|
|
|
 Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
| Quote: وما الذي فعله محمد يا بله ؟ |
ياوليد
محمد سليمان حمل قضية إنسان دارفور الى دوائر صنع القرار فى العالم وجعل دارفور هنا فى أمريكا أشهر من السودان بالنسبة للمواطن الأمريكى العادى..
كل هذا العمل فى هذا البلد يحتاج لجهد ومال يدفعه محمد من حر ماله فى حين زعماء الحركات المهرولون الى الثروة والسلطة ينسون إنسان دارفور فى أول إتفاق جاد مع الحكومة..
لهم ربهم ملح الأرض وبذرة الخير ولن يتركهم ربهم..
ومحمد أتمنى ألا يحبطه مايفعله هؤلاء المهرولون بل يجب أن يزيده عزيمة..
أعرف ياوليد أنك تختلف مع محمد سليمان وأعلم جيدا لو رأيت ظروف هذه البلد وتجد رغم ذلك إنسان زى محمد سليمان يسافر من ولاية لأخرى ليفتح باب أمل جديد لإنسان دارفور لغيرت رأيك لأنك إنسان تقف مع الحق.
| |
  
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Balla Musa)
|
ما عارف اقول ليك شنو يا بله
لكن اول مداخلة مع محمد سليمان لي قلت ليه فيها : مشكلتنا كلنا ضد نظام موش مع اتجاه جغرافي نتكاتف ضده وتحل كل المشاكل ومن بينها مشكلة دارفور
رد كان واضح
انا مشكلتي معاكم يا جلابة
قلت ليه مرة تانية قاصد بالجلابة منو ؟
قال اهل الشمال وحدد في مداخلات لاحقة دناقلة شوايقة جعليين
في اعتقادي ما يفعله محمد ليس بدافع حبه لاهل دارفور ولكن بدافع حقده على اهل الشمال
عموما لو قاصد خير لاهل دارفور فقط ربنا يوفقه وينصر اهله ويرجع ليهم حقوقهم وينصرهم على من ظلمهم
اما لو عنده قضيه تجاهنا .. فبنعرف كيف نلقهم حجر في خشمه كان جوه المنبر او براه .. بتوفيق الله
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
الشفت ... سلام ...
المثل السوداني العظيم بقول شنو ؟؟ .. العرجا ...لـ
محمد سليمان زيو وزي د/ خليل أبراهيم ... وااااحد ...
الموضوع ماعنده علاقة بمبادئ ولا قيم ....
نفس داء الكيزان والمفاصلة الشهيرة ...
السلطة والثروة ...
أرجع لكتاب (المحبوب عبد السلام ) ... وشوف أثر الترابي الوااااضح ... في موضوع دارفور ..
نفس مايحمله المناضلون إياهم ...
...
محمد سليمان قريب جداً ح تشوفه ... أقلاها محافظ ولا معتمد عند أهله لووووووووول...
الخطوة المتوقعة بعد كده ... إعلان المصالحة .. ومن ثم الحالف وأخيراً الوحدة الكاملة بين الشعبي والوطني ...
ولا عزاء لبقية المعارضة ...
..
ياشفت .. أقترح عليك كـ زول مترشح لرئاسة الجمهورية .. تحسين علاقتك مع المحافظ الجديد ..
وأهو برضه .. لا لدنيا قد عملنا ...
..
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: حاتم يوسف العبيد)
|
صبي المؤتمر الوطني....حاتم يوسف العبيد
امثالك....لا يحق لهم مجرد تناول سيرة العظيم محمد سليمان
Quote: حاتم يوسف العبيد
: .
عدد البوستات: 24
تاريخ التسجيل: 11-01-2010
محل الاقامة: مجموعة المجدوعي - الدمام – المنطقة الشرقية – السعودية .( عضو مؤسس لرابطة سودانيز أون لاين بالمنطقة الشرقية
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: حاتم يوسف العبيد الحاج
التلفون:
الجامعة/المعهد: جامعة جوبا – مدينة جوبا – الإستوائية – جنوب السودان
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
|
وساختك دي تلمها عليك......
Quote: الشفت ... سلام ...
المثل السوداني العظيم بقول شنو ؟؟ .. العرجا ...لـ
محمد سليمان زيو وزي د/ خليل أبراهيم ... وااااحد ...
الموضوع ماعنده علاقة بمبادئ ولا قيم ....
نفس داء الكيزان والمفاصلة الشهيرة ...
السلطة والثروة ...
أرجع لكتاب (المحبوب عبد السلام ) ... وشوف أثر الترابي الوااااضح ... في موضوع دارفور ..
نفس مايحمله المناضلون إياهم ...
...
محمد سليمان قريب جداً ح تشوفه ... أقلاها محافظ ولا معتمد عند أهله لووووووووول...
الخطوة المتوقعة بعد كده ... إعلان المصالحة .. ومن ثم الحالف وأخيراً الوحدة الكاملة بين الشعبي والوطني ...
ولا عزاء لبقية المعارضة ...
..
ياشفت .. أقترح عليك كـ زول مترشح لرئاسة الجمهورية .. تحسين علاقتك مع المحافظ الجديد ..
وأهو برضه .. لا لدنيا قد عملنا ...
.. |
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Tragie Mustafa)
|
ياوليد
إذا كنا نحن الجعليين لازلنا نجتر مرارة ماحدث بالمتمة وهو ماضى له أكثر من ١٥٠ سنة..
فما بالك بإنسان يرى أهله يلتحفون الأرض ويتغطون بالسماء وأطفال يموتون بسوء التغذية وحرائر يغتصبن ونحن نستهين بإحساسه فماذا تتوقع منه!
ياوليد
تخيل أن حيكم فى أمدرمان قد استبيح وقتل من قتل واغتصبت من أغتصبت وجئتنا فى هذا المنبر تحمل قضيتك وقابلناك بلغة المكاواة والإتهام بالمتاجرة ببنات حلتكم ونحن قبليا وجهويا ننتمى لمن فعلوا ذلك بحيكم ماذا سيكون ردك علينا.
وآخر القول: فى البوست تشفى سببه مناكفات سابقة لايليق بالشفت الذى أعرفه
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Balla Musa)
|
تحياتي يا أخ وليد
بعيدا عن الاتفاق أو الاختلاف مع الأخ محمد سليمان ، فإن عنوانك هذا :
| Quote: محمد سليمان بسبب تستيف الشنط لغرض العوده الى الخرطوم |
ليس راشدا. أرجو أن يكون نقدك مباشرا وموضوعيا.
محمد سليمان بشر يعتريه ما يعتري البشر .
لو راجعت مكتبة الاثنين الأسود لرأيت في أرشيف
من توافق كثيرا مما تنكر على من تخالف.
_______________________
نرجو أن يتحقق السلام والعدل لأهل دارفور .
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Balla Musa)
|
مرحب تاني يا دكتور
Quote: إذا كنا نحن الجعليين لازلنا نجتر مرارة ماحدث بالمتمة وهو ماضى له أكثر من ١٥٠ سنة..
فما بالك بإنسان يرى أهله يلتحفون الأرض ويتغطون بالسماء وأطفال يموتون بسوء التغذية وحرائر يغتصبن ونحن نستهين بإحساسه فماذا تتوقع منه! |
ما قلنا شي
واديناه العذة حين الصدمة
حديثي مع محمد سليمان كان اواخر العام 2004 وبداية العامة 2005
يعني سته سنوات
حتى الان لم اقرا له ما يبين انه رجع لرشده ووجه سهامه تجاه من ظلم اهل دارفور مباشرة
| Quote: تخيل أن حيكم فى أمدرمان قد استبيح وقتل من قتل واغتصبت من أغتصبت وجئتنا فى هذا المنبر تحمل قضيتك وقابلناك بلغة المكاواة والإتهام بالمتاجرة ببنات حلتكم ونحن قبليا وجهويا ننتمى لمن فعلوا ذلك بحيكم ماذا سيكون ردك علينا. |
ابدا يا بله ده ما حصل على الاقل مني
كلامي معاه كان واضحة
دارفور فيها ظلم معروف المتسبب فيه
قلت ليه نتكاتف لنزيح هذا الظلم عنها
قال لي مشكلتي ما مع نظام
مشكلتي معاكم انتم العرب
| Quote: وآخر القول: فى البوست تشفى سببه مناكفات سابقة لايليق بالشفت الذى أعرفه |
الموضوع اكبر من النكاف يا دكتور
ياتي محمد يقول انه كلامه كان في لحظة غضب او خلافه
وانه ما عنده مشكلة تجاه اتجاه جغرافي وينتهي كل شي
لكن يقول الكلام وما يتراجع عنه .. ده بعني اننا كلنا في الشمال تحت سهام وسموم محمد حتى الان وبدون سبب منطقي
ولا كلامي غلط
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Tragie Mustafa)
|
أم حازم ...
