|
|
|
 Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
أعيش نكبة الكترونية أبطالهاالاخوة اعلاهم
نبدأ بزين كونكت
الايام القليلة الماضية التصفح عن طريق زين كونكت اصبح عذاب الله اكبر
وزين تمتلك اكثر انظمة الكول سنتر غباء واستهتار بالمواطن السوداني الذي يعاني اصلا...تتجول في في قوائم الـ IVR الغبية لترد لك ان كنت تريد الخدمات فادخل رقم 2 وان كنت تريد المنتجات فاسبقها بنجمه ان كنت تبحث عن تمرجي فضلا ادخل الرقم 16 إذا اردت أن تستمع لاليسا ولا ايمان لندن فاضعط اي رقم ولا تجد قائمة واحدة تنقلك بالبركة او حسن النية لتفش غلك مع موظف الكول سنتر...
اليوم ذهبت لاسدد فاتورة الهاتف فإغتنمت وسألت موظفة التحصيل ان خدمة زين كونكنت سيئة للتأكد ان كانت المشكلة خاصة بي فردت بعفوية وبدون اي تعقيدات ولا تلوين للكلام أن الخدمة يا سيد يا جيد يا الكلك صلعة كدة ان الخدمة (كعبة) ودي مشكله عامة. فخرجت منهم وانا ابتسم فتلك المودمزيل ذكرتني بأحد الاطباء (بلدياتي) عمل فرن وسلمه لزول تفتيحة بتاع سوق. فغاب الشخص المسئول لساعات وجلس الطبيب ليبيع الرغيف للمواطنين.
أول زبون جا خاشي سأله قال ليه في عيش فرد ليه قال ليه في عيش لكن والله الليلة كعب خلاص
إذن المشكلة عامة
| |
 
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
نجي للاخ سونق مهاجم مانشيستر يوناتد القدامي هسة
او كما تطلق عليها شركات المحمول الـSame Song لانها تموت في التقليد
في وحدة من افشل الصفقات والخاسرة علي الإطلاق امتلكت جهاز سامسونق D980 ابوشريحتين
وصدق اهلنا عندما لقبوا اكثر شخص كضاب عندنا بابو شريحيتين
المهم الجهاز اشتغل معاي الشهر الاول زي الحلاوة...قام في واحد زملانا عنده علاقة بسوداني اقنعني انو اخت شريحة سوداني وجاب لي رقم مش بطال قمت قشطت الشريحة في الشباك التاني
شوية وعينك ما تشوف الا النور
يعلق بعد فتح الخط في الثانية 9
او يخليك تتكلم دقيتين و23 ثانية بالضبط ويعلق
شلت الضمان (الانترناشونال) والذي يسري علي الوكيل
لتواجهني مودمزيل تانية بمشكلة عامة اخري،ما عرفت انا ذاتي مشاكل عامة ولا المدموزيلات بحبوا يكبروا الموضوع
المهم قالت المشكلة من سوداني ون
قلت ليها رميت الشريحة والمشكلة قائمة واتفلسفت علي قالت لي ركب اريبا وجرب،قلت ليها ياخي انا ما طالب وما بحب بالليل عشان اركب اريبا
ووريتها انو انا حاولت احدث السوفت وير من موقع سامسونق فإذا بها تنط وتقول لي السوفت داك ما اصلي
الله
قلت ليها كيف يعني قالت ده بختوه الهكر....مودمزيل ماعندها فكرة خالص
وقلت ليها الجهاز ده مسئولين منه انتو مسئولين من الخير ،قالت لي اصلا لو عملنا ليه صيانة ذاتو حنشيل حقنا كاش لانو نحن ما اديناك الجهاز ده وببساطة ومن تربيزة في نص السوق تضرب بكل قوانين التجارة العالمية وحماية المستهلك بعرض الحائط خليك من صورة الشركة عند المستهلك والحنك البش بتاع التسويق داك
وقالت لي امشي لناس سوداني ون خليهم هما يحلوا المشكلة دي مع سامسونق
بالله شوفوا الوكيل الاونطة ده
طيب انا مواطن سوداني امشي امثل شركة سامسونق لدي سوداني عشان يحلوا المشكلة دي مش؟ياخي ده منصب رفيع المستوي عديل.
