دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
حول ضرورة تنظيم جاهز لإستلام السلطة
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-11-2016, 10:00 AM الصفحة الرئيسية

مكتبة صلاح الباشا(Abulbasha)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

لغة العيون .. في الشعر الغنائي السوداني

04-20-2002, 02:31 PM

Abulbasha
<aAbulbasha
تاريخ التسجيل: 02-27-2002
مجموع المشاركات: 805

للتواصل معنا

FaceBook
تويتر Twitter
YouTube

كيف احذف مداخلة من بوستى

لغة العيون .. في الشعر الغنائي السوداني


    نستريح قليلا في جولة خفيفة مع أجمل أبيات الشعر الغنائي السوداني قديمه وحديثه والذي يدور محوره في وصف العيون…ومما لاشك فيه أن العيون ومشتقاتها من نظر ولحظ وبصر ورماح وسهام 00إلي آخر القائمة قد ورد ذكرها كثيرا في شعر الغناء السوداني ،وقد سجل الشعراء إبداعات عديدة ومتباينة في هذا المجال ، وإن لم تكن كلها رائعة فهي تميل إلي الطرافة في رقـة توظيفها للغرض المحدد.علما بأن الشعر العربي الغزلي عبر مسيرته التاريخية كلها منذ العصر الجاهلي كان للعيون فيها حظاً وافراً من قديم الزمان 0
    فمثلا في أغاني شعراء الغناء السوداني القديم والذي يطلق عليه مجازا أغاني (الحقيـبـة) نجد أن هنالك صولات وجولات لشعرائها في منطقة العيون تحديداً ، بالرغم من أن ( بنات زمان) ليس من السهولة أن تري أعينهن ( وليس كحال البنات اليوم) واللائي ربما لا تجد للعين فيهن جاذبية سريعة نظراً لكثرة الحوامة في الشمس والإنتظار للحافلات التي تقلهن لمدراسهن أو جامعاتهن أو حتي مكاتبهن ، فضلاً علي المدافرة في أبوجنزير وغيره من المواقف العجيبة، ولا ننسي إجهادا العيون في ( كثرة المذاكرة ) للشهادة وخلال سني الدراسة الجامعية ، كما لاننسي الجهد المبذول في مشاهدة التلفزيون والفضائيات ، وأخيراً الكمبيوترات.
    فالشاعر سيد عبدالعزيز قبل سبعين عاما قال:
    نظره ياالسمحة أم عجن لوكان قليل يشفي البدن
    عريس صفا الأيام وبيه أنظر جمال تـلك الفتن
    وهنا إستخدم الشاعر كلمة النظر بدلا عن العين . أما إذا مررنا علي أغاني الراحل (كرومه) والتي يتغني بواحدة منها الفنان أحمد المصطفي سنجد الأغنية الشهيرة تحتوي علي عدة مقاطع منها علي العيون:
    أنا مامعيون أزاي ودواي خدود وعيون
    لحاظا يــخيف قـايد الـمليون
    وتــرهب عـنـتـر ونابلـيون
    حـلـيف آلامي عـيوني عـيون
    دي ملكه جنــودا شلوخ وعيون
    وقديما كان يغني فنان ودمدني الراحل الخير عثمان في إحدي تسجيلاته بالإذاعة
    عيوني وعيونك أسباب لوعتي
    ولاننسي أيضا أغنية الراحل(أبوصلاح) بدور القلعة ،والتي يتغني بها محمد الأمين منذ زمن مبكر:
    العيون النوركن بجهرا
    غير جمالكن مين السهرا
    يابدور القلعه وجوهرا
    وكيف ننسي ودالرضي منذ أكثر من خمسين عاماً عندما قال لهن في ودمدني أمام كلية المعلمات حينما كان بالصدفة هناك ورأي نظراتهن تحوم :
    يعاينن شوفتي .. في كامن ضميري ويمحن
    والشاف فاتن جمالن وإنتظارن .. رمحن
    قلوباً ما إنشون بي نار غرامكن و قمحن
    الله يكبرن.. الكبرني وسِمحن
    كما أن الراحل إبراهيم الكاشف ردد في الكثير من أغانيه لغة العيون ،ولنري:-
    جـنـنـني ياخي العيون عيون حبيبي000
    هن أساس الريد والجنون
    العيون الفيهن نعاس000هن أساس معني الجناس
