|
|
|
 Re: سـوق أم دفســو السـياسـي (Re: عبدالله احيمر)
|
إجتماع المؤتمر والحركة برعاية مصرية في القاهرة
توقيـع في انجمينــا برعاية تشـادية
التوقيع النهائي في الدوحـة برعاية قطـرية
اجتماع هيئة الرئاسـة في الخرطوم تعطي الجنـوب ( 40 ) مقعـد إضافي
يتـم عليها العيين ودا لحـل مشـكلة التعـداد
طيب التعـداد كان صحيح ومكتمـل ولا فيـه نقص وأخطــاء
يعني فيه إن
وقال وزير رئاسة حكومة الجنوب، لوكا بيونق، إن اجتماع مؤسسة الرئاسة اتفق على إضافة 40 مقعدا للجنوب تتم عبر التعيين «وبناء على نتائج الانتخابات» إلى جانب إضافة مقعدين لإبيي وأربعة لجنوب كردفان،
نفس الصدر الســابق
| |
 
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
التعــداد صاحبـه الخـلل في الجنـوب فقــط
طيب ما هـو الحـل لأخطـاء التعـداد في باقي مناطق الســودان
40 معقــد للجنـوب
كم منها دوائر جغرافية وكم قائمة حزبية ( الله أعلم )
يعنـي الـ 40 مقعـد دي مقابل كم نســمة
إذا كانت نصفها فقـط جغرافية ( 20 مقعـد )
و قـوة المقعـد الجغرافي حوالي 80 الف
يعني مليون وسـتمائة نســمة
بس معقول يكون في تعداد الفرق فيه مليون وسـتمائة في اقليم واحد
| |
|
|
|
|
|
|
|
|
|
Re: سـوق أم دفســو السـياسـي (Re: نجاة محمد بابكر)
|
الأخت نجاة
شـــكرا على مرورك بالســوق
هل ســمعتي بحكومة عندها 3 وســاطات على الأقل شــغالة في نفس الوقت
تشـاد وقطر والسعودية في موضوع دارفـور
مصـر في موضةع الحنوب
امبيكي ولجنته ( الحكماء ) مع الاحزاب
ليبيـا تجمع في حركات دارفور
وفبلـها
جبهة الشـرق تسـتنجد بارتريا راعية اتفاق الشـرق
الميرغني يسـتنجد بمصـر راعية اتفاق التجمع
الحكومة سـادة واحدة بطينة صينيـة والتانية بعجينـة
| |
|
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
جبهة الشـرق تسـتنجد بارتريا راعية اتفاق الشـرق
يرجـع رئيس جبهـة الشـرق ويصبح غضو الحملة الانتخابية لرئيس المؤتمـر الوطني
طيب هل حدث تفـدم في تنفـيذ اتفاق الشــرق ؟
الاجابة :- لا ,
| |
|
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
الباشمهندس إحيمر تحياتي:
ياخي الانقاذ لم تعد قادرة علي حل اي مشكلة ، واصبحت تحكم بل تتحكم فينا بحجة القوة وان السودان اضحي مضيعة عالمية كانها تحكم الفراغ ، تسمع هيبة الدولة تشعر ان الدولة عبارة عن زول بشنبات كبيرة مليئة بزبد المريسة فترتعد لهذا المنظر ، تسمع دولة الشريعة تتخيل ان الورع والزهد والبساطة شارات يرتديها المتسلطون ولكنك تقاجي بان القوم تكالبو علي هذه الدنيا كانها الاخيرة وكان لا موت يقشاهم ولاهم ميتون، تسمع السيادة الوطنية تهم بان للدولة عيون تراقب كل شبر علي الحدود و تراقب كل الطيور التي لا تعرف ليها خرطة ولا في ايدها جواز سفر ، تفاجأ بان عيون الدولة غليظة
جداً وحريفة ولكنها مكرسة لمراقبة طلاب الجامعات وكوادر الاحزاب المفتري عليها000مشكلة دارفور عندهم مشكلة ارق السلطة لا ارق وجهجهة المواطن القابع في المعسكرات الذي طرد قهراً من ارضه وبيته ليست مشكلة الام التي قتل ابناءها وزوجها واغتصبت هي وبناتها تنظر العدالة 000فالمشكلة مختزلة في منصب كبير مستشاري ؟؟؟؟؟؟لله درك يابلد 000هذا زمن التواطؤ والانكسار والبيع بالجملة وفي سوق الناقة00
