|
جمعية كارهات الفاروق الخيرية ..!
|
وبما إنو تلاتة أرباع ناس المنبر بيلعب تحت الأربعين والخمسين وممكن عادي يكونوا براجعو مستوصفات مغربي لطب العيون عشان يعملوا عملية الموية بلونيها (أبيضها وأسودها) عشان كده بتوقع يقروها لي كاروهات والكاروهات في عالم الموضة تعني المربعات يقولوا ليك قميص كاروهات وبنطلون كاروهات ..هذا والله اعلم.. البقصدو انا الكارهات وبرضو ما أظن زول ممكن يفتكرني قاصد كارهات مفرد كاره(كارو بي لغة البندر) بينما هي كارا في لغة العوض وأهله وهي الحمار الذي يجر سيارته .. الجمعية دي لو قدر ليها وأقيمت وحددوا ليها فقط جنيه كل شهر تبرع من العضوات صدقوني المبالغ دي حا تكفي إطعام أطفال فلسطين وأطفال دارفور إضافة لي أطفال الأنابيب .. اكرر الجمعية مخصصة للنساء (ما البنات ) وانا متأكد الجمعية دي حا تنافس التجمع الكان امبارح في ارض المعارض مع البشير .. السادة الرجال أصبرو لحدي ما نشوف اداء جمعية كراهية الفاروق ووجع الطايوق وبعد داك نشوف لو حا نعمل ليها قسم رجالي او لأ.. مطلوب حالياً لقيام الجمعية رئيسة .. سكرتيرة عامة .. مستشارة المرأة لشؤون التأصيل.. داية ..(أقترح شمايل النور)..
تخريمة : ناس المحبة وكسير التلج الله يرضى عليكم ارخوني شوية الجمعية دي محتاجين ليها عشان نضيفها لي مجموعات العمل المدني..
|
|
|
|
|
|
|
|
Re: جمعية كارهات الفاروق الخيرية ..! (Re: محمد عبد الماجد الصايم)
|
Quote: مجموعات العمل المدني |
اسمها منظمات المجتمع المدني .. انت لو بتجي مخرج 18 كان بقيت مثقف ..
.. ..
اقترح تعديل اسم المنظمة ( الاورغنازيشن علي قولة حبوبتي ) .. الي ( نســــــــاء كارهات الفاروق بلا حدود الهولندية ) .. و أي واحدة تنضم الي هذه الجمعية تسفروها كادوقلي تشتغل في محو الامية ..
| |
|
|
|
|
|
|
Re: جمعية كارهات الفاروق الخيرية ..! (Re: محمد عبد الماجد الصايم)
|
ود الفاستنق: ياخ زمان كان بيجيني حميدة بعد المس كول.. أسة بقيت تجيني إنت.. الغريبة بدووون مس كول ..
تخريمة : شل شل شل ..كبي لي جالون .. وشل شل شل مااا بكب ليك .. والبابور جاااز خلو الليشتغل الشغل البي جاز خلو الليشتغل.. وفي تسني ..خلو الليشتغل .. حاول يلعب بي.. خلو الليشتغل..
| |
|
|
|
|
|
|
Re: جمعية كارهات الفاروق الخيرية ..! (Re: محمد عبد الماجد الصايم)
|
عاطف يا عمر: الكجين ده بيدخل مرات في باب الهظار والمزاح وبيقبل انصاف الحلول ممكن الليلة يكجنك بكرة فجأة كده يرتاح ليك عشان كده صدقني الكجين هنا ما بيجيب حقو .. غايتو يدك معانا نشوف لينا كلمة أجمل وأشمل من الكراهية من نوع امقته وأبغضه وأمتعط (ولا هي أمتعض؟ ما بعرف)..
حميدة يا حبوب: ياخ انت طلعت زول سااااي ..أسة عليك الله فرقك من عثمان ضييق شنو ؟ بقيت لافي في الحفلات سااااااااااي وقاشر ليك قشرة بتاعت زول من العصر متظبط للحفلة دي.. الحالة قلت ما جاي؟ يعني لو كنت ناااوي الجية من بدري كان لبست ليهم فنيلة بوما من محلات الفالح؟ معذا عذرناهو فرحااان أول مرة يعرس إنت مالك ؟ :)
نوبي يا قريييبك : إنت كابوس وين صحي؟ يكون مشى يجيب مرتو تسجل في الجمعية ؟
| |
|
|
|
|
|
|
Re: جمعية كارهات الفاروق الخيرية ..! (Re: عمر الفاروق)
|
Quote: جمعية كارهات الفاروق الخيرية ..! |
قصدك مكجنات وليس كارهات
الكجنة هى الكلمة الدارجة للبغض
والكجنة والبغض هما أشد درجات الكراهية
_____________________
تحياتي وسلامات الفاروق عمر
حأجيك راجع في الصفحة الرابعة لهذا البوست
| |
|
|
|
|
|
|
Re: جمعية كارهات الفاروق الخيرية ..! (Re: ابو جهينة)
|
يكرهوووك الحاقدين بس
والله انت احلى زول يكتب كلام يفش الغبينة
ويشد عضلات القلب بس دا لا يعني على الاطلاق
مرات بتجلي وعموما مامن فرااااغ الشهرة متاعب
ياعمر ياولدنا والبورد ما كلو حسنات .
