ومرات |
بالله تعال براك, طبق البيض على وجوز الحمام كمان بس اوعا تجى ضفارى
Quote: بالرغم من انو حمور صحبي وفيصل جاري لكن اول مرة الاحظ للشبه بيناتم
كدي حاول اعمل لينا تشبيه بين محمد السني دفع الله وكلتشي غير الاسم |
اسكت ساى حمور دا كمان ادى طولة اللسان عشان كدا ناوى احيمرو شوية يمكن يقصر, وعادى ممكن ادخلو ليك فى مقارنة مع كلتش زاتو
هى الشناة دى عندها حدود؟ انت قايل فيصل الرشيد دا بغران من الطبنجة بس؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: السيد المسلمي)
|
Quote: وهبة دا بشوت ضفارى
قالوك ماشوفت بوستات هبانى ولا شنو؟ |
يا وهبه شفته الحمام لما يبقي مخلل .. :)
اتوماتيكي البيض بطلع مسلوق ..
يعني من المصدر وللمستهلك طوالي
ـــــــــــــــــــــــــــــــــ
محمد عوض قلنا نجي من الصباح نقنطرك عسي ولعل نلقي لينا حاضنه للبيض الكتير ده ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: يا وهبه شفته الحمام لما يبقي مخلل |
يازول وهبة دا شفت وانا راضى بقول كدا, لكن المشكلة فيك انت الامعة دا انا ماراضى بى ادائك دا كلو كلو لكن زى ماقلت ليك قبيل بتنفع
معاى من باب مكتبتى
| Quote: محمد عوض قلنا نجي من الصباح نقنطرك عسي ولعل نلقي لينا حاضنه للبيض الكتير ده |
يسعد صباحك والله, على الحرام انا لو كل يوم بلقاك ما كان دا حالى بس المشكلة فى السمع, عيار وهبة دوشنا شوية
ياعمو وهبة
دا ماكسير تلج , دا اطراء لانو عارفك برضو مابتبيع صاحبك البيكسر ليك التلج (على الاقل لغاية ماتشوف اخر ورثتو دى شنو)
وبعدين ياخ الطلقة دى ماقلت ليك ختها للبوست الاسود.. اسى بوستيي دا اسود ولا بامبى؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: السيد المسلمي)
|
توضيح صغير ..
سيد البوست - حسب الصورة - بيتكلم عن خالد حمور.
المتداخلين بيتكلمو عن حمور زيادة.
و ما أظن واحد فيهم فاهم التاني.
تكون المصيبة الكبيرة لو سيد البوست قايل انو خالد حمور ده أنا.
في الحالة دي انا بشتكيو و خالد بيشتكيو و فيصل سعد بيشتكيو و فيصل الرشيد ما بيخليو.
ـــــــــ
و لا يفوتني ان أشير إني ما فهمت فكرة البوست كلها حتى بعد عرفت انو المقوصد بيو خالد حمور.
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: حمور زيادة)
|
Quote: تكون المصيبة الكبيرة لو سيد البوست قايل انو خالد حمور ده أنا.
في الحالة دي انا بشتكيو و خالد بيشتكيو و فيصل سعد بيشتكيو و فيصل الرشيد ما بيخليو |
وانا معاك يامعلم, فى زول سألنى وانا قلت ليهو دا حمور زيادة؟؟ المشكلة فى الناس البتجى شايتة ضفارى زى ود الرشيد القلع ضفرو دا
ماشايف وهبة دا ماشى لى بالحمام والبيض وهلم جرا؟ معايدة المريض برضو واجب. حتى ولو كان مريض نفسى
ــــ
كنت عااااااارف انو البوست دا حيجيبك وبالمناسبة
انو برضو حاشتكيك لانك مافهمتة فكرة البوست حتى عرفت انو المقصود خالد حمور بالرغم من كمية الصور!!
انت مابتعاين فى المراية كل يوم الصباح زى فيصل الرشيد وتندب حظك ولا شنو؟
تحياتى
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: ممدوح أبارو)
|
| Quote: ياخ اقول ليك انا زاتي ما تشتغل بي |
معقولة بس؟ ياخ على الاقل انت رفعت لى البوست دا اقل واجب مفروض اشكرك يازول نحنا برضو كمان ناس بندر وبنعرف الواجب
نحن والله الله معانا لمن تأبط لنا شرآ, ولحدى اسى مافى طلقة فى الماسورة
خاتينها للبوست الاسود
تحياتى
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: عبدالوهاب علي الحاج)
|
| Quote: والدقسة فيها اللحسة |
وهبة ياخاين... ماقلت ليك بتجى شايت
تعرف دى كان دايرة شنو؟ فيص الرشيد يكون واقف بعيد زى الفلاتى الفى السينما ويكورك
يابتل... خاين وراك..... يابتل ... خاين كتلك.... يابتل .... اامل هسابك
بس يعمل حسابو من الهندندوة
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
| Quote: تكون المصيبة الكبيرة لو سيد البوست قايل انو خالد حمور ده أنا. |
حمور بالطريقه دي الولد ابو طبنجه ده حيبلع حيبلع فحقو نساعده بالمويه والاندروس ..
محمد عوض ..
يا بيضة تمشي علي ساقين ..
امرق هنا مرق جلدك ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: وانت شفتو لما يدقس |
هي دقست نصاح ..
يا وهبه بالطريقه دي الولد ده حيخنق ..
اقترح انك تعمل ليه الشغلانه دي دربات او بالعدم سفوفه ..
ـــــــــــــــــــــــــــــــ
ياخ شايفك اكلتني في موضوع شهادة البحث ..لا رسلتها ولا اشتغلت بي ..هسه زي ده ما كان باقي علي المحامي والتوثيقات (:
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
| Quote: عليكم الله الفرق كتير؟ |
| Quote: (انت احوليت يارجالة ولا شنو؟) |
| Quote: اخير النهرشك بالطبنجة دى |
| Quote: خطوة عزيزة على العموم |
| Quote: وهبة دا بشوت ضفارى |
| Quote: لاقاك قبل كدا بتاع هدف وجيه |
| Quote: وما بوريك كيتن ليك |
| Quote: والله صحبك دا معجب |
| Quote: اسكت ساى حمور دا كمان ادى طولة اللسان |
| Quote: انت قايل فيصل الرشيد دا بغران من الطبنجة بس |
| Quote: اسى بوستيي دا اسود ولا بامبى؟ |
الكلام الفوق ده لو عملنا ليه موسيقي تصويريه وفي الاخر صرخه كده مع حبت جلع وختمناهو بي كلمة (سجمنا) احتمال الطبنجه دي ما تقدر ترفعه من الواطه
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
| Quote: صح.. على حسب خيالك الواسع... انت من ذوى الخيال الواسع ولا محمد نعيم سعد خالك لانو المثل بيقول الود خال عشان كدا فاشل |
لا لا لا لا يا حماده يا وجيه ..
الظاهر انت بديت تزعل من عمك فيصل..
كله الا زعلك يا ولدي ..
عاين هنا ..ما تستعجل علي النهاية بالسرعه دي ..نحن عاوزين ندي موضوعك ده اكبر كميه من الاكشن والاثاره ..
هسه انا اتصلت بالود حميده عشان يشحن لينا حاويتين 40 قدم اكشنات ..
ووهبه هسه في سوبا شغال تخليص في كراتين بتاعت الاثاره ..
يعني بعد شويه مش تقدر تغمض عيونك عديل كده ..
والناس الحايمين بي بره ديل ..والناس الواقفه صف دي نقول ليهم شنو ..
حماده كسر الفيديو ..وحرد الشغلانه ..وبقي يجدع بالحجار ..
يا ولدي ده تست صغير يا دوب نحن قلنا يا هادي..اهدا يا ولدي وامشي اشرب ليك (عصير قريب فروت) عشان تقدر تركز معاي ..
النهار طويييييل وراجينا فيه شغل كتير..
يلا يا حماده اجري اخد ليك دش بارد عشان تركز ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: الظاهر انت بديت تزعل من عمك فيصل |
حاشا وكلا, ياخ البوست دا مرفوع بى همتك ياخ وبعدين الزعل مرفوع زى البوست دا, ليك على كل رد او تعليق ليك عليهو (سيوتر)<<<
بالله ماتنسى تجيب معاك كونتنير سويترات صيفى نسبة لارتفاع درجة حرارة البوست والبلد فى وكت واحد وكلم وهبة دا مايلحس منهم يوزع على
ناس قندهار ويقوم بالمعلوم, اصلو الجميل من طبعو الخجل ماشايفو لابد كيف. لكن اوعدك انو حايجى قايم سدارى بعد الكلام دا.
ارجانى بجيك راجع اسى, ماماشى للدش, نحنا يابا بنستحما كل يوم الصباح والمساء انتو عندكم كان اخر حمام فى ذكرى المولد النبوى الشريف باقى لى.
من حمير الورثة دى بالله ماتنسى عدد واحد حمار كارو فى شكل تنكر لتليبة احتياجاتكم عشان الواحد مايدخل البوست دا يشم ريحة ماكويسة زى ريحتك دى.
ــــ
ماوريتنى ياخ انت من ذوى الخيال الواسع ولا لا
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
ياخ ماعيب عليك يافيصل الرشيد, اسمع نصيحتك امش استحمى واجى القا البوست زاغ تلاتة صفحات وانا البشكر فيك من الصباح انك رافع البوست دا رفوع الاثقال!!
وينك ااازول؟ بتفتش فى موية لى عيد شم النسيم ولا طلعت فى زيادة فى الورثة كلاب مستهجنة؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
| Quote: ماوريتنى ياخ انت من ذوى الخيال الواسع ولا لا |
محمد الهداف ..
ياخ بالله انت لسه قاعد محل خليتك امس ..
لكن برضو كويس ..دي حركة في شكله نافوره ..
تعرف يا حماده زماان لما كنا في المدرسه وبعد ما يفكونا بيوت ما بنجي البيت طوالي ..لازم نلفلف ونتحاوم ..
خصوصا وانه بيوتنا كانت بعيده من المدرسه ..ما زي حالكم انتو اليومين ديل ..
يعني لا عندنا ترحيل ولا عندنا سواقين بنتظرونا جنب الباب..
المهم انه مشكلتنا الكبيرة كانت الشنط ..الشنط زماان يا حماده كانت تقيله شديد ..
يعني تجي كل يوم خامي ليك 8 كتب و8 كراسات وحصحاص ضراب..
تعرف الضراب يا حماده؟؟
اكيد ما بتعرفو عشان كده اقوم اوريك انا ..عمك ومجبور يشرح ليك..
الضراب ده يا حماده (حجر خراصاني كبير الحجم وغليد ومدردم ) ..
اها طبعا الفصل زمان فيه الناس البيض والمفتحين ..بنقوم نلعب شيل شنط مع الناس البكونو بيض ..
والله كنا بنحجز الناس عدييل ..
يعني تجي من الصباح تحجز ليك بيضه عشان بعدين يشيل ليك الشنطه ..
يعني تنيش الواحد وتشيله شنطتك ..
وبعد تشيله شنطتك تفك ضرابك في اخر الدنيا وتمشي قدام وتستني ..وهو المسكين يقنت..
وكان فرفر ..الله قال بي قوله ..شغله كده زي القمار ..
..
حكيت ليك القصه دي يا حماده لانها بتشبه حال البورد ده..
هسه انا لاعب معاك شيل شنط..
مع انك ود غندولي وبدل الضراب الظاهر ابوك جاب ليك جله بتاعه قطر ..لكن برضو اتنشته ..
واسأل العنبه من الكلام ده..
ـــــــــــــــــــــ
انصحك تلعب (ام الحفر او بربره) .. علي الاقل مافيها شيل ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: يعني تجي من الصباح تحجز ليك بيضه عشان بعدين يشيل ليك الشنطه |
الكلام دا ما مفروض يكون بعيد لكن انت فى شى ما ملاحظو.. والشى هو انو انا بدل ما اشيلك شنطتى بشيلك البوست دا
مالاحظت انو انا بكتب ليك الصباح وانت ترد فى نهاية اليوم
بس بدل الشنطة دى بشيلك البوست دا وانت عارف انو لو فرفرت الله قال بى قولك عشان كدا منطر <<< انك ماتفرفر كتير.
| Quote: حجر خراصاني كبير الحجم وغليد ومدردم |
وبرضو تقول خاتى صورة ايداهور حزنان عليهو؟؟ اتاريك يالحبيب مفلق ومورم لامن خجلان من وشيك دا<<<
نحنا بنعرف نلعب مقصات... تلعب؟ ولا ادينك شنكل اخير ليك؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: بس بدل الشنطة دى بشيلك البوست دا وانت عارف انو لو فرفرت الله قال بى قولك عشان كدا منطر <<< انك ماتفرفر كتير. |
محمد عوض البوم ..
