|
|
 طلب كساعدة من الذين يستعملون windows 7
|
تحياتي ليكم
الواحد كان مبسوووووط يعمل اقتباساتو وتكويتاتو في ال xp زي السلام عليكم
اها قوووووووووووم يالخير لشقاوتك اشتري ليك جهاز كمبيوتر جديد الاوبريشن
سيستم فيهو windows 7 ولأنا قوم اقامتنا في هذا البراح الاسفيري تكاد تكون شبه دائمة
فقد حصل لنا التعويق.... اي والله .... تعوييييييييييق. لي كم يوم بحاول اكتب لي مداخلات
ودي ما مشكلة قاااااعد اكتبا في امانة الله لكن المشكلة في التحليات. يعني ما ممكن الواحد
يكتب ليهو مداخلة ( ناشفة) هههههههههه لا وشوش ضاحكة لا اقتباسات لا تقدر تنزل
صورة لا دا لا دا..... المهم يا بني كمبيوتر انقذوا اخاكم الايامات دي لاعبين فاينال وفرد
مداخلة مكربة ممكن تبرد بطنك وبالحييييييييييييييل بطني مي باردي الايامات دي فعليكم الله
وروني القصة دي بعملوها كيف ينوبكم ثواب.
___________________________________
اسي في ذمتكم الاسفيرية دي عاينو للمداخلة دي وشوفوها ناشفة كيف.... حولا ولا قوة لووووووووول
|
|
 
|
|
|
|
|
|
|
|
Re: طلب كساعدة من الذين يستعملون windows 7 (Re: الخير محمد عوض)
|
شنو يا ناس ما دايرين تطيبو خاطر اخوكم ( البوست ) وللا شنو يعني !!!
كل الذي اطلب معرفته لاني حاولت كتير وما قدرت هو:
1/ كيفية عمل الاقتباس
2/ كيفية وضع الصور والوجوه
اها يا تورونا يا نرجع الشباك السابع دا لي اهلو
يا اما كمان نبلع ناشف وانا متاكد دا ما برضيكم ..لوووووووووووووول
| |
|
|
|
|
|
|
|
|
|
Re: طلب كساعدة من الذين يستعملون windows 7 (Re: محمد عبد الماجد الصايم)
|
الاخ الخير .....
حقيقه انا ما عرفته المشكله العندك بالضبط شنو
واعتقد ان المشكله فى كيفيه التعامل مع النظام الجديد .. ودى مشكله عامه بتظهر لاى شخص ( حتى لو كان خبير )
لكن مع الممارسه والزمن المشكله بتتحلا
يعنى انته محتاج تقضى وقت زياده شويه ومع شويه تمارين بتسلك فى الجديد
كل الود
| |
|
|
|
|
|
|
|
|
Re: طلب كساعدة من الذين يستعملون windows 7 (Re: يوسف الولى)
|
شكري لكل من مر من هنا متعاطفا حتى ولو بالصمت واخص بشكري اخانا ود الصايم
الذي ندعوا ان لايرية الله مكروها في كيب بوردة او في اي من ادوات كتابته وشكري
ايضا غير محدود لاخي يوسف الولي لتشجيعه لنا ووقوفه معنا في المحنة كما وشكري
لي انا شخصيا لاني نجحت في فك طلسم الويدنوذ سفن ابن الذينا دا واليكم دليلي:
الاقتباس
| Quote: لكن مع الممارسه والزمن المشكله بتتحلا |
الوجوه:
الصور:
شكري مجددا
| |
|
|
|
|
|
|
| |
الخير محمد عوض
محمد عبد الماجد الصايم
يوسف الولى
فيس بوك
تويتر
انستقرام
يوتيوب
بنتيريست