|
|
|
 Re: الموصلي تعال يارب الفن.... (Re: معتز تروتسكى)
|
| Quote: وعارف الباضاهيك منو يالموصلي الود الاسمو صلاح شعيب ده يعلم الله بريدو سلبطه وقوة عين. |
يا صديقنا معتز
أولا مرحبا بك مرة ثانية والرجاء ألا تطولو الغيبة
وعلي فكرة الاستاذ الموسيقار يوسف الموصلي استاذي ولا زلت أتعلم منه..
رب استاذ لم يعلمك في المدرسة وربما هو ود أمك..ومن الحب ما قتل، حبك لي وضعني في مصاف الموصلي وأخوك كاتب فني جربندي
يحاول أن يفكر في الجوانب الاخري في شؤون الفن والموسيقي والتشكيل وغيرها والتي أجردها من علميتها المتخصصة
لاكسبها براح العلاقة مع الاجتماعي والسياسي.. وهكذا وهلمجرات..
عموما يا تروتكسي مشتاقين وكنت علي وشك أن أدق الزار في هذا المنبر بسبب غياباتك المتكررة في الاونة الاخيرة
عموما الشوق بحر
| |
 
|
|
|
|
|
|
|
|
Re: الموصلي تعال يارب الفن.... (Re: Agab Alfaya)
|
خالص التحايا
الاستاذه الاعزاء
صلاح شعيب
تسلم كتير عزيزى ، بعدين انا ماقاعد افترى عليك ياصلاح ، الموضوع زى ماقلت ليك هو كلو ونسه مع روحى وتخاطر مع روحكم ، ونسه قلت احاول اخرج بيها من اطار النمطيه في النقاش حول الحراك الثقافي المبشتن ده ، تراؤ قدامى كتار لكن اكيد فى كل مرحلة في حاجه اسمها مرحلة التميز ، واهو لقيت اقرب زول ومع عمك يوسف ده جيتو متلبين ، بعدين انا مؤمن جدا بى مقاطع اغنية ليلى مراد يعنى حدسى كتير مابخذلنى رغم انى ماعاطفي ورغم انى لااخلو من العاطفية اكيد. بعدين ما مكن تبقى عليك حكاية الحوار الغلب شيخو ياشعيب. تعرف نوع تنافسكم ده بذكرنى بالنتافس المحموم للتنظمات حول البرامج لانو في النهاية كلو بصب في صالح المواطن . يعنى ماخسرانه معانا تب زى انت وعمك يوسف ده اتساجلتو سجال لمن جاب اخر المخيخ ، ماهو نحن المستفيدين ، طبعا ده عن قناعة انو بتحصل استفادة من واقع شخصياتكم المسالمه ومن خلال قرايتى ليها ، يعنى الحوار لو انفلت مابتعدى خطوط ولمن تلفتو حتفلقونا فليق يداوي. شفت كيف بقيت محرض حرب وحماش نيران..
بالله كيف انت وكيف صحتك ابو صلاح .وزى مانوهت ليك سابقا اوعاك تجى خليك هناك لكن برضو حاول اخلق لينا اليه تغذينا بيها معرفيا او اعمل لينا نهر صناعي عظيم من حدود المسسيبى الى نهر النيل . لقد اصبح القدر يطرق نوافذ حياتنا محبه وحكمه لخلاصة خبرته فى الانسانيه فى كل مرحلة من مراحل التاريخ البشرى هذا..فى واقع يضمنا يسعى لشى من الحداثه ومن عصور التنوير مدعوما بالعقلانيه..
لك فى الغياب كل الاشياء ولك الحضور والنار .
سلامات عزيزى
فليكن عنوانا الانتظار
وخلي بالك من نفسك..
حيدر حسن ميرغني
هدوم يافردة جناحى التاني وقت الناس تشتاق لعالمها الاول ..
وتشكر للموسيقى والنغم الذى ترادف متواتر يصل الينا نحن وصحابكـ فشكرا عزيزى..
وابقى قريب ماك بعيد...
Agab Alfaya
العجـــب اخوي..
اشتاق مرويا باسئلتى اليك تعاود العهد القديم ؛والريح دائرة لشيخ طريقته العشق المرابط منطقا..ماكنت اعرف كيف يزدهر العدم..ماكنت قبلك انسج الاشياء اشلاء؛فكم نشتاق الى امسايتك التى لاتنتهى بالتطلع..وسلام يغشاك انت محل ماتقبل..
تحاياي العميقة لكل الاسرة فردا فردا وكذلك الاسرة هنا بالمثل ، وطولت علينا الدور ده ماجاي شنو؟
التحايا النواضر..
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
اعزائي الاساتذه..
في نفاج حوار ومغالطات مع الصديق اللدود الذي اسمية "الكتاب" قصي مجدي سليم من خلال كتاب د. عثمان جمال الدين "اشارات مسرحية" ، في اول الكتاب تحت عنوان [التحدي ...مسرحيون ام انتلجنسيا...هذا زمان الترهل المسرحي ..وزمن السؤال المسرحي] ذكر الدكتور [نحن اصلا بلا تاريخ مسرحي..وبلا تقاليد مسرحية.. ولكن ذلك لا يعني الا نتبنى ظاهرة هذا النسق او اى شبية اخر نسكنه ذاكرتنا وتاريخنا ونتنفسه بيلوجيا...الخ]..
من واقع هذا الحديث كان صديقى "الكتاب مجدي" محفزا حول اسئلة فيما كتبه الدكتور ؛ حقيقة ذكرت له باننى لدي خلفية معرفية بالقدر الكافي الذي يمكننى ان افنده او اؤؤيده لكننى ساسعى بقدر ما امتلك فى البحث عن الحقيقة..
صديقي "الكتاب" كان ممتعضا لدرجة انه لم يكمل قرأة الكتاب يبدو ان هذا (البرقراف) من اول الكتاب (قهمو وسد نفسو) ..هونت عليه لانه بقدر علمى بان هذا الحديث صحيح . حيث ان المسرح دخل السودان وبصورة مبسطة في بداية ال 1900 ، وكان حينها عبارة عن مسارح خاص بالجاليات من السوريين واللبنانيين والاقباط المصرين ايام الحكم الثنائى ، وكانت الخرطوم هى مركز النشاط الرئيسي حيث تقام العروض في المقاهي والنادي المصري وبعض مدارس الجاليات مثل مدرسة الرسالة الكاثلوليكية وكان التمثيل باللغات اليونانية والايطالية والانجليزية والعربية. هذ كمرحلة اولى حسب علمي ثم بعدها انفتح ولم يقتصر على الجاليات فقط بل امتدد الى نادي الخريجين وووالخ...
المهم من خلال امتعاض صديقي "الكتاب" انا كذلك رغم اننى ليس متتعض لكن اتسال هى حقيقة باننا ثقافة المسرح ثقافة وافدة ؟ وياريت نسمع افادة في الموضوع ده [لانو بالجد حرام نكون كما قال الدكتور] لاننى لم انتبه لذلك رغم المعلومه التى عندى عن بدايات نشاط المسرح ، لكننى كنت احسب ان هناك فترة مثلا في الحضارة المروية او قبلها او حتى فى مرحلة ممالك سنار وتقلي ..
المهم حصل الحاصل عايزين نفك الاشتباك ده لتبين الحقائق حول حقيقة الامر التاريخية .يعنى ياخوانا اقلها معانا هنا بس [الموصلي –شعيب - حيدر- والفيا] يعنى تانى نرجع نقول [من شرحا حاسد اذا حسد]. ونحن يبقى علينا جاء الصباح وسكت تروتسكي عن الكلام المباح..
التحايا النواضر..
| |
|
|
|
|
|
|
|
|
|
Re: الموصلي تعال يارب الفن.... (Re: Abureesh)
|
الحبيب معتز
وانا في غمرة انشغالي بمهرجان السودان بنيويورك
هذا التجمع (المريع) الذي لازال البعض لا يصدق انه سيكون
وبرغم المتاريس التي يشيدها البعض وبرغم الارهاق في محاولة ترضية
عشرات الموسيقيين من (الكار) نبهني صديق الي عودتك التي شرفتني
بها فرجعت وبكيت ثم بكيت من الحب
وما كنت آعلم ان زرعي قذ وصلت ثماره الي ذلك النضوج سماعيا
ولا آملك ردا علي فصاحتك هذه
الا بالموسيقي
كل حبي
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
العزيز(ترو)
تحياتي
شكرا لإيراد (إنطباعي) على ما قاله الدكتور عثمان.. ربما يشاركه في هذا الرأي عدد مقدر من الكتاب والباحثين.. ولكنه خطأ شائع جدا..
المسرح موجود في هذه المنطقة منذ الاف السنين.. (نعم والله).. الاف...
ولا أعني مجرد الفعل (الدرامي) كما سيظن بعض المتخصصين.. بل أعني المسرح ذاته... المسرح كمبنى وكفعل..
الحديث يجب أن يكون عن عدم رغبة شعوب الشرق الأوسط عن إستعمال المسرح وعزوفهم.. لا عن أنهم لا يعلمون عنه شيئا ويجهلونه (وبلا تقاليد مسرحية)...
هذا حديث طويييييييييل (عزفنا عنه لفترة.. ولكن يمكن أن نرجع اليه عشان خاطرك أنت بس)
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
خالص التحايا
اعزائي يا اساتذه ..
اسف للتاخير..
وعذرا فان مابين هؤلاء القياصره لم يحن وقت جلوسى وانتم بينهم ..
اذا كيف يطيب لى معنا وكيف يستقيم للحرف ان يلتئم جرحه..
فعذرا دائما تاتى للتبرير الفعل المجاز فى سيئاتنا ..
نُبهت بانكم هنا قادمون…!!!
عبدالله وداعه الامين
استاذي وداعه.. مشتاق واشتاق ليك كما تشتاق كما لو اننى اعتصر الممكنات المفتونه بالبراءه ؛
المشحونه بالنقاء ؛حين تسبيحها اصداء اللهفه وظلال الشكوى من طول التمدن فى ارياف الغياب وبوادى .الفراق ياسيدي مكتوب على هامته الاخرى عذاب للذكرى.. وبك وصف حين تاتي سيرتك تعتلى تباشيرنا شى من الانطلاق ..
وطولت منك انا..
انت كيف امسيت ؟..
واصبحت سيدك مين ؟
لسه سيدى انا لسه سيد ريد..
سيدي..
ياسيدى بعدك طال
اتعبنى شوقى سؤال
طمنى يامرتاح
ظنونى شايله البال
قولى حالك كيف
انا حالى بعدك حال
سيدي..
سلم على عينك ..
قوليها شوقنا الطال..