تعرف يا حماده مدعي الحنكشه دايما ليس بحنكوش ..
ومدعي الوجاهه ليس بوجيه ..
ومدعي الثراء ليس بثري..
دي من المسلمات ..لا يتناطح فيها عنزان ..
يا حماده الحاله الانت فيها دي بتدل علي النزعه الانثويه ..
تبقي مشكله لما الرجل تكون عنده نزعه انثويه زي دي ..
ياخ حاول ركز قبل ما تكتب ..
هسه حتعمل شنو في موضوع النزعه ده..
اقترح انك تمشي كبري بحري وتتلب من حياتي وحيات الناس الفقعته مرارتهم ديل ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
حمد الله على السلامة فى الاول مهما كان نحنا برضو ناس اهل منبر واحد وعلى قول المثل ال.... فى ذمة الواعى برضو
مشكلة النزعة مع انها ماواردة لكن صدقنى انا اقتنعت بالمثل البيقول الجمل مابيشوف عوجة رقبتو
وبعدين منو ياخ انت الشكا ليك منى عشان تحكم on his behalf؟؟؟ (دا من باب النزعة) مشكلتى انو بحاول اتعامل معاك (منطر)<<< باسلوبك
وفهمك العاجز لانو كل ما تتزرة تقوم تحاول تمحورنى انا زاتى خليك من محورة البوست ودا دليل على الخرف بالمناسبة ولو قعدت باريت البوست
دا بى جهلك دا تأكد تمامآ انو بوديك دار العجزة والمسنين.
| Quote: تبقي مشكله لما الرجل تكون عنده نزعه انثويه زي دي |
النبى تشوف ليك دكتور تجربو وماتنسى تورينى عليك الله لو نفع معاك عسى ولعل (ينزع منك ومننا هذه النزعة)
| |
|
|
|
|
|
|
|
|
 Re: يخلق من الشبه حمور$$ (صورة)$$ (Re: Mohammed Awad)
|
| Quote: النبى تشوف ليك دكتور |
تعرف يا حماده ..
كل ما اقول ارخيك تجي طاير وكأنما بك تردد قول الشاعر عوض مسطبه (ضقل بي ضقل بي فأنا اشتاق تضقيلك ) ..
ياخ انت ود صغير لسه وكلامي ليك ده من باب النصح والارشاد ..
يعني انا عمك فيصل ده كان ما نصحتك البنصحك منو ؟؟
اهو البورد ده كلللله مافي زول جا هببو ليك غيري ..
الناس كلهم بجو ماشين يعاينو والواحد يضحك بالكتموتو ويتخارج..
والله يا محمد عوض كان وريتك كمية المسنجرات الجات في موضوعك ده تتحير..
ياخ انت والله بكري حقو يستثمرك ..
يجيب ليه قفص ويختك فيه ..ويعمل الدخول بالفيزا كارد والماستر كارد ..
صدقني البورد ده حيجيب بعد شويه ناس قناة انيمال بلانيتAnimal Planet ..وناشونال جوغرافي National Geographic.
وانت حتستفيد ..
احتمال ناس السلام الاخضر واليونسيف يعملو فيق تقرير ..
امبارح كنت بحضر في برنامج عن نوع من السرخسيات بدا ينقرض ..
تصدق في الفاصل بتاع البرنامج جابو دعاية لبرنامج الاسبوع الجايه ..
بتكلم عن السناجب وتاريخه وانحداره ..
انصحك تحضر البرنامج ده ..
بالعدم امشي حظيرة الدندر ..
ــــــــــــــــــــــــ
السرخسيات دي كان ما فهمتها ما تسألني منها ..فتشه في القوقل
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: السرخسيات دي كان ما فهمتها ما تسألني منها ..فتشه في القوقل |
والله ياعمو فيصل!! (دحكتنى وانا ميت)
اسمع . انت ماشى بعيد ليه؟ البوست دا براهو ما ناشيونال جيوغرافيك... اسى زول يشوف لى كل مرة قرد بيتقلد مناصب حيوانات اخرى دا فى زول بيحول منو؟ والله انا لو وريتك المسنجرات الجات بى سببك تستغرب انك انت ماطلعت فى ٍSpace toon لمن كنت صغير ليه.
وبعدين انت بتتكلم عن روحك وماعارف؟ اسى ماقربت تنقرض فى البوست دا من كمية الشناكل الاديتك ليها عسى ولعل تتخارج لكن هععععععع
ما تكابر ياعمو فيصل... اندب حظك الوحش بس
انت؟..
انت انا حاعمل ليك تمثال على نفقتى الخاصة وحياة عوارتك دى على الاقل الواحد يشوف استثمار ناجح منك بدل زمننا المضيعو لينا كتابة نحاول نفهمك انو تكسب زمنك ياعمو.
قول وراى.... الا ليت الشباب يعود يوما
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
| Quote: انت انا حاعمل ليك تمثال على نفقتى الخاصة |
يا حماده ..
لما تقول لي زول حا اعمل ليك تمثال ..او فلان يستحق ان يعمل له تمثال ..فهذا من باب التعظيم والفخر والاحترام ..
ياخ والله اسعدني هذا الكلام وتلك الاشاده بالرغم من انها مجروحه لكنها تؤكد مدي اعجابك بي ..
ياخ والله المسأله ما محتاجه منك قدر ده ..
بالطريقه دي انت حتضيع قروش الحديقه والهدايه العينية بتاعت الزوار وتعب بكوري ده ساااكت ..
....
.....
........
هو بالله انا ما وريتك يا حماده؟
معقول بس انت ما عارف؟
الله يسألك ما فاهم؟
يا حماده بعدين في القفص ما بدفعو ليك كاش ..
الكاش بمشي لأدارة الحديقه ..وانت بيدوك موز وتسالي ..
الموز بديك طاقه كبيره وبخليك تنطط زي الياي ..
وتكون ربحته اجرين ..
اجر اسعاد الاطفال بتنطيطك امامهم ..
واجرك عن التنطيط وسيكون عباره عن موز ونبق وتسالي ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
Quote: يا حماده بعدين في القفص ما بدفعو ليك كاش ..
الكاش بمشي لأدارة الحديقه ..وانت بيدوك موز وتسالي ..
الموز بديك طاقه كبيره وبخليك تنطط زي الياي ..
وتكون ربحته اجرين ..
اجر اسعاد الاطفال بتنطيطك امامهم ..
واجرك عن التنطيط وسيكون عباره عن موز ونبق وتسالي .. |
تنبيه للسادة القراء
ماذكر اعلاه ناتج عن تجربة شخصية
| |
|
|
|
|
|
|
|
|
 Re: يخلق من الشبه حمور$$ (صورة)$$ (Re: Faisal Elrasheed)
|
غايتو يا محمد عوض .. لو بقيت إنت بتاع الطبنجة الفوقانيه دي تكون بالغته ..
.
.
طبنجة في البورد يا محمد عوض ومعاها تاكي توك وبالطو طويل ؟؟
غايتو يا فيصل الله يسامحك
أنا كان في محل عوض ابو طبنجة دا .. كان بضرب ليك طلقتين تحت رجلينك عربوتن صداقة كدا
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: tmbis)
|
| Quote: كان بضرب ليك طلقتين تحت رجلينك عربون صداقة كدا |
ياعريس
يازول اخسر لى 6 جنيه ساااكت؟ هى القروش دى بنلقاها واقعة؟ الضرب المعنوى فعال جدآ لى حالات السعر دى.
عاين لى زعل كيف (:
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
Quote:
غايتو يا محمد عوض .. لو بقيت إنت بتاع الطبنجة الفوقانيه دي تكون بالغته ..
. |
تمبس ..
ما تعصر علي الراجل بالصوره دي ياخ ..
ياخ انا اول مره شفته الزول ماسك الطبنجه قلته البورد ده بقي فيه ناس NCIS ..
تعرف يا تمبس حماده ده كان بقرا (اشرف الشريف يعرف من الجاني ) و(رجل المستحيل) ..
البالطو ده طبعا انا كنته قايله سويتر لحدي ما جا سعادتو حماده ووراني الفرق بين البالطو والسويتر ..قال لي البالطو ده بتاع القوات الامنيه والسويتر ده هو بلبسو للنزهات والفسحات ..
..
قبل ما انسي يا تمبس ..
