|
|
 الخرطوم ذات صباح
|
خمسميه خمسميه اي حاجه خمسميه
اللفه اللفه اللفه ,, بحري نفر نفر ,, بانت حرك نفر والقيام
فقر مستعصي تجسدها امرأة علي اعتاب الثلاثين ثلاثه اطفال يتوسلون بالماره في كورال جماعي ,,, سااااااااااااعدونا ياجماعه
اصوات الكمسنجيه وهم يدعونك للركوب يشعرونك بانك علي موعد مع ذالك الشعار (بكره الركوب مجان )
فنان افريقيا الاول يغرد من احدي المطاعم الشعبيه باقابلك في زمن ماشي وزمن جاي وزمن لسه .
خيمه بالقرب من الجامع الكبير ولافتة كتبت باطمئنان وباتقان مذهل عليها (الخدمه الوطنيه ارضاء للعقيده والوطن )
اناشيد تحث علي الجهاد
امريكا روسيا قد دنا عذابها
ياسر عرمان يالبشير ده شيوعي جبان ,,,,,,الخ
دوريات الشرطة يجوبون العاصمه حاملين معهم الاياتهم الثقيله لمواجهة اي شغب يحدث . ابواق سياراتهم تذهب الطمانينه فتنحني الرؤوس تعبيرا عن الخنوع
جركانات المياه تتطاير والباعه يهرولون حاملين ماخف وزنه خوفا من شرطه البلديه
ستات الفول في سباق مارثوني ودوريات الشرطه لهم بالمرصاد احداهن تسقط ويستمر نزيفها,,,,,,
اذاعة جمهوريه السودان تقدم
عاااااااااااالم الرياضة
|
|
 
|
|
|
|
|
|
|
|
Re: الخرطوم ذات صباح (Re: خضر حسين خليل)
|
ونخرج نحن بيوت الزملاء واالاصدقاء صوب جامعاتنا نحمل الاغاني
وبقايا ليله البارحه من شجار وغناء ودموع وشجارات والف جنيه
يذهب كل منا معبأ بتكاليفه العظيمه معبا بالافكار اليوميه
ننظر بفتور الي الاشياء النشطه
وحدر حسين هذا دائما نشط
حتي في مثل هذا الصباح العادي هو ليس عادي
وسا اكتب مره اخري
| |
|
|
|
|
|
|
|
|
|
Re: الخرطوم ذات صباح (Re: خضر حسين خليل)
|
وتعددالمناظر والمشاهد وكلن يغنى على ليلاه
وفى قلب السوق العربى ينادى الباعه(كل حاجة بسبعه ال بسبعه ال بسبعه
وفى شارع الجمهورية عساكر حركة اكتر من العربات وشايلن معاهم
ايصالات .
ويافطة كبيرة تطل على موقف الحافلات بالقرب من جامع الخرطوم الكبير مكتوب عليها(حمام بالدش ب500 جنيه) والمشكلة ناس داخله وناس خارجه .
وده حبة شمار ومااكتر الشمارات
وليك تخياتى
| |
|
|
|
|
|
|
|
|
|
Re: الخرطوم ذات صباح (Re: خضر حسين خليل)
|
ابراهيم
او قرمبوز كما عودناك
دائما ماتزكرني بفقراء بلادي ودائما ماتزكرني بالف القصه والف الجريده والف الاحتفال والاف الالوف التي خرجت برضاء خاطر وطيبه نيه فقط لانجاز المتفق خرطومنا ياصديقي تعج بالغرائب لازلت عند وعدي بالمواصله ودمت مع فائق التقدير
| |
|
|
|
|
|
|
|
|
|
Re: الخرطوم ذات صباح (Re: خضر حسين خليل)
|
خضر حسن خليل
هى الخرطوم بضجيجها العشرات يتدافعون بحثا عن رزق وهذا ليذهب الى مناسبة عرس اوبيت عزاء وذاك تتداخل الصور وتتناسل الاصوات ينسحق الكثير فى بحثهم عن لقمة العيش تتوالى المشاهد لتسجل بؤسا لايضاهى
انه الخرطوم التى شكي لها حميد عندما قال ياخرطوم مازوم مازوم
| |
|
|
|
|
|
|
|
|
|
Re: الخرطوم ذات صباح (Re: خضر حسين خليل)
|
ياخضر ,..
دى انشوده ..جميله وبدت
ومالازم تقيف..
اكتب ..عن الخرطوم وعن المعاناة وعن الفقراء وعن الاغنياء وعن الموظفين وعن الطلبه وعن ستات الشاي وستات العرقي وستات الهوى وكل شي..اكتب لمن اجيك راجع
انا راجع ليك تانى
| |
|
|
|
|
|
|
|
|
|
Re: الخرطوم ذات صباح (Re: خضر حسين خليل)
|
سمو
عزرا لانو رديت علي اساسي وله العزر ايضا باسمك اعدك ياعزيزي بالمواصله عن كل الشرائح التي زكرتهاالسودان بكل تفاصيله يدعو للكتابه ادعو الجميع بمواصلة مابداته وهاانذا اواصل الخرطوم ذات صباح
فقط من اجل صباح ابهي
| |
|
|
|
|
|
|
| |
خضر حسين خليل
Ibrahim Algrefwi
بلدى يا حبوب
hanouf56
zumrawi
samo
فيس بوك
تويتر
انستقرام
يوتيوب
بنتيريست