|
|
 معرض جديد SANAA AFRICA
|
الشهر السابق عرضت بعض الملونات في معرض جماعي ضم:
صمويل أولو من غانا
أدورو نوريس من نيجيريا
ماريان هايردال من النرويج
صمويل انقوما من تنزانيا
نومزي كامالو من جنوب أفريقيا
بروفيسور أولا ليسلارود من جنوب أفريقيا
واشنطون خوزيه من البرازيل
سامبا فال من السنغال
فيكتور متولوكيشا من زامبيا
كان الجو طيب و تزامن المعرض مع عيد إستقلال غانا الخمسين.. موضوعه كان الهجرة و العودة.. و قد تم تحت رعاية المتحف الثقافي العالمي بأوسلو.
|
|
 
|
|
|
|
|
|
|
|
Re: معرض جديد SANAA AFRICA (Re: fadlabi)
|
ياسلام عليك
شغل جميل
واعتقد انو كل واحد من الوجهين كان ممكن يكون
في لوحه منفصله!! يكفي
لانو التعبيز فيهم قوي
ياريت تعرض لينا المزيد
شكرا لكم وانتم ترفعون راسنا
في الزمن الخايب ده
| |
|
|
|
|
|
|
|
|
|
Re: معرض جديد SANAA AFRICA (Re: تبارك شيخ الدين جبريل)
|
فى يوم ما . .
ستجلس قبالة التلفزيون , مادا كرشك أمامك ,متلذذا بمذاق القهوة التى صنعتها إبنتك الكبرى , ماسحا عرقا وهميا من صلعتك , ناظرا لصورة فاضلابى فى تحقيق بمجلة , أو برنامج وثائقى فى قناة محترمة , قائلا بصوت فخيم فخور : ( أنا أعرف هذا الرجل العظيم , كان صاحبى ) !
أرجو أن لا تنسانا حينها يا صاحبى . .
| |
|
|
|
|
|
|
|
|
|
Re: معرض جديد SANAA AFRICA (Re: عزان سعيد)
|
عزان
الخوف يكون ..
في يوم ما.. أجي عيادة الإستشاري عزان كنة, سايق ود مدينة بتي و مفلس و أحاول أحنكك حق الكشف ..
تقوم تمس العرق من صلعتك و تقول لي حفيدي :جدك ده من زمان تاعبنا..
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
تكرم يافاضلابى
__________________
الحركة دة اسمها "كش الولد" يا وليد
ومعروف بت الشيريا ارجل من ود الأسود!
______________________________
استمتعنا بتجربة ابو شريعة للمرة التانية
وبعد دا حقو نبدا شغل بتاع نقد تشكيلى (لزوم مالايلزم!)
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
عزيزنا فاضلابي............تشكر على هذا الدفق الحار من الألوان ..والذي تنفثونه أنت وصحابك في تلك البلودات ....ملتزمين خطا يعرف بالهوية.....
دوما....يا صديق....
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
| Quote: مفلس و أحاول أحنكك حق الكشف |
كونوا انك حتكون مفلس دي مسلمين بيها لأنو الشخبطة بتاعتك دي ما بتأكل عيش  ....الخوف ما تقوم تتهور و تعمل في روحك حاجة زي معلمك الكبير فان جوخ ...
لوحتك شديدة !
محبتي و إحترامي
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
| Quote: موضوعه كان الهجرة و العودة |
عرفنا الهجرة ولكن ما معني العودة؟؟!
اظن ان هذه الطائرة التي تعبر الي المستقبل
لن تعود الا خالية الي حيث الزمن قد تجمد منذ
دهور عام الفيل.
وشكرآ للفنان الكبير الذي يختبئ في هذه اللوحة
او قل يشرق في في هذه اللوحة..
| |
|
|
|
|
|
|
|
|
|
Re: معرض جديد SANAA AFRICA (Re: omar ali)
|
عمر علي الواعي الجميل
العودة هي الحلم فقط ربما... أخبرني صديق أن حلمنا هذا لن يتحقق أبدا إذ أننا إن عدنا سنتذكر المكان بعصف و لكن المكان قد لا يتذكرنا.. و لن نجد من عدنا لأجلهم..
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
الفاضلابي ..محمد..ازيك ..
ومبروك يا زول معرضكم الجميل دا ..
ومبروك ليكم حركتكم ..وتجمعكم دا ..
والتحية لي كل البحاولوا في الفعل التشكيلي ..
وجيب باقي الشغل النشوف ..
الغريبة قبل ما ادخل البوست دا
كنتا بتفرج في صوركم بتاعت ورشة ألمانيا2002 ..
وكل المجموعة التي شاركت معكم ..
بما فيهم ابو شريعة الجات سيرتو هنا برضو ..
