|
|
 النافذة..
|
وكت نامت عيونم
قفلت رموشا عليك
وكت طلع الصباح
نسّام المحبة الفيو
خبّط جفونا عليك
إتمغيت حنينا
وفردتا رمشين
مرقتا مابين إحتياج الإلفة ليك
ومابين تكونا ماغصباً عليك
أصلو المودة الفينا مشرعة للجميع
والمحبة ..لو بتفوت..تجيك
والريدة ماكانت مغيّبة في غيابك
ولاراجياكا تحضر شان تبين
والرجعة دافراها المظنة..وجايباها لي عندي الحنين
والنافذة ذي بلدي الكبير
برضوالنموذج من صراعات الطوائف والديانات ..من سنين
لكني في وسط البلد
بقدل على كيف النوايا
وكتين تبين ..بيضاء من غير سوء
من غير إحتمالات واقفة بين قلبين
بيتاوقوا لي ظنون الردة من مشرع هواك
وأنا في الأخير وااااقف معاك
داخرك...حِداااك
مابهز جبل العزيمة الفيني ريح
واقف ومتيقّن إنعدال الكون وكت إطلع منِّي نورك
الإسمو في دنياك مسيح
وألمس حبورك
تعرف خلاص الشك والمعنى الشحيح
وأتنفسك..أصدق ماتكون
أجمل ماتكون
تطلع الشهقات ..توازي الجيّة فيك
تمرق علي مهل الزفير
حد الغيم إلامس مقلتيك
حد إندهاش الأمسيات
يابلد أنا فيكي بتيمَّم تقاليد الكبار
وكت غياب الموية في زمن إنعدام الأغنيات
بفرش من وصايا الوالدين ..مصلاية..وبرش
بقيف .. عدييييييل وأقبِّل بس عليك
أرفع أيادي الحوجة لي وحدة بنيك
والصدق أكبر ..الصدق أكبر..
من إنفعالات كذب الضمير
والحق كبير
أحمِد الريد الكبير
أركع موازي الرحمة فيك
أسجد وأصلي ..بتسلَّف أنا ركبتيك
عاجباني إستقامة العزة فيهم
وإنحناءاتم ساعة تقبِّل بس عليك
بتشهّد وأقول
اللهم قرِّبني ..قرِّب قلوب الناس إليك
اللهم أفرد في قلوب الناس محبّة
اللهم زيد من يقينم حبّة حبّة
اللهم أمسح دميعات الصغار
ماتحوجم لاللهديمة ولااللقيمة
اللهم أدحر دي الحروب
اللهم أزيل داء الكروب
في الآخر بسلّم في يميني علي هواك
وفي شمالي بتنفَّس شذاك
كان إوصلك مني السلام.
|
|
 
|
|
|
|
|
|
|
|
Re: النافذة.. (Re: تماضر الخنساء حمزه)
|
Quote: اللهم قرِّبني ..قرِّب قلوب الناس إليك
اللهم أفرد في قلوب الناس محبّة
اللهم زيد من يقينم حبّة حبّة
اللهم أمسح دميعات الصغار
ماتحوجم لاللهديمة ولااللقيمة
اللهم أدحر دي الحروب
اللهم أزيل داء الكروب
في الآخر بسلّم في يميني علي هواك
وفي شمالي بتنفَّس شذاك
كان إوصلك مني السلام. |
آمييييييييين يا رب العالمين
تسلمي يا استاذة يا رايعة
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
مجموعة ردود:
أنا في السكات بسمع غناك
بسمع تراتيلك تهش
جوّاي تباريح الغرام
وخُطاكا في قلبي بتمش
ترسم على البعد الحرام
تصاوير إقترابك ليّ تَحِل
ألقاني عايشاك
في المباحات الحلال
ألقاني راسماك
في البراحات الهناك
ألقاني شايلاك
في قليبي أظن رآك
أسرع ..وِقِف..
نبضو إرتعش
فاقد حِراك
أنا في حِداك
بالحيل سمح..