والضحكة ردت روح
زغروده يوم الفال
ترقص مشاعرى انا
تدى القليب شبال
سيدي..
[كلمات :مي حسن امين / غناء : مصطفى السني]
بالله سلامى وتحياتى لمصطفي السني ، وايه جديدك ابقى اطلعنا عليه بريدك فاتح دراعاتو يستقبل حنينك.. وبالمناسبة وين الدكتور ياسر مبيوع؟!!
ابقى طيب عزيزى...
Abureesh
الاستاذ محمد عثمان..
سعيد ايما سعادة .ولاتوصف كمان بطلتك.. عامل كيف والوليدات..انا الايام دي في البلد الاسمو السودان ده ؛برجع لكن شويه كده او ربما استقرار..فتمشى ديارنا وتجى بالسلامه عزيزي.
بعدين الدرر دى ما يها الجننت عبد القادر ، ايام الزمن الجميل قبال يجونا الكفار.. لكن الله في !!
والغيبة كانت فيها اكتكاف وبرنامج الزامية وحاجات اجارك الله عنها فى هذا البلد ، الى انا بكتب جزء منها في ونستى مع استاذنا الموصلي ، وانا كلى قناعة بان العقول مثلك تعى تمام الوعي لما يحصل وكيفية الحلول ... الزيك ده يا استاذ ابو الريش بالرغم من التنافس المحموم والصراع بين الاجيال لدى يقين كامل لادراكه في ان يظل موجود ومساهما في عملية التغير الاجتماعى والرفع من وعى هذه البلد بالطريقة المثلى ،حتى تصل بنا الى منطقة انتاج لدرر موازيه لهذه الدرة ، فالتقوقع في الماضى والحرص على انا اجترار ايجابيات الماضى دون الاستشراق نحو الحاضر ناهيك المستقبل هو نتاج شى واحد الا وهو لكمية الاحباط الناجمه من تراكمات الممارسات الخاطئة الحصلت في البلد دي ، مما ادى الناس انطباع اترسخ في اذهانهم بان المستقبل مظلم ، ياسيدى الناس حاليا بتفكر فى فى القرون القادمه ونحن لسه محلك سر!! ده كلو زى ماقلت ليك من كمية الاحباط النتجت من الممارسات الخاطئة ولانو نحن شعب انطباعي ،اها هاك يا تقوقع . يبقى الخروج من الحلقة مش بيكون بالتباكي على الماضى لانو ماحيقدم شى لكن لابد من فعل يوازى المرحلة ، والفعل ده في اعتقادي بيكون بالوعي الحقيقي وكل زول من مكانو بفعل ادوات مؤسستو او وظيفتو فى بناء سليم لفهم واعي عبر اليات الاشياء الفي ديدو بالاضافة الى انو في ارضية واحدة او حاجات بتكون هى اتفاقنا واساسيات. نكلل ده كلو بالعمل بالضخ في تيار الوعي باقصى ما نستطيع ..
عموما ابقى طل عينا هنا فالشغلة عايزه عتاله ويدك معانا..
قصي مجدي سليم
صديقي الكتاب ..شوف ياسيدى ياتجى تكب العارفو عشان تكمل لى المعلومه الفي راسى دى يا تجي لانو بالمنطق البسيط ماتحجر المعلومه في راسك الكبير ده .. وبى حديثك حول وجود المسرح منذ الاف السنين (وبى حليفتها كمان) يبقى ملزم اكثر واكثر بحضورك ، انا شخصيا زى ماذكرت ليك واتناقشت معاك وتامرك على انت ودكتور طلال باتفاقكم المبطن ،برضو بقول ليك وبثبت ليك كلامى الى نقطة عدم وجود فعل درامي مع وجود مسرح !! كلام انا عندى ما موضوعي لانو لا يمكن ان يكون هنالك مسرح (خشبه) ولا يوجد فعل درامي ، الا يكون مافى ناس ولا رحلوا من منطقتهم دى ببقت المباني قاعده..
ولو بقى في فعل درامي ده بقودنا الى انو منو الكان بمثل ؟ هل الاغريق ولا غيريهم من الشعوب الكانت محتله؟ . ده اذا اقترضنا ولاتغفل نظرية الحدود ..عموما ياولدي تعال ده تخصصك لكن برضو ماتاكلنى حنك ساى لانو انا مابقتنع بسهولة لو ما عقلى اتفتت .. النقه كتيره تعال قول الفى تفتك دي وخلينا نستفيد.
[لا تطور مطلقا لاى فنون درامية دون الاعتناء بالانسان الذي ينتج هذه الدراما]
والتحية لقرامشى ولكل الذين يحبون قرامشى ماعدا انت .  .
Abdel Aati
يا عادل ..رهنت فيك ملامح ..وحينها سنسلم بان ليس بالحبر وحده يحيا الانسان..!! وفى المراسى وكل أصداف القلوب انت حتما ستجئ.. ان لم يكن بوسع ماياتى بك فليس بالامكان ان ياتى شعاع التليباثي.
طارق جبريل
وده كلامك يا استاذ طارق ، ياعزيزى الصحافة مابتجيب ساى كلها على وزن الموصلى وهكذا ؛ شفت العنصريه دى كيف...
وتشكر على التحية ونبادلك باحسن منها بقدر استطاعتنا وانت والموصلي وصلاح واشابهكم لم تكنوا الا وترا يدين كي يزيد الصمت اصرارا وصمتا.. ولم تكونوا الا وقفا ينهنه فى الدواخل حينا واحيانا يجاهر...
تشكر سيدى ..
وياريتك تكون شدّيد...
والتحايا النواضر لكل من هم هنا..
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
تعرف يامعتز ربما وجودي بين الموسيقيين الجدد من الشباب يكون اكبر من وجودي بين الجماهير
اتذكر مره ان الراحل زين العابدين محمد احمد عبد القدر قد حكي لي
ان جعفر نميري في نهاية السبيعنات كان كلما يسمع مغني شاب اتي بافكار موسيقية
غريبة علي اذنه يعلق بقوله
الموصلي ده خرب الفنانين ديل كلهم
وبجيك تاني
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
أعتقد حبايبنا مشكلته
(الكوالتي التسجيلي)
ولكن به ثاث الوان جديدة
الاولي
مطر العشم وهي اغنية قوية جدا ولكنها نامت لعدم المتابعة فوجودي خارج السودان وعدم غنائها
في حفلات السودان سبب وجيه
2-أغنية ختمت بيك الاغنيات هسع فناني كتار متشاكلين فيها
3- حبايبنا هي اول اغنية راب سودانية وهو ثاني هدف اسجله في مجال الايقاع المستجلب
وكانت الاولى وينك انتي في المهرجان الثقافي الاول في بداية الثمانينات كاول اغنية سودانية بايقاع الريقي
أما من ناحية القالب الجديد القصسر فعلي قدر الشوق كانت الاقصر
الى أن جاءت أغنية وانا لافي
مشعر خطاب والتي تغنت بها بنتي هديل مع عزه مالك في هذا المعهرجان لاحظ القصر بكسر القاف
=====
وانا لافي في شارع مافي
عاينت لقيتك انتي الفي
الظاهر انو الشارع اصلا
مموه فيك ومخفي!!!!
ولي عودة
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
وساتحدث عن المسرح السودانى
اول تجارب المسرح السودانى كانت فى القرن العشرين فى مدينة رفاعة العام (1903)حيث قدم الاستاذ بابكر بدرى اول تجاربه وكانت فى المولد حسبما ذكر الباحث جعفر النصيرى
مسرح الجاليات كان يقتصر على الجاليات المصرية واليونانية والسورية والانجليزية
فى العام 1918 كان افتتاح نادى الخريجين فى امدرمان قدموا فيه عرضا (صلاح الدين ) وكان يؤدى العرض بعضا من الخريجين (كلية غردون )
ثم بعد ذلك انتشرت فكرة مسرح الاندية فى السودان (اندية الهلال، المريخ ، الحديد )
كان حضورا فيها العبادى وخالد ابو الروس وسيداحمد غاندى ، وسيد عبد العزيز(فى الثلاثينات )وهنا لابد من الحديث عن اول مسرحية كتبها خالد ابو الروس
ثم بدا العبادى بعد ذلك بكتابة (المك نمر ) وكانت كرة القدم امرا جديدا فكان المسرح هو الذى يجذب الناس اضافة للمغنين (كرومة وسرور ) مقتسمان بين الناديين الكبيرين اضافة لنادى الحديد
وذكرت السيدة امال (نسيت اسمها كاملا فى معرض ماقدمته للماجستير من جامعة امدرمان الاسلامية ) ان الثائر على عبد اللطيف كان احد الممثلين فى مسرحية (صلاح الدين ) التى اعيد تقديمها فى عشرينات القرن العشرين
ثم كانت فى بورتسودان وقفات للمسرح
وكذا فى عطبرة حيث كان للممثل (المصرى ابوسريع حضوره وحين حضر يوسف وهبى للسودان ى ثلاثينات القرن العشرين اخذه معه وكذا فعل مع الفنان كمال الشناوى الذى كان يعمل فى السودان كموظف فى البريد )
فى الاربعينات تجد مسرح بخت الرضا الذى وقف عليه الدكتور احمد الطيب احمدوهو صاحب اول دراسة متخصصة فى المسرح من بريطانيا ، والفكى عبد الرحمن الذى فى عهد ادارته للمسرح القومى تم اول افتتاح لموسم مسرحى (1967) ، دكتور عبد الله الطيب ، وعبد الله احمد الامين ،والطاهر شبيكة صاحب سنار المحروسة وغيرهم من الاساتذة فى تلك القلعة
ومضت مسيرة المسرح السودانى فى المسرح الجامعى وكان له حضوره المميز من خلال جماعة المسرح الجامعى (شوقى الاسد ، خالد المبارك ،عمر سر الختم ، جعفر النصيرى ،محمد المهدى عبد الوهاب وغيرهم
صحيح انه فن وافد لكن له الان مرجعياته التى لا يمكن اغفالها منذ خالد ابو الروس ، العبادى ، سيد احمد غاندى ، الى الفيتورى ،هاشم صديق ، عمر براق ، يوسف الخليل محمد ،خطاب حسن احمد ، صلاح حسن احمد ، عبد الله عبدالوهاب (كارلوس ) عزالدين هلالى ، الطيب المهدى ، يحى فضل الله ، عبد الله على ابراهيم ، عمر الدوش ، مصطفى احمد الخليفة ، جمال حسن سعيد ، محمد نعيم سعد ، معتصم الجمام ، وليد الالفى ،محمد محى الدين، عزالدين كوجاك ،الضو ابراهيم عبد الكريم،خالد الكد،خالد المبارك،عثمان على الفكى ،عبد الرحيم الشبلى ، وترجمات للمسرح الافريقى والعالمى توفر عليها مصطفى ادم ، وسلمى بابكر الريح واحمد طه امفريب وغيرهم والقائمة تطول ونزعم ان لدينا ارثا مسرحيا حيويا لايمكن التغاضى عنه او نسيانه
بل ان هناك كتاب جدد لم نلتق بهم لكنهم يمثلون حيوية للمسرح السودانى الموجود رغم كل شئ
برز من بورتسودان شاب اسمه شمس الدين قدم عددا من المسرحيات فى عدد من الاحتفاليات المسرحية كانت محل اشادة ولا ننسى اضافة المسرح الهامشى الذى جاء من عطبرة ذو الفغار عدلان بحق هو احد دعامات المسرح فى السودان حيث تخرج عدد من الطلاب بمسرحيات له
وهذا قطرة من محيط المسرح السودانى
| |
|
|
|
|
|
|
|
|
|
Re: الموصلي تعال يارب الفن.... (Re: سلمى الشيخ سلامة)
|
نواصل يارب الفن ..
