الجواب الجانا من كسلا ، سالنا من وين دا قالو من مدنى

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 02:52 AM الصفحة الرئيسية

مكتبة سلمى الشيخ سلامة(سلمى الشيخ سلامة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-06-2007, 04:29 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


الجواب الجانا من كسلا ، سالنا من وين دا قالو من مدنى

    امبراطورية البريد انهارت فى السودان ذلكم انهيار احزننى على صعيد شخصى لما تلك المؤسسة فى نفسى من علائق لا تفضها الايام حيث ارتبطت لدى بالاغنية والقصيدة والابداع الذى خرج لدنها فمن منا لا يذكر
    حملتك خطابى يا ساعى البريد
    للسافر وطول فى البلد البعيد
    السافر عشانى ما قصدو الغياب
    داير يبنى نفسو زى كل الشباب
    ويرجع لى تانى ينسينى العذاب
    وهو كان اداة تبشير للنساء اللاتى يسافر ازواجهن فى الداخل او الخارج فتكون الوسيلة الوحيدة هى (الحوالة ) التى تجئ دائما فى وقتها تحملها يد ساعى البريد الحانية
    وهو من كان يركب(عجلة )
    اذكر انه كان فى ميدان الربيع منفذ للبريد نمضى اليه حين يرسل لنا والدى من الابيض الحوالة اول كل شهر حين نكون فى الاجازة فى امدرمان نمضى الى هناك ونصرف الحوالة بعد ان يكون قد حملها ساعى البريد فى شكل اخطار للصرف
    كان محمود تاور الفنان فى ذلك الوقت اواخر السبعينات يتعلم كيف يغنى وكنا اول مستمعيه يجئ الينا فى البيت ( العباسية ) حاملا عوده فخور انه يحفظ ( رسايل ) الكاشف
    حبيبى اكتب لى وانا اكتب ليك
    فيربط الى وثاقنا البريد وما كان يعنى
    وحين غنى الفنان كمال ترباس اغنيته الاشهر
    رسلت ليك اجمل خطاب
    لليلة ردك ما وصل
    كنا نحنق من رجل البريد لان الاغنية تضرب فى وتر الخاص
    لان الاغنية احيانا تنطوى على تجريم لساعى البريد
    امكن يكون ساعى البريد
    عجبو الكلام نايم عمل
    رغم علمنا ببراءته ومن الممكن ان تكون (الحبيبة ) هى (الزعلانه )
    فى مصر فى احصائية عن البريد انه ( ما زال متطورا ولا زال يؤدى دوره بحيوية رغم وجود شركات منافسة ويبلغ موظفو البريد خمسة واربعين الف موظف ،وهو هيئة تابعة للدولة )
    حين المقارنة نجد ان الدولة لدينا تعانى من قصور النظر
    لان البريد ما زال فى كل انحاء العالم رغم البريد الاليكترونى يشكل حضورا
    وما تزال الاغنيات فى الشان البريدى تغزونا
    ولكم اخرج لنا البريد مبدعين شعراء ومغنيين
    صلاح مصطفى ، مصطفى سند ، احمد مصطفى الحاج القاص ، وغيرهم
    لكننا نهفو الى مكاتب البريد وبنات البريد بثيابهن البيضاءوهن يضربن على الاتهن من تلغرافات والتلغرافات التى تاتى معلنة خبر زواج او حتى خبر وفاة لكنها محببة الينا ونفتقدها كثيرا
    ونتمنى ان يعود البريد حتى لو غنت تلك (البت الشترا)
    الجواب الجانا من كسلا
    سالنا من وين دا
    قالو من مدنى
    حمام التاكا قلبى اتعذب معاك
    حتى يتعذب ساعى البريد بين كسلا ومدنى عذابا حلوا كحلاوة اغنيات هذه الاغنية الشعبية



    (عدل بواسطة سلمى الشيخ سلامة on 02-06-2007, 04:33 PM)

                   |Articles |News |مقالات |بيانات

02-06-2007, 04:48 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    الاستاذة سلمى
    اهدى اليك سلامآ اذا مر بالبحار جففها واذا مر بالجبال هداها. لا افقد شئ سوى عدم رؤياكم الغالية! هكذا كانت انماط لغة المراسلات البريدية زمان، خاصة فى الارياف. شوفى فى هذه الصورة، ظرف جواب من المقل، قرية صغيرة فى الشمالية، بريد مسجل لمصلحة الاحصاء فى الخرطوم زمن الزمان زين!

                   |Articles |News |مقالات |بيانات

02-06-2007, 05:29 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Adil Osman)

    وللبريد فى المدرسة الداخلية حلول حلو كتبت ذات مرة(وكنا فى المدرسة الثانوية كان الزول ما جاهو جواب من اهلو البكا والهلولة والقلب يودى ويجيب ، نعمنو لا كان فى تلفون ولا موبايل ، بس ياهو البريد كان من الاهل ولا الخطيب ، والخطيب دا اهم مرات لانو جوابو فيهو الحاجات وال محتاجات كان كلام ريدة ولا طلبات ، ومرات لمن اتاخر جواب الحوالة ودا مهم جدا للبنات فى الداخلية الجرسة والبكا و(هسى انا اسوى شنو ؟ دايرة صابون الغسيل ، والحمام ، والمصاريف ) ولمن يوم الخميس البنات يمشو السينما و يخلوها براها فى الداخلية البكية تشيع جنازة

    شكرا عادل على الجواب المرسل بالبريد حتى الطوابع اختفت فى السودان
                   |Articles |News |مقالات |بيانات

02-06-2007, 05:23 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    سلمي ..
    عربية البوستة في المشترك ...
                   |Articles |News |مقالات |بيانات

02-06-2007, 05:37 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    يا صحبى ابوبكر تلك ايام بطعم الماضى الذى لن تكر مسبحته عائدة
    كان والدى عليه الرحمة عنده اصدقاء فى كوستى يرسلون لنا ( البطيخ والشمام والسمك ملفوفا فى الخيش مغلفا بالثلج حتى لا يفسد ، وكان الناس ينتظرون فى الابيض قبالة عربة البريد منتظرين هداياهم من كل انحاء السودان يشرف على تفريغها والدى ويتاكد ان كل صاحب حق اخذ حقه، بل انه كان يودعها لدينا فى البيت حتى ياتى اهلها لاستلامها وترى الفرحة فى وجوهم )
    كنا ننتظر عم خليفة يجئ حاملا الينا كل فترة المنتوجات التى تجئ من الرهد ( الليمون والجوافة ، ومن نيالا المانجو وتفاح جبل مرة) ، كل هذا يحمله القطار المشترك ، لكن كل هذا بات الان تاريخ يا صحبى
    ليت الزمان يعود فاعلمه ما فعلت الانقاذ فينا
                   |Articles |News |مقالات |بيانات

02-06-2007, 05:47 PM

نهال الطيب
<aنهال الطيب
تاريخ التسجيل: 14-03-2007
مجموع المشاركات: 1606

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    الحبيبة ست سلمى
    دايما بتهدينا الحكاوي الجميلة نحنا جيل المهجر فقدنا كل هذه الذكريات
    ومعاك خيالنا بسرح في تلك العوالم
    محبتي
                   |Articles |News |مقالات |بيانات

02-06-2007, 06:52 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: نهال الطيب)

    الابنة الحبيبة نهال كان ذلك زمان اسالى عنه والديك رغم عنت النظام المايوى لكننا (على الاقل ذاك الزمان الذى تفتحت فيه اعيننا على الحياة )
    كان زمان التعليم فيه مجانيا وخدمة البريد من اكثر الاشياء تميزا بل تفردا فى السودان
    اذكر انه كان امام الحوش ( بيتنا ) صندوق بريد لم نستنكف وجوده ، ولا كان البريد الا فاعلا فى حياتنا
    كنا واسفة ان اكرر كلمة كان فهذا ما حدث بالفعل يجئ اليه رجل البريد يفرغ الجوف من خطابات مرسلة ويضرب الباب مودعا ايانا خطابات جاءت
    لذلك ارتبط البريد بالغناء
    والكتابة فى السودان خاصة الشعر لو عدتى الى ما كتب فى تلك الفترة ستجدينه محكرا الى الغناء
    منذ الكاشف وما بعده ، فنانون كثر ارتبطت اغنياتهم لدينا بالبريد
    جانى جوابكم جانى
    قريتو وعرفت الفيهو
    وحالا رديت
    او كما قال ابوداوؤد
    او حين تشهق تلك المطربة الرائعة ام بلينه السنوسى
    جانى خطابك جانى جانى
    وكنا موعودين دائما بخطابات من الذين يسافرون من اهلنا خارج السودان تحديدا لان خطاباتهم كانت ترياقا لنا
    بل ان هناك هواة المراسلة كانت تنشرها مجلة الاذاعة والتلفزيون ومنها خرجت عشرات الزيجات واحيانا كان الناس يتعارفون عن طريق الخطابات وتستمر علاقات انشاها البريد ، وهناك هواة جمع الطوابع البريدية الذين كنت احدهم تستهوينى وما زال البوماتى فى البيت تشهد على تلك الهواية
    لكننى كلما مرررت بتلك الانحاء ابكى حقيقة ابكى حين ارى المكاتب اعتراها الصمت وارى البوم يعشعش داخلها (بوسته الخرطوم ، امدرمان ، بحرى ، مكتب بوسته الموردة ، وميدان البوسته فى امدرمان) حيث تحولت البوسته الى مبنى خاو ينعب فيه البؤس
                   |Articles |News |مقالات |بيانات

02-06-2007, 06:04 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    الأخت سلمي ..
    أجدك دائما تعبثين في أضابير ذاكرتنا الجمعيه..
    كل محكياتك تتطابق وقائعها مع أخريات في أجزاء الوطن الكبير ..
    فكأنما تربي ذلك الجيل في بيت واحد وتعلم في مدرسة واحده وسكن في داخلية واحده وأكل في مائدة واحده العدس والفول والطعمية والملاح وطبيخ الأسود الذي كان يعرف بطبيخ ( البراطيش ) ، من الفاشر الي كسلا ومن وادي حلفا الي جوبا ..
    البريد هنا في هولندا أصبج مؤسسة خدمية إقتصادية كبري ..
    ويتع له بنك اسمه البوست بنك من اقوي واشهر البنوك وله تعاملات دوليه ..