قلباً بيلبس فال جديدو
وحريرتو لو تعرف..دماك
! الله عليك يازول رزين
قدر ماتسد عويناتك غيوم
قدر ماتشيل وتتعبّى بهموم
نلقاك هنا
دافق حنين
نلقاك هناك
موسم ربيع
ريحة شذاك
صوتك..نداك
وإنتا في الآخر خلاس
تعب الوصف
إمكن ملاك؟؟
جاي وفي إيدو الخلاس
إمكن رسول؟؟
من الخواطر والشعور
كِملوا الرسل!
تاهت معاك برضو الحروف.
ياسلام!
علي حسّك براك..
هوَّ الصباحات
كل الشموس
هوَّ المساحات
دفقت كؤوس
سكت الكلام!
مامن قلّتو..
لامِن معانيهو الشوية..
لكنّو شايف في الملام..
مكتوبة ضاعت روعتو
لو جات تقيس الروعة فيك
مكتوبة تاهت غنوتو
لو جات تغني الشوق إليك
وفي آخر سطر
بعد الملام
مكتوب عليّ ما ألتقيك!
أصلي جوّاك مِن زمن..
داير.. أجيك..وأسند همومي علي كتوف العافية فيك..
أجدع حكاياتي الزمان عنّك عليك..
في بالي إنتا ..متكوِّع عدييييل
في بالي راسم أمنياتك
زاهية بي فال العديل
في بالي شوقك ..وإشتياقي..
في بالي..مشهد من حضورك
فيهو حيران التلاقي..
في بالي..تايه في وجودك
إنتا لا تطراو صدودك
لا تعيش من غير وصالنا
المحبّة الفينا ..زادت..
ياخي عدَّت بي هناك فاتت حدودك!
الفكرة إنك ماتغيب
الفكرة تنبت من لقاك
خليني أتوسّد مجيك.
وأقعد كمان ..
قيِّل علي مسارب الروح وبيت
أسري جوّاة الوريد
أدفق الشوق الوشيك
خليني أرتاح بين تفاصيل الملامح في وشيك
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان
أعلنت..موسم غرام..
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش
يلاك نمِش
حدّ الغيوم..نمسك رذاذ اللهفة
بي كف الغُنا
ينزل حنينك ينهمر..
نرقص على لحن المطر..
أنا والقمر
وإتنين من نجيمات السما
تجي ياأنا ؟؟
بُني الشوق ..
عليك...براك!
علي مواعيدك تشيل مني الهموم
تفرد عليّ ساعة مجيك
أبقى مشتاق ليك كتير
وكنتا مشتاق ليك كتير
احتار أقيف..شايف عيونك
ماني عارف وين كلامي الكان بيتزيّن قبيل؟؟
وين حروفي الإشتهيت يوماً تقبِّل بس عليك؟؟
وين القصايد
والأغاني
وين الحنين الماغشاهو الليلة نيل؟؟
الكان بزيد ..إشتياق الروح إليك..
وتعال أنا أحكي ليك ..عن جيّتك..
وكت خلاس بيّنتا من آخر الطريق..
ورؤياكا..عافية عليّ سرت والروح حريق
مابقول هبيت وقفتا معايا ريد
زغردت فيني الدواخل وأعلنت الليلة عيد
لكن أظن شالني من جوّايا ريدك وبيّ جرى
في سكة المشرع هوى
مال فؤادي بماحوى
وأنا ذي بسابق سكتك
وخايف أصل..
أرسِل إيديَّ إليك تسالمك..
تحضن رهابك ماتصل
وأكسر عوينات الأمل
الكان بتبكي ..وتبتهل..
أديني منّك ..بس يقين..
لاتخليني أشكِّك ..وأحتمل.
شكيتك..ليك.
أصلو قالوا الشكوى من زولاً ضعيف ..
لي زولاً بيقدر إجيب حقيقو
وأنا حقي لو تعرف حِداك..
لاهو مال..ولاهو شيتاً لي زوالو بكون ..مآل..
حقي ريد..
ماساورني ظن..
أصلي متأكّد شايلو في قلبك معاك.
إتجازى برضو الشوق إليك..
أقول غيابك هو البزيدو..
وكتين تقرِّب..ألقاهو زايد برضو ليك
أنا بي بساطة..
زولاً بعيش عِشقك براك..
زولاً بريد.
في الآخر بقول..