| Quote: صبي المؤتمر الوطني. |
ياخي دي بالغت فيها ....
عموماً أنا رديت ليك بهناك ...
..
أما عن | Quote: وساختك دي تلمها عليك...... |
دي أكيد ما ح أقدر أرد عليك فيها ...
لأسباب كتيييرة ... أقلاها معرفتي بيك وبمنقاوية - قبل تحوللك لمناضلة -
..
لكن كلامي الوجعك عن محمد سليمان ... ده ياهو الحاصل ... كان رضيتي كان أبيتي ...
وتاني بنقول ... زي ماكان عندك القدرة وتهرشي المناضل أياه بملفات الشعبي ...
صدقيني ... كلهم عندهم ملفات في الشعبي .. إلا من رحم ربي ... وهولاء قلة جديرون بالإحترام ...
وأهو بدأ البيع .. من هسع ... خليل رفع الراية ..
وبعد شوية كلللللهم ..
والبشير ونافع وخليل و...و... وح تنتهي قضية دارفور .. وقبلها قضية البلد كلها ...
ويظل الكيزان وقرفهم خانقين البلد ... كان وطني كان شعبي ...
...
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
وليــد
السـلام عليكم
عارف الشــنط وصلـت قبل التوقيع النهائي حتى
و ياخـوي دا ما يهـو سـوق أم دفســوا بتاع المؤتمر الوطني
يبيـع فيهـو أي شــئء وكل شـيئ و بارخص الأســعار جملة وقطاعي
وكل من يوقـع اتفاق ثنائي يقـول الباب مفتـوح وعلى البقية
اللحاق بالاتفاق
السـؤال هـل فعـلا اتفاق المؤتمر مع العدل والمسـاواة
خطـوة في اتجـاه الحـل النهائي لمشـكلة دارفـور ؟ واين موقـع
باقي الحركات ؟ وايـن باقي أهـل دارفـور واهل السـودان في الاتفاق دا؟
ما يزال المؤتمـر يمارس سـياسـية البيـع بالقطاعي , والسـاقية لســة مدورة
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: هاشم محمد الحسن عبدالله)
|
Quote: يا جماعة تخيلوا معاي
واحد جدو كان طباخ و مخبر للمستعمر البريطاني في ام دبيكرات و معارك اخرى
عشان كدا تمكن والده من استلام السلطة من قبل الانجليز عندما قرر الرحيل
استغل الوالد السلطة في بسط الظلم و القتل و التنكيل بالسودانيين في الغرب و الشرق و الجنوب و اقاصي الشمال
في النهاية يأتي الحفيد و بكل قوة عين يناطح ابناء الشهداء
لا بأس طالما ابناء الخونة و المخبرين هم من يكتب التاريخ |
لعناية بله موسى
عشان تامن بس
ده كتب الليلة الصباح
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
يا وليد طبعاً انا بتفق معاك فيما جئت به عن محمد سليمان
والبسوس رئيسة جمعية الصداقة السودانية الاسرائيلية
هؤلاء وقبل انال عضوية هذا المنبر الحر كنت اقرأ لهم
كلام يقشعر بدني له شعرة شعرة عن عدواتهما الصارخة لنا
في شمال السودان ونعتنا بالجلابة.