طلعت الشريحة واشتغلت بالـ GSM فقط والمشكلة قائمة فرجعتها
اخش موقع سامسونق يقول لي الفيرشن العندك آخر فيرشن وما حنعمل ليك اوفر رايت
المهم الداير موبايل سامسونق من الموديل اعلاه وحبيبته منجضاه وعايز جهاز يعلق حاضرين والداير القلم البأشروا بيه مجانا لانو ما عنده عزا برضو حاضرين
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
نجي للاخ سونق مهاجم مانشيستر يوناتد القدامي هسة
او كما تطلق عليها شركات المحمول الـSame Song لانها تموت في التقليد
في وحدة من افشل الصفقات والخاسرة علي الإطلاق امتلكت جهاز سامسونق D980 ابوشريحتين
وصدق اهلنا عندما لقبوا اكثر شخص كضاب عندنا بابو شريحيتين
المهم الجهاز اشتغل معاي الشهر الاول زي الحلاوة...قام في واحد زملانا عنده علاقة بسوداني اقنعني انو اخت شريحة سوداني وجاب لي رقم مش بطال قمت قشطت الشريحة في الشباك التاني
شوية وعينك ما تشوف الا النور
يعلق بعد فتح الخط في الثانية 9
او يخليك تتكلم دقيتين و23 ثانية بالضبط ويعلق
شلت الضمان (الانترناشونال) والذي يسري علي الوكيل
لتواجهني مودمزيل تانية بمشكلة عامة اخري،ما عرفت انا ذاتي مشاكل عامة ولا المدموزيلات بحبوا يكبروا الموضوع
المهم قالت المشكلة من سوداني ون
قلت ليها رميت الشريحة والمشكلة قائمة واتفلسفت علي قالت لي ركب اريبا وجرب،قلت ليها ياخي انا ما طالب وما بحب بالليل عشان اركب اريبا
ووريتها انو انا حاولت احدث السوفت وير من موقع سامسونق فإذا بها تنط وتقول لي السوفت داك ما اصلي
الله
قلت ليها كيف يعني قالت ده بختوه الهكر....مودمزيل ماعندها فكرة خالص
وقلت ليها الجهاز ده مسئولين منه انتو مسئولين من الخير ،قالت لي اصلا لو عملنا ليه صيانة ذاتو حنشيل حقنا كاش لانو نحن ما اديناك الجهاز ده وببساطة ومن تربيزة في نص السوق تضرب بكل قوانين التجارة العالمية وحماية المستهلك بعرض الحائط خليك من صورة الشركة عند المستهلك والحنك البش بتاع التسويق داك
وقالت لي امشي لناس سوداني ون خليهم هما يحلوا المشكلة دي مع سامسونق
بالله شوفوا الوكيل الاونطة ده
طيب انا مواطن سوداني امشي امثل شركة سامسونق لدي سوداني عشان يحلوا المشكلة دي مش؟ياخي ده منصب رفيع المستوي عديل.
طلعت الشريحة واشتغلت بالـ GSM فقط والمشكلة قائمة فرجعتها
اخش موقع سامسونق يقول لي الفيرشن العندك آخر فيرشن وما حنعمل ليك اوفر رايت
المهم الداير موبايل سامسونق من الموديل اعلاه وحبيبته منجضاه وعايز جهاز يعلق حاضرين والداير القلم البأشروا بيه مجانا لانو ما عنده عزا برضو حاضرين
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
الاخوة المحامين الفي بورد ولا بتصفحوا
علي من يأنس في نفسه الكفاءة ان يطبع البوست ويتوجه لاقرب محكمة ملكية فكرية/جرائم انترنت/نشر/شرعي/جنائي/مدني/احوال شخشية/حماية مستهلك وسنمده بعدد واحد جهاز معلق بضمانه تبرأ منه الوكيل وشريحة سوداني وارد الصحافات وشهادة ميلادي ونشأتي في بلد المليون خازوق والاتعاب 50/50 من توتال التعويضات
وشكرا
محمد فرح هو بالله الخبر بتاع الكهربا اداك ليه اسامة عبدالله كان.....يا مان علي كدة الهظار معاك ممكن يعوق ويمكن يسكونا زاتو
| |
|
|
|
|
|
|
|
|
 Re: لعناية الإخـــــــوة : زين كونكت ،سامسونق موبايل، سوداني ون (Re: عبدالوهاب علي الحاج)
|
ياقمر,
كتابه ساخره وممتعه,
المقالب الأخدتها دي كلنا اكتوينا بيها زيك,
عن نفسي ناس "سوداني" وروني تماما انهم ما بحترموا السوداني,
ومثلوا معاي فصل من أبيخ فصول 2009 "تعيسة الذكر",
حتي طلّقتهم طلقه بائنه واشتريت دماغي,
واشتكيتهم لي الله كما فعلت ..
