تبقى آخر كلمة بينا..
بعد ماخلاس رجع قلبك من الأوهام؟؟ لوبرجع وأعاود ليك رجوع حيزوّد الآلام وأنده تاني للاشواق..وأستناك؟؟ كيف ترجع تنادي الزول..بعد روّحتو ماهمّاك.. وكيف بتطيّب الخاطر ، بعد ضوّقتو مرّة قساك، لو قال ليك ماأحلاك ، شفتك انت أحلى ملاك لو حنانو شويّة جاك ، انت شلت الروح معاكَ لو شايلو قلبك في علاك ياربي بس تفضل هناك ويبقى يتواصل غُناك انو واحد في سماك وانو لي بردك غُتاك وماتمل الريد هناك ، وماتخليو بي وراك أصلو عارف الفي قليبك ، مصيرو يتبدّل هواكَ وان شاءالله تلقى الدايرو انت ، وانت يتحقق مرادك الريدة ياالبدّلت فيها أوفي للجايين ميعادك خوفي تبقى الريدة عندك قصة مابتشغل حياتك كل يوم يعشق قليبك ، انت تعشق فيها ذاتك انت تهوى تكون لنفسك مابكون العشق زادك واحنا نهوى نكون لغيرنا وغيرنا كان ياانت.. زاااتك أمشي لي آخر طريقك ولسّه ازداد في عنادك بس انت ماتبدّل عيونو زي عيون بدّلت ريدا الغريبة تريد دروبو زي دروبنا الكان تريدا والعجييبة تقول حروف لينا كم كنت بتعيدا المشاعر الجاتنا منك ،جاتو زاتا وماغريبة لو أخلصت في الريد عيونو برضو حتفارق تسيبا ديمة حالك في تبدّل ديمة أحوالك عجيبة مابفيد لو يبكي ريدتك ، عمرو ريدتك مابجيبا انو قلبك مابيخلص ده البيحصل والحقيقة مابدوم في ريدو زولاً فيهو أكتر من دقيقة ومابتعرف غيرها روحك ، أحلى من أجمل عشيقة وأبقى أعرف، مامهم لو كنت جنبي،أو ألاقي معايّ بُعدك، ومامهِم لو رِدتَ غيري،أو تضوق الدنيا شهدك ماخلاس البينا روّح،وماعرفت الليلة قصدك مش هويت ياريدي ريدو؟أيه يفيد لو قلتَ سببك ماخلاس راحت مسافة كان تسوق في روحي دربك ماخلاس راحت بسيمة كان بتمسح ديمة غضبك بس..... (هل لمستَ الليلة إيدو؟وهمستَ ليهو كتير بحبّك؟؟ هل نهلت الريد في قربو،هل سقيتو الليلة قربك؟ هل حضنتَ معاهو تعبو؟؟واستراح في حضنو..تعبك؟ هل قلتَ ليهو براك حبيبي،حضنت بي ايديهو قلبك؟ هل سماحتو كتيييرة دافقة؟هل جلس يوماتي جنبك؟) الحقيقة.. رغم بعدك عنّي إنت، لسّه بشتاقك براكَ ورغم سايق فيني ظلمك لسّه كايس لي رضاكَ ورغم إنّك قاالوا مافي ، أنا كنتَ بتونّس معاكَ وأنا كان بنادوني ال هنا..ألقاني جنبك بي هناكَ مين بشيل منك صباحك وبرضو يشتاقك مساكَ أنا خفتَ أتعوّد مجيكَ، أرجع أتعوّد أساكَ البجرّب إعيش حنانك ، حرام تجرّعو مُر قساكَ والبيعرف ريدك انتَ محال يكون في يوم نِساكَ لكنّي جرّبتك قريب وانكويت بي هجرك انتَ كأنّو مااتلاقت إيدينا، كأنّو ليّ ماكنتَ ردتَ كأنو ماشفتَ المحبّة ولاحنانك برضو عشتَ لمّا قلت الدنيا انت ، فجأة منّي رحلتَ فُتَّ أبقى خليك في بعادك ،أنا بلتقيك في كل حتّة وتبقى آخر كلمة بينا، ياريتني لو عنك بِعدتَ وياريتني ليك الماسمعتَ لاشفتَ لافي يوم عرفتَ ياريت هواك ماكان...... وكنتَ.

10-25-2008, 12:00 PM

ماجدة عوض خوجلى

ماجدة عوض خوجلى
تاريخ التسجيل: 12-25-2006
مجموع المشاركات: 7279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: تماضر الخنساء حمزه)

بعد ماخلاس رجع قلبك من الأوهام؟؟
لوبرجع وأعاود ليك رجوع حيزوّد الآلام
وأنده تاني للاشواق..وأستناك؟؟
كيف ترجع تنادي الزول..بعد روّحتو ماهمّاك..
وكيف بتطيّب الخاطر ، بعد ضوّقتو مرّة قساك،
لو قال ليك ماأحلاك ، شفتك انت أحلى ملاك
لو حنانو شويّة جاك ، انت شلت الروح معاكَ
لو شايلو قلبك في علاك ياربي بس تفضل هناك
ويبقى يتواصل غُناك
انو واحد في سماك وانو لي بردك غُتاك
وماتمل الريد هناك ، وماتخليو بي وراك
أصلو عارف الفي قليبك ، مصيرو يتبدّل هواكَ
وان شاءالله تلقى الدايرو انت ،
وانت يتحقق مرادك
الريدة ياالبدّلت فيها أوفي للجايين ميعادك
خوفي تبقى الريدة عندك قصة مابتشغل حياتك
كل يوم يعشق قليبك ، انت تعشق فيها ذاتك
انت تهوى تكون لنفسك مابكون العشق زادك
واحنا نهوى نكون لغيرنا وغيرنا كان ياانت..
زاااتك
أمشي لي آخر طريقك ولسّه ازداد في عنادك
بس انت ماتبدّل عيونو زي عيون بدّلت ريدا
الغريبة تريد دروبو زي دروبنا الكان تريدا
والعجييبة تقول حروف لينا كم كنت بتعيدا
المشاعر الجاتنا منك ،جاتو زاتا وماغريبة
لو أخلصت في الريد عيونو برضو حتفارق تسيبا
ديمة حالك في تبدّل ديمة أحوالك عجيبة
مابفيد لو يبكي ريدتك ، عمرو ريدتك مابجيبا
انو قلبك مابيخلص ده البيحصل والحقيقة
مابدوم في ريدو زولاً فيهو أكتر من دقيقة
ومابتعرف غيرها روحك ، أحلى من أجمل عشيقة
وأبقى أعرف،
مامهم لو كنت جنبي،أو ألاقي معايّ بُعدك،
ومامهِم لو رِدتَ غيري،أو تضوق الدنيا شهدك
ماخلاس البينا روّح،وماعرفت الليلة قصدك
مش هويت ياريدي ريدو؟أيه يفيد لو قلتَ سببك
ماخلاس راحت مسافة كان تسوق في روحي دربك
ماخلاس راحت بسيمة كان بتمسح ديمة غضبك
بس.....
(هل لمستَ الليلة إيدو؟وهمستَ ليهو كتير بحبّك؟؟
هل نهلت الريد في قربو،هل سقيتو الليلة قربك؟
هل حضنتَ معاهو تعبو؟؟واستراح في حضنو..تعبك؟
هل قلتَ ليهو براك حبيبي،حضنت بي ايديهو قلبك؟
هل سماحتو كتيييرة دافقة؟هل جلس يوماتي جنبك؟)
الحقيقة..
رغم بعدك عنّي إنت، لسّه بشتاقك براكَ
ورغم سايق فيني ظلمك لسّه كايس لي رضاكَ
ورغم إنّك قاالوا مافي ، أنا كنتَ بتونّس معاكَ
وأنا كان بنادوني ال هنا..ألقاني جنبك بي هناكَ
مين بشيل منك صباحك وبرضو يشتاقك مساكَ
أنا خفتَ أتعوّد مجيكَ، أرجع أتعوّد أساكَ
البجرّب إعيش حنانك ، حرام تجرّعو مُر قساكَ
والبيعرف ريدك انتَ محال يكون في يوم نِساكَ
لكنّي جرّبتك قريب وانكويت بي هجرك انتَ
كأنّو مااتلاقت إيدينا، كأنّو ليّ ماكنتَ ردتَ
كأنو ماشفتَ المحبّة ولاحنانك برضو عشتَ
لمّا قلت الدنيا انت ، فجأة منّي رحلتَ فُتَّ
أبقى خليك في بعادك ،أنا بلتقيك في كل حتّة
وتبقى آخر كلمة بينا، ياريتني لو عنك بِعدتَ
وياريتني ليك الماسمعتَ
لاشفتَ
لافي يوم عرفتَ
ياريت هواك ماكان...... وكنتَ.

Quote: وتبقى آخر كلمة بينا، ياريتني لو عنك بِعدتَ
وياريتني ليك الماسمعتَ
لاشفتَ
لافي يوم عرفتَ
ياريت هواك ماكان...... وكنتَ.

توما حبيبى مشتاااقين
اذا اصلو بعد كل الجمال الفوق ده عمل كده يستحق كلامك
الفى الاقتباس بتاعى ده
تسلمى حبيبه كتير يارب
التوقيع ماجدة خوجلى
السكرتير التحريضى لجمعية الرفق بالانسان

10-25-2008, 12:19 PM

مجدي عبدالرحيم فضل

مجدي عبدالرحيم فضل
تاريخ التسجيل: 03-11-2007
مجموع المشاركات: 8888

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: ماجدة عوض خوجلى)

Quote:
لمّا قلت الدنيا انت ، فجأة منّي رحلتَ فُتَّ

أبقى خليك في بعادك ،أنا بلتقيك في كل حتّة

وتبقى آخر كلمة بينا، ياريتني لو عنك بِعدتَ

وياريتني ليك الماسمعتَ

لاشفتَ

لافي يوم عرفتَ

ياريت هواك ماكان...... وكنتَ.

،،،،أبوقصي،،،،

10-26-2008, 10:11 AM

تماضر الخنساء حمزه

تماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: مجدي عبدالرحيم فضل)
أبوقصيّ، شكرا كتير على القراءة، مودتي،

10-26-2008, 10:10 AM

تماضر الخنساء حمزه

تماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: ماجدة عوض خوجلى)

Quote: التوقيع ماجدة خوجلى
السكرتير التحريضى لجمعية الرفق بالانسان

مجودة
صباحاتك ورد

شعار المرحلة اضربوا بقلبٍ من حديد

10-25-2008, 12:51 PM

محمد عثمان

تاريخ التسجيل: 11-10-2006
مجموع المشاركات: 6534

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: تماضر الخنساء حمزه)

10-26-2008, 10:12 AM

تماضر الخنساء حمزه

تماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: محمد عثمان)
تعال...

10-25-2008, 01:13 PM

انعام عبد الحفيظ

انعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: تماضر الخنساء حمزه)

Quote: (هل لمستَ الليلة إيدو؟وهمستَ ليهو كتير بحبّك؟؟

هل نهلت الريد في قربو،هل سقيتو الليلة قربك؟

هل حضنتَ معاهو تعبو؟؟واستراح في حضنو..تعبك؟

هل قلتَ ليهو براك حبيبي،حضنت بي ايديهو قلبك؟

هل سماحتو كتيييرة دافقة؟هل جلس يوماتي جنبك؟)

ما عارفه كلماتك دي ذكراتني رائعة الطيب مدثر

ليه حياتنا اخترت غيرها فيها أحلامنا وكلامنا
فيها حاجتنا الصغيرة كيف تغطي الصورة صورة
وريدنا داك يا سيدي كلو يبقى ماضيك بالضرورة
ايه لقيت فيهو الجديد ريدتو من حاجات بقولا
او ليك قرب اماني بينا ما قادر تطولا
هل قدر يكسر غرورك هل هو في الاحلام بزورك
هل هو بالجد بيعرف لعبة الريد واصولا
هل صحيح راقي ومهندم هل ببكي الريد عيونو
هل عرفتو ما بتندم في الليالي القاسي طولا
الف مبروك يا مخير انت بتبيع المشاعر
ماالبصر دون البصائر والاصل ما ببقى صورة

10-25-2008, 01:19 PM

عماد محمود علي

تاريخ التسجيل: 07-13-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: انعام عبد الحفيظ)

شاعرتنا الراقية تماضر

Quote: بس انت ماتبدّل عيونو زي عيون بدّلت ريدا
الغريبة تريد دروبو زي دروبنا الكان تريدا
والعجييبة تقول حروف لينا كم كنت بتعيدا

الكلام ده قبل ولا بعد التهكير ؟

10-26-2008, 10:16 AM

تماضر الخنساء حمزه

تماضر الخنساء حمزه
تاريخ التسجيل: 10-13-2006
مجموع المشاركات: 5215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: انعام عبد الحفيظ)
ناعومي صباحاتك حلوة زيك، سمعتها الأغنية من محمد عثمان، وأكتر حتّة موجعة كانت الأسئلة، اللي هي موجودة في النصين، محبتي الشديدة خالس

10-25-2008, 01:57 PM

هاشم أحمد خلف الله

هاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: تبقى آخر كلمة بينا.. (Re: تماضر الخنساء حمزه)

Quote: ياريت هواك ماكان...... وكنتَ.

بالجد

ما بصدق

هل نسيتي اني في جواك ساكن؟؟
واني بحبك بجاهر
كيف هواي ما كان حقيقي ؟
وكيف اكون عنك بعدتا؟
شيلي ظنك من طريقي
وخلي افراح عمري تبداء
مابحب غيرك حبيبة
عمري كلو معاك صدقتا
ليه تخلي الشك يساورك
عارفة اني بدونك اشقى
كم سهرت الليل اعاني
وفي هواك انا كم مرضتا
خلي حبل الوصل وافي
وعافي ليا لو غلطتا

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]