أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيكالي

نعى اليم ...... سودانيز اون لاين دوت كم تحتسب الزميل حسن النور محمد فى رحمه الله
رحيل زميلنا الصلد حسن النور .. سيدني تودع الفقيد في مشهد مهيب وحزين
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 26-09-2018, 10:43 AM الصفحة الرئيسية

مكتبة حيدر محجوب عبد السلام(jini)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-11-2004, 07:50 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيكالي

    عصام الدين ود عبدالحفيظ
    وفي كعهدى بك ..... ليت لى ريشتك وبضع ألوان , لأرسم ما خبرته من جمال روحك وصدق عشرتك ....... فيا وجعى .... فك رسنى .... ودعنى أرخى للشرق ....


    الزول الجميل ....
    أنور عبدالرحمن ....
    "يعلم الله ويشهد" ما نسيتك يوم .... وكمان أبو غيداء ..... لى معك 2920 قصه تحكى كل يوم إفتقدك فيه .... ولن تسكت شهرذاد حيث ستبدأ بعدها قصص بعد اللقاء ...
    ودعائى لتلك الراويه سيكون بلا شك فى زيل هذا البوست .....

    الأخ تاج السر
    عرفتك قبل ما ألاقيك ... تصفحت كل البوستات التى كتبتها وكل مداخلاتك... وعشقت فيك الحرف والفكرة وحب الهلال ... يقينى أننى سأغنى معك " الحجل بالرجل يالأفندى سوقنى معاك " و من غير أي عنكبة

    ســــــيجيمان الما سجمان ...
    إبن عمى الشفت صورتو الما خايف عليها ....
    وأكان عندى عضويه أكان شدقت ودخلت حنيكى مع الجماعة وحلفت بى الله والرسول بعد ما أصلى على أبو إبراهيم إنو سيجيمان ده أب صورتا قدامى "قطع شك, رباطابى بطرى "
    عليك الله تقول لى قبل ما إدعدلت وبقيت من رباطاب السعوديه أكنت من رباطاب وين ؟
    تحياتى لبنت أبى أم الخير..... والحكى لى قدام


    الأستاذ عبدالله بولا
    تتقاصر قامتى فى محرابكم ....
    كل يوم تزيد دهشتى وأنا أقرأ الجدبد عندما نادى المنادى بشارة مقدمكم ....
    تقابلنا وانا يافعا ... ومنذها مازلت أراك ... وأيضا كذلك بت حبيب الله مع عمتى لزم أمن بت ود الصوفى ..
    إتصل بى اليوم ومن مسقط إبن أختها ... العذب رفيق ريشتكم الفنان العوض مصطفى العوض والذى يحلو لأمه عاشه بت ود الصوفى وشقيقتها أمنه التى أزانى رحيلها بمناداته " أب سن " ... أتصل بى فرحا باللقاء وكلفته أن يرد عليك ببعض ما عنده ....
    وأكلفك أنت أن تشكر لى تلك البنت الراقية راويه ولن يعجزك يراعك .... ومعرفتك بمدى ما أكرمتنى وكرمتى به هذه البنت الحديقة

    نجاة شريكة عمى لزم
    يا فرحى ... اليوم رزقت عما وعمة .... أكبر منك سنا..... وتكبرينى مقاما
    سألتك بالذى سواك .... أن تتغنى أنت أيضا بهذة الروايه التى حكت لهذا البورد كيف لقيتك ......

    الحنين ود حنين الخليفة
    الاخو ... الحبيب ... القريب ..... ياحليلك ويا حليل محى الدين أخوى
    شهد الله لن أسمح للمكان أن يحول بينى وبينك ما بقينا على ظهر هذه البسيطه ....
    عندى معاك جنس حكى .... خلص الدوام حقك ده وأنا راجيك

    الموصـــــلى
    آه .... ثم آه تعقبها أخريات كثر...............................
    رحم الله ود الزبير ...... فلقد تغنيت له بحبك لأم سـماح فى ذالك العرس الذى جاء بأهل بربر وضواحيها فى أزهى ديباج وحلل
    .... تغنيت .....طربنا ....
    ثم أخرى فرقصنا ..
    وأخرى أدهشتنا....
    ثم ذت فبكى العشاق منا
    وتوالت ..... طلعت علينا شمس الصباح ولم تجدنا إلا كما كنا فى بداية ليلة سبقتها .... شاركك الإبداع فيها صديق عمرى عمر بانقا وذاك الخل الوفى أنور عبدالرحمن ومن خلفك وخلفهما المجموعة الماسيه من آل السمندل .....
    قدمهم لتلك الجموع كبيرنا الذى علمنا العشق الشاعر الحبيب الى القلب مختار ود دفع الله وشاركه تقديما الحسيب النسيب حسـيب ............... كانت ليله ... من ليالى الزمن الجميل
    وا شوقاه يا يوسف وصحبك .... السكين تقطع أطراف أصابعى كلما جلتم بالخاطر


    ملامـــــــــح
    "على النجيله جلسنا" وما أزهاها وأحلاها .... بدأت على نجيلة ميادين الجامعة.... ونجائل تعرفها وأعرفها... واليوم وبعد طول غياب جمعتنا راويه فى نجيلة بكرى أبو بكر
    عشقتك منذ أن رأيتك واخترتك أخا لى
    التحية لك ولزهرة السوسن ولأأحفاد ذاك الذى أمتع الأجيال بذكرياته فى الباديه