    هن بقيدن في الروح حماس00هن يقودن زول للجنون
    كما تغني أبو الأمين أيضا للشاعر فضل الله محمد بتلك الرائعة ( ذات الشجون) والتي أخفاها محمد الأمين منذ الستينات ليخرجها للنور في الثمانينات في حفلة لندن الشهيرة والتي توزعت عالميا في شكل كاسيت وفيديو بواسطة الشركة المنتجة للحفل وهي شركة ( حصاد للإنتاج الفني) بالخرطوم :
    ماهو باين في العيون 00وين حنهرب منو وين
    الهوي البعث الليالي .. الحالمه في ذات الشجون
    وكيف لا تـفوت الفرصه علي الراحل ودالقرشي حينما غرد البلبل الراحل عثمان الشفيع له:
    الليله وين ياعيـنيا بيتكم بي ويـن ياعيـنيا
    أنا ما بنوم ياعينيا عدد النجوم ياعـيـنيا
    يلاك نقوم ياعينيا الخرطوم عموم ياعـينيا
    ويتدخل ابوعركي البخيت في الميدان ويحلق بنا بأغنيته الخـفيفة وبإيقاعها السريع والتي كتب هو كلماتها :-
    حلوه عيونك فيهن روعه ** فيهن حب بتمثلو لـوعه
    قلبك طيب زي روح شمعه**تضوي قلوبنا وتمسح دمعه
    ثم يتفجر (فنان الفنانين) الأستاذ محمد ميرغني ذو الصوت الطروب في كلامه للعيون ومن أشعار الشاعر المتألق التجاني حاج موسي :-
    كلمني ياحـلو العـيون*** أديـني عطفك ياحنون
    كلمني حاول حس بـي** عاتـبني أرمي اللوم علي
    كلمني والكائن يكون0
    ولقد دخل الشاعر الراحل عثمان خالد الميدان منذ زمن مبكر عندما تغني له إبن البادية (رحلة عيون):
    ننساك 00هو إنت بتتنسي00ماإنت روحنا وحبنا
    سافرنا في عينيك ولسه00قلوبنا بيك متجننا
    وهنا أيضا يأتـي الكلام الجميل من الراحل الـمتفرد الغزير الإنتاج (إسماعيل حسن )حيث حلق بنا الأستاذ محمد وردي ومنذ أكثر من أربعين عاما بالأغنية المتجددة في العيون:-
    يانور العين إنت وينك وين
    الشعر الناعم بعطرو أسرني
    والوجه الناير بنورو غمرني
    وعيون نعسانه برموش تجرحني
    خلـتني مـتيم وين راحت مني
    وأيضاً كتب إسماعيل حسن تلك المفردات التي تغني بها محمد ميرغني ومن ألحان حسن بابكر – بالطبع- أغنية:
    أمسكي عليك عيونك ديل أمسكيهن
    يعاينن لي .وزي شباك منور
    في ظلام الليل
    ده شيتن أصلو ما شفناه
    لا في الناس ولا في الريل
    ده ماقدر الله جانا عديل أمسكيهن
    عيونك ديل
    ثم يأتي الكلام العربي الفصيح من الشاعر الإستاذ الـمـتمكن جدا من التعبير بصحيح اللغة
    وحلوها (الحسين الحسن) متعه الله بالهعافية حينما تغني له الكابلي بالقصيدة الـمتميزه والمشهورة عربيا 0 (إنـي أعتذر):-
    وقد كنت أعلم أن العيون **تقول الكثير الـمثير الـخطر
    ولكن برغمي تـفشي الخبر**وذاع وعم القري والـحضر
    ونـختم بأحلي الكلام في الشعر العربي حيث قال (جريـر) قديمـا في الشعر ( الماخمج):
    إن العيون التي في طرفها حور
    قـتـلـنـنا ثم لم يحـيين قـتلانا
    يصرعن ذا اللب حتي لاحراك به
    وهن أضـعف خـلق الله إنسـانا
    والشعر الغنائي بالسودان يزدحم بهذا اللون من الوصف ولا يتسع المجال لإستعراضه كله ونكتفي بهذا القدر آملين أن تكون تلك السطور وجبه خفيفه علي مجتمع البورد الفنان بطبعه ..
    وفي نفس الوقت نفتح الباب علي كل من لديه مفردات شعريه غنائية عن لغة العيون .. أن يتكرم بإضافتها .. - ونحن حدنا وقف لغاية هنا - برغم أنني قبل الختام تذكرت رائعة الراحله مني الخير
    يا عيون المهما ياعيون
    وإلي اللقاء




