|
دعواتكم لزميلنا المفكر د.الباقر العفيف بالشفاء العاجل
|
|
 Re: إستلم الوردية ياصديقي فقد زهجت (Re: خضر حسين خليل)
|
| Quote: إستلم الوردية ياصديقي فقد زهجت |
أخيراً .
أعمل زيي ..
قرفت قرفت ..
و زهجت زهجت .. من كل شي ..
في النهاية قررت أمرق مني ..
أتكلم أي حاجة عن أي شي , بس عشان أتخارج من زنقة الروح دي ..
تكتب سخف و تقرا سخف و تسمع سخف و تتكلم أسخف ..
بس عشان ما تديها فَرَقة تحاصرك جواك حاجاتك .
ياخي إتساخف ..
إنبهل و أرمي وراك ورم راسك و نشفان جوه ..
....
( لاشيء يستدعي الإنحناء يا صاحب ) .
و السلام
| |
 
|
|
|
|
|
|
|
|
Re: إستلم الوردية ياصديقي فقد زهجت (Re: Emad Abdulla)
|
دوماً ياصاحب تحيرني بتماسكك دوماً تجرجرني
الآن أنا أكثر عافية وعيناي تلمعان
بحق هذا المساء فالشكر لك المجد لك
وكل ماسيأتي من جمال
ثق بأنه بعض من عطاياك .
والله أنا شاكر لصوتك ونداؤك الذي لن يغب
عن البال ...
ياخ إنت زول حلو
وأعدك
..............
يرقد بجانبي الآن زول بشخر شخير (مموسق) خخخخخخخخخ خوووووخ خيييخ أتأمل فيه وأحسده لهذا الإزعاج الذي يسببه لي . الا أنني أجد له العذر فربما مثله مثل تلفزيوننا الأربعتاشر بوصة طاشي إرسال .
عجب
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: Emad Abdulla)
|
خذ قليل سخف .. و أدعُ لي :
في إحدى حظورات التجوال الكتيرة في هذا البلد ..
لا أذكر زمانها تحديدا , لكن الشرطي المكلف بنقطة التفتيش استوقفنا و الساعة بعد منتصف الليل .
كان يجب أن نكون في " حظائرنا " منذ السادسة . و كنا صحفيين مجبورين على لقمة العيش , و الزمان عسكري , فاعتدنا دفن الليل أب كراعاً بره و أمرنا لله .
المهم . الشرطي أصر بأن الإذن المكتوب هنا لثمانية محررين و ليس إثنان , فأين بقية القائمة .
كان السائق لعربة الصحيفة ليلتها نوبيا زهجاناُ أربعة و عشرين ساعة .. و يركب الفيلة كما يشاء له المزاج .
: يا خينا , يا جنابو .. العربية ده كان مليان خلق من ناس الجرايد الصعاليق دول , أحنا وديتهم كل واحد في بيت أهلو .. فاهمني ؟ .. يعني اللي في بحري اللي في أم درمان , اللي في السما .. كل واحد نزل في بيتم , من التمانية الصعاليق دول باقي إتنين .. واحد اول الديم بينزل .. و التاني بنودي في الإمتداد .. فاهمني ؟ .. أهن بتاع الديم و الإمتداد دول همن الجماعة اللي معايا هنا , الستة دولك نزلو يا خينا .. يعني كانو كلو العدد تمانية رؤوس , فاهمني .. نزلوا ستة .. بقالي الصعاليق الإتنين دول .. فاهم كلامي ؟
و ظل الحال كذلك , الشرطي الحاظر يصر أن لا تتحرك العربة لأن اللستة ناقصة ستة , و عمك نيرانو تولع , و نحن قلوبنا على أيادينا من أيادي الشرطي التي على الزناد و أدرينالينه الذي يخرج من منخريه .. و يزبد و يرغي ...
في النهاية ربك رب الخير جاب لينا رتبة كبيرة ( كبير الجمل ) .
