ســودانير تنزل زوجتي من الطيارة...وتفكها عكس الهواء

حفل دعم الجالية السودانية بمنطقة واشنطن الكبري بالفنان عمر احساس
سارة عبد الباقي الخضر ...فى الذكرى الخامسة لاستشهادك ...دمك دين علينا
هزاع عز الدين جعفر....لك التحية و الانحناء فى الذكرى الخامسة لاستشهادك
د.صلاح مدثر السنهوري....فى الذكرى الخامسة لاستشهدك ارقد مرتاح...ولن نترك السفاح
علم الدين هارون عيسى عبد الرحمن....فى الذكرى الخامسة لاستشهادك تارك فى رقابنا
بابكر النور حمد...فى الذكرى الخامسة لاستشهادك.....لن ننساك
وفاء محمد عبد الرحيم عبد الباقي...فى الذكرى الخامسة لاستشهادك.....دمك لن يذهب هدراً
محمد آدم على ابراهيم...فى الذكرى الخامسة لاستشهادك.....ودعطا لن نتركك ولو طال الزمن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-09-2018, 09:35 PM الصفحة الرئيسية

مكتبة ياسر محمد عثمان الخليفة(Yassir7anna)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-07-2003, 10:25 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


ســودانير تنزل زوجتي من الطيارة...وتفكها عكس الهواء


    قال تعالى : "لاَّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللّهُ سَمِيعًا عَلِيمًا "(14 النساء
    صدق الله العظيم

    ما حدث حقيقة أقرب الىالخيال، دايما ما اسمع عن حكاوي وطرف عن سودانير لكن هذه اول مره وان شاء الله آخر مره تحدث لي مع سودانير شخصيا

    ملخص: كانت زوجتي مسافرة علىالخطوط السودانية الىالخرطوم وذلك في يوم الخميس 3 / 7/ 2003م، وكالعادة لم نعلم بمواعيد الحضور الى المطار والاقلاع الا صباح الخميس والخلى عادته قلت سعادته نسال الله العلي العظيم ان لا يترك لهم عادة، وطلب مناالحضور الىالمطار الساعة الواحدة ظهرا وقد كان، وجلست ازحف في الصف من الساعة الواحدة والنصف ظهرا حتى الساعة الرابعة والنصف بالتمام والكمال واستطعت ان اوزن العفش بدون مشاكل تذكر.

    خلفية: حسب قوانين السفر المعمول بها في خطوط الطيران بالنسبة للنساء الحوامل عليهن احضار تقرير من الطبيب انهن قابلت للسفر Fit for Travel. وقد حصل ان زرنا الطبيبة وبعد الكشف واصدرت لنا الشهادة المطلوبة.

    الحصل: عند الحضور للكاوkتر للوزن ابرزت الشهادة الطبية التي تؤكد ان زوجتي حامل وصالحة للسفر وليس هناك اي مانع طبي وعرضت الشهادة على الموظفة الجالسة علىالكاونتر والتي ندهت على المسئول من الطيران السوداني ان هناك One Pregenant الذي سالها بدوره هل هناك report فردت بالايجاب فطلب الاطلاع علىالتقرير وبعد ان اطلع عليه طلب ممنها ان تدبسه مع الكوبون والboarding Pass (هذا ما حدث بالنص)

    القصة: بعد خلصت زوجيت كل الاجراءات الامنية وغير الامنية الخاصة بالصعود الىالطائرة وبالتاكيد قبل الصعود الى الطائرة وعند البوابة قام الموظف المختص باخذ الbording pass مع الكوبون مع التقرير الطبي، وبعدها صعدت الى الطائرة، وعندما راتها واحدة من (االمضيفات) صاحت فيها هيييييييييييييي انت ماشة وين؟ نادت الموظفين المختصين في سودانير قال ليها نت حامل وما ممكن تسافري الا معاك شهادة من طبيب انك (fit to travel) قالت الشهادة انا جبتها وكانت مع الورق ده، طبعا فتشوا الورق ما لقوا الشهادة،

    حاشية: الاجراء البسيط الممكن اي حيوان عنده طايوق يعملوا انه يعمل tracing back طال ما الانسان ده قال انه عنده شهادة اول شيء اسال الموظفين الفي البوابة هل هذا الانسان كان معه شهادة اذا جاوبوا بالنفي اسال موظف الكاونتر ولو جاوب النفي بعدين اشرع في اجراء ما تره مناسب

    كلموا الكابتن الكابتن قال ماعنده مانع تسافر بس تكتب تعهد، فعلا كتبن تعهد، بعد شوية جات واحدة من (المضيفات) وقالت للكابتن دي ما مممكن تسافر معانا دي هسع بتلد، قامت زوجتي ردت عليها وقال ليها نامواعيدي لسه ومشيت للدكتورة وقالت لي ممكن اسافر، قامت قالت هيييييييييي نحن كمان ما بنعرف دي بطن 9 شهور والله دي هسع تلد، عندها طبعا الكابتن زي ما بقولوا اهلالطب ضرب fit وقال لا لا ما ممكن تسافرمعانا لازم تنزل، يعني بقت فيها استفزازات وقلة ادب بصورة غريبة جدا ما تحصل في احط الاماكن على وجه الارض

    مثال: وهي خلاص نازلة جات واحدة برضو من (المضيفات) جارية عشان تلحق الشمار، سالت الحاصل شنو؟ قامت واحد او واحد ردت ليها بكل بجاحة وقلة ادب "...دي جارها ليها تلاتة وراها واظنها عندها اتنين جوه..." وبعد طبعا ضحكة ماجنة مستهترة ما بتصدر الا من.............، طبعا في اللحظات ديك كان زوجتي وصلت حالة من الاحباط والقهر النفسي وبس بقت تبكي وتقول ليها حرام عليك دي حاجات بتاعت ربنا ما تضحكي فيها (انه الاطفال والحمل ديل هبة من ربنا ما يصح السخرية والاستهزاء بهم) ولكن اسمعت اذ تاديت حيا او زو حياء

    وهي نازلة في واحد من الاولاد نام فقام صديقنا د حاتم عشان ينزله معاها للبص تحت، بدل ما تساعدها واحدة من المضيفات او موظفين سودانير، قامت (المضيفة) قالت هييييييييييي ما شي وين؟ العسكري التحت ما بخليك تطلع تاني... قال يعني الشافع ده اجدعه من هنا... قال ليها بنزل خليه اليحميني

    الغريبة: الاستهتار والاستفزاز ده كله بيجري وفي زي 600 (راجل) في الطيارة واحد قام قال (للمضيفات) او الموظفين الطريقة دي عيب ولا غلط مافي اللهم الا دكتور حاتم كتر الف خيره...غريبة... يعني لو الموقف ده حصل لأي واحده قريبتك بت جيرانكم زوجتك ان شاء الله واحدة سودانية ساكت هل بترضاه... خلي ما يسفروها لكن بطلب منهم انهم يتكلموا معاها بصورة محترمة شوية مش خالص لأنه الاحترام اصلاما موجود في سودانير ولا متوقع

    والادهي والامر: قام موظف سودانير مشكور بتخليص اجراءاتها وركبها تكس عشان تمشي البيت، مع العلم انها كانت آخر الركاب، يعني احتمال 80 % زوجها اللهو انا يكون موجود لسه في المطار، ابسط شئ يعمل نداء تلاتة مرات ما لقاني اليركبها التاكس مشكور وعمل نبيل برضو

    وطبعا ركبوها التاكسي عشان ترجع البيت وانا لسه في المطار منتظر الطائر الميمون يقلع عشان اكلم ناس السودان عشان يمشوا المطار

    وللقصة بقية

    ملحوظة: كنا واضع كلمة بدل كلمة مضيفة لكن وجدت انها لا تليق بالبورد لذلك وضعت كلمة مضيفة بين قوسين

    (عدل بواسطة Yassir7anna on 05-07-2003, 10:28 AM)

                   |Articles |News |مقالات |بيانات

05-07-2003, 10:43 AM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الحبيب ياسر

    ياخي ربنا يحل المدام بالسلامة
    وسودان طير
    بقت مثال للتندر فلقد حدث موقف بمطار خليجي نجا فيه موظفي الخطوط من علقة ساخنة فلقد شمر البعض عن عضلاته واخر قلع الجلابية ورمى العمة في الارض ومسك رقبة الموظف الا يكسرا ليه

    (عدل بواسطة كبسيبة on 05-07-2003, 10:45 AM)

                   |Articles |News |مقالات |بيانات

05-07-2003, 10:44 AM

james
<ajames
تاريخ التسجيل: 21-06-2002
مجموع المشاركات: 2716

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    ياسر
    والله حاجة تفقع المرارة
    لكن دائما اقول ،، انت الوداك شنو سوءانير ديه
    قاطعوا سودانير ايها الشرفاء من اجل ترقية خدماتها
                   |Articles |News |مقالات |بيانات

05-07-2003, 11:21 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26542

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الأخ ياسر

    لقد حزنت جدا لهذه المعاملة.. الحال من بعضه.. سودانطير أثبتت أنها جزء من عصابة اختطفت بلدا بأكمله.. لو كنت في دولة تقدر حقوق الإنسان يمكنك أن ترفع قضية ضد سودانير..

    وصدقني أن مثل هذا الإجراء سيجعل من الشركة تهتم بتعليم موظفيها أسس التعامل الإنساني المحترم، وإلا فإن القانون العادل يخضعها للمساءلة..

    أما إذا لم تكن في بلد كهذا فعليك بالصبر، لتلحق برتبة "الكاظمين الغيظ والعافين عن الناس"ـ

    لك ودي وربنا يحل زوجتك بالسلامة ويزيدكم من خيره

    والسلام

    ياسر
                   |Articles |News |مقالات |بيانات

05-07-2003, 11:40 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ العزيز كبسيبة
    شكرا ليك تعرف ما بشكر نفسي لكن من الصعب ازعل او انفعل بسهولة، لكن لو جيت المطارفي كان لقيتني في حالة من الزعل وكان عندي النية ابدا فيهم ضرب من طرف خصوصا بعد معرفت الحصل جوه الطيارة
    بارك الله فيك

    العزيز جيمس
    شكرا ليك كتير، والله العظيم انا لي هسع كل ما اذكر الموضوع ده اقوم مخلوع وتنتابني ليك حالة من الحزن والكائبة لا توصف ابدا، لكن معليش اول وآخر مرة
    وانا من هنا اضم صوتي لصوتك لمقاطعة سودانير حتى تحسن من اداء طائراتها موظفيها والا ح يستمروا يطبقوا فينا كل هذه النظريات العرفناها والما عرفناها

    شكرا ليك كتير جيمس

    عزيزي ياسر الشريف
    لك ودي واحترامي وشكرا ليك كتير، فعلا لو كان الواحد في بلد تقدر مثل هذه الاشياء قسما بالله العظيم ما كان اخليهم ، والأننا ما بنسوي شئ عشان كده هم سادرين في غيهم ولن يرتدعوا ابدا

    وبعدين عندي سؤال جانبي، معليش لأنه الموضوع ده يعني ما بصدق حازي في نفسي كيف، بالنسبة للمره الحامل حتى الاسبوع الكم ممكن تسافر بدون مخاطر؟ لأن تعرف موظف سودانير عمل لي فيها اخصائي نساء ولادة وبدا يشرع لي انه في الاسبوع 31 مستحيل انها تسافر، فبما انك طبيب فعليك الله ممكن توريني الاجابة عشان لو الواحد قرر يقاضيهم يكون عارف