ادخلوا كرهاً عميقاً داخلي لهما (ستيف والبسوس)
يكتبون وهم يحتمون بأمريكا الضلال والقتل والتنكيل
لا يريان إلا ما يريدان أن يرياه فقط
امريكا تقتل باسم القاعدة وهما ابواق لها
امريكا قتلت العراقيين واليهود المناعيل يقتلون الفلسطينيين
وفي افغانستان وهما لا يريان كل هذا
الذين شردتهم الحرب في جنوب الوطن وفي دارفور جائوا واحتموا
بالجلابة في مناقطهم وعاشوا هم اسياد بلد
في القلب الكثير ضد ستيف والبسوس
واشكرك على هذه التسمية عليهما
الله يهديهما
الصادق
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: السمؤال بدرالدين)
|
السمؤل بدر الدين
عرفتك رجل صادق ماهذا الوحل الذي تخوض فيه؟؟؟؟
Quote: وليد
انت دكتور بلة ده جااادي
امثال محمد سليمان هو من اتي بمشكلة دارفور
سؤال
متي اشتعلت دارفور
بعد خروج محمد سليما ن ورهطة
والله حافظنكم حفظ |
اتقي الله بس عشان حجتك السابقه ما تبوظ
بتعرف شنو انت شخصيا عن شهادتك الانا عارفها كاذبه هنا وجاي تتقدم بيها؟؟
خليني من منو قال شنو...انت يا السمرل عمرك كم
ولما محمد سليمان مرق من السودان كان عمرك كم لو بتدعي بانك تعرفه؟؟؟
بس نشوف آخرة الاكاذيب دي وين؟؟؟
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
Quote: Quote: يا جماعة تخيلوا معاي
واحد جدو كان طباخ و مخبر للمستعمر البريطاني في ام دبيكرات و معارك اخرى
عشان كدا تمكن والده من استلام السلطة من قبل الانجليز عندما قرر الرحيل
استغل الوالد السلطة في بسط الظلم و القتل و التنكيل بالسودانيين في الغرب و الشرق و الجنوب و اقاصي الشمال
في النهاية يأتي الحفيد و بكل قوة عين يناطح ابناء الشهداء
لا بأس طالما ابناء الخونة و المخبرين هم من يكتب التاريخ |
تأمل عزيز بشاشا القارئ عقلية هذا المناضل!!!!!!
وسبق هذا الكلام ... أيضاً ... تهديده المباشر لـ دبي "الرئيس التشادي " بإحالته الى بيت أمه ...
إذا حاول إخراج د/خليل من تشاد !!!!!!!!!
...
...
ياخي عليك الله .. مين البقدم في خدمات جليله للكيزان في البورد ده ؟؟؟؟
نوعية المناضل ده هو نفسه ماعارف شايت على وين ؟؟
ده كل أسبوع عنده طبظه زي دي ...
...
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: محمد فرح)
|
ياوليد
أعطيك الحق كاملا فى الإختلاف معى أو مع محمد سليمان..
واتفق معك أن خطابنا جميعا يحتاج لانضباط..
إذا كنت متابع المنبر منذ بداية مشكلة دارفور كانت هنالك كتابات تصف نساء دارفور بأن ممارسة الفاحشة ليست بالغريبة عليهن وقد مال البعض على ذكر أشياء مثل (عيال إبرة ودرت) وامتدت الإستهانة بعرضهم الى جريدة الوفاق..
كل هذا ياوليد والدارفوريين مكتوين بنار الحرب والتشريد والقتل وفوق ذلك الإغتصاب..
لذلك أتى الخطاب الدارفورى الإسفيرى عنيفا وتبناه آخرون لديهم مراراتهم الخاصة بهم..
أنا بدورى إختلفت واتفقت معهم فى خطابهم ولكن مساحة التحمل يجب أن تكون أوسع لدينا منهم وذلك للمرارة التى يتجرعونها أهلهم الآن..
