|
|
 Re: هل من الأخلاق والمروءة أن ينضم مرشح حزب سياسي لآخر منافس بعد القيد بالسجل (Re: البحيراوي)
|
بحيراوى سلام
متفق معاك انو العملية دى فيها سقوط اخلاقى كبير
ممكن يكون فعلا الزول اقتنع بى فى فكرة تانية وشافا انها متوافقة معاهو اكتر
من غير اى اغراءات او ضغوطات
لكن يقوم يخون امانة وكلوها ليهو ناس اعتمادا على التزاموا تجاهم
وبعد داك يخونا عشان جسم تانى حتى لو بقى بمثلوا
فدى نذالة ما بعدها نذالة
لكن عموما فى الوسط السياسى العامل الاخلاقى دا مفقود شديد ويمكن ما يؤثر فى اتخاذ اى قرار عند الكتير ممن يدعون ممارسة السياسة ويمارسون التجارة ببوابة السياسة
*****************
الخبر دا ذكرنى شخصية كنت اكن ليها احترام كبير وبسبب موقف واحد نفس مقدار الاحترام تحول الى احتقار
وهى ف ش وهو شخصية كانت بتشغل منصب كبير فى الحزب الاتحادى وفى فترة معينة كانت هى الدينمو المحرك لى عمل الحزب والرقم الاول جوة السودان
والشخصية دى انضمت لى المؤتمر الوطنى وبقت واجهة من واجهاتو
ومترشحة عنو فى احدى الدوائر الجغرافية
ودا ما السبب الخلانى احتقروا لانو حر ينضم لى اى حزب هو شايفو مناسب ليه
السبب
انو قبل انضمامو بى شهر كان معتزل العمل فى الحزب
فمشينا ليهو نحنا طلبة فى بيتو فى احد احياء الخرطوم الراقية
عشان نفهم المشكلة والاسباب الخلتوا يبتعد بالصورة دى
اتخيل
انو ظهر لينا اسباب الخلاف على انو خائض معركة مع غواصات المؤتمر االوطنى فى الحزب
وانهم بستهدفهو لانو بحاول يمنع الحزب من اى تقارب مع المؤتمر الوطنى
وانو حتى لو فضل براهو ما حايسمح لى الحزب دا يقرب من المؤتمر الوطنى
وقال فى المؤتمر الوطنى ما لم يقله مالك فى الخمر
وبثقتى فيه
خضت حوارات ساخنة جدا مع شخصيات اشار ليها على انها بتحاول تجر الحزب للمؤتمر
اتخيل الكلام دا ما تم شهر
الشخصية دى زاتا كانت واقفة قدام البشير بتعلن انضماما للمؤتمر الوطنى
******************
معليش اخ بحيراوى يمكن القصة دى ما عندها علاقة بى موضوع البوست لكن انا موجوع منها رغم انها قربت للسنتين اساا
| |
 
|
|
|
|
البحيراوي
رغيم عثمان رغيم الحسن
باسط المكي
فيس بوك
تويتر
انستقرام
يوتيوب
بنتيريست