|
المتواجدون الآن ...! المساهرين ليها شنو ؟
|
Quote: Abdalla mohamed »ABDELMAGID ABDELMAGID »Abdulrahman Eldaw »adam khatir »Afraa Sanad »Ahmed al Qurashi »Elbagir Osman »Elmoiz Abunura »Elmuiz Haggaz »Emad Abdulla »GamarBoBa »Hadeer Alzain »heba Elmahi »ihsan fagiri »Kamal Karrar »Mohamed Elboshra »Mohamed Foto7li »Mohammed Haroun »rani »Rawia »saadeldin abdelrahman »Saifeldin Gibreel »salah ismail »Shawgi Sulaiman »Shiraz Abdelhai »smart_ana2001 »tasneem »WAD ELGAALI#4 »أبو عبيدة البصاص »أبوبكر حامد الأمين »أسامة الفضل »أمين محمد سليمان »أيمن جبارة الله الخضر »ابو جهينة »احمد خليل »ادريس خليفة علم الهدي »ادم عيسى »ارصد محمد جلال »اسماعيل عمر ابراهيم »السر صديق محمد »الشامي الحبر عبدالوهاب »النذير الطاهر عثمان »انتصار محمد صالخ بشير »بهاء بكري »حمد فتح الرحمن »حواء سليمان ابراهيم »خالد كيبا »خضر حسين خليل »د.امام الصديق عبد المعطى »د.محمد بابكر »د.محمد حسن »سليمان عبدالرسول »سيف اليزل برعي البدوي »عاطف رميتي »عاطف عبدون »عاطف مكاوى »عبد الحكيم نصر »عبد الحميد البرنس »عبدالعزيز الفاضلابى »عبدالكريم الامين احمد »عبدالوهاب علي الحاج »عزان سعيد »عصمت العالم »عمار عبدالله عبدالرحمن »عمر دفع الله »عمر صديق »فيصل عثمان الحسن »فيصل محمد رشوان »قاسم المهداوى »قيقراوي »كمال سالم »كمال عباس »كمال علي الزين »كمال مبارك »محمد الجزولي »محمد الشيخ أرباب »محمد على حسن »مزمل خيرى »منصوري »نبيل عبد الرحيم »نجلاء سيد أحمد »ندى عثمان حسن »نصار »ود الباوقة »ود محجوب »يحيى العوض |
|
|
|
|
|
|
|
|
Re: المتواجدون الآن ...! المساهرين ليها شنو ؟ (Re: أمين محمد سليمان)
|
. . . خضر حسين الذي احب
تعرف والله العظيم بعد الاكشن بتاع الاون الـ4 اول
قلت ياربي انا من ياتو مجموعه لقيت اني في الاصل جيت هنا قاري ليس
الا وحقيقه في الاونه الاخيره الحته بتاعت القراية دي تاهت مني شويه
لانو بالجد كل واحد تتكسر في كتابتو يدخل في بيات شتوي طويل ونحنا عيونا
تنفطم من القراية اها الليله بعد قعاد زي نص ساعه وانا بعاين في النماس الماليه الصفحة الاولى دي
غلبني ادخل على واحد فيهم ماعارف ليه قمت مشيت الحضور زيييك كده واقتبست
Quote: (73 )عضو و (1117) ضيف |
وكان نفسي اسال سؤال واحد ليهم كلهم : انا زول بتاع قراية بستمتع بكل انواع الكتابه
وقلت الروب من قراية السياسة والمتشابهات منها وعاوز تاني امتع نفسي بالدهشة
حتى ولو من المكتبات ياريت تدوني اسملء كتاب اتابعهم او بوستات اقراها
لان مهما كنت لصيق بهذا المنبر ستكون مطالعتك له انتقائية ....
ومازال الليل طفل يحبو
البصاص
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: HAIDER ALZAIN)
|
حيدر: انا قاطع سجاير بالله خمس ندي: طبعا انتي جمعة وسبت اجازة..غايتو اتمني الله يديك مشوار سواقة من بداية الامارات لقطر كدة خضر: تمرين شنو يازول بعد السهر ده..بكرة بقيف في القون انا امين نوتة: الدول العلمانية هي التي توفر التكنلوجيا للمسلمين وتساهر بهم ..انها سياسة مرسومة من اليهود لقتل الشباب العربي المسل
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: HAIDER ALZAIN)
|
في عز الليل ساعة النسمة ترتاح على هدب الدغش و تنوم أنا مساهر هد الحيل غرامك و أجترار الذكرى و طيفك بي خيالي يحوم أنا مساهر انا و الليل و مر جفاك مساهرين نحكي للأفلاك مساهرين لا خلصت حكاوينا لا لقينا البداوينا يا مشهيني طعم النوم و طيفك بي خيالي يحوم يا هاجر سنين مرت و مرو سنين
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: محمد الشيخ أرباب)
|
ياخضر ,, مساك نور ,,
يأخ إنت المصحيك شنو ؟ مش الليله مفروض تنوم بدرى عشان بكره تكون فى المقدمه ؟ يأخ أبوساندرا سافـر ليهو يومين عشان يحضر المناسبه دى , وهسه تلقاهو صلى العشاء وشرب اللبن ونام . أمشى نوم عليك دينك ,, عشان الحركات دى ناس الجبهه حكمونا 20 سنه .