رتبتا قولك في الخيال
كيّفتا حرفك ليّ مزاج
قيّلتا في ضل الوصال
كان غيابكم ليّ ضيوف
بس كان مجيكم إحتمال!
| |
|
|
|
|
|
|
|
|
|
Re: النافذة.. (Re: حبيب نورة)
|
إلي متي سيطول إنتظارنا تحت نافذتك يا خنساء هلا تكرمتي وفتحت نافذتك العالية لعلنا
نراك ونسمع منك المزيد من حلو الكلام المباح من الأن وحتي الصباح , فقد أدمنا كلماتك الرقيقة
وشعرك الجذاب الجميل , عموماً سأظل تحت نافذتك حتي تستجيبي لندائي وتتحفيننا بما جادت به قريحتك
الشعرية فقد نضب معيني الشعري أمام جلالتك .
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
وإنتا في الآخر خلاس
تعب الوصف
إمكن ملاك؟؟
جاي وفي إيدو الخلاس
إمكن رسول؟؟
من الخواطر والشعور
كِملوا الرسل!
تاهت معاك برضو الحروف.
بدون تعليق يا الخنساء
استراحة فى واحة
اقصد فى نافذة
ما بنلحقها
مفتوحة من فووووووق
الله يريحك
لك الحب
ام وضاح
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
قالت....
( مرقتا مابين إحتياج الإلفة ليك
ومابين تكونا ماغصباً عليك
أصلو المودة الفينا مشرعة للجميع )
وتـــــــانى قالت فى كتابات الكلام
( مرقتا مابين إحتياج الإلفة ليك
ومابين تكونا ماغصباً عليك
أصلو المودة الفينا مشرعة للجميع )
أتنفسك
وأرفـــع إيدينى معاك
آآآمين
ياكريم
خنساء
آآمين
| |
|
|
|
|
|
|
|
|
|
Re: النافذة.. (Re: عبدالله داش)
|
تدخل معاي كل الحِتت
ودواخلي منّك هي الأساس
تعرف متين..تبقى الشهيق..
وتدخل على الجوَّاي فرح
ترسم على الحزن التماس
وتعرف متين تنده غيوم
ترقص علي حدّ الحواس
أنا فيكَ ..مشتاق..ليك..معاك
نايم..ومتشهِّي ..النعاس.
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
وافقت أتوشْــح خطاى
من بين دروبك للكلام
يا بت ســلام
دروشّــتى رشح الغيم ضهــب
نفــح العبير
من ميسم الوردات رهــام
كان العــتب
على شوف مَــودِّر فى الشـبه
طــعم الغنا الممزوج
مع لون الحـلم
لو شفتــى كمّ الدهشه
فى عمق الأســاس
( غاية هناااااكـ )
برجاك فى حُمى الزفير
وأتوشحِك ( شنقول ) دهب
| |
|
|
|
|
|
|
|
|
 Re: النافذة.. (Re: تماضر الخنساء حمزه)
|
لكني في وسط البلد
بقدل على كيف النوايا
وكتين تبين ..بيضاء من غير سوء
من غير إحتمالات واقفة بين قلبين
بيتاوقوا لي ظنون الردة من مشرع هواك
وأنا في الأخير وااااقف معاك
داخرك...حِداااك
مابهز جبل العزيمة الفيني ريح
واقف ومتيقّن إنعدال الكون وكت إطلع منِّي نورك
الإسمو في دنياك مسيح
وألمس حبورك
تعرف خلاص الشك والمعنى الشحيح
وأتنفسك..أصدق ماتكون
أجمل ماتكون
تطلع الشهقات ..توازي الجيّة فيك
تمرق علي مهل الزفير
حد الغيم إلامس مقلتيك
حد إندهاش الأمسيات
تماضر
ياالله عليك
تدوزني وتر الكلمات لتضبطي إيقاع إحساسنا
فنتمايل طربا لشاعريتك
مودتي
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
Quote: وافقت أتوشْــح خطاى
من بين دروبك للكلام
يا بت ســلام
دروشّــتى رشح الغيم ضهــب
نفــح العبير
من ميسم الوردات رهــام
كان العــتب
على شوف مَــودِّر فى الشـبه
طــعم الغنا الممزوج
مع لون الحـلم
لو شفتــى كمّ الدهشه
فى عمق الأســاس
( غاية هناااااكـ )
برجاك فى حُمى الزفير
وأتوشحِك ( شنقول ) دهب |
ويازول سلام
بديكا من جوّة المعاني
برضو طيبات الكلام
وشفتا في عمقك براك
ليه قلبي ماليهو الهيام
أرجاني في عودة شهيقك
فيهو بتوسَّد غرام
أرجاني في لحظة حنينك
يهدي للروح السلام
أرجاني في أوّل مجيك..