| |
|
|
|
|
|
|
|
|
|
Re: سـوق أم دفســو السـياسـي (Re: ibrahim alnimma)
|
تعرف ياعبدالله
الهيصه دي كلها من منو ؟
الناس ديل مجوبقين جوبيق شديد
كل ساعه عندهم حاجه جديده ...الحكام ماعارفين
يبدوا من وين يبدوا الحاجه ويخلوها معلقه لحدي مالله يحلها
تظهر ليهم حاجه جديده وبرضوا يبدوها لتظهر اخرى وهكذا دواليك
القصه جاطت بس مساكين ناس المعارضه بقوا مدوريين معاهم
ياخي زمان القصه كلها السيدين و ناس عبدالخالق بعداك جاء نسيب
ناس المهدي وقتها كان تحت اباطن..والموضوع كلوا الجنوب والميزانيه
ومره مره الشريعه لمن يتزنقوا ...يعني في تلاته ساعات بيحسموا اي
حاجه..طيب شوف حسع الجنوب دارفور جبال النوبه الانقسنا الشمال
والسدود البترول القروش الخصخصه القوانين المقيده للحريات
الشيخ .... محمدعبدالكريم..ابوزيد ..الميرغني تلتمية زول..المهدي
عشرمية واحد...ناس نقد..و مواليدهم..القيامه القايمه دي كلها
السلطه والثروه ياقول المثقفين مابخلوها مابخلوها ماتسمع
قصة وطن ولا ماوطن جلهم ولانستطيع ان نقول كلهم...لانوا هناك من
رحم ربه وديل الناس المافارقه معاهم قاعدين ليها كدا بس لامن
رب العباد يقول ليها كوني بتكون الوقت داك اصلهم مامستعجلين
عارفين اليوم دا جاي جاي... بس لكن الايقاع دا سريع جدا ياخي
أخطر زوول بتاع علم تنبؤات مايقدر يحدد بكره حيحصل شنو ؟
شوف بالله :
سلفاكير /البشير
علي / مشار
غازي / خليل
باقان / نافع
حسني / علي
الملك / البشير
القذافي /خليل
خليل / دبي
اسياسي/ ادروب
والجماعه التانيين حارسيين نتائج الحناسات والجوديه الشغاله
دا المدور الان بعد شويه حيدور فيلم تاني بس الا ماينوموا ودي ذاته مابتحلهم .
| |
|
|
|
|
|
|
|
|
|
Re: سـوق أم دفســو السـياسـي (Re: Shazaly Magzoub)
|
ياخي الانقاذ لم تعد قادرة علي حل اي مشكلة ،
عنكبــة
لك الشــكر والســلام
دي اســـمها ( ضـاع ليهـم الدرب في الموية )
ودا الخلانـا نكـون في ســوق أم دفسـوا دا
مرات راســك يلف , مرات ما تفرز طريق الدخـول من الخروج
وواحـدين ماســكين العصايا من النص
يا خـوي مرات ما تعـرف البايـع من المشــتري
ما تعـرف المباع ذاتــو شـــنو
| |
|
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
والجماعه التانيين حارسيين نتائج الحناسات والجوديه الشغاله
دا المدور الان بعد شويه حيدور فيلم تاني بس الا ماينوموا ودي ذاته مابتحلهم
شــاذلي ياصديق
يعنـي سـوق ام دفســوا دا تتوقـع فيهــو شــــنو ؟
بالله اقـرأ التصـريح التالي في رابــط
[/http://www.rayaam.info/News_view.aspx?pid=538&id=40654
الأمين: زيادة تمثيل الجنوب ستتم عن طريق التمثيل النسبي
استبعد محمد الحسن الأمين نائب رئيس المجلس الوطني، تعديل الدستور الانتقالي بدعوة البرلمان للانعقاد لزيادة تمثيل
الجنوب بسبب بداية الحملات الانتخابية. وقال الأمين للصحافيين أمس، إن الآلية الأنسب والأسهل لزيادة نسبة تمثيل الجنوبيين
في البرلمان من «21%» إلى «25%» هو عن طريق التمثيل النسبي.وأبان أن هذه المعالجات تمت في إطار الحفاظ على الوضع القائم.