من السودان والسنغال ومصر واثيوبيا..
(ما تسالني جبتها من وين ..).
----------------
بعدين يا لذيذ
خليني في بوستك اسلم علي الأعزاء
الخطاط مامون احمد والتشكيلي خالد كودي
بعدين "عبد الله ميرغني" دا أظنو هو خالد عبد الله ميرغني ..
المعروف بي خالد كسلا ..النحات ..
زمنك انتا الفي الكلية يا فاضلابي الزول دا كان قاعد..
خالد كسلا سلامات كتيرة ..يا فنان..
فاضلابي ..
لي قدام يا زول ..
| |
|
|
|
|
|
|
|
|
|
Re: معرض جديد SANAA AFRICA (Re: gessan)
|
مدهش دائما فاضلابى
كنت محتاج اشوف معرض
مختلف وجديد
وكان
جديدا وملهم
ــــــــــــــــــــــــــ
مقاس لوحتك والالوان المستخدمة
مهم ان تكتب
وصورة عامة للمعرض
عشان نكون فى جو المعرض اكتر
ولا شنو يا فردة !!!
| |
|
|
|
|
|
|
|
|
|
Re: معرض جديد SANAA AFRICA (Re: عصام عبد الحفيظ)
|
عصام صاحبي
ما تتخيل مدهش دي بسطتني كيف
إنت زول شهادتك بتمنوها كتار لأنك واحد من بسيطين بعرفوا
و الله على ما أقول شهيد
الرسمة في الحقيقة قديمة من معرضي الكان إسمو (لجوء)
مقاسها 150x200cm
و هي أكريلك على كنفس
و إسمها لجوء2
| |
|
|
|
|
|
|
|
|
|
Re: معرض جديد SANAA AFRICA (Re: gessan)
|
قيسان الفنان
يا زول أصلو ما بخليك إلا توريني جبت الصور من وين
بعدين معاك بسلم على الشباب الفنان كلو
و ربنا يلمنا في معارض بعض
و مشكور على التشجيع
و نحنا ماشين بدفرتكم يا قيسان
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
الأخ قيسان......سلامات ياأخي.
ونشكر المعارض وبوستات وأخبار المعارض للم القبيلة...فنحن قبلكم بقليل ( بالضبط دفعة ناس أبوشريعة)...ولكني غادرت الكلية بعد أشهر من دخولي. مباشرة إلى المغرب حيث تخرجت من المعهد الوطني للفنون الجميلة, بمدينة تطوان..... ومن المغرب إلى بريطانياإلى يومنا......والنحات خالد ميرغني شخصية أخرى ولكني لا أعرف أين هو الأن؟
تحياتي لكم جميعا.....وشكرا لك وللإخ فاضلابي...........
| |
|
|
|
|
|
|
|
|
|
Re: معرض جديد SANAA AFRICA (Re: nourelhadi awad)
|
فاضلابي الرائع..
الله يديك العافية..وانشاء تبقي لينا هناك حبة رشاد وتملأ البلاد..
قول آمين..
رفعت راسنا فوق..
الواحد لما شاف الجلاليب والعمم، شعر بروحو انسربت في مسارب الجوف وبقيتو كلي
ودق سدره وانتفخت عنقرته وصاح: ديل اهلي ..
والباقي ما محتاجة تمومة..
بس اقول زي ما حبوبتي مدينة (وهذا هو اسمها) عليها الرحمة، الليلة شفت طير بلدي زي احمد ولدي..
لك التحية والتجلة..
تخريمة اولي..
انا ما بفهم في الالوان والخطوط.. لكن والله الوش البلا رقبة دا خلاني واقعة في (حوش) جنوب افريقيا عديييل..!
فيه شقاوة وعرفتة وعمق وبساطة ما عادية.. ما بعرف ليه.. من شفتو قلبي قال شححححححححح..!
غايتو ما بعرف لكن مغنطيس قلبي المولي جعلو معاهو (مع الوش)..
تخريمة تانية: البوست ادناه بوست تكميلي عن الراحل المقيم الفنان جحا.. سمع الرجل الذي زودني بمقالة طويلة وستة من البورتريهات النادرة لشخصيات سياسية وعامة رسمها جحا..اقوم بنشرها بالتتابع..
علاء الدين الجزولي يكتب عن (جحا)على حقيقته...!!! بوست تكميلي
زوروه لتتأكدوا ان الرجل الذي غيبه الموت، كان عظيما، شق طريقه بقوة رغم اميته و مجاهل السودان..
لاتنسوا..
مودتي .
