المرشح عباس عبدالعزيز ..سيحصد ما زرعه في كجبار

Quote: ويا اخى الفاتح انتو ما فاهميين حاجة معليش اقول ليك انتو يبدو لى مخموميين ساكت يا اخى الفاتح الحكومة دى واضحة زى وضوح الشمس لكن صدقنى فى ناس للاسف فى البلد دى عاوزيين يعارضو ساكت . والجوطة دى كلها قائمة على ان الحكومة قالت عاوزة تعمل دراسات للنظر فى مدى امكانية وضرورة اقامة سدود فى المنطقتين لصالح ومستقبل المنطقة والسودان. فى ناس عارضو وقالو لا دراسات ولاسدود دى معقولة دى فى حد يقول للحكومة لا ما من حقك تعملى اى دراسات لا سدود ولاغيره معقولة دى واصلو الحكومات دى شغلتها شنو وخاصة حكومة زى دى عاوزة تشتغل فى السودان ده بى خطط واستراتجيات واقعية كما قلت لصالح البلد ومستقبل ابناءه جميعا . ده الحصل يا الفاتح . فى ناس كان عندهم رؤية مخالفة لسياسات الحكومة وكانو عاوزين يحفظو على ارضيتهم السياسية والانتخابية بالواضح كده فى ناس كان رايهم طيب الحكومة دى الشغالة بى مزاج وقاعده تكسب ولاء المواطنيين بما قدمته من خدمات وتنمية فى كل انحاء السودان وكسب ولاء المواطنيين فى الخرطوم وغيرها من الولايات عاوزة تقبل على الشمالية كمان الشمالية فى رايهم منطقة شيوعيين واخر انتخابات فى عهد ديمقراطى فاز فيه مرشح لليسار وهو المرحوم محمد صالح ابراهيم طيب كيف نخليه للجبهجيه ديل لازم نعمل حاجة ونكسب ارضيه فجاءوابفرية واكذوبه ان الحكومة دى عاوزة تعمل زى حكومة عبود تغرق كمان الفضل من اراضى النوبة ... يا اخى الفاتح ابشرو والله الحكومة شغالة اليومين ديل فقط للنوبة بس نحن فى المحليه بدينا نخطط لاعادة القرى النوبية القديمة يعنى حدودنا زمان مع مصر كانت قرية فرص ثم اشكيت ودبيرة بدينا نخطط لكل هذه القرى حتى يعود كل النوبين الى قراهم ويعمروها من جديد واخر قريه تم اعتماد خرطتها ورفعها للولاية للتصديق النهائى هى قرية اشكيت بعدد 2000 قطعة سكنية مش ده الى دايرنو الناس ولا حاجة تانية وغير كده برضو حتى الحكومة المصرية بدات تخطط وتملك للقرى النوبية ايضا فى حدودها مع السودان كما قلت عند فرص واشكيت هذه هى الحقائق يا الفاتح مجردة من كل شى وخلاصة وختاما اقول يا الفاتح لك ولكل الاخوة المتخوفين من اقامة السدود والله العظيم وكتابه الكريم لن تقم للنوبة قائمة ارضا ولا انسانا الا بهذه السدود ووين فى ياتو عالم ولا فى ياتو دنيا قامت نهضة بالزراعة ولا بالثقافة فقط كل الدنيا تطورت ونهضت بالصناعة والماكينة والتكنلوجيا انظروا لامريكيا واليابان والصين والمانيا وحتى اسرائيل يا اخوانا اصحو ... والله نحن لو نوبه صح من بكره نكورك ونملا الدنيا عاوزين السد عاوزين السد ولو ضيعنا الفرصة دى ومن هذه الحكومة بالذات على المنطقة السلام وعلى النوبة الفناء اللهم هل بلغت فاشهد عباس عبد العزيز 2009/04/01

Quote: والله العظيم وكتابه الكريم لن تقم للنوبة قائمة ارضا ولا انسانا الا بهذه السدود

Quote: جمع النوبيين المقيمين بالمنطقة والمنتشرين في دول المهجر علي صعيد واحد وعلي كلمة سواء وتعميق مبادئ و قيم المجادلة و الحوار من أجل قضايا المنطقة . ضرورة إشراك الأهالي واخذ المشورة الشعبية الكافية عند تنفيذ المشاريع القومية مثال (السدود المقترحة علي النيل ) .و النزول لرغبة وتطلعات الاهالى والمواطنيين المقيميين بقرى واحياء ومدن المحلية قاطبة والمنتشريين بدول المهجر كافة نطالب وبالصوت العالى بعدم الشروع فى اقامة السديين (دال وكجبار ) الا بعد اخذ الموافقة من قبل المواطنيين والتقصي في الاحداث التي ادت لاستشهاد بعض ابناء المنقطة و تقديمهم للمحاكمة .

Quote: وعلي العلينا الغرق بيهددنا ..وبعد كل هذا ياتي من كان مسئولا من المنطقة ابان الاحداث ..ومن حاول زرع الفتنة بين الناس ليقولوا للناس نحن من سنمثلكم..

Quote: يا اخى الفاتح ابشرو والله الحكومة شغالة اليومين ديل فقط للنوبة بس

Quote: وخلاصة وختاما اقول يا الفاتح لك ولكل الاخوة المتخوفين من اقامة السدود والله العظيم وكتابه الكريم لن تقم للنوبة قائمة ارضا ولا انسانا الا بهذه السدود ووين فى ياتو عالم ولا فى ياتو دنيا قامت نهضة بالزراعة ولا بالثقافة فقط كل الدنيا تطورت ونهضت بالصناعة والماكينة والتكنلوجيا انظروا لامريكيا واليابان والصين والمانيا وحتى اسرائيل يا اخوانا اصحو ... والله نحن لو نوبه صح من بكره نكورك ونملا الدنيا عاوزين السد عاوزين السد ولو ضيعنا الفرصة دى ومن هذه الحكومة بالذات على المنطقة السلام وعلى النوبة الفناء

Quote: كروش؟؟..كنجي كروش موقان مور..وينك يا صاحب ما ظاهر؟

Quote: دا ياتو صنف من البشر

Quote: دا ياتو صنف من البشر

Quote: عليك الله اتخيلوا معاي عباس عامل ندوة في فريق حلة الشهيد محمد فقير والشهيد الصادق سالم او في نوري ويلاقيهو عمك حاج احمد او محمد عبدالرحيم حيقول ليهم شنو؟؟

Quote: تعرف يا حكيم امثال عباس هذا هم اخطر على قضايا النوبة من سواهم .. هؤلاء كابواب بارات الكابويات تفتح على كل الاتجاهات ..

Quote: الخبرات العملية : 2008م - وحتى الان : مدير وحدة حلفا الإدارية 2007م - 2007م : مدير الادارة العامة للشئون الاجتماعية والثقافية محلية حلفا 2007م - 2007م : مدير الإدارة العامة للشئون الهندسية والزراعية 2007م - 2007م : مدير مشروع تجميل مدينة دنقلا 2006م - 2007م : مدير وحدة الحفير الإدارية 2006م - 2006م : مدير وحدة دلقو الإدارية 2003م - 2006م : مدير وحدة حلفا 2001م - 2003م : مدير تنفيذي بمحلية حلفا 1999م - 2001م : مدير قطاع حلفا بشركة شريان الشمال 1994م - 1999م : ضابط أدارى محلية الكلاكلات

Quote: انقلكا اوكرامو