    بينما نحن الكان عندنا ذاتوا ودرناه !!
                   |Articles |News |مقالات |بيانات

02-06-2007, 07:32 PM

معتصم ود الجمام
<aمعتصم ود الجمام
تاريخ التسجيل: 22-04-2003
مجموع المشاركات: 3261

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: محمد على طه الملك)

    الغاليه سلمى بت الشيخ
    ماتنسي جوابات ست الدار والشاعر حميد
    جاني جوابك مفتوح شارع
    وانا بتصور في ناس راشد والتومات
    انا لي خال جميل يعمل كان وقتها في
    مصنع سكر عسلايه انا في رابعه ابتدائي
    ارسل لخالي جواب عبر البوسته من الشواك على ضفاف
    نهر عطبره شمال القضارف الى عسلايه خالي محتفظ بتلك
    الرساله حتى هذه اللحظه الخال معجب بتلك الرساله
    لكم الحب
                   |Articles |News |مقالات |بيانات

02-06-2007, 11:25 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: معتصم ود الجمام)

    عندى زيك يا جمام هواية لمليم الجوابات
    مرة زول رسل لى جواب اول جواب يجينى من هواة المراسلة كان مصرى
    كنت فى الوكت داك فى المدرسة الثانوية
    واول جواب من امى فى مصر برضو محتفظة بيهو وكل خطابات اخوانى لمن كنت فى المدرسة كانوا هم فى الجامعة واحد فى ليبيا والتانى فى بلغاريا برضو محتفظة بيهم لغاية هذا التاريخ
    ربما لان فى تلك الخطابات حميمة الاخوة وحب الاخ لاخته الكبيرة رغم انى كنت اصغر منهم الاتنين
    واخر جواب رسلو لى ابوى بالبريد لمن كنت فى القاهرة برضو محتفظة بيهو طازج
    واكثر الخطابات التى كانت تاتينى من زهاء الطاهر حين كان فى قطر ما تزال طازجة حتى تاريخ اللحظة بمظروفاتها
    بل ان خطابات المستمعين فى الاذاعة ما تزال بعضا منها حوزتى
    لاننى احب الجوابات والكتابة للجوابات
    ومراسلاتى مع الخال صلاح احمد ابراهيم ما تزال لدى
    لكننى موجوعة من البريد البقى خلا فى السودان
    وزمان بتحكى لينا امى عليها الرحمة لمن الجوابات تجى من دنقلا كانت اللغة المكتوب بيها 0 لغة (الدناقلة ) وهى ما بتعرف تتكلم اللغة لكنها تقرا الجوابات لامها وحبوبتهالانها مكتوبة بحروف عربية
    عليك الله ما مغسة ما يكون عندنا بريد
                   |Articles |News |مقالات |بيانات

02-06-2007, 10:42 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: محمد على طه الملك)

    الاخ العزيز محمد على طه الملك زمااااااااااان
    درسنا فى كلية المعلمات وكان لها قوانين اقرب ما تكون للجيش منها للتعليم لكن البريد كان له شان اخر
    ( سكينة ام كضم ) زى ما كنا بنسمى مشرفة الداخلية من المدرسات البتكون شريرة وحاقدة دى البتوزع الجوابات ، احيانا نسمع صوت بكاء ولا سمعنا الزغاريد ( فلانه عقدوا ليها فى الحلة ) معظم الطالبات كن من القرى او الحلال او حتى المدن البعيدة ( نيالا ، الفاشر ، الجنينة ، تندلتى ، الرهد ، ملكال ، بارا ، كوستى ،الدلنج ، كادقلى ، جوبا ، النهود، الابيض ، ودعشانا ، السميح ، ام روابة ) وغيرها من المدن ، المهم ان البريد كان فاكهة الحياة فى الداخلية ، وكان كلما جاء خطاب لواحدة من جانب خطيبها بتكاوينا نحن ( البايرات ) الماعندنا خطيب وتقرا الجواب بصوت عالى خاصة لو كانت (غناية ) طوالى بتدور الجواب اغنية ، ونحنا نتفرج فى القصص والحكاوى ، عليكن الله البريد ما سمح ؟ جواباتن ، وفى المكتبة تلقى الواحد حاضنة الجواب مع الكتاب وتكتب فى الرد وتجيب الريحة وتريح الجواب وتلون الصفحة وترسم الخطوط والورود والقلوب تتطاقش ، ونحنا نبلع فى الريق
    يا ريت ، قولو امين يرجع البريد والبرق والطوابع تملا صفحات الجوابات والورود والحب للجميع ، وتعود من تانى ( حملتك خطابى يا ساعى البريد )
    لكننا افسدنا واقعنا حقيقة افسدوه علينا واستعير جملتك( نحنا الكان عندنا ودرناه)

    (عدل بواسطة سلمى الشيخ سلامة on 02-06-2007, 11:03 PM)

                   |Articles |News |مقالات |بيانات

02-06-2007, 07:33 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    يا قريبي

    Quote: بينما نحن الكان عندنا ذاتوا ودرناه !!

    ما هو دة التغيير ...


    حيث اعيش البريد (والذي ساهم في تاسيسه سودانيون من بريد السودان ) صار اليكترونيا ومتواجدا بشده منافسا قويا لاكبر شركات الشحن والتوصييل السريع العالمية
                   |Articles |News |مقالات |بيانات

03-06-2007, 02:35 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: abubakr)

    يا صحبى ابوبكر تعرف مرة سالوا زوجة الرئيس الامريكى السابق الراحل ريغان عن سبب انها ما تزال (فى ذلك الوقت )ترسل لزوجهاالخطابات مع ان التقنية ( الشبكة العنكبويتة ) كانت مثار اعجاب الناس فقالت : ان الخطاب يحمل الكثير من المعانى وفيه نبض خاص
    ونحن نرسل كل ما ملكنا الى المجهول
                   |Articles |News |مقالات |بيانات

02-06-2007, 07:42 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    سلمى
    جواب من الابيض للخرطوم. جواب رسمى. ما غرامى. التاريخ؟ قبل 100 سنة تقريبآ. بالتحديد عام 1908.



    وجواب تانى من بحرى، مدينتى، الى مولفيرن، مدينة فى اواسط انقلتره. ختم موظف البوسطة فى بحرى عام 1905. منو الرسل الجواب ده؟ خواجة طبعآ! خواجة يا رسول الله!
    البريد الجوى.. air mail تلقيها مكتوبة فى الظرف. ومرات مكتوبة بلغة تانية عرفت انها الفرنسية فيما بعد par avion



    سلمى
    انا بحب هذا النوع من الكتابات. ما يسمى بالتاريخ الاجتماعى social history
    وكتاباتك انتى بالذات وبالتعيين نكهتها مختلفة. وبصيرتها مختلفة.. كتاباتك ليست حنين ونوستالجيا وحسب. فيها حيوية سحرية غريبة. جذابة. شكرآ يا سلمى.. شكرآ..
                   |Articles |News |مقالات |بيانات

02-06-2007, 09:03 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Adil Osman)

    لاحظتوا تمن الطوابع ..
    عشره مليم ..
                   |Articles |News |مقالات |بيانات

03-06-2007, 08:33 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: محمد على طه الملك)

    الاخ محمد على طه الملك
    لاحظت تمن الطوابع بالقطع
    لكن الا تلاحظ معى اننا كما ذكرت نعيش نفس الالم ؟
    كاننا فطمتنا ام واحدة ؟
    الا ترى معى اننا ندفع فى فاتورة (ما حقتنا ) منذ الاستقلال والحال ياهو نفس الحال
    لم نهناببلادنا
    ولم نقدم لها ما يجب ؟
    كثيرا ما اتساءل لماذا ؟
    لماذا نحن بالتحديد ؟ هل نحن عاقون بتلك البلاد ؟
    هل نحن نستحق ان نوضع فى تلك الاماكن التى تم وضعنا فيها قسرا ؟
    حزينة لما وصل اليه حال بلادنا
    وحزينة اننى لم استطع او فلنقل لم نستطع درء ما هو واقع عليها
    حزينة لاننا لا نستطيع ليس لعدم كفاءتنا
    لكن للفظ تلك البلاد للعديدين منا
    حتى فى مجال البريد انظر يا اخى كم من كفاءة تعمل خارج سربها وخارج نسقها كما ذكر المهندس ابوبكر
    حالنا حالا شين
    ونحنا ناس ما كعبين
    لكن الله يجازى الكان السبب
                   |Articles |News |مقالات |بيانات

