فار سكران نام جنب قطه ميتة ... لمافاق قال أنا عارف نفسي لما اسكر بفتري
------------------
بخيل حلم إنه بيوزع فلوسه علي الفقراء، لما صحي قال أبقي عيل لو نمت تاني ...
------------------
إتنين مساطيل .. واحد سأل التانى إنت أقرع ليه !! قاله من الزمن .. قاله ماتبقاش تحلق عنده تانى
------------------
غبي راح يخطب واحدة ..
أبوها قاله : البنت لسه في المدرسة ...
قاله خلاص آجي بالليل ..
------------------ مسطول قاعد يمتحن جاله سؤال ضع (إنّ) في جمله ... كتب: اشتريت موبايل "إنّ سبعين"
------------------
عريس مسطول على الآخر في يوم فرحه.. بعد المعازيم ما مشيو دخل البيت لقي العروسة قاعدة.. قال : والله أنا كنت عارف إنهم في الهيصة دي حينسوا حد !
-------------------
واحدة ماشية مع حبيبها بتقوله قولى كلمة تخلى قلبى يدق .. قالها أبوكى ماشى ورانا ...
-------------------
واحد قبل ما يموت جمع أولاده التلاتة وحب يوصيهم عشان يكونوا يد واحدة .. قام عطى لكبيرهم عود خشب علشان يكسره قام كسره بسهولة ... اعطاه اثنين كسرهم بسهولة ... اعطاه خمسين عود كسرهم بسهولة ... قالهم طالما معاكم البغل ده مفيش خوف عليكم ..
---------------------- اتصل مندوب التعداد في أحد البيوت هاتفيا وقال ألو : هل أنت من أهل البيت ؟ .... رد عليه الرجل : لا أنا من كفار قريش ...
-------------------
اثنين خرجو من الامتحان واحد بيقول للثانى : عملت ايه فى الامتحان قاله : اسكت! أنا سبت الورقه فاضيه .. قاله : الله يخرب بيتك ها يفتكرونا غاشين من بعض ..
------------------- اتنين راكبين عربية ومسرعة فالاول بيقول للتانى خلى بالك قدامك شجرة –بعد شوية دخلوا فى الشجرة وانجرحوا فالاول بيقول للتانى عمال اقولك خلى بالك قدامك شجرة قدامك شجرة وانت ولا كأنك سامعنى رد التانى وقاله وهو انا اللى كنت سايق!! -------------------
اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
-------------------
واحد محشش وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم
-------------------
تلاتة محششين راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يصرخ و يصوت رد الثالث قال له صاحبك راسه طارت ماسمعناش صوته وانت اًُُُُلى ايدك طارت عامل دوشه!!!!!!!
-------------------
مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فنادى القهوجي على اللى بيحضر الطلبات وقال ... وعندك واحد بيرة في فنجان شاي علشان ابوه ماياخدش باله وصلحووووووووووووو...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة