|
دعواتكم لزميلنا المفكر د.الباقر العفيف بالشفاء العاجل
|
|
 Re: بلا زعل (Re: العوض المسلمي)
|
أذكر أن والدي حينما كان ينسى جزلانه
أو يقع منه
فإنني آخذه بضبانته وأعطيه له
لم نكن نتلصص على الذي به
ولم نكن نفتحه
بل نأخذه في صمت
لكن لو وقع الجزلان اليوم
أو ترك الشخص مبلغاً ما كما كان يفعل الكبار سابقاً
فإنه من النادر أن يجد كل شيء في مكانه
لقد انتهت الكثير من القيم والمباديء
وهذا الجزلان الذي يوشك الإنسان أن يقول أنه أتى من غوانتي نامو
اجزم أن صاحبه لو تركه في وقتنا الحالي
فإنهم سوف يغيرون { القفل } والسلاسل
ويأخذون ما به
ومن ثم يعيدونه له بنفس الطريقة
لدي جد قبل ايام كنا جميعاً ننتظر موته على أحر من الجمر
فالرجل لديه خزينة من زمن المهدية وهو يقوم بتخزين كل شيء فيها
وحينما يطلبون منه قروش للفحم والزيت فإنه يفتح هذه الخزنة بعد أن يغلق الأبواب جيدا
ومن ثم تأتيك قروش الزيت القديمة جداً
لم يمت حتى الآن 00 اللهم زد وبارك في عمره
ولكن قبل فترة ضاع المفتاح
وحاولنا كثيراً فتح الخزنة ولكن دون جدوى
وبالطبع حملوها لمدني
وتم فتحها بواسطة مختص هناك
ولم يعثر فيها على اي شيء
الجد كان في غيبوبة ووقع في مدني وحمل للمستشفى
والآن بدأ يتعافى وقد ذهب كل شيء أدراج الرياح
طبعاً بعد كده لو مات أو حي ماتفرق كتير
قال جزلان قال !!!
| |
 
|
|
|
|
|
|
|
|
Re: بلا زعل (Re: ابوحراز)
|
سلامات أبو حراز
Quote: فإنني آخذه بضبانته وأعطيه له
لم نكن نتلصص على الذي به
ولم نكن نفتحه
بل نأخذه في صمت |
لسه في ناس بتعمل كده
الدنيا مازالت بخير
| Quote: لدي جد قبل ايام كنا جميعاً ننتظر موته على أحر من الجمر |
بتكتلوهو كان حيين انتو
ربي يديهو طول العمر
Quote: وتم فتحها بواسطة مختص هناك
ولم يعثر فيها على اي شيء |
والله جدّك ده راجل عسل
يكون حسّ بيكم راجنّو قال أصبروا ليّ بوريكم
Quote: والآن بدأ يتعافى وقد ذهب كل شيء أدراج الرياح
طبعاً بعد كده لو مات أو حي ماتفرق كتير
قال جزلان قال !!! |
ياخي ربنا يديهو طولة العمر
والجزلان يطير
| |
|
|
|
|
|
|
|
|
|
Re: بلا زعل (Re: انعام عبد الحفيظ)
|
Quote: طم طم
الشوايقة ديل مالم ما ناس حناااااان
بس ما تهبشي جزلاناتهم ياخ |
ناعومي
حناان شديد
حتى جلاليبهم بخيطوها من غير جيوب
___
*أكتر البريدهم شوايقة(هرشة وكده)
| |
|
|
|
|
|
|
|
|
 Re: بلا زعل (Re: انعام عبد الحفيظ)
|
Quote: طم طم
الشوايقة ديل مالم ما ناس حناااااان
بس ما تهبشي جزلاناتهم ياخ
|
ثمح ياالنعوم انتى نان اريجينى غادى بجيك فى بطن بوكانك بالدرب
تبارى فى الممسوخه دى ثمح ..
مشتاقين النعوم احنا ...
| |
|
|
|
|
|
|
|
|
|
Re: بلا زعل (Re: تماضر الخنساء حمزه)
|
ليه يا خنساء بلا زعل ...
صدقيني في زعل .. وكتير كمان .. بس خليني أجيك بي مهلة (شايقي) بلم في قروش !!
...
ما كنتي كويسة !!! الخرب عليك منو ؟؟؟؟
| |
|
|
|
|
|
|
|
|
|
Re: بلا زعل (Re: تماضر الخنساء حمزه)
|
الله لاجاب زعل
ضحكت ضحك لمن غلط
عارفة مرة فى زمن جميل
كان يوم الوقفة
مشيت باخر نفس اشيل ملالين من ابنك عشان اشترى فستان عزة حق العيد
لمن طلعت وكنت زعلانة ليه
فى زول جايب ليهو (الله يسالنى قروش فى الشوالات )
وانا احدر ليهو واقول لهشام الشاذلى الوكت داك كان فى البنك (بنك الخرطوم فرع البوسته فى امدرمان )
ـ يعنى ليه كده وانا شايله بس كم جنيه
المهم يا زولة مرقتى من البنك يجينى زول يقول لى
ـ القروش دى وقعت منك ؟
قلت ليهو
ـ وقعت منك وكسرت سنك ؟
ـ يا زولة انا بسالك دى قروشك
بينى بينك ما اهتميت لكن اتمنيت (كتاااااااااار كانوا)
قال
ـ نتقاسما
قلت
ـ نوديها النقطة حقت البوليس
قال
ـ بوليس ؟ لاقبة
شفتى لمن الزول يكون ما بفكر (كويث ) زمان ؟
| |
|
|
|
|
|
|
|
|
|
Re: بلا زعل (Re: سلمى الشيخ سلامة)
|
سلمي أيامك كلها ورد
| Quote: فى زول جايب ليهو (الله يسالنى قروش فى الشوالات ) |
يازولة قالوا ليك العندهم قروش قدر ده ولاااااا سعيدين ولاشتين (زول فقران وحاقد)
| Quote: شفتى لمن الزول يكون ما بفكر (كويث ) زمان ؟ |
أريتو تفكير الناس كلها
كان الدنيا استعدلت
| |
|
|
|
|
|
|
| |
waleed dawash
محمد البشرى الخضر
mohmed khalail
Maawya Hussein
العوض المسلمي
ابوحراز
انعام عبد الحفيظ
ماجدة عوض خوجلى
عمران حسن صالح
سلمى الشيخ سلامة
ممدوح أبارو
محمد عبد الماجد الصايم
فيس بوك
تويتر
انستقرام
يوتيوب
بنتيريست