أما أنا والله الليله مسهرنى هشام هبانى ! أصلها دى مواعيدو البجى فيها ,, منتظروا عايز أشوف الحركه البرص بيها بوستاتو وراء بعض دى بيعملها كيف !
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: محمد الشيخ أرباب)
|
كدي نديكم الغنية دي كغنية في شكل خلفية لانو كنت بسمع فيها ونجي لأقون خلقه دي
بالله يا خدركة الميدان كله ما بلاوز مني ياخ قول لندي كدة
يا نوتة..ارفع البنزين عن الشويعيين بالله
يا باوقة ما تتضايق..عملتك ديك كعععععععبة..بالغت فيها..ياخي انا خجلان لانو خشيت البوست ذاتو اها شنو قولك؟
يا حيدر خلي ماهر محمد صالح يحكي ليك حكاية الشافع المغترب الكان بشرب ميريت في الجمعية والراجل الكبير قال ليه القدرك بشركوا للقمرية في البلد انت شايل ليك علبة ميريت في جيبك اطمنك لقيت باقي برنجي ناشف
___ بوست ما عنده سيد بتعريفة انا لله..وده ليل غريب مرة
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: خالد جادين)
|
ههههه سلامات خضر. الساعة هنا عشرة يادوب...جدادة أنا ياخ أنوم من هسا? لكن والله طالما سألت إلا أجاوبك...والله شادى لى فول من جيت من الشغل الساعة ستة يا دوب نجض...قلت أسمع لى غناء حبة وآكل فولى هذا وأتخمد أنوم أها بتحاوم هنا من هيهات ملاسي لى مقال جابوه قالو من سودان(فوق)اول قال شنو كاتبه قال مفروض الناس تصوت لى الصادق!!! عليك الله هسا لو مثقفين سودان فوق اول بصوتوا لى الصادق نحن نبقى طالبان يعنى?
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: خضر حسين خليل)
|
'اديك آخر اخبار الحباسات يا خضر ...،،،
صا حبك الحامي ( ياسر ) سقط سقوط مريع في شغلة الحباسات دي .... - بقي تِفل -
أساساً المنتجع والخرطوم ما نافع ..
قصر الدما م- يعععععععععععع
بقي احسن زول جمب مطعم دنقلا - ترزي بيفصل على المقاس تمام التمام وجلابيتو ما بتخيب .. لووووول ....
اها التعاسي بتغلبهم المسافة ويجبرهم الدرب يرجعو لصاحبنا المحامي :)
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: خالد جادين)
|
يا بوبا الذي بالمؤامره Quote: امين نوتة: الدول العلمانية هي التي توفر التكنلوجيا للمسلمين وتساهر بهم ..انها سياسة مرسومة من اليهود لقتل الشباب العربي المسل |
الدول العلمانية هي التي توفر التكنلوجيا للمسلمين حشاها من المؤامرات ، ديل الشيوعيين يا بوبا البعملو كده ! هسي إنت قايل خضر ده فتح البوست ده ساي كان ما داير يغطي علي فضيحة الحزب الشيوعي الباع حلايب للمصريين و إستلم تمنها دهب و عبيد ؟!!
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: أمين محمد سليمان)
|
Quote: يا أبوي كنساس دي شعارها نسر اصلع (ريشو ) محتوت يعني بدون ريش وإلا كيف ؟!
|
الطريفي كانسس دي شعارها الصباح و رايتها : عظمتان... وجُمجُمَه !! كانسس أخذت شعارها و رايتها من قول سيدي أمل الذي نحسبه في جنات عدن :
أيها الواقفون على حافّة المذبحه أشهروا الأسلحه! سقط الموتُ; وانْفَرَطَ القلبُ كالمسبحهْ والدم انساب فوق الوشاح! المنازل أضرحَه, والزنازن أضْرحَهْ فارفعوا الأسلحه واتبعوني! أنا ندم الغد والبارحه رايتي: عظمتان... وجُمجُمَه وشعاري: الصباح.