03-06-2007, 04:01 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Adil Osman)

    الاخ عادل يسرنى انك تعلن اعجابك بما اكتب
    لكننى ماخوذة بتلك الحقبةمن حياتنا ارى جمالها الذى حين عدت بعد انقطاع
    رايته يزوى
    رايت حلمنا مبعثرا
    رايتنا غرباء
    كلنا نحن الذين عشنا بعض مجد فى السبعينات والثمانينات على علاتها
    لكنى استعصمت بالحلم ملاذا
    ووجدتنى انعى ماضيا كان
    واستحضره كفاعل من الممكن ان يحرك شجون الذين عاشوه
    نحن الذين كان الوطن يلهينا عن مجرد فكرة السفر خارجه
    كانت فكرة ( مسخرة وملهاة ) حين يقول لك احد ( انت ماتهاجر )
    كنانستبعد تلك الفكرة
    لاننا نحمل هما (ما) نكرس انفسنا له
    نحلم كنا بوطن شامخ يقينا المذلة والتشتت
    وطن تغنينا بمجده وحلمنا به قويا عتيا
    وطن كانت كل الاشياء على بساطتها تشبعنا وتزيد التحامنا به
    لكنه لفظ كل احلامنا الى فكى الظماومشروعاتنا الصغيرة الى شواطئ اللاعودة
    فخرجنا وحين دعتنا دواعى العودة عدنا نحمل بين جوانحنا كل اشواق ان نبدا من حيث انتهينا فوجدنا حتى نقطة النهاية عسيرة
    هذا حالنا ان كنت قد اجدت التعبير عنه
    وجدت كل الاشياء الى خراب من الاول الى الاخر واصابتنى خيبة كبيرة وخرجت وكنت انعى نفسى قبل كل شئ اننى فاشلة واننى لن (انفع) لان كل ما حلمت به كان ماضيا وحسب (تاريخ)
    واول ما فجعت فيه اختفاء البريد والسكة حديد وهما اكثر علامات تطور كانت ذات يوم
                   |Articles |News |مقالات |بيانات

03-06-2007, 08:06 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)


    ساعي البريد

    (عدل بواسطة Alsa7afa_30 on 10-06-2007, 06:03 PM)

                   |Articles |News |مقالات |بيانات

03-06-2007, 08:16 PM

ibrahim kojan
<aibrahim kojan
تاريخ التسجيل: 29-03-2007
مجموع المشاركات: 1457

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Alsa7afa_30)

    العزيزه سلمي الموضوع مدهش والتناول اكثر ادهاشا
    حليل الجوابات التي تاتي بكل ماهو جميل
    انه ذالك الزمان.... يا صديقه من الزمن الجميل الجميل جدا..
    هذه الايام عادل لم يتوقف عن الحكي عنه وعن ايام الابيض ... انه يقراءك السلام..
    لك الحب كله...
    لك
    كل مايحمله ساعي البريد من احلام مؤجله او غير مؤجله!!
    ابراهيم كوجان
                   |Articles |News |مقالات |بيانات

03-06-2007, 08:41 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: ibrahim kojan)


    في أوخر الثمينات وبداية التسعينات ...يوم السعد كان لامن نمشي نتقاود ( في البريك ) صاعدين للطابق الثاني لمكتب تسجيل الأجانب وكانت مديرته مس سوكا أدت .. هبها المولى عز وجل قدرة على حفظ كل أسماء الاجانب اللذين كان يفوق عددهم ال600 طالب من مشارق الأرض ومغاربها في جامعة مشكولتس بدولة المجر ...
    يوم السعد كان لما تجد اسمك معلق في قائمة الخطابات والرسائل .. ما مهم من اين هذا الخطاب وحتى لو كان فيه خبر مو زين المهم أجيب ريحة الأهل والحبايب والبلد في وقت كانت الوسيلة الوحيدة هي الخطاب ...

    أخر خبر كتبوا الجواب
    عاوز إقول أنسى العذاب
    إترك سبيل قلبي اللذاب
    مابين حنين ودمعات عتاب

    أيه الحصل مابين يومين
    تنسى القليب الكان حنين
    خلاهو أكتب كلمتين
    زرفن وراهو دمعتين

    أمروك خلاس تترك هواي
    توهب قليبك لي سواي
    يانار بتحرق في حشاي
    مبروك عليك دا هناك هناي

    لك الشكر سلمى سلامة عودتينا أن تاتي بالجميل دوماً

    خالد
                   |Articles |News |مقالات |بيانات

03-06-2007, 09:40 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: خالد علي محجوب المنسي)

    خالد على محجوب المنسى
    اول حاجة نتفق انى بحب غنا الزول الاسمو مجذوب اونسه دا
    تانى حاجة كل ما اسمع الاغنية دى برجع سنوات لزمن جميل
    شكرا ليك عليها
    تانى بالتبادى
    كنت فى القاهرة لمن يجى رجل البريد شايل الجوابات من القراء بفرح فرح ( واكاد اطير من الفرح )
    لانه حين يكتب لك احد معناها انت ماتزال تفعل شيئا مفيدا او فلنقل يصل الى قارئه
    وتخيل ان يكتب لك احد خطابا حتى لو (شتيمة)
    اجمل الخطابات التى تلقيتها كانت من قارئ كنت قد كتبت عن جدته ولم اكن اعرف انها جدته ( غير المباشرة )
    اسمها (حنينة ) وكنا نسميها ( حنينة ست الصحة )
    كان هو يعيش فى الكويت او الامارات
    كنت ممتلئة بتلك الشخصية التى لم ار شخصية تماثلها ،شخصية فريدة واكثر شخصية روائية شهدتها فى حياتى،
    فكتب لى متسائلا من اين اتتنى الفكرة ان اكتب عنها ؟
    ومازلت احتفظ بتلك الرسالة لما فيها من حميمية
                   |Articles |News |مقالات |بيانات

03-06-2007, 09:25 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: ibrahim kojan)

    ما تزال الابيض تفعل فينى فعل السحر ما تزال عطورها ترشنى كلما اوغلت روحى فى البعاد
    كنا فى الكلية (كلية المعلمات )
    البريد كان مهم شديد، وطبعا فى اغنية مشهورة على ايام الدراسة ( البريدو مالو اتاخر بريدو )والجوابات البتمشى للاهل شايلة الطلبات ، الطلبات ذاتا ما كتيرة لا فيها سعد قشرة ولا هم يحزنون يا داب سوق ابجهل ولا ود عكيفة والحكاية انتهت (مشاكل بسيطة وناس بسيطة ) اقصى حاجة كان ما عند الواحدة معجون اسنان اقرب فرع نيم بحل المشكلة ، لكين البوسته كان ليها قوانين فى المدرسة لازم المشرفة تفتح الجواب ،جوابات سنه اولى بفتحوها ،
    لكين جوابات ناس (ورناحة ، وقنحة ام سير ) مافى زول بقدر يفتحا وديل بنات تالته ورابعة ، والله يقدر المشرفة تفتح جواب ،
    بعد داك حتى الجوابات بتاعة سنه اولى بقت ما نتفتح ، ويوم البريد يجى
    كان بجى فى يوم وبفط يوم ، مشرفات الداخلية من الطالبات بشيلو الجوابات وبوزعوها على العنابر او الفصول وغالبا العنابر لانه بتجى بعد نهاية اليوم الدراسى ، ولمن تسمع الكواريك اعرف فى حاجة كبيرة حصلت ، واحد رسل لى خطيبتو (انهاء فترة الخدمة) ودى كانت حكايات وحكايات
    المدرسة والجو العام بخليك ماتنسى تلك الايام
    فترة قضيتها لكنها لم تزل تتحكر فى الذاكرة
    يوم بعد اكتر من عشرين سنه السنه الفاتت اتلاقيت مع زميلتى فى المدرسة كانت جاية من الدلنج وكنت ماشه الخرطوم من الابيض اتذكرنا ايام المدرسة وتوزيع البوسته لانها كانت من البنات البوزعو البوسته وبكينا على تلك الايام لانه خطيبها (زوجها لاحقا ) كان برسل ليها المصاريف والجوابات الماخمج معطرة وملونه ونحنا نشيل ونبلع فى الريق
    زمن يا كوجان
    بلغ عنى عاطر التحايا لعادل وايام مدرسة الصناعية وتدريسه للشماشة وتعليم ليهم الخراطة والميكانيكا وسرقة باقى اكل الداخلية للجائعين منهم
                   |Articles |News |مقالات |بيانات

03-06-2007, 09:09 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Alsa7afa_30)

    الابن الغالى صاحب الذوق والهندسة شكرا لساعى بريدك
    وقول ليهو غيرك ما بريد
    حقا كنا نحب تلك اللحظات حين يهل ساعى البريد
    راكب عجلة وعنده يونيفورم محدد ومكتوب على صدره ديباجة تحمل اسمه
    والجهة التى يتبع لها
    كل هذا لم تشهدوه انتم يا ابناء المهجر
    او ابناء فى اعمار ابنائنا
    لكنك حين ترجع الى تلك البقاع
    لابد ان تقف على المنافذ التى كان فيها بريد للتاريخ قم بتسجيلها تصويرا حتى تتذكر ان فى بلادنا كان بريد يغنى له المطربون ويكتب الشعراء من وحيه
                   |Articles |News |مقالات |بيانات

03-06-2007, 10:04 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    سلام و تحايا..