محاور وعي وتنوير...
الاغنية السودانية بين الصياغة والاستاذية:
التكوين والانصهار:
التمازج: حيث لم تنفصل الكلمة عن اللحن والاداء ى الغناء، فكل منها يمثل ضلعا اساسيا ومتينا فى هذا المثلث الذى تكاملت عناصره فافرزت كل هذه الثروة الغنائية من رصيد فني هائل لا شكل ارث ثقافي وحضارى انار الطريق وعبده ، فعبرت عليه حركة الفنون حتى يومنا هذا......
التامل الاستغراق .. التفكير في كل ماسبق الامس ..الرحكة.السكون ..الابداع ..الرسوخ والشموخ والبقاء.. ونغم ..كلها مداخل للحديث حول وضع رسم واضح ومحدد يقود الى النور
نغـــــــــــــم:
يُـغنيني الغناء عن الغناء...
خارجك يكل النساء...
يامن أهدتنى الأنتشاء...
كما أشاء...
لو أنى إنتشيت..
لما تفـتـقت جراحي
وللحزن أصطفيت...
ولو أنني أصطفيت الحزن
لطفا أغنيت؟
أغنيت حتى تجلى دربي
وزوال كربتي...
فطوبى لك
يامن بث الدفء فى جنباتي...
وعرس الحنان في بيدأ قلبي...
الرب يغفر
وانتى تبعينِ صكوك الغفران
باسم ربي...
أنسيت كل هذا ياقلبي...
وغنيت؟
* جزء من قصيدة اشياء الوجود.
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
خالص التحايا
الاستاذة
ذكرت الاستاذ سلمى:
| Quote: صحيح انه فن وافد لكن له الان مرجعياته التى لا يمكن اغفالها منذ خالد ابو الروس ، العبادى ، سيد احمد غاندى ، الى الفيتورى ،هاشم صديق ، عمر براق ، يوسف الخليل محمد ،خطاب حسن احمد ، صلاح حسن احمد ، عبد الله عبدالوهاب (كارلوس ) عزالدين هلالى ، الطيب المهدى ، يحى فضل الله ، عبد الله على ابراهيم ، عمر الدوش ، مصطفى احمد الخليفة ، جمال حسن سعيد ، محمد نعيم سعد ، معتصم الجمام ، وليد الالفى ،محمد محى الدين، عزالدين كوجاك ،الضو ابراهيم عبد الكريم،خالد الكد،خالد المبارك،عثمان على الفكى ،عبد الرحيم الشبلى ، وترجمات للمسرح الافريقى والعالمى توفر عليها مصطفى ادم ، وسلمى بابكر الريح واحمد طه امفريب وغيرهم والقائمة تطول ونزعم ان لدينا ارثا مسرحيا حيويا لايمكن التغاضى عنه او نسيانه |
+
وذكر د. عثمان جمال الدين
| Quote: [نحن اصلا بلا تاريخ مسرحي..وبلا تقاليد مسرحية.. ولكن ذلك لا يعني الا نتبنى ظاهرة هذا النسق او اى شبية اخر نسكنه ذاكرتنا وتاريخنا ونتنفسه بيلوجيا...الخ].. |
+
ذكر تروتسكى الغلبان ده حسب العندو
| Quote: ان المسرح دخل السودان وبصورة مبسطة في بداية ال 1900 ، وكان حينها عبارة عن مسارح خاص بالجاليات من السوريين واللبنانيين والاقباط المصرين ايام الحكم الثنائى ، وكانت الخرطوم هى مركز النشاط الرئيسي حيث تقام العروض في المقاهي والنادي المصري وبعض مدارس الجاليات مثل مدرسة الرسالة الكاثلوليكية وكان التمثيل باللغات اليونانية والايطالية والانجليزية والعربية. هذ كمرحلة اولى حسب علمي ثم بعدها انفتح ولم يقتصر على الجاليات فقط بل امتدد الى نادي الخريجين وووالخ... |
يبقى ديل تلاته؛ انا شخصيا ياقصى ده البعروفو عن عمر المسرح وبانو وافد ؛ لكن حقيقة اتمنى انو كلامك يكون هو الحقيقة بالجد امه يكون عندها تاريخ مسرحي شى جميل ؛ لكن لو بقت دى الحقيقة يجب علينا ان نقتنع بيها لانو مافى دليل مادى خلاف المسارح القلتها انت فى مناطق البجراوية وان حاولت ان اتفق معاك لنخلص لنتيجة لانو لا يمكن ان يكون هنالك مسرح (خشبه) ولا يوجد فعل درامي ، الا يكون مافى ناس ولا رحلوا من منطقتهم دى ببقت المباني قاعده.، لو في ليه مافى زول ارخ لانو التاريخ كان من اليونان القدماء يبقى عندنا وبس يقيف؟!. او حتى قاعدة مرجعية يمكن استند عليها كوثائق ولا شى من هذا القبيل...!!! يعنى ماتجى تقول لي انو من زمن الحضارة الفرعونية ولا الاغريقية..
الشى الاخر الاستاذ سلمى بسال فى لستتك دى مع العمالقة الذكرتيهم ديل فى المرحلة الثانية من المسرح الاسمها عودة المسرح البدت من تاسيس المسرح ؛ بسال وين ابو قبورة "عثمان حميده" و تور الجر "محمود سراج" و"الفاضل سعيد" كرتوب والعجب وبت قضيم اسماعيل خورشيد. برضو ديل فى مصاف خالد ابو الروس ..
اضافة: بالاضافة الى مسرح الثغر ببورت سودان كان هناك مسرح تاجوج بكسلا ومسرح عروس الرمال بالابيض ؛ ومسرح النيل بعطبره ؛ ومسرح مهيرة بدنقلا ؛ ومسرح المجمع الثقافي بجوبا...
ولاننسى الفنان صديق فريد ابرز الممثلين منذ 1918 لمدة ربع قرن؛ واسس فرقته المسرحية التى كانت تضم عرفات محمد عبدالله وعبدالرحمن على طه وعلى بدرى وعوض ساتي وعلى نور والمهندس ابوبكر عثمان .وكان اول عرض [صلاح الدين الايوبي]. وكان على عبدالطيف عضوا في الفرقة ومسئول عن ادراة المسرح واشهر الاعمل القدمتها الفرقة[ مسرحية صلاح الدين الايوبي – وفاء العرب – تاجر البندقية – مجنون ليلي – يوليوس قيصر – وانطونيو - وكليوباترا]..
خارج النص ماما سلمى:
بمناسبة كيلو باترا دي زمان وانا فى المتوسطه كان عندنا جداد فيهو جدادة حمراء كبيرة اظنها تبع الجداد الكويتى عامله زى الهيلكوبتر كنا مسمينها كليلوباترا . ده بالاضافة الى مجلة صباح وحاكاوي فنجاط ومدامو +حماتو وكليلوباترا حبيبتو. .
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
بخصوص المسرح...
المقال أعلاه كتبه الأستاذ / محمد محمد الحسن العاص و تم نشره في جريدة الصحافة
المسرح في الأبيض 1950 / 1995م
محمد العاص
«كانت الابيض ولازالت تضئ بنورها الوقاد جزءاً عزيزاً من بلادنا.. من قبل ابدعت فرقة فنون كردفان للغناء والموسيقى في الستينات. واليوم ابناء كردفان يغنون لونيتهم المميزة لتجد منا القبول».
هكذا كتب حسن عبد الرسول محرر «صفحة المسرح» بمجلة الاذاعة والتلفزيون والمسرح سابقا.
كذلك كتب الراحل اسماعيل خورشيد الرائد المسرحي وهو من ابناء الابيض مقالا له بمجلة الاذاعة والتلفزيون والمسرح سابقا: (يبدأ كل عمل فني اول ما يبدأ بالهواية، تهوي الشئ، ثم تنسجم معه ، ثم يكون لنا عملا او يكون لنا اكثر من ارتباط. والهواة في المسرح نفسه بدأوا قلة ضئيلة في الاربعينات والخمسينات لان المسرح نفسه بدأ وكأنه شئ دخيل ليس له قدر او دور في الحياة. وكان يعتبر اولا لملء الفراغ. وكانت النظرة له ايامها بأن العاملين به والمنادين له، لاهم لهم سوى الاهتمام بهذه البدعة الجديدة التي ادخلوها وهي شئ اسمه «المسرح» لهذا فقد تلكأت نهضة المسرح وتأخرت كثيرا بعد بدايتها، لانها لم تجد الامكانيات البشرية ومن الهواة من يدعمها ويقوي شوكتها ويقومها بالسرعة المطلوبة).
المسرح في الأبيض:
من هذه المقدمة ندخل الى المسرح في مدينة الابيض، كان المسرح المدرسي يمارس نشاطه، فعندما اسست مدارس شنتوت اقامت عروضاً بكادوقلي والدلنج وغيرها. ومن المسرحيات التي قدمت خارج نطاق المدرسة مسرحية «العباسة» التي قدمتها مدرسة خور طقت بعد تمارين مسرحية لمدة شهرين على مسرح سينما عروس الرمال عام 1956م عند افتتاحها.
في حوار أجراه الصحافي عمر عبد الرحمن بصحيفة كردفان عام 1979م مع الرائد المسرحي ومؤسس فرقة المسرح الكردفاني للغناء والمسرح عبد القادر عزت «ان حركة التمثيل في كردفان ككل نشأت منذ تاريخ بعيد لا اذكره. ولكن لم يكن حتى عهد قريب يوجد تنظيم لها. ومنذ عام 1956م بدأ هناك تنظيم لها. وفكرنا في تكوين فرقة مسرحية ثابتة. وفعلا انشئت وكان مقرها نادي الخريجين في البداية. وانضم اليها العديد، منهم التوم الزبير وفتحي طمبل وعصمت عبد اللطيف وكثيرون غيرهم. وكونا فرقة المسرح الكردفاني».
