|
|
 أين الكوز أحمد الريح؟ الرجل الذي تمكن من مسح أرشيفه المشين, أين أنت؟
|
الارهابي الكوز أحمد الريح
هارب اليومين ديل, ولابد. بالله البشوف الكوز الرعديد ده يدلوا على البوست ده.
لأنوا نحنا لسه لم نحصل على رد منه حول دوره الاجرامي بحرق معرض للكتاب المقدس بجامعة الخرطوم. هل هذا الحدث صحيحا أم لا؟
أحمد الريح يمثل قمة التشدد والتعصب داخل هذا البورد ولكنه اليومين ديل يرتدي ثياب الواعظين زورا وبهتان. ولكن هيهات.
نحن نعلم تاريخك المشين جيدا بهذا البورد. قد تتمكن من مسح الارشيف بهذا الموقع ولكنك لن تستطيع أن تمسح أرشيف زاكرتنا أبد.
ولله مهازل يا "قائد حملة المونابزا" الفاشلة. بعد أن كنتم تهدرون دم الاعضاء الان تتقمس شخصية جديد رمادية قبيحة تدعي بها الحكمة , هذا يعتبر قمة الدجل . ولا نامت أعين الكيزان.
دينق.
دينق.
|
|
 
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote: سلام يا أحمد،
قبل كده قلت إنّي ناوي أنزل بوست عن حقيقة كوزنتك. لكن شكلك ما حترعوي إلا لمّا أعمل كده!
خلي بالك، البوست حأجيب فيهو شهادة زول بيعرفك ليهو أكتر من ١١ سنة! |
وليه بس يعني يا أبو الخلد التعب ده كلو؟ موش البينة على من ادعى؟!
الحكاية وما فيها إنو في ناس هنا قايلين المنبر ده فيلم هندي، دايرين
يبقو هم الأبطال ويطلعونا نحن الخـَـيانة بأي طريقة!
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
| Quote: موش البينة على من ادعى؟! |
دا كان زمان يا أحمد ياخي...
في البورد دا الادعاء على من ادعى و البينة على من أنكر. لاحظ من أنكر دا لا بحلوا يمين و لا شهود بس البينة وحتى هذه في قبولها نظر. يعني دينق ولا بشاشا ولا غيره من المناضلين اصحى من الصباح و يرص ليك سلسلة اتهامات و معاها محضر التحقيق:
ما هو دورك في حريق معرض الكتاب المقدس؟
كيف جيت امريكا؟
ما هو وضعك القانوني؟
من قتل حمزة؟
كنت وين لما أمريكا أسقطت القنابل على هيروشيما و ناجازاكي؟
كنت وين لما غنماية حبوبة جيرانا صدمتا عربية؟
و تصبح أنت المطالب بجلب الأدلة على عدم صحة الاتهامات. و الغريب أن هذا الأسلوب نجح مع كثرين عشان كدا الخلعة لي هسع خاشة في أصحابك من الجلدة التاريخية التي نالها دينق و هذه العودة لدينق ما هي إلا محاولة المهزوم اليائس لاستعادة أراض فقدها.
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
| Quote: في البورد دا الادعاء على من ادعى و البينة على من أنكر |
والغريبة يا Elawad المدّعين ديل شرفاء في البورد ده ذاتو!
Quote: و الغريب أن هذا الأسلوب نجح مع كثرين عشان كدا الخلعة لي هسع خاشة في أصحابك من الجلدة التاريخية
التي نالها دينق و هذه العودة لدينق ما هي إلا محاولة المهزوم اليائس لاستعادة أراض فقدها |
هو بالله Deng اتجلـد يا رجـّـالة؟!
ما كلمتونا
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
| Quote: في البورد دا الادعاء على من ادعى و البينة على من أنكر |
سلامات يا Elawad
دي ظاهرة محيرة فعلاَ! واحد يسألك عن علاقتك بحدث معين، إذا
سألتو عن المعلومات الخلـّـتو يسألك سؤال غريب زي ده يقوم
يقول ليك جاوب على السؤال!!
