شن طعم الدروس مادام مكانا مشي القطر.. وريني كيفن ذاتا ترتاح النفوس تقبل قرايةً في سفر

Quote: وريني شن طعم الدروس ما دام بكانا مشي قطر وكيف ذاتا ترتاح النفوس تقبل قرايةً في سفر زينوبة كر من حالى كر قاعد لى فوق كيمان جمر غربة وكمان حالاً فقر عذبني قبل اصل القبر زينوبة كل ما افتح كتاب القاك في اول سطر القى الجداول والصحاب القى الجناين والتمر زينوبة دنيا الاغتراب خلتني زي ورق الشدر انحت من عدم الشراب عم الاراضى وانتشر كيف زاتو يا نبع الحنان انجح من الام السهر يا يمة حان الامتحان من وقتو بس فاضل شهر ما اظنِي من جور الزمان انجح واجيب ليكم نمر عمرك سمعتيلك جبان خاض المعارك وانتصر في الحصة عقلى انا قام سدر يمه المدرس لو فكر كان يلقى قاعد فوق ككر في الدونكا(المطبخ) لسع ما فطر يسمع كليمة يا عشاى واغلى الحكم عند الضجر وانا قلبي كلو على جناي وقلب جنايا على حجر والله مش لو كان نهر (يعنى المدرس) لو كالني بسيطان بقر ما دام عقيل الجن سدر ما اظنو من عندك حضر بذاتو ابوى تلقاهو قام فاتح كتابو مع الفجر يقرأ ويرتل في كلام ما بفهمو الناس الكفر الشوق متل شوك الكتر طعن الجسم لمن خدر والله لو ما منجبر ما كت بفارقك بي شبر الغربة اصلوا طعيمة مر لكني بعقد بالجبر لمن سنين الهم تمر يا ربي الهمني الصبر

(عدل بواسطة jini on 03-17-2010, 06:47 AM)

Quote: زينوبة كر من حالى كر قاعد لى فوق كيمان جمر غربة وكمان حالاً فقر عذبني قبل اصل القبر زينوبة كل ما افتح كتاب القاك في اول سطر القى الجداول والصحاب القى الجناين والتمر زينوبة دنيا الاغتراب خلتني زي ورق الشدر انحت من عدم الشراب عم الاراضى وانتشر

Quote: تغنى بها محمد كرم الله بصوته الرائع الاخاذ لينقل به شعر الشايقية من الاقليمية الى القومية!