...........................................حجر.
| |
|
|
|
|
|
|
Re: جمعية كارهات الفاروق الخيرية ..! (Re: صديق الموج)
|
ياعمنا صديق مشتاقين والله ودي قلبت فيها هوبة عديل كده
Quote: ممكن تعمل لينا فرع معجبين بالمكجنات عمر الفاروغ سجلنى اول واحد لوسمحت وقرط على كده،،، |
وأنا معجب بالمعجب بالمكجنات حبيبنا عمر الفاروق
سؤال لعمنا ود الموج: هو عمر ده مالو نفسو قائم كده مع البنيات؟؟
| |
|
|
|
|
|
|
Re: جمعية كارهات الفاروق الخيرية ..! (Re: Maawya Hussein)
|
Quote: عجبني ود الصايم السبق حميده دا الليله :) |
عندنا واحد صاحبنا يا معاوية زمان لمن كنا طلبة مفلسين والموبايلات كانت جديدة اها دا كان عندو تقنيات عجيبة في قبض المسكولات اخر تقنية اتذكر جابها ، كان بجيب معاهو رادي ويخت جمبو الموبايل اول ما الرادي يجيب صوت طقطقة بكون خت اصبعو على الزر الاخضر بتاع الموبايل
| |
|
|
|
|
|
|
Re: جمعية كارهات الفاروق الخيرية ..! (Re: Balla Musa)
|
يا رشا : ياخ الروحو ما رياضية منو البيكتب مداخلة ووشها الأخدر بيضحك مدردق ولا البيكتب مداخلتو صاااري وبيقرا مداخلات الناس جااادي ..ياخ خلاص ولااا تزعلي إنتي بريئة براءة الذئب من دم يوسف
شمايل النوووور يااااعمممممممممممك : والله كان أنابيب ما بعرفو ليك !!ياخ إنتي تبع ناس مسلسل الجوارح ديلك ولادات الحبل والطشاتا وما بعيد تكوني النوع البيطلع الشارع يفتش شافع يرسلو دكان حسيب يجيب صابونة فنيك وصابونة غسيل أبو فيل
عزاز ال شامي : ياخ انا مش قلت ليك إنتي أحسن زول ؟ اها فعلاً كلامك صاح خيرية وفاروق ما بيتلمو اللهم إلا خيرية الفي مسلسل طائر العش للمخرج اسامة انور عكاشة .. بس كمان زي ما انتي عارفة الزول مرات ما بيعرف الخير جاييهو من وين ؟
| |
|
|
|
|
|
|
Re: جمعية كارهات الفاروق الخيرية ..! (Re: Balla Musa)
|
دينا خالد : اها إنتي واحدة من الناس الواحد كان بيتاوق ويدو في قلبو تجي تسجلي أو إن شاء الله تبدي تضامن ساااااي مع الجمعية دي.. تسجيلك في الجمعية دي فعلاً حا يحقق أرباح خيالية وحا نتم كل الأعمال الخيرية على عكس ما توقعت عزاز فمجرد تسجيلك بيضمن إنو الجمعية حا تتحول لي جمعية مختلطة ورجال المنبر ماشاء الله عليهم لو اديناك كبون فيهو الف تذكرة خيرية قيمة التذكرة مليون جنيه الكبون حا يكمل قبل كبون بتاع المرور .. بعدين يا اللخت كلامك ده انا حا اعتبرو كلام يمرقو من الذاكرة (مش برة الذاكرة ) حقتك دي..
سارة علي: ياخ والله بالغتي ..انا ميادة سيييم سيييم صديق؟؟؟ غايتو البتوقعو وجه التشابه بيناتنا إنو لو ميادة عملت جميعة الكارهين (على وزن المانحين) فممكن تضرب جميعتنا براااااحة ..:) ياخ إنتي الأولى والله ..شيلي كيس موز ..الوحيدة الجيتي قلتي رأيك صراحة وعبرتي عن إعجابك الضمني :) يا زولة ابقي مارقة توتي نفر والسفر ..
وليد يا مبارك : رفقاً بي القوارير ياخ ..:)
| |
|
|
|
|
|
|
Re: جمعية كارهات الفاروق الخيرية ..! (Re: شمائل النور)
|
Quote: محمد عبدالرحمن..! بالغت لكن..