    فعلاً أستاذة سلمـى لم نشـهد ذلك العصـر (البريدي) إنما عاصرنا لفظ أنفاسه الأخيرة إن صح التعبير..
    أتذكر جيداً ساعي بريد مكتب بريد الصحافة وسط (عبد المنعم) و هو يجوب مربعات الصحافة وسط بدراجته الهوائية..


    متابعين..





    البريــدو مالو اتأخـر بريدو يا ناس !!


    تحياتي..
                   |Articles |News |مقالات |بيانات

03-06-2007, 08:45 PM

خالد ابوالقاسم
<aخالد ابوالقاسم
تاريخ التسجيل: 14-03-2007
مجموع المشاركات: 105

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    الاخت الراقية سلمى الشيخ سلامة
    البوستة
    مصلحة البريد
    البريد و البرق
    وساعى البريد و البوستجى
    وناس البوسته و مكتب البوسته
    والبوسته جاءت و لا ما جات
    القطر حا يجيب البوسطة الليلة
    جاكم تلغراف من ادبرة قالو فاطمة بت الامين عرسه شهر اربعة
    و جا تلغراف من سنكات قالوا امشى اشتغل فى انزارا
    جمعنا اولاد الجعليين جاهم تلغلراف من شندى قالوا ود عمهم اتوفى الله يرحمو
    الطوابع - جميعية هوات الطوابع
    عبارات و جمل فى عوالم البريد و البرق فى السودان انتهت اندثرت تلاشت .
    لكى التحية على هذه الذكرى ذكرى اضخم الموسسسات الخدمية فى السودان و التى كان تخدم كافة اهل البلد
    الله يرحم

    و يا سلم عليك الله السكة حديد اكتبى عنها لان كلماتك رايعات و شافيات .






                   |Articles |News |مقالات |بيانات

04-06-2007, 02:12 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: خالد ابوالقاسم)

    الاخ العزيز خالد ابوالقاسم
    الف مرحب بيك حبابك
    تعرف السكة حديد والبريد مربوطات ربط غريب جدا
    وللاسف الاتنين انهدت قوائم العماد فيهما
    كتبت ذات مرة عن السكة الحديد

    القطار كان معجزة القرن التاسع عشر والذى حول مجرى التاريخ فى كثير من الدول والامصار فعل نفس الامر فى السودان الذى ليس هو بمعزل عن مجريات الاحداث فى العالم
    دخل الى حيز القصيدة الشعرية فكانت ( قطار الغرب ) للشاعر محمد المكى ابراهيم
    والغنائية من خلال عوض الكريم القرشى وغيره من الشعراء ،
    دخل الى المسرح فكان رهينا بعبد الله على ابراهيم فى خالدته ( السكة حديد قربت المسافات .. وكثيرا )
    ثم انه فى الاذاعة خلال المسلسل الخالد الذى كتبه الشاعر والمسرحى النابه هاشم صديق ( قطر الهم ) وتلك صفة اتسم بها القطار فى السنوات الاخيرة من السبعينات و الثمانينات حين بدا العد التنازلى للسكة حديد
    لكن تبقى السكة الحديد احد مكوناتنا الاجتماعية حيث ما زالت الاواصر منعقدة لابناء تلك المحطات منذ عشرات الاعوام فمنذ ان كنا فى محطة القضارف مانزال نذكر حتى اليوم بعض جيراننا وهم يفعلون ، نلتقى عنوة وصدفة سواء فى الابيض او فى الخرطوم لكننا نلتقى وبيننا يمتد سماط الحديث الشهى عن السكة الحديد واهلنا الطيبين من الاباء والامهات والاصدقاء والمعارف
    شكرا لك خالد ابو القاسم على جليل حضورك بيننا







                   |Articles |News |مقالات |بيانات

03-06-2007, 09:40 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)
                   |Articles |News |مقالات |بيانات

03-06-2007, 10:44 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Adil Osman)

    الحبيبة سلمى وضيوفها..

    سلامات ومحبة

    تعرفي وانا في سنة أولى متوسط بديت هواية المراسلة.. وكان عندي 365 صديق وصديقة في كل أنحاء الوطن العربي.. وكنت بقول إنو عندي أصدقاء بعدد أيام السنة البسيطة..

    كان يومي كالآتي:
    أرجع من المدرسة برفاص الساعة 2 ونص. أصل البيت 3. ألاقي في إنتظاري من (عم مصطفى) بوسطجي حنتوب الثانوية من 11 - 13 رسالة. وأنا بغيًر في الهدوم والجزمة والشراب بكون قريت نصهم، ولما أقعد في السفرة بتم الباقي على بال ما أمي تكون رصت الغدا..
    أها بعد الغدا والسفرة تنضف بجيب البلوك نوت والكروت وأبدأ أرد (حار حار ).. فجأة ألاقي الساعة بقت 6. أتذكر عندي واجب أقوم أعمله. وأمشي أنوم زي الجيت من رياضة ..
    كل يوم العملية دي.. ما عدا الجمع، ويوم السبت الجوابات بتكون مضاعفة..
    أكبر عدد جوابات جاني في يوم كان 34.. طبعا رديت في 3 يوم ..
    في الإجازة لما كنا بنسافر لأم درمان كنت بكلم أصدقائي في آخر رسالة لأي منهم بإنو حاكون متغيبة في الفترة من كده لي كده.. وما تتخيلي بالرغم من الإستمتاع بالإجازة وحبوبة والأهل بكون بعد في الأيام عشان أرجع استلم جوابات..
    أخوالي إتنين (واحد ربنا يرحمه والتاني ربنا يمد في عمره ويديه الصحة) كانا يتبرعان لي بالأظرف والكروت.. وكانت عيديتي دائما مبلغا معتبرا للمساعدة في شراء الطوابع..
    أمي كانت بتشتري الطوابع (بالطن كده) لكن دي مجازفة لأنه مرات قاعدة تتغير..
    وما تنسي كل فترة أمشي لأستديو ابوللو في مدني عشان اعمل كمية من الصور.. كانت لي معاملة خاصة (أوكازيون) من كترة التصوير ..
    إستلمت رسالة في منتصف الثمانينيات من جمعية مراسلة عربية سجلت خطاباتي المرسلة والمتلقية.. ورصدوا لي هدية وهي الإرسال المجاني. وطبعا ناس البوستة في مدني ما فهموا المطلوب أبدا ونسيت الهدية ورجعت لطوابع أمي..
    كتير من أصدقاء المراسلة المصريين قابلتهم.. وبعضهم حضر لزيارتي من الإسكندرية وطنطا والزقازيق..
    أحتفظ بالجوابات حتى الآن.. وهي عبارة عن حمل ووزن (عديل كده).. أحضرته معي لمصر وطبعا بعد تغيير العنوان تحول المسار من السودان لمصر.. وبدأت أيضا في المراسلة بالإنجليزي (المتواضع)..
    عانيت من (قطيعة في كتفي الأيمن) تقريبا لمدة سنتين في البداية..
    وعندي تصنيفات لكل الأصدقاء بالبلدان، المناسبات، البومات الصور..
    تبادلت والأصدقاء الكثير من الهدايا.. وكانت أجملها عبارة عن مجموعة كتب الرائع يوسف السباعي.
    أخواني بعرفوا كل أصدقائي بالإسم.. وكانوا بيحلوا معاي مشاكلهم لو كانت في مشكلة عند زول فيهم..
    كل البوسطجية الذين تعاملوا معاي أصبحوا أصدقاء لأسرتنا (من كترة الطلة) ..

    لا زلت أفضًل وأحب كتابة الرسائل وإستلامها ولا أستطيع وصف الفرحة عندما أعرف أن لدي رسالة.
    لأني أؤمن أن أسلوب وخط الانسان يكشف الكثير عن شخصيته..
    وبالرغم من التطور والإيميل وسرعته. إلا إني مستعدة ان ادفع تلاتة أرباع عمري وأرجع أكتب وادخل الظرف واخت الطابع وأمشي أرميه في صندوق البريد اللونه أحمر. وأنتظر الرد لما يجي..


    شكرا كتير للموضوع الحبيب..







    العزيز عادل عثمان..

    I can't get enough of saying THANK U

    "آخر خبر" أغنيتي المفضلة.. طبعا التحيز للإسم..
    وبتذكر أيام جريدة "الخرطوم" القاهرية عملنا حفل وكان فناننا مجذوب أونسة.. غنى لنا هذه الأغنية مرتين (من عنده) و3 مرات (بطلب مني وفيصل صالح)..

    شكرا تاني وتالت ورابع....
                   |Articles |News |مقالات |بيانات

03-06-2007, 10:56 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Raja)

    سلمى..

    جيتك تاني..

    أحلى موقف لما رسلت لصديق في بورتسودان رسالة صديق من صيدا/لبنان ..

    طبعا اللبناني أخد الموضوع ببساطة.. لكن زولنا السوداني حنبك عشان كيييف بت سودانية يكون عندها صديق لبناني؟؟!!!!!

    وعمل موضوع ولما قلت ليه أنا بس في لبنان عندي 52 صديق وصديقة كان في عرق في راسه حيطق

    ..

    الـ 365 ديل بعد التصفيات.. لأنه في ناس من اول رسالة بدوا يقولو كلام حب وهيام وبطيخ ..



    بالمناسبة كان عندي صديق من كسلا ..