ومن رواد المسرح الكردفاني عوض عثمان، عابدين عريك، عوض الاصم ، دفع الله ابراهيم ، حافظ مراد، عصمت عبد اللطيف، محمد الحسن عبد الحميد، ابو بكر حسين، فتحي طمبل، عمر بشير الفكي، عبده ابو الحسن، بريمة شيخ الدين، ميرغني العقاد، فيصل عبد القادر عزت، المرحوم عمر جميل، مجذوب آدم ابو البشر، فارقو الكجيك، السماني العوض وعبده الزبير.
وفي ذلك الزمن لم يكن هناك اى عنصر نسائى. وفي عام 1959م قدمت مسرحية «فتاة القرية» من تأليف واخراج عبد القادر عزت. وفي عام1960م قدمت مسرحية «ان كيدهن عظيم» للشاعر سيد عبد العزيز. وكان يقوم بالدور النسائى بريمة شيخ الدين، مجذوب آدم ابو البشر، فتحي طمبل وعبده الزبير. ومن الجانب الغنائى في هذه الفرقة كان الفنان عثمان تندل وغيره.
وفي عام 1962م تكونت فرقة فنون كردفان. ولم تنضم فرقة المسرح الكردفاني لها الا في عام 1964م. وواصلت عطاءها من خلال فرقة فنون كردفان شعبة المسرح. وقبل انضمام فرقة المسرح الكردفاني قدمت مسرحية «بلال مؤذن الرسول» صلي الله عليه وسلم، للمرحوم محمد واخراج عبد القادر عزت.
وعند افتتاح متحف شيكان في أوائل الستينات، قدمت مسرحية «شيكان» التي شارك فيها الفنان القدير اسماعيل خورشيد. وفي عام 64 ــ 1965م قدمت فرقة فنون كردفان شعبة المسرح مسرحية «إن كيدهن عظيم» بمدينة بارا. وفي السبعينات ظهرت فرقة دامبير والمسرح الحديث الى جانب فرقة فنون كردفان شعبة المسرح.
وفي عام 1977م قدم الاستاذ ميرغني كرياكو مسرحية «الاخيرة» في مهرجان الشباب بالخرطوم. وفازت بالمركز الأول. ومن خارج نطاق الفرق المسرحية كانت بنادي البترول مجموعة مسرحية.
الفرق والجماعات المسرحية:
وفي عام 1976م ظهرت فرقة دامبير الى جانب فرقة فنون كردفان. وفي هذه الفترة ظهر خريجو معهد الموسيقى والمسرح .
فرقة دامير 1976م:
ومن روادها الحلاج ميرغني كرياكو. وقدمت مسرحية «نافذة على الطريق» عام 1977م و«مدير ليوم واحد» عام 1976م. وآخر أعمالها في فترتها الاولي «السلطان الحائر» عام 1978م وتفرق شملها.
فرقة المسرح الحديث 1978م:
ومن روادها عمر موسى، عبد الله صالح، الحلاج. وقدمت مسرحية «كيف تصعد دون ان تقع» في مهرجان الثقافة الثاني بالخرطوم ومسرح كنانة. ومسرحية «المرفعين ذئب يهدد المدينة» على مسرح كلية المعلمات. وفرقة فنون كردفان ومسرح المدرسة الصناعية. ومسرحية «زينوبة بت محمدين» عام 1982م بمسرح عروس الرمال.
وفرقة الفنون المسرحية بمركز شباب السودان 1978م ..قدمت اعمالا مسرحية مختلفة منها «المسؤولية» تأليف صلاح محمد الحسن ومسرحية «الوظيفة» أو «المدير» من تأليف موسى شيخ الربع ومسرحية «الشرطة في خدمة الشعب» التي تعالج مشاكل الخمور. ومن الفرقة صلاح محمد الحسن، شيخ الربع، جمال ابراهيم جمعة المصري، حامد عثمان، مبارك عبد الرحيم، لؤي محمد علي سمساعة، عمر الزيلعي، احمد عبد السميع غندور، اسامة محمد عثمان وني، اسماعيل سيد بكري ، ماجد خير الله، المرحوم سيف محمد ابراهيم موسى، هاشم العربي، احمد الضي، عادل احمد الحاج، مجد الدين عبد الله، نجم الدين حسن عبد الرحيم ، محمد العاص. وفي عام 1982م غيرت الفرقة اسمها الى اتحاد الممثلين الشباب. وقدمت نفس الاعمال في منطقة بارا وبعض المناطق الاخرى.
فرقة اتحاد الهواة 1982م:
قامت هذه الفرقة بقيادة الاستاذ اسامة علي شنبول، محمد المجتبى موسى، محمد الحافظ فضل الله، مصباح ميرغني الاندلس، صالح عبد الله، بت ابو سوط. وقدمت مسرحية «انا البيت المدرسة» وفي نفس العام تلاشت هذه الفرقة.
فرقة شموع المسرح 1983م:
روادها بدر الدين مصطفى، احمد سليمان، محمد المجتبى موسى، بلالة محجوب، أم جمعة آدم، سعاد أحمد، جعفر حسين عثمان، منصور ابراهيم ، اسامة عبد المجيد حسين جعفر، زاكي الدين حسين.
وقدمت هذه الفرقة مسرحية «سفرية زيرو» ومسرحية و«دحامد» و«العشر قام ليه شوك» و«فاطنة الهندل عود الصندل» للاطفال.
فرقة انقاذ المسرح 1984م:
روادها عبد الباقي عثمان مكي، محمد الحفاظ موسى، محيي الدين محمد نور، الطيب الحافظ موسى، حسن موسى وياسر محيي الدين البدوي. وقدمت مسرحية (البطال لا)
فرقة دامبير:
عادت للظهور مرة اخرى بقيادة ميرغني كرياكو. وقدمت مسرحية «كلم الحيطة» المقتبسة من مسرحية كأسك يا وطن للفنان دريد لحام، من اخراج الاستاذ ميرغني كرياكو. وشارك فيها ميرغني العقاد، محمد ابراهيم سعد، جعفر حسين عثمان، عبود ابو خضرة، هشام الريح، الصادق فلة و بدرية سليمان.
فرقة النجوم بحي القلعة 1987م:
روادها طارق الدومة، الرشيد الدومة، عادل الضي ابو شقة، عبد الرحمن ابو شقة والامام الشافعي. وقد قدمت اعمالا قصيرة.
فرقة شيكان 1987م:
روادها ابراهيم آدم أحمد (كشك) جعفر عبد القادر، طارق محمد عبد الرحمن، عادل دهب، علي قنيو، ايمن بشير، سعدية سلامة، انتصار بدوي، منير محمد موسى، محمود آدم السنوسي «زوبعة» عماد الدين التجاني. وقدمت مسرحية «حجوة أم ضبيبينة» و«المفتاح» و«بين يوم وليلة» من تأليف توفيق الحكيم.
فرقة الابداع بنادي الاتحاد 1987م:
من روادها سيف كورينا ود ابو جولا. وقدمت مسرحية «عودة الروح» واعمالا قصيرة.
جماعة شكسبير 1990م:
روادها زاكي الدين حسين، الصادق الكنني، منى حسين، محمد النور، جعفر عبد القادر. وقدمت «وصلة الجن الملكي».
مهرجان كرفان الثقافي 1989م:
وفي ديسمبر عام 1989م اقيم مهرجان كردفان الثقافي. وشاركت فيه فرقة شيكان بمسرحة «الصريف» من اخراج وتأليف جهاد عبد المجيد. وفرقة نادي المسرح بالتعاون مع شعبة المسرح بفرقة فنون كردفان قدمت مسرحية «الزاوية الحرجة» من تأليف محمد عبد الرحمن واخراج عادل دهب. وفرقة الابداع شاركت بمسرحية «عودة الروح». وشعبة المسرح برابطة كردفان الثقافية قدمت مسرحية «حصان في مجلس الشيوخ» من تأليف ليموند اندريا واخراج عبدالوهاب عثمان بوب. وفرقة عروس الرمال قدمت مسرحية «الجري وراء الدنيا» من تأليف واخراج الاحنف محمد الاحنف. وشعبة المسرح برابطة أصدقاء الكلمة قدمت مسرحية «حجارة الحق» من تأليف قاسم عثمان واخراج صديق محمد نور. وفرقة فنون كردفان قدمت مسرحية «الزاد المر» من تأليف واخراج عوض عمر. وقُدم اوبريت السلام في هذا المهرجان. وقد فازت بالمركز الاول مسرحية «حصان في مجلس الشيوخ» لرابطة كردفان الثقافية. والمركز الثاني لمسرحية «الزاد المر» لفرقة فنون كردفان شعبة المسرح. والمركز الثالث لمسرحية «الزاوية الحرجة» لنادي المسرح.
اتحاد الممثلين السودانيين التمهيدي 1989م:
بعد نهاية مهرجان كردفان الثقافي مباشرة تم تكوين الاتحاد، بحضور الاخ علي مهدي وآخرين قدموا من الاتحاد العام للممثلين لهذا التكوين. مهرجان الجماعات والفرق
المسرحية 1990م:
وشاركت فرقة فنون كردفان شعبة المسرح بمسرحية «الزاد المر» في هذا المهرجان في مارس1990م، بعد تأهلها في مهرجان كردفان الثقافي السابق ذكره. واحرزت المركز الثاني على مستوى الولايات.
فرقة شارلس 1995م:
ومن روادها جمال سليمان، أمير عثمان، فارس عاجب وموسى الضو. وقدمت اعمالا قصيرة.
واخيرا هذا غيض من فيض...
*المراجع:
استطلاع عن الأبيض نشر في مجلة العربي في يوليو 1967م.
