|
|
 السبت 13/3/2010 ليلة سياسية للحزب الشيوعي السوداني بمدينة بحري
|
يقيم الحزب الشيوعي السوداني بمدينة بحري ليلة سياسية بميدان الرابطة بالمزاد شمال ( أخر محطة ) مساء السبت 13/3/2010 يتحدث فيها :-
* الاستاذ أبو زيد محمد صالح
* الأستاذ مصطفى عبد القادر
* الاستاذ عبد الله دراج (سعودي)
* د.صدقي كبلو
* الأستاذ عبد القيوم سليمان
يشارك في الليلة كورال الجبهة الديمقراطية
|
|
 
|
|
|
|
|
|
|
|
Re: السبت 13/3/2010 ليلة سياسية للحزب الشيوعي السوداني بمدينة بحري (Re: محمد هشام)
|
انتو يا محمد ناس حزبكم ديل طوالى حاقرين بيــه بحرى ليـه
المتحدثين ( مع الاحترام ) مــا نجوم الحزب الشيوعـــى السودانى
(( العم / نقــد )) كتير على بحــرى ولا شنــو ..
ولا سليمان حامــــد ...
__________
ناس بحرى ديل / المزاد ناس بهجــة وطرب يستمتعون بالنغــم
جيبو ليهــم محمود عبد العزيز ( بيلــم الناس من طرف )
خليكم من شباب الطرب الحزبــى ديل .
| Quote: يشارك في الليلة كورال الجبهة الديمقراطية |
| |
|
|
|
|
|
|
|
|
Re: السبت 13/3/2010 ليلة سياسية للحزب الشيوعي السوداني بمدينة بحري (Re: محمد هشام)
|
يا بدرالدين
ازيك ياخ
والله قريت كلامك كلو فحمدت الله الذي لا يحمد علي مكروه سواه
ياخ هؤلاء الرجال والنساء كلهم نجوم سوي بلغة السوق أو بي
بأي لغة أخري ، الحزب ده ياخينا لا يوجد فرق بين عمك نقد
وأي عم آخر ، المسألأة لا علاقة لها بحضور العم نقد أو غيره
بل بمدي سيقوله القائلون والقائلات وما سيسكبوه من هم وطني
نبيل وهو أمر في غاية البساطة ولا يحتاج في تقديري ليقوله
قائل فالحال كما تري يامولاي واضح والسوق كعب شديد .
أمرق علي الندوة وحاول أسمع كلام الحزب الشيوعي حينها سيتبدي
لك ألف صورة للعم نقد وغيره من الأعمام والخيلان والخالات والابناء
والبنات أو ببساطة حينها ستري بعينيك وتسمع كلام الحزب الشيوعي
هي دعوة لك فتعال ومعك آخرون وربنا يقدر الشيوعيين لضايفتكم
| |
|
|
|
|
|
|
|
|
 Re: السبت 13/3/2010 ليلة سياسية للحزب الشيوعي السوداني بمدينة بحري (Re: خضر حسين خليل)
|
شكرا يا خضر يا ود حسين ....
مكان الندوة بقرب منزلنـــا الثانــى ...
مررت حوالــى الساعة ( 2 ) ظهرا ولقيت الشباب متكلين فى الضــل واللافتات على الارض
تنتظــر الشموخ عاليــا ...
يا زول قول بسم الله عم نقــد من امهر قادة بلادنــا اتقانـا للخطاب الجماهيرى
ما تساويـهو مع شباب حزبكم من القيادات ..
انشاء الله حضور ...
| Quote: هي دعوة لك فتعال ومعك آخرون وربنا يقدر الشيوعيين لضايفتكم |
ترمـــة:
اجيــب الكاميرا معايــا لزوم ........ ولا ( منطقة عسكرية ممنوع التصوير )
| |
|
|
|
|
|
|
|
|
|
Re: السبت 13/3/2010 ليلة سياسية للحزب الشيوعي السوداني بمدينة بحري (Re: بدر الدين اسحاق احمد)
|
كنــت هنـــاك ..
