دعواتكم لزميلنا المفكر د.الباقر العفيف بالشفاء العاجل
|
|
 لليوم الثاني الخرطوم عطشانة
|
نقلا عن جريدة الوطن
بسبب إنفجار المواسير المائية العتيقة :وسط الخرطوم في حالة عطش لليوم الثاني [ 2002-04-10]
الخرطوم : «الوطن» عاشت منطقة وسط الخرطوم أمس يومها الثاني دون أية قطرة ماء رغم أن النيل العظيم على بُعد نحو «2» كيلو منها . وفيما أدى هذا الأمر لاستهلاك كميات كبيرة من المياه المعبأة - سوبا وغيرها - فإن العديد من المواطنين وسط الخرطوم اضطروا - للتيمم - لأداء صلواتهم فيما جاء آخرون بالمياه من مناطق بعيدة خدمات المياه لديها أفضل . «الوطن» وهي واقعة ضمن - المحور العطشان - اتصلت بالمهندس خالد مدير مياه الخرطوم الذي قال إن سبب انقطاع المياه في هذه المنطقة راجع الى حدوث انفجار إحدى المواسير الضخمة بشارع السيد عبدالرحمن . وعزى ذلك الى دخول مضخات جديدة بطاقة «1500» متر في الساعة وهو مالم تتحمله المواسير القديمة الأمر الذي أدى الى انفجار بعضها . وفيما توقع المهندس خالد ان تعود الأمور الى وضعها الطبيعي اليوم قال إن المواسير التي يجرى تجديدها الآن وسط الخرطوم وغيرها ظلت تعمل منذ عام «1964» حيث أصبحت السعة المطلوبة للخرطوم الجديدة أكبر من طاقتها بكثير وهو الأمر الذي حتم تغييرها الآن بعد حدوث الإنفجارات المائية
|
|
 
|
|
|
|
|
|
|
|
Re: لليوم الثاني الخرطوم عطشانة (Re: kaguma)
|
يا وطني يا فردة جناحي التاني
وكت الناس تطير لي عالما
واوجعة الزول البجيك
ما يلقى فيك غير الهجير
ناسًا تواني مسالمة
كل البشاشات القبيل
يلقاها ميتة مسممة
والجاتا
جاتا
من الارض
ما جاتا
من تال
السما
| |
|
|
|
|
|
|
|
|
|
الخرطوم عطشا ...دا حرام ولله (Re: bunbun)
|
ولله ماكتير يا بن بن ما تحلم به حق .....
وكنا نغني مع اطفال الشارع .......
يارب دخن ولبن سخن وصحن......فاوقغونا وقالو لالالالالا
فاحلم ما شئت اخي فلم يبقى سوا الاحلالالالامم
| |
|
|
|
|
|
|
|
|
|
النهر عطشان (Re: bunbun)
|
الأعزاء
...حتى النهر عطشان
غرقان هو فى الموية
والموج مرق حفيان
.....
......
حسبى الله ونعم الوكيل
ولاتعليق
تحياتى
ناهد
| |
|
|
|
|
|
|
|
|
|
Re: النهر عطشان (Re: nahid)
|
شرنوبي
قرقرقرقرقرقر
في آخر إجازة لي استمتعت بجلسة لثلاث ساعات في اتينه
بصحبة الشاعر الصاق الرضي ، اتينيه(وحالها حاليًا يغني عن سؤالها ) بدأ لفيف من الشعراء والموسيقيين والتشكيليين يلتقوا فيها بإنتظام بعد الثالثة مساء وربما يكون تجمع هؤلاء فاتحة لعودة اتينيه كما السابق(حلم ي حلم في )
نتلاقى في الزمن المريح
ميعادنا في وش الفجر
يا مشرع الحلم الفسيح
الاستاذة ناهد
تحياتي الاكيدة
| |
|
|
|
|
|
|
|
|
|
Re: النهر عطشان (Re: bunbun)
|
سلام يا حلوين
تعرفوا كلامكم ده كله كوم
والواجعنى فى الخصوص ده شىء ثانى خالص
تصدقوا فى الخرطوم مدينة ملتقى النيلين الناس بشربوا موية صحة
لا والوجع وين موية صحة مستوردة من السعودية
يا جماعة فى زول بصدق الكلام ده بالله
ديل مويتهم مالحة ويعالجوها ويكرروها ويعبوها ويصدروها لينا
يعنى بالله ياجماعة انا اسوى شنو بس
اصوم ولا شنو
| |
|
|
|
|
|
|
|
|
 Re: النهر عطشان (Re: قرشـــو)
|
