|
|
|
 Re: اصدقائي الذين بسودانيز ( احتاجكم بشدة ) (Re: عبد اللطيف بكري أحمد)
|
Quote:
أعمل شرح وافي لبرنامجك الإنتخابي
مترشح وين؟
مترشح لشنو؟
الوعود الإنتخابية شنو؟
الدعم العايزو شكلو شنو؟ مادي ؟ معنوي؟؟؟ |
والله يا عبداللطيف أسئلتك منطقية
لكن وكت يجاوبها ليك ياسر أخوي ده يكونوا الناس حلفوا القسم
وراح الرواح ...
نجلاء سيد أحمد ألحقي ياسر أخةك بفيديو فيديويين بنوبك ثواب
بيناوي ... حقاً أنت محل ثقتنا ... ونحن معك ... وندعمك مادياً ومعنوياً
إنت تأمر وخليك من ناس تبلدينا البرجوازيين ديل نحن دايرنك كادح
| |
  
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: Ahmed musa)
|
Quote: بيناوي ... حقاً أنت محل ثقتنا ... ونحن معك ... وندعمك مادياً ومعنوياً
إنت تأمر وخليك من ناس تبلدينا البرجوازيين ديل نحن دايرنك كادح |
يديك العافية يااحمد موسي ياخي
بالجد انت من الناس الماقصروا معاي
وجميلك دا في رقبتي ليوم الدين
تسلم والله
لكنبخصوص اسئلة العزيز عبد اللطيف انا اصلا جاوبتها مسبقا
في بوست اخر وختيت الرابط حقو في ردي ليهو
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: ياسر بيناوي)
|
..
.
Quote: والله ياتبلدينا دا القدرنا نعملو
وانا شخصيا لا اري في القفر مايمنع من الترشح والفوز كمان
خالص الود |
ا زول قال انت فقير .. وليس بالامر المعيب
ولكنها تسمى آليات العمل او المرحلة ..
فلا تتحسس ..
ما علينا ..
---------
برضو خليك جادى
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: Tabaldina)
|
يللا ياناس التصميم دي الصورة
والرمز كرة القدم
والشعار ( التغيير يبدأ من هنا )
ياسر بيناوي
مرشح مستقل
الدائرة 1 نهر النيل ( ابوحمد )
قومي
ومن اجل الشباب
ومن اجل الصحة
ومن اجل التعليم
ومن اجل مناهضة السدود
ومن اجل الحياة الكريمة لمواطن المنطقة
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: Tabaldina)
|
حبيبنا تبلدينا
Quote: ا زول قال انت فقير .. وليس بالامر المعيب
ولكنها تسمى آليات العمل او المرحلة ..
فلا تتحسس ..
ما علينا ..
---------
برضو خليك جادى |
يازول انا والله فقير ولاخجلان منهاولامتحسس بالعكس
وفعلا الرقم دا في حدود امكانياتي
مع انو عارف انو اليات المرحلة تتطلب غير
اها ياخوي انا وريتك البير وغطاها
بعد كدة اعمل شنو اقع البحر يعني
اما موضوع الجدية دا بالجد انا ماعارف الماجادي في كلامي داشنو .. ؟
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: محمد زكريا)
|
Quote: اخ ياسر بيناوي
انت كنت الوحيد من بورداب الخرطوم والذي استقبلني عندما كنت بينكم وعزمتني عند حليوه
وردا لهذا الجميل سادعمكم من كل قلبي
وربنا يوفقكم للفوز
تحياتي |
حبيبنا محمد زكريا
ياخ نحن قمنا بالواجب وبس ونيابة عن بورداب الخرطوم
وبالجد كنت سعيد بيك
وياخي بالجد دعمك اثلج صدري
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: ياسر بيناوي)
|
قلبي معك ,,,
ارسلت ايميل لعدد من اصدقائي في من اهالي ابوحمد , ضمنته رابط برنامجك الانتخابي , وهذا البوست ,,
ليتفاكروا فيه ,,,
____________
بخصوصي انا مقاطع الانتخابات ..