    ودي
                   |Articles |News |مقالات |بيانات

04-06-2007, 05:47 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Raja)


    الاخت سلمى

    تحياتى
    دئما بتنقلينا ايام جوز الحمام 3 فرد

    خاطرة بريدية

    قطع على تلك الرحلات الجميلة بين حلفا واسوان ,صوت كابلى المغنى عند سماعى لرائعته التى يقول فيها وصوت طاغور المغنى وانا عند حلفا وعند خط الاستوا ء, كنت لا اعرف عن ذلك البلد القارة الا اسماء لرموزه الوطنية التى تتسلل الى مسامعى عبر نشرات الاخبار, فكتبت الى احد اصدقاء صديقنا احمد ابو حريرة ,وهو المهندس عصام السمانى ,من بلدياتى , سالته بتطفل عن الدراسة فى الهند,لم يخبب ظنى ذلك الفتى النحيل , ارسل الى قبول من احدى كليات جامعة بونا لزوم التاشيرة الطلابية,فوصل القبول الى بيتنا بعد عناء من التعب وركوب جمميع وسائل السفر,مثل جواب محمد الحافظ من زملاء الدراسة الجميلين الذين التقيتهم فى ناغبور الهند شاب من قرية تقع غرب مدينة الجنينة التى حفظت احيائها من حكاويه الثلثة المتكررة مع تغير الرواية , ارسل اليه من اهله خطاب يسالون فيه عن اخباره التى انقطعت منهم خمسة رمضانات , والخطاب معنون باللغة العربية...جمهورية الهند..كلية الجيلوجيا ..مدينة ناغبور,بما انو اللغة العربية تشاهبه الاردية فى كثيرا من الحروف وتختلف فى النطق,وصل الخطاب المعجزةالى بوستة المدينة العامة,لكن هنالك اكثر من عشرين كلية جييلوجيا..ذهب احد الزملاء اللقيفين بغلة الشباب لامر يخصه ,فوقع على عينة ذلك الخطاب ,وقد تاكلت اطارفه من كثرة تلامس المتعرفين على احرفه الغريبة فاخذه وصورة من الخارج ,وسلمه للاخ المذكور اعلاه,لكن حافظ رجل كثير الغلاط ,والتندر بهفوات الاخرين له ذكريات من عهد السلطان على دينار ,فى المساء فى منتدى قهودة سدر وبعد ان تجمع السودنة من كل حدب وصوب فى الويك اندع,اذيع خبر ذلك الخطاب المعجزة ,فانكره كالعادة ذلك الشاب الظريف, فجىء له بالصورة فاعترف ,فكان حديث المدينة بالاردو وضحكتها بالمهاراتى ....
    كذلك وصل القبول الى بيتنا فنزلت دمعة فراق من عين والدتى اطال الله فى عمرهاوعرفت ان ابنها سوف يسافر بعيدا,الى بلاد العجم,وجمت اختى الصغيرة التى كانت تتنعم باحدث موضات شارع الموسكى واسكرتات 6 اكتوبر ,فتحصلت على التاشيرة من باب السفارة الهندية و بعدها عملت سفرية سريعة الى مصر عن طريق الميناء الجوى ,حتى اودع فيها اصحابى, واخلص فيها ديونى التى تركتها فى مصر واجمع فيها مبلغ يساعدنى فى الاستمرارية فى الدولة التى اجهل فك شفراتها, ما بين الخوف والرجاء ,ركبت طيران الخليج , وبعد ان زورتنى اربعة مطارات عربية, وصلت الى بومـــــبى....


    منقول

    ســفريات تاجر شنطة...حيدر اباد..بومبى..سعد قشــرة

    واخر كلامى

    اغنية فنان توتى الجميل ابراهيم خوجلى

    البريدو مالو اتاخر بريدو
    ياناس
                   |Articles |News |مقالات |بيانات

04-06-2007, 03:32 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: abuguta)

    ابقوته ، عندنا زول صديقنا من ناس ابوقوته اسمه صلاح ود العرب او دكتور صلاح الزين
    دا احسن زول بحكى عن ابوقوته
    لمن تقرب تبقى ( غوته ) الفيلسوف الالمانى
    شكرا ليك على رسالتك الطريفة
    لكن يا ود امى الاغنية دى ما حقت ابراهيم خوجلى ود توتى دى حقت الفنان الراحل احمد فرح
    واحمد فرح دا زول غناى جدا كان سبب فى انه يغنى الشاعر اسماعيل حسن لمن اختلف مع وردى قام جابو
    زى ناس رمضان حسن والخير عثمان ومحجوب عثمان لمن جابوهم بعد اضراب الفنانيين المشهور من مدنى
    عموما ما بيناتنا
                   |Articles |News |مقالات |بيانات

04-06-2007, 04:06 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Raja)

    رجاء يا زميلة المهنة الشاقة لا تتصورى كم انى سعيدة بمرورك الكريم
    لعدة اسباب اهمهاانك دلقتى الى بامر كنت افعله
    كنت وما زلت اهوى كتابة الخطابات رغم ان الشبكة العنكبوتية باتت تريحنا لكن ثمة خافق ما يزال فى القلب تجاه ذلك الفعل الكتابى
    (لا زلت أفضًل وأحب كتابة الرسائل وإستلامها ولا أستطيع وصف الفرحة عندما أعرف أن لدي رسالة.
    لأني أؤمن أن أسلوب وخط الانسان يكشف الكثير عن شخصيته..
    وبالرغم من التطور والإيميل وسرعته. إلا إني مستعدة ان ادفع تلاتة أرباع عمري وأرجع أكتب وادخل الظرف واخت الطابع وأمشي أرميه في صندوق البريد اللونه أحمر. وأنتظر الرد لما يجي..)
    الم اقل لك اننا مشتركتان فى امر ما
    لك الود يا صديقتى وبيننا رسايل
    الجابرى
    مافى حتى رسالة واحدة ؟
    بيها يتصبر شوية
    والوعد بيناتنا انك
    كل يوم تكتب الى
    الردود والغربة حارة
    وبالخطاب تبخل على ؟
                   |Articles |News |مقالات |بيانات

06-06-2007, 11:08 AM

خالد ابوالقاسم
<aخالد ابوالقاسم
تاريخ التسجيل: 14-03-2007
مجموع المشاركات: 105

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Raja)

    الاخت رجاء العباسى

    لقد استوقفتنى كلماتك الرائعات عن هوائة و حياة جميلة و زكريات لم تنسى و براءةالزمن الجميل
    تلقاية الرسالة و كنز المعرفة و الصداقة و بصمات فى دواخلنا لم لن ننساها ابدا .

    (عدل بواسطة خالد ابوالقاسم on 06-06-2007, 11:09 AM)

                   |Articles |News |مقالات |بيانات

05-06-2007, 11:43 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Adil Osman)

    الاخ العزيز عادل دائما تدهشنى بحضورك الوهاج من خلال ملاحظات لا تتسنى الا لزول شواف لك الشكر على الاغنيتين
                   |Articles |News |مقالات |بيانات

04-06-2007, 06:17 AM

Soumeta
<aSoumeta
تاريخ التسجيل: 17-10-2002
مجموع المشاركات: 1733

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    مساء الخير ،،
    البسطة في ذهني كانت اشبه بالضرائب الآن في الاهمية،،
    لكثر ما سمعت عن عظمتها و كيف كان
    الموظف داخل المؤسسة عريس مرتغب في زمن زمااااااان،،


    تعرفي إني كنت بخاف منها زي ما كنت بخاف
    من بنك الخرطوم الفي محطة البسطة زاتها،،


    ما لاقية تفسير للحاجة دي!

    و ما حصل شفت ساعي بريد إلا هنا!
                   |Articles |News |مقالات |بيانات

04-06-2007, 04:15 PM

هاشم أحمد خلف الله
<aهاشم أحمد خلف الله
تاريخ التسجيل: 16-01-2007
مجموع المشاركات: 6449

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Soumeta)

    سلمي بوست جميل ورائع وعلي فكرة أنا شخصياً إفتقدت البريد لاني بحب الكتابة وبحب دائماً أكتب كل جواباتي بالليل لما الناس تكون نائمة وأخد راحتي في مداعبة الأحرف وكل جواب اقوم بإرساله لمحبوبتي
    أخذ منه صورة عشان ارفقه مع الرد القادم من طرف الحبيب ( من طرف الحبيب جات اغرب رسائل يحكي غرامه فيها قال ناسينو قايل ) يا سلام يا سلمي أيام لها إيقاع وعلي فكرة كنت كتاب جداً لدرجة إنو
    واحدة من صديقات زوجتي مقيمة معنا هنا في السعودية قالت لي والله يا هاشم جواباتك الكنت بترسلها
    لهويدا ( خطيبتي سابقاً وزوجتي حالياً ) كنا ننتظرا بفارغ الصبر عشان نقراها معاها , يعني شوفي متعة القراءة شاملة حتي الأصدقاء , لكن نقول البركة في بكري ابوبكر ( سودانيز اون لاين ) أن اتاح
    لنا فرصة التعبير والمحاولات الشعرية الخجولة .
    شكراً ليك كتير يا سلمي .
                   |Articles |News |مقالات |بيانات

05-06-2007, 09:55 AM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: هاشم أحمد خلف الله)