هازم البعد الحرام.
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
Quote:
ويازول سلام
بديكا من جوّة المعاني
برضو طيبات الكلام
وشفتا في عمقك براك
ليه قلبي ماليهو الهيام
أرجاني في عودة شهيقك
فيهو بتوسَّد غرام
أرجاني في لحظة حنينك
يهدي للروح السلام
أرجاني في أوّل مجيك..
هازم البعد الحرام.
|
على الهامش
توزعي في الفرح للناس
تعالي (أجيك)
مرقتِ مع الرزاز
ذرات مطر
رغم الشعور
والمافي في أقصى احتمالات الحذر
ما كنتَ في الحسبان
يدثرني الغمام
تبعد معاك أحزاني
في الخطر الوشيك
دا ..... الاحتراز
والنور دياجير
والهبات منك
حضورك في المسام
(بعذوبة الترحاب)
إذا صدق الحرِف
إحساسك إجتاز الخيال
خنساء
جلاجيل من مراحب ليك
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
إن شاءالله خير
قولي خير
شفتك في عز نومي
و صحاي
نجمة في نص السما
والسحاب متضاري فيك
ومرة شفك زي التقول
ريئس حزب (في جمهورية الورود)
كرسي وصولجات وهدوم تمام
ووشك بدر
والفراش يطير منك يجيك
وقط ماتعب
إحترت فيك
إن شاء الله خير
قولي خير
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
إنتا لو فاكر رحيلك..
فيني بكتل ..أغنيات..
تبقى ماعارف وحاتك
إنو ساكن فيني كلك.
إنتا ياحلو الخصال
سر غُناي..الأمنيات..
سر غُناي..كلام عيونك..
لمّا ترسل ليّ حنينا..
وياني موعود بالوصال
أنا فيها بعشق أمسيات..
مال فؤادي مع الليالي
ورقصت الأنجم تلالي..
في حضرتك غنى الهلال
هل شوقنا أصبح أحجيات؟؟
لو تفوت بالريد تعدِّي
ببقى شايل ليكا ريدي
برضو زايد وفي تحدّي
عارفو قلبك لو يسافر
يوم حيرجع ليّ يأتي
ماني بحزن بي رحيلك
لو بتبعد بي قليبك
قلبي برحل ليك يجيلك
بفكرك ريدك شوية
يمكن الأشواق تشيلك
ومرّة طيفك لينا يطرا
خلّي حِسّك فيك دليلك
وماني بفرح بي رحيلك
لمّا تحرمني الوصال
ولا تمنعني الوداد
بعذرك..سيد الدلال
وبحكي ليك حالي العليَّ
عارفو بغنيك السؤال
أصلي هايم في عيونك
ولسه بعبد فيك جمال.
| |
|
|
|
|
|
|
|
|
|
Re: النافذة.. (Re: تماضر الخنساء حمزه)
|
اللهم أدحر دي الحروب
اللهم أزيل داء الكروب
يا سلطانة الحرف الحصيف
يا تماضر أختى
يا تماضر الشاعرة
قصيدة ملؤها آمالاً عراض وأمنيات فضائل ..الآمال تبدأ بأحلام في المخيلة .. ومخيلة الشاعرة ضمير أمة .. والأمة تعاني ، والكلمة تعبر عن معاناة.. أحسنت ياذات اللهج الحصيف.. هذا صباح جميل مضمخ بعبق القصيد الهادف الذي يخدم قضية
| |
|
|
|
|
|
|
| |
هاشم أحمد خلف الله
abubakr
حبيب نورة
essam&amal
نهال الطيب
فيس بوك
تويتر
انستقرام
يوتيوب
بنتيريست