تصدق ما كتلونا ؟؟
......
تعرف تتساخف كتابةً زي كده ؟؟؟
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: خضر حسين خليل)
|
نفرح فرح و نحلم حلم كم نطمئن
اشراقه و عمااااااااااااااد مرة واحدة
دينيييييييييي انااااااااااااا
عليك الله ازهج كلو يوم يا خدر ....
سمح
سمحة العافية يا صاحب
و في مقولة اخرى لمغنية الحي (العلامة سابقاُ)
سمح الدش كعب الغش
(شفتي الوعي الجندري دا كيف يا اشراقة)
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: Amjed)
|
يا أمجد ياخينا نحنا ماصدقنا
إنك (أقصد إنو مرقنا)
ثم ياخ الناس ديل وحاتك
ناس مليانين حاجات عجيبة
يمرقوك من أي جو زي ( الشعرة
من العجين)
فأنا شاكر شاكر لهم ولك صاحبي
وأمش نوم ياخ
سهرتونا
.........
التقول لاحق حاجة
(التقول) يرجع لفخامتنا
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: خضر حسين خليل)
|
خدر
تعال اقعد جنبي هنا....
ما تصدق كلام الوهمان ده....
ده واحد شاعر "ساكت"
تعال نتشارك الحالة....
قرفة منك ... قرفة منى
اقلو تشوف الدنيا كما هى: كريهة ، قبيحة ، متقيحة ، متعفنة
يا سلام على الحقيقة والنضارات القزازا عاتم جدا
يا سلام على الواقعية الما سحرية و حالا مايل
اديك معاى نضارة؟
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: esam gabralla)
|
عصام جبر الله إزيك يارجل ياخ
والله ياعصام أخوك كان مطمئن ومتكرفس في قرفتو
لي درجة إنو الواحد (أول مرة يقعد مع روحو)
شبكونا ناس عماد وإشراقة ديل
أمرق أمرق
أمرق
فمرقت (فتخارجو هم بدربهم)
ياخ لو عندك نضارة قزاز حاول رسل لي (فريماتو)
ضحكتني قلتلي واقعية ماسحرية
(سحروني سحروني الليلة ماذنبي)
مع الإعتذار للإستاذة (هاجر كباشي)
عصام : ياخ إزاي الحال
والله مشتاقين
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: عبدالله داش)
|
(حقوق الطبع محفوظه ل.. ش.. ب)
واحد عربيتو ضربت لستك..قام فكاهو بس ضيع الصواميل!! المنظر دا كان امام مستشفي التجاني الماحي...
طلع واحد من المستشفي فك صاموله واحده من كل باقي العجلات السالمه وربط بيهو اللستك الرابع بعد ما اصلح..
بتاع العربيه قال ليهو ياخ انت ما نصيح الخاتيك في المستشفي دي شنو....؟؟
قال ليهو انا مجنون بس ما غبي!!
العهده علي الراوي!
ياخ فك القرفه بلا قرف معاك...والله كلنا منتهين بس الصبر
| |
|
|
|
|
|
|
|
|
|
Re: إستلم الوردية ياصديقي فقد زهجت (Re: ibrahim kojan)
|
كوجان
إذيك يا مواطن ..... ياخينا كانت قرفة (عابرة) أو كما قال المغني (ياعابرة إنتي سراب.....)
والله أنا منذ صباح اليوم أسعد مواطن ... (هي الدنيا كلها كام حرف لامين يطول فيها الأسف) وبالتالي إطمئن ياصاحب وكذلك ..
أما بعد :
ماذا عن أنطوانيت تلك التي حلقت وحلق وتركتنا (جلوس) أو بين بين .
سلام ياخينا وماتنقطع
وخلينا نونسو بي جاي
| |
|
|
|
|
|
|
| |
خضر حسين خليل
Amjed
Ishraga Mustafa
Emad Abdulla
ibrahim kojan
فيس بوك
تويتر
انستقرام
يوتيوب
بنتيريست