    شكرا ليك كتير عزيزي
                   |Articles |News |مقالات |بيانات

05-07-2003, 11:41 AM

ابو فاطمه

تاريخ التسجيل: 05-04-2003
مجموع المشاركات: 499

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    اخوي ياسر
    تحياتي
    والله ربنا رحم المدام وماسافرت بسودان طير دي
    والله وهو المعبود لو بقت اخر طياره ماشه السودان ما اقوم بيها
    لو امشي السودان مشي
    لانو غير الخدمه البطاله والمضيفات القليلات الادب مافيها اي حاجه
    ياخي الواحد بقروشو وزالنو ده شنو ياخي ده
    مواعيد مافي
    خدمه زي الناس مافي
    طيارات كويسه مافي
    سمح مخلنها تطير ليه تطير عيشتا ياخي
    المفروض يمنعوها من الطيران لانها غير السمعه السيئه ما جايبه حاجه
    والله عندنا هنا لمن تسأل عن مواعيد قدوما
    طوالي بتاع الاستعلامات يقول ليك ستهم دي بتجي وتروح على كيفى

    (عدل بواسطة ابو فاطمه on 05-07-2003, 11:44 AM)

                   |Articles |News |مقالات |بيانات

05-07-2003, 11:47 AM

maia

تاريخ التسجيل: 05-03-2002
مجموع المشاركات: 2598

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر
    لقد تأسفت جدا لما حدث لزوجتك ، وكل يوم سودانير تفاجانا بتصرف وسلوك اكبر من نطاق الدهشة والالم
    وكانما هذه السودانير لعنة مفروضة علينا
    وواحدة من الاشياء المدهشة والغريبة التي شاهدتها بنفسي في مطار القاهرة قبل عدة سنوات ، وفي واحدة من رحلات سودانير بين القاهرة والخرطوم سيدة سودانية تعمل في مجال تجارة الشنطة بين الخرطوم ومصر كانت هذه السيدة حامل في شهرها الاخير وتعاني من الالام الوضع وتدعو الله طوال الوقت ان يستر سودانير معها حتى تصل للخرطوم
    وسافرت هذه السيدة ولم يعترض طريقها احد !!!! فهذه هي سودانير التي تتحفنا بغرائبها
    وندعو الله لزوجتك بالسلامة
                   |Articles |News |مقالات |بيانات

05-07-2003, 11:48 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    العزيزأبو فاطمة

    الف شكر ليك أخي وتسلم

    تعرف انه دي اول مره في حياتي اتعامل مع سودانير وان شاء الله آخر مره، وزي ماقلت تاني لو امشي السودان كداري ما اسافر بالسودانية

    والله السبب الوحيد الخلااني اختارها رغم انه في خطوط تاني ارخص مليون مره من السودانية وخدماتها جيدة ومواعيدها مظبوطة لكن انا قلت لأنه دي بتمشي مباشرة والمره لأنه مع الشفع وبراها احسن تسافر بالسودانية

    لكن كل تول ليه أخر

    شكرا ليك كتير عزيزي
                   |Articles |News |مقالات |بيانات

05-07-2003, 11:53 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخت العزيزة maia

    شكرا ليك كتير، تعرفي هي لو سودانير بتلتزم بالقوانين البطن ما فيها مغصة، لكن تركب بي قرشك ويزلزك ويهيونك دي الحاجة الانا ما قادر اتخيلها ابدا

    شفنا في خطوط الطيران التانية كلها مليون واح يمكن عنده مشكلة لكن لما تتكلم معاه المضيفة ولا واحد من موظفي الخطوط لو ختيت اضانك في خشمه ما بتسمعه بيقول في شنون بكل ادب وتهذيب ممكن يعالجه الموقف بدون ما اي واحد يلاحظ

    لكن مضيفات بهذه الوقاحة ما يخيل موجودين على اي خطوط طيران على وجه الارض
                   |Articles |News |مقالات |بيانات

05-07-2003, 12:48 PM

Munir
<aMunir
تاريخ التسجيل: 11-02-2002
مجموع المشاركات: 10431

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر سلامات ــ
    نصاب بالمغص كلما سمعنا مثل هذه الامور ، وللاسف الحاجات دي ناتجة عن خلل كبير في تركيبتنا النفسية ـ ودا ما حاصل في سودانير بس، بل في كل مرفق عام ـ الناس كلها خاته اخلاقها في نخرتها وكل زول داير يبين شطارته باهانة الآخرين ـ أخلاق مافي!!! ـ و عشان نصل مرحلة الموظف البتخت أضانك في خشمه وما تسمعه دا عيييييك!!!!! ــ الغريبة ان السوداني دائمآ ينظر للسوداني كعدو يجب الحذر منه ـ!!! ــ ما عارف المصيبة دي حدها وين !!!! ـ

    ياخي انا يا دوب انتبهت ان نحن قوم حمقي وطبعنا حاد ـ اذا عينك وقعت في عين زول لأكثر من ثلاث ثوان يطير معاك شكلة ، والزول الهادئ ورزين هو الحالة الشاذة التي يشار اليها بالبنان !! ــ بالمقابل في البلاد دي الزول كثير الكلام هو الحالة الشاذة ــ ياخي انا اعترف بأني مصاب بصدمة أخلاقية!!! ــ
                   |Articles |News |مقالات |بيانات

05-07-2003, 12:10 PM

ابو فاطمه

تاريخ التسجيل: 05-04-2003
مجموع المشاركات: 499

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر
    تعال وشوف انت سخافه المعامله في المطار
    ياخي ديل خاتين هنود ما عندهم اخلاق عشان يتلامو على الناس بي الرغم من انو جميع باقي الخطوط بترحب بركبا و بيبتسمو ليك عندما يروك
    لا الناس الطيره الفقر دي
    مكشرين ولميضين واخلاق ما تشتريها بقرش
    تقول مدنك التزكره بلاش
    وياريت ده وبس
    ياخي مافي اي اهتمام بي الناس
    والله دي مره متأخره يومين
    مش ساعه ولا يوم
    لا يومين
    بالله كبايه مويه ما ادوها للناس
    وبعد ده اعتذار سااااكت ما اعتذروهو
    ومدير المحطه اتزهج في الناس تقول شغالين عندو
    عليك الله انسنا منها دي طيران يطمم البطن
                   |Articles |News |مقالات |بيانات

05-07-2003, 12:25 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: ابو فاطمه)

    اخى الحبيب
    ياسر
    ربنا يسهل على المدام
    ويكفيكم شر سودانير
    وتحياتى
    لك والاولاد
                   |Articles |News |مقالات |بيانات

05-07-2003, 12:30 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)



    الغربية كل ما اجي امشي حاجة تأخرني تقول لي كدي انتظر شوية، لغاية آخر مة ققرت أمشي خلاص وماشي على الباب لقيت واحد سوداني زوجته عروس وكانت داخله مع زوجتي وساعدتها في حمل الاطفال، لقيته جاي دخال بانزعاج غريب سالته مالك قال لي زوجتي اتصلت بي وقالت نزلوها من الطيارة وقالوا ليها تنتظر الطايرة التانية (والله بس باصات الصحافة شرق) وبقى يفتش فيها اها انا قلت الامش اتاكد سالت الموظف الفي كاونتر من سودانير صحي في ناس رجعهوم من الطيارة قال لي ابدا مافي حاجةزي دي والطيارة خلاص قايمة بعد خمسة دقايق، تاني جيت امش لقيت واحد صديقنا شغال في المطار قال في واحدة نزلوها معها طفل رضيع، قلت الحمد لله دي مازوجتي، بعد شوية جا واحد قال لا دي اسرة من خمسة اشخاص نزلوهم، برضو قلت الحمد لله انا اسرتي فيها اربعة اشخاص

    واخيرا وانا طالع لقيت موظف سودانير المسئول عن الطائرة سالته، هل في واحده نزلوها من الطيارة؟ قال ايوة اسمها منو قال لي اميمة مع كم طفل قال لي 3 قلت بس دي زوجتي زاتها طيب نزلتوها ليه؟ قال لي هي حامل وما معاها Mediacl Report قلت كيف مامعاها medical report انا بنفسي في الكاونتر وريت التقرير للموظفة القاعدة في الكاونتر وورتو للموظف بتاعكم وقال OK ودبسته في البوردينق باس، قال يا اخي بقول ليك ما معاها Report قلت كيف مامعاها انا بقول ليك بنفسي سلمته للموظفة قال انا شخصيا فتشت كل الورق المعاها وما لقيت الReport، وبدأ صوتنا يعلوا والناس تتلمى حوالينا، قام قال لي كدي هسع امش شوفها وين لأني انا هسع ركبتها تاكس وجيت، ركبتها تاكس كيف طيب ما تعمل نداء في الاول، بداواالاجاويد يدخلوا وكدي هسع امش الحق المره تلقاها في الشارع ماعارف تسوي شنو

    حقيقة في اللحظات ديك انتابني شعور قوي اقوم اضرب المخلوق الواقف قدامي ده واليحصل يحصل، بديت افكر انه المره ي ما معاهامفتاح وماعارفاني انا وين واكيد بتكوس فيني، طيب ح تكون مشت وين وددت الشفع وين وبدا مليون هاجس يدور في راسي وبقيت شايف ليك الموظف ده رهاب رهاب،

    بعد داك قلت الاجري احصل المره والشفع ديل اشوفهم مشو وين وبعدين لي كلام معاكم يا ناس سودانير، وفعلا مشيت جاري في الشارع زي المجنون لغاية وما وصلت البيت ، طبعا ما فيشين اها مشو وين قبلوا وين يكونوا عن ناس منو، بقيت حايم في الحلة والتفت زي المجنون امكن القىواحد يقول لي اولادك ديل جو بي جاي ولا مشنو عند ناس فلان، لغاية ما لقيت بت جيرانها صغيرة سالتها يابت خالة اميمة جات عندكم قالت لي لا لا، عايز امش سمعت صوت بكاء طفل عرفت طوالي ده صوت مروه بتي لكن وين هي ما عارف باريت الصوت لقيت ما وصلت بيت جيرانا الهم قاعدين فيه لقيتها فعلا مروة ومحمد سالت ناس البيت وين امهم قال لو لي مشت تشوفك عند ناس الرحمابي، خطفت الشافعين وجري بيت الرحمابي لأنه عارف ناس الرحمابي مافي في البيت وقبل ما تمشي حتة تانية احسن الحقها، الحمد لله ربك رب الخير لقيتها في راس الشارع جاية من بيت ناس الرحمابي، بسرعة ركبت وجري المطار مرة تانية لأنه في طيارة الساععة تمانية ونص والوقت داك الساعة بقيت تمانية ولما وصلنا المطار كانت الساعة بقيتتمانية وتلت، ولكن كعادة السودانية اتاخرت مرة تانية.

