دعواتكم لزميلنا المفكر د.الباقر العفيف بالشفاء العاجل
|
|
 صورة قديمة
|
في البيت
في صورة قديمة
واحد ما قادر أتذكر إسمو
متذكرو جدا لكن غالبني أتذكر إسمو
كان أخضر و طيب
و كان بحار
كان دايما عندو حكاوي ملانة بلاد و بهار و بحور و مراكب
و سمك طيار
و ياما بيحكي
و ياما في نص الحلة بنركب باخرة كبيرة و نبحر
و نقيف في مواني بعيدة
روائح و ناس
و أمواج و أهوال و بنات من آخر الدنيا
همباتة و طير
و موسيقى
و تاني نسافر
كان كل أولاد الحلة بسافروا معاهو
كل ما يحكي
و يضحك
و يبكي
من جوة الذاكرة بتسطع هسي قصادي شموس
من صورة قديمة
فيها واحد بعرفوا جدا
بس ما متذكر إسمو...
محمد.أوسلو. أكتوبر 2006
|
|
 
|
|
|
|
|
|
|
|
Re: صورة قديمة (Re: الفاتح وديدي)
|
فى البيت
شجرة ليمون
حتحت الشتا صفقا
وتعبت البنات فى نضافتا
والحوش الكبير
والرمله الوريفه عز الضهر
كبايه الشايه المنعنعه
وصوت امك تنادى للجيران
ميعاد اللمه والقهوة الحكى
وشوق الشفع متين يجى العصر يجرو لا عند الدكان الناصيه
واللدافورى
والغبار
والشكله تقوم
والحجاز بالتراب يخم ويصر
ومشتاااااق
عليش
| |
|
|
|
|
|
|
|
|
|
Re: صورة قديمة (Re: Adil Osman)
|
في البيت في الحاجة
وباقي الناس
شجر الليمون
والكلب الراقد جمب الباب
وكديس بتلصق في الرجلين
بدون اسباب
وحمام ساكن في السبلوكه
وزهور في الحوش
وشجر لبلاب
في البيت يا محمد
الكل موجود
كل الاحباب ...
| |
|
|
|
|
|
|
| |
fadlabi
الفاتح وديدي
Mohamed Ahmaed Olyesh
ibrahim sidahmed
Adil Osman
Bakhaf
محمد المرتضى حامد
فيس بوك
تويتر
انستقرام
يوتيوب
بنتيريست