|
علاء الدين يوسف على محمد بصراحة كده من اين لك هذا؟
|
تسجيلات عجيبة لا نعرف كيف تم التحصل عليها
ارشيفات صحف قبل 1989م
صور تدشين حملة الحزب الشيوعى بام درمان
من يمدك بمثل هذه الوثائق والمعلومات يا علاء الدين؟
دى حاجات ما ممكن يعملها شخص واحد
اوعى تقول لى هواية وكده
نرجو الاجابة الصادقة و بنخليك تشتغل فى شغلك و ما بنسالك
|
|
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: هشام المجمر)
|
هشام يا مجمر: تحياتي.. ومعليش حا اعمل فيها ما قريت قصة الوسطاء دي لأني بصراحة ما وسيط فممكن أجاوب جواب أخو ؟ شكراً ياخ عرفتك حا توافق.. اها النقول ليك .. علاء الدين ده فعلاً هاوي او هو مش هاوي لكن الزول ده عندو إصرار على الحاجات بي صورة فريدة .. لو خت لبن الطير في راسو صدقني بيجيبو .. الكلام ده ما على مستوى السياسة والمنبر والشيوعيين والكيزان والكلام الكبار داك لالالالالا الكلام ده على المستوى العااام والحياتي .. طبعا انت كلامك واضح وما عايز ذكاء ويا علاء الدين إنت في الأمن ويا علاء الدين إنت تتعاون مع جهات .. يلا يا هشام تصدقني؟ علاء الدين بي سبب المنبر ده ( ما عارف ده سر ولا لأ ) لكن تم إعتقال علاء الدين يوسف في وجودي وبي حضوري في مكاتب الأمن وفي مكاتب الشرطة لأكتر من يومين ..بس طبعا هو ما عمل ليكم حركات المناضلين ديلك بتاعت واي واي وقبضوني لييه وأثروني ليييه وخواطر الفيل ديك .. علاء الدين ده إتخرب بيتو عديييل كده وحورب في مشاريع تجارية تعليمية من ناس الأمن ... علاء الدين لو في الأمن صدقني بيجي عدييل يرميها ليكم هنا ما بيخاف من زول ولا من شي ولااا بيخجل .. الشايقي ده ما تشوفوهو كده زول واااضح وحقاني وما بتاع لولوة .. عارفك يا هشام حا تقول لي كلامك الكتيير ده ما بيعنيني في حاجة وعرفتك ليهو شي خاص بس اديك الخلاصة البتهمك : تم اعتقال علاء الدين لي أكتر من يومين وكنت انا شاهد والسبب المنبر وما يكتب علاء الدين والكلام ده قبل سنة ونص.. تعرض علاء الدين لي مضايقات لو تعرض ليها نص مناضلينكم ديل كانو اسة يكونو في امريكا وكندا واستراليا .. علاء الدين ده مواطن عااادي بيحب السودان ده وبس.. تخريمة : قدر ما كتبت ليك رد في موضوع عطبرة داك ابا يمشي..
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: هشام المجمر)
|
Quote: من يمدك بمثل هذه الوثائق والمعلومات يا علاء الدين؟ |
ياخى الله ده ما كريم ... يمكن لقاها واقعة أو جنودآ و مؤرشفين لا ترونهم او تكون القرود الكانت بتحفر الالغام و تحارب مع المجاهدين زمان في الجنوب ضد الكفار نقلوها قسم الارشفة او من ارشيفو الخاص ... بدأ يأرشف مما هو في الروضة أو اداها ليهو فاعل خير
انت حاسد و لا بغران يا هشام سؤالك خلى علاء يجي يجاوب عليهو لكن في سؤال أهم و بيكشف جزء من الازمة الوطنية القائمة الآن: ليه الآخرين ما قاعدين او ما قادرين او ما عاوزين يعملو كده؟ الاجابات بتوضح جزئيآ لماذا كانت الجبهة الاسلامية هى الحزب السياسي الوحيد الذي كان -اتحدث فقط عن ناحية تنظيمية و كادر - مؤهلآ لحكم السودان . و ماذا يفعل الحاسد مع الرازق
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: esam gabralla)
|
عصام جبر الله
سلام
