|
|
|
 Re: دينق مسافر السعودية: حج ولا عمرة ولا متاوقه ساكت ما عارف!! (Re: Biraima M Adam)
|
Quote: والله انه من دواعي السعادة والسرور العلم بهذا الخبر الجميل يا دينق
و انا شخصيا وبعض زملائي كمقيمين في جدة كامل الاستعداد لاسخر كل
وقتى و جهدي المتواضع لدينق .
ليس هذا فحسب بل أتمنى صادقا أن أرى وفد الإخوة من جنوبنا الحبيب
في السعودية |
الاخ علاء الدين صلاح.
شكرا لك كثيرا ولهذا المشاعر الجميلة تجاهي, وإنشالله سوف أخبركم بالتفاصيل في بداية العام القادم.
دينق.
| |
 
|
|
|
|
|
|
|
 Re: دينق مسافر السعودية: حج ولا عمرة ولا متاوقه ساكت ما عارف!! (Re: Biraima M Adam)
|
Quote: بريمة.
بعدين شايفك الموضوع ده لفحتو لفح وجيت فتحت بيهو بوست.
والله ذي خفتك دي ما لاقتني إلا عند الحرامي.
دينق. |
ايوووة عليك نور .. بس علشان بعدين ما تزوغ ..الفحي دا فضلت خيرك .. إنت العلمتو لي فردتك بريمه دا .. يعني جاب حاجة من عندو .. وإنت لسه شفت ليك لفح دقيقه بس ادثها صنة جاييك اللفح الجد بالجد..
لما تجي طالع من أمريكا .. تمشي تكلم بريمه دا يديك الفاتحة اول حاجة .. ويكتب ليك خطاب بي أمر تحرك تجي تسلمني ليهو هنا دا في يدي .. إت قايل الرياض دي همله ساكت كدا ..
مش يمكن يلمو فيك ناس صلاح غريبه ديل يفكوها ليك من راسك .. الكبير دا ..
المهم
إنت براك جبتو لي نفسك .. قلت لي يا تمبس انا جاي السعودية انتظرني، وانا سبق قبل كدا وقلت ليك أن القدامك دا لو ما خليتك (تحبى) في السعودية دي انا ما تمبس ..
والسمين بقع والضعيف بقيف
وأوعك تنط .. أن جني وجن الناس البتنط ..
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: tmbis)
|
تمبس
عارفك ما بتقصر مع العبار دينق .. الشغلانة .. قصدى اللمة لازم تختاروا ليها ناس سكرجية عتاولة .. جامدين .. بتاعين عبابير جد جد، باقى صاحبك عُتلَ ٌزنيم، يتحداكم فى السكرة لو ما تحزمتم تمام .. وتمشوا زى المكان الودوا ليه عبدالواحد محمد نور فى باريس .. وتضربوا عبابيركم ضرب صاح .. وعبار خالى كحول ما ينفع، يكون العبار من العيار التقيل: الأوزو والفودكا وما فوق .. وأنا بشوف أنك ما تخش فى ضرب العبابير .. تكون زى ال"باص بوى" لأن بعد نهاية ضرب العبابير، الناس بتكون عايز ليها سواق يوزعها ..
والسهرة تكون ليلاً بعد منتصف الليل وتنهوها قبل صلاة الصبح .. السعودين بصلوا من طيور الليل ..
ودا أجمل أستقبال للعبار دينق، نحن مجهزين البار وكل العدوات والوسائل بتاعت السهرة لينا سنتين ما لامين فيهو ..
بريمة
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: شول اشوانق دينق)
|
شول
سلامات ..
Quote: تفتكر يا بريمة ... قضية ابيى شعبطة جنوبيين؟؟؟!!!
هوووووووووووووووي يا زول خلى بالك من كلامك القاعد تقوله
هسع الجمع ابيى مع موضوع ذهاب دينق للسعودية شنو.
اضرب عبارك ساى وخلى الشعبطة. |
شول أنت عارف دينق وجون بيونق، حمير الخرج أحسن منهم، ما قدموا للتعايش السلمى فى أبيى ولا حتى ذرة .. عشان كده ما ح أخليهم بسبب وبدون سبب، دينق لو عايز يمشى لبنان ولا مصر يمش .. السعودية لا ..
بريمة
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Deng)
|
دينق
Quote: بريمة.