انا قويت بيك قلبي..لووووووووووووووووووول |
يارشا ...
غبيانة ساكت ...بينى وبينك كنت متيقن لكن لقيت ليك الناس جادة كدا ... قلت اعمل زغبير ..مع العلم بانو انا عندى خط رجعة (برانى) ...تانى ماتمشى بى وراى ...
| |
|
|
|
|
|
|
Re: جمعية كارهات الفاروق الخيرية ..! (Re: بشير جبريل علي)
|
تعرف يا ريس المسطول سألوهو قالوا ليهو الثعلب بيلد ولا بيبييض؟ قال ليهم هو أصلاص بيلد لكن لأنو مكار ممكن تتوقع منو أييي شي.. اها شوفت نحن اطفال انابيبنا ديل اتوقع منهم ياكلوا بي أي وسيلة حتى لو بي الكارو :)
الرفاعي يا حبوب: غايتو كلامك ده كلام قرابة ونسب ساااااااااااااااااااااااااي ..هيييييييييييييييييع عقييت منك يا الخالة ..
ابقوتة : والله يا اخوي الحنكشة ماااا خايلة فيك إشكلك من النوع الزمان بيجي يقعد قدااااام التلفزيون حق جيرانهم ويصفق وهو بيحضر في الكورة : عايزين قيينااان ..عايزيين قييينااان
بشير : ياخ شكراً للدعم والمساندة ..
صديق الموج : والله تصدق قريتا الكمنجات ؟ بالله هي المكجنات ؟
رشا سالم :
Quote: ان كانت كراهية الفاروغ جريمة..فليشهد التاريخ اني مجرمة |
أبشرك التاريخ إعتبرك مجرمة من يوم طرحتي نفسك دكتورة
| |
|
|
|
|
|
|
Re: جمعية كارهات الفاروق الخيرية ..! (Re: عمر الفاروق)
|
الله يخلي طارق نقد اداني الجكت .. اصلو الايام دي بقى مرطب و بخت ليهو جكت في العربية التقول لاحق ليهو ميتنغ .. المهم .. حضرنا و الله عشان عزومة الرجال .. و ابشرك ادوني ورد و سندوتش بيرقر شيكن و بيبسي .. داير اموت اكتر من كداا ..
| |
|
|
|
|
|
|
Re: جمعية كارهات الفاروق الخيرية ..! (Re: عزاز شامي)
|
ساشغل منصب رئيس الجمعية وايضا السكرتير العام والخاص والمالية وفى واحده ما كارهه الفاروق هنا ؟؟ ح نبدل بيك العده والريس ما نوريغا .. انت عديل كدا كنت تفتح بوست تقول يا معشر فتيات البوست اى الصبايا وكبر اللفه قول باستثناء النسوان .. انا مصالحكن هسه الكلام دا بخجل ؟؟؟ اضرب لى داليا دى تلفون .. وصالحها خلى اضانك بى وين البتعمل فيهو دا .. قول ليها يوم شاكلتك دا اعتبريهو يوم برة الذاكرة .. از سيمبل از ذات ..
ــــــــــــــــــــ هو انت فى زول بقدر يقعد معاك فى جمعية ولا فى كارو .؟؟ صلعه ،، ولسان ،، وفلس ،، وعدم حمام و اقول اقول اقووووول ؟ ياخ انت زول برة الذاكرة .. ما تفرفر ساى !
| |
|
|
|
|
|
|
Re: جمعية كارهات الفاروق الخيرية ..! (Re: دينا خالد)
|
مافي شئ بيكره فيك الا موسيقتك التصويرية دي ااااااااااااا تتتتتتتتتتتتت ننننننننننننننن ووووووووووووووووووووووووو سسسسسسسسسسسسس ااااااااااااااااااا
خليت لي ميادة شنو؟؟؟ مرة مرتين ممكن لكن ما تابيسا....
ــــــــــــــــــــــــــــــــــــــــ نهايتو...انا ما كارهاك..اذن انا متخارجة من هنا..
| |
|
|
|
|
|
|
Re: جمعية كارهات الفاروق الخيرية ..! (Re: اساسي)
|
سلامات يا عمر زمان كان عندنا نظرية معاي صاحبي ناذر الخليفة ... الا وهي .. تكون فاتح ليكـ بوست (كما هي حالة صديقي عمر الآن) .. يقوم يجي زول يعمل ليهو مداخلة زي دندونتي : بعد داكـ بيكون البوست محتاج لي ونش (Crane) عشان يترفع بيهو ..
شايف في حالتكـ دي اساسي و تيسير عووضة حاولو شوية..
و قد تنجح وقد لا تنجح .. لأنه ممكن واحد أشتر يجي يزيدها ليكـ زيادة .. و يلّحق البوست الونش ده
| |
|
|
|
|
|
|
|