|
Re: حزبا مرق للموت قلد (Re: خدر)
|
حزبا مرق للموت قلد القصة لابت لاولد عند المواجهة والجلد صوتك يمين يوزن بلد ---- ---- ميِّز طريقو شرق غرب وتعال عديل شاقى الدرب الجهلِ والجوع والحَرِب صوتك دواهن، انكرب ---- ---- مايغشك القال اتفاق شعبا من الغِمِّـيْدَة فاق صَوِّت محل تلقى الرفاق صوتك تَسَقِّطْبُو النفاق ---- ---- شاكوش مرق نُصَّة... نهار لاكاس وجاهة ولا اشتهار نحنا فى طريق الازدهار ارواحنا نجدعها سمبهار
____ كلمات عـبدالمنعم الجزولي الحان و غناء طـارق ابوعبيدة
| |
|
|
|
|
|
|
Re: حزبا مرق للموت قلد (Re: عبدالحافظ سعد الطيب)
|
Quote:
صد لملامحك يا حراز ريح العوارض غربت فرتك ضفايرك فى الرزاز جية العصافير قربت
|
خلصونا من الانقاذ ضهرونا ليها سردبت كسرت مجاديف المفاذ رغم البروق سهولنااجدبت
القائل ابقوتة
خدر,,لحنك عسل من القائل فى الاقتباس ياخليل كلام زى الليل
| |
|
|
|
|
|
|
Re: حزبا مرق للموت قلد (Re: abuguta)
|
Quote:
كلمات عـبدالمنعم الجزولي الحان و غناء طـارق ابوعبيدة |
شكرا منعم............شكرا خدر
ويا سلام علي الابداع ..........
----------------------------------
ألحقونا بالأخريات .............. سريع .
| |
|
|
|
|
|
|
Re: حزبا مرق للموت قلد (Re: خدر)
|
العزيز خدر صدقني ما قاصد أكون (picky) لكن لما قريت عنوانك خطرت لي خاطرة و حبيت أقولا و لا شيئ شخصي زي ما بقولو.. بس حبيت أقول لمتين حنقعد نغني للموت... يعني نحن لسع ما خلصنا من فلترق كل الدماء نبقى في حزبا مرق للموت قلد؟ ياخي السودانيين ديل كفاهم عشرات السنين من لغة الموت و رائحة الدم... محتاجين قيادات تبشرهم بالسلام و البسمة لأطفالهم و كباية الموية النضيفة و المدرسة الضليلة البقعدوا فيها في كراسي بدل قعاد الأرض و المستشفى الملان معدات و دكاترته مبتسمين... محتاجين حكومات تخدمهم مش تنهبهم... مطالب بسيطة و مشروعة لا محتاجة ليها موت لا دم. ولا رايك شنو؟
| |
|
|
|
|
|
|
Re: حزبا مرق للموت قلد (Re: Elawad)
|
لكم الله يا رواد التصوف فى العمل السياسى يشهد لكم الناس انكم قدمتم مسيرة طويلة تستحقون عليها الاحترام لك الله يا ود ابوعبيدة فى صوتك سعيد انك مازلت على البعد تحمل نفس الهموم القديمة التحيات للعم محمد ابراهيم نقد, والذى احمل له الكثير من التقدير والحب والاعجاب الا متناهى التحية لكل تيار اليسار العالمى فى اى بقعة ارض <font face="Simplified Arabic" size="4" color=blue>متين تضحك سماء الخرطوم حبيبتنا ؟</font> متين ؟ .. عشان احنا خلاص قربنا نجن .
| |
|
|
|
|
|
|
Re: حزبا مرق للموت قلد (Re: shaheen shaheen)
|
شاهين يا صاحبي المتمرد علي طولة البال بنص تصريح الفرسان الثلاثة في 94 خلاص سميتنا متصوفه !! ياخي اريتنا نلحق عجاج كرعين المتصوفه. يا شاهين والله انا لسه بشتاقك و مشتهي ونساتك و تعليقاتك الساخرة هل لازلت تقرأ بنهم ؟ هل لا زالت تجربة اليسار المصري عالقة في تلافيف عقلك الجميل ؟ هل لازلت ساخرا و متمردا بصمت علي الخطاء ؟
احزنني خروجك من الحزب , فالحزب يحتاج لمن هم في حكمتك و سخريتك لكني سعيد انك وجدت نفسك في مكان آخر
مشتاق ليك ياخ و مشتهي اجي السودان عشان اساهر معاك في ونسه لا تنتهي .