حليمة
| |
|
|
|
|
|
|
|
|
|
Re: معرض جديد SANAA AFRICA (Re: حليمة محمد عبد الرحمن)
|
حليمة
و بعد
الزولة العاجباك دي جنوب أفريقية جميلة و سمراء
و هي فنانة جيدة عرضت لوحتين إضافيتن باسم (تحرير)
و كلامك فرحني شديد خلاص و الله الزي كلامك ده
هو البخلي الواحد يرسم و يلون و يحس بإنه بعمل في حاجة كويسة و صاح..
شكرا يا طيبة
و يخليك لينا يا رب
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
في الوقت الكنت تمجد في بشاشا
وكايس ليك رواج بتبني المشاترات
التي وصلت وصفك لكتابة الناس هنا بــ
بسبب بوست المكاشفي عن الختان في وقت كان قدوتك بشاشا
يملأ المنبلا تهريجا وتمجيدا للطهورة الفرعونية
وعندما قمت بتعريتك
لجأت إلى الكذب فقلت:
| Quote: لم تقع عيني على هذا البوست |
يا راجل قول كلام غير ده!!!
كلام بشاشا أنا جبتو ليك لحدي عندك
في خيطك الاتحدثت فيه عن إعجابك ببشاشا وجني
بعد مداخلتي أنت طوالي كبيت الزوغة يا متناقض
راجع تواريخ المداخلات !!
ده غير إنو كلام بشاشا اتعلمت فيه
3 بوستات إضافة لبوست جعفر بشير
يا جماعة بطلوا متاجرة رخيصة بقضايا المرأة
وانتهازية تصديكم لنصرتها مفضوحة !!!
وبطلوا حديث عن الفن وعن الجمال والقيم
Re: فتح باب التطوع للطهــورة الفرعونية تجسيدا للتســامي الروحي كالصلاة
__________________________
عنك فرصة تثبت مزاعمك أو تعتذر
نقابلك بكرة إن شاء الله
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
fadlabi
تستهويني الالوان
وتشكل لي الكثير ... ولكني بعيدة عن هذا الفن أكاديميا
أنقل فقط هنا ما حملته لوحتك من إحساس إليا
ألوانك دافئة ..مليئة و سودانية
ريشتك
تحكي عنا
عن غربتنا
عن إنسان سوداني يلبس جلبابه الواسع سعة طيبته
وقلبه
وحلمه
فقط كن قريب كما أنت للطين
تكن لك ريشتك
وطنا ضاجا
وللأمام
| |
|
|
|
|
|
|
|
|
|
Re: معرض جديد SANAA AFRICA (Re: REEL)
|
ريل
الفنان وحده معني بالأكاديمي
و الأكاديمي وسيلة لنيل رضى المتلقي
و تجويد العمل ليستمتع المتلقي
لست بحاجة سوى لعينين و قلب صاحي زي قلبك
و بدون هذا المتلقي فرسمي ميت و وحيد
شكرا على الحضور فقد منح لوحتي حياة
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
الفنان وحده معني بالأكاديمي
()و الأكاديمي وسيلة لنيل رضى المتلقي
و تجويد العمل ليستمتع المتلقي
لست بحاجة سوى لعينين و قلب صاحي زي قلبك
و بدون هذا المتلقي فرسمي ميت و وحيد
شكرا على الحضور فقد منح لوحتي حياة)
الجميل فاضلابي... عجبني هذا الراي تماما. اعرفك من خلال هذا المنبر ومن خلال مداخلات طلال عفيفي
سالتقيك كثيرا الي ان يبين بيننا القمر ويتصاعد البخور الافريقي
ابراهيم كوجان
| |
|
|
|
|
|
|
|
|
|
Re: معرض جديد SANAA AFRICA (Re: fadlabi)
|
سلام اخونا عبد الله ميرغني ..
ومرحبيك يا صديق الألوان..
وعذراً إن خلطت بينك وبين خالد كسلا ..
إذا ابو شريعة دفعتكم ..معناها دفعتكم إتخرجت في نفس سنة دخولنا ..
ألف مرحبيك مرة اخرى ..والتحية لخالد كسلا ..
-----------------------
فاضلابي ..ازيك تاني ..
إنتا ناسي إنو "مرتي" أماني إبداع كانت مشتركة معاكم في ورشة ألمانيا؟؟ 
بتغريك سلاما الكتير..
| |
|
|
|
|
|
|
| |
fadlabi
Mamoun Ahmed
Khalid Kodi
وليد محمد المبارك
تبارك شيخ الدين جبريل
عزان سعيد
Mahmoud Mustafa Mahmoud
غباشي
omar ali
Mustafa Shogar
gessan
عصام عبد الحفيظ
حليمة محمد عبد الرحمن
Mohamed E. Seliaman
ibrahim kojan
Ibrahim Algrefwi
تراث
شهاب الفاتح عثمان
فيس بوك
تويتر
انستقرام
يوتيوب
بنتيريست