|
Re: في 8 مارس اسرد تجربتي وذكريات برائحة البنزين والوجع ( يوجد حكي ) (Re: نجلاء قرافي)
|
راجعت ملفاتي القديمه فيمن اعرف وطرقت ابوابهم باباً بعد باب فتورم قلبي قبل اصابعي بالاعتذار عن عدم وجود فرص للعمل جلست اقلب امري ماالعمل ياالله الفرج . جاءني مساء شقيقي محمد( خريج محاسبه) بالبشاره عندي ليك خبر يستاهل عليهو فووول مظبوط يانجوله ـ ياخي ماتشحتفني عليك الله وريني ـ بعد الفول ياسكره
وجريت علي المطبخ ناويه علي الفوله وعلي فكره شخصي ومحمد تخصص تظبيط الفول ومشهود لنا بذلك لدرجة ان اورثنا هذه المهاره الفوليه لاشقائنا الاصغر فاصبحوا خبراء محليين لتظبيط الفول بكل فخر .
| |
|
|
|
|
|
|
Re: في 8 مارس اسرد تجربتي وذكريات برائحة البنزين والوجع ( يوجد حكي ) (Re: نجلاء قرافي)
|
وبينما نتناول الفول الساخن والشطه الخدرا وانا اتصنع عدم اهتمامي بالخبر ـ اسمعي عندنا في الطرمبه فرص عماله للبنات ـ فرص شنو دي يعني كمان ـ زي ماانا شغال كده (خرطوش) برضو عاوزين بنات يشتغلوا خراطيش ـ يازول انت جااادي كده بنات خراطيش ـ بكلمك جد ولو عندك استعداد بكره ارح معاي الطرمبه قدمي هناك سرعان ماجاء ببالي وانا اتخيل نفسي وانا عامله فيها البت خرطوش احساس غير وغريب . ـ خلاص بجيك بكره حوالي 9 كده تمام ـ تمام ياستي .
ويايوم بكره ماتسرع
| |
|
|
|
|
|
|
Re: في 8 مارس اسرد تجربتي وذكريات برائحة البنزين والوجع ( يوجد حكي ) (Re: نجلاء قرافي)
|
بعد معاناه حصلت علي مقعد في حافله متجهه نحو الخرطوم اتحكرت بالمقعد واصلحت من وضعي بعدالمدافره ( والله ايام يازمان) وتحركت الحافله واخذت انظر من الشباك وشردت ببصري بعيداً ياربي نوعية الشغل دي لو اصلا حصلت كتجربه راي المجتمع حيكون فيها كيف ؟ هسي محمد ده يكون مافهم الموضوع كويس اكيد في غلط .. المهم شغل ايا كان نوعه .
في الطرمبه ـ محمد ازيك ـ اهلين نجوله ـ تعالي اقيفي معاي وساعديني عشان تشوفي طبيعة الشغل ترددت قليلا ـ يعني اعمل شنو ـ استلمي القروش وحاسبي الزبون سرعان ماانهمكت في العمل بمتعه لاتوصف وجدتني اعمل بثقه تحت دهشة الزبائن . وذهبت مع محمد للمدير ـ السلام عليكم ياريس دي شقيقتي وعاوزه تشتغل معانا في الطرمبه ـ اهلا اتفضلي اقعدي ـ خلاص ياريس انا حامشي اواصل شغلي اسمعي يا.... ـ نجلاء ـ اسمعي يانجلاء اول حاجه لازم تمشي شركة شل وتقدمي ورقك هناك في شئون العاملين ويوافقه علي الوظيفه بعدين بيوزعوك اما علي طرمبتنا دي او اي طرمبه تابعه للشركه انتي دارسه لحدي وين . ـ جامعيه ـ ممتاز طيب ماتشوفي فرص افضل دي فرص عماليه ـ ايدك علي فرصه للجامعيين ابتسم واختتم حديثه اتوكلي علي الله وقدمي ـ مع السلامه وبالتوفيق ـ الف شكر .
| |
|
|
|
|
|
|
Re: في 8 مارس اسرد تجربتي وذكريات برائحة البنزين والوجع ( يوجد حكي ) (Re: نجلاء قرافي)
|
اليوم التالي
نهضت باكرا وبنشاط فوق العاده خرجت باكرا صوب شركة شل ممنيه النفس بقبولي عاملة خرطوش في احدي الطرمبات التابعه للشركه ـ لو سمحت ممكن ادخل علي شئون العاملين ـ موضوعك شنو وعاوزه تقابلي منو ـ عاوزه اقدم لوظيفه عامل طلمبه ـ نظر لي موظف الاستقبال متفحصا اتفضلي اجري الموظف اتصال ومن ثم خاطبني اتفضلي علي المكتب يسارالممر رقم (...) دخلت وقلبي يخفق هاله من الرهبه لشركه عريقه وعالميه لاادري لما تذكرت فجأه اغنية البنات شل شل كب لي جالون شل شل حسب القانون مابديك مابديك الطرمبه هديك . ابتسمت ودخلت المكتب فاذا بي وجه لوجه امام سيده وقوره مألوفة الملامح ترتدي ثوب سوداني هادئ اللون اظنه بيج ساده ـ اهلا اهلا اتفضلي .. استقبلتني ابتسامتها مضئيه وجهها ـ اهلا يااستاذه بعد اذنك سمعت انه في وظائف لعمال طرمبات وعاوزه اقدم اوراقي . ـ اتفضلي تشربي شنو؟ ـ لالا شكرا اتفضلي ده ورقي.
| |
|
|
|
|
|
|
Re: في 8 مارس اسرد تجربتي وذكريات برائحة البنزين والوجع ( يوجد حكي ) (Re: نجلاء قرافي)
|
تمعنت السيده الوقوره في السيره الذاتيه خاصتي ونظرت لي بتمعن قائله ـ عارفه طبيعة الشغل شنو؟ ـ ايوه عامله طلمبه خرطوش ـ بالضبط ـ اسرتك موافقه وناقشتيها ـ لا لكن اعتقد ماحترفض ـ انا حاديك تفاصيل الموضوع ـ اتفضلي ـ توجد سياسه جديده للشركه باستخدام شباب من الجنسين متعلم تعليم متوسط وتدريبهم باساليب خدمه جديده ومتطوره وتنمية مقدراتهم الذاتيه. وبعد فتره سيتم تقييم التجربه . ـ جيد ـ خلاص ياست البنات تلفونك عندنا وتوقعي مننا تلفون . ـ سلام ـ سلام.
خرجت من المقابله وبي هاجس لم اضعه في الحسبان قبلا هل ستوافق الاسره علي طبيعة عملي ؟؟؟
| |
|
|
|
|
|
|
|