عندما أقول محمد سليمان قدم لقضيته مالم يقدمه أى قائد حركة مسلحة فى دارفور لايعنى أنه لم يخطئ فى هذا المنبر متابعا التيار المتشدد والمذرى بالغير الذى إختطه نفر من الشمال السياسى لشئ فى نفوسهم لاعلاقة له بإنسان دارفور.
المهم وانت إخترت أن تبدأ مشوارك السياسى فاعلم أن السياسى لايتمسك بالماضى كثيرا إلا فى حدود ماكان إيجابيا, لأن السياسة لها تقلباتها ويمكن لأعداء اليوم أن يصبحوا حلفاء الغد.
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Balla Musa)
|
الدكتور بله سلامات
نعم كان هناك كلام كتير في موضوع دارفور ده وكلام مخزي كمان .. وحينها انبرى نفر للدفاع عن نساء دارفور في ما وصفن به ظلما وقد كنت منهم.. وكتبت على ما اذكر حينها عن ان الاغتصاب ابلغ دليل على شرف المرأة .. لان المرأة اللعوب لا تغتصب ولكن يؤخذ منها طواعية .. وطالما ان ما اخذ منها اخذ غصبا فهذا دليل عفتها وعدم موافقتها على الفعل .. وفي نفس الوقت هو دليل ادانة للرجل على العموم من اغتصب ومن لم يدافع عن المرأة ...
حينما شط محمد سليمان كتبت له ان ما يفعله يحول الموضوع من قضية ضد نظام الى قضية ضد اتجاه جغرافي والخاسر سيكون اهل دارفور ... لانه بقصده لعموم اهل الشمال ووعده لهم بالويل والثبور لاشياء لم يفعلوها تجعلهم يقفون مع الضد دفاعا عن انفسهم .. وان ما يفعله يخدم النظام لانه سيوجد له قاعدة اساسها هولاء يقصدون المخطي والمصيب .. والتكتل هو المخرج من هذا
وقد كان هذا ودونك حال المنبر الان
قد يكون محمد سليمان عمل لمصلحة قضية دارفور خارجيا ... لكنه في نفس الوقت هو اكثر من اضر بها داخليا وافقدها موضوعيتها باتهامه الجائر لكل اهل الشمال بما حدث في دارفور ووعده لهم بالويلات
كلامك فيه شي من الصاح لو كانت مشكلة دارفور في اولها الان مر على حديثي مع محمد سليمان سته سنوات .. لم اقرا له خلالها اي اعتذار عنه فكرته في ان كل اهل الشمال مسئولين او حتى لم المس له مجرد تراجع عن تلك الفكره ...
اها وبعد كل هذه السنوات التي اتضح فيها كل شي .. ما هو سبب محمد الان في اتهامهه لجل اهل الشمال وتوجيه سهامه نحوهم ؟؟؟؟؟؟؟؟؟؟؟؟؟؟؟؟؟
_________________
بالنسبة لموضوع السياسة
ماني زول سياسة بشكلها السائد الان .. وما تقدمي للترشح الا لاسباب اولها اعلان احتجاجي وعدم اقتناعي بكل من في الساحة السياسية الان ... وثانيها خطوه عملية على ما ظللت انادي به الا وهو لابد وان يتقدم الجيل الجديد لاستلام زمام الامور على الاقل على سبيل التجربة طالما انه النخبة المسيطرة لم تقدم ما هو مفيد منذ الاستقلال وثالثها حتى احض من اعتقد انهم مؤهلون لامر كهذا اكثر مني ويقعدهم الخوف او العادة المتمثلة في عدم تجاوز الكبير والخضوع له على الدوام .. ولما لم يتقدم المؤهلين لم اجد بد من ان افعل هذا بنفسي حتى اكون منسجم مع قناعاتي
انا مقتنع تماما انه في ناس كتار يصلحون لهذا الامر اكثر مني
لكن يا بله احجموا وابوا
نسوي شنو عاد ؟
يا زول ده موضوع تاني بجي وكت الحديث عنه
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
| Quote: قد يكون محمد سليمان عمل لمصلحة قضية دارفور خارجيا ... لكنه في نفس الوقت هو اكثر من اضر بها داخليا |
وليد اولا سلامة الاسم
تانيا ما عارف الباشمهندس هو منو ولا يمكن يعمل شنو في امريكا لصالح اهل دارفور
كما كنت احد الذين شاربين انفسهم انا ومجموعة من مناضلي امريكا الشمالية واظن ذلك قبل وصول صاحبة الجلالة تراجي الي ارض الميعاد
ليس لدى شاهد اتذكره غير كوستاوي
وكنت احد المساهمين والموقعين في الورقة التي بناء الكونغرس استجوابه للترابي في رحلتة المشهورة لامريكا الشمالية وبني عليها استراتجية التعامل مع النظام الاسلامي في الخرطوم
و ..و....