الغالى بن بن
تحياتى
بتحصل فى ارقى المدن
قبل فتره سمعت عن مدينه خليجيه المويه قاطعه فيها لمدة 25 يوم
حاجه عاديه والحمد لله الذى جعل نيلين يمران بوسط الخرطوم وما اظن فى حد بقتلو العطش فى خرطومنا المرويه
| |
|
|
|
|
|
|
|
|
|
Re: النهر عطشان (Re: waleed500)
|
حبابكم يا حلوين
بتحصل في أرقى المدن
شبكة مدينة الرياض عشرة ايام
لم تضخ بها قطرة ماء
والأسباب هي انفجار الخط الحامل الماء من المصدر
ومثل بسيط
انا أعمل بمؤسسة يمكن ان نسميها
مؤسسة توفير المياه بالمملكة
نملك ثلاثة آبار منتجة ويصدف
نطلب الماء بالوايت
فكون الخرطوم تعطش لساعات شيئ عاد جدا
| |
|
|
|
|
|
|
|
|
|
Re: النهر عطشان (Re: EMU إيمو)
|
الاخ قرشو
سؤالك هام
حاولت اجد مبرر
الجبهة في منزلة بين منزلتين
بين الطفيلية والمضاربات اللي نشأت عليهم وبين الانتقال لمرحلة الراسمالية ودي الادهى والامر
الجبهةبدت تدخل الراسمالية من اسوأ ابوابها : الخصخصة
وفي الخصخصة دخلت لاهم ممتلكات الشعب : الموية ، الكهربا ، العلاج ، التعليم الخ
استغلت حوجة الناس لشرب مياه صحية للمرضى او حتى السائرين في الشوارع بدلا عن ( برد جوفك - الباعة المتجولين ) او حتى مثلا لما الواحد يكون في السينما بيحتاج يشرب موية في عبوات صحية ومناسبة لحملها وابناء المغتربين نموزج واضح لما يرجعوا السودان ( النوع البيسممو البوش ) ه
وده كنا ح نتعتبروا تطور لو هي قامت بواجبا الاساسي وشربت الناس موية صحية في بيوتهم بعد داك تفكر للقلة المريضة او غيرهم
لذا نرفض مياه الصحة في هذا الوقت
وطالما جرى النيل بيننا حتى مويية البيوت المفروض تكون زي زمان شبه مجاني
إذن وجود مياه صحة في هذا الوقت هو احدى حلقات سياسة الجبهة التي تريد ان ترفع يدها عن كل شيء والخطوة الجاية قد تكون رفع يدها عن توصيل المياه للناس في البيوت عبر المواسير وتوكلها لشركة خاصة
انا لا ارفض الخصخصة بشكل مطلق لكن هناك امور هي من صميم واجبات الدولة تراعي فيها البعد الاجتماعي من فقر واخلاقيات مترتبه عليه ، لكن لوبيعت مرافق الدولة وخدماتها للشركات الخاصة فالاخيرة لا تعرف شيء اسمه اخلاقيات في ظل المنافسة العالية وارتفاع كلفة المدخلات فتأتي خدماتها اكثر جودة واغلى سعرًا ويترتب على ذلك كوارث اجتماعية
على الحكومة ان تقوم بواجباتها الاساسية اولا
مياه شرب صحية في مواسير البيوت
الاخوان وليد وايمو
اتفق معكم ، شي طبيعي ان تحدث اعطال
بسبب انفجار الانابيب لكن انا ارى انفجارات اخلاقية واقتصادية ادهى وامر
| |
|
|
|
|
|
|
|
|
|
Re: النهر عطشان (Re: bunbun)
|
لا حول ولا قوة الا بالله
يا بنبون
الناس ديل بقوا يبيعوا الموية كمان؟؟؟
تعرف زمان اهلنا فى البلد يقولوا ليك ناس الخرطوم كعبين
تقول ليهم ليه
يقولوا ليك ديل ببيعوا الموية
وهم يعنوا الماء المثلج البارد المطعم بالسكر والليمون
حليل زمان
لكن والله حاجة تورم الفشفاش
نيلين وموية بالقروش
والله ما قادر استوعب الحكاية ابدا
انا افهم ان تكون هناك رسوم خدمات وليس سعر للماء
| |
|
|
|
|
|
|
|
|
|
الكذاب (Re: bunbun)
|
يا جماعة هل يكذب المؤمن
يا وليد ما تخاف الله
ما اسم تلك المدينة في الخليج التي انقطعت عنها المياه وما هو مصدرك.