Quote: ليه الآخرين ما قاعدين او ما قادرين او ما عاوزين يعملو كده؟ الاجابات بتوضح جزئيآ لماذا كانت الجبهة الاسلامية هى الحزب السياسي الوحيد الذي كان -اتحدث فقط عن ناحية تنظيمية و كادر - مؤهلآ |
سؤالك فى محلو زمان لما الكتوف كانت شوية قريبة من بعض
لكن الآن هم يشتغلون بأمكانيات كبيرة لنو عندهم الموارد
ألبقية ليست لديهم موارد البتة او موارد قليلة
ولديهم مشاكل اكبر بكثير من مسألة الموارد
عشرين سنة من حكم الانقاذ نشفت اللبن من اضرع ابقار كثيرة يا عصام
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: Mustafa Mahmoud)
|
Quote: يزانيات كبيرة مرصودة لامنجية المنابر وبنود صرف خرافيه. خدمات انترنت مجانية علي مدار ال 24 ساعة
الامنجيه لن يبدو اطلاقا كمناصرين بشكل واضح للمؤتمر الوطني بل ممكن عادي يبتكروا وسائل مختلفه,ان يسوقوا انفسهم كناس
بتوع مزيكا ومزاج الخ الخ
او ناس ونسات عاديه او بيتوع شمارات و ...المهم يصرفوا الناس عن المواضيع الجاده و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست |
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: esam gabralla)
|
يا هشام سلامات والله والله والله ظروفى لا تسمح باى كتابة لكن .....
ياخ علاء الدين دا انا ما بعرفو ولا شفتو لكن بفتكر انو مواطن سودانى عادى يرى ان البشير شخصياموش كمان المؤتمر الوطنى هو أهل لحكم السودان يعنى علاء الدين ده من قرايتى لمواضيعو "بيشجع" عمر البشير شخصيا لدرجة انى اشك فى احتمال انو يكون عضو مؤتمر وطنى زاااتو
وبعدين ليه ما يكون زول مجتهد ياهشام و عندو هدف وعاوز يشرع اسلحه مجيهه المشكلة وين
زى ماقال ليك عصام انت حاسد ولا بغران
يا عصام
Quote: انت حاسد و لا بغران يا هشام سؤالك خلى علاء يجي يجاوب عليهو لكن في سؤال أهم و بيكشف جزء من الازمة الوطنية القائمة الآن: ليه الآخرين ما قاعدين او ما قادرين او ما عاوزين يعملو كده؟الاجابات بتوضح جزئيآ لماذا كانت الجبهة الاسلامية هى الحزب السياسي الوحيد الذي كان -اتحدث فقط عن ناحية تنظيمية و كادر - مؤهلآ لحكم السودان . و ماذا يفعل الحاسد مع الرازق |
رزق شنو يااخوى ؟؟؟ هو الرزق ده جا ساااى كده؟؟؟ ما بالقدرات التنظيمية الانت بتتكلم عنها دى وهى ياعصام القدرات التنظيمية جات ساااااى كده ما خدمتها عوامل كتيره من حد العواطف لىىىىىى حد الفساد وتانى كدى دقيقة بلاهى واسحب ليناكلمة "مؤهل" دى نهائى لانو بتشوش معنى كلامك لانو تأهيل الحزب تنظيميا لا يعنى انو مؤهل للحكم وانت سيد العارفين الا اذا كنا بنتكلم عن مؤهل لحكم استبدادى عمقى عنصرى وتمييزى للسودان
يا هشام عليك الله جاوب على ما تحته خط فى كلام عصام؟؟؟ انتو الكلام او الصور بيحرقكم مالو
الله كريم
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: Siham Elmugammar)
|
أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: Rawia)
|
الشي العارفو انو تسجيل الترابي دا حاجة متوفرة وعلاء الدين بحبة اجتهاد وعلاقات صحفية ممكن يتحصل عليهو من امس