ملـــــحق التعليق على ماخوذ من موقع كردفان:-
Quote: الموضوع أعلاه موضوع جميل يوثق لتاريخ المسرح في كردفان ...بالنسبة لفرقة دامبير المسرحية (سميت الفرقة على جبل دامبير بكردفان والذي تسبب في هزة أرضية خفيفة في تلك الفترة ) فأنا ممن عاصروا تأسيس تلك الفرقة في السبعينات وقد كانت تحت اشراف مركز الشباب بالأبيض تحت قيادة الأستاذ الحاج أحمد عيسى، والأخ عثمان محمد موسى الخير (رحمه الله). قامت الفرقة بتقديم عدة مسرحيات على مسرح فرقة فنون كردفان، كانت أولها مسرحية (مدير ليوم واحد) وتلتها (السلطان الحائر) و (خطوبة سهير) و (نافذة على الطريق) والتي أعددناها في فترة أسبوعين وكان فيها دور غنائي للمرحوم العميري وأذكر أنه بعد هذه المسرحية مباشرة التحق المرحوم العميري بمعهد الموسيقى والمسرح بناء على توصية الرائد زين العابدين محمد أحمد عبدالقادر الذي كان وزيراً الشباب والرياضة في عهد نميري أنذاك. وأذكر من أعضاء الفرقة المؤسسين وقد كان معظمهم من الأساتذة: الأخوان: عبدالمنعم سليمان الشيخ جحا ومحمد عثمان الحسن (الحلاج). وعبدالعزيز العميري رحمه الله، وميرغني عامر شبور (كرياكو) والتوم محمد الحسن ومحمد أحمد الشيخ وصديق محمد نور والأستاذة هدى حسين من كلية المعلمات بالأبيض. وآمنة محمد عبدالله وهند مصطفى عزت، وآخرين ممن لا تحضرني الذاكرة لحصرهم إذ أن الفترة قد طالت. وأرجو أن يساعدني الأخوان في تذكر بقية الرواد المسرحيين في الأبيض...
.www.kordofanonline.com.
... |
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
وجع وجع
معتز رجع
مليوووووووووووووون الف حمدا الله على سلامة العوده ايها الحبيب
والله سعيد بى انى شفتك فى البورد تانى
تتصور اول حاجه عملتها بعد ما فتحت الوست دا انى شفت التاريخ
اول شئ وقلت يمكن بوست قديم ورفع للصفحه الاولى
بس الحمد لله
طلعت الحقيقه اغرب من الخيال
| |
|
|
|
|
|
|
|
|
|
Re: الموصلي تعال يارب الفن.... (Re: Tabaldina)
|
خالص التحايا
الاعزاء
على محمد على بشير
ابو النسب ياسيدى تشكر كتير ؛ وكيف احوالك والوليدات...
ونطمح فى اى افادة منك فى مسيرة الفنون اقلها بعامل الخبرة..
ابقى طيب..
سلمى الشيخ سلامة
عرفتى انو وجودك مهم لتصحيح ما التبس من معلومات خطاء ..سياتى يوما على التاريخ يجعلنا نحاسب كل من كان امامنا.. ولسه بنقول هل من مزيد لمن يجى صديقى الكتاب قصى يورينا حُجتو فيما ذهب اليه..
التحايا تبلغك من رفية الدرب..
Tabaldina
ازيك ياسهل ..
مهبب مهبب ، ياتقل خيرا ولا تقطع وشك ..
بعدين سمعنا صوتك الشين ده ؛ لانو ماعارفك الايام الفاتت كنت غاتس وين..الله يحرق يومك يوم البعرفك..
بعدين عرس الكنغ فى زول جا غيرى حقوا تخجلوا بس ومافى زول يفتح خشموا نهائى عشان كده الموضوع جليهو اسي..
اعزائي
يذهب الوتر المصفح بالضجيج ؛ وليحيا الق المشرقين فى تلك الرقعه الطيبنه..
فى انتظار الحلوين [صلاح – الموصلي] من على شاكلتهم ..
والتحايا النواضر الى حين الصد..
| |
|
|
|
|
|
|
|
|
|
حسنا.. لنتحدث عن المسرح في السودان قليلا.. (Re: معتز تروتسكى)
|
ما هو السودان:
قبل أن نبتدر حديثنا عن المسرح فيه، لابد أن نعرف عن أي قطر نتحدث أولا، أسم السودان (وبإتفاق شبه عام) يطلق على (بلاد السود) وهو إسم أطلقه العرب (بعد الإسلام) على الممالك الأفريقية الإسلامية الواقعة بين الحبشة وسنغمبيا: وتشمل ممالك( سنار، دارفور ، وداي، باجرمي، كانم، برنو، سوكوتو، ملي).
وأما في التاريخ البعيد:إمتدت دولة إثيوبيا قديما من الشلال الأول عند (أسوان) الى أقاصي الحبشة من الشمال الى الجنوب، ومن سواكن ومصوع عند البحر الأحمر الى صحراء ليبيا وهي بهذه الحدود تشمل بلاد الحبشة والسودان (الحاليين) وتشمل جزءا من مصر وليبيا وإرتريا. وهذه الحدود قد دون لها تاريخيا منذ العام 3703 ق. م . أي منذ الدولة السادسة المصرية. وإن كانت لها آثارا تسبق ذلك التاريخ بأمد بعيد ومنها ما تم إكتشافه حديثا ولكننا لن نتطرق له لعدم أهميته وموضوع البحث. واثيوبيا كلمة يونانية تعني (الوجه الأسود، أو المحرق، أو أرض السود). وهي تعرف في التوراة بإسم (كوش)
وللدولة الاثيوبيا حروبا طاحنة مع الدولة المصرية القديمة كانت الغلبة فيها متبادلة بين المصريين والكوشيين.. وإذا عرفنا أن الأسر المصرية نفسها قد مرت بسنوات انهزام على يد (الآشوريين) و (الفرس) و (اليونان) الذين صاروا فيما بعد (الرومان). عرفنا أن بلاد اثيوبيا(السودان) قد مرت بحروب مع كل هؤلاء.. بل إن بعانخي قد وصل الى أقاصي مصر وأن (سباقون) قد واصل فتوحاته حتى (سوريا) و (فلسطين) وإن كان قد عاد مهزوما.
ونشاهد وفي ايام بطليموس الثاني قام على حكم اثيوبيا (مروي) ارجيمنس..
ويحكي شقير أن الكهنة في عهده كان لهم سلطة رهيبة على الرعية والملك فكانوا يأمرونه بقتل نفسه اذا غضبوا عليه..ويقول شقير (ان ارجيمنس هذا كان ملكا حربيا مثقفا بآداب اليونان وعلومهم وارسلوا له امرا بقتل نفسه، فحمل عليهم في الهيكل الذهبي وقتلهم عن آخرهم).ولعل صاحبنا هذا هو الذي أوحى لهاشم صديق مسرحيته الشعرية (نبتة حبيبتي) مع الفارق أن هذا قد تم في عهد مملكة مروى لا نبتة.
كما يخبرنا التاريخ بتوجه (بطليموس الثاني) نحو مملكة مروي، وفتحها في ما بين عامي 146و 117 ق م. ثم سار نحو أكسوم وفتحها ودون خبر فتوحاته.
ويخبرنا التاريخ الحاضر بأن كل هؤلاء قد مارسوا المسرح.. شيدوا المعابد والمسارح، وأقاموا العروض المسرحية والاستعراضية، ولا زالت مسارحهم قابعة حتى الآن في شمال السودان وجنوب مصر.
يمكن لمن يريد الحديث عن المسرح السوداني أن يتحدث عن (اسباب عزوف شعوب النيل والعرب) عن المسرح، ولكنه لا يستطيع أن يتحدث وكأنهم لا خبرة لهم بالمسرح ولم يتعاهدوه.. وهذا فارق كبير !!
والمسلمون:
لقد دخل الاسلام الى كافة شعوب الارض (بالفتوحات والحروب) كعادة تلك الازمان الغابرة، ونقل ما نقل من الشعوب المهزومة، وأخذ من الثقافات والعلوم والفنون.. فهل من المنطقي والمقبول أنهم قد (خلفوا) المسرح وراء ظهورهم؟!! وهل يعقل بأنهم لم يعرفوا عنه شيئا ولم يجربوه!!
هنا ايضا يستطيع الباحث أن يخرج بنظريات عدة في اسباب عزوفهم عن استخدام المسرح.. ولكن إفتراض أنهم لا يعرفون المسرح (بدءا) يعد غلة خاسرة.
والسودان القديم قد عرف المسرح بلا شك، ولكنه رفضه.. وهذا مبحث مهم لمن شاء الذهاب اليه، ولا رغبة لي في الخوض فيه الآن.
ولكني أقول بأن تجربة السودان الحديث لا تتيح للدكتور عثمان أن يذهب للقول بأننا (بلا تقاليد مسرحية) فهذا القول غير مضبوط وحتى بشروط الواقع..
فمن نحن؟؟ ومن يعني الدكتور؟؟ واذا كان الدكتور يقول (نحن) فكيف يجوز له الكتابة بعد ذلك؟ هل خرج هو من دائرة ال (نحن) فصار كائنا (نحنيا منفصلا عن النحن) أم لا زال داخل ال (نحن بنحوه او نحوا ما).. هذا القول غير متسق ولا يجوز، فانت اذا اردت أن تتكلم عن معضلة ما لا بد لك أن تكون خارج تلك المعضلة، فاذا قدر للدكتور أن يكون واسع الثقافة المسرحية، كثير المشاهدة، جم الإطلاع، فهو اذن يمتلك تقاليدا مسرحية، عكسنا نحن!! فلا يحق له أن يقول (نحن ).
ولكن هل حقا (نحن) بلا تقاليد مسرحية؟؟
أم أن تقاليد المسرح في السودان (قليلة)؟!
أم أن السودانيون لا يشعرون بالحاجة الى المسرح؟
أم أنهم لا يعلمون أهمية دوره؟؟
أم أن المسرحيون يجهلون كيف يقنعون المشاهدين بالمسرح؟؟
أم أنهم لا يعرفون المسرح؟؟
كلها اسئلة مشروعة وقابلة للنقاش .. ولكن أن نبتدر بأن مسرحنا قد بدأ في القرن العشرين.. فهذا ابتدار خاطئ.. لنقل أنه قد عاد في القرن العشرين..
وليته لم يفعل.
| |
|
|
|
|
|
|
|
|
|
Re: حسنا.. لنتحدث عن المسرح في السودان قليلا.. (Re: قصي مجدي سليم)
|
ياااااااااه رب الفن جا وجاب مع النسيمات الجميله كلكم بجيكم بي رواقه ، انا اصلو ماكنت عايز ازعج الموصلي لمن يخلص الفي يدو ، بعدين وين الود صلاح عشان تسبك للاخر..
ساتيكم فردا فردا...
ياقصي كويس الجيت وقلت افادتك ولا كان بطلع روحك وحاعملك مسخرة ، يبقى جميل التواصل فى كل الفنون ونجابد معاك ومع عمك الموصلي وكل الجميلين .كمان حاحمش النيران معاك ومع ماما سلمي شيل شيلتك يا البقيت للنص...
واكيد العودة وجبت..
احبكم..