وبعد ذلك رجعت الي الارض وعرفت حجمي الحقيقي
لا اظن كوني احد المعارضين لاول زيارة للبشير للامم التحدة وهروبه من الباب الخلفي من المبني
سيغير شي في السودان
واظن ذلك نفس مع حدث للباشمهندس
ما تشربو نفسكم ساي سياسة امريكا ما بيضعها زول مولود في الفاشر او نيالا او طوكر
وقضية دارفور ما بيضرها زول بيكتب في سودانيز اون لاين
واخي وليد بخصوص ترشحك اتمني انو عندك رصيد غير sol
واذا معتمد علي شفتنتك في البورد
خم وصر
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: محمد فرح)
|
| Quote: كل هذا العمل فى هذا البلد يحتاج لجهد ومال يدفعه محمد من حر ماله فى حين زعماء الحركات المهرولون الى الثروة والسلطة ينسون إنسان دارفور فى أول إتفاق جاد مع الحكومة.. |
الجميع يعلم يا سيد من هم ممولوا حملة محمد سليمان الخيانية ..
لعب محمد سليمان أقبح أدوار الخيانة لوطنه ..
والله لا يستحق أن يمشي على تراب السودان ..
هذا الرجل لا يكن أدنى مشاعر الانتماء للسودان ..
كتابات محمد سليمان عنصرية موغلة في الحقد والإقصاء ..
ويعتبر أي عربي جلابي عدواً لدوداً ..
وقد بلغ من الولوغ في الخيانة الوطنية ما يمثل عملية لحرق مراكبه ..
وجل ما كان أن يتمناه ويبشر به هو غزو السودان احتلال من قبل الغرب .. ثم إبادة العنصر العربي ..
الآن سوف يندم على تلك المواقف المخزية ..
إرشيفه مكدس بالمسافد وبيع الضمير ..
وصوره مع الجمعيات اليهودية .. وسدنة أسطورة المحرقة أيضاً يعج بها أرشيف المنبر ..
وليست الرعاية التي حظي بها من جمعيات ولوبيات الصهاينة في أمريكا هي أسوأ خياناته بل ما خفى أعظم ..
بارك الله فيك أخي وليد ..
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: ماجد حسون)
|
وليد يا شفت
البوست دا ما بيشبهك وفيهو تجني كتير على كتير من الناس
ولا اعتقد انك ممن يجتر المرارات ولا ينبغي لك .
أنا شخصيا دخلت في حوارات ساخنة مع الاخ محمد سليمان ؛ لم يتجاوز فيها حدود الاحترام
وهو انسان صاحب رقضية وليس مرتزق كما تقولون
واتهامه بالكوزنة اتضح انه مجرد افتراء ولم يثبته عليه احد
بعدين تعاملك مع اخونا محمد الحسن سليمان ما كان كريم
والراجل فعلا اتغير تقوم تسيئهو في بوستك عشان كدا ؟؟
والله انا ايضا حزين .