هو يعني نحن يا Elawad نسيب الورانا والقدامنا ونقعد نجاوب
للما بـِـسوى والما بـِـسوى؟!
| Quote: كنت وين لما غنماية حبوبة جيرانا صدمتا عربية؟ |
كنت في الكورة، ومعاي عمر الفاروق ممكن يشهد
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote: يا راااااجل
بطل إستهبال
بي طريقتك دي أظنك حرقتو بالجد |
سلامات يا محمد البشرى الخضر
والله يا محمد كل الخيارات مفتوحة، Deng راجل مناضل بي
تعريف النضال في المنبر ده، طبعاً المناضلون في الواقع لا
يكذبون ولا يلفقون... لكن في الCyber ده الحكاية جاطت،
بقينا محتاجين وبصورة عاجلة إعادة تعريف للمصطلحات دي:
كوز
مناضل
شرفاء
وأخيراً وليس آخراً: رعديد
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Ahmed Alrayah)
|
Quote: حول دوره الاجرامي بحرق معرض للكتاب المقدس بجامعة الخرطوم. هل هذا الحدث صحيحا أم لا؟
حول دوره الاجرامي بحرق معرض للكتاب المقدس بجامعة الخرطوم. هل هذا الحدث صحيحا أم لا؟ |
دينق بحب خناقو
يا زول انت ما بتوب من ود الريح ده ؟؟
الزول ده ما مسح بيك المنبر ده عديل
انت ما لاقي موضوع تكتبو في المنبر ده ولا شنو ؟
اخير ليك تمسك في بوست الرقيص اصلو اي زول بباري الكيزان بيتعلم الرقيص
وطالما انت تقول دوره في حرق المعرض علاما السؤال اذا ؟
جرب اخد ليك اجازة وكفاك مرمطة
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote: دينق بحب خناقو
يا زول انت ما بتوب من ود الريح ده ؟؟
الزول ده ما مسح بيك المنبر ده عديل
انت ما لاقي موضوع تكتبو في المنبر ده ولا شنو ؟
اخير ليك تمسك في بوست الرقيص اصلو اي زول بباري الكيزان بيتعلم الرقيص
وطالما انت تقول دوره في حرق المعرض علاما السؤال اذا ؟
جرب اخد ليك اجازة وكفاك مرمطة |
سلامات يا محمد حسن العمدة،
مشكلتك إنك بتقرا، وبتفكر قبل ما ترد، عشان كده كلام Deng
والناس الزيو ما مقنع بالنسبة ليك، وعشان كده إنت كوز، وما
وطني، وفيك كل الصفات التي يوصف بها من يعادي أولياء المنبر
الصالحين ديل
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
يا دينق،
الإنت كتبتو أهو:
Quote:
الارهابي الكوز أحمد الريح
هارب اليومين ديل, ولابد. بالله البشوف الكوز الرعديد ده يدلوا على البوست ده.
لأنوا نحنا لسه لم نحصل على رد منه حول دوره الاجرامي بحرق معرض للكتاب المقدس بجامعة الخرطوم. هل هذا الحدث صحيحا أم لا؟
|
حتي بعدين كتبت:
Quote:
مازال السؤال قائم.
هل أنت شاركت بحرق معرض الكتاب الكقدس؟
|
أي زول يقرأ كلامك ده بيفهم إنو عندك معلومات مؤكدة عن مشاركة أحمد في حرق معرض الكتاب المسيحي. لأنو ما من المنطق إنو أي زول يجي يسأل من طرف. يعني ما منطقي أجي بكره أقول ليك صحي يا دينق إنك شاركت في أحداث الشغب الحصلت بعد موت جون قرنق؟ كده ساي من غير ما تكون عندي معلومات بتفيد إنك عملت الحاجة السألتك عنها ..