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: أمين محمد سليمان)
|
Quote: أيها الواقفون على حافّة المذبحه أشهروا الأسلحه! سقط الموتُ; وانْفَرَطَ القلبُ كالمسبحهْ والدم انساب فوق الوشاح! المنازل أضرحَه, والزنازن أضْرحَهْ فارفعوا الأسلحه واتبعوني! أنا ندم الغد والبارحه رايتي: عظمتان... وجُمجُمَه وشعاري: الصباح. |
يا الله .. يا الله .. اموت في سيدي امل القائل :
- 1 -
كلَّ صَباح..
أفتحُ الصنبورَ في إرهاقْ
مُغتسِلاً في مائِه الرقْراقْ
فيسقُطُ الماءُ على يدي.. دَمَا!
وعِندما..
أجلسُ للطّعام.. مُرغما:
أبصرُ في دوائِر الأطباقْ
جماجِماً..
جماجِماً..
مفغورةَ الأفواهِ والأَحداقْ!!
- 2 -
أحفظُ رأسي في الخزائنِ الحديديّهْ
وعندما أبدأُ رِحلتي النهاريّة
أحمل في مكانِها.. مذياعا!
(أنشرُ حوليَ البياناتِ الحماسيّةَ.. والصُّدَاعا)
وبعد أن أعودَ في خِتامِ جولتي المسائيّة
أحملُ في مكان رأسي الحقيقيّه:
.. قنّينيةَ الخمرِ الزُجاجيّه!
أعودُ مخموراً الى بيتيَ..
في الليلِ الأخيرْ
يوقفُني الشرْطيُّ في الشّارع.. للشُّبْهه
يوقفُني.. برهه!
وبعد أن أرشُوَهُ.. أواصل المسير!
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: أمين محمد سليمان)
|
Quote: تنوم وين يا زول ؟! والله يا الشيوعيين !! ياخي إنتو بعد ماجبتو الإنقاذ و سندتم عودها و عذبتم الناس و شردتوهم و بعتو حلايب و فصلتو الجنوب و كتلتو الناس في دارفور و في بيوت الاشباح : عندك نفس تنوم ؟ |
لو عثرت بغلة في ......
غايتو الله يكون في عون الشيوعيين يا امين
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: ندى عثمان حسن)
|
يا ندي وانا المجنن شنو غير امين وحيدر ديل
خايف اجي بكرة القي البوست إنبثق منو بوستين تلاتة
(سمعتي نكتة انبثقت وين زاتو ماعارفين) المهم
أخوكي قاطع تمباك ماشي اشوف لي سفة سفتين من جارنا زول كويس ومتعاون معاي في مسائل الكيف
غايتو بنجيكم لو ماسكانا كلب متوحش
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: خضر حسين خليل)
|
بمناسبة محمود عبدالعزيز ده ، عندي كلام شاغلني جدا و لي زمن ما قادر اقولو ذاتو ما عارف خجلا ولا خوفا : أنا ما زول بتاع غناء و مزازيك ، لكن دايما - كان بتخيل لي - إنو عندي أذن موسيقيه بمعني إنو لو إنطربت لغناء بكون لانو الأغنيه جد سمحه : أنا محمود عبدالعزيز ده أصلا ما بتكيف لغناهو و دايما بتخيل لي إنو ببشتن الغناء ، و دي ما المشكله الحا يجيب لي (البل ): المشكله إنو أنا شايف إنو مصطفي سيد أحمد عليه رحمة الله ما قدر الجوطه و الهليله العاملنها ليهو و إنو الموضوع كلو محض hype عاملنو الشيوعيين و اليساريين عموما (شفت كيف يا خضر ) و اضفو عليهو و علي فنو قداسه ، حتي صار عمر نقدو أشبه بالرده !
---------- بالله يا أخوانا ارفقو بي في الرد !!