    ود قاسم
    الحكيم
    راويه برلومتنا, ونحن برالمتكم ..................
    عرفتك منذ أول يوم تصفحت فيه هذا البورد
    كان ذلك قبل عامين ...
    أنت من الذين جعلونى أدمن تصفحه كل يوم

    "إنت فوقك أبواتك أبواتى"



    تماضر بت أماتى السفينة وأمنه بت عوض الكريم, خيات أماتى بنات ود أبشروبنات حسن ودبشير عليهن وعلى الأسلاف الرحمه والبركات ..... وده الحال... هن وهم .... لى الليله نحن فى ضلهم"
    نجوى بتم ليك الباقى...........
    وفوقى " نضر" ياعملات السفينه بت يوسف إن دخلت حوشكم دا إلا أسمع منك وأسمعك.....
    ونضرا فيك إنتى كمان إن ماغنيتى معانا فوق البنيه الجابتك لينا..............
    إنتى لقيتى غنيتين ببقوليك ...... وأنا السعيد , شن قدرك تحسبى قرايبى اللقيتم اللبله.....
    ياراويه
    إن شالله لا تفوتى ولا تموتى

    رجــــــــــــــــــــــــــــــاء بت العباسى

    هســــــع كان إنتى كان أختك ........ أسويلكم شنو ......... .....غايتو وصيت عمى الجديد عبدالله بولا وعمتى نجاه وأخيتى " بت أمى السفينه" تماضر عشان يقولو قولى فوقن وأنا متوكد أكان ود بت حبيب الله أكان مرتو ... وجميع من وصيت بيوصلو حدو...... يالماليكن حد .........
    للحديث بقية


    حاتم الياس
    الإنقريابى
    سلام من الجول و فتوار شرقا وغربا حتى الحدود الشماليه لآل ميرف
    و نقفل الساحا
    ونشيل مفتاحا
    وعليك يالباوقه
    اللذيذ تفاحا
    حتما سيجمعنا الحكى
    لكم حبى






    صلاح أبوحجل
                   |Articles |News |مقالات |بيانات

16-11-2004, 08:54 AM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: jini)

    التحية للرجل الفنان صلاح أبو حجل
    وكل سنة وانت طيب يا جني
    ومعذرة لأني سرحت في البوست بتاع راوية
                   |Articles |News |مقالات |بيانات

16-11-2004, 09:32 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: Dr. Moiz Bakhiet)

    Quote: الدكتور المعز عمر بخيت

    النطاسى البارع مزيل الآلام والوجــــع
    نزارنــــــــــــــــــــــــــــــــــــــــــــــا متجدد العشق
    تحيتى لك ومحبتى أرسلها لك فى هذا البيت للشاعر الأستاذ بشير عمر البشير و الذى قال عالمنا الدكتور عبدالله الطيب ذادهما الله رحمه بأنه من أشعر ما قالت العرب
    عله يهون عليك صقيع " لـنـــدره "
    كان مـا نارى من دمـــــــــاعى كنت غرقت

    و كان مـــا دمـــــاعى من نارى كنت حرقت

    يــــا لفرحى بلقائك أخى المفرح د المعز..... ولا من سبيل غير إنضمامك لمن سبق أن طلبت منهم التغنى فى محراب من جعلت لقائنا حقيقة بعد طول غياب .... لك ولها كل الحب ......

    حاشية
    لم أقطع الإشاره " متعمدا" كما قالها لك ذاك الجني الجننى
    ولم تسقط سهوا ......
    بل لعن الله أميتنا الجديده التى إضطرتنا إضطرارا لدخول فصول محو الأميه
                   |Articles |News |مقالات |بيانات

16-11-2004, 10:59 AM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: jini)

    العزيز جني وصاحبه الأعز صلاح..

    كل يوم وانتم بألف هناء..

    طبعا تشرفت بسماع صوت صلاح في يوم الوقفة بتاعتنا اللي هي العيد بتاعهم..

    بالمناسبة يا جني.. طول عمري بمشي بالمثل البيقول: عن المرء لا تسأل وسل عن قرينه..

    وعمره ما خاب..


    دام ودنا..
                   |Articles |News |مقالات |بيانات

16-11-2004, 01:25 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: Raja)



    اهلا بي صلاح

    حبابك يا ود اعمي

    تقبل تحيات ام الخير وسواسيوا.......
                   |Articles |News |مقالات |بيانات

16-11-2004, 02:37 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: Raja)

    رجاء
    دمت أيتها المسكونة بهموم وآمال وآلام وتطلعات
    السودانيين رهيني المحبسين قيظ الوطن وزمهرير الشتات
    جني
                   |Articles |News |مقالات |بيانات

17-11-2004, 10:33 AM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: jini)


    فوووق عشان أبو حجل وصحب أبو حجل..
                   |Articles |News |مقالات |بيانات

17-11-2004, 02:43 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube


Re: أبوحجل يذكركم بالإسم ويتعشم ان يلتقيكم اون لاين بعد أن عز اللقاء فيزيك (Re: Raja)

    صصصصلاح انا لسة
    واقف جنب كوافير
    برادايس
    تخيل
    0000
    ونحن لسةهن
    تخيل






    سلام
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de