|
Re: دعواتكم معانا :ولدنا أحمد داخل شهادة الأساس بعد قليل (Re: عبد الملك يوسف الملك)
|
Quote: اللهم لا سهل الا ما جعلته سهلا انك تجعل الحزن سهلا اللهم بما علمتــه وفهمته سليمان فعلمهم وفهمهم اللهم اجعلنا لهم سنــد وعضــد اللهم كن معهم اللهم اعنهــم اللهم صبـر امهاتهــم على تحديات هــذه الايام الصعاب |
موفق ان شاء الله..
بس انت بطل جرسة(وش مهموم) على زمنا ياالشفيع.. دخل علينا ناظر المدرسة على غير العادة ونحن في درس العصر.. قال.. بعد بكرة الامتحان يا اولاد.. بكرة الضهر تجمعوا هنا عشان في بص حيجي ياخدكم لداخليات الاميرية دنقلا.. حتبيتوا هناك وتقعدوا لحد ما تخلصوا بعد داك بجي البص يرجعكم.. طلع الناظر والفصل كله جاط في بعضه.. نطيط وصراخ تعبير عن الفرح.. مش عشان خلاص الاولاد حينتقلوا لمرحلة تعليمية اخرى.. ابدا عشان بكرة ح نركب الباظ ونمشي دنقلا.. طبعا دنقلا كانت عندنا ولا واشنطن !! المهم على قول اخونا المهم.. تاني يوم جاء البص ووصلنا داخليات الاميرية في العصر.. دخلونا عنبر طويييل حيكون مقرنا ايام الامتحانات.. عاينا العنابر الجنبنا لقيناها برضوا ملانا اولاد من دورنا جايين يمتحنوا.. كنا طلاب اربعة مدارس اولية.. اول ما المدرس الكان مرافقنا ودعنا وفات.. بقينا ننطط ونصفق وقلبنا العنبر.. فجأة جونا اربعة لابسين اردية وقمصان بيضاء.. قالوا لينا انتوا عاملين هرجلة شديدة .. وقفونا صف وجلدونا كلنا.. تاني يوم الصباح ونحن ماشين لقاعة الامتحان.. شفنوا الاربعة الجلدونا امبارح شايلين كراساتهم وداخلين للفصول.. تراهم طلبة رابعة الممتحين للثانوي ونحن قايلنهم المدرسين.. .. شوف بالله ! ناس بكرة داخلين امتحانات ويجلدوهم .. تأمل - على قول اخونا ملاسي.
| |
|
|
|
|
|
|
|