المزاد جنوب اخر محطة
الحضور عدد مقدر من الناس ( لــم اظــن ان بحرى حبلى بهـذا العدد من الشوايعة )
او من الذين يحبون ان يشاهدوا الشوايعة( حوالــى 500 - 750 شخص ..
( مع استخدام حيلــة قديمة فى الندوات ( تجيب الكراســى شويــة ليقف عدد من الناس )
ليلــة سياسيـة جماهيريــة
المتحدثون ..
سعودى دراج ( لم احضر كلمته مع انى كنت حريص على حضورها دون غير ها من الكلمات
لانــه ابن بحرى )
الاستاذه صفيــة تكلمــت عن ( مسيرة التعليم ) وفقر البيئــة التعليمية
على العسيلات يشبــه كوادر اللقاءات الجماهيرية بتلقائيتــه وبساطة كلماتــه
تحدث عن ( تاريخ القيادات الشيوعية ونظافة يدهــا فى العمل العام)
د. صدقى كبلــو تحدث عن ( د. غازى .. انقلابى / من صقور الانقاذ ثم انتهازى )
وقال ليهم بتم ليكم الكلام فى الندوات الداخلية ..
ميزانية التعليم مقارنة مع ميزانية الامن تساوى 8% فقط من ميزانية الامن المقدرة
بيــه 5 مليار جنيه
الناس ديل خرقو الدستور وعقوبة خرق الدستور هى الاعدام ( عايز يعدم كل الذين شاركو
فى الانقاذ ) وعبود فلــت من العقاب ( انا ما عارف ليــه دخل عبود فى الموضوع )
ابو زيد محمد صالح ... وكيل وزارة المالية الاسبق .. مرشــح الحزب فى الدائرة
ضد د. غازى صلاح الدين ..
تحدث عن الدور المطلوب للبرلمان القادم ( الدور المطلوب من البرلمان هــو تكوين
لجنة ارجاع المفصولين من الصالح العام وتسوية حقوقهم ) .+ لجنة للبترول
+ لجنة لخصخصة القطاع العام + ( كتر من اللجان لطبيعة تجربته الوظيفية )
مصطفى عبد القادر ( المحامــى ) تحالف الديمقراطيين .. ( الصافيــة ) ما عارف ده السكن
ولا حاجــه تانيــه ...
( دهـ مش المحامى بتاع الانتفاضــة بتاع جريدة الاسبوع ) الذى تــم توجيــه تهمــة تعاملـه
مع جهاز امن الدولــة ...وكانت السجالات مع مقدم امن معاش بكرى محمد ابوبكر الذى قدمـت
اتهامات عظام للسيد المحامــى ... ثم خبــئ نور المحامى حتــى جاء الشوايعة ..
واخرجو لينــا هــذا الرجل تقول بعاعيت بيجيبو الناس ديل من وين )
الكورال ما حضرتو ...
مقدم الندوة ( شاب ) قدم جوزيف موديستو بالشهيد فاصلحــه د. صدقى كبلو بان جوزيف حى يرزق ..
الهتافات ( غير مرتبــة / غير منتظمــة / لا يرددهــا المشاركون ...
الشيوعيين قادمون / عاش كفاح الشعب السودانى / عاش نضال الطبقة العاملة ..
الشابات والمراة خضورهن لا يتناســب مع هــذا الحزب
المنصــه بسيطة وانيقــة جدا معبرة عن الحزب تماما ( بشاكوشهــا )
___________
اهــا قصــرت معاك يا خضــر يا ود حسيــن ..
| |
|
|
|
|
|
|
| |
محمد هشام
عفاف ابوكشوه
بدر الدين اسحاق احمد
عبدالحافظ سعد الطيب
Samer Osman
خضر حسين خليل
فيس بوك
تويتر
انستقرام
يوتيوب
بنتيريست