أنت أبقى راجل وقول العاوز تقولو عديل كده الخوف والجبن لك شنو؟
بعدين أوعك تنسى أنت قاعد وين.
دينق. |
حرام يا راجل، ما وصلت للمرحلة دى .. أنا بعزك عشان كده أوصيت ليك تمبس خيراً.
-----------------------------------------
يا أخوانا حكاية الشيطان بعرف مقيلة أخوه مقولة صحيحة
بريمة
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Biraima M Adam)
|
Quote: تمبس
عارفك ما بتقصر مع العبار دينق .. الشغلانة .. قصدى اللمة لازم تختاروا ليها ناس سكرجية عتاولة .. جامدين .. بتاعين عبابير جد جد، باقى صاحبك عُتلَ ٌزنيم، يتحداكم فى السكرة لو ما تحزمتم تمام .. وتمشوا زى المكان الودوا ليه عبدالواحد محمد نور فى باريس .. وتضربوا عبابيركم ضرب صاح .. وعبار خالى كحول ما ينفع، يكون العبار من العيار التقيل: الأوزو والفودكا وما فوق .. وأنا بشوف أنك ما تخش فى ضرب العبابير .. تكون زى ال"باص بوى" لأن بعد نهاية ضرب العبابير، الناس بتكون عايز ليها سواق يوزعها ..
والسهرة تكون ليلاً بعد منتصف الليل وتنهوها قبل صلاة الصبح .. السعودين بصلوا من طيور الليل ..
ودا أجمل أستقبال للعبار دينق، نحن مجهزين البار وكل العدوات والوسائل بتاعت السهرة لينا سنتين ما لامين فيهو ..
بريمة |
بريمة.
يعني معنى كلامك ده العبابير عند ناس تمبس؟
أنت يا بريمة ناسي تمبس ده في السعودية وزي كلامك ده ترحيل عدييل كده.
ويا تمبس.
بريمة قال القوي الشديد عندكم, لكن أنا بشرب نضيف. وذي شرابكم البتصنعو في بيوتكم ده ما بنفع معاي.
دينق.
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Deng)
|
Quote: بريمة.
يعني معنى كلامك ده العبابير عند ناس تمبس؟
أنت يا بريمة ناسي تمبس ده في السعودية وزي كلامك ده ترحيل عدييل كده. |
Quote: ويا تمبس.
بريمة قال القوي الشديد عندكم, لكن أنا بشرب نضيف. وذي شرابكم البتصنعو في بيوتكم ده ما بنفع معاي.
دينق. |
دينق أخوى ,
والله كتلتنى من الضحك .......بريمة أخونا دا بريدك يأخ
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: سيف النصر محي الدين محمد أحمد)
|
العزيز ..بريمة محمد آدم...
إت ياولد أبا بقيت شغال بنظرية ( لابنريدك و لا بنحمل بلاك ! و لا شنو)
أعجبتنى جدّاً
الروح التى تعامل بها دينق فى موضوع المدرسة و كذلك كوستاوى .
كتبت أختنا تراجى :
بعدين يا بريمه....اخبار ال 300 الف دولار شنو؟؟؟
أتمنى قفل الموضوع إياه يا تراجى وبريمة ، أما لو أصرّت تراجى عليه وصاحب الشأن
فليعرف بريمة و الجميع أننى أقف بصف بريمة و الذى نادت من قبل تراجى شرفاء دارفور لمقاضاته
نسبة لعداءه للسامية !
و بريمة الذى أختلف معه فكرياً ، يظل ابن عمى العزيز ( وعصاتى تضرب بقادى للحجاز)
رجاءاً .....
أنهوا الموضوع أعلاه ياتراجى وبريمة مع تقديرى لكما و إحترامى ، وليظل المنبر هذا وطن من لاوطن له.
الأخ .... دينق
رحلة موفقة للسعودية و نوصى كل من تمبس للمرافقة و المراقبة اللصيقة ، صلاح غريبة للتغطية الإعلامية
و ياريت تزورنا قبل السعودية .
مع الوّد للجميع ،،
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: رأفت ميلاد)
|
الأخ رأفت
Quote: ده كلام شنو ده !!!!!!!!!