                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-20-2002, 02:43 PM

Elmosley
<aElmosley
تاريخ التسجيل: 03-14-2002
مجموع المشاركات: 33341

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لغة العيون .. في الشعر الغنائي السوداني (Re: Abulbasha)

    شكرا للموضوع الجميل وأساهم معك
    تقول المغنيه ألشاعره زينب ألحويرص
    ألعيون بتداري شوقا من عيون ألناس وتبكي//فاقده جنه وشوق محنه
    فال هوانا عليها متكي

    كما يقول المبدع سعد ألدين ابراهيم
    في المسافه البين عيوني وبين عيونك
    ألفصول ياحلوه تاخد دورتا
    ألربيع يصبح جديد والخريف يفرح شديد ويتوالف الصيف والشتا

    (عدل بواسطة Elmosley on 04-20-2002, 02:45 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-20-2002, 02:54 PM

wadazza

تاريخ التسجيل: 02-04-2002
مجموع المشاركات: 5385

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لغة العيون .. في الشعر الغنائي السوداني (Re: Elmosley)

    ود الباشا...نورت البورد وجيت معاك العيون كمان ياللروعة *
    *عيونك زى سحابة صيف تجافى بلاد وتسقى بلاد
    *والعيون طرتنى زول من أهلو غايب
    *أعمل شنو لى عينيك أكتر من العاملو
    أعمل شنو وعينيك لا بهادنو لابجاملو
    *أمسكى عليك عيونك ديل



    ماكنا كويسين ياود الباشا مالك فتحت علينا باب العيون
    تحياتى ودعزة

    (عدل بواسطة wadazza on 04-20-2002, 02:55 PM)
    (عدل بواسطة wadazza on 04-20-2002, 04:20 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-20-2002, 04:03 PM

omarmahdi

تاريخ التسجيل: 02-17-2002
مجموع المشاركات: 566

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لغة العيون .. في الشعر الغنائي السوداني (Re: wadazza)

    الاستاذ القدير
    الباشا لك التحية
    اجمل ما يقال عن الشعر
    يقال عيون الشعر العربي
    هنالك بيت جميل جدا وعلي ما اذكر والله اعمل لود الرضي ربما
    بيقول عيونك علمنٍُ عيني بكاء الخنساء
    واجمل ما غني ايضا
    يا عيون المها يا عيون

    لك التحيا
    السيف في غمده لا يخشي بواتره ولكن سيف عينيك في الحالين بتار
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-20-2002, 04:17 PM

wa7shny
<awa7shny
تاريخ التسجيل: 03-02-2002
مجموع المشاركات: 850

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لغة العيون .. في الشعر الغنائي السوداني (Re: wadazza)



    لك التحية الاخ الاستاذ ود الباشا والدكتور الموصلي وربنا يحققها قريبا انشاء الله ودعواتنا وقلوبنا معاك بان تناك هذه الدرجة التي انت اهل بها والتحية موصوله للاخ المفضال ود عزة وكل الاخوة والاخوات فى البورد ، اخي ود الباشا بالفعل قد نظم شعراءنا درراً في تلك العضو الذي يخاطب من هو امامه عندما تتعطل لغة الكلام وقال احدهم
    عينيك مدن مشوار عذاب ارهق خطايا واتعبا
    وذكر الاستاذ صلاح حاج سعيد فيها
    عينيك مدن منسية فى كتب التواريخ والزمن
    عينيك وطن مشدود على وتر التباريح والشجن
    عينيك سفر مكتوب اعيش فى غربتو
    واعشق عذابو وحرقتو وليلو الطويل
    واقسم بها الاستاذ صلاح حاج سعيد لما تجده ، في نفس الشاعر
    عينيك وحاتك غربتى وأهلى وبلادى الفيها ضايع لي زمن
    عينيك وحاتك شوقى لى زولاً ولوف من بعدو ساب عيني سهن

    ولكم تحياتي ....واحشني
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de