    وللقصة بقية مع موظف سودانير اخصائي النساء والولادة لكن ما عارف الشغلة في سودانير شنو ولا تكون دي واحد من المهارات الجديدة

    (عدل بواسطة Yassir7anna on 05-07-2003, 12:33 PM)

                   |Articles |News |مقالات |بيانات

05-07-2003, 12:36 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاستاذ حمزة سليمان

    لك التحايا والشكر جزيل أخي

    سلمت أخي
                   |Articles |News |مقالات |بيانات

05-07-2003, 12:52 PM

haleem

تاريخ التسجيل: 10-09-2002
مجموع المشاركات: 0

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    على اليمين قصتك زعلتني لما فكرت أطلع الآن من المكتب على مكتب سودانير بالرياض ويديهم الواحد علقة
                   |Articles |News |مقالات |بيانات

05-07-2003, 12:59 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    العزيز ياسر
    طبعا ربنا يحل المدام على خير.. واظن الوصف الذي أسبغه أحد الظرفاء على طاقم سودان أير وهم يدخلون صالة السفر في مطار القاهرة يخفف عليكم شوية.. بأنهم " زي البوليس القابض ليهو على كشة".. وطبعا المنظر كان الطيار ومساعدوه وخلفهم المضيفات "الفاتنات".. يا راجل أحمد ربك انهم عملو دكاترة والمدام لسة في الأرض..
    لكن لسة عندي سؤال:
    وين الرجال الكانو في الطيارة؟ ولا كلام حبوباتنا على كرري كان صحيح؟؟‍‍
                   |Articles |News |مقالات |بيانات

05-07-2003, 01:04 PM

Hozy

تاريخ التسجيل: 13-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر حنا

    والله القصة ما سودانير بس

    القصة بلد بحاله

    أنا جربت امشي السفارة قبل اسبوع تقريبا
    انا معاي كانوا عاديين بس جاءوا بعدي 3 نساء
    كل واحدة كان عندها مشكلة غير
    الموضوع مش اتحلت مشاكلهم ولا لا ، وانا قاعدة منتظرة جوازي
    المشكلة في طريقة مخاطبة الشخص المسئول وقرفه من الناس دي
    واحدة فيهم طبيبة كانت شغالة في منظمة في السودان
    بيتعامل معاها كانها شي مقرف مقزز وواحدة تانية
    كان في عيب كبير في جوازها برضو استفزاها بطريقة
    انا اتوترت قلت اتحرك من هنا قبل ما استلم الموضوع واخسر جوازي

    غايتو
    احنا ليه ما بنعرف نطلع الكلمة الكويسة؟
    استفزازينين ومستفزين برضو

    ماعارفة ده سبب البيئة ولا شنو؟
    تلاقي الواحد ما عنده اخلاق خالص
    يعني كأنه داير ليه معاك سبب عشان يفتح نار
    لاي سبب مهما كان تافه

    والله الله يبعدنا من جنس ده

    تحياتي للمدام
    والله حقو بالجد ترفع عليهم شكوى والله

    عشان يعلموهم الادب وحسن السلوك
                   |Articles |News |مقالات |بيانات

05-07-2003, 01:10 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)


    عزيزي حليم
    كتر الف خيرك على الشعور النبيل، والله انا لي هسع كل ما اذكر الموضوع ده تجيني رغبة تاني امشي ليهم في مكتبهم واقع فيهم ضرب، لأنه ديل كمية الخلعة الدخلوها فينا والاحباط النفسي القهر المارسوه علىالمدام خلو حالتها تحنن الكافر

    شكرا ليك اخي

    العزيزة رجاء

    بارك الله فيك، صدقت والله،تعرفي انا عندي احساس انه الناس ديل حاسين انهم احسن خطوط طيران في العالم عشان كده طالعين في الكفر ويعفصوا في الناس شمال ويمين

    موضوع الرجال ده انا لما اذكره بتغاظ زيادة ، يعني بستغرب ما في واحد يقوم يوقف المضيفات ديل في حدهم من بين الرجال الفي الطيارة ديل كلهم، فعلا حاجة غريبة وتدعوا للستفهام والتعجب

    تسلمي أختي
                   |Articles |News |مقالات |بيانات

05-07-2003, 01:14 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخت العزيزة Hozy

    فعلا كما ذكرت المشكلة مشكلة بلد بحالة وهذه عينة من كثير، وابسط مثال لما تمشي جهاز المغتربين، اظن الواحد لو انت قاتل ابوه ما اظن يتعامل معاك بالصورة دي

    فالمشكلة جزء من كل عايز تغير واعادة صياغة

    لك الشكر اختي
                   |Articles |News |مقالات |بيانات

05-07-2003, 01:29 PM

james
<ajames
تاريخ التسجيل: 21-06-2002
مجموع المشاركات: 2716

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    up
                   |Articles |News |مقالات |بيانات

05-07-2003, 01:38 PM

james
<ajames
تاريخ التسجيل: 21-06-2002
مجموع المشاركات: 2716

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: james)

    الموضوع ده يا بكوري
    المفروض يكون ثابت هنا
    لانو نفس المشكلة والزلة ممكن
    يتعرض لها اي شخص فينا

    (عدل بواسطة james on 05-07-2003, 01:42 PM)

                   |Articles |News |مقالات |بيانات

05-07-2003, 02:32 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)



    وطبعا لغاية والوقت داك انا قايل القصة بس في medical report ما عرفت بالحصل جوه الطيارة من استفزاز الا بعد ما لقيت المدام ونحن في طريقنا للمطار حكت لي الحصل جوه الطيارة، فعلا في اللحظات ديك حسيت انه الدم بيغلي في عروقي من الزعل واتمنيت لو كنت في الطيارة الوقت داك

    المهم وصلت ومشيت طوالي على مكتب الادارة في المطار وقلت ليهم عايز اقابل اكبر اس موجود هنا، قالوا لي ما في الا ال duty officer وين هذا الduty officer فتشت عليه سلقط ملقط ما لقيتو في النهاية لقيت واحد لعده طوالي قال ليه انا عايز اشتكي الطيران السوداني حصل كده وكده وعايزك هسع دي تفتش البوردين باس بتاعالمدام عشان تثبت ان ال medical report كان موجود فعلا ودي غلطة الخطوط السودانية .... قام قال لي ياخ احسن امشي قابل موظفين السودانية حاول حل المشكلة ودي يعني كتل لي الدش في ايدي

    مشيت افتش موظفين سودانير لقيتهم في الكافتيريا بيشربوا في شاي ومنتظرين الطيارة التانية، مشيت عليهم، قلت ليهم عايز واحد فيكم يمشي معاي عشن يفتش الكبونات بتاعاتالمسافرين عشان اثبت ليكم انه التقرير موجود معاكم، وهم اتاريهم الوقت داك اكتشفوا ان التقرير معاهم وفعلا موجود، اها الطريقة التخارجهم شنو، فقام رئيسهم الذي علمهم السحر، قال اسمع التقرير نحن ورينا للكابتن ولقى مكتوب فيه 31 اسبوع وقال دي ما ممكن تسافر، قلت ليه انته ما قلت التقرير اصلا ما موجود كيف وريتو للكابتن والكابتن قراهو، طوالي حول الموضوع وقلب انجليزي thirty one weeks is not acceptable by any air lines وبعدين نحن بتهمنا سلامتها هي انحن عندنا safety first وانت مفروض تكون حريص على سلامتها اكثر مننا لأنها هي في حالة لا تسمح ليه بالسفر لأنه من شكلها كده هي في ايامة الاخيرة وح تلد في اي لحظة لأنه بطنها نازلة شديد (بقى داية هنا) وشها متغير وظاهر عليها الارهاق الشديد يعني الطيارة دي لو قامت كده ح تلد طوالي، للحظات انا بديت اصدق هذا المخلوق وقلت يمكن كلامه يكون صحيح، وانت مفروض تكون حريص على سلامتها لأنه في الاسبوع الواحد تلاتين ممكن تلد فما مفروض تخليها تسافر في حالة زي دي

    هنا قمت نطيت ليه في حلقة قلت اسمع انا لا بفهم في الطب ولا بفهم في الولادة ولا بفهم في الطيران، عندنا طبيبة متخصصة دارسة طب ستة سنوات ومتخصصة نساء ولادة ومتابعة معانا الحمل ده من اول يوم ومشينا ليها قبل السفر بي مده وقلنا ليهاانهالمدام ح تلد في السودان قالت ما في مشكلة بس تسافر قبل الاسبوع الثاني من شهر سبعة كاقصى حد، وطلبت منناانه نجي نقابلها قبل السفر عشان تحدد، وفعلا مشينا ليه وكشفت عليها وقال ما في اي مشكلة انها تسافر، وانا بثق في كلام الطبيبة وبؤمن بالله، والرايده الله كله بتم لو شاورت الطبيبة ولا مشاورتها، ولا بقدر اناقش القدر ولا باليحصل شنو ما بيحصل شنو اي شي محتمل وارد بعد كلام الطبيبة، والمعروف قوانونا طالما الطبيبة دي قالت انه ممكن تسافر ووقعت على الشهادة يبقى هي وحدها البتتحمل المسئولية اذا حصل اي شيء

    فلما لقى افادته التخصيصة لم تجدي حاول يلجا للوسائل العاطفية، قال بالحرف الواحد طيب انت ما تخليها تولد هنا احسن ليك، هسع توديها السودان يقوموا يودها ليك الدايات ولا مستشفى امدرمان يقوموا يدوها ليك حقنة ولا مصيبة، واسمعها دي نصحية مني، وكدي انت فكر في الوضوع ده وادينني رايك

    قلت يا اخ اسمع انا عايزة تمشي تلد في السودان، والرايده ربنا بيحصل كان هنا كان هناك، قام قال لي خلاص في الحالة دي الا نشوف الكابتن لو وافق نخليها تسافر (يعني في النهاية بقيت اناالغلطان ومنتظر تعطفهم وفضلهم علي) قلت جدا شوف الكابتن شوف اي واحد وافق وافق ما وافق اديني تذاكر دي خليني امشي اشوف ليهااي خطوط طيران

    وبعد مدة جانا تاني قال الكابتن وافق بس لا زم تمضو تعهد، قلت ليه جدا مضينا التعهد حتى خلوها ركبت الطائرة

    واهي الحمد لله وصلت اهلها في امان الله
                   |Articles |News |مقالات |بيانات

05-07-2003, 08:52 PM

altahir_2
<aaltahir_2
تاريخ التسجيل: 17-11-2002
مجموع المشاركات: 3949

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر تحياتي وربنا يحل المدام بالسلامة
    والله القصة محزنة ومؤثرة وسؤال رجاء في محله وشخصيا انا لو كنت في محلك كنت اتصرفت بي اسلوب تاني لكن علي الاقل لازم ترفع شكوي في سودانطير دي تطير عيشتم
                   |Articles |News |مقالات |بيانات

05-07-2003, 09:58 PM

hammama
<ahammama
تاريخ التسجيل: 19-12-2002
مجموع المشاركات: 296

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: altahir_2)

    العزيز ياسر حنا
    معظم شركات الطيران العالميه تشتغل حسب قوانين معترف بها ومتفق عليها واحدث هذه القوانين هي الJAR وهي Joint Air Regulation وهذه ظهرت مع اروبا الموحده وهي حســـب خبرتي الافضل من ناحيه الاهتمام بالسلامه وتوزيع المسؤليه وحسب علمي ايضاً ان معظم الشركات تتعامل مع ال pregnency كالاتي up to 32 weeks no problemo
    34 to 36 weeks you will need a medi form
    after 36 week no way to travel ولكن الخطوط السودانيه لا تتعامل باي من هذه القوانين بل قوانينها راجعه الي زمن ال CA وده حتى الانجليز اهلو تركوه الى الافضل اما عن تعامل المضيفات والله ما حدث شئ مخجل وبصراحه لو كان من زول غيرك احتمال ما اصدق انو في زول اختار المهنه دي وده تعاملو مع الركاب لكن تقول شنو يا ابو اليا ياهو كلو حال البلد لكن بتغير ان شاء الله للمدام الف سلامه واظنك عارف نصيحتي اذا عايز تجرب شركه طيران تانيه وده ح يكون احسن الف مره ...
    سلامي مره اخرى وانا اداري خجلي
                   |Articles |News |مقالات |بيانات