تحياتي للعم شاهين و الاسرة و حتي نلتقي يا صاحب
| |
|
|
|
|
|
|
Re: حزبا مرق للموت قلد (Re: Elawad)
|
بالعكس يا العوض .. انا متفق معك مية في المية و افيدك ان ما قلته هي مبادءي التي احيا عليها ولا اهادن فيها يجب ان نغني للحب و السلام و التفاصيل الصغيرة التي نحياها اجمعين. لو إنتبهت لاغنياتي الخاصة تجدني اغني ما اؤمن به اعلاه (رغم تاريخنا الملئ بالهزائم) و الشعراء الغارغين في إجترار تاريخ مُحبط. لكن في قصيدة منعم الجزولي اعلاه الوضع مختلف , انا و منعم نقرر حقيقة ان الحزب الشيوعي السوداني خرج للعلن في واقع يمكن ان نطلق عليه حتي الان انه منغلق علي قيم و أفكار عفا عليها الزمن و تولي امر شيوعها أولي الامر من ساسة اليمين بالدعاية المُضادة و شاركهم حزبنا بالتواطء صمتا. خرج هذا الحزب فاردا صدره لرصاصات كان من السهل تفاديها , ببسالة سودانية تكوي العدا و تفرح اولاد البلد من امثالك فقط لإيمانه بهذا الشعب , قدم في تلك المعارك فلذات اكباده من أبناء بلادك النابهين فأبلو بلاَ حسنا و ما بدلوا تبديلا اظنهم يستحقون ان نمجدهم و اظن ايضا ان حزبنا يستحق بعض المدح من الاخرين فقط لايمانه بهذا البلد ولا تساقه مع مبادئه.
| |
|
|
|
|
|
|
Re: حزبا مرق للموت قلد (Re: فيصل محمد خليل)
|
Quote: بالعكس يا العوض .. انا متفق معك مية في المية و افيدك ان ما قلته هي مبادئ التي احيا عليها ولا اهادن فيها |
شكرا ليك يا خدر على رحابة الصدر و تقبل كلامي و النظر للنصف المليء من الكوب. كل ما أردته هو أن أبث أمنياتي و أشواقي ليوم تأتي فيه حملات التعبئة و الدعاية الجماهيرية عندنا و هي مليئة بالحياة و الأمل في غد مشرق يستحقه أطفالنا و شعبنا المسكين الذي لابد أنه مل سماع صيحات الحرب و رائحة الدماء و طعم الحياة في ظل الظلم و الدكتاتوريات.
| |
|
|
|
|
|
|
Re: حزبا مرق للموت قلد (Re: Elawad)
|
سنغني و نغني للفرح القادم في وجه الاطفال للحزن البائس يرحل عن اعين الامهات لاسراب طيور و مقاهي الوان .. لوحات و موسيقى شموس لم تشرق حتى اليوم و نجوم تضوي بسماء الوطن الاجمل من كل الاوطان اشعار ما قيلت حتى الان اغاني في لحن الملكوت الطاهر تشدو صوت الحرية
شكراً كثيراً حزبنا حتى اذا لم يفهم البعض ما أنت و كيف أنت كيف ادبتنا فأحسنت ... يا ابي كيف علمتنا فكنت خير المعلم و نعم الكتاب
| |
|
|
|
|
|
|
Re: حزبا مرق للموت قلد (Re: خدر)
|
العزيز خدر
مشكور أنته ياخ علي اللحن الجميل
ومشكور كتيييير عبد المنعم على الكلمات الجميلة
والشكر أجزله أجزله
للجنود المجهولين الذين قاموا بهذا التصميم الجميل
يا خدر
هذا الحزب لا ينضب معينه أبداً من الإبداع في كافة المجلات
لست هنا سوى ناقل لهذا الجمال
ولي قدام
| |
|
|
|
|
|
|
Re: حزبا مرق للموت قلد (Re: نادر السوداني)
|
الله عليك يا خدر . جد كلام منعش ومفرح وطاعم ولائق . عبدالمنعم الجزولى يا خدر انا عارفو شاعر لبق شجاع وبقول الشعر بصوت مرتفع . والله شغل عجبنى عجب شديد . عليك الله سلم على ناس البيت كتير كتير . تحياتى
| |
|
|
|
|
|
|
Re: حزبا مرق للموت قلد (Re: Osman Musa)
|
نادر سلامات راجع ايميلك
عثمان يا فنان عندك قصيدة برضو قاطعة قلبي لكن ما لميت فيها بعد رجعت منك عن ناس الجبهة و الموت و العملوهو في السودانيين لو عندك اجدعها لي هنا ينوبك ثواب
شكرا علي الكلمات الجميلات با ابن عمي و التحايا للاهل بطرفك المدام و الاهل
| |
|
|
|
|
|
|
|