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Abdel Aati)
|
مرحب عادل عبد العاطي
ما مرارات يا عادل
لكن محمد يورينا انه عرف انه مشكلت دارفور سببها النظام موش كل اهل الشمال كما قال شابقا ولم يتراجع او يعتذر عن ذلك
معترفين انه محمد عمل لصالح قضيه دارفور خارجيا
لكن كمان اضر بيها داخليا وخاصة في المنبر ده
بالنسبة للحبشي
نعتذ يا حبشي على المخاشنة
متاسف فعلا
وما تزعل روحك ده محمد سليمان ساكت
وهو مبتدع هذا النهج الجاف والحاد في هذا المنبر
تحياتي
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: ماجد حسون)
|
الاخ وليد سلام يا فرده
خلاصه الكلام انو مشكله دارفور اظهرت كميه محترمه من الكراهيه تحمله مجموعه ان لم تكن الغالبيه فليست باي حال الاقليه
من اهل دارفور للشمالين,وكان الشي الطبيعي انو تكون في رده فعل, والدخل في القلب خلاص في القلب.
اليغيظ اكتر هو التهديد حانعمل ليكم وحا نفعل ليكم ونحن معانا امريكا, خلاص تعالو انتو وامريكتكم ورونا حا تعملو شنو.
وقسما مش لو وقعت الحكومه والعدل اتفاقيه الفي قلوبكم نحن عرفناهو ونشكركم عليه لانو كنا موهومين والفي قلوبنا حاتشوفوهو
لما تجيبو امريكا وتجوا.
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
الأخ وليد وضيوفه الكرام تحياتى
انا لا أعرف محمد سليمان الا من حلال كتاباته هنا .
كان جل كتاب هذا البورد يتعاطفون مع قضية دارفور .وكانت لزمن هى قضية البورد الأولى
ظهور محمد سليمان ومن نهج نهجه وتوجيهم سهامهم الى اهل الشمال قاطبة
ووصفهم بالجلابة من كان نصيرا للنظام ومن هم أشد عداءا منه للنظام .
فمحمد سليمان أعطى قضية دارفور بعدا عنصريا قبيحا وشوه قضيتهم العادلة .
وأعطى انطباع لقارئه ان المستهدف ليس النظام وحده ولكن كل شمالى بوصفه (( جلابى ))
فانرف عن القضية معظم مناصريها وقل تناولها فى البورد .
فرايى الشخصى ان محمد سليمان وشلته كانوا وبالا على قضية دارفور .
فهم افشل محاميين لقضية عادلة.
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: ود محجوب)
|
| Quote: وأعطى انطباع لقارئه ان المستهدف ليس النظام وحده ولكن كل شمالى بوصفه (( جلابى )) |
لالا ما انطباع
ده رائه الواضح والمباشر
وانا سالتع عنه هنا في المنبر ده بصورة مباشر وقلت ليه مشكلتكم مع نظام نتكاتف لنرفع الضيم عن اهلنا في دارفور
قال لي مشكلتنا ما مع نظان مشكلتنا معاكم انتو يا اهل الشمال او كما قال
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: وليد محمد المبارك)
|
الأخ العزيز السناتور وليد
تحياتي و سلامي
ياخي اسمح لي أن أختلف معك. و لكن قبل ذلك أتفق معك في بعض النقاط و هي أن الأخ محمد سليمان يتناول قضايا السودان عموما بطريقة تعميمية و غير سليمة و يفسر الكثير من القضايا بصورة عرقية هذا طبعا رأيي الخاص هذا بالإضافة إلى الحدة الزائدة في خطابه أحيانا مما يترتب عليه توجيه اتهامات غير ضرورية و غير صحيحة لمحاوريه.
