|
Re: حيدر الزين (Re: هاشم محمد الحسن عبدالله)
|
يا اخوانا الشغلة باقى ليها اسبوع وحرباشة عشان الطريفى يجيكم راجع الزول ده صبر المدة دي كلها ، انتو غالبكم تصبروا الكم يوم ديل؟؟؟؟
مافى رجوع قبل الارشفة... صبرآ يبل الآبرى هو رمضان باقى ليهو كم يوم؟؟؟ عطشنا من هسى
| |
|
|
|
|
|
|
Re: حيدر الزين (Re: انعام عبد الحفيظ)
|
Quote: مع انى حاسى بأحساس انو البوست ح يمشى هناك ..
|
نفس احساسي من ما قريت الاسم..
عموما هو مشغول شديد في حاجات (بتعرفوها بعدين)
والا افتها ليكم وأخلص؟؟
تحياتي
| |
|
|
|
|
|
|
Re: حيدر الزين (Re: عبدالمجيد الكونت)
|
Quote: عموما هو مشغول شديد في حاجات (بتعرفوها بعدين)
والا افتها ليكم وأخلص؟؟ |
لا ابشرك يا اميمة الحاجات دي انتهى منها ، وفكر فى حاجات تانية كمان بس الحاجات التانية قال بعد يشوف مصيرو بعدالارشفة شنو ، حيرجعوا ولا يواصل فى حاجاتو دى؟
| |
|
|
|
|
|
|
Re: حيدر الزين (Re: هيثم درار)
|
Quote: لا ابشرك يا اميمة الحاجات دي انتهى منها ، وفكر فى حاجات تانية كمان بس الحاجات التانية قال بعد يشوف مصيرو بعدالارشفة شنو ، حيرجعوا ولا يواصل فى حاجاتو دى؟ |
لا أبشّركم يا هيثم وأميمة الحاجات التانية إنتهى منها وفكر في حاجات تالته كمان بس الحاجات التالتة قال بعد يشوف مصير الناس القبليهو زي ناس هيثم درار ديل يشوف حصل عليهم شنو من تغييرات بعد داك يقرر يوقف ولا يواصل في حاجتو التالتة دي
| |
|
|
|
|
|
|
Re: حيدر الزين (Re: اميمة مصطفى سند)
|
صلاة جمعتين وبرجع انشاء الله تحياتى لك ولى الطريفى ------------------------------------------ ودى ذكرتنى نكته معليش استسمح الكونت عمتك كبيره راكبه النيسان جايه من بعيد وعندها السكرى وكل مايمشى مسافه تقول لى السواق ياولدى اقيف لى دايره ابول اخر مره وقفتو وجات طالعه سلم الباص قالت ليه ياولدى ماقربنا لى امدرمان قاليها بولتين تانى وبنصل ياحاجه
| |
|
|
|
|
|
|
Re: حيدر الزين (Re: خالد المحرب)
|
اميمة حبيبه انتى لسه منتظرة تلقطى رزقك تاريكى طلعتى مسكينه ساكت انعام لقطتت وبعديين شتت فى البوست ده وبمداخله واحدة بس نعوم واميمة والجميع تحياتى ليكم تسلمو يارب ...
| |
|
|
|
|
|
|
Re: حيدر الزين (Re: ماجدة عوض خوجلى)
|
Quote: لا أبشّركم يا هيثم وأميمة الحاجات التانية إنتهى منها وفكر في حاجات تالته كمان بس الحاجات التالتة قال بعد يشوف مصير الناس القبليهو زي ناس هيثم درار ديل يشوف حصل عليهم شنو من تغييرات بعد داك يقرر يوقف ولا يواصل في حاجتو التالتة دي |
عييييك يا بت عبد الحفيظ... لقيتك منطلقة بسرعة الصاروخ عاد مصيرنا هو ما شايفو وفايت عضانو بى هناك كمان
طيب انا اديكى النجيضة على قول معلم كاروشة؟ طالما عايز يشوف مصيرنا والتغيرات الحصلت ،،، ياهو الما رجع ليكم هنا تانى وحيواصل فى حاجاتو التالتة والرابعة والخامسة وووو، وبعد داك يمشى اقرب مستشفى مجانين يحجز سريرو عشان الدنيا ما معروفة
فهمتى حاجة يا نعومة؟؟؟
اقطع صباعى الصغير كان فهمتى حاجة
| |
|
|
|
|
|
|
Re: حيدر الزين (Re: البدري عبد الله)
|
يا جماعة
الطريفى دة أخوكم مقيل معاهو يوم الجمعة الفات والعدة رجعوها....!!!!!
لكن التقل صنعة................
_____________________
التحية للجميع
| |
|
|
|
|
|
|
Re: حيدر الزين (Re: Hassan Makkawi)
|
تحياتنا للزول الكلس ود الزين اينما حل ...
يا حسن مكاوي ياخي دي بشاره جميله ...
ويا حيدر ياخي تعال مارق ...وجيب معاك (سفروق) عشان في حاجات كده ما بتطقطق الا بالسفروق او (الكبكب*) ...
_____________________________________________________________________ *الكبكب ده الفاس العندها راسين كبار زي البجيبوها في افلام الخواجات زي فيلم تروي(Troy)
| |
|
|
|
|
|
|
Re: حيدر الزين (Re: Elsanosi Badr)
|
Quote: *الكبكب ده الفاس العندها راسين كبار زي البجيبوها في افلام الخواجات زي فيلم تروي(Troy) |
ود السنوسى سيد النوق والبعارين والحلال شوقنا ليك شوق عيد.. للهلال وشوقنا زى عطشان حلمان بالزلال يلا شرق ومرة غرب بس قوم تعال
_______________________
الكبكب دة ما محتاج شرح....موجود منو فى المنبر كمية...
| |
|
|
|
|
|
|
Re: حيدر الزين (Re: Elsanosi Badr)
|
أولاَ ،، يا ود الصايم بالله أبعد من الحتة دى :
لأنها ماركة مسجلة لنا منذ قديم الزمان ،، يعنى كده ممكن تقول بالظبط زى ضحكتك العجيبة ديك التى إختفت هذه الأيام .
وثانيا َ ،،
والله الزول ده طوّل شديد يا أخوانا ،، حتى اليوم داك بشق الأنفس وصلت للميكرفون عشان أقول كلمتين لرئيسنا ،، إلا أنه رمانى بعينٍ حارة وكأنه بكرى أبوبكر ،، فقفلت راجعاَ ،،
غايتو يا جماعة أطمأنوا ،، الزول ده أستغل فترة الحظر لبناء جسمه رياضيا،، قال أيييييييييييه ؟؟ قال إستعداداَ لمرحلة التأهيل ،، غايتو نتمنى له حاجات كتيرة :
1- نتمنى له الرجوع سريعاَ . 2- نتمنى له أن يبنى جسمه ليتمكن من التأهيل سريعاَ . 3- نتنمى له أن يتذكر دائماَ بأن هنالك كثيرون جداَ يحبونه كثيراَ وينتظرون عودته سريعاَ .
وللجميع التحية ،،
ماهر
| |
|
|
|
|
|
|
|