يا دينق حتي في أميريكا الإنت عايش فيها حصل سمعت ليك ممثل إتهام قال لمتهم صحي إنت عملت كذا وكذا من غير ما يقدم ما يفيد صحة إتهامو؟ علماً بأنو أحمد ما متهم.
يبقي يا دينق المنطق بيقول إنو واحدة من حالتين صحيحة: يا إما إنت عندك معلومات مؤكدة تخليك تسأل أحمد سؤال زي ده - وفي الحالة دي إنت مطالب قدامنا كلنا بإنك تقول لينا أسباب مقنعة لإتهامك ..
أو كمان تكون زول بتتهم الناس من راسك سااااكت، وفي الحالة دي ما بتكون عندك أي مصداقية وبتكون مطالب بإعتذار علني لأحمد ..
مش العقل والمنطق بيقول كده؟!!
يا كمان تكون الحكاية فوضي وأي زول يقطع ليهو سؤال من راسو ويلصقو في الدايرو!
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote: إزيك يا دينق،
لسه ما جاوبتني علي سؤالي ..
عشان ما أي زول يجي يقول الكلام الدايرو ويمشي، إنت مطالب إنك توضح لينا جبت حكاية إنو أحمد كان ليهو دور في حرق معرض الكتاب المسيحي دي من وين ..
of course you know we don't have to take what you said as a fact just because it was you who said it!
ولا شنو؟ |
دي شنو الأسئلة المحرجة دي يا خالد عثمان جعفر؟!
إنتو يعني Deng ده إلا يقول ليكم "الرووب"؟!
الزول ده جا قال ليك:| Quote: أمشي أقرا كلامي كويس بعدين تعال أسئل |
قاصد إنك ما فهمتو!!
بالمناسبة حكاية "ما فهمتني" دي أولى أعراض حالات الانبراش
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote:
الارهابي أحمد الريح.
بالمناسبة خالد جعفر ده لابد وين؟
خلية نايمة ول شنوا؟
دينق
|
غايتو ما بسألك يا دينق! بالجد حالتك تحنن!
أسمع، لو الحكاية غلبتك قول غلبتني
أما حكاية ده خلية نايمة وده خلية قايمة وده خلية نحل دي أحسن تشوف ليك حكاية تانية غيرها ... 
عارف مشكلتك شنو يا دينق؟
أي زول ما بيقتنع بكلامك طوالي بيكون عندك مصنف كوز وإرهابي وضلامي وجلابي ... إلي آخر قائمة الأوصاف الحفظوها الناس
عشان كده لما زول يتكلم معاك بالمنطق والحجة والعقل طوالي بتفلس وبتجيب آخرك
إنت عايز زول يتكلم معاك بدون منطق، أو زول ما عندو أسلوب. لكن دي تلقاها عند الغافل
لازم تعرف إنو مافي حاجة تلزمنا إننا ناخد كلامك كحقائق مسلم بيها. ولازم تتأكد إنو الحكاية هنا ما فوضي. تقطع أي كلام من راسك وتجيبو وعايز الناس تصفق ..
راجع الإتكتب في البوست ده بالراحة. ولو لقيت عندك كلام منطقي تعال قولو ...
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote:
Deng يا خالد ما قال أنا حرقت معرض الكتاب، قال داير يعرف دوري كان شنو
|
طيب ياخ ما تبقي لايوق ..
قول ليهو كان دوري متفرج!
وبالمرّة جاوب علي سؤالي ده وما تتهرب:
Quote:
لكن إتساقاً مع موجة الأسئلة البيقطعها الزول من راسو دي، ما هو دورك في حوادث الطيارات الحصلت في هونولولو من ما ضبحو ليها وسموها لغاية الآن؟
بس شايل نبلتك وحايم ..
|
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote:
يا أخ أحمد تحياتي،
كُنتا متوقع منك تتم القول المأثور وتقول:"واليمين لمن أنكر" وتحلف بالله بإنك لم تحرق الكتاب المقدس، بس شكلك واضح بإنك بتتزاوغ وبتحاول تميع الموضوع
يلا كدي سمي كدا وأقسم لينا، لنعلم بأنك قد صدقتنا ونكون عليه - قسمك - من الشاهدين
|
سلام يا النذير،
إنت جاد في كلامك ده؟! القاعدة الفقهية بتقول "البينة علي من إدعي واليمين علي من أنكر"؛ لكن قبل ما تطالب المدعي عليه باليمين، المفروض تطالب المدعِي بالبينة ..