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: عمار عبدالله عبدالرحمن)
|
Quote: قلبي معك ,,,
ارسلت ايميل لعدد من اصدقائي في من اهالي ابوحمد , ضمنته رابط برنامجك الانتخابي , وهذا البوست ,,
ليتفاكروا فيه ,,,
____________
بخصوصي انا مقاطع الانتخابات |
يديك العافية ياعمار ياخ
والله مابتقصر
وبرضو احترم بشدة رايكم في مقاطعة الانتخابات
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: عمار عبدالله عبدالرحمن)
|
يا ياسر
مساء النور
انا طبعا كنت كتبت ليك في بوست انت رفعته وعاتبت فيه محمد اي سليمان
وختيت ليك رأيي
لكن عموما يا ياسر محمدة كبيرة وموقف واضح نشجعك عليه جداً انك اوضحت للناس عدم قدرتك لتمويل حملتك الانتخابية واللي سلفا اي زول عارف انو المسألة كبيرة
في حاجة بسيطة عايزك تعملها وتجي تختها في البوست ده اللهي تكلفة تقريبية للحملة بدأ من سفرياتك للشمال بشكل كويس يعني لانكروزرات مؤجرة وغيره الي تكلفة الميديا بلان (راديو ، صحف،مطبوعات الخ)
والناس لما تتخت ليها رقم بعد داك بتقدر تتحرك او تساهم علي ضوء الرقم
اتمني من الجميع دعم الاخ ياسر ماديا والعنده كلمة حسنة برضو يقولها بتدعمه خطوات لقدام
اتمني ان يمر بالبوست حيدر الزين ويشوف ناس البورد في الشرقية لانو انا بعرفهم وعشت بيناتهم
واحد من شباب الرياض برضو
ناس الدوحة أميرة
ناس الامارات برضو
في الخرطوم بتحرك ليك وسط البورداب الانا بعرفهم لانو اجتماعيا في بورداب الخرطوم اكاد اكون غير متفاعل
اوربا الشباب كتار فيها
الوقوف مع ياسر ودعمه بعلي بيناتنا قيمة بتاعة تضامن مع بعض والاكتر من كدة انو عشمه فينا ده والله المفروض ما يمر ساي
ليك التحية يا ياسر والله الموفق.
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: ياسر بيناوي)
|
عارف يا ياسر لي فترة كلما تجي سيرة الانتخابات طوالي بحكي للناس تجربتك وشناب
وبقدر إعتزازي بحركتم دي بصراحة كنت شايل ليكم هم لمعرفتي التامة بكم كشباب
صادقين في طرحكم . إحترمتك أكثر من أي وقت مضي وأنت تناشد مروءة الأصدقاء وكل
مؤمن بقضيتكم . أقول قضيتكم لأن مجرد التفكير في النزول في إنتخابات كهذه قضية
كبيرة . إحترامي كان في الأساس يا صديقي نابع من ختتك للكورة واطة والحديث بشفافية
نادرة بل لم أشاهدها في الساحة السياسية فالمرشحن يعدون فقط أما أنت وقفت الي جانب
ضميرك وكتبت ما كتبت لقناعتك التامة أنك فعلاً تنتمي للمسحوقين مسلكاً لا منجهة
يازول ثق إنني معك قلباً وقالباً . حار أمنياتي يا ياسر بالتوفيق .
وكلام قمر ده ما ترميهو واطة
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: خضر حسين خليل)
|
Quote: إحترامي كان في الأساس يا صديقي نابع من ختتك للكورة واطة والحديث بشفافية
نادرة بل لم أشاهدها في الساحة السياسية فالمرشحن يعدون فقط أما أنت وقفت الي جانب
ضميرك وكتبت ما كتبت لقناعتك التامة أنك فعلاً تنتمي للمسحوقين مسلكاً لا منجهة
يازول ثق إنني معك قلباً وقالباً . حار أمنياتي يا ياسر بالتوفيق .