    الاخ العزيز هاشم احمد خلف الله
    من طرف الحبيب جات اغرب رسايل
    لكنها ما اجملهامن رسايل دايما محضورة بالحب ملفوفة بورق سلوفان من المودة والطوابع ورائحة الاحبة التى نفتقدها كثيرا هذه الايام حيث لا تصلنا الا عبر بريد ميت اليكترونى
    لا تسمع فيه خشخشة الورق ولا عطر رشرشته يد حانية املة ان يصل كما هو
    ولا قلوب مخترقة بالاسهم وعليها احرف الاحبة
    فى نهاية الخطاب
    ولا يحمله حامل البريد
    لكنه بريد تفتح ادراجه بخاطرك وقتما تشاء ولا تضعه تحت (المخدة ) او بين صفحات الكتاب
    لك الود
                   |Articles |News |مقالات |بيانات

04-06-2007, 07:42 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Soumeta)

    مساك النور والخير يا سوميته
    (اولن شى) بنك الخرطوم فرع البوسته فى خبر كان وبنك الخرطوم الاب الكبير زاتو انتهى باعوه يا ستى لزول اماراتى
    شفتى الهنا دا كيف ؟
    بعدينك البوسته الفى امدرمان انتهت تماما وشفت حولها مناظر مؤذية
    بعد ما كانت منارة فيها ساعة تضرب كل راس ساعة بقى يضرب فيها البؤس
    وانتهت الى حالة لا يعلمها الا الله
    المشهد كله يبعث على الشفقة يا عزيزتى
    اما رجل البريد الشفتيهو هنا دا كان زولنا الهناك زيو فى الاهمية ولمن نشوفو نفرح
    لانه بجيب الجوابات
    كنت لفترة بدرس فى احد مدارس امدرمان الثانوية
    كان كل اول شهر ابوى برسل لى المصاريف
    وخالى برضو برسل لى حوالة من السعودية كنت بمشى اصرفا ولازم انتظر ساعى البريد قدام الباب بجى فى توقيت محدد وبمشى بتوقيت محدد الكلام دا مابعيد بالنسبة لى لكنه خيال بالنسبة ليك
    (لارسالة تجينى منك ؟)
    شفتى البريد بدخل فى القلب كيف ؟ كل حبيب ينتظر بلهفة حبيبتو ترسل ليهو وكل حبيبة بتنتظر برضو

    (عدل بواسطة سلمى الشيخ سلامة on 04-06-2007, 08:19 PM)

                   |Articles |News |مقالات |بيانات

04-06-2007, 09:04 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)
                   |Articles |News |مقالات |بيانات

05-06-2007, 10:45 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    يا سلام يا سلمى
    اولا" اغنية ثنائى النغم حملتك خطابي يا ساعى البريد
    من الاغنيات البسمعها يوميا" وعندى شريط خاتيهو فى العربية
    ما يمر يوم والا اشغلوا ، واذا كان عارف الموضوع ده كنت جهزت
    الاغنية ونزلتها ليك ، ومعاها اغنية تانية برضو لثنائى النغم
    بيقولو يوم جات رسالتك شايلة المحنة قلنا خلاس طرانا ومن اعماقو هنا

    مـلـحـوظـــة
    زمان كنت بكتب الجوابات لحبوبتى علشان ترسلها لاهلها فى الشمالية وكنت
    اتقاظ جدا" لما تقول لي كدي اقرأ الكتبتو ده لي تانى .
    وزمان برضو البت كان بطلعلوها من المدرسة بعد ما تكون اتعلمت تكتب
    الجواب
                   |Articles |News |مقالات |بيانات

06-06-2007, 04:43 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: عبد الدائم سيد أحمد)

    Quote: واحمد فرح دا زول غناى جدا كان سبب فى انه يغنى الشاعر اسماعيل حسن لمن اختلف مع وردى قام جابو




    الاستاذة سلمى

    علمتينى ياخويتى
    يصراحة لقد سمعت بهذا الفنان سهرة ليلة امس وكانت عن الحلقة المفقودة بين الاحيال
    قد ذكر الاعلامى المحبوب المكروه حسين خوجلى وقال انه فنان مبدع لم يجد الاضواء ولا يعرفه الجيل الحديث وقد قلت اللحضور وقشرت بمعلوتك , انا عرفت الفنان دا هذا الصباح من عملاقتنا سلمى,,,


    اما عن د. صلاح الزين ود زمزم هو من الجيل الذى لم التقى به وهو من ابقوتة
    قرية العامة لكنه رجل ذائع الصيت قد فاق مسامعى هو وشلته ايام زمان..
    ابناء عمنا د.عبد الله احمد على ,المرحوم عبد العظيم ادريس(عظمة) والمفتش احمد طيب على

    لك خالص والود
    احمد صديق
                   |Articles |News |مقالات |بيانات

06-06-2007, 05:16 AM

Abdulbagi Mohammed
<aAbdulbagi Mohammed
تاريخ التسجيل: 11-12-2006
مجموع المشاركات: 1198

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: abuguta)

    يا بت الشيخ سلامة سلامات و تاني سلامات
    أنت يا خيتي المواضع البتقلب المواجع
    و بتثير الشجون بتنكوتيها من وين؟
    و ليك أشواقي الدفينة
                   |Articles |News |مقالات |بيانات

07-06-2007, 11:43 AM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Abdulbagi Mohammed)

    اخى وصديقى محمد عبد الجليل
    هكذا قال العبقرى عمر الدوش
    ( زمان كنا بنشيل الود)
    وندى الود
    وفى عينينا كان يخضر حنانا كان
    وفات الحد
    وهسى رحنا نتوجع
    نتاسف على الماضى الما برجع
    وهذا لسان حالى احمل اسى لتلك الايام
    اودها بيننا ليراهاابناؤنا
    يلمسها جيل حرم من كافة ما اتيح لنا
    رغم بساطته
    رغم محدوديته
    لكننا لابد ان نتقاسم معا طعم تلك الاشياء
    وهكذا تجدنى فى حنين الى (ما كان )
    لك ودى
                   |Articles |News |مقالات |بيانات

06-06-2007, 10:59 AM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: abuguta)

    ابقوته يا صديقى
    امكن نحنا جيلنا ا اتيحت ليهو اشياء ما اتيحت ليكم
    لكن بالجد احمد فرح كان فنان جميل
    لكنه مثله مثل كثيرين
    (محجوب عثمان ، الخير عثمان ،
    عبد الحميد يوسف ، صالح الضى ،
    عبد المنعم حسيب ، محمد حسنين ،
    عمر الشريف )
    ومجموعة كبيرة من الفنانين ظهروا واختفوا لم يحتف بهم احد رغم جمال اصواتهم وندرة خامات الاداء لديهم
    لكنه السودان (نسوى كيف ؟ كل الحاجات نفسا قصير الديمقراطيات (منقلب عليها ) والفنانين منسيين والمؤسسات تعانى الامرين ) شفت السلسلة دى كيف مربوطة
                   |Articles |News |مقالات |بيانات

06-06-2007, 11:56 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: abuguta)

    ابقوته
    شكرا ليك لانك اعتبرتنى اضافة لكن بالجد فى فنانين كتار جدا اثروا وجداناومافى ليهم سيرة
    على سبيل المثال حسن سليمان (الهاوى ) دا اسطورة فى زمانه
    لكن كم زول بيعرفوه ؟
    بل فى زول زى احمد ربشة ودا حديث شوية فى اريى الشخصى انه حول الاغنية السودانية لمسار جديد لكن كم زول بعرفو ؟
    معليش زى ما بتقول دكتور نجاة محمود ( بيان ) حرف للبوست
    لكن ولا يهمك خلى ينحرف ( يعنى حيدخن ) ماهو مدخن طبيعى
    على اى حال الفنان السودانى مهضوم فى بلادو
    المهم يا ابو قوته اتمنى انه ينصلح الحال وترجع حقوق مهضومة لاصحابا
                   |Articles |News |مقالات |بيانات

06-06-2007, 10:48 AM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: عبد الدائم سيد أحمد)

    الاخ العزيز عبد الدايم سيد احمد
    شكرا ليك على انك ذكرت الثنائى العظيم ثنائى النغم (زينب وخديجة ) وحملتك خطابى يا ساعى البريد
    هؤلاء الفنانات مظلومات (ظلم البريد والبرق والسكة حديد فى السودان )مثل جديد لنج
    غنين لنا اغنيات لا تنسى ولكنهن مثل كل شئ فى بلادنا يطويه النسيان وينزوى
    حين كان العام تسعه وتمانين اوله رحل عدد من الفنانين
    منهم الطيب سمسم
    سيف عبد القادر
    والاخيرر ملحن كان يلحن لثنائى النغم
    جاءنى الفنان الراحل عميرى بفكرة (اوراق الخريف) كبرنامج للتلفزيون
    كان البرنامج ينطوى على تكريم كل الفنانين الذين رحلوا دون ان يكرمهم احد
    لكن ما وقف امامنا هو ثنائى النغم حيث المحتفى به هو سيف عبد القادر عليه الرحمة
    كان ان مشى عميرى وجال بين خديجة وزينب مصالحا فى جلسات مؤتمر سلام لم تكن طويلة بقدرما منهكة
    وكان ان اصلح ما بينهما وبدانا البروفات لكن المشيئة اخذت صاحب الفكرة قبل اكمالها
    اذكر من الذين كان يفترض ان يشاركوا ( بت عثمان ، عم احمد زاهر الموسيقى الذى لحن ايضا للثنائى ، فيصل نصر عازف الفلوت ، وعميرى فى الاعداد والاخراج ، وكان التقديم من نصيبى ، وثنائى النغم فى الغناء )
    المهم يا صديقى عبد الدايم مضت الرياح وشردتنى
    ملحوظة
    مش زمان كانوا الناس لمن ينسوا حاجة فى الجواب بكتبوا ملحوظة
    اها برضو ملحوظة
    نسينا الزول البقعد قدام البوسته وبكتب الجوابات زى العرضحالجى البقعد قدام المحكمة
    وناس حبوبتك ديل كانت عندنا زيهم
    عندى حبوبتين (خرفن) هن اخوات ، اولاد عمى بشيلو المسجل ويمشوا عطبرة يقومو يسجلو لواحدة ويجو للتانية يقولو ليها اسمعى اختك قالت شنو
    تقوم ترد وتانى يشيلو المسجل ويمشو وبربر ويسجلو للتانية والشكلة تدور
    وهكذا كانوا يسجلون نوادر حبوبة امنه وحبوبة عشه فى طرافة نادرة مستغلين التسجيل لكنها فكرة الرسايل فقط تختلف الاداوت
    وعلى ذكر التسجيل زمان المغتربين 0 الخليج)كانوا لمن ظهر الكاسيت برسلو الاشرطة لاهلم وتلقى الناس ملمومين حول الكاسيت (والدموع والمخاخيت) ما تديك الدرب
                   |Articles |News |مقالات |بيانات