دلوقتي لو مشيت فتحت بلاغ في زول وإتهمته بحاجة معينة، بلاغك ده بيتشطب قبلو لو ما كان في حاجة تثبتو. يعني المحكمة ما حيوصلها!
يعني معقول يا النذير أجي أقول ليك ما هو دورك في المذابح الإرتكبتها مليشيات الجنجويد وأطالبك إنك تحلف إنو ما كان عندك دور ساكت كده بدون ما أجيب دليل علي كلامي؟
طبعاً في حالة زي دي من حقك ترفض إنك تحلف، ببساطة عشان ما من حقي أتهمك بالباطل ...
بعدين كدي راجع الحوار المكتوب في البوست ده بالراحة كده وإنت حتعرف منو البتزاوغ!
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Ahmed Alrayah)
|
Quote: ود العمدة.
الكوز الانصاري.
أنت لسه مباري الكيزان ديل؟
دينق. |
يا دينق كدي نفترض حسن النية من سؤالك ده
احسن مباراة ود العمدة لكيزان المنبر ولا مباراة الحركة الشعبية لكيزان القصر والمجلس اللاوطني ؟
ليه تحالفتو مع الكيزان في نيفاشا وفي انتخابات المحامين و اختيار نائب رئيس المجلس اللاوطني
وفي قانون الانتخابات المزعوم وفي وفي وفي وفي ؟؟؟؟
سيبك من مباراة ود العمدة وخليك وطني وقول رايك وما تتماسك برقيص قرنق في القصر الجمهوري وهو في النهاية كلو رقيص كيزان البشير ولا قرنق ولا رايك شنو ؟
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
أخونا كبير المزرزراتية تمبس سأل "ما أخونا" زعيم المزوراتية
Deng عن "علاقة ما" له بنهب سكر التموين...
لاحظ يا خالد عثمان رغم كل شي أنا ما جيت في الpost داك
مع إني كان ممكن أكتب ساكت من باب الاستمتاع بهذا "العشوائي"
ومع إنو الفرق في المصداقية بين Deng وتمبس زي الفرق بين
الحرامي وسيد البيت لكن أنا ما بجي عشان أطالب Deng بنفي
ما ورد بشأنه لأني ما عندي أي دليل على صدق ما قرأته
وده الفرق
| |
|
|
|
|
|
|
|
|
|
Re: أين الكوز أحمد الريح؟ الرجل الذي تمكن من مسح أرشيفه المشين, أين أنت؟ (Re: Deng)
|
Quote:
أحب أطمئن الجمهور بإنو Deng لن يجد فرصة الهرولة لفتح مقال
جديد يبكي فيه ويتدردق في الـواطة مستجديا التعاطف والمساندة
أنا زول هلالابي... والهلال بيلعب كورة نضيفة |
أقصد إني لا أكتب كلام بذئ ولا أتعرض لأحد بما ليس فيه
أي صفة من الصفات السيئة الملتصقة بDeng عندها ما
يدعمها من الأرشيف... والخير راقد...
بس أنا عاوز ألطــّـش الزول ده بأقل مجهود.
| |
|
|
|
|
|
|
| |
Deng
Elawad
Khalid Osman Jaafar
احمد التجانى احمد
محمد البشرى الخضر
أبو الحسين
Frankly
ASAAD IBRAHIM
النذير حجازي
فيس بوك
تويتر
انستقرام
يوتيوب
بنتيريست