05-07-2003, 09:29 PM

msd


للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    Dear Yasir
    I hope health for your wife and you, what has happen by Sudanair, is a very bad example of uncivil way that you faced many times in Sudan, I do not know why people not respect each other, your case was repeated many times with many persons, but no one take action against, any way I do not ask people to left Sudanair, but I hope that Sudanair change its way.
                   |Articles |News |مقالات |بيانات

05-07-2003, 09:57 PM

الرشيد أحمد القاسم

تاريخ التسجيل: 24-02-2003
مجموع المشاركات: 0

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    ياسر - لك التحية
    طبعا انا طلقت سودانير بالتلاتة لانو مرة متاخرين في المطار خمسة ساعات وبعد دا كلو ودونا دنقلا وهناك ساعتين نزلو ناس دنقلا وشحنوها مرة اخري وكمان بعض جولات البلح
    والمشكلة اننا استحملنا كل شي ولكن حدث بمطار الخرطوم ما ازعجنا جميعا حيث تلخبط العفش ناس نزلو عفشهم بدنقلا وهم قاطين الخرطوم والعكس

    ولك التحية مرة اخري وربنا يحل المدام بالسلامة
                   |Articles |News |مقالات |بيانات

06-07-2003, 08:29 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    عزيزي منير

    لك التحايا، فعلاً شيء محير هل نحن اصلاا عدائيين ؟ مع انه كل الناس بتقول انه السودانين طيبين لكن الواقع غير، الا نكون طيبين مع غير السوداني وعدائيين مع بعضنا البعض، واذكر الاخ الرحمابي كان منزل بوست عن العدائيةفي التراث السوداني يخيل لي مفروض الواحد يرجع يقرا البوست ده مره تانية

    العزيز جيمس
    كتر الف خيرك وبارك الله فيك

    العزيز الطاهر2
    شكرا ليك كتير، ياخي ديل تعرف في النهاية بمارسوا عليك قهر عجيب جدا لدرجة انك تشعر انت الغلطان فعلا، لو لاحظت للقصة ان مدير سودانير في النهاية خلاني انا البقيت في موقع الدفاع
    والله بس الشكية لأب ايدا قوية

    حمامة وينك يا غالي
    في اللحظة ديك اشتقت ليك واحتجت ليك، وياريت لو كان عندي تلفونك، تعرفوا يا اخوانا حمامة ده انسان مهذب وراقي لدرجة ما تتخيلوها من ما نحن صغار والزول ده اسلوب تعاملوا راقي لدرجة لمن تعقد، فانا امس والله العظيم اليوم كله بفكر يا ربي حمامة ده كان شغال مع الناس ديل كيف؟ لكن الحمدلله الربنافكاك منهم
    وشكرا ليك عزيزي علىالمعلومات القيمة، تعرف مدير سودانير قعد يقول لي Thirty one week is not accpetabel by any airlines وبعدها مشيت سالت طبيب فقال لي لحد 34 ممكن تسافر عادي بعدها ممكن يكون في خطورة، لكن زي ما قلت سودانير اصلا ما عندهم اي قانون شغالين بمزاجهم وكانوا بحاولوا يغطوا غلطتهم لأن الخطا خطاهم هم من البداية ولو فرضنا كللام المدي صحيح كان مفترض الكلام ده يتقال من الكاونتر مش بعد ما يضيعوا التقرير يجوا يحاولا يبرروا غلطتهم، وانا حاولت اشتكيهم في المطار لكن انت عارف العمانين، ناس طيبين وما بحبوا المشاكل فاصروا علي احل المشكلة وديا مع انه كل الخطوط وموظفينالمطار عرفوا بالحادث وطبعا عرفوا دي غلطةمنوا. ونصيحتك عرفتها وياريتني اخذت بيها لكن تقول شنو القدر بيعمي البصر، وسودانير دي شوفتي ليها تاني
    شكرا ليك عزيزي

    عزيزي msd

    اتفق معك تماما وكما ذكرت سابقا للأخ منير انه في شي خطا في تركيبتنا نحن السودانين احسن نقعد ونتفاكر فيها عشان نحاول نحلها
    شكرالك أخي

    عزيزي الرشيد

    شكرا ليك عزيزي، والله حكاوي سودانير اغرب من الخيال، اول امس في احد المجالس ونحن بنقاش المشكلة الحصلت قام احد الاخوان ذكر انهمرة جاي من السودانوالطيارة اتاخرت سبعة ساعات في المطار، المهم بعد ما ركبوا وجابوا ليهم العشاء فالراجل قال هو شامي ريحة عفنة خلاص لكن ماعارفها اي من وين المهم مع التعب والجوع اكلواالعشاء قام بعد شوية جاهم المضيف وقف ليهم في النص وقال ليهم والله يا اخوانا العشاء الاديناكم ليه ده في جزء بايظ فباللهكل واحد يشم صحنه قبل ما ياكل والاكل خلاص غايتو ربنا يتولاه، والله العظيم انا ضحكت لم اتشرقت رغم الحزن المعتريني، لأنه شر البليه ما يضحك، فبالله عليك ده طيران يصح ان يطلق عليه هذا الاسم المفروض يسموها نقليات السودان بدل سودانير

    لك التحايا عزيزي
                   |Articles |News |مقالات |بيانات

06-07-2003, 08:50 AM

دورنقاس
<aدورنقاس
تاريخ التسجيل: 08-06-2003
مجموع المشاركات: 1153

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر


    يا اخوى ربنا يحل المدام بالسلامة
    وعاد انحكى ليك قصة اسرتى مع القشيرة
    حجزت ليهم بالقشيرة للسفر للخرطوم يوم الاثنين 30/6
    تصدق وصلو الخرطوم يوم الخميس 3/7 الساعة 8.30
    والشى الغريب انو يوم وزن العفش القام بالوزن لركاب القشيرة موظف واحد .... هل يعقل هذا
    وهل يحدث هذا فى شركة طيران محترمة
    القشيرة رزيلة
                   |Articles |News |مقالات |بيانات

06-07-2003, 09:41 AM

ترهاقا

تاريخ التسجيل: 04-07-2003
مجموع المشاركات: 4984

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: دورنقاس)

    العـــزيز ياسر

    الله يخلص المدام بالسلامة ،وإنشاء تكون ولدت ؟ والله ديل بى طريقتهم دى يولدوها قبال يومها.

    لكن المشكلة ياخ ياسر زى بقت مشكلة الانسان السودانى ،اى حاجة فيها صف هو لازم يخلص بالاول ،هذا إلى جانب لو لقى ليهو زول بيعرفو فى اى مرفق ، اموره كلها تتحل بسهولة على حساب الواقفين ساعات ،يمكن عشان إحتكيت إنت بسودان طير عرفت الحكاية دى ، لكن المشكلة الظاهرة دى فى كل المرافق ،وبطريقة انانية ومخجلة ،ده غير إنو الانسان السودانى بقى عدائى حتى مع سلطات الدولة المضيفة ،متباهيا بىإنو وقف الراجل عند حده وجمل زى دى لاتسمن ولاتغنى من جوع .

    وعندى مثال بسيط لمن شفت إتنين سودانيين دوروا ليهم شكلة فى المطار ،الحقيقة كانو فى صف الوزن ، ده يقول دخلت قدامى وداك يقول انا كنت واقف قبل ما إنت تجى وحاجات كريهه زى دى ،وكل ذلك وجنسيات من دول اخرى تنظر إليهم بإستخفاف ، وتخيل المشكلة إنتهت كيف؟
    واحد من المتشاكلين كان بى ذقن كده وتوعد الطرف الاخر بى إنو حيوريهو لمن يصلوا الخرطوم (حأفرجيك) بطريقة الشوام .

    وهاك يا بلد
                   |Articles |News |مقالات |بيانات

06-07-2003, 09:33 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)


    الأخ ياسر
    لك تحياتي وتمنياتي للمدام بالعافية والسلامة
    من المؤسف جدا وهذه حقيقة أن تركيبتنا النفسية تجعلنا لا نصلح لأي عمل يتطلب قدرا من المرونة والبشاشة وسعة الصدر..ودعنا نقولها بصراحة الإتيكيت..نحن يا عزيزي لا ننفع في أعمال الضيافة لا في طيران ولا فندقة ولا سياحة..وحتي مجال التمريض الذي هو قمة الرحمة والإنسانية..نحن أناس يفشلون في اي مجال يتطلب إبتسامة..فقط إبتسامة..نولد بتكشيره غبية على وجوهنا ونمشي بها بين الناس أينما حللنا..ونودع الدنيا بهذه التكشيرة...لذا فطيراننا فاشل...سياحتنا إشاعة لا تتعدي حضور العرب من هواة القنص للدندر..وتمريضنا حدث ولا حرج..ألإبتسام واللطف عملة نادرة عندنا ..بل قل منقرضة..أو أنها لم تخلق عندنا أصلا..تعاملت مع سودانير مرتين في حياتي..مرة وأنا في طريقي من القاهرة إلى الخرطوم..ونحن أمام سلم الطائرة..علمنا إنها...إتملت ومافي مكان....نعم والله هكذا...وما حصل أن عائلة مكونة من سبعة أفراد جاءت إلى المطار دون حجز ولديها واسطة فأخذت مقاعدنا ولصلة قرابة تربطني برب العائلة الوجيه سكت...فعرض مدير مكتب سودانير أن يتعطف علينا بمقاعد في الدرجة الأولى شريطة ان ندفع فرق السعر فقبلنا..الدرجة الأولى.. وما أدراك ما الدرجة الأولى..دخلتها فاذا بكل ما يباع في العتبة وفوم مصر وغثائها وبصلها وعدسها..يملأ الممرات أمام المقاعد وخلفها..ومعظم مقاعد الدرجة الأولى مشغولة بمسئولي سودانير الذين اعرف بعضهم ممن جاؤا للتسوق وتحميل دفارهم من خيرات وبكميات تجاريه..المرة الثاتية وكنت مضطرا لركوبها وأنا على عجل..من بورتسودان إلى الخرطوم...عام 1989 ووالله العظيم أنني عددت حوالى 12 من أضاءة السقف ترتج وهى إما مربوطة بمسمار واحد أو بدونه..وكانت إحداها تتأرجح لا يمسكها إلا السلك الكهربائي بعد أن غادرت موقعها في السقف ..تضربني مرة على رأسي وأخرى على رأس الراكب الذي كان يجاورنى وهو خواجة..معه مجموعة من مواطنية كادوا يهلكون من الضحك وهم ينظرون إلى الأنوار والمقاعد المخلعة غير مصدقين..المرة الثانية ولله الحمد لم أكن مسافرا عليها بل كنت في إحدى المطارات الخليجية مستقبلا أحد الأقارب..هبطت وما أن هبطت الطائرة حتي إنفلت أحد الأجزاء المفصلية في الجناح ووقع على أرض المدرج...حمدنا الله على أن هذا حصل بعد الهبوط ولم تحدث كارثة..أما عن مضيفات سودانير..فالضرب في الميت حـــرام.....تحياتي
                   |Articles |News |مقالات |بيانات