Quote: فجر تسجيل صوتي للدكتور حسن عبدالله الترابي الأمين العام للمؤتمر الشعبي أزمة وتداعيات من المرجح أن تتفاقم لتزيد من تعقيد الاوضاع داخل تحالف المعارضة وشن الترابي في التسجيل هجوما كاسحا على الحزب الاتحادي الديمقراطي وحزب الأمة ووصفها بالأحزاب سيئة الحال واصفا الميرغني بممارسة الوهم على أنصاره على حسب تعبيره منتقدا توزع الأمة والاتحادي إلى أفرع وتيارات وسخر الترابي في التسجيل الذي حصلت (الرائد ) على نسخة منه من حلفائه بتحالف جوبا ودحض التسجيل نفى المؤتمر الشعبي لخبر أورده المركز السوداني للخدمات الصحفية (SMC) اورد فيه مقتطفات من التسجيل الذي وصفه كمال عمر القيادي بالمؤتمر الشعبي بالساعي لإحداث انشقاق في تحالف المعارضة وهو ما نفاه المدير العام للمركز المهندس عبدالرحمن إبراهيم وقال لــــــ(الرائد) أمس قائلا إن إجراءات قضائية قد حركت في مواجهة كمال عمر المحامي مؤكدا أن الحديث صحيح وموثق . وفي التسجيل الصوتي سخر الدكتور حسن الترابي من مقترحات مبارك الفاضل بتسمية مرشح واحد من مرشحي المعارضة لانتخابات رئاسة الجمهورية لمواجهة مرشح المؤتمر الوطني بقوله إن المسألة أن كانت ستصفو على مرشح متفق عليه فما الداع لتعداد المرشحين مشيرا إلى أن الشعبي كان أول من قدم مرشحه للرئاسة في إيماءة إلى تمسك حزبه بمرشحه عبدالله دينق نيال وطالت سخريات الترابي الحزب الشيوعي السوداني موضحا لأن الشيوعيين لا حظوظ لهم في فرص الكسب بالانتخابات وقال ضاحكا إن نزول 450 مرشحا باسم الحزب الشيوعي قد لا يضمن له خمسة أو ستة مقاعد في البرلمان. وأوضح الأمين العام للمؤتمر الشعبي أن الحركة الشيوعية انقرضت في كل العالم وطالت انتقادات الترابي العنيفة الحركة الشعبية وقال إنها وطأت الدستور وتجاوزته كما أنها بنت نظاما قبليا في المنطقة – يعنى الجنوب – لا توجد بها حريات وتعاني من أوضاع معقدة بقدر زعم فيه الأمين العام للمؤتمر الشعبي أن بعض المسئولين الغربيين اتهموا الجنوبيين بالهمجية وفي دوائر المعارضة سخر مسئول بالحركة الشعبية من نفي المؤتمر الشعبي أمس على لسان كمال عمر إدلاء الترابي بالحديث وبحسب مسئول الحركة فإن سكرتارية تجمع جوبا طالبت باجتماع عاجل لبحث تصريحات الترابي مشيرا إلى أن أمس الاثنين كان موعدا لانعقاد اجتماع تشاوري انعقد دون مشاركة ممثلي الشعبي بعد أن طلب المجتمعون من ممثل الترابي المغادرة . وفي السياق نفسه شدد المدير العام للمركز السوداني للخدمات الصحفية على التزامه المعايير المهنية الدقيقة والصارمة في ممارسة أنشطته الإخبارية مشيرا إلى أن المركز ظل لسبع سنوات يقدم رسالته بمصداقية عالية لن تتأثر بتنصل الترابي عن إفادات أوردها بحق حلفائه في صفوف المعارضة وتجمع جوبا معربا عن أسفه لإنكار الأمين العام للمؤتمر الشعبي لحديث يثبت التسجيل كل حقائقه الدامغة على حسب تعبيره .
الرائد |
موقع نخبة السودان نقلاً عن صحيفة الرائد هنـــــا في أسفل الخبر تجد رابط التسجيل الصوتي
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: محمد فرح)
|
Quote: لا يا هشام تصدقني؟ علاء الدين بي سبب المنبر ده ( ما عارف ده سر ولا لأ ) لكن تم إعتقال علاء الدين يوسف في وجودي وبي حضوري في مكاتب الأمن وفي مكاتب الشرطة لأكتر من يومين ..بس طبعا هو ما عمل ليكم حركات المناضلين ديلك بتاعت واي واي وقبضوني لييه وأثروني ليييه وخواطر الفيل ديك .. |
دى طبعا احسن منها حركات المناضلين المزعومة. ما اشبهها بقصص القرود التى تحفر الالغام و الغمام الذى يظلل المجاهدين.