وحول تأثير هذه الزيادة على نسبة الشمال في البرلمان، اعترف الأمين بذلك وقال: ستؤثر على الشمال بانتقاص نسبته، ولكن ما تم
حفاظاً على السلام.
| |
|
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
مجموعة ليبيـا بعيـدة عن التوقيع ومعترضة على الاتفاق اصلا
وكذلك مجموعة ارتريا
يعنـي لسـع هنالك المزيد من الواسـاطات والمبادرات والمفاوضات
ومزيد من النواب للرئيس ومسـاعدي الرئيس ومستشـاري الرئيس
و هـو اصـلا الموجودين حاليا عددهم كبير , لكنه البيع وضيق الافق
طيب يا ناس سـوق ام دفسـو لسـع مصـرين على الاتفاقات الثنائية
والحـل بالقطاعي ليـه ؟
| |
|
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
الآن وبعـد أن اقــرت الحكومة بالخطأ في التعداد
فزادت مقاعد البرلمان 46 مقعد ( 40 للجنوب , 2 للأبيي
و4 لجنوب كردفان ) دون الرحوع لقانون الانتخابات او الدسـتور
وفي غياب البرلمان ودون التشـاور مع باقي الأحزاب المشـأركة
في الانتخابات
طيب ما هو الموقف من الســجل الانتخابي , وقـد ورد أن
التســجيل في بعض الدوائــر تجـاااااااوز الـ 100 %
| |
|
|
|
|
|
|
|
|
|
Re: سـوق أم دفســو السـياسـي (Re: د.محمد حسن)
|
عارفين اليوم دا جاي جاي... بس لكن الايقاع دا سريع جدا ياخي
أخطر زوول بتاع علم تنبؤات مايقدر يحدد بكره حيحصل شنو ؟
يا شـاذلي
فعـلا الايقاع ســريغ والسـوق حار جـدا
وفي طرف السـوق في دلالة والمايشـتتري يتفـرج
من السـرعة دي الواحد ما قدر يجيب بيـان انصار
الســنة النزل في الرأي العام عدد الجمعـة الفـات
ياخي دا بيـان عينــة
صفحـة كامل وكلهـا توضيح في مفارقة الديمقراطية لإســلام
وأن الواجب الديني يقتضي مقاطعتها وعـدم التصـويت
لأن المشـاركة فيهـا حــرررراااااام
ثـم تأتي لكن ومعـها لو التي تفتح عمـل الشــيطان , فقـد ورد في البيان ما معناه
ولكن لو كان عـدم تصويتك ح يكون في صالح العلمانيين والشــيوعين
ما تقاطـع و صـــوت للبشــير
شـوف الدعـوة للتصويت للبشــير برغـم حرمة المشـاركة
دي الدلالة في ام دفســو
| |
|
|
|
|
|
|
|
|
|
Re: سـوق أم دفســو السـياسـي (Re: عبدالله احيمر)
|
مؤتمر البجا بكسلا يدشن حملته الانتخابية
أعلن حزب مؤتمر البجا بداية حملته الانتخابية بكافة المستويات بدءاً من مرشح الوالي للحزب الأستاذ صلاح باركوين وعدد (62) مرشحاً بالدوائر القومية والولائية وقوائم المرأة والتمثيل النسبي للأحزاب وأكد الأستاذ صلاح باركوين مرشح الحزب لمنصب الوالي جاهزية الحزب لخوض الانتخابات بكافة المستويات، مبيناً أنهم ملتزمون بمبدأ التداول السلمي للسلطة وأكد أنه تم الاجتماع مع اللجنة العليا للانتخابات بالولاية بحضور رئيس الحزب مساعد رئيس الجمهورية موسى محمد أحمد وتم الاتفاق على التعاون مع لجنة الانتخابات , بالولاية لإنجاح العملية الانتخابية وأكد استعدادهم لاعادة النظر في تأييدهم لترشيح عمر البشير في حالة مواصلة الاعتداءات التي تقوم بها عناصر من المؤتمر الوطني علي مرشحي مؤتمر البجا في بعض المحليات الحدودية..ـ.
http://www.sudaneseonline.com/ar1/publish/article_5727.shtml
بالله شـــوف نـوع التصـريحــات دي
| |
|
|
|
|
|
|
| |
نجاة محمد بابكر
ibrahim alnimma
Shazaly Magzoub
عاطف مكاوى
د.محمد حسن
فيس بوك
تويتر
انستقرام
يوتيوب
بنتيريست