|
|
 إعتـذار للأخ الفنان محمد زكريــا
|
اسـف يا محمد لعدم تمكننا من المواصلـة فى ذلك البوست..
لقد حزنت جدا للحرمان من مداخلاتك العميقـة والمليئة بالمعرفـة والمفيـدة للجميـع.
وأرجوك تانى قبل تداخل مع أى بوست شـوف لو كاتب البوست حصل وكتب نقدا للحزب الشيوعى أم لا.
لأن هؤلاء لا يهمهم مع من تتحاور، ولا يحترمون من تحاوره ولا تهمهم فائدة أعضاء المنبر من المداخلات
القيمـة.. فإن الغاية عندهم هى الحزب، وليذهب الســودانيين وأعضاء المنبر بمفاكراتهم الى الجحيم
ما دام صاحب البوست إعترض على مواقفهم يومـا ما.
لذلك سـأتوقف ليس عن ذلك البوست، بل عن أى بوست جديد لنقاش مواضيع عامـة، لحد ما نشـوف أخرة
ديل شنـو؟ سأوظف باقى وقتى لهـذا الأمر..
فكن عاذراً لأخيك..
|
|
 
|
|
|
|
|
|
|
|
Re: إعتـذار للأخ الفنان محمد زكريــا (Re: Abureesh)
|
| Quote: اسـف يا محمد لعدم تمكننا من المواصلـة فى ذلك البوست. |
اكيد طبعا قاصد البوست ده لماذا يهين الفان وردى محبوبته؟
Quote:
لقد حزنت جدا للحرمان من مداخلاتك العميقـة والمليئة بالمعرفـة والمفيـدة للجميـع.
|
وانا الصادق معك حقيقه انا اول مره اكتب في بوست لشخص لا اعرفه بهذه الطريقه
فقد تجردت من مساله الموقف الشخصي وسكبت فيه افضل عصيرا مما املك ....وانت كذلك كنت سهل في الحديث وممتع في الكتابه واثريت النقاش لكي تكون الحصيله مفيده
اذن وانت صاحب البوست الممتع هذا يجب ان لا تستسلم بترك الموضوعيه فيه.... واحذر ان تتنازل عن بوستاتك في كل مره بمجرد تعكير احدا صفو بالك
Quote:
وأرجوك تانى قبل تداخل مع أى بوست شـوف لو كاتب البوست حصل وكتب نقدا للحزب الشيوعى أم لا.
لأن هؤلاء لا يهمهم مع من تتحاور، ولا يحترمون من تحاوره ولا تهمهم فائدة أعضاء المنبر من المداخلات
القيمـة.. فإن الغاية عندهم هى الحزب، وليذهب الســودانيين وأعضاء المنبر بمفاكراتهم الى الجحيم
ما دام صاحب البوست إعترض على مواقفهم يومـا ما. |
تعرف ياعزيزي ابو الريش
نحن السودانيين سياسيون بالفطره وكذلك يمكننا التحدث في اشياء متعدده عكس غيرنا من الشعوب فكل يتخصص في مجال واحد..وهذه محمده ومصيبه في آن واحد
المصيبه هي حين يشكل الحديث اختلاف والخلاف خصام وعداوه..
انا لدي صداقات مع كل الوان الطيف....وحكمتي بسيطه هي انه طالما الوطن واحد حتما سياتي يوما وسنتحدث وجها لوجه وسنضحك وناكل ونشرب سويا غصبا عننا
وحتي ان كانت لنا عداوات بيننا اليوم فالي حين غدا ساقنع اعدائي بحسن منطقي واسلوبي في العداء ويسود الاحترام ان لم نكن اصدقاء
Quote:
لذلك سـأتوقف ليس عن ذلك البوست، بل عن أى بوست جديد لنقاش مواضيع عامـة، لحد ما نشـوف أخرة
ديل شنـو؟ سأوظف باقى وقتى لهـذا الأمر..