06-07-2003, 11:37 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ دورنقاس
    تعرف اسرتك كان كدي وصولا في زمن قياسي، لا حول ولا قوة الا بالله العلي العظيم، تعرف زي سودانير دي مفروض نقليات مش خطوط طيران، لأنه مافي خطوط طيران محترمة بتعمل كده

    شكرا لك أخي

    عزيزي ترهاقا
    تعرف ما المشكلة من الخطوط نفسها لأنها لو الخطوط محترمة كان صفوفها بتكون محترمة، تعرف في عدد من الخطوط الاخرى زي الخليجية والقطرية والاماراتية عندها سفريات للخرطوم لكن دايما صفوفها محترمة ومهذبة، لكن زي سودانير ديل ما الحال من بعضه

    تسلم أخي

    العزيز Nile1
    شكرا ليك كتير علىالمداخلة الجميلة، وفعلا نحن شعب لا يحسن الابتسام منذ نعومة الاضافر، عشان كده ما مفروض نشتغل في مجالات زي دي، والله مضيفات الخطوط الاخرى لما يعقودك مرات لما تقول والله المضيفة دي اتكسرت فوقي عديل كده، اما مضيفات ديل فيخيل لي مفروض يحترموا نفسهم ويشوفوا ليهم شغلة تانية احسن ليهم

    شكرا ليك عزيزي
                   |Articles |News |مقالات |بيانات

06-07-2003, 12:04 PM

hammama
<ahammama
تاريخ التسجيل: 19-12-2002
مجموع المشاركات: 296

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاخ ياسر شكراً سيدي ويجعلك تسلم
    للعلم تمت دعوه مسؤلين في قسم الضيافه لزياره هذا البوست والرد على ما جاء فيه وان كنت اعلم انه صعب تحديد من المسؤل لانو حتى في سودان اير ما اظن عندهم NAME PATCH علشان تعرف من الذي يعامل الناس بطريقه سيئه لكن انا متاكد انو في اكثر من طريقه لتحديد المخطئ
    الاخ نايل ون عدد من كان او ما زال يعمل في شركات طيران عربيه بل حتى شركات مثل BRITISH AIRWAYS من السودانين والسودانيات عدد ما ساهل وهم علي نسبه عاليه من اللطف ودماثه الاخلاق لكن الوضع يختلف مع السودانيه والاسباب كتيره ولا تحصى لكن بالجهد والعمل ممكن كل شئ يتغير كدي هسع النغير الحكومه الباقي ساهل !!!!
                   |Articles |News |مقالات |بيانات

06-07-2003, 01:46 PM

Munir
<aMunir
تاريخ التسجيل: 11-02-2002
مجموع المشاركات: 10431

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الهداوة .. الهداوة .. الروقة.. الرزانة .. الأدب .. الأمانة .. احترام الآخرين ـ ضيف ليهم النظافة ـ دي صفات مهمـة جدآ عشان نبقي شعب راقي مؤهلين للتطور والتقدم وحتي الحريـة ــ
    مرة كنت ملطوع ترانزيت في مطار الملك عبدالعزيز منتظر السفرية (بالسعودية) للخرطوم ـ وكانت الصالة تملأ وتفرغ عند الاعلان المتواصل للرحلات ـ داخلية وعالمية ـ والشغلانة ماشة بهدوء ونحن كلنا متكيفين وآخر انبساط ـ و لكن عند اقتراب مواعيد سفرية الخرطوم تعال شوف بقي الصالة دي جاطت كيف ـ شفع جارين يمين وشمال وآخر نطيط وكواريك و دهب وعكش يكشكش و فوضي شديدة ـ شئ مخجل ـ اقترب مني شاب سوداني وقال لي انه سمع اثنين من الموظفين السعوديين بالصالة يتهامسوا بقولوا ان مافي حاجة مكرهاهم العيشة غير السفريات المتجهة الخرطوم !! و كانو !!!!!!!! ـ
    يعني الشغلانة بايظة من اساسها ـ هو مش مضيفات سودانير ديل برضو والداتنهن بطون سودانية؟؟ ــ ـ
                   |Articles |News |مقالات |بيانات

06-07-2003, 02:23 PM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)


    الأخ ياســـر
    تحياتي
    Quote: والله مضيفات الخطوط الاخرى لما يعقودك مرات لما تقول والله المضيفة دي اتكسرت فوقي عديل كده،

    إنت قايل دا ماحصل معاي؟؟؟؟؟؟في التمانينات بعد ما خلصت بكالوريوس قررت أعمل دراسات عليا وأتخصص في مجال عملى الهسع شغال فيه...وطبعا ماكان في طريقة لأغبش زيي غير يشتغل شويه يلملم تكاليف الدراسه..المهم جيت هنا إشتغلت شويه..ومشيت أوروبا على لوفتهانزا عن طريق البحرين..وأذكر إنه الطياره كلها كان فيها زي 15 راكب بس..من ضمنهم شلة شباب من الجماعه الطيبين ديل..طبعا القعده في مطار البحرين كانت طويله شويه..فالجماعه ديل لما طلعوا الطياره كانوا قرود عديييل ..آخر سفاهه ومقابضه لدرجة نفرت منهم المضيفات..المهم من أول ربع ساعه في الرحلة كانوا المضيفات السته حسسوني بأني أهم راكب في الطياره..في الأول لما جات الأولي وضيفتني بمنتهي الرقه وبابتسامه عمرى ما نسيتها..سألتني من وين؟؟قلت من السودان-أفريقيا..قالت عندك مانع لما أخلص توزيع العشاء أجي أتونس؟؟؟دون وعي مني قلت..بالعربي طبعا..الله أكبر والله كنت مستهون نفسك يامسيكين..سألتني بقول في شنو؟؟ قلت ليها لا مافي مانع...وكانت أول مره أتكلم فيها مع نفسي وأتاريني كنت مذهول وبتكلم بصوت عالي بس الحمد لله ماكان في زول جنبي...ياسلام بالله شوف الناس الراقين البعرفوا قيمة الوسامه حتي لو الزول الوسيم دا أسود..هسع الخواجيه دي من أول نظره عجبتها..والله حاجه غريبه...طيب أمي ليه كلما تزعل مني تقول الجنا الشين القبيح دا نشف ريقي؟؟؟يا ربي قصدها شنو؟؟؟معقول لو كنت شين وقبيح كانت المضيفه الأحلي من العسل دي فصلت من أول نظره؟؟؟أكيد كلام أمي دا وراهو سر...ولازم اعرفه....أيوااا بس عرفت الحكايه..والله الوالده حكيمه...ما دايره تسمعني كلمة وسيم دي عشان ما أبقي زول مغرور ومفتري..المهم جات قعدت في الكرسي الفاضي جنبي وقعدت تتونس..وطبعا الرحله طويله..قالت لى عازماك علي شراب..داير تشرب شنو؟؟؟ قلت ليها شاي ..ضحكت وقالت لي بتتكلم جد قلت ليها ايوه أنا مابشرب حاجه غير الشاي والمويه ..جابت الشاي ودخلنا في ونسه ..البنيه أدتني عنوانها وتلفونها وقالت لى ممكن تتصل في أى لحظه لو إحتجت مساعده..وأخوك طال كم شبر لى فوق..وجو إتنين من زميلاتها وخشوا في الونسه..وبرضوا كل واحده عزمتني على حاجه...الله أكبر هسع أربط مع ياتها فيهم..الله يسامحك يمه...شابكاني شين شين لامن مرقتيني من المولد بلا حمص كل ما بت تعاين لي ساكت أزوغ وأقول دي بتعاين لي شناتي المره..لو ما كدا هسع كنت أكون صاحب خبره وأكون عارف أتصرف كيف مع التلاته المتكسرات فيني ديل..لكن معليش إن شاء الله أعوض وأبقي دون جوان العصر..المهم نزلت المطار ودخلت المدينة دخول الفاتحين..فاتضح لي أن الرسبشنست في الفندق إتكسرت برضها أول ما شافتني...وتاني يوم في الكليه..بتاعة الإستقبال أول ما شافتني فصلت وقابلتني بأحلى إبتسامه..وتعال شوف البنيات كلهن..لى حدهن كل واحده إبتسامه حلوه وصباح الخير تطلع من خشيماتهن زي السكر...وإحترت.. ياربي ديل كلهن ماشافن ليهن شاب أفريقي وسيم؟؟؟معقول الكلام دا...الحكاية دي وراها سر كبير...وقفت قدام المرايه وعرفت السر...سر إبتسامتهم الحلوه وتكسرهم فينا هو تكشيرتنا...الغريبه نحن ناس حبابك عشره بلا كشره...لكن بنقولها بس..بس مافي بيان بالعمل ..مافي إبتسامه...و...حبابكم عشره بلا كشره
                   |Articles |News |مقالات |بيانات

07-07-2003, 12:03 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: nile1)

    العزيز Nile1

    لك التحايا، بارك الله فيك لرد البسمة لنا، قلت الجكس كله اتكسر فيك والله بختك، لكن بيني وبينك فرق بين السماء والارض بين تعامل مضيفاتهم وتعامل الغفر بتاعيننا، قال ليك مرة في طيارة والعهدة علىالراوي انه بعض الاشخاص طلبوا موية من المضيفة قامت نخت ليك فيهم وقالت هو شنو كلهم عايزين تشربوا، العايز مويه هديك التلاجة اليقوم يشرب براه

    ومره حكت واحدة زوجة صديقنا هنا في مسقط انها جاي من السودان للمسقط طبعا ساهروا بيهم الليل والنهار، جوه الصباح بعد ما وزنوا قالوا ليهم الطيارة اتاخرت امشوا بيوتكم وتعالوا بعدين العصر، جوا العصر قالوا ليهم لسه ما جات تعالوا بعدين الساعة انتاشر جو الساعة انتاشر قالوا ليهم لسه ما جات ارجعوا بيوتكم وادونا تلفوناتكم نحن بنتصل بيكم وقد كان، لسه ما رجعواالبيت اتصلوا بيهم قالوا ليهم الطيارة جات يلا ارحكم، شفت لعب الشفع ده كيف، اللذيذة قال ليك بعد ما ركبوا والطيارة قامت، جات المضيفة وقفت ليهم في نص الطيارة قالت هيييييييي في زول عاوز يتعشى... قام واحد زهجان قال ليها ماعايزين اي حاجة بس لو سمحت اطفي لينا الانوار دي خلينا الننوم

    تقول لي خطوط طيران

    شكرا ليك كتير نايل 1

    (عدل بواسطة Yassir7anna on 07-07-2003, 12:05 PM)

                   |Articles |News |مقالات |بيانات

06-07-2003, 11:51 AM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    والله يا ياسر ما عارف اقول لك شنو..... لكن انت راجل اعصابك من حديد.....اتحملت المسخرة دي كلها...... غايتو كان زول تاني كان خنق اقرب واحد....يا اخي والله مشكلة...في السفارات في الجوازات في المغتربين........ كلو زي بعضو كلو زي بعضو.........نحن عاوزين تغير...... يغيرونا بناس تاني
                   |Articles |News |مقالات |بيانات