06-06-2007, 11:52 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    الاخت سلمى
    سلامات
    عملت تصويت لمداخلتك الاخيرة ردآ على الاخ عبد الدايم سيد احمد. وتذكرت الشرائط التى كان يبعث بها المغتربون ورد اهلهم عليها بالتسجيل ايضآ، وارسالها مع مغترب عائد بعد اجازة حميمة، تصير حطبة فى نيران اشواقهم عندما تلفهم الغربة من جديد..

    صوتى متوعك بعض الشئ، نزلة برد، وارجو ان تعذرى اخطائى او عدم تمكنى من الالقاء الصوتى الذى يليق بكتاباتك الموحية والمكتوبة للتمثيل والالقاء بما تحتوى من غنى حوارى وشاعرية واضحة، فالى التصويت العادلى لكتابة سلمى الشيخ سلامة
    http://www.esnips.com/doc/c67167eb-8553-40c4-b5a4-b028d...of-salamasalamaposts
                   |Articles |News |مقالات |بيانات

07-06-2007, 11:53 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: Adil Osman)

    الاخ عادل عثمان سلامتك من النزلة وانشا الله العدو
    لكن ثمة خطا اعتذر عنه وهو اننى لم اكتب اسم المغنى البديع سبت عثمان صحيحا فله ولك العتبى
    وشكرا على الرسالة الصوتية
                   |Articles |News |مقالات |بيانات

06-06-2007, 06:25 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    البوسته وما ادراك ما البوسته...
    قد عبتت التكنولوجيا بالبوسته وهمشت دورها
    ارتضينا ان نستبدل خطاباتنا التى تكاد ان تصرخ..
    الى هذه المراسلات المعلبة الماسخه..
    فكم من خطاب كان يصلك يحمل سهم كيوبيد وهو يشك قلب اخضر..
    وعين اضناها السهر...
    وكم من العشاق رشرش خطابه بعطر نفاذ يخترق جدار الذكرى
    ويصل المعشوق وهو ينضح....
    وساعى البريد ذلك القصير بزيه الكاكى وعجلته التى كانت مطيته
    وعجلته فى التنفل بين البيوت كانه فراشه..
    كان يدس الخطاب فى يد من يفتح الباب ولا ينسى ان
    يحمله التساليم الى اهله او اهلها ان كان من فتح الباب
    ولدا اوبنتا...
    سلمى هل تذكرى دفتر توفير البوسته لا انساه ذلك الدفتر
    البيج وعليه صورة رجل يمتطى جمل وكانت به خطوط تتقاطع طولا وعرضا
    ودوائر فى يمين كل صفحة يضع عليها الختم كلما اودعت او صرفت
    جنيهات كنا يقمن صلب...كنت اذهب مع والدى كلما رايته يخرج
    ذلك الدفتر من الشنطة العتيقة ..تكون العطيه يومها اثمن
    تصل للريال احيانا ..تحتار كيف تصرفه..
    سلمى اذكر ايضا لمن لايملكون قرش الطابعة يومها عليهم ان يضعوا
    حرف(R) على اعلى الظرف..لا ادرى لها تفسير..
    افادنا احد المتحذلقين يومها ان هذه الار تعنى يتعين على
    المرسل اليه دفع رسوم الطابع والا فيكون الجزاء عدم تسليمه الخطاب..
    سلمى كنت امقت الخطاب ذا الظرف الكاكى او البمبى الاقرب للاحمر معناه
    وصول تلغراف يعلمك بوفاة عزيز لديك...
    ومع هذا وذاك مازلت احن للبوسته كلما مررت باحد مبانيها العتيقة
    ذات الطوب الاحمر ودرابزينها وشبكها ونوافذها التى تفتح على
    القلوب وموظفيها الهاديين وهم ينفحونك طابعة ولا يتورعوا ان يتثابوا
    فى وجهك،،،،،
                   |Articles |News |مقالات |بيانات

07-06-2007, 09:56 AM

ابوبكر يوسف إبراهيم

تاريخ التسجيل: 11-05-2006
مجموع المشاركات: 3337

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: صديق الموج)

    الأخت الحبيبة سلمى

    كل الود والمحبة

    نتحسر حينما نجتر أحداث وحداء وغناء وشخوص الزمانات الجميلة الثرية .. إلى الأيام الخوالي أعدتنا
    وكأنما جمال روحك أبى إلا أن يجتر من الأيام الثرية جمالها.. دائماً قامتك تطل علينا بشوامخ زمان ولى وحين نجتره نستعيد توازننا المفقود .. وهلا ذكرتنا ( أنا يا البلال وين!! ).. جمال روحك عبق المساحة .. أحسنت
                   |Articles |News |مقالات |بيانات

08-06-2007, 06:44 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: ابوبكر يوسف إبراهيم)

    الاستاذ ابوبكر يوسف
    لعلك تذكر برنامج ما يطلبه المستمعون وموسيقاه من موسيقى الجيش كنا نستبدل الانغام بقولنا ( سيد اللبن جا ما لو جا مرقت لى زهرا )
    لكن ذلك البرنامج كان يستعير نبضه من البريد وحين ابى البريد توقف البرنامج او لعل رحيل مقدمة البرنامج الاستاذة علوية ادم كان احد الاسباب ايضا
    بل ان (ندوة المستمعين ) كان حافزها البريد
    برنامج (تحية واحتراما ، للكاتب تاج السر عطية )، ايضا كان من نوافذ البريد
    وبرامج اخرى كانت سيرورتها مرتبطة بالبريد
    ثمة سر اذاعى اخر وهو ان المراسلين الذين درجوا على الكتابة للاذاعة باتوا من الاذاعة كاحد اعمدتها ونشات بينهم وبين مقدمى البرامج اعظم العلاقات الانسانية
    ومعظم برامج المنوعات لا تقوم الا بالبريد سندا ومعلومة ودعما لا حدود له
    لذلك توارت كثير من البرامج الى حيث لن تقوم ابدا ولسان حالها ( البريدو وين قالو لى سافر ) لكنه لم يسافر الا سفر (البن ) بلا عودة
    لك وافر تقديرى على طلتك البهية
                   |Articles |News |مقالات |بيانات

07-06-2007, 11:58 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: صديق الموج)

    (سلمى هل تذكرى دفتر توفير البوسته لا انساه ذلك الدفتر
    البيج وعليه صورة رجل يمتطى جمل وكانت به خطوط تتقاطع طولا وعرضا
    ودوائر فى يمين كل صفحة يضع عليها الختم كلما اودعت او صرفت
    جنيهات كنا يقمن صلب...كنت اذهب مع والدى كلما رايته يخرج
    ذلك الدفتر من الشنطة العتيقة ..تكون العطيه يومها اثمن
    تصل للريال احيانا ..تحتار كيف تصرفه..)
    اقتطعت هذا الجزء لانه (حراق ) ولان الريال لا يعرفه ابناؤنا وبناتنا
    ولا تلك العملة التى قيل انها فى ذات يوم كانت تعادل ما تعادل من الدولارات والجنيه الاسترلينى
    كل ذلك ياصديقى صديق بات تاريخا منسيا
    وما لنا هو الحسرة على مال الحال ( وميله ) واتمنى ان يجئ يوما (وينعدل الحال )
    ربما سيشهد ذلك ابناؤنا او احفادنا فى اقصى الاحوال
    لك الود
                   |Articles |News |مقالات |بيانات

07-06-2007, 10:47 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    سلمى يا سلامة
    امـا بــعــد
    Quote: شكرا ليك على انك ذكرت الثنائى العظيم ثنائى النغم (زينب وخديجة ) وحملتك خطابى يا ساعى البريد هؤلاء الفنانات مظلومات (ظلم البريد والبرق والسكة حديد فى السودان )


    الشي الغريب حتى اغانى ثنائى النغم لا تبث فى التلفزيون انا ما عارف
    ما يدور داخل الجهاز الغريب ده ، البلابل وقالو لابسين موضة ، طيب
    الثنائى ده كان بيلبسوا ثياب ، الحكاية شنو افيدونا يا العارفين

    تمنيت فى يوم انى افتح بوست وانزل اغانى ثنائى النغم ، ودى دعوة
    ليك مادام بتمتلكى كل المعلومات
    ** ليالى الفرحة تانى عادت لقلوبنا النور والبشاير هلت فوق دروبنا
    ** اتنكرت مالك يا حبيبى مالك
    ** انا ما اتغيرت وما اتنكرت ليك بس نسيت الريدة وما ضنيت عليك
    ** فرع البان اتكا وميل للنيل حكى وب الليله ده الشافلا وادركا
    ** يا اول حبيب من دون الاحبة ارسل لي غرامو وبادلنى المحبة
    ** كر يا صغير سبع الخلا شن بدور ،.. داير يوم البلاء
    ** الليلة والليلة نار ام بادر يا حليلا
    ** وليد دارفور بمشى معاك الليلة
    ** مالك يا حب مالك علينا ومنو الهداك لينا علشان تجينا
    والكثير الكثير
    ** فى اغنية بدور فى ذهنى بس ما قادر اتذكرها ، بتقول ما زلت عنى بعيد
    اسمك آمير الناس ( لو تتذكرى كلماتها عليك الله اكتبيها ).

