|
|
|
 Re: مساعده من ناس الخرطوم...لو سمحتو..الدولار بكم اليوم? (Re: smart_ana2001)
|
يا smart_ana2001
كان فى بوست مفتوح قبل فترة عن أسعار الدولار فى كل من جدة والرياض والدمام ،، المهم كان محور المداخلات كالآتى :
- أن سعر ( الريال ) يتفاوت بين 680 جنيه إلى 710 جنيه ،، حسب حجم المبلغ المرسل ،، وده طبعاَ فى السوق الأسود ،، والتسليم يكون فوراَ بهنالك ،، فى ناس بيوصلوا لمحل ما دايرة وفى ناس تمشى تستلم منهم ،،
- أن سعر ( الريال ) الرسمى حسب البنوك هو حوالى 630 جنيه ،،
وطبعا المفارقة فى هذا الموضوع هى الأتى : أن سعر السوق الأسود كان قد إختفى تماماَ لفترة طويلة ،، وبل فإن سعر البنك كان أكبر من السوق الأسود بكثير ،، ولكن بعد صدور قرار المحكمة الجنائية ضد البشير فقد أتخذت الدولة قرارا عجيبا فى التحكم فى أخراج العملات الصعبة من السودان والتحكم فى حسابات العملاء فى البنوك لهذه العملات الصعبة ،، وأعتقد أنه تم تحديد أن يكون أقصى مبلغ يستطيع أن يحمله المسافر للخارج هو 1,500 دولار ( رفع فيما بعد إلى 3,000 دولار ) طبعا ده زاتو محكوم بعدة أجراءآت عجيبة ،، مما كان سببا رئيسيا فى رفع قيمة العملات الصعبة فى السوق الأسود ،، وأعتقد بأنه سيستمر هكذا مالم تلغى قرار التحكم فى العملات الحرة .
نرجو أن نكون قد أفدنا حتى ولو بالحد الأدنى ،،
ماهر
| |
 
|
|
|
|
|
|
|
|
Re: مساعده من ناس الخرطوم...لو سمحتو..الدولار بكم اليوم? (Re: Mahir Mohammed Salih)
|
شكرا ماهر...
شكرا معتصم...
يعنى من كلامكم ده افهم ان سعر البنك و سعر السوق ذى بعض? صح?
شكرا يا الغالى
البنك 237جنيه
السوق 245 تحويل 255 بيع مباشر
جوبا 280 بيع مباشر
تحويل يعنى شنو ? و سعر جوبا ده نلقاه وين?
شكرا يا الشفيع ...اشمعنى السعودية ?
و هل فى حد اعلى للتحويل? يعنى ممكن تحوال 30 او 40 الف دولار?
انا ح ارسل قروش السودان مع زول. و عاوزه اعرف القروش ح تعمل كم بالسودانى. و للاسف القروش ما محولة من السعودية.
| |
|
|
|
|
|
|
|
|
|
Re: مساعده من ناس الخرطوم...لو سمحتو..الدولار بكم اليوم? (Re: willeim andrea)
|
الشفيع ...شكرا تانى....انا فهمتك انك قاصد السوق الاسود. و انا برضه كنت فاصداه لما قلت سوق. و انا ما عندى طريقة امرر القروش بالسعودية.
شكرا تانى.
andrea .....يا ريت يا اخى يكون عندى قروش اشترى بيت فى قاردن ستى. او حتى فى اى مكان. و يا ريت لو كان عندى 40 الف دولار.... انا يا سيدى موظفة...رزق الشهر بالشهر.
| |
|
|
|
|
|
|
|
|
|
Re: مساعده من ناس الخرطوم...لو سمحتو..الدولار بكم اليوم? (Re: willeim andrea)
|
| Quote: يعنى من كلامكم ده افهم ان سعر البنك و سعر السوق ذى بعض? صح |
لا لا فرق كبير يعنى لو عندك الف دولار ممكن يكون الفرق 300 الف من سعر السوق
بعدين علي فكره لو بعتيها بالوسترن يونيو او اي وكالة تحويل بسلموها ليك
بسعر البنك فيعنى انت لو عندك من خمسة الف دولار ولي فوق احسن ترسليها
للزول في مصر وتقطعي ليه تزكرة طيارة ماشي وجاي مع الاقامة بكون أحسن ليه من يستلمه
في السودان أو في ناس بيعملو شنو ترسله لابو ظبي أو احدي دول الخليج لو عندك فيها زول
وبيسلمه لي واحد هناك وفي السودان يسلمك عن طريق احد معارفه بسعر السوق الاسود
لكن دي الا تكون بتعرف ليك زول مضمون في الزمن العلينا ده.. بس ياها الطريقة الشغالين
بيها أو ترسله لاهل في دول بره بعدين يرسلوها مع زول ماشي السودان فدا عندي احسن
من نخلي الكيزان يستفيدوا منها
| |
|
|
|
|
|
|
|
|
|
Re: مساعده من ناس الخرطوم...لو سمحتو..الدولار بكم اليوم? (Re: elnawrani margan)
|
سلامات ....شكرا جزيلا تانى يا جماعة.