06-07-2003, 12:33 PM

فيصل النعيمه

تاريخ التسجيل: 22-05-2003
مجموع المشاركات: 445

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: سجيمان)

    الأخ ياسر
    بعد التحية والتقدير
    دا والله كلام بقطع الواحد قطيع ودي حقارة وقلت أدب لا يمكن يرضاها أي إنسان لأي شخص مهما يكن ناهيك عن إمرأة ومعها أطفال وفيه إنعدام كامل للإنسانية ناهيك عن الأعراف والتقاليد السودانية الأصيلة التي من المفترض أن تكون مأصلة غي الطيران السوداني ، وبالمناسبة أنا دائماً في حجج مع بعض الأخوان حيث أنني لا أسافر بالسودانية إلا في ظروف إضطرارية جداً وطيلة عشرين عاماً سافرت بالسودانية ثلاث رحلات فقط لأنني فعلاً أقاسي مع الجميع من هذه المعاناة وعدم التعامل ..
    آخر مرة كنت مسقر والدي في شهر يناير2003م بالسودانية أتينا المطار حسب المواعيد المطلوبة بل قبلها ووقفنا في صف كاونتر البورد وشحن العفش وظللنا على هذا الحال ما يقارب الساعتين وفجأة وقد تبقى أمامنا شخصين فقط وورائنا أكثر من سبعين شخص وكلنا عاملين حجز أوكي ومؤكدين 100% وغذا يجي واحد يقول لينا والله الطيارةما فيها طريقة اتملت تخيل أنا جاي من المدينة المنورة غلى جدة مسافة 400كلم وجيت على المطار على طول في مواعيدي .ز بس قايني خليتهم مشيت لرئيسهم بقيت ليه في رقبته قلت ليهوا وقلت للمسافرين المعانا بس تعالوا وراي نمشي مكتبه وقلنا بقين واقفين وسادين المكتب وقنا ليه ما فيش واحد عنده أي طريقه وديل ناس كلهم عمرة والله لما إضطر يوافق يودي كل العايز فندق لحدي ما يجيب ليه طيارة .. وسجل السماء لما جا عندي قلت ليهو أنا ما عايز أسجل أنا داخل جدة ومرتب نفسي للسكن بس أديني رقم جوالك وبتابعك عشان أعرف موعد السفرية .. لو الناس بتاخذ حقها وتقف وقفة واحدة ما كان بعملوا كده.
    أخي ياسر هذا موقف لا ولن يرتضيه أحد لذا لا تةقف مثل هذا الموقف ولا بد من تصعيده لتأخذ بحقك وحق زوجتك خاصة في موضوع الإهانات ولا بد من كتابة رسالة تطلب فيها التحقيق لما حدث داخل الطائة من إستءة لزوجتك لأن هذا الموقف لو مر مرور الكرام سوف يكرر على غيرك ونحن ما خلانا كده إلا هذه المواقف وشايق أنك رضيت فقط بسفر زوجتك ربنا يديها العافية وإن شاء الله يحلها بالسلامة.
    أرجو وأمل منك أن تتخذ موقف رسمي من هذا الموضوع وترفع به تقرير إلى أعلى الجهات في السودانية وصورة منه للصحف لمتابته.
    مع تحياتي وتقديري ،،،
                   |Articles |News |مقالات |بيانات

06-07-2003, 01:38 PM

ترهاقا

تاريخ التسجيل: 04-07-2003
مجموع المشاركات: 4984

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: فيصل النعيمه)

    العزيز فيصل النعيمة

    كلامك ده هو المظبوط لو فى فعلا مسؤل، إنت بتتكلم عن نظام مثالى اكل عليه الدهر وشرب ،يمكن اتفق معاك فى إنو الكلام نرسلو للصحف اليومية ، ده لو ما صادروا الصحيفة اللى حتكتب الموضوع ويخسروا الصحيفة ملايين الجنيهات ، فيا اخى ذكر مجموعة من الاخوان قصة إنهم يجوا لحد الطيارة ويقولو ليهم مافى طريقة ،بالله عليك الله دى طيارة وإلا بص ابو رجيلة ؟

    انا بتفق مع المجموعة اللى بتقول مقاطعة سودان طير لحد ما يصلح حالهم ويشوفوا ليهم مسؤليين عندهم ضمير .وإحالة كل المسؤليين الحاليين لاى تصنيف يبتغونه ،
    لازم تكون فى إدارة تقدر تتحكم فى هذا المرفق الهام وتخلييها تتحرك وتصل فى مواعيدها ،عشان تكون قبلة لكل الركاب حتى من الاجناس الاخرى.
                   |Articles |News |مقالات |بيانات

06-07-2003, 01:09 PM

shammashi
<ashammashi
تاريخ التسجيل: 10-03-2002
مجموع المشاركات: 2278

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)



    الاخ ياسر
    يا أخي دي سودان طير

    أحمد ربك إنو مافكوها ليك عكس الهواء من الجو.
                   |Articles |News |مقالات |بيانات

06-07-2003, 02:18 PM

إسماعيل وراق
<aإسماعيل وراق
تاريخ التسجيل: 04-05-2003
مجموع المشاركات: 9386

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: shammashi)

    الأخ ياسر
    كيف حالك يازول، وحمدا لله على سلامة وصول الأولاد وربنا يحلهم بالعافية.. كدي حقو تروق دمك شوية وتفكر في خروف السماية.. وناس سودانطير ديل زي ما قال أحد الأخوان بفقعوا مرارة الواحد عديل كده، والمسألة يا أخوي ياسر، يبدو أنها معقدة، وده حال كل مرافقنا العامة والخاصة، يعني تجي إلى أي مرفق علشان تقضي أمورك تسمع كلام فارغ، يعني حتى ناس الضرائب البيأخذوا قروشنا وبدون فائدة تسمع إهانة منهم، إتخيل ناس تجيهم برجليك تدفع ليهم فلوس طالعة من دمك تسمع كلام فارغ، المسألة هي سلوك وتربية، المسألة تأهيل وتدريب ولكن يبدو نحن معشر السودانيين مررنا بتلك الأمور مرور الكرام.. وعلى أية حال يا حبيب قصتك بتزعل وأنا حالف يمين ما أركب سودانطير طول عمري ولو بقت الوحيدة في دنيا الطيران، وإن شاء ألله أعوم البحر الأحمر ده عوم علشان ما أصل السودان.
                   |Articles |News |مقالات |بيانات

06-07-2003, 05:35 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: إسماعيل وراق)

    العزيز اسماعيل وراق

    لك التحايا، والله ديل يجيبواالضغط والسكري ويخلوا الواحد يموت واقف على حيله، يا اخي لا يمكن يكون ده طيران ، انا حياتي دي كلها في الاغتراب الليلة حوالي 14 سنة الا 20 يوم ما حصل يوم واحد فكرت اسافر بالسودانية ولا بالغلط لكن نسوي شنو

    القدر يعمي البصر

    شكرا ليك عزيزي
                   |Articles |News |مقالات |بيانات

06-07-2003, 01:56 PM

shammashi
<ashammashi
تاريخ التسجيل: 10-03-2002
مجموع المشاركات: 2278

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    ؟
                   |Articles |News |مقالات |بيانات

06-07-2003, 01:57 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    العزيز حمامة
    شكرا ليك، واكيد لي كل قاعدة شواذ، واكيد في سودانين شغالين في هذا المجال وليهم سمعة جيدة، لكن سودانير هذه دايما استثناء، انا يخيل لي لو جابوا موظفين اجانب ح يكونوا بنفس الحال
    وزي ما قلت النغير الحكومة اول بعدين كل شي ملحوق

    عزيزي سيجمان
    شكرا ليك أخي، تعرف انا لما رجعتالمرة التانية وعرفت الحصل جوة الطيارة كنت في حالة يا كاتل يا مكتول دخلت المطار ده وصلت لغاية البوابة ومنها ال run way ما اشتغلت باي ككو قلت الليلة اليحصل يحصل، لكن في النهاية لما جا مدير سودانير بمسقط وبدأ ينهزر ليك فييني ويقول كيف تسفر المرة في حالة زي دي وانت مفروض تكون حريص اكتر مننا على سلامتها...والله العظيم لما شككني في نفسي وخلاني احس فعلا اني غلطان، لغاية ما طلعت برة مره تانية وناديت زوجتي وسالتها هل فعلا انت تعبانة او حاسة بارهاق والله العظيم ردت لي بجملة واحدة بس قالت لي انا حاسة بتعب نفسي بس...
    لكن الضرب في ميت حرام ولو كان بحسوا كان حسوا من زمان

    عزيزي فيصل النعيمة
    شكرا لك أخي كتير على هذه المداخلة وانا حقيقي ما ناوي اخليهم رغم اني في الاول قررت ان اعدل عن هذه الفكرة لأني وجدت ان احد الموظفين في سودانير هنا اعرفه معرفة وثيقة سوف يتضرر من هذه الشكوى لأنه هو المسئول عن الكاونتر ويفترض انه يكون اطلع على التقرير، لكن وجدت ان هذه الحل ح يخليهم يسرحوا في غيهم لازم يكون في حل، وفعلا اتصلت بمحامي هنا في مسقط وطلب مني بعض الاوراق وان شاء الله اول ما تكتمل ح اوريكم الحصل شنو، انا رضيت بحل انها تسافر لأني وجدت اي تأخير ح يدخلني في مشكلة اخرى لأنه زي ما تعرف انه ده موسم اجازات وصعب تلقى حجز بسهولة وبعدين هي كل ما تاخرت ماكان في صالحة، ولو لاحظت من سرد القصة انه مدير سودانير كان بحاول يزرع فينس احساس بالذنب ويطلعني انا الغلطان واقعد اقول ياالله درون

    الف شكر ليك أخي

    الاخ شماسي
    والله الحمدلله المافكوها من الجو لكن صدقني من سودانير ممكن تحصل، اذكر واحدة من الحكاوي السمعتها انه مره باب الطيارة اتفتح واظن كان رابطنو بي حبل، بالله دي خطوط طيران، دي في البصات الاهلية ما بتحصل خلي طيارة

    شكرا ليك عزيزي
                   |Articles |News |مقالات |بيانات

06-07-2003, 04:51 PM

ebrahim_ali
<aebrahim_ali
تاريخ التسجيل: 05-02-2002
مجموع المشاركات: 2968

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الحبيب ياسر حنا أولاً حمداً لله على سلامة العيال وهذا درس للجميع ‏من سوء نية بهذه المعاملة اللإنسانية وهذا أيضاً درس للجميع من ‏السفر عبر الناقل الوطني زوراً وبهتاناً ..ولكن ما أزعجني جداً هي تلك ‏الروحية الانهزامية واللامبالاة من قِبل الأخوة الرجالة الذين كانوا على ‏متن الطائرة فكان الأجدر بهم أن يقوموا بما يملئه عليهم الواجب ‏والضمير من مساعدة ونخوة وشهامة ولكن هذه المصطلحات أرى والله ‏أعلم أنها قد اندثرت مع باقي القيم التي كنا نتمتع ونتميز بها بين سائر ‏الشعوب أم ماذا دهى أؤلئك القوم عجبى
    حنا مرة أخرى حمداً لله على السلامة وأنا صباحاً كتبت لك رسالة عبر ‏‏ هذا البوست ولكن ما أدري إلى أين ذهبت فبحثت عنها في كل ‏البوستات التي رديت عليها ولم أجدها سؤال موجه للنطاسين‏
                   |Articles |News |مقالات |بيانات