|
وتحرمنا من ان نتداخل معك في بوستيك التعبنا فيهو التعب ده كلو؟؟ياخي قلنا يمكن يستمر بعد الربع التاني كمان شويه
يا عزيزي لا توظف او تهدر وقتك الا لمزيد من الايجابيات وخليهم يقولو زي ما دايرين....ولا تحرق اعصابك....الفانيه ما بتستاهل
Quote:
فكن عاذراً لأخيك.. |
يازول ما بيناتنا اعتذارات مش قلنا كده برضو في البوست داك...هههه.....وتسلم من اي عذر يا اخ ابو الريش
======
والي اللقاء.....تحياتي
| |
|
|
|
|
|
|
|
|
Re: إعتـذار للأخ الفنان محمد زكريــا (Re: محمد زكريا)
|
الاخ ابو الريش
نسيت ان اشكرك علي فتح بوست اعتذار باسمي...فشكرا جزيلا...هذه لفته بارعه
====
الشيء التاني والذي لا يفوت علي يبدو كانك ما بين السطور توجه رساله ما الي اشخاص آخرين
في الكثير من مداخلاتي معك حاولت ان لا انجر الي الوقوف معك ضد من لا تحبهم او العكس ولذلك استمريت في الكتابه معك بتجرد من الانحياز لك او لغيرك
اتمني ان تتفهم انني كما ذكرت سلفا ان علاقاتي في هذا البورد جيده مع كل الوان الطيف السياسي ايضا, ولو انني اقول رايي صراحه فيمن يحكمون الان
وبرغم حبي الي الاستقلال في اللون السياسي او عدم الاهتمام به نهائيا فاغلب اصدقائي حمر دون ان يعني ذلك انحياز فانا احترم الجميع
كتبت هذا حتي لا ابدو كمن يستخدم وجوده بينكم سببا في جزئيات خلافاتكم......فانني استشعر طبول دقات طبول الحرب
=====
بس طلعوني انا بره من خلافاتكم......تحياتي الي الجميع
| |
|
|
|
|
|
|
|
|
|
Re: إعتـذار للأخ الفنان محمد زكريــا (Re: محمد زكريا)
|
شكلك ما حتزور بوستك المهبب داك نلصق ليك المداخلات دي عشان تفوت أضانك
الأخ أبو الريش
لا أدري لماذا تقحم افراد لا دخل لهم بما تكتب أو ما يكتب خالد العبيد
ولا أدري ما الذي يدعوك لتمارس الاسفاف وتسميه نقد للحزب الشيوعي
لك الحق في أن تفترض في نفسك أنك مثقف أو فيلسوف ولكن توجيه الاتهامات بالخيانة الوطنية
وبالعمالة لجهاز الأمن لأناس أنت لا تعرفهم ولا يعرفونك ولا تعرف مدى التضحيات التي قدموها للوطن
فهذا ليس لك الحق فيه
أما اختزال الحزب الشيوعي في خالد العبيد أو غيره من أعضاء المنبر فذلك أمر غريب
اذ انك تستعدي ايضا من لا تعرف
والبعديها كانت:
بعدين ياخي شنو لغة التهديد دي
وفاتح ليك عشرمية بوست
قال زعلان عشان البوست دة
والله انا جيت جاري قلت خالد العبيد دة خرّب شنو
اجي القى الكلام الفارغ البلعوك ليهو دة
وانت قايل مسألة انو الواحد اترصدك صعبة عامل فيها داير كمان تتفرغ للحزب الشيوعي
يا زول مافي زول شغال بيك
وبعداك:
Quote: دى يا محمد زكريا وجهـة نظر وتفسيـر ربما خاص بى.. يعنى مثلا فى واحد يقول
ليك "المزنـة"، وتانى يقول ليك "البعاق" الكلمتين تعنيان السحابة الداكنة التى
تشى بمطـر.. ولكن كلمة "مزنـة" وقعهـا على الإذن الطف وأجمل، وفى ناس يسموا
بنتهم مزنـة لكن ما أعتقد زول عاقل يسمى بتو بعاق مع انو المعنى شئ واحـد.