سيدى بى سيدو ولا شنو ? |
مش فى ناس تكجنهم فى الله، كمان فى ناس تحبهم فى الله، رأفت واحد من الناس البحبهم فى الله،
لكن يا رأفت الضرب فى الأنكل ما معانا .. موضوعنا دينق وسفروا للسعودية! وأنت جاى متناولنا بعكاز فوق الحجاز ... كدى تانى أنا ح أرجع وأقع فى دينق خبط.
بريمة
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Biraima M Adam)
|
ول أبا: عزاز
كما قال الأخ عادل عبدالعاطى، عن الحزب اللبرالى، أن الحزب غير معنى بالبحث فى سراويل الناس فى رده على سؤال حول المثلية الجنسية للأعضاء .. فنحن حقيقية غير معنين بما فى جيبوب الناس .. إنتهى البوست بأن بكرى سحبه ولا أعرف السبب!!
بخصوص دينق .. يا أخى صراحة أخوك راعى بحب السرحة وحتى لو فى البورد، أكتشفت أن دينق والأخرين الذكرتهم (كور) حمير خرج ساكت .. وماشين أم طلوق .. وقلت أحسن نمارس هوايتى فى رعايتهم ..
بريمة
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Biraima M Adam)
|
Quote: الاستاذ بريمه
ازيييييييييييييك
يا اخى ريح دينق دا شوية
وتعال لينا بهناك بوست الجمال
والخضرة وريحة الجروف منتظرك عشان
تحكى لينا عن ذكرياتك فى الدمازين
معشوقتنا الرائعة
حواء |
يا حواء.
خضرة شنو وجمال شنو البعرفوا بريمة؟
بريمة ده أخر مرة كان في الدمازين هرب منها لمن أبطال الحركة الشعبية حررو الكرمك وقيسان, ومن ديك وعيك.
دينق.
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Deng)
|
Quote: يا حواء.
خضرة شنو وجمال شنو البعرفوا بريمة؟
بريمة ده أخر مرة كان في الدمازين هرب منها لمن أبطال الحركة الشعبية حررو الكرمك وقيسان, ومن ديك وعيك.
دينق. |
دينق كيفك ؟؟؟؟؟
صدقنى اى زول زار الدمازين
حياته سوف تتحول الى كمية هائلة من الجمال
وهسع الذوق الشايفو فى بريمة دا كله
من استنشاقة لهواء الدمازين وشوفته للخضرة
حواء
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: حواء سليمان ابراهيم)
|
الأخت حواء؛
| Quote: صدقنى اى زول زار الدمازين حياته سوف تتحول الى كمية هائلة من الجمال |
أنا شخصياً مصدقِك!
أجمل محل و ناس لاقيتم لمن لفيت من الكرمك، لشالي، لقيسان، للكيلي، للريقريق، كيلو ستة، قفة، مفو، أولو، واداقا، السمعة والرصيرص!
الأيام القضيتها في النيل الأزرق عموماً، غيير نظري و حوّل حياتي (فعلاً) لكمية هائلة من الذوق و الحب...
يااااااااه يا النيل الأزرق...أنا بقدر بقول أنا منِك...
بدون مناسبة:
كلو دا، وأنا ما مشيت الدمازين!
لكن ماشيها (قريب شديد)!!! بس يا حواء ما تخلي بريمة يعمل من دي بوست كمان
أصلو خايف يصدر فتوى بعدم زيارتنا لمدينتكم (العامرة)...
| |
|
|
|
|
|
|
|
|
|
Re: دينق مسافر السعودية: حج ولا عمرة ولا متاوقه ساكت ما عارف!! (Re: Biraima M Adam)
|
Quote: تمبس
عارفك ما بتقصر مع العبار دينق .. الشغلانة .. قصدى اللمة لازم تختاروا ليها ناس سكرجية عتاولة .. جامدين .. بتاعين عبابير جد جد، باقى صاحبك عُتلَ ٌزنيم، يتحداكم فى السكرة لو ما تحزمتم تمام .. وتمشوا زى المكان الودوا ليه عبدالواحد محمد نور فى باريس .. وتضربوا عبابيركم ضرب صاح .. وعبار خالى كحول ما ينفع، يكون العبار من العيار التقيل: الأوزو والفودكا وما فوق .. وأنا بشوف أنك ما تخش فى ضرب العبابير .. تكون زى ال"باص بوى" لأن بعد نهاية ضرب العبابير، الناس بتكون عايز ليها سواق يوزعها ..