06-07-2003, 05:41 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: ebrahim_ali)

    استاذنا ابراهيم علي

    شكرا ليك كتير وكتر الف خير

    تعرف انا اكثر شي حذ في نفسي وزعلني موقف الناس الكانوا في الطيارة مع اني في ناس فيهم قدمت ليهم خدمات طواعية من نفسي وطلبت منهم ايضا بنفسي انهم يخلوا بالهم من المره لأنها معاطفال وهي حامل، لكن واحاتك لا حياة لمن تنادي، فعلا شي محير وعجيب، والمفروض حتى لو ما طلب منو ولا بعرفني ولا بعرفها نخوة ساكت كان مفروض يعمل كده

    تعرف حكى لي واحد موظف طيران يوم الحادث نفسه انه مرة الطيارة المصرية عايزينينزلوا منها واحد مصري راجل ماعارف لي شنو، قال انه المسافرين كلهم وقفوا معاهوا واصروا انه الراجل ده ما ينزل ولو نزلوا ح ينزلوا كلهم

    تصور ده موقف المصرين النحن نتندر عليهم وبعدين ده راجل ما مره يعني لو كان مره كان عملوا شنو

    لك التحايا عزيزي
                   |Articles |News |مقالات |بيانات

07-07-2003, 07:33 AM

مارد

تاريخ التسجيل: 24-04-2002
مجموع المشاركات: 0

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الأخ ياسر
    تحياتى

    الحل الوحيد هو الوعى والإحتشاد لمقاطعة السلحفاة العرجاء دى

    فإما إن تنهض بعد ذلك عل أسس إنسانية ومهنية راقية ، وإما أن تموت موتا نهائيا لا قيامة بعده

    ذلك هو الحل باختصار والباب البجيب الريح سدو واستريح
                   |Articles |News |مقالات |بيانات

07-07-2003, 12:17 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: مارد)

    الاخ العزيز مارد

    لك التحايا، اتفق معك تماما في المقاطعة لأنه بفتكر الحل والوحيد الممكن يجيب نتيجة لأنه المحاكم والغرامات ما بتهمهم ابدا ولا يتعظوا لها طالما هناك ركاب طالعين نازلين فلسان حالهم بيقول العايز يشتكي اليمش يشتكي

    تعرف مرة في واحد مواطن هنا عايز يجيب امه من ابوظبي لمسقط فقطع ليها عن طريق السودانية، وفعلا المره ركبت الطيارة واتصلوا فيه ممنهناك انه امك ركبت الطيارة السودانية وفعلا الراجل جا المطار وانتظر امه تطلع من المطار ما في اي اثر لغاية ما آخر راكب طلع والسودانية قامت تاني الراجل امه ما طلعت من المطار اتصل مع ناس ابوظبي اكدوا ليه انو امه فعلا سافرت بالسودانية ورجعوا لقائمة الركاب لقى فعلا اسم امه ضمن الركاب، اتضح اخيرا انه المره فعلا وصلت مطار مسقط ويظهر انها نامت ولا حاجة وسافرت مع الطيارة مشت الخرطوم، اها لما الناس نزلت في مطار الخرطوم المرهنزلت معاهم مما دخلتالمطار شعرت انه في شئ غلط وصلت الكاونتر ناس الجوازات احتاروا انها دي جات هنا كيف لا معها تاشيرة ولاشي، المهم في النهاية عملوها تاشيرة دخول ونزلوها في فندق لغاية مواعيد السفرية التانية رجعوها مسقط، المهم ولد المره حلف الا يشتكيهم في المحكمة فقاموا عرضوا عليه الف ريال تعويض فرفض قال ليهم الا اوقفكم قدام المحكمة بس لكن ماعايز منكم اي مليم وفعلا وداهم المحكمة

    لكن لا حياة لمن تنادي، اظن ده لو حصل لأي شركةخطوط تانية كان فصلوا الموظفين كلهم ولا قفلوا مكاتبهم ومشوا لكن ديل يا كفي البلا وحايد المحن لا بيحسوا لا بيشعروا يعملوا ليهم شنو ماعارف


    شكرا ليك أخي
                   |Articles |News |مقالات |بيانات

07-07-2003, 03:38 PM

أبو هبه


للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    أخى ياسر
    تألمت كثيرا لما حدث لأسرتك الكريمة وأتمنى أن يحلها ربنا بالسلامة ويرزقكم الذرية الصالحة 0
    لي تجربة مريرة مع السودانية لا داعي لذكرها الآن ولكن هذه التجربة كان نتيجتها أن حلفت أن لا أسافر بالخطوط الجوية السودانية حتى ولو اضطرارا، وأنا منذ عام 1990 لم أسافر بها 0
    المشكلة أخي ياسر أننا شعب لا نطالب بحقوقنا حتى ولو كان ذلك على حساب راحتنا أو صحتنا ولقد مرت بي كثير من الحالات التي كان يشكو أصحابها من عدم الالتزام بالمواعيد والاستهتار بالبشر كأننا بهائم في نظرهم 0 لا أدري ما هو السبب الذي يجعل شركة طيران لا تلتزم بالمواعيد 0 من الممكن أن يكون هنالك ظروف اضطرارية ولكن تكرار ذلك ينفى هذه الصفة 0 الموضوع وما فيه أنه سوء إدارة وتخطيط وعدم اهتمام بالبشر 0 أما عن المضيفات فحدث و لا حرج ( عبارة عن تكشيرة وصرة وجه وأسلوب جاف وردود أجف ) 0
    كنت دائما أخي ياسر أتمعن في عبارة ( حقوق الإنسان ) أينما وردت وكنت أجد التفسير الملازم لها والذي يتم التركيز عليه ( حرية الفكر والرأي والتعبير وحرية الصحافة ) ولكن أعتقد أن حقوق الإنسان في السودان يجب أن تتضمن الاعتراف بأننا بشر ولنا حقوق في الصحة والتعليم والنقل وخلافه وفي هذه الحالة فإن سجل السودان يساوى صفر وللأسف الشديد لا وجود لإنسان السودان !!!
    أخي ياسر
    في فترة من الفترات كنت أعمل في سفارة دولة أوروبية وحدث أن أحد مواطني تلك الدولة كان في رحلة بحرية حول العالم ومعه زوجته وعمره كان 72 عاما وزوجته تماثله في العمر، المهم في الموضوع أن ذلك المواطن أصيب بآلام حادة أدت إلى حجزه بالمستشفى عند وصول السفينة إلى ميناء دبي 0 أتدري ما حدث ؟ تم الاتصال بالسفارة بواسطة ربان السفينة وسلطات الميناء وتم إحضار طائرة خاصة مجهزة مع طبيب وممرضين من بلده إلى دبي وبالعكس ، أتدري لماذا !!! لأنه بشر !!!
    أخي ياسر
    أرجو أن لا تسكت عن هذا الموضوع وكل أعضاء البورد معك ونحن مستعدون لمساندتك لأن الحقوق إذا تم السكوت عنها ضاعت 0
                   |Articles |News |مقالات |بيانات

07-07-2003, 07:17 PM

فقيري

تاريخ التسجيل: 27-05-2003
مجموع المشاركات: 0

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: أبو هبه)

    الاخ ياسر

    تحياتي

    قلبي معك اخي ياسر و لا تعلم كم شعرت بالقهر و انا اقرأ ما حدث مع اسرتك

    هذا موقع له صلة بالموضوع

    http://www.babycenter.com/general/pregnancytravel/pregnancy/6976.html


    و هذه بعض من لوائح شركات طيران منقولة من نفس الموقع

    Alaska Airlines — 800/426-0333
    Domestic:
    No restrictions International:
    No restrictions
    American Airlines — 800/433-7300
    Domestic:
    • Doctor's letter plus clearance by AA Special Assistance Coordinator required if traveling seven days before or seven days after delivery date
    • Restrictions based on honor policy International:
    • Doctor's letter required if traveling within 30 days of due date, signed within 48 hours of travel.
    • Travel within ten days before or seven days after delivery date requires doctor's letter plus clearance by AA Special Assistance Coordinator
    America West — 800/235-9292
    Domestic:
    • Doctor's letter required if traveling within seven days of due date, signed within 72 hours of travel
    • Restrictions based on honor policy International:
    Same restrictions apply
    Continental — 800/523-3273 (domestic) 800/231-0856 (int'l)
    Domestic:
    • Passengers advised to consult a physician if traveling after seventh month
    • Doctor's letter required if traveling within seven days of due date
    • Travel prohibited if signs of labor exist International:
    Same restrictions apply
    Delta Airlines — 800/221-1212
    Domestic:
    No restrictions International:
    No restrictions
    Northwest Airlines — 800/225-2525
    Domestic:
    • Doctor's letter required if traveling within 30 days of due date, signed within 72 hours of travel, indicating due date and that travel does not pose a health risk
    • Travel prohibited if signs of labor exist
    • Restrictions based on honor policy International:
    Doctor's letter required after 36th week, signed within 72 hours of travel, indicating due date and that travel does not pose a health risk

    طبعا من المفترض انه لكل شركة طيران قوانين و لوائح منظمة و الموضوع ما يكون قرار من الكابتن..

    تحياتي
                   |Articles |News |مقالات |بيانات

07-07-2003, 07:18 PM

بدرالدين شنا
<aبدرالدين شنا
تاريخ التسجيل: 30-07-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    بسم الله الرحمن الرحيم

    المحبوب ياسر حنّا
    سلاااااااااااااام وإحترام

    أها يا ياسر بقوا ليك تلاتة علوج وطراطير وسودانير بسوي شنو؟؟؟
                   |Articles |News |مقالات |بيانات

08-07-2003, 01:47 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26542

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)


    العزيز ياسر حنا

    أولا الحمد لله على سلامة وصول الأسرة إلى السودان، ونسمع عنهم كل خير إن شاء الله..

    ثانيا الكلام الذي قاله حمامة عن الشروط قد أغناني عن الرد.. كما أن ذكر الموضوع في البورد أتى بنتيجة كويسة وهي أن جماعة سودانير قرأوه.. وزي ما قال أحد المشاركين أن السودانيين في الخطوط الأخرى يكونون أحسن مما هم في سودانير.. لا بد من تغيير السبهللية في التعامل مع الناس، ولا بد أن المواطن يصر على حقوقه حتى يأخذ القانون له حقه بدل أن يضطر إلى أخذ حقه بيده.. أعتقد أن التغيير قادم في السودان وأتمنى أن يتعلم الناس من التجارب المؤلمة ما يعينهم على بناء وطن جميل.. وأهل السودان جميعا أهل لذلك...

    استمتعت بقراءة ما كتبه الأخ الزاكي.. والجمال الحقيقي هو جمال الروح، وجمال الروح هذا ينعكس على الوجه.. قال تعالى:
    وجوه يومئذ ناضرة * إلى ربها ناظرة

    ولم يقل أن تلك الوجوه بيضاء أو سمراء ..

