|
دعواتكم لزميلنا المفكر د.الباقر العفيف بالشفاء العاجل
|
|
 Re: خميسك ... ويك إند سودانيي الداخل (Re: دفع الله خطاب)
|
خميسك ...
كنا فى تسعينيات القرن الماضى نعمل فى اقاصى شمال السودان.. فى ايام الخميس نفرغ من العمل مبكرا
او هكذا نكلفت العمل نبدا بالحريق مع صديقى المدير او كما يحلو لنا ان نسميه مدره وهو انذاك كان
مديرا للتعليم الفنى ويساكننى فى منزلى ولهذا الرجل شخصية فريدة - كان يكبرنى بقرابة الثلاثين عاما - ولكن لم يشعرنى طيلة تواجدنا معا بالسلطة الابوية .. وقل ان يتدخل فى حياة اى شخص.كان يسمينى الصعلوق المهذب وعلى تناقض العبارة الا انها كان لها معنى انذاك ..
يبداء الخميس لدى مدراء بشراء فخدة خروف وكيلو كبدة بقر وهو فى طريقه الى العمل وثم ايداعهما فى ثلاجة البقالة بغية اخذهما وهو قادم من العمل ..
ما ان يفرغ الناس من صلاة المغرب الا وهم المدره بالمنقد والفحم وطفق يشوى فى الكبده ..
هكذا اذن ..
نواصل يا خضر
| |
 
|
|
|
|
|
|
|
|
Re: خميسك ... ويك إند سودانيي الداخل (Re: دفع الله خطاب)
|
العزيز دفع الله
تحياتي الحارة
سعدت بمشاركتك في هذه النافذة وتوثيقك الحي للخميس .. قبل أيام قرأت هنا في هذا المنبر شيئاً عن الخميس يقول كاتبه أنهم في الجامعه ومن شدة تمسكهم ببرنامج الخميس عينو سكرتيراً للخميس وهو معني بترتيب تفاصيل تلك الليلة وإنتاج أدواتها من بهارات الحلة والرأس معاً . يبدوا أن الزمن الزم الجميع أن يقابلوا الخميس هكذا _( إسكتو) دون فخدة أو تفاصيلك الجميلة التي ذكرتها هنا .
واصل ياجميل
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
ويــــك اندي اندكــــم يا خضر خليل
____
والله يا خضر الخميس الفات جاتني حاجة كده قالت لي احفر حفرة دخان
وانا ما معرس زي ما انت عارف يا خضر ..
تكون دي شنو ؟!! ..
افكار شيطانية !!
افكار نسوانية!!
بت ابليس ؟ الله يعلم ..
خميسي اندكم يا خضر ...
محبتي
منعم
| |
|
|
|
|
|
|
|
|
|
Re: خميسك ... ويك إند سودانيي الداخل (Re: دفع الله خطاب)
|
تعرف يادفع الله :
حلة الرقاب دي دخلتها وياهو ده عبقرية السودانيين بسوا من( الرقبة حلة )
لكن لقيتك شاقي الخيران كلها يادفع الله . لدي ذكريات لاتنسي في خور مرزوق وده
بالمناسبة خور ممكن تفقد فيهو رقبتك شخصياً لو ماعملت حسابك .
الايام دي الناس الفقرانيين واقعين في حلل جديدة جاهزة مابتحتاج سوي حبة موية
سخنة وكيس عيش يسمونها بخبث خرطومي (حلة دجاج) بالرغم من خلو الحلة حتي من
رقبة .
الحلة التي دخلت موائد الخرطوميين هو نكهة الدجاج الشهيرة _( أندومي وكدة)
وخليك سوداني .
خضر
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
في الراهن تبدأ فعاليات الخميس منذ صباح الأربعاء وتبدأ حركة الاتصالات
لتوفير محطة للخميس ومن ثم تبدأ عملية توزيع التكاليف . بعضهم عليه
تجهيز تفاصيل الجلسة (أو القعدة) للذين يطيقونه هكذا .
وبعضهم عليه تجهيز الحلة أياً كانت نوعها المهم الالتزام . عادة تخلو الخمايس
من أشخاص يلفون في محيطك الاجتماعي ذلك للاتفاق العام بين المجموعة ونرجع الاسباب
مثلاً لأنه زول بتاع مشاكل ومن يضرب ليهو و(ترين) يبدأ في الجوطة .
أو لاي اسباب موضوعية .
إذن الخميس بي ناسوا ياشباب .
...........................
خضر
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
سلامات يا خضر
و سلام لاهل الداخل
في صيف 97 و في احدي خميسات الداخل
وبصحبتي الاوغاد الاتية اسمائهم
انور ابوغيداء
عماد براكة
و اخرين غير اعضاء هنا لكنهم اعضاء علي قلوبنا بفنهم
قضينا خميس نادر و لم يسبقنا عليه احد في تاريخ الخمائس
و من موقعي هذا ادعو المذكورين اعلاة للشهادة
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
خضر ...