وكلام قمر ده ما ترميهو واطة |
والله ياخدر اخوي واثق من وفقتك معاي لاني بعرفك ماك زول نية
وبالجد كلام قمر دا ريحني تب واصلي ماني راميهو واطا
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: ياسر بيناوي)
|
تصور مبدئي لتكلفة الحملة
الحملة عبارة عن 3 جولات في المنطقة
الجولة الاولي لتوزيع البوسترات وتشكيل اللجان
الجولة للدعوة للندوة الكبري
الجولة الثالة لمتابعة الصناديق
الاحتياجات :
عدد 10 الف بوستر لتغطية المنطقة بمبلغ الف جنيه
ايجار 3 عربات لمدة خمسة ايام لتوزيع البوسترات وتشكيل اللجان بمبلغ 30 الف
ايجار6 عربات للحشد للندوة بمبلغ 2الف
ايجار 6 عربات لنقل المواطنين لصناديق الاختراع بمبلغ 20 الف
ايجار عربة لمدة 45 يوم لمتابعة الحملة 10 الف
تكلفة قيام ندوة بمدينة ابوحمد 6 الف
تكاليف عبور البنطونات حوالي 3الف
واتصالات واشياء اخري 8 الف
الاجمالي 80الف جنيه
ماعارف نسيت حاجة وللا لا
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: مزمل خيرى)
|
احييييييي انا يامزمل خيري فرصة زي دي فيك الواحد ما بيلقاها بالساهل
وانا راجيها لي زمن
لكن للاسف جاتني وانا خاشي في دور مرشح جاااااادي والله كان ماكدي
كان رديت ليك رد رباطاب اصلي
اقلاها كان قلت ليك لا بالفتيحاب
لكن نسوي شنو
قسم غايتو
علي العموم 80 الف جنيه بالجديد
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: معاوية عوض الكريم)
|
ندعو لك من داخل قلوبنا بالتوفيق أخ بيناوي .. ولا تنسي أن الله قال في مُحكم تنزيله فيما معناه (إنما أمره إذا أراد شئ أن يقول له كُن فيكون).
____
إنت ما مُصاحب تنظيم جماعة "اللستة الكيزانية" اللي معاك في الخرطوم ولا شنو..!
ديل أمنجية و معاهم قروش.. وشايف في جزء جا مرة من هنا وضحكو وفاتو ساكت
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: GamarBoBa)
|
Quote: ياسر
لو في سكة راجع الارقام دي مع شركة ليموزين بالذات البند رقم 2 ورقم خمسة |
جدا يا قمرنا
وطبعا دا اصلا كلام مبدئي مع احدي الشركات خصوصا لمن عرفو طبيعة المنطقة وانو الطريق المعبد يغطي فقط25 في المائة من المنطقة
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: احمد محمد بشير)
|
احمد محمد البشير
ونعم بالله
Quote: إنت ما مُصاحب تنظيم جماعة "اللستة الكيزانية" اللي معاك في الخرطوم ولا شنو..!
ديل أمنجية و معاهم قروش.. وشايف في جزء جا مرة من هنا وضحكو وفاتو ساكت |
والله يامحمد انا اصلا بتعامل مع الانسان وضد الراي والموقف الاعوج
علي من زاويتي انا
اها غايتو مما جيت المنبر دا ماحصل عاديت لي زول
وساعة الجد ببقي جادي جدا وموافقي واضحة
وساعة الهزل انا معروف زول هظار
واكيد الاصحاب الواحد بيعرفم ساعة الحارة
خالص الود
| |
|
|
|
|
|
|
|
|
|
Re: اصدقائي الذين بسودانيز ( احتاجكم بشدة ) (Re: ياسر بيناوي)
|
| Quote: Re: اصدقائي الذين بسودانيز ( احتاجكم بشدة ) |
الله يعينك يا زول
بس انا ما لقيت لي مترشح يدير وقتوا كل فى المنبر والانترنت
خليط جادي وشادي
لان الجماعة الانت مترشح ضدهم ديل بكونوا شعالين ليك كواديك سايد
عشان يشغول بالمنبر
والنصيحة التانية اعمل ليك مشرف يتابع ليك كل ما يدور فى النت
وفي الاخير اعمل حسابك من ناس الفقراء والكواديك
| |
|
|
|
|
|
|
| |
ياسر بيناوي
moaz elsir
مزمل خيرى
نجلاء سيد أحمد
Ahmed musa
naeem ali
محمد زكريا
عمار عبدالله عبدالرحمن
GamarBoBa
خضر حسين خليل
معاوية عوض الكريم
احمد محمد بشير
ذواليد سليمان مصطفى
عفاف الصادق بابكر
khaleel
فيس بوك
تويتر
انستقرام
يوتيوب
بنتيريست