عليك الله حقو تعمل لينا تصميم للقفص المقترح وتخته في فايل بي دي اف وترسلو لي بكوري وتعمل سي سي لي اخوك عشان المواصفات ..
وبالمره كده شوف لي اسعار الحديد التقيل بي كم والجنازير ..
قالو السعوديه فيها حديد من النوع ابو لستك ..عليك الله اعمل لينا كوتيشن لعدد 80 سيخه 22ملم و8 متر جنزير...
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: ياخ انا اول مره شفته الزول ماسك الطبنجه قلته البورد ده بقي فيه ناس NCIS |
وانا اول مرة اشوفك افتكرت انو دخلت روضة ماما ليلى من عوارة الشفع البتعمل فيها دى وقدر ماقلت تعقل تشيل وتثبت لى انك ككو.
يعنى لو ما شوية مرات الواحد بيشوف كتابات لى ناس عندهم موضوع مازول فارغ زيك كان افتكرت انو انا انضميت لى معهد سكينة.
لسة النزعة ما اتنزعت؟؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
Quote:
يا فيصل اتخارج من هناسريع خلي البوست ده يحتل
انت عايز تشمت فينا ابوالريش ولاشنو
سلامات ياشباب |
اتخارج وين يا عمك ..
اتخارج كيف انا وربنا اكرمني بهذه البيضه التي ما تنفك تطالبني ان العب بها ..
قال اتخارج قال ..انا الزول ده صراحه ماخده مقاوله ..
يعني حفر ساس وتسليح وخرصانه وتقفيل وتشطيب ..
هسه نحن بنركب في الابواب ..باقي الطليه والدهانات ..يعني انشاء الله لغاية بكره ممكن نفرش ونسكن ..
تجي ياخ تقول لي اتخارج ونحتل البوست ..
ده كلام يرض الله ورسوله ..
.....
عمراننا الذي في الرياض ..
تمبس في اتصال هاتفي قبل قليل اكد علي انه اشتري السيخ بتاع القفص ..
باقي الجنزير ..كان اتصرفته لينا فيه تكون ما قصرته ..
ود الصايم قال متبرع بعدد 2 حاويه موز صومالي ..
محمد عوض ..
يا حرامي القوقل الداقس..
ده
اجمل اربعين مثل فى العالم
جبته من هنا ..http://www.arabvolunteering.org/corner/avt26812-2.html
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
ياخ من هنا ولا هناك اسى مش اخير من الفارغة الانت بتعمل فيها دى؟ على الاقل بوصل معلومة لى ناس مابتقدر تصل الذرة الانت اكتشفتها دى.
| Quote: ود الصايم قال متبرع بعدد 2 حاويه موز صومالي |
ليك على اول ما الكونتينرات تصل اديك واحد هدية لرفع البوست كأتعاب ياككو.
ــــ
اسمع بفتش لى فى تعريف ماقادر القاهو, طالما انت طلعت نابستر اديك موز زيادة وتجيبو لي؟
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: اتخارج كيف انا وربنا اكرمني بهذه البيضه التي ما تنفك تطالبني ان العب بها |
لا تجادل الأحمق ، فقد يخطئ الناس في التفريق بينكما
Don't argue with an ignorant for it will be hard for people to differentiate between you
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
يا شباب خوتكم فرتك ..
يعني عاملين قعدة بـ( مستر هنضب ) دا .. و ناسين اخوك في الله ..
ياخي ان شاء الله كان تكشحونا بشــوربة كوراع .. او بالميت تموصو لينا المسدس دا في جردل و نشرب مويته ..
..
..
انا حزين .. لازم تعيدوا لي المسلسل دا من اول ..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: عمران حسن صالح)
|
| Quote: انت الرافع البوست وبتنادى بى تحتيلو |
ياحبيبنا رافعه شنو ياخ حرام عليك انا ماجيت لقيتك مقنطر فوق!!
والله صحي حكمتو بالغة ياخ انت مفروض كان تفكر تعمل لي تمثال زي العاوز تعمله لي فيصل ده بعد كلامي الفوق داك.
اها هسي الزول ده داير يجي يسكن عديل كده.
يافيصل اقول ليك حاجه ,ياخي انا متخارج
بالهنا والشفاء
دقيقه بس
ياود الصايم الشى دا صارفنه لي انا يعني نفس واحد وترجعه.