الله يجازي محنك ... في داعي للشحتفة دي ؟؟؟؟
زمااااان لمن كنا طلبة حربيين في الكلية الحربية كانو بيقولو لينا ( خميسك زي لوح الزجاج احسن تحافظ عليه عشان تمرق )
والزمن داك الخميس كان ليه مذاق خاص يجبرك على الانضباط طوال الاسبوع خوفا من انكسار لوح الزجاج والحبس ...
طوال القامة كانو بيقولو ليهم ( طويل كدة زي يوم السبت ) .. وللآن يوم السبت اطول يوم في الاسبوع ..
اما بعد التخرج من الكلية ... فكانت كل ايامنا ( خمايس ) بس برضو يوم الخميس كان ( أخمس ) يوم في الاسبوع ...
لك مودتي ... وأكيد شكري على البوست الخفيف الظريف
| |
|
|
|
|
|
|
|
|
|
Re: خميسك ... ويك إند سودانيي الداخل (Re: محارب)
|
إذيك يامحارب
والله كلامك ده هد خيلي من الضحك
| Quote: بس برضو يوم الخميس كان ( أخمس ) يوم في الاسبوع |
وأنا كمان أقول الزول ده شفتو وين .... أتاريك مصاب بالخمايس زيك زينا
جنس محن . أنا دايماً بقول لي أصحابي أنو الخميس ده جانا ناقص . ده طبعاً
إكتشفتو من حكي ناس زمان الكملوا الخمايس وقبلو علي باقي الايام .
يازول علي الايمان ما عندي ليك هسي فرقة غير الفودكا الروسية دي إنشاء الله
تغطي معاك ....
خضر
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
ده طبعاً للناطقين بغيرها أو الناس الما (خمسو برة البلد) ديل أخوانا السوريين
عندهم حكومة كدة ماعندها قشة مرة في روسين الخلق يعملو الدايرين يعملوا والله يجازي
حنكك البيش يا نميري
وأيضاً للناس البصرو علي الفقر ....
طبعاً الموضوع شكلو ماشي لي ( فجات) تانية بفضل الصور اللخبطت كيانا المهم نرجع
للخميس بتاعنا العادي ده .
معاً نحو خمايس بلا كحول
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
خضر
فى احد الخمايس الشباب كانوا قاعدين فى معهد الموسيقى .. والقعدة متوهجة .. تصادف ان كان هنالك تجمع كيزان .. خرج عليهم احد الشباب ٌقائلا لهم " ما تعملوا ازعاح الناس القاعدين ديل ما ساهلين"
فى صباح اليوم التالى خرجت صحيفة الكيزان بمانشيت "اجتماع اللجنة المركزية للحزب الشيوعى بداخلية المعهد".
والله ايام يا خمايس ..
| |
|
|
|
|
|
|
|
|
|
Re: خميسك ... ويك إند سودانيي الداخل (Re: دفع الله خطاب)
|
والله غايتو يا دفع الله الكيزان ديل قصتهم حزينة خلاص طوالي هم في
عوارتهم دي وجرائدهم الماسخة الكلها فبركات دي .
طيب طالما المقام مقام حكاوي
في الجامعة كان عندنا زول صاحبنا إسمو عيسي النبي أها عيسي ده كان بفتكر
أنو هو نصف اله وكان بقول الموضوع ده بشكل يحيرك ذاتوا .
المهم مرة بتذكر كان في ركن لمؤتمر الطلاب المستقلين وكان المتحدث هو عارف
الصاوي القاعد معانا في المنبر دة وفتحو فرص النقاش قمت وقفت عشان آخد فرصة الجبهة
الديمقراطية شداني من قميصي عيسي النبي وقال لي بصوت عالي . ياخضر بالله دقيقة
عندي كلام مهم لازم أقولو . المهم عيسي ماقصر وحسب ( القعدة ) الفي راسو شتم ليك
أي زول وبمفردات عجيبة لي هسي ما لاقاني غايتو زول مباشر زي عيسي النبي ده . بالمناسبة
عيسي إختفي من كل الدروب الان ولا أحد يدري أين يتقاسم معنا الاوجاع ليته يعود
ياسلام زول واضح خلاص
خضر
| |
|
|
|
|
|
|
|
|
|
Re: خميسك ... ويك إند سودانيي الداخل (Re: خضر حسين خليل)
|
بجي الفجر باكر
منور وناجز
...........
منعم سليمان :
تظل دعوة صديقنا أذهري معلقة بين السما وا
لظروف صحية ليس الا ... علي أن نعاودكم ماتبقي من أيام البلاد القادمة .
إذهري الذي يقرؤنا من علي البعد : تحياتي ياوسيم الطلعة ويوم شكرك لايجي .
خضر
| |
|
|
|
|
|
|
| |
خضر حسين خليل
عوض الله الفولانى
دفع الله خطاب
عبد المنعم سليمان
كمال علي الزين
A.Razek Althalib
خدر
فيس بوك
تويتر
انستقرام
يوتيوب
بنتيريست