عوارت الجبهة الاسلامية اكبر من ان يغطيها ما يقوم به علاء الدين و مصباحه السحرى الذى يجعله يتمدد فى كل مكان.
حتى ارشيف الراية الذى احضره تكفى اٍسنابشوط واحده من صحفة هذه الايام يعترف فيها الرئيس بان قتلى مأساة دارفورة 10 الف نفس بشرية
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: محمد فرح)
|
صاحب البوست سأل عندما أدهشته هذه الروعة ولانه يتمتع بذكاء فقد كان السؤال مشروع يعني هل هناك مجموعات عمل؟ هل توجد مساندة مستمرة؟ هل؟ وهل؟ بفتكر انو السؤال علي هذه الشاكلة وهو مشروع كما أسلفت
؟؟؟؟؟
يقوم واحد فاقد حاسة التفكير يخت ليك الاجابة
Quote: ميزانيات كبيرة مرصودة لامنجية المنابر وبنود صرف خرافيه. خدمات انترنت مجانية علي مدار ال 24 ساعة
الامنجيه لن يبدو اطلاقا كمناصرين بشكل واضح للمؤتمر الوطني بل ممكن عادي يبتكروا وسائل مختلفه,ان يسوقوا انفسهم كناس
بتوع مزيكا ومزاج الخ الخ
او ناس ونسات عاديه او بيتوع شمارات و ...المهم يصرفوا الناس عن المواضيع الجاده و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست |
يعني الاستاذ مصطفي عاوز يقول ليك مافي داعي تسأل لانو هو عرفها طايره
سبحان الله
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: د.محمد حسن)
|
Quote: لكن تم إعتقال علاء الدين يوسف في وجودي وبي حضوري في مكاتب الأمن وفي مكاتب الشرطة لأكتر من يومين ..بس طبعا هو ما عمل ليكم حركات المناضلين ديلك بتاعت واي واي وقبضوني لييه وأثروني ليييه وخواطر الفيل ديك .. |
مصطفي محمود بخت احتمالين للاعتقال ده ... يا اما اعتقلوه وادبوه لامن بقى يمشي في العجين ومايلخبطو ...او يكون اعتقال اخوانى زى حق الترابي ايام الانقلاب وهو شخصياً يرى الاخير ده ..
واما انا فمن الوسطاء الممتنعون ..
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: فايزودالقاضي)
|
يا عمر الفاروق
سلام
Quote: تم اعتقال علاء الدين لي أكتر من يومين وكنت انا شاهد والسبب المنبر وما يكتب علاء الدين والكلام ده قبل سنة ونص.. تعرض علاء الدين لي مضايقات لو تعرض ليها نص مناضلينكم ديل كانو اسة يكونو في امريكا وكندا واستراليا .. علاء الدين ده مواطن عااادي بيحب السودان ده وبس.. |
شكرا يا عمر الفاروق
ده هو الكلام المهم
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: بدر الدين اسحاق احمد)
|
أخونا هِشام المُجمّر و جمييييييييييييع المُتداخلين الكِرام طبعاً الواحد بيتوهِم لمن يجي يلقى إسمو يتصدّر صفحة المِنبر العام و بيجهِّز كُلّ عُدّته و عتاده شان يخُش توووووووووش بدون رتوش و كِدة
أها حقيقةً لقيت إنو الشباب ما قصّروا معاك و جاوبوا ليك عن كثير مِمّا يدور في رأسك أها نِسبة لمشغولِيّات العمل برجع ليك وقِت تاني للرد هذا و مع التحايا
| |
|
|
|
|
|
|
Re: علاء الدين يوسف على محمد بصراحة كده من اين لك هذا؟ (Re: علاء الدين يوسف علي محمد)
|
Quote: أها حقيقةً لقيت إنو الشباب ما قصّروا معاك و جاوبوا ليك عن كثير مِمّا يدور في رأسك أها نِسبة لمشغولِيّات العمل برجع ليك وقِت تاني للرد |
الاخ علاء الدين
التجاهل
التجاهل
التجاهل
فهم ما أتو لحوار
كل مافي جعبتهم يسمى
( الحمله الانتخابية المضاده )
( الحمله الانتخابية المضاده )
( الحمله الانتخابية المضاده )
( الحمله الانتخابية المضاده )
| |
|
|
|
|
|
|
|