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Akram Omara)
|
| Quote: والله صحي حكمتو بالغة ياخ انت مفروض كان تفكر تعمل لي تمثال زي العاوز تعمله لي فيصل ده بعد كلامي الفوق داك |
يللا دا بيعتمد على الفصيلة بتاعتك ومدى صمودك..
فصيلتك شكلها من الفصائل النادرة كتير عندنا ودى الا فى الامازون عشان كدا لا نحبذ وجودك الكتير فى البوست يادبيب... ولا اقول ليك
انت اساسا ماحتصمد كتير لانك متخارج فبى عدلك يابوى لغاية مانتلاقى فى سيرك تانى يمكن المرة الجاية اجيب ليك معاى موز زيادة.
وماتخاف غالى والطلب رخيص... تمثالك فى الحفظ والصون بس دايرو فى ياتو حديقة؟ بس ماحاوديك مع فيصل لانو داك اكتشفت انو ديناصور
ومش ديناصور بس كما.... من الفصائل النادرة جدا عشان كدا موديهوالمتحف.
انت عبود كيف معاك؟ ناس الحاج يوسف كتار بس ماطوالى بيجوا شايلين موز... تسالى بس... وحاوصيهم يكون قرع نسبة لانك جديد
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: عمران حسن صالح)
|
Quote: يا زول انا معاكـ ضد الرجرجة حميده ده
بلاهي أردمو ردموا بله يخمو ياخي |
انت بس خليك ماخد ساتر, فى عينات كدا بعيد عنك لمن يشتتوا ليهم الموز بيجى طائر مخترق حاجز الصوت.
اخر واحد شايف الفرع انكسر بيهو.
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
| Quote: ما بحلك مني الا الارشفه |
هوى يا المطرطش.. انت ماك عارف؟؟
ياخ انا طلبت انو البوست دا يكن ماشى كدا بس عشانك انت.. دا طبعا من باب التعظيم والتقديس, ياخى انا اعتبرت روحى هندوسى عديل عارف ليه؟؟ مافى داعى.. ماحتفهم..
لو راجعت مداخلتى فى البوست دا حتعرف معزتك عندى قدر شنو. اعلان للجميع:ارشفة المنبر العام الحالى للربع الاول لعام...10 يوم 31 -03- 2010
انت مشكلتك مابتسمع الكلام.. عليك الله كم مرة قلت ليك اديك شنكل تتخارج وابيت؟... دا ان دل انما يدل على انك اتعودت انك تمحور بوستات الناس لغاية مايقنعوا ويتخارجوا ليك منو لكن ليك على الا سيرفر بكورى دا يابا يشيل البوست لكن وراك وراك
بالمناسبة
ـــــ
تخيل قبل كم يوم شفتك فى King Kong قنعت من كونتينرات الموز كلو كلو.. انت ود الصايم رشاك بيهم ولا شنو؟!!! 
تحياتى ياخ لى عوض مصطبة... ماقال فوقنا شى تانى؟ والله يكون بيرثى فى حمير الورثة
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
Quote: بالمناسبة
ـــــ
تخيل قبل كم يوم شفتك فى King Kong قنعت من كونتينرات الموز كلو كلو.. انت ود الصايم رشاك بيهم ولا شنو؟!!!
تحياتى ياخ لى عوض مصطبة... ماقال فوقنا شى تانى؟ والله يكون بيرثى فى حمير الورثة |
هلا يا حماده ..
هلا دي طبعا محلات عفش وحاجات كتيره كده احتمال نحتاج نمشي ليهم الايام الجايه عشان يفرشو لينا البوست ده ..
عندهم اثاثات صينية درجه عاشره ..
تقعد في الكرسي يتبرش بيك تجوط فيهم يقولو ليك اساسا ده مصنوع للصينين لانهم قصار وخفاف ..
تنقرط زياده يقولو ليك ياخ ما اصلا هو مصمم علي انه لما يشيل وزن زياده يتحول لي سرير منبرش ..
طيب الحل شنو اذا انا ما عاوز السرير ده ينبرش ..والكرسي ده ما يتحول لي كرتونه ؟؟..
الحل قالو تاكل نارك وتمشي سنار تشتري ليك سراير سنط ..ضد الكسر وضد الرقاد ..
يعني كان رقدته ما بنكسر وكان قدرته ترقد ما بتقدر تنوم لانه حا تجيك فلايت وقطيعه وحتحتاج لي زيت سمسم وكمون وحبوب فولترين ..