شوف ياسيدي,
حسب خبرتي المتواضعه:
في الانترنت عليك بكنار,
بيحترموا الزبون جدا, وقمه في النظام والانضباط ..
في التلفونات, لايناسب السودان غير نوكيا,
ولو انه في خطتي العشريه للعام 2010 "الله يكفينا شرو" اني أشتري I Phone
لأنه يبدو لي ناجح برضو في السودان,
سوداني ون ديل شنو؟
المهم نصيحتي الأخيره عليك بالواسطه,
أي مودموازيل من المذكورات أعلاه,
ماكانت حتعمم المشكله لو انك من معارف شخص ما .. عندو شوية غلاوه عندها !
تاني شنووو؟
أيوه,
أنا قلت ليك انو كتابتك ممتعه؟
| |
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
أماني
مساء الخير
بالنسبة لشركات الانترنت يشهد الله جربتهم كلهم ومافي وحدة عندها ميزة علي التانية بما فيهم كنار
شركات بتآكل اموالنا دون وجه حق والهيئة القومية للاتصالات بتتفرج علينا ساي والدولة تشيل مننا نحن 20% ضرائيب ولا بتسأل الناس دي الحاصل عليها شنو
بالنسبة للموبايلات انا من بدر ضد فكرة اشيل موبايل بقيمة عالية لانو روحت واتسرقت اجهزة كتيرة
الجهاز يكون فيه تقنيات بسيطة ممكن استفيد منها لما اتضايق في ذاكرة وشكله يكون مقبول شوية
بالنسبة للـ اي فون في بداية اصدارته اتمنيت اشيله لكن كان فيه مشاكل تعريب فقمت رخيت البرنامج
والجهاز المعاي ده زاتو جاني في حسابات هالكة لو ما كدة ما كنت اتورطت
الماركات انا بكره جدا النوكياب ..في سوني اريكسون وسيمنز ديل ناسي.
تحياتي اماني
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
يانوبي
ياخي ديل جوبقوك جوبيق بطال خلاص
ياخي ده ضحكني جدا والله
__
اديك نصيحة مجرب شوف ديل:servage.net ديل لي معاهم قريب تلاتة سنة السعة خرافية الداتا بيز برضو كميات ضخمة فيرشوال هوست مية مية دومينات غير محدود في السعة الكبيرة..يعني الموقع ممكن يكلفك 15 دولار بتاع الدومين فقط وعندهم بروموشون لما تعمل ريفيلار بديك شهرين مجاني و75 قيقا اضافية ليك وللموقع الجابك ليهم..بعد فترة بتكتشف انو موقعك الاصلي ماشي معاك مجانا
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: معتصم ود الجمام)
|
Quote: يا عمك
انت البوست ده ذاتوو بعلق ولا شنو
المداخلات اتنين اتنين وجع يتكلم بشريحتين انت الفلقصة العليك شنو ؟
ويا صديقي تحايا كتيرة ليك |
ده بوست اب شريحتين
ياخي نعمل شنو ؟ مع الانترنيت
لكن مع الموبايل اديك الحل الناجع من البصاص
شفت فتش ليك موبايل بتاع 50 جنيه داك لانها كلها في النهايه
بتوصلك بالاخر والداتا بتاعت عليك بفلاش الماااااني وادرعو في رقبتك
واها كل اسبوعين لو ضيعت الموبايل ما بتكون خسرانه معاك ...