    ملحوظــة
    حبوباتك ديل ما لحقو زمن الماسنجر
                   |Articles |News |مقالات |بيانات

09-06-2007, 00:15 AM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: عبد الدائم سيد أحمد)

    الاخ عبد الدايم سيد احمد
    مازلت عنى بعيد ما حركك احساس
    مازلت اجمل زول اسمك امير الناس
    وهى من كلمات الاستاذ تاج السر عياس
    كنت فى زمن غابر احاول تقديم بحث فى الماجستير عن الشاعر عبد الرحمن الريح
    لكن (الله ماهون )
    لذلك حفظت كثيرا من سير شعراء قريبيبن فى تلك الفترة من الاستاذ عبد الرحمن الريح
    فوجدت تاج السر عباس ووجدت محجوب سراج وهو اخ الممثل الكبير محمود سراج (ابو قبورة )
    وقادتنى تلك الدراسة الى الوقوف على كثير من الاغانى والمطربين الذين كانوافى تلك الفترة
    واكتشفت ان هناك مطرب اسمه ازار وكان يغنى مع فرقة البساتين فى مطلع بدايته ثم تركها وترك الغناء بعد ذلك وفرقة البساتين لمن لا يعرفها هى فرقة اسسها الفنان النابغة اسماعيل عبد المعين وكان اشهر ما تغنت به تلك الفرقة ( اخى )و( واجب الاوطان)و( صه يا كنار )
    ما يخص كلامك ان ثنائى النغم ظهرن فى اعقاب ما ظهرت عديد مطربات ( عائشة الفلاتية ، فاطمة الحاج ، منى الخير ، ماهلة العبادية ) ظهرن فى الستينات ، وما زلن يعاركن الحضور حتى تاريخ هذه اللحظة فلهن منا الانحناءة والتقدير
    وشكرا لك اخى عبد الدايم فلقد اهجت كوامنا واشجان الغناء لدنى
                   |Articles |News |مقالات |بيانات

08-06-2007, 12:39 PM

خالد ابوالقاسم
<aخالد ابوالقاسم
تاريخ التسجيل: 14-03-2007
مجموع المشاركات: 105

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)



    [IMG]
                   |Articles |News |مقالات |بيانات

09-06-2007, 06:02 AM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: خالد ابوالقاسم)

    الاخ خالد ابو القاسم
    شكرا على الطوابع التى لم تعد موجودة قط الا فى ذاكرتنا وخطاباتنا القديمة
                   |Articles |News |مقالات |بيانات

08-06-2007, 06:56 PM

خالد محمد سليمان
<aخالد محمد سليمان
تاريخ التسجيل: 28-03-2007
مجموع المشاركات: 366

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    سلمى الشيخ سلامة
    انتى زوله فنانه بجد
    كتابتك تمس عصب الاشياء
    استمتعنا بالموضوع و كل المداخلات
    و انا ود الابيض اثار فى هذا الموضوع الزكريات
    ايام كنا نستلم البريد من السكة حديد
    عندى اقتراح ان تكتبى لنا عن شخصيات من الابيض
    باسلوبك الجميل هذا
    وهى شخصيات كثيرة و مؤثرة
    اخوك خالد سليمان
    حى البترول
    الابيض
                   |Articles |News |مقالات |بيانات

09-06-2007, 11:32 AM

ابوبكر يوسف إبراهيم

تاريخ التسجيل: 11-05-2006
مجموع المشاركات: 3337

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: خالد محمد سليمان)

    أختي الأستاذة سلمى
    تحية ومودة
    لقد هيجت فينا شجناً وذكريات ، ما زال شهيق النيل وزفير الأرض يلازمك بشدة.. فلا فكاك من مزمن هو الوحيد الطيب الذي نتقبله بصدر رحب .. الذكريات والحنين إلى الأرض والوطن والناس!!

    وهل تذكرت الصديق الراحل الأستاذ الخير عبد الرحمن وبرنامجه الإذاعي ( فنان وفنان).. بارك الله في إبنه محاسن التي خطت خطوه في الإذاعة بالقسم الإنجليزي... تحياتي لك أختي
                   |Articles |News |مقالات |بيانات

10-06-2007, 05:48 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: ابوبكر يوسف إبراهيم)

    استاذنا ابو يكر يوسف ابراهيم
    لنجعل من ماضينا خطوة الى الامام حلم يتجاوز الراهن باتجاه القادم فهو الاجمل كما نحلم به
    وطن شامخ وابناء يحفظون له الجميل
    فنحن الذين بيدهم مفاتيح التحول مهما كابر المكابرون
    ومهم طردونا من جنتنا المحبوبة السودان
    سنظل نرفع راياته فى كل مكان
    وهذا ما نفعله
    لعلى لا اتجاوز الحقيقة ان قلت اننى لا احمل هما سواه
    كل مالدى رهن له
    رغم ان البعض يرى اننى اعيش بعيدة عنه
    لكنى ممتلئة به حد التدفق
    لا ارى الا بعينه
    ولا اسمع الا باذنه
    كل ما اقدمه من محاضرات ما لشان سواه
    فى اى مكان حللت هو قائدى وحافزى
    وليت كل الناس تتفق على اعلاء شانه دونا عن كل شان لغدونا يا سيدى امة بين الامم لها حافزها فى التقدم ولها مراقد عظيمة بين الامم العالية
                   |Articles |News |مقالات |بيانات

09-06-2007, 10:37 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: خالد محمد سليمان)

    :[email protected] اول حاجة هذه دعوة لدخول منتدى (الغرة ام خيرا برة )
    اخى خالد وكل ابناء كردفان
    وكثيرا ما كتبت عن الابيض وعن شخصياتها حتى ظن الناس انى الابنة الوحيدة
    اعرف انك تحب تلك المدينة مثل ما يحبها اهلها جميعا
    ومثلما نحبها جميعا
    لكن انتظرنى قريبا سافعل ساكتب لك عن بعض من الذين لم يبارحوا الذاكرة قط
    لك ودى يبقى وان كنت فى السودان فقل لكل ابناء تلك المدينة انى احب الحب فى اشخاصهم

    (عدل بواسطة سلمى الشيخ سلامة on 10-06-2007, 04:47 AM)

                   |Articles |News |مقالات |بيانات

10-06-2007, 01:55 PM

خالد ابوالقاسم
<aخالد ابوالقاسم
تاريخ التسجيل: 14-03-2007
مجموع المشاركات: 105

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    UP
                   |Articles |News |مقالات |بيانات

10-06-2007, 05:14 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: خالد ابوالقاسم)


    امنياتى لكم بالتقدم والنجاح والازدهار.. بداية جميلة.. الغرّة.. أم خيرن.. سوف يصير خيرين بالعمل والرؤية والعزيمة..
                   |Articles |News |مقالات |بيانات

10-06-2007, 06:01 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)


    البريدو مالو اتأخر بريدو

                   |Articles |News |مقالات |بيانات

10-06-2007, 06:43 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    يا صحافة تلتين احب ذوقك
    هسى اسوى لك تمثال لانى بحب الاغنية دى جدا
    شكرا ليك واتمنى ان لا يتاخر بريدك او بريدو
                   |Articles |News |مقالات |بيانات

10-06-2007, 06:55 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)



    سلمى يا رائعة.... كتاباتك بنكهة الكوبيا وقلم الباركر....والدواية مليانة حبر ينقط في الخريتة... كتبت ذات مرة خطاب غرامي في يوم اسود ومنيل بستين حبرازرق... اديت الجواب لاخوي الصغير عشان يسلمو البنية اخوي مشى سلمو اخوها الدياشي....ومع البوليص انا ما ماشي يا قايد الديش... اخوها الدياشي سلمو لابوي... فكان نصيبي علقة من السلمية الفرق اضني.....
                   |Articles |News |مقالات |بيانات

10-06-2007, 07:09 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)

    تستاهل يا سجيمان انت من زمان مسخوت ومدعى
    هسى كان ما حركاتك دى كان (,,,) تم الباقى براك
    لك ودى ابدا
                   |Articles |News |مقالات |بيانات

10-06-2007, 09:38 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الجواب الجانا من كسلا ، سالنا من وين دا قالو من مدنى (Re: سلمى الشيخ سلامة)


    رسائل



    اضغط للتشغيل
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de