التحايا النواضر..
| |
|
|
|
|
|
|
|
|
|
Re: حسنا.. لنتحدث عن المسرح في السودان قليلا.. (Re: Mekki M Alhassan)
|
يا الف مرحب بيك
ايها العزيز
Quote: انتم خير جليس.. بعد الكتاب
الصحبه التي تضيف معلومه وتثري العقل والوجدان
قبل شهور ارسل لي ابن خالتي محمد عبد المجيد حاج الامين من واشنطون وهو شاعر وابن الشاعر عبد المحيد حاج الامين ( هبت الخرطوم في جنح الدجي .. وسكر سكر واخريات ) |
فهنالك الذين يعرفون قيمة الفنان السوداني حق المعرفة ويحترمون احترافيته
كما يحدث في البلاد المتحضرة
فلكم الحب
| |
|
|
|
|
|
|
|
|
|
Re: حسنا.. لنتحدث عن المسرح في السودان قليلا.. (Re: Mekki M Alhassan)
|
Quote: شعيب صلاح وحاسة الايقاع:
عندما يتنفس صلاح ويفعل هذا النفس الطالع ونازل الى حروف كتابية او صوتية او شكل من الفنون تشعر بالايقاع الحركي للترانيم الذي يؤكد بان هذا الكائن كما الطبيعة يمد من حوله بالحس الايقاعي الذي ينمو في الانسان والذي يعكس مشاعره وانفعالات ازاء العالم باشيائه ، غير ان هذه النضج والحس الايقاعي الذي يتخلله يرجع الى مدى مايبتكره هو ثم يطوره من ادوات يتعامل بها من خلالها مع عالمه ، من بين هذه الادوات نجد الموسيقى التى تشكل فيه حيزا ضخما اسس فيه روح تختلف عن الاخريات نكاد نلمسها من خلال الايقاع الذي يتردد بيننا في كتاباته وحروفه وصوته وهلمرجرا |
الزملاء
معتز تروتسكي
مكي محمد الحسن
معتز عبد الماجد
الموصلي
والبقية
أتابع هذه الروح الجميلة من النقاشات..ولدي مادة عن "عبد الرحمن الريح" وهي في طور التشطيب
وسأعود محاولا إثراء الحوار
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
خالص التحايا الاساتذة الاعزاء.. Mustafa Mahmoudيا دكترة ياخ سعيدين تزورنا وده كلو يصب فى جوف الاستاذ الموصلي ، الذي ما فتئ ان يقدم مايقدم دون كلل او ملل فى تخصصه ، وصراحة رب الفن ده نموذج لمعنى التخصصيه التى نفتقدها والمنهجية ، فاعايزنك تبقى انت وانا وجميعنا زى الاستاذ او اقلاها نحذو الحذو في المدرسة الختاها دي [مدرسة الموسسية] من خلال وظيفة وتخصص كل فينا ، واقلاها يادكتور انا بالذات بحتاج ليك لكن انت عاد فاضي لينا لمن انا ذاتي بحتار انو انت كيف كده.  . عموما ماتزعل من حديثي لكن بالجد سعيد بى زيارتك وياريت تعاود الهطول لنعطى هذا الاستاذ بعض حقه... نصاراستاذي صاحبي الكعب ، اخبارك ياقلب وكيف اخبار الحب معاك والاسره ، شكلو كده حنحتاج بعض النصائح التور ما قاعد يترنح ياخال شكلو ايل للسقوط بقى.  .. يدك معانا في حق الموصلي ما انت ذاتك ناقصك شنو ماقضيتها في الهند كلها كورالات قال ليك انا مابعرف امور الطلبة دي . . قصي مجدي سليمقصوص صديقى الكتاب..انا كلامك ده شعرا مالي رقبه ليهو لكنى ساجتهد خصوصا انو مسرح لو كان مزيكا كان شويه بكون في ثقة تحدي، كما اني مقتنع بيهو انك محفز ، الشى التاني انت وكت عندك المعلومه بخصوص المسرح ليه طامى خشمك عليك ياخ كلامك ده ممكن يحول التاريخ ويقلب الموازين ... انا ساجتهد في مقارعتك والكرة في ملعب الاستاذ سلمي .. Mekki M Alhassanكم تتصور السعادة التى هى بي الان العزيز مكي..وعموما انا بقول ليك الزمه شفته الزمه بتاعت زمنا كنا صغار الواحد يخت ليك صباعو فى رقبتك بتذكر الكلام ده ، بس ياهو شفت الزمه كان تجى وماعافي منك لو ماجيت . . الشى الاخر الشى بخلينى عن قناعة كتبت ماكتبت انو كل يوم الموصلي بوضح لىانو فرق مننا لانو الصعلقة بتاعت الرجرجه دى لو عملو ها معاى ودينى اقطعهم ، لكن اهو الفرق بخلينا نتعلم منو [ترسيخ المافيهم ماهو شيتا ساهل عزيزى] واعتقد الموصلى نجح وبجدارة.. بجيك بى رواقه انت واملى ان تثرى النقاش.. Elmosley رجعنالك رجوع القمرة لي وطن القماري.. نعود الى حيث كان للحديث شجون... ونواصل يارب الفن .. محاور وعي وتنوير... الاغنية السودانية بين الصياغة والاستاذية: التكوين والانصهار: التمازج: حيث لم تنفصل الكلمة عن اللحن والاداء ى الغناء، فكل منها يمثل ضلعا اساسيا ومتينا فى هذا المثلث الذى تكاملت عناصره فافرزت كل هذه الثروة الغنائية من رصيد فني هائل لا شكل ارث ثقافي وحضارى انار الطريق وعبده ، فعبرت عليه حركة الفنون حتى يومنا هذا...... التامل الاستغراق .. التفكير في كل ماسبق الامس ..الرحكة.السكون ..الابداع ..الرسوخ والشموخ والبقاء.. ونغم ..كلها مداخل للحديث حول وضع رسم واضح ومحدد يقود الى النور.. الشى الاخر حول رؤيتك في ان تظل الحقيبة هى المقياس المطرب ، لا ننكر دورها التاريخي لكن ، هل التخلي عنها كمقياس قد يخل بالاغنية السودانية ؟ كذلك ما استغربت له ان دكتور اعتقد بانك تعرفه حق المعرفه سمعت ان الدكتوراه التى تخرج بها كانت في [دور الفلوت في اغاني الحقيبة] او شى من هذا القبيل عموما لا اعلم مدى صحته لكن لو صدق ان كانت الدكتوراه هذا هو مضمونها حقيقة اننى مندهش، نسمع منك اكيد انك تملك مفايتح ازالة الحيرة ... ونواصل لاحقا في بقية المحاور.. بعدين الليافطه بتاعت حصاد رجعوها ، والاستاذ احمد يوسف يُغريك السلام ،وشكلو في حركة في شكل وردة ..واسال الشوق في عيوننا قدر ايش جوانا مساحتك..  كلمة على البال : انت اوعى من كثيرون فى هذه المدنية التى يملائها الرِعاع.. اعلم ذلك واثق فيه.... كون بخير... ونواصل راهنت دنيا الموسيقى عليك ولحن الحياة منك.... التحايا النواضر..
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
خالص التحايا
احبتي
Elmosley
اعقب على حديثك السابق الي حين عودتك
ياسيدي بحديثك حول وجودك بين الموسيقين الشباب ،انا شخصيا مسلم بي شى واحد انو وربما الكبار قد لايكنون لنا شي سيئ لكن مشكلتهم انهم لم يقروا الواقع بصورة جيدة[فمثلا وابهاتنا اثق تمام الثقه انهم يرغبون لنا كل شى جميل لكن مشكلتهم انهم يريدون تربيتنا كما رُبو بالسم- وده هنا الغلط في عدم القراية للواقع صحيحا].. الشى الاخر اللمكن يُضاف ليك من خلال تحليل من خلال نموذج التربية ده انو قرايتك للواقع بصورة جيدة خلتك محكر وسط الشباب ديل ، وكثير مثلك قروا الواقع (ببعض) الواقعية الصحيحة في ان الشباب التف حولهم لكم المنعطف الخطير فى ان يتم اليتماهى مع هؤلاء الشباب كما يرغبون ، يعنى بدل يسوقوهم للدرب الصحيح تلقى موسيقي كبير منتج ليهو شريط لى شاب مغني كلو ركاكه [طيب الدرسو ده حيطلعوا بتين]...
نميري شنو يا استاذ مانحن زاتنا ربك ده من قمنا ما ابتلانا الا بي رؤسا [اغبياء وما واعين] "اسكت لنا ماتسمعنا" . .. عموما لو اصلو انت بتخرب وبقت خراب لي خراب برضو افضل لينا خرابك من السواها فينا هو ..
عزيزي الموصلي .. نعم مشكلة حبايبنا (الكوالتي التسجيلي) ، بعدين حكاية الالوان دي ماعرفتها هل انت قاصد تصميم الغلاف وماشابه ، لو قاصد كذلك انا بختلف معاك فى انو يمكن التكلفة في الالوان عاليا لانها نوعا مع قد تكون متفقة مع شكل الطرح الموسيقى المقدم داخل الكاسيت ابتداءا بحابيبنا ، لكن الالوان الهادئة زى غلاف شوق الهوي مريح شديد . ده حقيقة بقودني لحكاية الاغلفة لانو من الملاحظ تطابق مضمون الغلاف مع المادة الفي الكاسيت [نقطه فاهمه جدا] . اما الحان الشريط فرجعت وسمعتها بى رواقه اقدر اقول ليك طلعت بى رائى السابق نفسو بانها اقل الاشرطه السابقة ، والشى الاخر يا استاذ الموصلى ياخ حاول ابتعد عن الاورغ شوية بحس بيهو [بربط] الاغنية واللحن لانو اختزال كل الالات في الاله بكون زى الهرجلة [روح العازف] بتدي كتير وما اظن تُخفي عليك .. الشغل الوحيد العجبني وكان لاورغ طاغي فيهو [طفل العالم الثالث]..وبمناسبة طفل العالم الثالث واغني [انتي ليا] ، ايام نحن في الثانوي كنا عاملين جريدة وانا وسنيرى الامام ابوعلامه كنت مقتبس المقاطع دي بختها في كل عدد [ دي الشمس لو طال غايبه مابتقصد دابه بس بتتاخر شويه] . لكنها يالموصلي مالها اتاخرت كده. .
• وموضوع ارتباط انتشار الاغنية بالحفلات هل هو ارتباط اساسي ؟لانو في (اقزامبلات) غير كده اعتقد !.
[مطر العشم وهي اغنية قوية جدا ولكنها نامت لعدم المتابعة فوجودي خارج السودان وعدم غنائها، في حفلات السودان سبب وجيه] – اتفق معك واضيف انو الافضل لو اديتها لى فنان يكون فنان صوتو غليظ وواعي بنوعية الكلمات البغنيها عشان يضيفي عليها بعد اخر، في اعتقادى نسبة نجاحها بتكون افضل من الصوت الحاد.. لانو قفلاتها في وجود صوت حاد بتبقى زى الصراخ وقد تكون مرهقة على الفنان زاتو.[ وانا ياجميل. لاقادر من عيونك تانى انزح]..