    قال الشاعر العوض الموجود معكم في عمان يا ياسر

    أحب جمال أرواح غدت منزوعة الضغن
    وحلّق فوقها راع يفك طلاسم اللحن
    فراحت تنشد الدنيا:
    عيونك في السرى وطني وقلبك في الهوى سكني


                   |Articles |News |مقالات |بيانات

08-07-2003, 02:14 AM

HOPELESS

تاريخ التسجيل: 22-04-2003
مجموع المشاركات: 2465

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yasir Elsharif)


    الاخ الكريم ياسر حنا

    حمد لله علي السلامه .. وان شاء الله تسمع كل خير عن الأسره الكريمه في الوطن العزيز

    صدقني عزيزي قرأت هذا الموضوع اكثر من مره في الأيام الفائته وفي كل مره تخنقني العبره وشده الحزن واخرج دون مداخله
    مرددا حسبي الله ونعم الوكيل

    وقد تذكرت اخر عهد لي بسودانطير حينما كنت قادما من السودان .. وقد طلب مني احد الاخوان الذين لا أعرفهم في مطار الخرطوم بأن اساعد والدته الطاعنه في السن اثناء صعود ونزول الطائره .. واخبرني بأن ابنها الآخر سوف يقوم بإستلامها مني في مطار البلد الذي نقصده
    وقد رحبت بالفكره مؤكدا له بأني سوف أرافقها واعتني بها الي حين تسليمها لابنها وهي تعاني من عدم المقدره علي المشي وتحتاج الي كرسي متحرك

    وبعد وصولنا للبلد المنشود طلبت من احدي المضيفات الكشريات .. أن تقوم بنداء لاسعاف المطار لنقل هذه السيده الي صالة المطار كما هي العاده في جميع المطارات في نقل العاجزين عن الحركه
    ولكن بدلا عن ذلك وقد كشرت وجهها بصوره غبيه وتأففت قائله:اوووووف والله كرهتمونا معاكم عديييل كدا يا سودانييين

    وقتها فار الدم في عروقي تماما وقد هممت بصفعها صفعه تفيقها من هذا العبث الذي تنتهجه .. ولكن احد طاقم الملاحه قد تدارك الأمر بسرعه واخذ يعتذر لي عن سؤ فعل هذه التي تدعي مضيفه بقوله :معليش يا اخي اصلو البت دي الليله اعصابه متوتره شويه ...وكلام من النوع دا .. وقد قام هو بعمل النداء اخيراً
    وبعدها حلفت حليفه صادقه أن لا اقترب من سودانطير الا بعد سماعي خبراً جازم بتحول واضح وملموس للعيان

                   |Articles |News |مقالات |بيانات

08-07-2003, 06:31 AM

AlRa7mabi
<aAlRa7mabi
تاريخ التسجيل: 15-08-2002
مجموع المشاركات: 1334

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    كنت أتمني من الأخ بكري أبو بكر أن يضع هذا البوست ديباجة على صدرالبورد .. كما فعل ببعض البوستات .. وبهذا اضم صوتي لصوت الأخ جميس

    ومن ( عمايل ) هذا الطائر الجريح .. أحكي ليكون هذه القصة المبكية / المضحكة .. والتي لا يمكن أن يكتـب لها شهادة ميـلاد على أي جنـاح .. ولو كان جنـاح بعوضة .. ولكنـها ( المنتوجات ) السودانية ذات العلامة المسجلة

    وهذه الواقعة وقعت قبل سنوات قليلة .. ولكنها لا تدخل ضمن بند ( عفى الله عما سلف ) وهذه واحدة من عثرات السودان .. وهي ليست روح تسامح كما نظن دائما .. إنما لا مبالاه .. إحدى السيدات العمانيات ، وهي إمرأة عجوز قادمة من مطار أبو ظبي الى مسقط .. وبعدها في رحلة داخلية الي مدينة صلالة .. اوقعها حظها العاثر في احد مقاعد الخطوط السودانية .. توقفت الطائرة عند مطار السيب بمسقط .. ونزل جميع النازلين بينما انتظر الذين سيواصلون رحلتهم الي الخرطوم ، وبس .. الطيارة ( زنننننن ) طارت و ( ركت ) في مطار الخرطوم .. وتفاجأت المرأة بأنها في ( بلداً طيرو عجمي ) وكانت صدمة كبرى بالنسبة لها .. ولعائلتها التي لا تعرف مصيرها حتى تلك اللحظة .. وحتى بالنسـبة لطاقـم الطائرة .. ( تصدقوا ) ولم يسمح لها بالدخول إلا بعد التي واللتيا ، لأنها لا تحمل تأشيرة دخول للمدنية الفاضلة.

    ورفع أهلها قضية بالمحكمة ضد الخطوط السودانية .. ولكن للأسف لم يتجاوز مبلغ التعويض ألف دولار ، إضافة لإلزام الخطوط بأتعاب المحامي ... وكانت قضية أضحكت علينا حتى الصامتين .. ويا عجبي

    الرحمابي
                   |Articles |News |مقالات |بيانات

08-07-2003, 07:39 AM

banadieha
<abanadieha
تاريخ التسجيل: 04-02-2002
مجموع المشاركات: 2235

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: AlRa7mabi)


    :معليش ياياسر..بس خليني أهدي ليك غنوتي المفضلة لفناني المفضل

    مرة أضحك
    ومرة أبكي
    ومرة أتحمل أسايا
    ومرة أهرب منه وأبكي
    ومرة أهرب منه وأشكي

    ومرة لا..كل مرة أحسن الواحد يقع فيهم فليق


                   |Articles |News |مقالات |بيانات

08-07-2003, 12:05 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    عزيزي أبو هبة
    شكرا ليك كتير وبارك الله فيك وفعلا كما ذكرت نحن قوم لا نعلرف كيف ندافع عن حقوقنا ومصالحنا ودايما تغلب علينا العاطفة وغض الطرف عن ماهو حق لنا

    لك الشكر أخي

    اخي العزيز فقيري

    كتر الف خيرك وشكرا ليك كتير على هذه المعلومات القيمة وليت قومي يعلمون ان هناك شئ يسمى قوانين ولوائح تضبط اي عمل ولكن هيهات هيهات

    لك التحايا

    بدر سامي علاه

    اولا حمد لله على السلامة والحمدلله انه بكري فك عنك الحظر ودخلت البورد، مع انك حاضر القصة من طقطق للسلامة عليكم عليكم لكن شايفك ما ادليت بدلوك، لكن عموما الببقى علي ان هين لو انت بتقبلوا لي

    لك الشكر عزيزي

    عزيزي ياسر الشريف

    شكرا لك كتير أخي وما بتقصر، وزي ما قلت نتمنى ان هذا الكلام يجيب نتيجة لكن المشكلة انهم بيقروا في الكلام ده وزي الكلام ده من عشرات السنين ولا حياة لمن تنادي كاننا يا زيد ولا رحنا وجينا

    تسلم أخي العزيز

    عزيزي Hopeless المتفائل دوما

    لك الشكر والتجلة عزيزي على شعورك النبيل والاصيل، وفعلا ما لنا ان نقول الا حسبنا الله ونعم الوكيل، وليتهم يعلمون قول المصطفى صلى الله عليه وسلم من أخذ الاجر حاسبه الله بالعمل، هم يحسبونه هين وهو عند الله عظيم

    لك الشكر أخي

    الرحمابي أخوي
    كيف حالك؟ وين الحي البيك، من ديك وعييك، تسلم أخي العزيز اسمعت اذ ناديت حيا، وزي ما بقول المثل الخلى عادته قلت سعادته ويظهر ان سوداطير لا تريد ان تقلل سعادتها

    لك الشكر أخي

    بناديها استاذنا العزيز
    شكرا ليك كتير وفعلا هذا ما حصل ومره اضحك ومرة ابكي ومرة اتحمل اسايا، ولكن نقبل وين ونحكي والجعة عاد لي مين فقط نسال الله ان يزيل البلاء عن السودان وحينها ان شاء الله كل شئ يصلح

    لك الشكر عزيزي
                   |Articles |News |مقالات |بيانات

08-07-2003, 02:22 PM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    العزيز الراقي ياسر ولا يهمك حمدلله علي السلامه و مبروك المولود الجديد, والجاتك فى ريبورتك سامحتك, وربنا لطف وقدر شوف ناس طيارة بورتسودان حصل عليهم شنو ولا اشك لحظه ان السبب هو الاهمال و طالما الانسان و روحه ما عندهم قيمه ممكن يحصل اكتر من كده, اها السمايه كيف و متين....؟؟
    يا نايل انا مستنى باقى القصه بتاعت المضيفات, ما قلت لى ضربت تلفون ولا لآ؟؟ بكره يجينا بدر الدين شنا يقول المضيفات اتشاكلن فوقه وقعدن يمعطن فى بعض منو البتفوز بقلب الوسيم بدر
    لكم التقدير.. وكفاكم الله شر المحن
                   |Articles |News |مقالات |بيانات

08-07-2003, 06:45 PM

بدرالدين شنا
<aبدرالدين شنا
تاريخ التسجيل: 30-07-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    بسم الله الرحمن الرحيم

    الغالي ياسر حنّا
    سلاااااااااااااام بقدر أحزاننا من فعايل سودانير
    صحيح أخي ياسر أنني حضرت المسألة من طقطق ولكن ليس للسلام عليكم ولكن السمألة ما عايزة حضور فجميع من في هذا البورد يشهد بقهقرت سودانير وخدماتها الضعيفة وسلوكها البلدي ومن هذا المنبر أقترح تعمل الشركة على (الولولة) على وزن السودنة لتصبح خدماتها ولائية فقط وليس إقليمية أو عالمية
    لك شكري وتقديري
                   |Articles |News |مقالات |بيانات

08-07-2003, 07:57 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    صديقي العزيز عصام جبرالله

    لك التحايا اخي وفاقدنك يعلم الله

    فعلا الاهمال اصبح سمة رئيسية في كل مرافق الدولة وهذا شئ طبيعي اذا ولات الامر بتشكالوا في الكعكة وناسين خلق الله فهذه هي النتيجة وفعلا البيشوف مصيبة غيره تهون عليه مصيبته، انا تراها مرتي سافرت لكن زي الماتوا ديل يعوضوهم كيف

    لا حول لاو قوة الا بالله


    بدر الدين

    شكرا ليك برضو وما بتقصر
                   |Articles |News |مقالات |بيانات

09-07-2003, 03:14 PM

حنين للبلد

تاريخ التسجيل: 04-06-2003
مجموع المشاركات: 4796

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    يا زول الحمد لله احمد ربك انه سودانطير فكت زوجتك عكس الهواء ما مع الهواء لأنه بعد المصائب دى احمد ربك
                   |Articles |News |مقالات |بيانات

09-07-2003, 04:12 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    العزيز ياسر

    افتكر انو انت مدين لنا جميعا بثور كرامة للمدام والوليدات.. حمد الله على السلامة يا اخي، لازم تكرم بعد حادثة بورتسودان.. ربنا يحفظ لك أولادك
                   |Articles |News |مقالات |بيانات

09-07-2003, 05:36 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ســودانير تنزل زوجتي من الطيارة...وتفكها عكس الهواء (Re: Yassir7anna)

    الاعزاء حنين للبلد ورجاء

    بارك الله فيكم، فعلا والله اليشوف مصيبة غيره تهون عليه مصيبته
    والحمد لله على كل حال

    ونسال الله المغفرة والجنة للشهداء حادث سودانير


    لكم الشكر الجزيل اعزائي
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de