شفته يا حماده الفولترين ده ركز لي عليه ..لانه ده الانت هسه محتاج ليه ..
الفولترين ده يا حماده مسكن للالم والوجع واي حاجه ..
انت هسه حالتك دي صراحه محتاج فولترين 100 ملغم ..
انا حا اديك 70 وال30 انت اتصرف فيها بمعرفتك ...
لو دخلته علي صيدليه الدايات محل الشغل عندكم يعني بتلقي الحاجات دي ..
ياخ احتمال يعملو ليك بنج موضعي عدييل كده ..وليه لا ..في حد احسن من حد ..
يعملو ليك بنج موضعي ولا علي كيفهم ..اوعي تخليهم يعملو ليك بنج كامل ...وانت عارف وسيد العارفين..
البنج الكامل ده ودر ناس كتااااار في البلد دي ..خسوسا ناس الدايات والنيل الازرق ..
عشان كده وحرصا علي سلامتك انا بقترح تجلي موضوع البنج ده زاااتو ونعمل ليك الشغلانه دي بالبلدي كده ..
ايوه ..دي احسن حاجه ..صحي محتاجه قوة تحمل لكن ما اظن انت ناقصك الحاجه دي ..
بما انك لسه متواجد هنا معناها تحملك عالي جدا ..
يلا يا بطل اتوكل علي الله وتعال نعمله ليك من غير بنج ومسكنات ..
ارح يا بابا ..جهز رقبتك وتعال لي بكره صايم ..
جاااو..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Faisal Elrasheed)
|
Quote: ارح يا بابا ..جهز رقبتك وتعال لي بكره صايم ..
جاااو.. |
ياخ زعلتنى عديل كدا..ياخ انا اهاتى مطالب بمواصلة البوست وانت تختفى تلقط لى اخبار العفش والمستشفيات وتنسى الموضوع (المودة البينا على قول عثمان حسين) وتجى بعد اسبوع تقول لى بكرة!! وجاااو كمان؟ احبطنى بالجد.. دا الحالة بعد كمية الموز الاتنازلت ليك عنها.. انت قالو ليك انا عاوز اعرس تانى ولا شنو؟
| Quote: الحل قالو تاكل نارك وتمشي سنار |
كدى بينك مشيت سنار لى سرير ولا لى فكى يهكر البوست دا عشان ترتاح منى؟ ماقلنا ليك شنكل ابيت لكن تعرف... انا احيي فيك صفة كويسة شديد وانو ما اتنازلت عن كرامتك ولسة مكابر لكن فى حالات كتيرة زى دى الواحد فى الاخر بينتحر.. اسلفك الطبنجة دى؟
| Quote: بما انك لسه متواجد هنا معناها تحملك عالي جدا |
شكرآ على الأطراء دا ياخى... دا انجليزى دا يامرسى؟؟
ــــــ
بالمرة كدا شوف ناس هلا ديل عندهم كرسى مدولب نفسحك بيهو... شكلو كدا المشى غلبك..
| |
|
|
|
|
|
|
|
|
|
Re: يخلق من الشبه حمور$$ (صورة)$$ (Re: Mohammed Awad)
|
كل ربع سنة وانت طيب يافيصولى
طبعآ انا متأكد انك لما شفت البوست دا تانى فكرت فى الفكى بتاع سنار اللحس قروشك وما هكر البوست صاااح؟
ماهو ماممكن البوست دا بعد المحورة دى يضيع هباءآ منثورا يللا ارح يافيصل العجب
انا جيتك صايم على حسب الوصية.... ابقا مارق اتربع فى الربع الاول دا عسى ولعل نستفيد منك شوية تكون عقلت.
تخريمة..
ــــــــــ
مافى تخفيضات على العفش بمناسبة الارشفة؟
| |
|
|
|
|
|
|
| |
Mohammed Awad
مزمل خيرى
Osama Mohammed
اساسي
Faisal Elrasheed
عبدالوهاب علي الحاج
ممدوح أبارو
حمور زيادة
Faris Mohamed
tmbis
عمران حسن صالح
Akram Omara
محمد عبد الماجد الصايم
HAIDER ALZAIN
humida
Adam Mousa
فيس بوك
تويتر
انستقرام
يوتيوب
بنتيريست