|
|
 وا سجمكم.. و..وا رمادكم.. ام الحسين اتنفخت!
|
داك الليلة وانا راقد ومتشنقل علي قفاي... قعدت افكر في المنبر دا... لقيتو مطلوق سااااكت واتملا من ناس زعيط ومعيط.. علي ناس زعيط وميعيط الاصلهم فيهو.... اها الليلة بعد ما لقيت لي لابتوب... قلت افقعد اصاقرو كدي.. وان ما هنق حمار الخلاء اصلي ما امشي.... ناوي من حسي لعن شرقت شمش باكر انزل لي عشرة بوصطات البوصطي في"......" البوصطي...واحقص... قدر ما ينزل واحد لي تحت الحقو اتلافاهو وارفعو فوق.... اصلي ما وراي شي.. ولامي فيني وجع ضهر... والدكتور قال لي اخير لك الصنقّير.. ا....وبعدين نشوف الراجل اليجي ينقنق
وبعدين يا عاجبلكم الانتخابات اجلوها... اها داير ين تنضمو في شنو؟؟؟؟....والتعداد لغوهو.... والتسجيل ايضا كذلك الي ما بعد اتلغى....اها عاينو لها ام الحسين ما اتنفخت؟....
|
|
  
|
|
|
|
|
|
|
 Re: وا سجمكم.. و..وا رمادكم.. ام الحسين اتنفخت! (Re: Nasr)
|
| Quote: اها الليلة بعد ما لقيت لي لابتوب ... |
عشان كدا!!!
إنشاءالله ما تعدموا تاني
| Quote: وان ما هنق حمار الخلاء اصلي ما امشي |
أصلك ما تمشي تاني عليك الله ... كان هنق كان سكت
| Quote: ناوي من حسي لعن شرقت شمش باكر انزل لي عشرة بوصطات |
نزلن عشرين ولا يهمك .. نحنا لاقينك وين؟!!!
نورت البورد
| |
|
|
|
|
|
|
|
|
 Re: وا سجمكم.. و..وا رمادكم.. ام الحسين اتنفخت! (Re: منتصرمحمد زكى)
|
نصيحة لي الله خالقنا "يا الله هوي نحن عبيدك وأولاد إمائك وأولاد عبيدك"
سجيمان دي نصيحتي كان قبلت بيها أقبل بيها وكان ما قبلت بيها أعمل لي مسكول أصلها ما بقت تفرق معاي البلد دي كلها بتمسكل أول أمس القريبة دي سمع أضاني الخليفة ود محمد وهو من أعيان القرية يقول لي ودر الرشيدي وهو قارون قريتنا من كترة قروشو – اللهم لا حسد – يقولو بلا خجله مسكللو قلت نان إنتو وكت بتمسكلو نحن ناس تلاتين عشرة ديل نمشي بي كرعينا ولا ننتظر هدية شركة الإتصالات بمناسبة العميل رقم 10 مليون سوداني وخليك سوداني
أم الحسين إتنفشت وفي رواية أخرى إتنفخت والمعنى بين والله أعلم. يا أخي ساعدنا شوية بالألفاظ إنت قايل المنبر ده السيرفر حقو في شلعوها الجماعه ، دي في حتات بأمريكا زاااتا ما بقدر أكتبا وأنا العامل فيها ناقش إنجليزي وعندي بنطلون "جينزي" كمان ، عشان كده يا مان يسروا ولا تعسروا حتى لو كنت ليفتاوي من (leftist).
إعتبر مداخلتي دي هبشه لي "بوستيك" دا إلى الأعلى وهو ما عرفه الفرنجة في لغاتهم بمثل ما أنفك يزن في أضاني You scratch my back and I'll scratch yours أها نقعد نزازاي في بعض أنا وإنت ونكرش لامن تجيب الدم وأنا بيني وبينك دم زاتو ما فضل لي إن كرشت من هنا لغاية سنة أسكت أصلو سيطان البطان أيام الجاهلية الأولى ما تركت في ضهري نقطة دم فلا نامت أعين أولاد البندر – شفت جنس الحساده دي – سجيمان لاب توبك إن بقيتن هنق بكون شافلو شيطان وأخيرك تتحصن قبل ما تعمل LOG IN أصلو سيرفر بكري دي في بلد سموها الإيرانيين الشيطان الأكبر.
ولاب توبك دا شكيت اليوم الهداك عليهو على الله داير تبقي لي زي ودهباني يغتس الأسبوع كلو وقشة عينك يوم السبت من النوم تلقاهو مالي المنتدى بوستات لا بيعرف باندودث لا باندونج وكل عضعيض في الحيكومه وناسا وكان زول ما ردا عليهو براهو برد على رقبتو
تخريمة:
أكون طالبك كرشة ضهر وإن كرشتم كرشنا
| |
|
|
|
|
|
|
|
|
|
Re: وا سجمكم.. و..وا رمادكم.. ام الحسين اتنفخت! (Re: Nasr)
|
سيجمان يا اخوى دحين مسعول من الخير كديستك دى ما لقيت ليها طريقة تترشح بيها للبرلمان وانشاء الله رعاسة الجمهورية ما قالوا الترشيح ساهل بس تلم ليك شوية كم نفر كدا معاك وتدفع بس للمفوضية وطوالى يرشحوها ليك والرمز اختار المفراكة وبعد داك تعلن كديستك مبايعتها للبشير ومعاها الكم زول اللميتهم ديل ويجيبوك انت وكديستك فى التلفزيون واهم حاجة تاخدلك عرضة كدا بالمفراكة وعاد قالوا بجيهوك جنس جيهة وتانى يوم تجى راكب عربية اول موديل بس عادحلفتك بسيدى على ابجلابية وراجل كسلا عاد كان نسيتنى وما تاكل حقى انا الوريتك
| |
|
|
|
|
|
|
|
|
 Re: وا سجمكم.. و..وا رمادكم.. ام الحسين اتنفخت! (Re: سارة علي)
|
بوصطيناتك دي وقعت لي في قزازة ..آآآ ..قصدي إجازة
اها كل تماينة ساعات اجدع تابلت
عشان الموية غيرت معانا.. مرة كديسة ومرة أم حسين المتورمة
ومرة توت عنخ كافيار
وصدقني مافرقت كتير البوستات الخيالية والخقيقية ام خبرا غريب بالخيل
مرة شنو ومرة الشنو شنو والله لو ماقاعدين جنبي ناس الشنو شنو كنت قدرت اتكلمت بالواضح
اها
......
حرف الخاء والحاء اقراه صاح انا في اجازة وما لابس النظارة وما براجع كلامي الكتبتو اصلو هو خطاب زيادة راتب
| |
|
|
|
|
|
|
| |
سجيمان
بشير أحمد
GamarBoBa
سارة علي
Nasr
Hadeer Alzain
عمران حسن صالح
منتصرمحمد زكى
عبدالرحيم أبراهيم العبيد
almulaomar
رهف
MOHAMMED ELSHEIKH
معتصم مكاوي
فيس بوك
تويتر
انستقرام
يوتيوب
بنتيريست