هنا الشاعر مثلا يستعمل "مسافر عايد" وما بيستعمل "مسـافر راجع"
يا راجل قال وجهة نظر وتفسير خاص بي
أنا جني وجن الكضب والسرقة والادعاء الأجوف خصوصا لما يكون من رجل ستيني مثلك
خليك أمين
وفي اللآخر
من كتاب البلاغة الواضحة
تأليف علي الجارم ومصطفي أمين
صفحة سبعة في المقدمة بس ولا تمشي لاجوة
Quote: مقدِّمةٌ
الفصاحةُ - البلاغةُ – الأُسلوبُ
*-تعريفُ الفصاحةِ:
الفصاحةُ :الظهورُ والبيانً، تَقُولُ: أفْصح الصُّبْحُ إِذا ظَهَر. والكلامُ الفصيحُ ما كان واضحَ المعنى، سهل اللفظِ، جيِّدَ السَّبك. ولهذا وجبَ أن تكون كلُّ كلمة فيه جاريةً على القياس الصَّرفي ، بينةً في معناها، مفهومةً عَذْبةً سلِسةً. وإِنما تكونُ الكلمة كذلك إِذا كانت مأْلوفَةَ الاستعمال بَين النابهين من الكتاب والشعراءِ، لأنها لم تَتَداولها ألسِنتُهم، ولم تَجْرِ بها أقلامهم، إلا لمكانها من الحُسْن باستكمالها جميع ما تقدم منْ نُعوت الجوْدة وصِفات ِالجمال.
والذوقُ السليمُ هو العُمْدةُ في معرفةِ حُسنِ الكلمات وسَلاسَتِها، وتمييز ما فيها من وجوه البشاعة ومظاهر الاستكراه؛ لأنَّ الأَلفاظَ أصواتٌ ، فالذي يطْرَبُ لصوْت البُلبُل، وينْفِر من أصوات البُوم والغِرْبان، ينْبُو سمعُه عن الكلمة إذا كانت غريبةً مُتَنَافِرَةَ الحروف . ألا ترى أن كلمتَي "المُزْنةِ" و "الدِّيمةِ " للسَّحابة المُمْطِرة، كلتاهما سَهلَة عذْبَةٌ يسكنُ إليها السمعُ، بخلاف كلمة "البُعَاقِ" التي في معناهما؛ فإنها قبيحةٌ تَصُكُّ الآذانَ. وأمثال ذلك كثير في مُفْردات اللغة تستطيع أَن تُدْركه بذَوْقكَ.----------------
(1) ويشترطُ في فصاحةِ التركيب :- فوْقَ جريان كلماته على القياس الصحيح وسهولتِها -أنْ يسلمَ من ضَعفِ التأْليفِ، وهو خروج ُالكلام عن قواعد اللغة المطردة كرجوع الضميرِ على متأخر لفظاً ورتبةً في قول سيدنا حَسانَ رضي الله عنه :
يعني يالخو انت فعلا مستبيض ناس المنبر دة
من المقدمة تلفح وتجي جاري ماسكاك ام فريحانة
وريشك يتنفش
وتشتم الحزب الشيوعي
| |
|
|
|
|
|
|
|
|
|
Re: إعتـذار للأخ الفنان محمد زكريــا (Re: Abureesh)
|
Quote: حديثى الاخير جاء عرضـا حتى أستفيـد
من البوست لإنو كدا كدا مرفوع مرفوع فقلت أشحن معاه كيلوين زيادة.
|
لا حولا يابو الريش يعني كنت مستغلني كعتالي بالمجان في رفع البوست؟؟......الله يسامحك
من هسه دي تاني يا تدفع مقدما يا ده دربي وده دربك......اها....نرسل ليك رقم الحساب ولا ترسل شيك
===
وش زعلان....ومستهبل
| |
|
|
|
|
|
|
| |
Abureesh
محمد زكريا
بشرى محمد حامد الفكي
فيس بوك
تويتر
انستقرام
يوتيوب
بنتيريست