أما خلافي معك فهو في تفسير مواقف الأخ محمد مثلا كلامك عن إنه حيدوه ياتو محلية مما يوحي بأن الأخ محمد يسعى وراء منفعة شخصية من وراء ما يبذله من جهد... أعلم يا وليد كما تعلم أن الأخ محمد يبذل ماله و زمنه لأجل قضية أهله في دارفور و لو تناسى محمد قضية دارفور لعاش هو و أولاده معيشة لا يحلم بها أكثر من 90% من الأمريكيين أنفسهم... محمد يسافر من ولاية لولاية و يصرف من ماله الخاص و يسهر الليالي يقابل هذا و يناقش هذا في بلاد الزمن فيها يقيم بالمال و في حالة شخص بتأهيل محمد هو مال كثير و لكنه استرخصه في خدمة قضايا أهله. بالنسبة لما ذكرته عن خلافي و خلاف الكثيرين مع محمد في طريقة تناوله لبعض القضايا فأنا مع احتفاظي بحق الخلاف أتفهم تماما السبب وراءه... فأنا و أنت و غيرنا يا وليد لنا تحفظاتنا و لنا مواقفنا من النظام... لكن مهما كان ما رأيناه فهو ليس كمن رأى دياره و القرى التي قضى فيها طفولته تحرق و تقصف بالأنتنوف... ليس كمن يرى أهله نزلاء في المعسكرات لسنوات و سنوات... نحن نرى صور ما يحدث في دارفور فتتقطع قلوبنا لما يحدث لكن مهما كان فوضعنا يختلف عن وضع من يعرف هذه القرى و أهلها قرية قرية... نأسى عندما نقرأ أرقام ضحايا الصراع لكن هناك ناس هذه الأرقام بالنسبة لهم أسماء فهذا عمه و هذه جدته و هذا ابن صديقه و هكذا. ما يحدث في دارفور يا وليد مأساة ينفطر لها كل قلب به روح و أنا واثق أن هذا هو إحساسك و لكن مهما كان إحساسنا فهو لن يكون كإحساس أبناء دارفور... لذلك أختلف مع الأخ محمد و لكني أعذره تماما فلا يعرف الشوق إلا من يكابده و لا الصبابة إلا من يعانيها. حقيقة ما يقوم به الأخ محمد هو جهد كبير و هو يفعله بإخلاص و تفاني و لا نملك إلا الدعاء أن يوفق الله الجميع لما فيه خير السودان و أهله و أن يتقبل كل الجهود المخلصة و يفرج هذا الكرب.
| |
|
|
|
|
|
|
|
|
|
Re: هل غياب محمد سليمان بسبب تستيف الشنط لغرض العوده الى الخرطوم (Re: Elawad)
|
الاخ العوض
تسلم على الرسالة الطويلة ... فيها كثير من الحق وفعلا المتضامن ليس كالمنكوي .. ما اختلفنا ... لكن ما يفعله محمد في هذا المنير في ظلم كبير لابرياء .. وهو بدرجة ما لا يختلف عن الظلم الذي يقترف في دارفور تجاه ابرياء ايضا مع حفظ الفوارق والاعتراف بها ...
من جرب الظلم يفترض ان يكون ابعد الناس من اقترافه في غيره لانه جربه ويعرف مرارته ... الان هي سته سنوات اعتقد انها كافية بالنسبة لشخص تصفونة بالثاقفة والعلم الغزير لمراجعة نفسه والتراجع عن بعض اخطائة ان كانت غير مقصوده .. اما ان كانت مقصود فمحمد سليمان عندي مثله مثل جلادية ظالم بالفطرة .. ولن نكون نحن مطية يفرغ فينا شحناته النفسية .. خصوصا وانه عينه على الفيل ويتتجاهله
عموما ختام مداخلتك هو ما ساختم به ردي .. أن يوفق الله الجميع لما فيه خير السودان و أهله و أن يتقبل كل الجهود المخلصة و يفرج هذا الكرب.
واتمنى ان اقرا لمحمد رؤية مختلفة عن اهل الشمال الابرياء عن دما دارفور
| |
|
|
|
|
|
|
| |
وليد محمد المبارك
Tragie Mustafa
Mohamed E. Seliaman
تولوس
هاشم محمد الحسن عبدالله
الصادق صديق سلمان
السمؤال بدرالدين
محمد فرح
walid shingrai
JAD
Abdel Aati
Abuelgasim Mohamed
ود محجوب
Elawad
doma
Nasruddin Al Basheer
فيس بوك
تويتر
انستقرام
يوتيوب
بنتيريست