عني وصلت لي موبايل من موتريلا رغم انه موبايلاتهم محموده
انا وقعت ليك في واحد كده من زمن قفا نبك لكن من الوكيل ذاااتو
هسي بقى لي زي مركوب ابوالقاسم الطنبوري يمين يروح مني تلاته يوم
برضو يرجعوا لي لحدي ما ولفت عليهو امشي في دربي
البصاص
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: أبو عبيدة البصاص)
|
تعرف يا بصاص
قبل كدة سرقوا مني جهاز في السعودية من المكتب زعلت زعل شديد
بعديه مشيت جبت نوكيا ابو انتنا داك البشبه الوكي توكي داك وشاشته مكسورة
ياخ كان قمة المتعة
تنساه في تحت في خدمة العملاء يجيبوه ليك فوق براهم
تمش بنك يضربوا ليك تعال شيل الطاحونة دي
في النهاية الدير غير لي الجهاز بقرار جمهوري انو مافي موظف ممكن يكون شايل ليه جهاز زي ده وبتعامل مع شركات تانية
المشكلة في السودان ده تشيل موبايل نص كم كدة ممكن وانت قاعد في صينية الغدا في عزاء او عرس يقوم يقولوا ليك امش من الصيوان ده..ناس بتوعين فارغة ساي
بالجنبة كدة:
في سؤال سألتك ليه في بوست ياسر بيناوي بتاع محمد اي سيلمان شايفك ما رديت عليه او بالاحري انت سألتني سؤال وانا ما فهمته
تحياتي
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
ياخي بطل الموبايلات وجيب ثابت شفت نوع التلفون القديم بتاع البوسته عندنا
البيفركوه بالجنبة كده وكفي الله المؤمنين القتال
وتانيا والعياذ بالله الموبايل بيجيب امراض زيه زي التدخين
وتالتا علم الناس الكضب واحد قاعد في البيت تقول ليهو انت وين
يقول ليك والله هسه وصلت جوبا!!!
يلا بلا بايل بلا ما بايل اهو كله في النهاية قرف
| |
|
|
|
|
|
|
|
|
|
Re: لعناية الإخـــــــوة : زين كونكت ،سامسونق موبايل، سوداني ون (Re: GamarBoBa)
|
Quote: يانوبي
ياخي ديل جوبقوك جوبيق بطال خلاص
ياخي ده ضحكني جدا والله
__
اديك نصيحة مجرب شوف ديل:servage.net ديل لي معاهم قريب تلاتة سنة السعة خرافية الداتا بيز برضو كميات ضخمة فيرشوال هوست مية مية دومينات غير محدود في السعة الكبيرة..يعني الموقع ممكن يكلفك 15 دولار بتاع الدومين فقط وعندهم بروموشون لما تعمل ريفيلار بديك شهرين مجاني و75 قيقا اضافية ليك وللموقع الجابك ليهم..بعد فترة بتكتشف انو موقعك الاصلي ماشي معاك مجانا |
لوووووووووووووووووووووووووووول
و تاني
لوووووووووووووووووووووووووووول
والله والله الحوار الفوق ده من ( سوداني )
قلت ليهم ختو لي إيميلي ده في بروفايلي عشان تجيني فاتورة تلفوني فيهو
تخيل الرد بتاع الـ customer service الفوق ده
_
الكلام الكتبت فيهو رسالتي ده موقعهم
بتدخل برقم المستخدم و رقم سري بيدوكـ ليهو !
يعني مفروض هو عارف و فاهم إنت بتتكلم عن شنو !
| |
|
|
|
|
|
|
| |
GamarBoBa
مزمل خيرى
محمد فرح
شول اشوانق دينق
عبدالوهاب علي الحاج
فيصل نوبي
ممدوح أبارو
معتصم ود الجمام
أبو عبيدة البصاص
ذواليد سليمان مصطفى
عبد الحكيم نصر
فيس بوك
تويتر
انستقرام
يوتيوب
بنتيريست