معتصم مصطفي الجبلابي ........شكرا جزيلا
| Quote: لا لا فرق كبير يعنى لو عندك الف دولار ممكن يكون الفرق 300 الف من سعر السوق |
لكن الكلام ده ما واضح من من الاسعار الختيتوها دى ...اصلا انت ختيت لى اسعر الريال. (ما تزعل...انا بهظر)
معليش انا ح اتلويق عليك. يعنى من كلامك ده ان الفرق كبير بين سعر البنك و سعر السوق ? الفرق 300 الف فى الالف دولار . يعنى 12 مليون فى اربعين الف دولار?
دى ما بطقطعنى انا شخصيا تزكره من القطب المتجمد الشمالى للخرطوم مش من القاهرة بس.
طيب اليوم الفرق كم بين السعرين ?
| |
|
|
|
|
|
|
|
|
|
Re: مساعده من ناس الخرطوم...لو سمحتو..الدولار بكم اليوم? (Re: smart_ana2001)
|
| Quote: . يعنى من كلامك ده ان الفرق كبير بين سعر البنك و سعر السوق |
كبير ساكت أنا آخر مره حولت عن طريق السودان السنة الفاتت لما اكتشفت ان ناس
الصرافة خامنناخم وطبعا كالعادة في كل الدول أنا كنت مفتكرانه عندما تحول
بالوسترن يونيون بيسلموك ليها بالدولار وكنت مفتكر انه ناس البيت بيستلموها
دولارات وبعدين يفكوها بطريقتهم وكنت عارف سعر الدولار في السوق بكم واكتشفت
خلال مخابرتى لاخي انه سعر الصرف بيختلف من سعر السوق قلت ليهم طيب استلموها
دولارات وفكوها بره قالو لي لا هم بسلموك ليها بالسودانى علي حسب القرار الصادر
من البنك المركزي .. وقالو لي مابسلموك ليها بالدولار الا في حالة واحدة اذا كنت
مسافر بره السودان وجبت ليهم التزاكر والتأشيرة وكان مصادف أنهم (اي ناس البيت )
مسافرين خارج السودان وعلي حسب كلامهم قمت بعت ليهم حوالة عشان ياخدوها معاهم دولارات
لزوم مصاريف السفر.. فلما مشو برضو رفضو يدوها ليهم الا (بالقشرانى)وبسعر الصرف
اللي هو2الف وتلتمائة كم وتلاتين الف واستلموا القروش ومشو اشتروا عمله صعبة من
بره بالاسود وطلعت (في الحالتين أناضائع) فحلفت يمين تانى ما أرسل بالسودان
ومصاريف الشهر ببعته قبل شهر عن طريق دوله عربية تصل علي مهلته ولا أخليهم
يكسبو من وراي...
أنا قاعد أقول ليك الارقام بالعملة القديمة الجنيه الخلاهو نميرى والصادق
بعد داك ضربيها انت ..
| Quote: معليش انا ح اتلويق عليك. |
انا ذاتى بتلويق عليك لحدي مان تقتنعي بفكرتى وكل الناس كذلك عشان مايرسلو عن طريق السودان
| Quote: يعنى من كلامك ده ان الفرق كبير بين سعر البنك و سعر السوق ? الفرق 300 الف فى الالف دولار . يعنى 12 مليون فى اربعين الف دولار? |
بالظبط كده لكن نحن الارقام الفلكية دي ماوصلناها نحن ناس مية ومتين
مع تحياتى
| |
|
|
|
|
|
|
|
|
 Re: مساعده من ناس الخرطوم...لو سمحتو..الدولار بكم اليوم? (Re: Abdelmuhsin Said)
|
شكرا يا جماعة على حسن الظن (اذا كان افتراضكم انو عندى 40 او 30 او حتى 10 الف دولار يعتبر حسن ظن).
ذى ما قلت لانديرا - و ما صدقنى- انا موظفة على باب الله. و يا ريت يكون عندى 5 الف بس ما عارفه اعمل بيها شنو و عاوزه ارسلها السودان.
يا Abdelmuhsin البوست داك فعلا بيحكى عن كيف ان البلد دى ما فيا توفير. الله يـطرى صحبتى اوت كاست بالخير.
يا ريت لو بقدر احكى الموضوع شنو بالضبط...لكن دى قصص ناس تانين.
| |
|
|
|
|
|
|
|
|
|
Re: مساعده من ناس الخرطوم...لو سمحتو..الدولار بكم اليوم? (Re: ناصر جامع)
|
يا اسمارات انا حولت قريب باليد صرفوه في السوق الحر استلموا 2600 جنيه جديد للالف دولار في ناس بتصرف بي سعر 2700 كمان
يعني الريت 2 بوينت 6 للدولار لما فكيناه وبت خالتي اشترت من السوق بسعر 2بوينت 7 للدولار
الوسترن يونين بضربك ضربه كبيره لانه بيصرفها في سعر 2 بوينت 3 للدولار
لو لقيتي زول مضمون يشيلها ليك باليد دولار بتجيب ليهم سعر كويس في السوق
| |
|
|
|
|
|
|
|
smart_ana2001
معتصم مصطفي الجبلابي
الغالى شقيفات
willeim andrea
elnawrani margan
Abdelmuhsin Said
doma
فيس بوك
تويتر
انستقرام
يوتيوب
بنتيريست