إلهي وسيدي يتقطع لسانك الكذاب دا
| |
|
|
|
|
|
|
|
|
|
Re: الكذاب (Re: waleed500)
|
يا جماعة وليد ده اعزرووو
المحيرني هو من جماعة الترابي ولا البشير
من انصار منو الدورلار ولا من انصار الترابي
موية شنو القاطعة 25 يوم ياوليد
وانحنا مالينا في الخليج ده سته سنوات موية ما قطعت والناس اساس هنا مشغاله بموية البلدية بيشترو موية صحة كان للحمام برضو ما حصل مره دوام ما استحمينا يا وليد
بالله عشان نكون واقعيين لمن الحكومة تقصر قول والله ايو صح قصرت لكن ما تضرب لينا امثال بناس الخليج اقول ليك حاجة ناس الخليج بيكلو كل يوم شكولاته وبيشربو لبن وبياكلو ايثكريم منو الفي الخرطوم البيعمل ده يمويا يا اخي انحنا ما بنشوف الفاكهة الا في المناسبات
وبعد ده تقولي لي شد الحزام والمسلم مصاب طيب ناس الخليج ديل ما مسلمين والله يا كيزان جننتو وكرهتون السودان برضو عاوزين تكرهونا البورد
25 يوم قال
| |
|
|
|
|
|
|
|
|
|
Re: لليوم الثاني الخرطوم عطشانة (Re: bunbun)
|
اخى / بن بن
من اليوم التانى يابن بن فضلنا فى الاسبوع الثانى الان ولسع العطش العطش .. العطش .. العطش
عــــــاد نقبل وين ونحكى الوجعة
ياتــــو قليب يشيل الدمــــعة
| |
|
|
|
|
|
|
|
|
|
Re: لليوم الثاني الخرطوم عطشانة (Re: bamseka)
|
عمر مهدى
تحياتى
ياخى الكريم والله نحن ما بندور على تكريهك البور د او البلد انت مكره نفسك بنفسك خليك من المدينه الخليجيه تلك وهى مدينه الكويت الكويتيه
عندك العاصمه السعوديه الرياض برضو انقطاع فى المياه لمدة 10 ايام بى التمام ولو انت فى الخليج كان مفروض تكون سمعيتا بى الكلام ده
بقول ليك لى المره التانيه ما بنبحث عن المتاعب بس مفروض نكون ناس مع الصاح اينما كان اخى الكريم
| |
|
|
|
|
|
|
|
|
|
المــاء والحياة (Re: bunbun)
|
سلام على وطني حب وأماني
أصوغ له الشعر من فني والحاني
جنة هو للحب والفاء والأشجان
جنة لا تقارن بجمالها كل الجنان
عشت فيه فرحي والمي وأحزاني
وهو جوهرة الدنيا نضج بأجمال الألوان
وهو العزيز الذي يختال بين الأوطان
تلوح فيه سيوف العز بعزيمة الفرسان
راياته حفاقة بشعار التوحيد والأيمان
ليس له ند أو شبيه علي مدى الأزمان
وطني حملت له الولاء في خافقي ووجداني
سودان الخير تسكن بين العين والأجفان
دمت للعز يا سوداننا
يوجد خلل فني وشيء ما المهم أن لا يستمر الوضع هكـذا لقوله تعالي وجعلنا من الماء كل شي حي
| |
|
|
|
|
|
|
| |
bunbun
yasiko
Halema2
sharnobi
قرشـــو
waleed500
EMU إيمو
bamseka
فيس بوك
تويتر
انستقرام
يوتيوب
بنتيريست