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: أمين محمد سليمان)
|
Quote: بمناسبة محمود عبدالعزيز ده ، عندي كلام شاغلني جدا و لي زمن ما قادر اقولو ذاتو ما عارف خجلا ولا خوفا : أنا ما زول بتاع غناء و مزازيك ، لكن دايما - كان بتخيل لي - إنو عندي أذن موسيقيه بمعني إنو لو إنطربت لغناء بكون لانو الأغنيه جد سمحه : أنا محمود عبدالعزيز ده أصلا ما بتكيف لغناهو و دايما بتخيل لي إنو ببشتن الغناء ، و دي ما المشكله الحا يجيب لي (البل ): المشكله إنو أنا شايف إنو مصطفي سيد أحمد عليه رحمة الله ما قدر الجوطه و الهليله العاملنها ليهو و إنو الموضوع كلو محض hype عاملنو الشيوعيين و اليساريين عموما (شفت كيف يا خضر ) و اضفو عليهو و علي فنو قداسه ، حتي صار عمر نقدو أشبه بالرده !
|
طابور تلاتاشر عديل انت يا امين
اسمعني انت حمور خالك ولا انت خال حمور ولا منو فيكم خال التاني
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: ندى عثمان حسن)
|
خضر المسنوح ,,, كيفينك يا طيب ,,, فاتح الابتوب واقرأ في ونستكم وأتبسم ساكت جنبي واحد من أولاد العم سام
متحكر يعاين لي سسسساكت ,اكيد يقول الزول ده فاطي سطر. بمناسبة الصعوط والله يا خضر شايل في عربيتي 40 رطل
وانا ما بسف وما حقي بالله ده ما محنه . كان كنت قريب والله ما ببخل عليك بي رطل رطلين منه وكان أمين بسف حظه .
سلامل كل للصاحين ,,, ويا قمر بوبه والله مشتاقين كتيييييييييييييييييييييييييييييييييييييييير.
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: GamarBoBa)
|
الواحد أولاً يؤسفه ابلاغكم انو مالقي سفه عند جارنا وبالتالي حأشوف جارنا التاني
ثانياً : الواحد كان مفكر يعيد تأهيل البوست ده لكن انا شايف بعد كلام قمر الاخير عن الجن والموش عارف ايه ما ببقي قدامنا حل سوي الكلام القالو كمال كرار .... التجاني الماحي نفر والسفر
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: GamarBoBa)
|
Quote: يا قمر بوبا , انا ما فى اللستة لكن ده الوقت الوحيييد الخالى نقة بالاحرى ناس النقة ناموا قببببييييييل وجه ضاحك خالد جادين |
يا خالد كنت عايز أسأل حيدر في بوست حقه عن النقة في موضوع ما عنده علاقة ببوست حقه عشان يديني كبسولة عن الحاصل الايام دي في موضة اسمها سودان فور اول واي زول عايز يكتب 100 سطر وبعتقد انو في ناس حتقرا ليهم والحاصل انه البكتب هو بس البقرا لنفسه ما غيره مافي زول فاضي لزول بالجدالنقة روحتنا وانا اخر مفكر قريت ليه في وكت فراغ كان اسمه اسبينوزا ايام الثانوي فقدت اسبينوزا في قرايتي الحديثة المستعجلة واخوك لما يلقي عشرة سطور نقة وما مرقمات بقي ما يمش عليهم حتي لو في صورة البروفايل سلاف فواخرجي مشيها يا جادين القصة من زمااان حابكة ..ما حبكت هسة
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: Kamal Karrar)
|
Quote: هسي يا المعز انت ما بتبالغ في زول بشد فول يوم الخميس طيب الكوارع دي حتشدها متين؟ |
كوارع وين تنسينا العديل والزين, ما خلاص عفت الديار محلها فمقامها بمنى تأبد غولها فرجامها.
Quote: أنا شايف إنو مصطفي سيد أحمد عليه رحمة الله ما قدر الجوطه و الهليله العاملنها ليهو |
أمين كدى ياخى قبل ما تستعدل لينا رأينا فى مصطفى أستعدل راسك دا بتجيك فليتة زينب أخدر (بصيرة حلتنا) ما تمرقها ليك!!!
إيقاعكم سريع ياخ عاينوا لى أخوانكم البلقطوا الحروف بى الماوس ديل..
| |
|
|
|
|
|
|
Re: المتواجدون الآن ...! المساهرين ليها شنو ؟ (Re: خضر حسين خليل)
|
يا جماعة بالبجد كدة .. يؤسفني ان ابلغكم كامل التضامن مع خضر حسين ... حيث انه لم يجد سفة تقيه شؤر باقي هذا اليوم ....
يا خدر ،،،،، ماذا نقول !! احسن الله عزاءكم في شفتكم وجزاكم خير الجزاء من صعوط ود الجمري :)
ـــــــــــــــــــــ كيسين مدغلبات تحت مخدة سري بخاري .. هههههههههههههههههه
| |
|
|
|
|
|
|
| |