ختمت بيك دي نصية مني ليك [ماتفكها]
حبايبنا فكرة جيدة بالخروج عن النمطية بطريقة منضبطه وعلمية ...
Quote: وانا لافي في شارع مافي
عاينت لقيتك انتي الفي
الظاهر انو الشارع اصلا
مموه فيك ومخفي!!!! |
ياخ الابيات رهيبة جد ، عموما ثقتى مفتوحه بانو الخروج النهائي للعمل بكون بروعة الابيات .. تحياتي للبنيات [هديل الموصلي - عزه مالك] ..وبالتوفيق يا الهي...
* الشي الاخر ياعزيزى يوسف جلسنا واجتررنا ذكريات عميقة مع الاستاذ والصديق الهادي حامد ود الجبل [ود حلتنا] كنت انت فى نصها وحول مانناقسه في هذا البوست وبوجه عام، بحييك وبقول ليك مكانتك شاغرة يايوسف..
وقال لايمانع بتعاون ، وعندو البوم الايام نازل خلاص وخالص فيه اعمال جديدة بس باقي مشكلة الحقوق المادية للشعراء وكده ..
وذكر بدايات حصاد انو كان مفروض يكون تعاون لكن نسبة لسفرو..
وحكى لينا عن ايام ليبيا وذكريات ثرة [يادفعة]..
يديكم العافية...
---------------------------
Mekki M Alhassan
Quote: قبل شهور ارسل لي ابن خالتي محمد عبد المجيد حاج الامين من واشنطون وهو شاعر وابن الشاعر عبد المحيد حاج الامين ( هبت الخرطوم في جنح الدجي .. وسكر سكر واخريات )
شريط كاسيت لتسجيل قديم لنفس الاغنية بصوت المرحومين عثمان الشفيع وخوجلي عثمان! |
يعنى اسى ده يقولو عليهو حنكده ولا مغرزه ولا كيفين ؟؟
ماخليت حالتنا مابتتقابل يا اخوي ، جريت جري اسمع هبت الخرطوم وسكر وديك الروائع ماقلنا ليكم الاستاذ الكابلي ده مبالغة يديهو العافية اننى اسميته [الموسوعه]..
وكمان الشفيع ياخ انت ماطلعت دينا للاخر ، [مازمان وصوك علينا قالوا ليك خليك حنين..نحن ماحبانك انت واصلو حق الريده بين..وفي سبيل ضحكت عيونك يبقى ظلم الدنيا هين ..حبه حبه]...
دي طبعا لخوجلي عثمان الفنان الاصيل – اضيف ليك معلومه بخصوص خوجلي انو الاكتشفوا هو الدكتور محمد عبدالله الريح [حساس محمد حساس] بطريقة دراماتيكة ..عندي ليهو تسجيل غناء بالاثيبوبي جميل زيك ارجو ان تكون سمعتوا..لو ماسمعتوا قول عوك بس..
Quote: فهنالك الذين يعرفون قيمة الفنان السوداني حق المعرفة ويحترمون احترافيته
كما يحدث في البلاد المتحضرة |
الشى الاخر من خلال رد الاستاذ الموصلي عليك . حديثو ده جاب لي كلام في راسي بخصوص [الفن والوجودية] كنت قد قمت بكتابة بوست عن الفـــــن... لم يكتمل وكنت بصدد ان اضيف هذه المداخله به لكن كان الزمن اسرع. وده عشان تعرف كيف نحن مابنعرف قيمة الفن والفنان الايجابي..
لعناية الود الجميل صلاح شعيب وجميع الاساتذه هنا...[قيمة الفن]..
من الطبيعي ان يكون الفن مهتما بالانسان بمظهره الوجودي وليس بمظهره العلمي. ولا يعتبر الفنان مسائل مثل مركز الانسان ومغزاه والعذاب والقوة من مسائل العلم ، ولذلك فانه يميل الى اعتبار الفن متعه اقل اهمية ، ولسؤ الحظ تقبل الفنان وجهة نظر العالم وتبناها واعتقد بان النتيجه هي ان الفن في القرن العشرين لم يعد يعتبر نفسه الاداة الرئيسية للفلسفة الوجودية ولم يعد يعتبر نفسه الاداة للبحث في مسائل المغزى البشري . (فالفن هو علم المصير البشري). والعلم هو ومحاولة اكتشاف النظام الذي يكمن في فوضى الطبيعة. والفن هو محاولة اكتشاف النظام الكامن في فوضى الانسان ، وهو حين يكون فنا جيدا فانه يثير عواطف موحدة ويجعل القارئ يرى العالم في لحظة ما عالما واحدا.
ولكن السؤال الذي يطرح نفسه ؛ الفن والوجودية يتشابهان في انهما يتناولان مسالة مركز الانسان فهل هو اله ام دودة؟
وتعال يارب الفن...
نواصل ماشين في السكة نمد...
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
Quote: حاول ابتعد عن الاورغ شوية بحس بيهو [بربط] الاغنية واللحن لانو اختزال كل الالات في الاله بكون زى الهرجلة [روح العازف] بتدي كتير وما اظن تُخفي عليك .. الشغل الوحيد العجبني وكان لاورغ طاغي فيهو [طفل العالم الثالث]..وبمناسبة طفل العالم الثالث واغني [انتي ليا] ، ايام نحن في الثانوي كنا عاملين جريدة وانا وسنيرى الامام ابوعلامه كنت مقتبس المقاطع دي بختها في كل عدد [ دي الشمس لو طال غايبه مابتقصد دابه بس بتتاخر شويه] . لكنها يالموصلي مالها اتاخرت كده. .
|
في طفل العالم الشغل الاساسي لم يكن أورغ وقد عزف الكمنجات أحسن العازفين في الوطن العربي
بقيادة حسن شرارة وقد كان وقتها عميد الكونسيرفتوار
وهو احد العازفين العالميين للكمان
المشكلة أن الطريقة التي عزفوا بها لم نعتد عليها في الموسيقى السودانية وبجيك
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
الاخ معتز
اسه عليك الله البحندك في التاني منو؟
| Quote: اضيف ليك معلومه بخصوص خوجلي انو الاكتشفوا هو الدكتور محمد عبدالله الريح [حساس محمد حساس] بطريقة دراماتيكة ..عندي ليهو تسجيل غناء بالاثيبوبي جميل زيك ارجو ان تكون سمعتوا..لو ماسمعتوا قول عوك بس.. |
(وضع الخط بمعرفتي )
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
| Quote: * الشي الاخر ياعزيزى يوسف جلسنا واجتررنا ذكريات عميقة مع الاستاذ والصديق الهادي حامد ود الجبل [ود حلتنا] كنت انت فى نصها وحول مانناقسه في هذا البوست وبوجه عام، بحييك وبقول ليك مكانتك شاغرة يايوسف.... |
سلامي للحبيب الصديق الدفعه الهادي ود الجبل فنان الفنانين
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
معتز ياصديق
عارف يعني شنو لما تسمع لحن و .....يغير اتجاه حياتك!!!!!كنت ماشي اتسكع في داخل معرض الخرطوم الدولي ببري اوآخر ثمانينيات القرن الماضي ....وفجاة اسمع صوت بت عبر المايكروفون....يسر شركة جواهر للانتاج الفني بالخرطوم ان تقدم باكورة انتاجها الاول الاستاذ الموسيقار يوسف الموصلي في شريطه الاول شــــــــــــوق الهــــــــــــــوي........ثم....... موسيقي جميلة.....قعدت اسمع بكل حواسي........ومشيت اشتريت نسختين من الشريط........وكان الشريط ده هو البوابة الدخلتني معهد الموسيقي......
الموصلي يارب الفن..........تعال
| |
|
|
|
|
|
|
|
|
|
Re: الموصلي تعال يارب الفن.... (Re: omar altom)
|
| Quote: يوسف الموصلي في شريطه الاول شــــــــــــوق الهــــــــــــــوي........ثم....... موسيقي جميلة.....قعدت اسمع بكل حواسي........ومشيت اشتريت نسختين من الشريط........وكان الشريط ده هو البوابة الدخلتني معهد الموسيقي |
انا شاكر وحامد ربي
انني تسببت ان تذهب الى معهد الموسيقى ويارب نشوفك فنان (أد) الدنيا
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
العزيز معتز
انت تحصحص الغربال على شوال خيش قديم
ولا يصفى هذا الفن الا بالموصلى
هذه الاذن التى تكتب لك سمعت ما جردها
من آدميتها وارهقها وافسد ذوقها زمنا" طويلا"
الى ان جاء الموصلى فهذبها وشذبها ورتبها
الموسيقى تساعد وتدعم الاحساس بالجمال
أما ربط الموسيقى بالمسرح يمكنك ان تحسه
اذا ضغط على ريموت القناة السودانية
وجاءتك مادة غنائية
ستجد حتما" الاوركسترا مبعثرة خلف الفنان
وكل الذى يوصل بينهم سلك اسود (ملولو)
متى نربط المسرح بموسيقانا
متى ينتهى جمود الاداء وبؤس المكان
ومتى لايحرجنا نشاذاورغ وهو يقطع تداعيات كمان
وينهر الاذن المرهفة
لك عميق تحياتى
بابكر زيكو
......
رسالاتك وصلت ايها النبيل
| |
|
|
|
|
|
|
|
|
|
Re: الموصلي تعال يارب الفن.... (Re: بابكر عثمان مكي)
|
دوما عزيزي بابكر عثمان مكي
يسمو الفن ويرتفع عندما تتضافر كل الفنون
فالتشكيل مع الموسيقي مع التمثيل مع الكتابة
عائلة يجب ان يساند بعضها البعض في بلادنا
فمتى يخرج هؤلاء الى تلك (السَهَلةِ) السهلة
محبتي واحترامي
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
خالص التحايا
رب الفن وجميع الاساتذه هنا..
احبتي ، عذرا ثم عذرا ماتقولو نسيت الماضي وصرت ناسيكم..
بوستات زى دي دايرة قعده بي مزاج وانا الايام دي بالكاد بحك راسى لكن جايكم يالحلوين
للوكت داك قيلو بعافية ..
واتصبرو بى خوجــلي عثمان ده لمن اجيكم [على حسب وعدنا]...
التحايا النواضر..