والسهرة تكون ليلاً بعد منتصف الليل وتنهوها قبل صلاة الصبح .. السعودين بصلوا من طيور الليل ..
ودا أجمل أستقبال للعبار دينق، نحن مجهزين البار وكل العدوات والوسائل بتاعت السهرة لينا سنتين ما لامين فيهو ..
بريمة |
Quote: تفسير قوله تعالى: (عتل بعد ذلك زنيم)
عُتُلٍّ بَعْدَ ذَلِكَ زَنِيمٍ [القلم:13] (بَعْدَ) بمعنى: مع، وهذه لغة عدة بلاد، يقولون عن شخص: هو كذا وكذا وبعد هو كذا، ومعنى ذلك: ومع هذه الصفات هو كذا، فقوله: عُتُلٍّ بَعْدَ ذَلِكَ زَنِيمٍ أي: مع هذه الصفات المذكورة كلها هو معها عتل، ومع ذلك كله هو زنيم، والعتل: هو الجلف الجافي الغليظ واسع البطن كما قال فريق من العلماء أي: كأنه في مطعمه ومشربه رحيب الجوف، أكول شروب ومع ذلك فهو جلف جافٍ غليظ، فتخيل شخصاً بهذه الصورة أكولاً شروباً منوعاً جموعاً للمال، ومع ذلك هو جلف في طباعه غليظ في أقواله وأفعاله، هذا تأويل العتل عند كثير من أهل العلم، (بَعْدَ ذَلِكَ) أي: مع ذلك كله هو (زَنِيمٍ) وفيها أقوال: أحد الأقوال في تفسير الزنيم أنه الدعي أي: ولد الزنا الذي نسب إلى غير آبائه، وقد قيل هذا في الوليد بن المغيرة، والله أعلم فأحد الأقوال بمعنى أن (زَنِيمٍ) بمعنى: دعي إلى غير أبيه. والقول الآخر: أن الزنيم من له زنمة وهو الشيء البارز في الرقبة كزنمة الشاة، فجمع بين الوصف السيئ في الخلق وأيضاً في الخلق فهو ذميم، فوصف بما يقتضي الذم سواء في خلقه أو في أن الله سبحانه وتعالى جعل فيه هذه الصفات الذميمة من الخلق لحكمة يريدها الله سبحانه وتعالى. |
Quote: تفسير الجلالين
13 - (عتل) غليظ جاف (بعد ذلك زنيم) دعي في قريش وهو الوليد بن المغيرة ادعاه أبوه بعد ثماني عشرة سنة قال ابن عباس لا نعلم أن الله وصف أحدا بما وصفه به من العيوب فألحق به عارا لا يفارقه أبدا وتعلق بزنيم الظرف قبله |
الكلام ده قذف وهو مرفوض دينا واخلاقا.. حتى ولو كان هزارا.. لذا وجب الأعتذار للأخ دينق فيما بدر من الأخ بريمة..
فلأخ دينق من اشجع الذين رأيتهم فى هذا المنبر اتفقنا معه ام اختلفنا فأنى احترمه لأنه صاحب قضية وصاحب حق.. فالحقوق تؤخذ ولا تعطى.. فسر وعين الله ترعاك..
قال تعالى: {والذين يرمون المحصنات ثم لم يأتوا بأربعة شهداء فاجلدوهم ثمانين جلدة، ولا تقبلوا لهم شهادة أبدا، وأولئك هم الفاسقون. إلا الذين تابوا من بعد ذلك وأصلحوا، فإن الله غفور رحيم}
| |
|
|
|
|
|
|
| |
Biraima M Adam
Tragie Mustafa
Hatim Yousif
Deng
Kostawi
دوت مجاك
علاء الدين صلاح محمد
seham_musa
حيدر حسن ميرغني
Marouf Sanad
إسماعيل وراق
tmbis
alsngaq
شول اشوانق دينق
حسن الجيلى سعيد
ghariba
ABDALLAH ABDALLAH
حواء سليمان ابراهيم
رأفت ميلاد
عبدالرحمن عزّاز
Dhieu Chabiet
وليد محمد المبارك
فيس بوك
تويتر
انستقرام
يوتيوب
بنتيريست