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
| Quote: اصدرت مجموع لاباس به من البومات ، كان اغلب الاراء حول ان البوم شوق الهوى هو السقف الاعلى من مجموع البوماتك من حيث التكنك والالحان والمزيكا والاداء. رائى شخصى ان البوم (سفر العيون) فى اعتقادى افضل من شوق الهوى ليس تقليلا لكن احس بان البوم (سفر العيون) .وشغل المزيكا فيهو واضح بالنسبة للالات .اما بقية البومات كا البوم (حبايبا) يمكن ياتى فى اخر البوماتك استاذ الموصلى مقارنه مع سفر العيون و شوق الهوى فاللبوم توجد به ردائه فى التسجيل بالاضافه الى اننى شعرت لاول مره بان الحانك كانها كانت عُجاله .ففى البوم تشعر بان بعض المقاطع اللحن فيها شى متناقم مع وزن الكلمات ومقطع اخر كان |
تعرف ياعزيزي
انو سفر العيون دي اتلحنت في الطريق من المعهد في العمارات الي الخرطوم في البوكس
طبعا زمان عندنا البرنسات ما الرقشات
المهم وانا راكب البوكس ليس مع السواق لكن بي ورا مع الركاب
وشايل النوته كل ماتجي خاطره طوالي من الراس للكراس
ولما البوكس وصل السوق العربي
كانت سفر العيون كلحن كروكي انتهت ونوتتها مكتوبه
لكن واضح من نظرات الركاب انو كالن فيها اتهام بما يشبه الجنون
وللقصة بقيه
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
سفر العيون اغنيه سودانية تتنقل فيها المقامات الخماسية في سلاسة وحرية
واتذكر انني بعد ذلك كتبتها للبيانو حينما كنت ادرس بكونسرفتوار القاهرة
فاعجبت استاذ التاليف الراحل محمد جمال عبد الرحيم الذي اوصي بان تدرس للاطفال
لسهولتها وسهولة الانتقالات اللحنية والمقامية
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
تعرف يامعتز
د جمال الدين بلال صديقي العزيز
معجب جدا ببوستك هذا واسلوبك الرشيق في الكتابة
لذا فانني ساضعه في موقعي الجديد في مواقع الصدارة مع الكتابات البهية
تشرفا وتبركا ياشيخنا
===============
في دي انت فعلا عجزت
| Quote: وكم عالج احساسنا بلغة الانهار والظلال والكرامه وشى من وهج الصبابه الوطنيه .حركها باتجاه النسمه الاتيه من بسمه فجريه متفائلة ؛حاور عقولنا بلزمية وعى ممنوع من الانفلات والافراط ؛فكان شموس الرؤيه وغفوة الرؤيا وظلال الاستجارة؛ وكنا نتهافت لجموح المد ؛فنتوارى من شر حاسد اذا حسد. وعارف ده بتين ؟ .ده ايام حصاد ماتقول لى تابعتنى من هنا لالا انا بتذكر رهاب رهاب لمن غنيت مرة حاجه زى فيديو كليب دعاية لى شريطك شوق الهوى قدام حدائق هليتون او حاجه زى كده [ماتاخذنا الكبر خشى ياسيدي!!]. |
الاغنيه تصويرها كان في فندق قصر الصداقة
وكان لمعتصم الجعيلي يدا بديعة
يعني مالك مكبرنا وتدعي الكبر
وانت صغمبوتي بتسمعنا
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
شئ للمسرح ..
مشهد اول:
الدارة ذلك [الحوش] الذي تمتزج فيه رائحة الحناء ببخور الصندل ورائحة الطعام الممزوجة برائحة الدخان.
مشهد ثان:
وجلسن شوف يا حلاتن .. تلك الرمية التي رسمت صورت الفتيات وهن يجلسن ساعة الحفل في خطوط افقية [على السباته] البرش في اتجاه معاكس للعنقريب المعد للصياع"1" والشيالين .. لتبدأ اللعبة .. لتبدأ برمية.. التقيل .. الخفيف ... ولكل مرحلة من تلك المراحل مرحلة ملازمة للرقيص.
مشهد ثالث:
عند الرمية تأتي الفتاة التي يقع عليها الاختيار لاداء الرقص لتقوم من جلستها وتأتي في تأني لتقف على السباته المعدة للرقيص وتبدأ في كشف راسها واخراج شعرها المجدول لتشرع في الرقص التقيل والذي يقدمه الفنان من واقع الحال وصفاً.
مشهد رابع:
عند الخفيف تكون الفتاة قد تهأيت لمغادرة الدارة لتجئ أخرى وهكذا..
"1"- الاسم الشائع قديما للفنان المغني ، ولعل معنى صياع لا يحتاج الى عناء كثير في تفسيره.
*(وشوفى من عرفتك الكلام جننتو كيف – وقدر حبك داير اغني بس اجيب من وين حروف)..
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
وعلى قدر شوق الود صلاح مديت...
صلاح شعيب
ابو صلاح ازيك يالحبيب ،
شعيب صلاح وحاسة الايقاع:
عندما يتنفس صلاح ويفعل هذا النفس الطالع ونازل الى حروف كتابية او صوتية او شكل من الفنون تشعر بالايقاع الحركي للترانيم الذي يؤكد بان هذا الكائن كما الطبيعة يمد من حوله بالحس الايقاعي الذي ينمو في الانسان والذي يعكس مشاعره وانفعالات ازاء العالم باشيائه ، غير ان هذه النضج والحس الايقاعي الذي يتخلله يرجع الى مدى مايبتكره هو ثم يطوره من ادوات يتعامل بها من خلالها مع عالمه ، من بين هذه الادوات نجد الموسيقى التى تشكل فيه حيزا ضخما اسس فيه روح تختلف عن الاخريات نكاد نلمسها من خلال الايقاع الذي يتردد بيننا في كتاباته وحروفه وصوته وهلمرجرا ..
| |
|
|
|
|
|
|
|
|
|
Re: الموصلي تعال يارب الفن.... (Re: معتز تروتسكى)
|
ساكتب لاحقا عن [الموصلي وصياغة فهم وميلاد جديد للاغنية والموسيقى في اطار المؤسيسية:]
من أولئك الذين رسموا بخطوطهم وصدحوا بحناجرهم أساس نهضة غنائية ثرة
وفي شكل تأسيس فهم موسيقي في شكل خارطة الفن والغناء والموسيقة السودانية ......
يقول فرانك زابا:
(( بان كل شيء قابل أن يكون موسيقى ولكن لن يكون كذلك حتى يُـراد له أن يكون و يستقبلة المستمعين كموسيقى ايضاً))
وماشين في السكة نمد...
التحايا النواضر...
| |
|
|
|
|
|
|
|
|
|
Re: الموصلي تعال يارب الفن.... (Re: AmroKamal)
|
بعد ان استمعت لجنة الالحان اليها
قال لي سكرتير اللجنة الراحل المقيم العاقب محمد حسن
يا ابني رآيي اللجنه آن هذه الاغنية كبيره عليك
وحقو تديها لفنان تاني
يكون مشهور من الكبار
كما آن الانتقالات اللحنية المقامية فيها حادة جدا
ونطلب تخفيف هذه الحدة
=========
لم استغرب لانني اغرف غرابة ما جلبته من لحن
فالانتقالات المقامية متعددة ومتواصلة ولكن في سلاسة
وانسياب ومصداق لكلامي فقد رشحها
استاذي للتآليف الراحل
محمد جمال عبد الرحيم لتدرس للاطفال
بعد آن آعدت كتابتها لالة البيانو بتصرف
وقلت في نفسي (ناس اللجنة ديل )
محتاجين يسمعوا العمل ده تاني
ونواصل
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
حملت نفس التسجيل وبلا ادني تغيير
استعطت المرور علي كل افراد اللجنة
واسمعتهم اللحن وقلت لكل واحد منهم ها آنذا قد خففت من
حدة الانتقالات المقامية في الآغنية بينما ذلك لم يحدث البتة
وصدق حدسي فقد اجيزت الاغنية بامتياز بعد ذلك
نعم احبتي يحتاج الانسان لسماع غير المآلوف اكثر من مرة
ليتالف معه
| |
|
|
|
|
|
|
|
|
|
Re: الموصلي تعال يارب الفن.... (Re: Elmosley)
|
خالص التحايا
احبائي الاعزاء
هشام مدنى
ياخال يعلم الله ليك وحشة الوحشة ، انا بخير ياهو يوم هنا يومين هنا ، عموما الى اخر السنه دي ساكون متواجد في هذا الوطن وبعدها لكل حادثة حديث ، تتخلله احياينا طلعات خارج العاصمة وخارج الوطن نفسه...
بالله كيف انت وكيف الاسرة ، صدقني استاذ هشام لن ولن انسى صنيعك معى يوما ما ، تقبل تحيات الاسرة هنا وان شغلتنا الظروف فقد يغيب المرء عن العين ولكن يظل حضورا في الدواخل ، وحينها لا يكون للوقت او المكان قيمة غي انها ادوات للتلاقي..
الموصلي جاي وبجي وانت كمان ابقى تعال ، ياخ دخلت الزول في حته نفسية عديل وخليتنا مخنوقين بالعبره ، اسى اقوم افطر. .
AmroKamal
حينما يصحو القلب عن فوضاه يحن الي احبابه ..فشوقهم يقتات منه. مشتاااق.
عمرو ازيك حبيبي شنو من ديك وعيك اخبارك وصحتك مش حقو نتشاوف لينا زمن ياولد..
ياسيدي انت الكل في الكل دخل يديك ودوزن لينا بعض روايعك ...
Elmosley
رب الفن واصل يديك العافية انا مرات الزحمة بتاخدني لكننى حتما متابع ، ساعتين 3 في النت يوميا دي لابد منها..
من المفروض اليوم ان اكون في حضرة الاستاذ احمد يوسف لميعاده الذي اعطاني اياه لكن يبدو ان تضارب في المواعيد ، سنلتقي وستكون انت في منتصف الونسة والنقاش ،وكما ذكرت لك سابقا يبدو انه في حركة في شكل وردة
جميعكم دموا بخير وان تاخرنا فلكم العتبى ولكن عائدين عائدين والى ذالك الوقت قيلو بعافية..
التحايا النواضر..
| |
|
|
|
|
|
|
| |
معتز تروتسكى
صلاح شعيب
حيدر حسن ميرغني
Elmosley
Agab Alfaya
Abureesh
قصي مجدي سليم
Abdel Aati
طارق جبريل
سلمى الشيخ سلامة
على محمد على بشير
Mustafa Mahmoud
نصار
Mekki M Alhassan
omar altom
بابكر عثمان مكي
حبيب نورة
nadus2000
Haydar Badawi Sadig
.
..
AmroKamal
محمود ريحان
فيس بوك
تويتر
انستقرام
يوتيوب
بنتيريست